ANNESS II

“ANNESS XL

Struzzjonijiet għad-divulgazzjoni tar-riskji tal-ESG

L-istituzzjonijiet għandhom jiżvelaw l-informazzjoni msemmija fl-Artikolu 449a tar-Regolament (UE) Nru 575/2013 billi jsegwu l-istruzzjonijiet ipprovduti f’dan l-Anness. L-istruzzjonijiet għandhom jintużaw sabiex jimtlew it-tabelli u l-mudelli li huma stabbiliti fl-Anness XXXIX ta’ dan ir-Regolament.

Għall-finijiet ta’ dawn l-istruzzjonijiet, it-termini li ġejjin għandhom jinftiehmu kif ġej:

(a)

“riskji ambjentali, soċjali jew ta’ governanza (ESG)” tfisser ir-riskju ta’ telf li jirriżulta minn kwalunkwe impatt finanzjarju negattiv fuq l-istituzzjoni li jirriżulta mill-impatti kurrenti jew prospettivi tal-fatturi ambjentali, soċjali jew ta’ governanza (ESG) fuq il-kontropartijiet jew fuq l-assi investiti tal-istituzzjoni;

(b)

“riskju ambjentali” tfisser ir-riskju ta’ telf li jinħoloq minn kwalunkwe impatt finanzjarju negattiv fuq l-istituzzjoni li jirriżulta mill-impatti kurrenti jew prospettivi tal-fatturi ambjentali fuq il-kontropartijiet jew fuq l-assi investiti tal-istituzzjoni, inklużi fatturi relatati mat-tranżizzjoni lejn l-objettivi ambjentali li ġejjin:

(i)	il-mitigazzjoni tat-tibdil fil-klima;

(ii)	l-adattament għat-tibdil fil-klima;

(iii)

l-użu sostenibbli u l-protezzjoni tar-riżorsi tal-ilma u tal-baħar;

(iv)	it-tranżizzjoni lejn ekonomija ċirkolari;

(v)	il-prevenzjoni u l-kontroll tat-tniġġis;

(vi)	il-protezzjoni u r-restawr tal-bijodiversità u tal-ekosistemi;

Ir-riskju ambjentali jinkludi kemm ir-riskju fiżiku kif ukoll ir-riskju ta’ tranżizzjoni.

(c)

“riskju fiżiku”, bħala parti mir-riskju ambjentali ġenerali, tfisser ir-riskju ta’ telf li jirriżulta minn kwalunkwe impatt finanzjarju negattiv fuq l-istituzzjoni li jirriżulta mill-impatti kurrenti jew prospettivi tal-effetti fiżiċi tal-fatturi ambjentali fuq il-kontropartijiet jew fuq l-assi investiti tal-istituzzjoni;

(d)

“riskju ta’ tranżizzjoni”, bħala parti mir-riskju ambjentali ġenerali, tfisser ir-riskju ta’ telf li jinħoloq minn kwalunkwe impatt finanzjarju negattiv fuq l-istituzzjoni li jirriżulta mill-impatti kurrenti jew prospettivi tat-tranżizzjoni għal ekonomija ambjentalment sostenibbli fuq il-kontropartijiet jew fuq l-assi investiti tal-istituzzjoni;

(e)	“riskju soċjali” tfisser ir-riskju ta’ telf li jirriżulta minn kwalunkwe impatt finanzjarju negattiv fuq l-istituzzjoni li jirriżulta mill-impatti kurrenti jew prospettivi tal-fatturi soċjali fuq il-kontropartijiet jew fuq l-assi investiti tal-istituzzjoni;

(f)	“riskju ta’ governanza” tfisser ir-riskju ta’ telf li jirriżulta minn kwalunkwe impatt finanzjarju negattiv fuq l-istituzzjoni li jirriżulta mill-impatti kurrenti jew prospettivi tal-fatturi ta’ governanza fuq il-kontropartijiet jew fuq l-assi investiti tal-istituzzjoni.

Ir-referenzi għall-oqfsa ta’ politika internazzjonali u tal-Unjoni u l-parametri referenzjarji disponibbli f’dawn l-istruzzjonijiet jinkludu: il-Ftehim ta’ Pariġi adottat skont il-Konvenzjoni Qafas tan-Nazzjonijiet Uniti dwar it-Tibdil fil-Klima (*1) (il-“Ftehim ta’ Pariġi”), il-Komunikazzjoni tal-Kummissjoni dwar il-Patt Ekoloġiku Ewropew (*2), id-Direttiva 2013/34/UE tal-Parlament Ewropew u tal-Kunsill (*3), id-Direttiva 2014/95/UE tal-Parlament Ewropew u tal-Kunsill (*4), il-Komunikazzjoni tal-Kummissjoni - Linji Gwida dwar ir-rapportar mhux finanzjarju: Suppliment dwar ir-rapportar ta’ informazzjoni relatata mal-klima (*5), il-gwida magħmula disponibbli mit-Task Force dwar Divulgazzjonijiet Finanzjarji relatati mal-Klima (TCFD) (*6), l-Inizjattiva Finanzjarja tal-Programm tan-Nazzjonijiet Uniti għall-Ambjent (UNEP FI) (*7), l-Istandards dwar ir-Rapportar dwar is-Sostenibbiltà tal-Inizjattiva Globali ta’ Rapportar (*8), u l-Prinċipji għall-Investiment Responsabbli tan-Nazzjonijiet Uniti (UNPRI) (*9).

Tabella 1 – Informazzjoni kwalitattiva dwar ir-riskju Ambjentali: Kaxxi tat-test b’format liberu għad-divulgazzjoni ta’ informazzjoni kwalitattiva fl-Anness XXXIX.

L-istituzzjonijiet għandhom jużaw l-istruzzjonijiet li ġejjin biex jimlew it-Tabella 1 – “Informazzjoni kwalitattiva dwar ir-riskju ambjentali” kif stabbilit fl-Anness XXXIX ta’ dan ir-Regolament biex jiddeskrivu l-integrazzjoni tar-riskji ambjentali, inkluża informazzjoni speċifika dwar ir-riskji tat-tibdil fil-klima u dwar riskji ambjentali oħra, fl-istrateġija u l-proċessi tan-negozju tagħhom, il-governanza u l-ġestjoni tar-riskju. Dan huwa għall-finijiet tal-Artikolu 449a tar-Regolament (UE) Nru 575/2013, moqri flimkien mal-Artikolu 435 ta’ dak ir-Regolament.

Referenzi legali u struzzjonijiet

Numru tar-ringiela

Spjegazzjoni

Strateġija u proċessi tan-negozju

(a)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punti (a) u (e), ta’ dak ir-Regolament, l-istituzzjonijiet għandhom jipprovdu spjegazzjoni ta’ kif il-mudell, l-istrateġija u l-proċessi tan-negozju tagħhom, u l-ippjanar finanzjarju tagħhom jintegraw ir-riskji li jirriżultaw minn fatturi ambjentali (jiġifieri r-riskji ambjentali) u kif dawk ir-riskji jistgħu jevolvu maż-żmien minħabba t-teknoloġija li qiegħda tinbidel, il-qafas ta’ politika, l-ambjent tan-negozju, il-preferenzi tal-partijiet ikkonċernati, u l-bidliet fl-ambjent fiżiku nnifsu.

(b)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (a) u l-punti (c) sa (f) ta’ dak ir-Regolament, l-istituzzjonijiet għandhom jistabbilixxu l-objettivi, il-miri u l-limiti għall-valutazzjoni u l-immaniġġar tar-riskji ambjentali. L-istituzzjonijiet għandhom jispjegaw il-proċessi li jużaw sabiex jistabbilixxu dawk l-objettivi, il-miri u l-limiti.

L-istituzzjonijiet għandhom jispjegaw kif dawk l-objettivi, il-miri u l-limiti huma relatati mal-qafas ta’ politika kurrenti internazzjonali u tal-Unjoni, u mal-parametri referenzjarji disponibbli.

(c)

F’konformità mal-Artikolu 449a tar-Regolament (UE) Nru 575/2013, l-istituzzjonijiet għandhom jipprovdu informazzjoni dwar l-investiment kurrenti u futur (ippjanat) tagħhom f’attivitajiet ambjentalment sostenibbli u f’attivitajiet u f’setturi allinjati mal-objettivi ambjentali, inklużi l-objettivi tat-tibdil fil-klima, stabbiliti fl-Artikolu 9 tar-Regolament (UE) 2020/852.

Meta dik l-informazzjoni tiddependi fuq l-approċċ proprju tal-istituzzjoni jew tkun ibbażata fuq it-termini ta’ referenza interni tal-istituzzjonijiet, l-istituzzjonijiet, fid-divulgazzjonijiet tagħhom, għandhom jinkludu deskrizzjoni ta’ dawk l-approċċi u t-termini ta’ referenza interni.

(d)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (d), ta’ dak ir-Regolament, l-istituzzjonijiet għandhom jipprovdu informazzjoni dwar il-miżuri meħuda sabiex itaffu r-riskji assoċjati mal-fatturi ambjentali. L-istituzzjonijiet għandhom iqisu l-kapaċità tal-kontroparti li timmaniġġa r-riskji ambjentali.

Governanza

(e)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (b), u l-Artikolu 435(2), il-punti (a), (b) u (c), ta’ dak ir-Regolament, l-istituzzjonijiet għandhom jipprovdu informazzjoni dwar l-involviment tal-korp maniġerjali tagħhom fis-superviżjoni u l-immaniġġar tar-riskji ambjentali. L-istituzzjonijiet għandhom iqisu l-kanali ta’ trażmissjoni potenzjali ta’ tali riskji ambjentali (inklużi riskji fiżiċi, ta’ tranżizzjoni u ta’ responsabbiltà).

(f)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(2), il-punt (d), ta’ dak ir-Regolament, l-istituzzjonijiet għandhom jipprovdu informazzjoni dwar kif il-korp maniġerjali tagħhom jintegra effetti ta’ terminu qasir, ta’ terminu medju u ta’ terminu twil tar-riskji ambjentali fl-istruttura organizzazzjonali tal-istituzzjoni għall-finijiet tal-immaniġġar tar-riskju. L-istituzzjonijiet għandhom jispjegaw kif tali eżerċizzju fil-livell tal-korp maniġerjali jiġi mbagħad rifless fil-linji operatorji u fil-funzjonijiet ta’ kontroll intern tagħhom.

(g)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(2), il-punti (a), (b) u (c), ta’ dak ir-Regolament, l-istituzzjonijiet għandhom jipprovdu informazzjoni dwar l-organizzazzjoni tal-kumitati tar-riskju tagħhom u dwar l-allokazzjoni tal-kompiti u r-responsabbiltajiet fil-qafas tal-ġestjoni tar-riskju għall-monitoraġġ u l-ġestjoni tar-riskji ambjentali, filwaqt li jqisu l-kanali ta’ trażmissjoni fiżiċi, ta’ tranżizzjoni u ta’ responsabbiltà.

(h)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(2), il-punt (e), ta’ dak ir-Regolament, l-istituzzjonijiet għandhom jipprovdu informazzjoni dwar il-modi li bihom jinkludu r-riskji ambjentali fil-qafas u l-istruttura tar-rapportar intern tagħhom, kif ukoll informazzjoni dwar il-frekwenza tar-rapportar intern u l-iskambju ta’ informazzjoni tagħhom dwar tali riskji.

(i)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(2), il-punt (e), ta’ dak ir-Regolament, l-istituzzjonijiet għandhom jipprovdu informazzjoni dwar jekk ir-riskji ambjentali humiex inklużi fil-politika tar-remunerazzjoni tagħhom, u dwar il-kriterji u l-metriċi użati sabiex jiġi ddeterminat l-impatt tal-kunsiderazzjonijiet tar-riskju ambjentali fuq ir-rimunerazzjonijiet varjabbli.

Immaniġġar tar-riskju

(j)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (f), ta’ dak ir-Regolament, l-istituzzjonijiet għandhom jipprovdu informazzjoni dwar l-integrazzjoni tal-effetti fuq terminu qasir, medju u twil tal-fatturi u r-riskji ambjentali fil-qafas tat-tolleranza tar-riskju. L-istituzzjonijiet għandhom jiddeċiedu dwar il-perjodu ta’ żmien rilevanti f’konformità mal-profil tar-riskju u l-iskoperturi tagħhom stess.

(k)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (a), ta’ dak ir-Regolament, l-istituzzjonijiet għandhom jipprovdu informazzjoni dwar il-metodi, id-definizzjonijiet u l-istandards użati għall-identifikazzjoni u l-immaniġġar tal-fatturi u r-riskji ambjentali, kif ukoll il-qafas li fuqu huma bbażati dawk l-istandards, id-definizzjonijiet u l-metodi.

L-istituzzjonijiet għandhom jispjegaw kif tali metodi, definizzjonijiet u standards huma relatati mal-qafas ta’ politika internazzjonali u tal-Unjoni applikabbli u mal-parametri referenzjarji disponibbli.

(l)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (a), ta’ dak ir-Regolament, l-istituzzjonijiet għandhom jiżvelaw:

(a)	il-proċessi li bihom l-istituzzjoni tidentifika u timmonitorja l-attivitajiet u l-iskoperturi tagħha li huma sensittivi u vulnerabbli għar-riskji ambjentali, inkluż kull assi mobbli u immobbli assoċjati ma’ tali attivitajiet u skoperturi;

(b)	il-proċessi li bihom l-istituzzjoni tidentifika u timmonitorja r-riskji ambjentali li huma finanzjarjament materjali jew attwalment mhux materjali bi prospett li jsiru materjali fil-futur.

L-attivitajiet, l-iskoperturi u l-assi li huma sensittivi u vulnerabbli għar-riskji ambjentali għandhom jinkludu dawk relatati mas-setturi tal-agrikoltura, tas-sajd, tal-forestrija, tal-enerġija flimkien mal-pożizzjoni ġeografika tagħhom, id-dipendenza fuq l-ilma jew fatturi u riskji ambjentali oħra, li jistgħu jkunu vulnerabbli għal fatturi differenti, inklużi l-għargħar, il-kurrent, in-nirien, u t-telf tal-bijodiversità. Dawn għandhom jinkludu wkoll il-konċentrazzjoni tal-operazzjonijiet tal-kontroparti f’żoni fil-periklu, u għandhom jitqiesu li jkopru l-katina tal-valur kollha tal-kontroparti.

Meta jiżvelaw l-informazzjoni msemmija f’dan il-punt, l-istituzzjonijiet għandhom jindikaw il-materjalità (inkluża l-materjalità doppja) li għandha tinftiehem fis-sens stabbilit fid-definizzjonijiet li jinsabu fir-rapport imsemmi fl-Artikolu 98(8) tad-Direttiva 2013/36/UE tal-Parlament Ewropew u tal-Kunsill (*10) u għandhom ikopru ċ-ċiklu tal-ħajja tal-iskoperturi, inkluż l-oriġinazzjoni tas-self flimkien mal-valutazzjoni tal-affidabbiltà kreditizja tal-kontroparti u l-monitoraġġ.

L-istituzzjonijiet għandhom jispjegaw sa liema punt tali valutazzjoni tkopri l-kanali ta’ trażmissjoni rilevanti, inkluż (i) profittabilità aktar baxxa, (ii) valur tal-proprjetà immobbli aktar baxx, ġid domestiku aktar baxx, (iii) prestazzjoni aktar baxxa tal-assi, (iv) żieda fil-kost tal-konformità, u (v) żieda fil-kostijiet legali.

L-istituzzjonijiet li ma jidentifikaw l-ebda riskju ambjentali bħala materjali għandhom jispjegaw u jissostanzjaw għaliex dan huwa l-każ u għandhom jiddeskrivu l-metodi li użaw sabiex waslu għal tali konklużjoni.

(m)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (d), ta’ dak ir-Regolament, l-istituzzjonijiet għandhom jipprovdu informazzjoni dwar l-attivitajiet, l-impenji u l-iskoperturi li jkunu daħħlu fis-seħħ sabiex itaffu r-riskji ambjentali.

L-istituzzjonijiet għandhom jiżvelaw il-metodi li jużaw sabiex jidentifikaw il-miżuri u l-attivitajiet ta’ mitigazzjoni tar-riskju. Barra minn hekk, huma għandhom jipprovdu informazzjoni dwar il-punt sa fejn dawk l-attivitajiet, l-impenji u l-iskoperturi jirrappreżentaw il-mezzi ta’ trażmissjoni rilevanti, inkluż (i) profittabbiltà aktar baxxa, (ii) valur aktar baxx tal-proprjetà immobbli, ġid tal-unitajiet domestiċi aktar baxx, (iii) prestazzjoni tal-assi aktar baxxa, (iv) żieda fil-kost tal-konformità, u (v) żieda fil-kostijiet legali.

(n)

F’konformità mal-Artikolu 449a tar-Regolament (UE) Nru 575/2013, flimkien mal-punti (a) u (f) tal-Artikolu 435(1) ta’ dak ir-Regolament, l-istituzzjonijiet għandhom jipprovdu informazzjoni dwar l-għodod ta’ implimentazzjoni li jużaw biex jidentifikaw u jimmaniġġjaw ir-riskji ambjentali. Dawn l-għodod jinkludu l-ittestjar tal-istress, l-analiżi tas-sensittività jew indikaturi progressivi oħrajn, applikati fil-livell tal-iskopertura, fil-livell tal-portafoll, fil-livell tal-kontroparti jew fil-livell settorjali, skont il-materjalità tar-riskju.

L-informazzjoni żvelata għandha tindika s-suppożizzjonijiet u l-metodi li fuqhom huma bbażati l-għodod ta’ implimentazzjoni rilevanti. L-istituzzjonijiet għandhom jindikaw ukoll l-orizzont ta’ żmien użat għall-valutazzjoni tar-riskji ambjentali dwar il-kontabbiltà u l-metrika prudenzjali, jiġifieri l-orizzonti ta’ żmien qasir, medju jew twil.

(o)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punti (a) u (f), ta’ dak ir-Regolament, l-istituzzjonijiet għandhom jiddeskrivu l-eżitu tal-valutazzjoni mill-għodda tar-riskju użata f’konformità mal-punt 14.

L-istituzzjonijiet għandhom jipprovdu l-impatt stmat tar-riskju ambjentali, inkluż ir-riskju tat-tibdil fil-klima, fuq is-solvenza tal-istituzzjoni, ir-rekwiżiti kapitali regolatorji u l-profil tar-riskju tal-likwidità fil-qafas tal-proċess ta’ valutazzjoni interna dwar l-adegwatezza tal-kapital (ICAAP) u l-proċess ta’ valutazzjoni interna dwar l-adegwatezza tal-likwidità (ILAAP).

(p)

F’konformità mal-Artikolu 449a tar-Regolament (UE) Nru 575/2013, l-istituzzjonijiet għandhom jipprovdu informazzjoni dwar id-data u l-informazzjoni disponibbli għalihom sabiex iwettqu l-immaniġġar tar-riskju tar-riskji ambjentali, id-data u l-informazzjoni ewlenin attwalment nieqsa u l-miżuri li qegħdin jieħdu sabiex jindirizzaw in-nuqqasijiet fid-data u sabiex itejbu l-kwalità u l-preċiżjoni tad-data.

(q)

F’konformità mal-Artikolu 449a tar-Regolament (UE) Nru 575/2013 flimkien mal-Artikolu 435(1), il-punt (f), ta’ dak ir-Regolament, l-istituzzjonijiet għandhom jipprovdu informazzjoni dwar il-limiti li jistabbilixxu fuq il-finanzjament ta’ proġetti jew kontropartijiet li jagħmlu ħsara sinifikanti lill-objettivi ambjentali f’konformità mal-istrateġija tan-negozju tagħhom.

Dawk il-limiti għandhom jinkludu limiti stabbiliti mill-istituzzjonijiet fil-punt tal-oriġinazzjoni u l-monitoraġġ sabiex jiġu evitati jew imnaqqsa r-riskji ambjentali, u limiti li jindikaw meta skopertura speċifika tiskatta azzjonijiet korrettivi, aktar investigazzjoni, eskalazzjoni interna, jew esklużjoni mill-portafoll.

(r)

L-istituzzjonijiet għandhom jiddeskrivu kif jimmappjaw u joħolqu rabta fl-emerġenza tar-riskji ambjentali fil-karta bilanċjali tagħhom permezz tar-riskju ta’ kreditu, ir-riskju ta’ likwidità, ir-riskju tas-suq u r-riskju operazzjonali.

L-istituzzjonijiet għandhom jispjegaw kif jivvalutaw u jimmaniġġjaw l-impatt tat-tranżizzjoni lejn ekonomija b’livell baxx ta’ emissjonijiet tal-karbonju u reżiljenti għat-tibdil fil-klima għall-kategoriji tar-riskju prudenzjali inkluż ir-riskju tal-kreditu, ir-riskju tal-likwidità, ir-riskju tas-suq u r-riskju operazzjonali.

Tabella 2 – Informazzjoni kwalitattiva dwar ir-riskju Soċjali: Kaxxi tat-test b’format liberu għad-divulgazzjoni ta’ informazzjoni kwalitattiva fl-Anness XXXVII

L-istituzzjonijiet għandhom jużaw l-istruzzjonijiet li ġejjin sabiex jimlew it-Tabella 2 – “Informazzjoni Kwalitattiva dwar ir-Riskju soċjali” stabbilita fl-Anness XXXIX ta’ dan ir-Regolament, sabiex jiddeskrivu l-integrazzjoni tar-riskji soċjali fl-istrateġija u l-proċessi tan-negozju tagħhom, il-governanza u l-immaniġġar tar-riskju, f’konformità mal-Artikolu 449a tar-Regolament (UE) Nru 575/2013 flimkien mal-Artikolu 435 ta’ dak ir-Regolament.

Referenzi legali u struzzjonijiet
Numru tar-ringiela	Spjegazzjoni
	L-istrateġija u l-proċessi tan-negozju
(a)	F’konformità mal-Artikolu 449a tar-Regolament (UE) Nru 575/2013 flimkien mal-Artikolu 435(1), il-punti (a) u (e), ta’ dak ir-Regolament, l-istituzzjonijiet għandhom jiddeskrivu kif il-mudell tan-negozju, l-istrateġija, il-proċessi u l-ippjanar finanzjarju tagħhom jintegraw ir-riskji li jirriżultaw minn fatturi soċjali (jiġifieri r-riskji soċjali) u kif dak ir-riskju jevolvi maż-żmien minħabba t-tibdil fit-teknoloġija, fil-qafas tal-politika, fl-ambjent tan-negozju u fil-preferenzi tal-partijiet ikkonċernati.
(b)	F’konformità mal-Artikolu 449a tar-Regolament (UE) Nru 575/2013 flimkien mal-Artikolu 435(1), il-punt (a) u l-punti (c) sa (f), ta’ dak ir-Regolament, l-istituzzjonijiet għandhom jipprovdu deskrizzjoni ta’ jekk l-objettivi, il-miri u l-limiti tagħhom għall-valutazzjoni u l-ġestjoni tar-riskji soċjali, u deskrizzjoni tal-proċessi li jużaw biex jistabbilixxu dawk l-objettivi, il-miri u l-limiti. L-istituzzjonijiet għandhom jispjegaw ir-rabtiet ta’ dawk l-objettivi, il-miri u l-limiti għall-qafas ta’ politika internazzjonali u tal-Unjoni applikabbli u għall-parametri referenzjarji disponibbli. L-aspetti soċjali jinkludu l-ksur tad-drittijiet tal-bniedem, id-drittijiet tax-xogħol, l-inugwaljanza fl-introjtu, in-nuqqas ta’ drittijiet tal-bniedem, is-sikurezza u l-protezzjoni tal-konsumatur, il-privatezza, il-faqar u n-nondiskriminazzjoni. Barra minn hekk, it-tibdil fil-klima u t-tranżizzjoni lejn ekonomija b’livell baxx ta’ emissjonijiet tal-karbonju għandhom impatti soċjali li jinkludu bidliet fis-suq tax-xogħol. Dawn jinkludu t-tnaqqis fid-domanda għal ċerti impjiegi u ħiliet, il-ħolqien ta’ impjiegi u ħiliet ġodda, it-tibdil tal-preferenzi tal-konsumaturi, ir-rieda tal-azzjonisti li jintegraw malajr il-bidliet klimatiċi, ambjentali u soċjali fil-kumpaniji tagħhom, kif stabbilit fil-paragrafu 78 tar-rapport tal-EBA adottat skont l-Artikolu 98(8) tad-Direttiva 2013/36/UE.
(c)	F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (d), ta’ dak ir-Regolament, l-istituzzjonijiet għandhom jiddeskrivu kif jieħdu miżuri sabiex itaffu r-riskji assoċjati mal-fatturi soċjali, inkluż il-fehim tal-kapaċità tal-kontropartijiet li jimmaniġġaw ir-riskji soċjali u li jidħlu fi djalogu magħhom sabiex jittaffew ir-riskji soċjali.
	Governanza
(d)	F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (b), u l-Artikolu 435(2), il-punti (a), (b) u (c), ta’ dak ir-Regolament, l-istituzzjonijiet għandhom jiddeskrivu kif il-korp maniġerjali tagħhom huwa involut fis-superviżjoni u l-immaniġġar tar-riskji soċjali. Dik l-informazzjoni għandha tkopri r-raġunament tal-approċċ meħud mill-korp maniġerjali u għandha tqis numru ta’ fatturi soċjali. Dawk il-fatturi jinkludu l-involviment tal-istituzzjoni lejn il-komunità u s-soċjetà, ir-relazzjonijiet tagħha mal-impjegati u l-konformità mal-istandards tax-xogħol, il-protezzjoni tal-konsumatur u r-responsabbiltà tal-prodott, u d-drittijiet tal-bniedem.
(e)	F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(2), il-punti (a), (b) u (c), ta’ dak ir-Regolament, l-istituzzjonijiet għandhom jiddeskrivu kif huma jorganizzaw il-kumitati tar-riskju tagħhom u kif jallokaw il-kompiti u r-responsabbiltajiet fil-qafas tal-immaniġġar tar-riskju sabiex jimmonitorjaw u jimmaniġġaw ir-riskji soċjali. L-istituzzjonijiet għandhom jipprovdu informazzjoni kemm dwar ir-riżorsi interni kif ukoll dwar dawk esterni tagħhom iddedikati għall-valutazzjoni tar-riskji soċjali.
(f)	F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(2), il-punt (e), ta’ dak ir-Regolament, l-istituzzjonijiet għandhom jiddeskrivu kif jinkludu r-riskji soċjali fil-qafas u fl-istruttura tar-rapportar intern tagħhom, u għandhom jistabbilixxu l-frekwenza tar-rapportar intern u tal-iskambju ta’ informazzjoni tagħhom dwar ir-riskji soċjali.
(g)	F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(2), il-punt (e), ta’ dak ir-Regolament, l-istituzzjonijiet għandhom jipprovdu informazzjoni dwar jekk ir-riskji soċjali humiex inklużi fil-politika ta’ remunerazzjoni tagħhom, kif ukoll dwar il-kriterji u l-metriċi użati sabiex jiġi ddeterminat l-impatt tal-kunsiderazzjonijiet tar-riskju soċjali fuq ir-rimunerazzjonijiet varjabbli.
	Immaniġġar tar-riskju
(h)	F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (a), ta’ dak ir-Regolament, l-istituzzjonijiet għandhom jipprovdu informazzjoni dwar liema metodi, definizzjonijiet u standards jużaw għall-identifikazzjoni u l-immaniġġar tal-fatturi u r-riskji soċjali, kif ukoll il-qafas li fuqu huma bbażati dawk l-istandards, id-definizzjonijiet u l-metodi. L-istituzzjonijiet għandhom jispjegaw kif dawk il-metodi, id-definizzjonijiet u l-istandards huma relatati mal-qafas ta’ politika kurrenti internazzjonali u tal-Unjoni u mal-parametri referenzjarji disponibbli.
(i)	F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (a), ta’ dak ir-Regolament, l-istituzzjonijiet għandhom jipprovdu informazzjoni dwar il-proċess li bih jidentifikaw u jimmonitorjaw l-attivitajiet u l-iskoperturi tagħhom, li huma sensittivi għar-riskji soċjali, inkluż permezz tal-kontropartijiet tagħhom, l-attivitajiet ta’ investiment jew ta’ mmaniġġar tal-assi, u inkluż kull assi mobbli u immobbli assoċjati ma’ dawk l-attivitajiet u l-iskoperturi. L-istituzzjonijiet għandhom jipprovdu informazzjoni dwar il-proċess li bih jidentifikaw u jimmonitorjaw ir-riskji soċjali li huma finanzjarjament materjali jew li bħalissa ma humiex materjali bi prospett li jkunu materjali fil-futur. Tali attivitajiet, skoperturi u assi sensittivi għar-riskji soċjali jistgħu jkunu relatati ma’ kontropartijiet li jiksru l-liġi tax-xogħol, id-drittijiet tal-bniedem jew liġijiet jew drittijiet soċjali oħrajn li jistgħu jiffaċċjaw tilwima legali. B’mod aktar preċiż, is-setturi b’riskju soċjali msaħħaħ jistgħu jinkludu dawk b’ħaddiema migranti, b’pagi baxxi, bi standards tax-xogħol ħżiena jew b’kundizzjonijiet tax-xogħol ħżiena li jaffettwaw lill-komunitajiet b’mod negattiv u li jkollhom ċans akbar li jkunu taħt skrutinju pubbliku u politiku.
(j)	F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (a), ta’ dak ir-Regolament, l-istituzzjonijiet għandhom jipprovdu informazzjoni dwar l-attivitajiet, l-impenji u l-assi li għandhom fis-seħħ għall-mitigazzjoni tar-riskji soċjali.
(k)	F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (a), ta’ dak ir-Regolament, l-istituzzjonijiet għandhom jipprovdu informazzjoni dwar l-għodod ta’ implimentazzjoni li jużaw biex jidentifikaw u jimmaniġġjaw ir-riskji ambjentali. Tali għodod jinkludu l-analiżi tax-xenarji, applikata fil-livell tal-espożizzjoni, fil-livell tal-portafoll, fil-livell tal-kontraparti jew fil-livell settorjali u jkopru fatturi li jinkludu l-migrazzjoni, ix-xejriet demografiċi, il-bidla fil-forza tax-xogħol u l-bidla teknoloġika. Ir-riskji soċjali jistgħu jinkludu wkoll bidla fl-imġiba tal-konsumaturi, kwistjonijiet dwar id-diskriminazzjoni u l-inklużività soċjali, analiżi tax-xenarji dwar iż-żieda fl-inugwaljanza, l-impatt soċjali tat-tibdil fil-klima, l-adattament/il-mitigazzjoni tat-tibdil fil-klima u d-degradazzjoni ambjentali. L-istituzzjonijiet għandhom jipprovdu informazzjoni dwar is-suppożizzjonijiet u l-metodi użati għat-twettiq ta’ tali analiżi tax-xenarji. L-istituzzjonijiet għandhom jindikaw il-perjodu ta’ żmien użat għall-valutazzjoni tar-riskju soċjali fuq il-metrika kontabilistika u prudenzjali, jiġifieri perjodu ta’ żmien qasir, medju jew twil.
(l)	F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1), il-punt (f), ta’ dak ir-Regolament, l-istituzzjonijiet għandhom jipprovdu informazzjoni dwar il-limiti li jistabbilixxu fir-rigward tal-finanzjament ta’ proġetti jew kontropartijiet li jagħmlu ħsara sinifikanti lill-objettivi soċjali tal-istrateġija kummerċjali tagħhom. Tali limiti għandhom jinkludu dawk stabbiliti mill-istituzzjonijiet fil-punt tal-oriġinazzjoni u l-monitoraġġ sabiex jiġu evitati jew sabiex jitnaqqsu r-riskji soċjali kif ukoll il-limiti li jindikaw meta skopertura speċifika twassal għal aktar investigazzjoni, eskalazzjoni interna, azzjonijiet korrettivi jew esklużjoni mill-portafoll.
(m)	F’konformità mal-Artikolu 449a tar-Regolament (UE) Nru 575/2013, l-istituzzjonijiet għandhom jipprovdu informazzjoni dwar il-modi li bihom jimmappjaw u joħolqu rabta tal-bidu ta’ riskji soċjali fuq il-karta bilanċjali tagħhom permezz ta’ riskju ta’ kreditu, riskju ta’ likwidità, riskju tas-suq u riskju operazzjonali. L-istituzzjonijiet għandhom jipprovdu informazzjoni dwar il-modi li bihom jivvalutaw u jimmaniġġaw l-impatt ta’ avvenimenti rilevanti ta’ ħsara soċjali fuq il-kategoriji tar-riskji prudenzjali inklużi r-riskju ta’ kreditu, ir-riskju ta’ likwidità, ir-riskju tas-suq u r-riskju operazzjonali.

Tabella 3 – Informazzjoni kwalitattiva dwar ir-riskju ta’ Governanza: Kaxxi tat-test b’format liberu għad-divulgazzjoni ta’ informazzjoni kwalitattiva fl-Anness XXXVII

L-istituzzjonijiet għandhom jużaw l-istruzzjonijiet li ġejjin sabiex jimlew it-Tabella 3 – Informazzjoni kwalitattiva dwar ir-riskju ta’ Governanza stabbilita fl-Anness XXXIX ta’ dan ir-Regolament sabiex jiddeskrivu l-integrazzjoni tar-riskji ta’ governanza fil-governanza u l-immaniġġar tar-riskju tagħhom, f’konformità mal-Artikolu 449a tar-Regolament (UE) Nru 575/2013, li jinqara flimkien mal-Artikolu 435 ta’ dak ir-Regolament.

Referenzi legali u struzzjonijiet

Numru tar-ringiela

Spjegazzjoni

Governanza

(a)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(2) ta’ dak ir-Regolament, l-istituzzjonijiet għandhom jipprovdu informazzjoni dwar il-modi li bihom jintegraw il-prestazzjoni tal-governanza tal-kontroparti fl-arranġamenti ta’ governanza tagħhom.

Il-kunsiderazzjonijiet dwar il-prestazzjoni tal-governanza tal-kontroparti għandhom ikopru l-passi meħtieġa tat-teħid ta’ deċiżjonijiet, tas-superviżjoni u tal-proċessi tal-immaniġġar tal-kontroparti fil-livelli kollha, inklużi kumitati tal-ogħla korp ta’ governanza u kumitati responsabbli għat-teħid ta’ deċiżjonijiet dwar suġġetti ekonomiċi, ambjentali u soċjali.

(b)

L-istituzzjonijiet għandhom jispjegaw kif iqisu r-rwol tal-korp governattiv ewlieni tal-kontroparti fir-rapportar mhux finanzjarju, inkluż il-kumitat ewlieni jew il-pożizzjoni funzjonali li formalment tirrieżamina u tapprova r-rapport dwar is-sostenibbiltà tal-organizzazzjoni u tiżgura li s-suġġetti materjali kollha huma koperti.

(c)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(2) ta’ dak ir-Regolament, l-istituzzjonijiet għandhom jipprovdu informazzjoni dwar kif jintegraw il-prestazzjoni ta’ governanza tal-kontropartijiet tagħhom fl-arranġamenti ta’ governanza tagħhom.

Il-kunsiderazzjonijiet relatati mal-prestazzjoni tal-governanza tal-kontropartijiet tal-istituzzjoni għandhom ikopru dawn kollha li ġejjin:

(a)	kunsiderazzjonijiet etiċi, inklużi l-integrità tal-kondotta, il-valuri u l-etika, il-miżuri kontra t-tixħim u kontra l-korruzzjoni, ir-responsabbiltà u l-istat tad-dritt;

(b)	l-istrateġija u l-immaniġġar tar-riskju, inklużi l-implimentazzjoni tal-istrateġija, l-eżekuzzjoni u l-monitoraġġ operazzjonali, il-kontrolli interni u l-politiki u l-proċeduri tal-immaniġġar tar-riskju;

(c)	l-inklussività; inkluż, id-differenza bejn il-ġeneri u r-rappreżentanza ta’ persuni minn gruppi ta’ minoranza fil-maniġment, id-diskrepanza fl-introjtu;

(d)	it-trasparenza; l-inklużjoni ta’ divulgazzjonijiet dwar id-diskriminazzjoni, l-impenji tat-taxxa u l-pagamenti, id-divulgazzjoni dwar l-attivitajiet ta’ pressjoni, u r-regoli u l-prattiki;

(e)	l-immaniġġar tal-kunflitt ta’ interess, inkluż proċessi għall-ogħla korp ta’ governanza sabiex jiġi żgurat li kwalunkwe kunflitt ta’ interess jiġi evitat, immaniġġat u mmitigat; u

(f)	komunikazzjoni interna dwar tħassib kritiku, inkluż kif il-proċess intern tal-kontroparti jopera sabiex jikkomunika tħassib kritiku lill-ogħla korp ta’ governanza.

Immaniġġar tar-riskju

(d)

F’konformità mal-Artikolu 449a tar-Regolament (UE) Nru 575/2013, flimkien mal-Artikolu 435(1) ta’ dak ir-Regolament, l-istituzzjonijiet għandhom jipprovdu informazzjoni dwar kif jintegraw fl-arranġamenti tagħhom ta’ ġestjoni tar-riskju l-prestazzjoni tal-governanza tal-kontropartijiet tagħhom filwaqt li jqisu l-aspetti stabbiliti fir-ringiela 3.

Mudell 1 - Ktieb bankarju - Indikaturi tar-riskju potenzjali tat-tranżizzjoni tat-tibdil fil-klima: Il-kwalità kreditizja tal-iskoperturi skont is-settur, l-emissjonijiet u l-maturità residwa. Format fiss.

L-istituzzjonijiet għandhom jużaw l-istruzzjonijiet li ġejjin biex jimlew il-formola 1 stabbilita fl-Anness XXXIX ta’ dan ir-Regolament sabiex jipprovdu informazzjoni dwar l-iskoperturi li huma aktar suxxettibbli għar-riskji li l-istituzzjonijiet jistgħu jiffaċċjaw mit-tranżizzjoni lejn ekonomija b’livell baxx ta’ emissjonijiet tal-karbonju u reżiljenti għat-tibdil fil-klima. Għall-finijiet tal-Artikolu 449a tar-Regolament (UE) Nru 575/2013:

(a)

l-istituzzjonijiet għandhom jiżvelaw informazzjoni dwar l-iskoperturi tagħhom lejn korporazzjonijiet mhux finanzjarji li joperaw f’setturi relatati mal-karbonju, u dwar il-kwalità ta’ dawk l-iskoperturi, inkluż l-istatus li ma jrendix, il-klassifikazzjoni tal-istadju 2, u dispożizzjonijiet relatati kif ukoll il-meded tal-maturità;

(b)

l-istituzzjonijiet għandhom jibdew jiżvelaw informazzjoni dwar l-emissjonijiet tal-ambitu 1, 2 u 3 tal-kontropartijiet tagħhom, jekk diġà tkun disponibbli, inkluż informazzjoni kwalitattiva fin-narrattiva li takkumpanja dan il-mudell dwar il-metodoloġija u s-sorsi użati għall-kalkolu ta’ dawk l-emissjonijiet. Meta l-istituzzjonijiet ikunu għadhom ma humiex qegħdin jistmaw l-emissjonijiet tal-kontropartijiet tagħhom assoċjati mal-attivitajiet ta’ finanzjament tagħhom, inklużi l-attivitajiet ta’ self u ta’ investiment, huma għandhom jiżvelaw informazzjoni dwar il-pjanijiet tagħhom li jimplimentaw metodoloġiji sabiex jistmaw u jiżvelaw din l-informazzjoni. L-istituzzjonijiet għandhom jibdew jiżvelaw l-informazzjoni fil-kolonni (i) sa (k) tal-mudell bl-ewwel data ta’ referenza tad-divulgazzjoni tkun mit-30 ta’ Ġunju 2024.

L-istituzzjonijiet għandhom jinkludu fin-narrattiva li takkumpanja l-mudell, spjegazzjonijiet dwar l-informazzjoni żvelata u l-bidliet meta mqabbla ma’ perjodi ta’ divulgazzjoni preċedenti, kif ukoll kwalunkwe implikazzjoni li dawk l-iskoperturi jista’ jkollhom f’termini ta’ riskji ta’ kreditu, tas-suq, operazzjonali, ta’ reputazzjoni u ta’ likwidità għall-istituzzjonijiet.

L-istituzzjonijiet għandhom jinkludu fir-ringieli tal-mudell id-diżaggregazzjoni tal-valur riportat gross ta’ self u avvanzi, titoli ta’ dejn u strumenti ta’ ekwità għal korporazzjonijiet mhux finanzjarji, minbarra dawk miżmuma għan-negozjar, skont is-settur tal-attivitajiet ekonomiċi bl-użu tal-kodiċijiet tan-Nomenklatura tal-Attivitajiet Ekonomiċi (NACE), stabbiliti fir-Regolament (KE) Nru 1893/2006 tal-Parlament Ewropew u tal-Kunsill (*11), abbażi tal-attività prinċipali tal-kontroparti. Dawn għandhom jinkludu wkoll subtotali li jaggregaw il-valur riportat gross ta’ skoperturi lejn setturi u subsetturi li jikkontribwixxu ħafna għat-tibdil fil-klima. B’mod partikolari, issir referenza għas-setturi elenkati fit-Taqsimiet A sa H u fit-Taqsima L tal-Anness I tar-Regolament (KE) Nru 1893/2006, li jinkludu s-setturi taż-żejt, tal-gass, tal-estrazzjoni u tat-trasport, bħala setturi li jikkontribwixxu ħafna għat-tibdil fil-klima, kif speċifikat fil-premessa 6 tar-Regolament Delegat tal-Kummissjoni (UE) 2020/1818 (*12); u subtotal tal-iskoperturi lejn “setturi oħrajn” mhux imsemmija f’dik il-premessa.

L-allokazzjoni tas-settur tan-NACE tal-kontroparti għandha tkun ibbażata esklussivament fuq in-natura tal-kontroparti diretta. Meta l-kontroparti tal-istituzzjonijiet tkun kumpanija azzjonarja, l-istituzzjonijiet għandhom jikkunsidraw is-settur tan-NACE tal-obbligant speċifiku taħt il-kumpanija azzjonarja (jekk differenti mill-kumpanija azzjonarja) li tirċievi l-finanzjament (jiġifieri s-sussidjarja speċifika tal-kumpanija azzjonarja inkwistjoni) aktar milli dik tal-kumpanija azzjonarja, b’mod partikolari f’dawk il-każijiet fejn l-obbligant li jkun qiegħed jibbenefika mill-finanzjament ikun korporazzjoni mhux finanzjarja. Bl-istess mod, meta l-kontroparti diretta ta’ istituzzjoni (l-obbligant) tkun veikolu bi skop speċjali (SPE), l-istituzzjonijiet għandhom jiżvelaw l-informazzjoni rilevanti skont is-settur tan-NACE assoċjat mal-attività ekonomika tal-kumpanija omm tal-SPE. Il-klassifikazzjoni tal-iskoperturi mġarrba b’mod konġunt minn aktar minn obbligant wieħed għandha tkun ibbażata fuq il-karatteristiċi tal-obbligant li kien l-aktar rilevanti, jew determinanti, sabiex l-istituzzjoni tagħti l-iskopertura. Id-distribuzzjoni ta’ skoperturi mġarrba b’mod konġunt minn kodiċijiet tan-NACE għandha tkun xprunata mill-karatteristiċi tal-obbligant l-aktar rilevanti jew determinanti. L-istituzzjonijiet għandhom jiżvelaw informazzjoni skont il-kodiċijiet tan-NACE bil-livell ta’ granularità meħtieġ fir-ringieli tal-mudell.

Kolonni

Struzzjonijiet

Total tal-valur riportat gross

L-istituzzjonijiet għandhom jiżvelaw il-valur riportat gross, imsemmi fil-Parti 1 tal-Anness V tar-Regolament ta’ Implimentazzjoni (UE) 2021/451, ta’ dawk l-iskoperturi għal korporazzjonijiet mhux finanzjarji, inklużi self u avvanzi, titoli ta’ dejn u strumenti ta’ ekwità, ikklassifikati fil-portafolli kontabilistiċi fil-portafoll mhux tan-negozjar f’konformità ma’ dak ir-Regolament ta’ Implimentazzjoni, esklużi l-assi finanzjarji miżmuma għan-negozjar jew assi miżmuma għall-bejgħ.

Li minnhom skoperturi lejn kumpaniji esklużi mill-Parametri Referenzjarji allinjati ma’ Pariġi tal-UE

L-istituzzjonijiet għandhom jiżvelaw il-valur riportat gross ta’ dawk l-iskoperturi lejn kontropartijiet li huma esklużi mill-parametri referenzjarji allinjati ma’ Pariġi tal-UE kif speċifikat fl-Artikolu 12(1), il-punti (d) sa (g) u fl-Artikolu 12(2) tar-Regolament Delegat (UE) 2020/1818.

Li minnhom ambjentalment sostenibbli (CCM)

L-istituzzjonijiet għandhom jiżvelaw skoperturi li jikkwalifikaw bħala ambjentalment sostenibbli minħabba li huma attivitajiet ta’ finanzjament li jikkontribwixxu jew jippermettu l-objettiv ambjentali tal-mitigazzjoni tat-tibdil fil-klima f’konformità mal-Artikoli 10 u 16 tar-Regolament (UE) 2020/852, kif żvelat fil-mudell 7 tal-Anness XXXIX ta’ dan ir-Regolament.

L-istituzzjonijiet għandhom jibdew jiżvelaw dik l-informazzjoni fl-2024, bl-ewwel data ta’ referenza tad-divulgazzjoni mill-31 ta’ Diċembru 2023, għall-iskoperturi inklużi fin-numeratur tal-GAR.

L-istituzzjonijiet jistgħu jibdew jiżvelaw dik l-informazzjoni fl-2025, bl-ewwel data ta’ referenza tad-divulgazzjoni mill-31 ta’ Diċembru 2024, għal dawk l-iskoperturi inklużi fin-numeratur tal-BTAR iżda mhux fin-numeratur tal-GAR.

Li minnhom fi stadju 2

L-istituzzjonijiet li japplikaw l-Istandards Internazzjonali ta’ Rapportar Finanzjarju (IFRS) għandhom jiżvelaw il-valur riportat gross tal-istrumenti ta’ “Stadju 2” kif imsemmi fl-IFRS 9.

Il-kolonni dwar “Li minnhom fi stadju 2” ma għandhomx jiġu żvelati mill-istituzzjonijiet li japplikaw prinċipji ta’ kontabilità nazzjonali ġeneralment aċċettati bbażati fuq id-Direttiva tal-Kunsill 86/635/KEE (*13).

Li minnhom skoperturi li ma jrendux

L-istituzzjonijiet għandhom jiżvelaw skoperturi li ma jrendux kif definiti fl-Artikolu 47a(3) tar-Regolament (UE) Nru 575/2013.

Indeboliment akkumulat, bidliet negattivi akkumulati fil-valur ġust minħabba r-riskju ta’ kreditu u dispożizzjonijiet

L-istituzzjonijiet għandhom jiddivulgaw l-ammonti stabbiliti fil-punti 11, 70, 69, 71, 106 u 110 tal-Parti 2 tal-Anness V tar-Regolament ta’ Implimentazzjoni (UE) 2021/451.

Li minnhom fi stadju 2

L-istituzzjonijiet għandhom jiddivulgaw l-ammont ta’ indeboliment akkumulat tal-iskoperturi tal-istadju 2.

L-istituzzjonijiet li japplikaw l-IFRS għandhom jiddivulgaw l-ammont riportat gross tal-istrumenti tal-“Istadju 2” kif stabbilit fl-IFRS 9.

Il-kolonni dwar “Li minnhom l-istadju 2” ma għandhomx jiġu ddivulgati minn istituzzjonijiet li japplikaw prinċipji kontabilistiċi nazzjonali ġeneralment aċċettati bbażati fuq id-Direttiva 86/635/KEE.

Li minnhom skoperturi li ma jrendux

L-istituzzjonijiet għandhom jiżvelaw skoperturi li ma jrendux kif imsemmi fl-Artikolu 47a(3) tar-Regolament (UE) Nru 575/2013.

L-emissjonijiet iffinanzjati mill-gassijiet serra (l-emissjonijiet tal-ambitu 1, tal-ambitu 2 u tal-ambitu 3 tal-kontroparti) (f’tunnellati ta’ ekwivalenti ta’ CO2)

Meta l-informazzjoni tkun disponibbli, l-istituzzjonijiet għandhom jiddivulgaw l-istimi tal-ambitu tal-emissjonijiet ta’ gassijiet serra tagħhom tal-ambitu 3 f’tunnellati ta’ CO2 (TCO2) bħala parti mill-kolonna (i). Id-divulgazzjoni tkopri s-setturi u s-subsetturi kollha li jikkontribwixxu ħafna għat-tibdil fil-klima, inkluż is-setturi taż-żejt, tal-gass, tal-estrazzjoni u tat-trasport, - kif speċifikat fil-premessa 6 tar-Regolament Delegat (UE) 2020/1818 - inklużi fir-ringieli 2 sa 52 tal-mudell.

L-istituzzjonijiet għandhom jibbażaw l-istima tal-emissjonijiet tal-ambitu 3 fuq l-informazzjoni dwar l-emissjonijiet miġbura mill-kontropartijiet tagħhom u fuq l-informazzjoni dwar l-intensità medja tal-emissjonijiet tas-settur. Il-metodi sabiex jiġu kkalkolati l-emissjonijiet tal-karbonju tal-kumpaniji jinkludu l-Istandard Globali tal-Kontabilità u r-Rapportar tal-Gassijiet Serra għall-Industrija Finanzjarja, żviluppat mill-Partnership for Carbon Accounting Financials (*14) (PCAF, ta’ rilevanza partikolari għat-TCFD), jew il-Carbon Disclosure Project (*15)

L-istituzzjonijiet għandhom jistmaw l-emissjonijiet tal-kamp ta’ applikazzjoni 3 għal kull settur b’mod proporzjonat, inkluż billi jqisu l-iskoperturi tagħhom (self u avvanzi, titoli ta’ dejn u parteċipazzjonijiet ta’ ekwità) lejn il-kontroparti meta mqabbla mal-obbligazzjonijiet totali (obbligazzjonijiet kontabilistiċi u ekwità tal-azzjonisti) tal-kontroparti.

Fil-parti narrattiva li takkumpanja l-mudell, l-istituzzjonijiet għandhom jipprovdu spjegazzjonijiet dettaljati tas-sorsi tad-data użati u tal-metodoloġija li applikaw għall-istima tal-emissjonijiet ta’ gassijiet serra tal-ambitu 3 tagħhom. B’mod partikolari, l-istituzzjonijiet għandhom jispjegaw jekk humiex qegħdin jiżvelaw xi wieħed minn dawn li ġejjin:

(a)	l-emissjonijiet irrapportati (l-emissjonijiet jinġabru direttament mill-mutwatarju jew mid-destinatarja ta’ investiment);

(b)	l-emissjonijiet fiżiċi bbażati fuq l-attività (l-emissjonijiet huma stmati mill-istituzzjoni finanzjarja li tirrapporta abbażi tad-data primarja dwar l-attività fiżika miġbura mill-mutwatarju jew mid-destinatarja ta’ investiment);

(c)	l-emissjonijiet ekonomiċi bbażati fuq l-attività (l-emissjonijiet huma stmati mill-istituzzjoni finanzjarja li tirrapporta abbażi tad-data dwar l-attività ekonomika miġbura mill-mutwatarju jew mid-destinatarja ta’ investiment).

Meta l-istituzzjonijiet ikunu għadhom ma humiex qegħdin jistmaw l-emissjonijiet tal-kontropartijiet tagħhom assoċjati mal-attivitajiet ta’ finanzjament tagħhom, inklużi l-attivitajiet ta’ self u ta’ investiment, huma għandhom jiżvelaw informazzjoni dwar il-pjanijiet tagħhom li jimplimentaw metodi sabiex jistmaw dik l-informazzjoni. L-istituzzjonijiet għandhom jiżvelaw l-informazzjoni fil-kolonni (i), (j) u (k) tal-mudell bl-ewwel data ta’ referenza tad-divulgazzjoni tkun mit-30 ta’ Ġunju 2024.

L-istituzzjonijiet jistgħu jiddeċiedu li jibdew jiżvelaw din l-informazzjoni qabel, jiġifieri mal-ewwel data ta’ referenza tad-divulgazzjoni mill-31 ta’ Diċembru 2022.

Li minnu emissjonijiet iffinanzjati tal-Ambitu 3

L-istituzzjonijiet għandhom jiżvelaw l-emissjonijiet tal-ambitu 3 tal-kontropartijiet tagħhom assoċjati mal-attivitajiet ta’ self u ta’ investiment tal-istituzzjonijiet. Meta l-istituzzjonijiet ikunu għadhom ma humiex qegħdin jistmaw l-emissjonijiet tal-ambitu 3 tagħhom, dawn għandhom iħallu l-kolonna (j) vojta u, fil-parti narrattiva li takkumpanja l-mudell, għandhom jiżvelaw il-pjanijiet tagħhom sabiex jimplimentaw metodi sabiex jistmaw u jiżvelaw dik l-informazzjoni.

L-istituzzjonijiet għandhom jiżvelaw l-emissjonijiet tal-ambitu 3 tagħhom fuq bażi tal-aħjar sforz, li jkopru l-aktar setturi rilevanti f’konformità mal-approċċ PCAF u mal-approċċ gradwali għall-emissjonijiet tal-ambitu 3 inklużi fl-Artikolu 5 tar-Regolament Delegat (UE) 2020/1818.

L-istituzzjonijiet għandhom jiddivulgaw informazzjoni dwar l-emissjonijiet tal-kamp ta’ applikazzjoni 3 tal-kontroparti għas-setturi kollha inklużi fil-mudell bl-ewwel data ta’ referenza mit-30 ta’ Ġunju 2024.

Għas-setturi fejn jeżistu sfidi tad-data u metodoloġiċi, l-istituzzjonijiet għandhom isegwu l-Protokoll dwar il-Gassijiet Serra u l-15-il stadju tiegħu, kemm upstream kif ukoll downstream.

F’konformità mal-gwida tat-TCFD dwar il-metriċi u l-miri, l-istituzzjonijiet għandhom ikunu trasparenti dwar l-isfidi sabiex jiġbru dik it-tip ta’ informazzjoni u jevitaw għadd doppju sa fejn ikun possibbli.

L-istituzzjonijiet għandhom jibdew jiżvelaw l-informazzjoni fil-kolonna (j) tal-mudell, bl-ewwel data ta’ referenza tad-divulgazzjoni tkun mit-30 ta’ Ġunju 2024.

L-istituzzjonijiet jistgħu jiddeċiedu li jibdew jiżvelaw din l-informazzjoni qabel, jiġifieri mal-ewwel data ta’ referenza tad-divulgazzjoni mill-31 ta’ Diċembru 2022.

L-emissjonijiet ta’ gassijiet serra (il-kolonna (i)): perċentwal tal-valur riportat gross tal-portafoll derivat minn rapportar speċifiku għall-kumpanija

L-istituzzjonijiet għandhom jindikaw il-perċentwal tal-portafoll (valur riportat gross tal-iskoperturi) li għalih setgħu jistmaw il-kontropartijiet tagħhom għall-emissjonijiet tal-ambitu 1, 2 u 3 assoċjati mal-attivitajiet ta’ self u ta’ investiment tal-istituzzjonijiet ibbażati fuq informazzjoni żvelata mill-kontropartijiet tagħhom jew irrapportati lill-istituzzjoni fuq bażi bilaterali.

l - p

<= 5 snin; > 5 snin <= 10 snin; > 10 snin <= 20 sena; > 20 sena; Maturità medja ponderata

L-istituzzjonijiet għandhom jallokaw l-iskoperturi għat-taqsima rilevanti skont il-maturità li jifdal tal-istrument finanzjarju, filwaqt li jqisu dan li ġej:

(a)	fejn l-ammont jitħallas lura f’pagamenti parzjali, l-iskopertura għandha tiġi allokata fil-medda ta’ maturità li tikkorrispondi għall-aħħar pagament parzjali;

(b)	fejn skopertura ma jkollha l-ebda maturità ddikjarata għal raġunijiet oħrajn għajr il-kontroparti li jkollha l-għażla tad-data tat-tifdija, jew fil-każ ta’ parteċipazzjoni fl-ekwità, l-ammont ta’ din l-iskopertura għandu jiġi żvelat fl-akbar medda ta’ maturità “> 20 sena”;

(c)	għall-komputazzjoni tal-maturità medja tal-iskoperturi, l-istituzzjonijiet għandhom iqisu l-maturità ta’ kull skopertura bil-valur riportat gross tal-iskoperturi.

Mudell 2: Portafoll bankarju – Indikaturi tar-riskju potenzjali ta’ tranżizzjoni tat-tibdil fil-klima: Self kollateralizzat minn proprjetà immobbli – Effiċjenza enerġetika tal-kollateral. Format fiss.

L-istituzzjonijiet għandhom jużaw l-istruzzjonijiet li ġejjin sabiex jiżvelaw l-informazzjoni meħtieġa fil-“Mudell 2: Portafoll bankarju – Indikaturi tar-riskju potenzjali tat-tranżizzjoni tat-tibdil fil-klima: Self kollateralizzat bi proprjetà immobbli - Effiċjenza enerġetika tal-kollateral”, kif stipulat fl-Anness XXXIX ta’ dan ir-Regolament.

Id-Direttiva 2010/31/UE tal-Parlament Ewropew u tal-Kunsill (*16) u d-Direttiva 2012/27/UE tal-Parlament Ewropew u tal-Kunsill (*17) jippromwovu politiki li għandhom l-għan li jiksbu stokk tal-bini effiċjenti ħafna fl-użu tal-enerġija, u dekarbonizzat, sal-2050. Id-Direttiva 2010/31/UE introduċiet iċ-ċertifikati tar-rendiment fl-użu tal-enerġija (EPC) bħala strumenti għat-titjib tar-rendiment tal-bini fl-użu tal-enerġija. Dawk iċ-ċertifikati jissejħu ċertifikat rikonoxxut minn Stat Membru jew minn persuna ġuridika maħtura minnu, li jindika l-prestazzjoni tal-enerġija ta’ bini jew unità ta’ bini, ikkalkulata f’konformità ma’ dik id-Direttiva.

Dan il-mudell juri l-valur riportat gross, kif imsemmi fil-Parti 1 tal-Anness V tar-Regolament ta’ Implimentazzjoni (UE) 2021/451, ta’ self kollateralizzat bi proprjetà immobbli kummerċjali u residenzjali u ta’ kollaterali ta’ proprjetà immobbli meħuda lura, l-inklużjoni ta’ informazzjoni dwar il-livell tal-effiċjenza enerġetika tal-kollaterali mkejla f’termini tal-konsum tal-enerġija f’kWh/m2 (il-kolonni (b) sa (g) tal-mudell), f’termini tat-tikketta taċ-ċertifikat tar-rendiment fl-użu tal-enerġija (EPC) tal-kollateral kif imsemmi fl-Artikolu 2, il-punt (12), tad-Direttiva 2010/31/UE għall-Istati Membri, jew kif definit fi kwalunkwe regolament lokali rilevanti għal dawk l-iskoperturi barra l-Unjoni, fejn ikun jeżisti mmappjar tat-tikketta tal-EPC tal-Unjoni (il-kolonni (h) sa (n)).

B’mod partikolari, fil-kolonni (b) sa (g), l-istituzzjonijiet għandhom jiżvelaw il-valur riportat gross tal-iskoperturi mill-buckets tal-effiċjenza enerġetika abbażi tal-konsum speċifiku tal-enerġija tal-kollateral f’kWh/m2, kif indikat fit-tikketta tal-EPC tal-kollateral jew stmat mill-istituzzjonijiet fin-nuqqas tat-tikketta tal-EPC. L-istituzzjonijiet għandhom jindikaw fir-ringieli 5 u 10 tal-mudell sa fejn dik id-data hija stmata u mhux ibbażata fuq it-tikketti tal-EPC. Fil-kolonni (h) sa (n), l-istituzzjonijiet għandhom jiżvelaw il-valur riportat gross ta’ skoperturi miġbura skont it-tikketta tal-EPC tal-kollateral għal dawk il-kollaterali fejn l-EPC ikun disponibbli għall-istituzzjoni.

Meta jiżvelaw id-distribuzzjoni tal-EPC tal-kollaterali, l-istituzzjonijiet għandhom jiżvelaw separatament, fil-kolonna (o), dawk l-iskoperturi li għalihom ma għandhomx l-informazzjoni tal-EPC tal-kollateral. Meta l-istituzzjonijiet ma jkollhomx l-informazzjoni dwar l-EPC, iżda jkunu qegħdin jużaw kalkoli interni sabiex jistmaw l-effiċjenza enerġetika tal-kollateral, l-istituzzjonijiet għandhom jiżvelaw il-perċentwal tal-iskoperturi mingħajr it-tikketta tal-EPC tal-kollateral li għalih ikunu qegħdin jipprovdu stimi (il-perċentwal għandu jiġi kkalkolat abbażi tal-valur riportat gross tal-iskoperturi). L-istituzzjonijiet għandhom jiddivulgaw l-ammonti riportati grossi totali skont il-livell tal-konsum tal-enerġija u skont it-tikketta tal-EPC, bi tqassim skont il-post (żona tal-Unjoni vs żona mhux tal-Unjoni) li jiddifferenzjaw bejn self kollateralizzat bi proprjetà immobbli kummerċjali, self kollateralizzat bi proprjetà immobbli residenzjali u kollateral miksub bit-teħid tal-pussess.

Fil-każ ta’ skoperturi għal entitajiet li jinsabu f’pajjiżi terzi fejn ma hemm l-ebda tikketta tal-EPC ekwivalenti, l-istituzzjonijiet għandhom iħallu l-kolonni (h) sa (n) vojta. Madankollu, l-istituzzjonijiet għandhom jiddivulgaw l-informazzjoni meħtieġa fil-kolonni (o) u (p) u, meta rilevanti, fil-kolonni (b) sa (g) bid-data stmata.

Għal dawk l-iskoperturi relatati ma’ aktar minn kollateral wieħed, bħal żewġ proprjetajiet immobbli, l-informazzjoni dwar l-effiċjenza enerġetika tal-proprjetajiet relatati mal-iskopertura għandha tinqasam u tiġi żvelata separatament skont il-livelli tal-effiċjenza enerġetika (kemm f’kWh/m2 tal-kollateral, il-kolonni (b) sa (g), kif ukoll għat-tikketta tal-EPC, il-kolonni (h) sa (n) li jikkorrispondu għall-effiċjenza enerġetika ta’ kull kollateral). B’mod aktar speċifiku, l-istituzzjonijiet għandhom jikkalkolaw is-sehem ta’ kull kollateral fil-valur riportat gross ta’ skopertura abbażi tal-valur tal-kollateral u għandhom jiżvelaw taħt il-medda tal-effiċjenza enerġetika relatata ma’ kull kollateral. Pereżempju, l-istituzzjoni għandha self b’valur riportat gross ta’ EUR 100 000 kollateralizzat b’żewġ proprjetajiet: il-proprjetà A u l-proprjetà B. Il-proprjetà A għandha valur kollaterali ta’ EUR 80 000 u t-tikketta EPC A, filwaqt li l-proprjetà B għandha valur kollaterali ta’ EUR 70 000 u t-tikketta EPC D. F’dan l-eżempju, l-istituzzjonijiet għandhom jiżvelaw EUR 53 333 (jiġifieri EUR 100 000 * [80 000/(80 000 + 70 000)] taħt it-tikketta EPC A u EUR 46 667 (jiġifieri EUR 100 000 * [70 000/(80 000 + 70 000)] taħt it-tikketta EPC D, it-tnejn li huma jikkorrispondu għas-self speċifiku inkwistjoni.

Mudell 3: Portafoll bankarju – Indikaturi tar-riskju potenzjali ta’ tranżizzjoni tat-tibdil fil-klima: Metrika tal-allinjament. Format flessibbli (kolonni fissi, ringieli flessibbli).

L-istituzzjonijiet għandhom jużaw l-istruzzjonijiet li ġejjin sabiex jiżvelaw l-informazzjoni meħtieġa fil-“Mudell 3: Portafoll bankarju - Indikaturi tar-riskju potenzjali ta’ tranżizzjoni tat-tibdil fil-klima: Metriċi tal-allinjament”, kif stabbilit fl-Anness XXXIX ta’ dan ir-Regolament.

L-istituzzjonijiet għandhom jiżvelaw f’dan il-mudell informazzjoni dwar l-isforzi ta’ allinjament tagħhom mal-objettivi tal-Ftehim ta’ Pariġi għal numru magħżul ta’ setturi. Id-divulgazzjonijiet dwar l-allinjament għandhom ikopru sa liema punt il-flussi finanzjarji huma konsistenti ma’ perkors lejn emissjonijiet baxxi tal-gassijiet serra u żvilupp reżiljenti għall-klima kif imsemmi fil-Ftehim ta’ Pariġi. Ix-xenarju ekonomiku li jiddeskrivi li l-perkors tad-dekarbonizzazzjoni huwa x-Xenarju ta’ Emissjonijiet Nett Żero sal-2050 (NZE2050) tal-Aġenzija Internazzjonali tal-Enerġija (AIE) (*18). L-istituzzjonijiet għandhom iqisu dak ix-xenarju. Minħabba li l-AIE tipprovdi xenarji fil-livell globali u xi metriċi speċifiċi fil-livell Ewropew, l-istituzzjonijiet għandhom ikejlu d-distanza mill-parametri referenzjarji tax-xenarju tal-AIE fil-livell globali u, fejn il-metriċi speċifiċi fil-livell Ewropew ikunu disponibbli, fil-livell Ewropew.

L-istituzzjonijiet li diġà qegħdin jistmaw l-informazzjoni dwar l-allinjament settorjali tagħhom mal-Ftehim ta’ Pariġi għandhom jiżvelaw l-informazzjoni f’dan il-mudell. L-istituzzjonijiet għandhom jispjegaw fil-parti narrattiva li takkumpanja l-mudell il-metodu użat u s-sors tad-data. Dawk l-istituzzjonijiet li għadhom ma humiex qegħdin jistmaw l-allinjament settorjali tagħhom għandhom jiżvelaw informazzjoni dwar il-pjanijiet tagħhom sabiex jimplimentaw metodu sabiex jistmaw u jiżvelaw dik l-informazzjoni. Fi kwalunkwe każ, l-istituzzjonijiet għandhom jibdew jiżvelaw l-informazzjoni inkluża f’dan il-mudell bl-ewwel data ta’ referenza tad-divulgazzjoni mit-30 ta’ Ġunju 2024.

L-istituzzjonijiet għandhom jiżvelaw f’dan il-mudell:

(a)

Il-kolonni (a) u (b): dawn il-kolonni fihom is-setturi (is-setturi tal-AIE) fil-kolonna (a) li taħtha r-ringieli 1 sa 8 jelenkaw is-sett minimu obbligatorju ta’ setturi, u subsetturi (is-setturi tan-NACE fil-kolonna (b) skont il-“lista minima ta’ setturi tan-NACE li għandha titqies” kif indikat fil-mudell).

(b)

Meta l-kontroparti tal-istituzzjoni tkun kumpanija azzjonarja, l-istituzzjonijiet għandhom jikkunsidraw is-settur tan-NACE tal-obbligant speċifiku kkontrollat mill-kumpanija azzjonarja (jekk differenti mill-kumpanija azzjonarja) li jirċievi l-finanzjament minflok dak tal-kumpanija azzjonarja, b’mod partikolari f’dawk il-każijiet fejn l-obbligant ikun kumpanija mhux finanzjarja. Bl-istess mod, meta l-kontroparti diretta tal-istituzzjoni (l-obbligant) tkun veikolu bi skop speċjali (“SPE”), l-istituzzjonijiet għandhom jiżvelaw l-informazzjoni rilevanti skont is-settur tan-NACE assoċjat mal-attività ekonomika tal-kumpanija omm tal-SPE.

(c)

Il-klassifikazzjoni tal-iskoperturi mġarrba b’mod konġunt minn aktar minn obbligant wieħed għandha tkun ibbażata fuq il-karatteristiċi tal-obbligant li kien l-aktar rilevanti, jew determinanti, sabiex l-istituzzjoni tagħti l-iskopertura. L-istituzzjonijiet għandhom jiżvelaw informazzjoni skont il-kodiċijiet tan-NACE bil-livell ta’ granularità meħtieġ fil-kolonna (b).

(d)

Il-kolonna (c): il-valur riportat gross kif definit fil-Parti 1 tal-Anness V tar-Regolament ta’ Implimentazzjoni (UE) 2021/451 ta’ dawk l-iskoperturi għal korporazzjonijiet mhux finanzjarji f’kull wieħed mis-setturi speċifikati fil-kolonni (a) u (b), inklużi self u avvanzi, titoli ta’ dejn u strumenti ta’ ekwità, ikklassifikati fil-portafolli kontabilistiċi fil-portafoll bankarju f’konformità ma’ dak ir-Regolament ta’ Implimentazzjoni, bl-esklużjoni tal-assi finanzjarji miżmuma għan-negozjar jew assi miżmuma għall-bejgħ.

(e)

Il-kolonni (d) u (e): metrika/metriċi tal-allinjament applikata/i mill-istituzzjoni u l-eqreb sena ta’ referenza għall-metrika/metriċi tal-allinjament għal kull settur. L-istituzzjonijiet għandhom jużaw il-metriċi tal-allinjament li jistgħu jitkejlu kontra l-Emissjonijiet Netti Żero sal-2050 tax-Xenarju (NZE2050). L-istituzzjonijiet għandhom jiżguraw li l-metrika tippermetti li jiġu ddivulgati b’mod komprensiv il-kapaċitajiet ta’ produzzjoni ffinanzjati mill-istituzzjonijiet u tinkludi l-attivitajiet kollha rilevanti ffinanzjati b’intensità qawwija ta’ karbonju. Xi metriċi tal-kampjun huma inklużi fil-mudell. L-istituzzjonijiet għandhom jiddivulgaw diversi metriċi għal kull settur li huwa rilevanti għall-attività ta’ finanzjament tagħhom. Dawn għandhom ikopru l-metrika tal-intensità tal-emissjonijiet, il-metriċi tat-teknoloġija bbażata fuq il-mix u l-metrika bbażata fuq il-produzzjoni. L-istituzzjonijiet għandhom jiddependu fuq il-valutazzjoni tal-assi u l-attivitajiet sottostanti marbuta mal-istrumenti finanzjarji.

Għal self li l-użu tar-rikavati tiegħu jkun magħruf, il-valur għandu jiġi inkluż għas-settur rilevanti u l-metrika tal-allinjament. Għal self li l-użu tar-rikavati tiegħu ma jkunx magħruf, il-valur riportat gross tal-iskopertura għandu jiġi allokat għas-setturi rilevanti u l-metrika tal-allinjament abbażi tad-distribuzzjoni tal-attività tal-kontropartijiet, inkluż bil-fatturat tal-kontropartijiet skont l-attività.

L-istituzzjonijiet għandhom iżidu ringiela fil-mudell għal kull kombinazzjoni rilevanti ta’ setturi żvelati fil-kolonna (b) u l-metriċi ta’ allinjament għandhom ikunu inklużi fil-kolonna (d).

(f)

Il-kolonna (f): id-distanza tal-punt fiż-żmien tal-metrika/metriċi tal-kolonna (d) għall-punti tad-data tal-2030 tax-Xenarju ta’ Emissjonijiet Netti Żero sal-2050 (NZE2050), għandu jiġi espress f’punti perċentwali. Dik id-distanza għandha tirrappreżenta l-grad attwali ta’ allinjament mal-indikatur tax-xenarju għall-2030 u għandha tiġi espressa bħala d-differenza bejn l-indikatur fil-kolonna (d) u l-projezzjoni tax-xenarju tal-AIE għall-2030, diviża bl-indikatur tal-parametru referenzjarju tax-xenarju u kkonvertita f’termini perċentwali.

L-istituzzjonijiet jistgħu jsibu l-informazzjoni rilevanti u l-indikaturi tax-xenarju applikabbli għall-2030 għal kull settur fuq is-sit web tal-AIE. B’mod partikolari, l-istituzzjonijiet għandhom jirreferu għal “Newtralità Klimatika sal-2050 - Pjan Direzzjonali għas-Settur tal-Enerġija Globali” li l-AIE tippubblika fuq bażi annwali (*19). Il-punti tad-data u l-indikaturi speċifiċi jistgħu jitniżżlu mit-tabella tal-excel inkluża fix-Xenarju ta’ Emissjonijiet Nett Żero sal-2050 imfassal mill-Aġenzija Internazzjonali tal-Enerġija

L-attivitajiet sottostanti tal-iskoperturi għandhom jitqiesu allinjati meta l-livell tal-indikatur ikun taħt dak tal-parametru referenzjarju għat-tnaqqis tal-parametri referenzjarji (attivitajiet b’intensità qawwija ta’ karbonju) jew ogħla għal żieda fil-parametri referenzjarji (attivitajiet b’livell baxx ta’ emissjonijiet tal-karbonju);

(g)

Il-kolonna (g): il-mira tal-istituzzjonijiet għal 3 snin wara s-sena ta’ referenza indikata fil-kolonna (e) u l-metrika tal-allinjament indikata fil-kolonna (d). Il-kolonna (g) għandha tindika l-perkors u l-miri tal-allinjament tal-portafoll li l-istituzzjonijiet qegħdin jippjanaw li jiksbu sabiex jibqgħu fit-triq it-tajba bix-xenarju tal-AIE fit-tul.

Mudell 4 - Portafoll bankarju – Indikaturi tar-riskju potenzjali tat-tranżizzjoni lejn it-tibdil fil-klima: Skoperturi għall-aqwa 20 ditta b’intensità ta’ karbonju. Format fiss

L-istituzzjonijiet għandhom jużaw l-istruzzjonijiet li ġejjin sabiex jiżvelaw l-informazzjoni meħtieġa fil-“Mudell 4: Portafoll bankarju – Indikaturi tar-riskju potenzjali ta’ tranżizzjoni tat-tibdil fil-klima: Skoperturi għall-aqwa 20 ditta b’intensità ta’ karbonju, kif stabbilit fl-Anness XXXIX ta’ dan ir-Regolament.

L-istituzzjonijiet għandhom jiżvelaw f’dan il-mudell informazzjoni aggregata dwar l-iskoperturi lejn l-aktar kontropartijiet b’intensità ta’ karbonju fid-dinja. Dawn għandhom jinkludu informazzjoni aggregata u anonimizzata dwar il-valur riportat gross ta’ skoperturi sa 20 kontroparti li huma fost l-aqwa 20 korporazzjonijiet b’intensità ta’ karbonju madwar id-dinja. L-informazzjoni għandha tkun ibbażata fuq informazzjoni affidabbli u akkurata disponibbli għall-pubbliku. Eżempji ta’ sorsi tad-data sabiex jiġu identifikati l-kumpaniji bl-aktar intensità ta’ karbonju jinkludu l-Carbon Majors Database u r-Rapporti tal-Carbon Disclosure Project u l-Climate Accountability Institute kif ukoll Thomson Reuters.

L-istituzzjonijiet għandhom jiżvelaw is-sors tad-data li jużaw fin-narrattiva li takkumpanja d-divulgazzjoni. Meta l-istituzzjonijiet ma jkunux jistgħu jidentifikaw skoperturi lejn l-aqwa 20 ditta b’intensità ta’ karbonju fid-dinja, huma għandhom jispjegaw għaliex ma jkunux indikaw tali skoperturi, inkluż fil-każ li fih ma jkollhom l-ebda skopertura lejn l-aqwa 20 ditta b’intensità ta’ karbonju fid-dinja.

	Kolonna	Struzzjonijiet
a	Valur riportat gross (aggregat)	Il-valur riportat gross għandu tifsira kif imsemmija fil-Parti 1 tal-Anness V tar-Regolament ta’ Implimentazzjoni (UE) 2021/451. Dan jinkludi self u avvanzi, titoli ta’ dejn u strumenti ta’ ekwità, ikklassifikati taħt il-portafolli tal-kontabilità fil-portafoll bankarju skont dak ir-Regolament ta’ Implimentazzjoni, bl-esklużjoni tal-assi finanzjarji miżmuma għan-negozjar u l-assi miżmuma għall-bejgħ. L-istituzzjonijiet għandhom jinkludu l-iskoperturi aggregati sa 20 kontroparti tal-istituzzjoni li huma fost l-aqwa 20 korporazzjoni b’intensità ta’ karbonju madwar id-dinja.
b	Valur riportat gross lejn il-kumpanija meta mqabbel mal-valur riportat gross totali (aggregat)	L-istituzzjonijiet għandhom jiżvelaw il-perċentwal li jirriżulta mill-valur riportat gross aggregat indikat fil-kolonna (a), diviż bil-valur riportat gross totali tal-iskoperturi tal-istituzzjonijiet fil-portafoll bankarju, kif imsemmi fil-Parti 1 tal-Anness V tar-Regolament ta’ Implimentazzjoni (UE) 2021/451, inklużi s-self u l-avvanzi, titoli ta’ dejn u strumenti ta’ ekwità fil-portafoll bankarju, ikklassifikati taħt il-portafolli tal-kontabilità fil-portafoll bankarju f’konformità ma’ dak ir-Regolament ta’ Implimentazzjoni, bl-esklużjoni tal-assi finanzjarji miżmuma għan-negozjar u tal-assi miżmuma għall-bejgħ.
c	Li minnhom ambjentalment sostenibbli (CCM)	L-istituzzjonijiet għandhom jiżvelaw il-valur riportat gross aggregat ta’ skoperturi ambjentalment sostenibbli li jikkontribwixxu għall-objettiv tal-mitigazzjoni tat-tibdil fil-klima. Dak l-ammont għandu jkun ibbażat fuq l-iskop tal-attività ffinanzjata, għal self bi skop speċjali, jew fuq l-informazzjoni tal-kontroparti dwar il-livell ta’ allinjament tal-attivitajiet ekonomiċi tagħha mar-Regolament (UE) 2020/852, għall-objettiv tal-mitigazzjoni tat-tibdil fil-klima (% tal-fatturat li jikkontribwixxi sostanzjalment għall-mitigazzjoni tat-tibdil fil-klima). L-istituzzjonijiet għandhom jibdew jiżvelaw din l-informazzjoni mal-ewwel data ta’ referenza tad-divulgazzjoni mill-31 ta’ Diċembru 2023.
d	Maturità medja	L-istituzzjonijiet għandhom jiżvelaw il-maturità medja tal-iskoperturi kkunsidrati fil-komputazzjoni ponderata bil-valur riportat gross tal-iskopertura.
e	In-numru tal-20 kumpanija li jniġġsu l-aktar inklużi	L-istituzzjonijiet għandhom jindikaw in-numru ta’ kumpaniji li jniġġsu l-aktar inklużi fil-kalkolu tal-valur riportat gross aggregat.

Mudell 5 - Portafoll bankarju – Indikaturi tar-riskju fiżiku potenzjali tat-tibdil fil-klima: Skoperturi soġġetti għal riskju fiżiku. Format fiss.

L-istituzzjonijiet għandhom jużaw l-istruzzjonijiet li ġejjin sabiex jiżvelaw l-informazzjoni meħtieġa fil-“Mudell 5: Portafoll bankarju – Indikaturi tar-riskju fiżiku potenzjali tat-tibdil fil-klima: Skoperturi soġġetti għal riskju fiżiku”, kif stabbilit fl-Anness XXXIX ta’ dan ir-Regolament.

L-istituzzjonijiet għandhom jinkludu f’dan il-mudell informazzjoni dwar skoperturi fil-portafoll bankarju, inklużi self u avvanzi, titoli ta’ dejn u strumenti ta’ ekwità mhux miżmuma għan-negozju u mhux miżmuma għall-bejgħ, lejn korporazzjonijiet mhux finanzjarji, fuq self kollateralizzat bi proprjetà immobbli u fuq kollaterali ta’ beni immobbli meħuda lura, esposti għal perikli kroniċi u akuti relatati mal-klima, b’diżaggregazzjoni skont is-settur tal-attività ekonomika (il-klassifikazzjoni NACE) u skont il-ġeografija tal-post tal-attività tal-kontroparti jew tal-kollateral, għal dawk is-setturi u ż-żoni ġeografiċi soġġetti għal avvenimenti akuti u kroniċi relatati mat-tibdil fil-klima.

Għall-identifikazzjoni tal-ġeografija suxxettibbli għal perikli speċifiċi relatati mal-klima, l-istituzzjonijiet għandhom jużaw portali u bażijiet tad-data ddedikati. Sabiex tinkiseb informazzjoni dwar il-karatteristiċi tal-postijiet sensittivi għall-avvenimenti tat-tibdil fil-klima, l-istituzzjonijiet jistgħu jużaw id-data offruta mill-korpi tal-Unjoni u mill-awtoritajiet tal-gvern nazzjonali inklużi l-aġenziji meteoroloġiċi, ambjentali, statistiċi jew l-organizzazzjonijiet tal-ġeoxjenza. Eżempji ta’ sorsi tad-data sabiex jiġu identifikati żoni ġeografiċi soġġetti għal perikli relatati mat-tibdil fil-klima jinkludu (*20): GFDRR - ThinkHazard! (li jkopru mewġiet ta’ sħana, skarsezza u stress tal-ilma, għargħar, nirien fil-foresti, uragani, uqigħ tal-art); PREP – PREPdata (għargħar kostali, sħana estrema, uqigħ tal-art, skarsezza u stress tal-ilma, nirien fil-foresti); WRI – Atlas tar-Riskju tal-Ilma tal-Akkwedott (għargħar, għargħar kostali, skarsezza tal-ilma u stress) Swiss Re — CatNet ® (għargħar, ċiklun tropikali (uragan & amptyphoon), nirien fil-foresti); Il-Bank Dinji - Portal tal-Għarfien dwar it-Tibdil fil-Klima (sħana estrema, xita estrema, nixfa); PCA - Pjattaforma dwar ir-Riskju Globali ta’ Nixfa (nixfa); NOAA - Trakkijiet tal-uragan storiku (ċiklun tropikali (uragan & amptyphoon).

Meta l-kontroparti tkun kumpanija azzjonarja, l-istituzzjonijiet għandhom jikkunsidraw is-settur NACE tal-obbligant speċifiku kkontrollat mill-kumpanija azzjonarja (jekk differenti mill-kumpanija azzjonarja nnifisha) li tirċievi l-finanzjament, b’mod partikolari f’dawk il-każijiet fejn l-obbligant ikun kumpanija mhux finanzjarja. Bl-istess mod, meta l-kontroparti diretta tal-istituzzjoni (l-obbligant) tkun SPV, l-istituzzjonijiet għandhom jiżvelaw l-informazzjoni rilevanti skont is-settur tan-NACE assoċjata mal-attività ekonomika tal-kumpanija omm tal-SPV. Il-klassifikazzjoni tal-iskoperturi konġunti minn aktar minn obbligant wieħed għandha ssir abbażi tal-karatteristiċi tal-obbligant li kien l-aktar rilevanti sabiex l-istituzzjoni tagħti l-iskopertura. Id-distribuzzjoni ta’ skoperturi mġarrba b’mod konġunt minn kodiċijiet tan-NACE għandha tkun xprunata mill-karatteristiċi tal-obbligant l-aktar rilevanti jew determinanti.

L-istituzzjonijiet għandhom jiżvelaw l-informazzjoni f’dan il-mudell fuq bażi tal-aħjar sforz u għandhom jispjegaw fin-narrattiva li takkumpanja l-mudell is-sorsi ta’ informazzjoni u l-metodi li użaw sabiex jidentifikaw skoperturi soġġetti għal riskju fiżiku tat-tibdil fil-klima.

Kolonni

Struzzjonijiet

Żona ġeografika soġġetta għal avvenimenti akuti u kroniċi relatati mat-tibdil fil-klima

L-istituzzjonijiet għandhom ikopru żoni ġeografiċi esposti għal impatt negattiv minn avvenimenti fiżiċi tat-tibdil fil-klima. Dawn iż-żoni ġeografiċi jinkludu l-pajjiżi jew reġjuni ġeografiċi jew amministrattivi oħrajn fejn jinsabu l-attivitajiet jew il-kollateral tal-kontroparti, u li huma esposti għal avvenimenti tat-tibdil fil-klima kroniku jew akut. Għall-kopertura ġeografika tal-iskoperturi, l-istituzzjonijiet għandhom jużaw il-livell ta’ diviżjonijiet indikat fil-Klassifikazzjoni Komuni ta’ Unitajiet Territorjali għall-Istatistika (jew NUTS)*, kif xieraq.

Valur riportat gross

L-istituzzjonijiet għandhom jiżvelaw il-valur riportat gross kif definit fil-Parti 1 tal-Anness V tar-Regolament ta’ Implimentazzjoni (UE) 2021/451 ta’ dawk l-iskoperturi għal korporazzjonijiet mhux finanzjarji (inklużi self u avvanzi, titoli ta’ dejn u strumenti ta’ ekwità), ikklassifikati taħt il-portafolli tal-kontabilità fil-portafoll bankarju f’konformità ma’ dak ir-Regolament ta’ Implimentazzjoni, esklużi l-assi finanzjarji miżmuma għan-negozjar u l-assi miżmuma għall-bejgħ.

c - o

li minnhom skoperturi sensittivi għall-impatt minn avvenimenti fiżiċi tat-tibdil fil-klima

L-istituzzjonijiet għandhom jiżvelaw il-valur riportat gross ta’ skoperturi suxxettibbli għall-impatt minn avvenimenti fiżiċi tat-tibdil fil-klima. Il-valur riportat gross ta’ skoperturi suxxettibbli għal impatt minn avvenimenti fiżiċi tat-tibdil fil-klima jista’ jkun daqs l-ammont sħiħ tal-iskopertura żvelat fil-kolonna (b) ta’ dan il-mudell jew jista’ jkun parti minn dak l-ammont ta’ skopertura.

c - g

Diżaggregazzjoni skont il-medda ta’ maturità

L-istituzzjonijiet għandhom jallokaw l-iskoperturi għat-taqsima rilevanti skont il-maturità residwa tal-istrument finanzjarju, filwaqt li jqisu dan li ġej:

(a)	fejn l-ammont jitħallas lura f’pagamenti parzjali, l-iskopertura għandha tiġi allokata fil-medda ta’ maturità li tikkorrispondi għall-aħħar pagament parzjali;

(b)	fejn skopertura ma jkollha l-ebda maturità ddikjarata għal raġunijiet oħrajn għajr il-kontroparti li jkollha l-għażla tad-data tat-tifdija, l-ammont ta’ din l-iskopertura għandu jiġi żvelat fil-kolonna “> 20 sena”;

(c)	sabiex tiġi kkalkolata l-maturità medja tal-iskopertura, l-istituzzjonijiet għandhom jiżnu l-maturità ta’ kull skopertura bil-valur riportat gross tal-iskoperturi.

li minnhom skoperturi sensittivi għall-impatt minn avvenimenti kroniċi tat-tibdil fil-klima

L-istituzzjonijiet għandhom jiżvelaw il-valur riportat gross ta’ skoperturi sensittivi għall-impatt minn avvenimenti kroniċi tat-tibdil fil-klima biss, inklużi perikli relatati ma’ bidliet gradwali fit-temp u fil-klima u li jkollhom impatt possibbli fuq l-output ekonomiku u l-produttività.

li minnhom skoperturi sensittivi għall-impatt minn avvenimenti akuti tat-tibdil fil-klima

L-istituzzjonijiet għandhom jiżvelaw il-valur riportat gross ta’ skoperturi sensittivi għall-impatt minn avvenimenti akuti tat-tibdil fil-klima biss, inklużi perikli li jistgħu jikkawżaw ħsara f’daqqa lill-proprjetajiet, tfixkil fil-ktajjen tal-provvista, u deprezzament tal-assi.

li minnhom skoperturi sensittivi għall-impatt kemm minn avvenimenti tat-tibdil fil-klima kronika kif ukoll minn dawk akuti

L-istituzzjonijiet għandhom jiżvelaw il-valur riportat gross soġġett għal impatt kemm minn avvenimenti tat-tibdil fil-klima kronika kif ukoll minn avvenimenti tat-tibdil fil-klima akuta, imsemmija fil-kolonni (h) u (i).

Li minnhom fi stadju 2

L-istituzzjonijiet li japplikaw l-IFRS għandhom jiżvelaw il-valur riportat gross tal-istrumenti ta’ “Stadju 2” kif definit fl-IFRS 9.

Li minnhom skoperturi li ma jrendux

L-istituzzjonijiet għandhom jiżvelaw il-valur riportat gross ta’ skoperturi li ma jrendux kif imsemmi fl-Artikolu 47a(3) tar-Regolament (UE) Nru 575/2013, li huma suxxettibbli għal impatt minn avvenimenti tat-tibdil fil-klima.

m, n, o

Indeboliment akkumulat, tibdiliet negattivi akkumulati fil-valur ġust minħabba r-riskju ta’ kreditu u dispożizzjonijiet

L-istituzzjonijiet għandhom jiżvelaw l-ammonti msemmija fil-Parti 2, il-punti 11, 69, 70, 71, 106 u 110, tal-Anness V tar-Regolament ta’ Implimentazzjoni (UE) 2021/451.

li minnhom skoperturi tal-Istadju 2

Il-kolonna (m) għandha jkollha l-ammont ta’ indeboliment akkumulat tal-iskoperturi tal-istadju 2.

L-istituzzjonijiet li japplikaw l-IFRS għandhom jiddivulgaw l-ammont riportat gross tal-istrumenti tal-“Istadju 2” kif stabbilit fl-IFRS 9.

li minnhom skoperturi improduttivi

L-istituzzjonijiet għandhom jiddivulgaw l-ammont ta’ indeboliment akkumulat, il-bidliet negattivi akkumulati fil-valur ġust minħabba r-riskju ta’ kreditu u l-provvedimenti attribwibbli għal skoperturi improduttivi, kif imsemmi fl-Artikolu 47a(3) tar-Regolament (UE) Nru 575/2013.

Mudell 6 – Sommarju tal-indikaturi ewlenin tal-prestazzjoni (KPIs) dwar l-iskoperturi allinjati mat-Tassonomija. Format fiss.

Fil-mudell 6, l-istituzzjonijiet għandhom jipprovdu ħarsa ġenerali lejn il-KPIs ikkalkolati abbażi tal-mudelli 7 u 8 tal-Anness XXXIX, inkluż il-proporzjon tal-assi ekoloġiċi (GAR) kif imsemmi fir-Regolament Delegat tal-Kummissjoni (UE) 2021/2178 (*21)

Filwaqt li r-Regolament Delegat (UE) 2021/2178 jirrikjedi li l-entitajiet jistmaw u jiżvelaw il-GAR darbtejn, ladarba jkunu bbażati fuq l-allinjament tat-tassonomija tal-fatturat tal-kontroparti (għal korporazzjonijiet mhux finanzjarji) għal dawk l-iskoperturi li l-iskop tagħhom ma jkunx li jiffinanzjaw attivitajiet speċifiċi identifikati (self għal skop ġenerali), u għal darb’oħra abbażi tal-allinjament tat-tassonomija tan-nefqa kapitali (CapEx) tal-kontroparti għall-istess skoperturi ta’ għoti ta’ self għal skop ġenerali, f’dan il-mudell l-istituzzjonijiet għandhom jiżvelaw biss il-GAR darba, abbażi tal-allinjament tal-fatturat tal-kontroparti għall-parti tas-self għal skop ġenerali biss.

Għall-istokk, l-istokk tal-GAR (il-mitigazzjoni tat-tibdil fil-klima), il-GAR (l-adattament għat-tibdil fil-klima), il-GAR (il-mitigazzjoni tat-tibdil fil-klima u l-adattament għat-tibdil fil-klima) għandhom jikkorrispondu għall-KPI inklużi fil-kolonni (b), (g) u (l) rispettivament tal-Mudell 8, kif xieraq. Bl-istess mod, għall-fluss, il-GAR (mitigazzjoni tat-tibdil fil-klima), il-GAR (adattament għat-tibdil fil-klima), il-GAR (mitigazzjoni tat-tibdil fil-klima u adattament għat-tibdil fil-klima) għandhom jikkorrispondu għall-KPI inkluż fir-ringiela 1, il-kolonni (r), (w) u (ab) tal-istess Mudell 8.

L-informazzjoni dwar il-kopertura għandha tiġi inkluża fil-Mudell 8, ir-ringiela 1, il-kolonna (p) għall-istokk ta’ GAR, u (af) għall-fluss ta’ GAR.

L-istituzzjonijiet għandhom jibdew jiddivulgaw din l-informazzjoni bl-ewwel data ta’ referenza mill-31 ta’ Diċembru 2023, li f’konformità mal-ewwel data ta’ referenza għad-divulgazzjoni tal-informazzjoni dwar il-GAR imsemmija fir-Regolament Delegat (UE) 2021/2178.

Mudell 7 - Azzjonijiet ta’ mitigazzjoni: Assi għall-kalkolu tal-GAR. Format fiss

L-istituzzjonijiet għandhom jużaw l-istruzzjonijiet li ġejjin sabiex jiżvelaw l-informazzjoni meħtieġa fil-“Mudell 7 - Azzjonijiet ta’ mitigazzjoni: Assi għall-kalkolu tal-GAR”, kif stabbilit fl-Anness XXXIX ta’ dan ir-Regolament.

L-istituzzjonijiet għandhom jiddivulgaw f’dan il-mudell informazzjoni dwar l-ammont riportat gross tas-self u l-avvanzi tal-istituzzjonijiet, it-titoli ta’ dejn u l-istrumenti ta’ ekwità fil-portafoll bankarju tagħhom, b’diżaggregazzjoni tal-informazzjoni skont it-tip ta’ kontroparti, inklużi korporazzjonijiet finanzjarji, korporazzjonijiet mhux finanzjarji, unitajiet domestiċi, gvernijiet lokali kif ukoll self ta’ proprjetà immobbli lil unitajiet domestiċi, u l-eliġibbiltà tat-tassonomija u l-allinjament tat-tassonomija tal-iskoperturi fir-rigward tal-objettivi ambjentali tal-mitigazzjoni tat-tibdil fil-klima u l-adattament għat-tibdil fil-klima kif imsemmi fil-punti (a) u (b) tal-Artikolu 9 tar-Regolament (UE) 2020/852.

B’mod partikolari, l-istituzzjonijiet għandhom jinkludu f’dan il-mudell l-informazzjoni meħtieġa għall-kalkolu tal-GAR f’konformità mar-Regolament Delegat (UE) 2021/2178. Filwaqt li r-Regolament Delegat (UE) 2021/2178 jirrikjedi li l-istituzzjonijiet jistmaw u jiżvelaw il-GAR darbtejn, ladarba jkunu bbażati fuq l-allinjament tat-tassonomija tal-fatturat tal-kontroparti (għal korporazzjonijiet mhux finanzjarji) għal dawk l-iskoperturi li l-iskop tagħhom ma jkunx li jiffinanzjaw attivitajiet speċifiċi identifikati (self għal skop ġenerali), u għal darb’oħra abbażi tal-allinjament tat-tassonomija ta’ CapEx tal-kontroparti għall-istess skoperturi ta’ għoti ta’ self għal skop ġenerali, f’dan il-mudell l-istituzzjonijiet għandhom jiżvelaw il-GAR darba biss abbażi tal-allinjament tal-fatturat tal-kontroparti għall-parti tas-self għal skop ġenerali.

Abbażi ta’ dik l-informazzjoni, l-istituzzjonijiet għandhom jikkalkolaw u jiżvelaw il-GAR tagħhom kif imsemmi fir-Regolament Delegat (UE) 2021/2178. L-informazzjoni inkluża għandha tkun relatata mal-mitigazzjoni tat-tibdil fil-klima u mal-adattament għat-tibdil fil-klima kif imsemmi fl-Artikolu 9, il-punti (a) u (b), tar-Regolament (UE) 2020/852.

L-istituzzjonijiet għandhom jiżvelaw din l-informazzjoni bl-ewwel data ta’ referenza mill-31 ta’ Diċembru 2023 li hija l-ewwel data ta’ referenza tad-divulgazzjoni għall-informazzjoni dwar il-GAR kif imsemmi fir-Regolament Delegat (UE) 2021/2178.

Kolonni	Struzzjonijiet
a	Valur riportat gross L-istituzzjonijiet għandhom jiżvelaw il-valur riportat gross kif definit fil-Parti 1 tal-Anness V tar-Regolament ta’ Implimentazzjoni (UE) 2021/451.
b	Li minnu: lejn setturi rilevanti mat-tassonomija L-istituzzjonijiet għandhom jiżvelaw il-valur riportat gross kif definit fil-Parti 1 tal-Anness V tar-Regolament ta’ Implimentazzjoni (UE) 2021/451. L-istituzzjonijiet għandhom jiżvelaw il-valur riportat gross ta’ skoperturi eliġibbli lejn setturi (il-kodiċijiet NACE tal-livell 4) rilevanti għall-objettiv ambjentali korrispondenti skont it-Tassonomija, kif speċifikat fl-Anness I tar-Regolament Delegat tal-Kummissjoni (UE) 2021/2139 (*22). L-istituzzjonijiet għandhom jiżvelaw skoperturi lejn setturi rilevanti skont l-objettiv tal-mitigazzjoni tat-tibdil fil-klima f’konformità mal-Artikolu 9, il-punt (a), u mal-Artikolu 10 tar-Regolament (UE) 2020/852.
c	Li minnu: ambjentalment sostenibbli L-istituzzjonijiet għandhom jiżvelaw il-valur riportat gross kif definit fil-Parti 1 tal-Anness V tar-Regolament ta’ Implimentazzjoni (UE) 2021/451. L-istituzzjonijiet għandhom jiżvelaw il-valur riportat gross ta’ skoperturi eliġibbli li huma ambjentalment sostenibbli, kif speċifikat fl-Anness I tar-Regolament Delegat (UE) 2021/2139. L-istituzzjonijiet għandhom jiżvelaw skoperturi ambjentalment sostenibbli skont l-objettiv tal-mitigazzjoni tat-tibdil fil-klima f’konformità mal-Artikolu 9, il-punt (a), u mal-Artikolu 10 tar-Regolament (UE) 2020/852. Meta l-użu tar-rikavati jkun magħruf (self speċjalizzat, inkluż self finanzjarju għal proġetti, kif imsemmi fl-Anness V tar-Regolament ta’ Implimentazzjoni (UE) 2021/451), l-istituzzjonijiet għandhom jiżvelaw sa fejn l-iskopertura tkun ambjentalment sostenibbli. Tali divulgazzjoni hija bbażata fuq il-punt sa fejn il-proġett iffinanzjat jikkontribwixxi sostanzjalment għall-mitigazzjoni tat-tibdil fil-klima, f’konformità mal-Artikolu 10 tar-Regolament (UE) 2020/852, jew huwa attività abilitanti f’konformità mal-Artikolu 16 ta’ dak ir-Regolament, u jissodisfa l-kriterji speċifikati fl-Artikolu 3 ta’ dak ir-Regolament. Meta l-użu tar-rikavati ma jkunx magħruf, l-istituzzjonijiet għandhom jiddivulgaw il-punt sa fejn l-iskopertura tkun ambjentalment sostenibbli billi jużaw l-informazzjoni riċevuta mill-kontroparti, f’konformità mal-Artikolu 8 tar-Regolament (UE) 2020/852, dwar il-proporzjon tal-fatturat derivat minn prodotti jew servizzi assoċjati ma’ attivitajiet ekonomiċi li jikkwalifikaw bħala ambjentalment sostenibbli skont l-Artikoli 3 ta’ dak ir-Regolament. Kull skopertura għandha titqies darba biss u għandha tiġi allokata għal objettiv ambjentali wieħed biss. Fejn l-iskoperturi jkunu rilevanti għal aktar minn objettiv ambjentali wieħed, l-allokazzjoni għandha ssir għall-aktar objettiv rilevanti.
d	Li minnu: self speċjalizzat L-istituzzjonijiet għandhom jiżvelaw il-valur riportat gross kif definit fil-Parti 1 tal-Anness V tar-Regolament ta’ Implimentazzjoni (UE) 2021/451. Skoperturi speċjalizzati ta’ għoti ta’ self għandhom jinftiehmu kif imsemmi fl-Artikolu 147(8) tar-Regolament (UE) Nru 575/2013. Dan jinkludi skoperturi li huma ambjentalment sostenibbli skont l-objettiv tal-mitigazzjoni tat-tibdil fil-klima f’konformità mal-Artikolu 9, il-punt (a), u l-Artikolu 10 tar-Regolament (UE) 2020/852. Meta l-użu tar-rikavati jkun magħruf, fil-każ ta’ istituzzjonijiet speċjalizzati ta’ għoti ta’ self, għandhom jiżvelaw sa liema punt l-iskopertura tkun ambjentalment sostenibbli abbażi tal-punt u l-proporzjon li għalihom il-proġett speċifiku ffinanzjat jikkwalifika bħala li jikkontribwixxi sostanzjalment għall-mitigazzjoni tat-tibdil fil-klima (informazzjoni speċifika għall-proġett), f’konformità mal-Artikolu 10 tar-Regolament (UE) 2020/852, jew bħala attività abilitanti f’konformità mal-Artikolu 16, u jissodisfa l-kriterji speċifikati fl-Artikolu 3 ta’ dak ir-Regolament. L-istituzzjonijiet għandhom jipprovdu informazzjoni trasparenti dwar it-tip ta’ attivitajiet ekonomiċi li qegħdin jiġu ffinanzjati permezz ta’ self speċjalizzat. Meta l-istess skopertura speċjalizzata ta’ għoti ta’ self tkun rilevanti għal żewġ objettivi ambjentali, l-istituzzjonijiet għandhom jallokawha għall-aktar objettiv rilevanti.
e	Li minnu: tranżizzjonali L-Artikolu 10 tar-Regolament (UE) 2020/852.
f	Li minnu: abilitanti L-Artikolu 16 tar-Regolament (UE) 2020/852.
g	Li minnu: lejn setturi rilevanti mat-tassonomija L-istituzzjonijiet għandhom jiżvelaw il-valur riportat gross kif definit fil-Parti 1 tal-Anness V tar-Regolament ta’ Implimentazzjoni (UE) 2021/451. L-istituzzjonijiet għandhom jiżvelaw il-valur riportat gross ta’ skoperturi eliġibbli lejn setturi (il-kodiċijiet NACE tal-livell 4) rilevanti għall-objettiv ambjentali korrispondenti skont it-Tassonomija, kif speċifikat fl-Anness II tar-Regolament Delegat (UE) 2021/2139. L-istituzzjonijiet għandhom jiddivulgaw skoperturi lejn setturi rilevanti taħt l-objettiv tal-adattament għat-tibdil fil-klima f’konformità mal-Artikolu 9, il-punt (b), u l-Artikolu 11 tar-Regolament (UE) 2020/852.
h	Li minnhom: ambjentalment sostenibbli L-istituzzjonijiet għandhom jiddivulgaw l-ammont riportat gross kif definit fil-Parti 1 tal-Anness V tar-Regolament ta’ Implimentazzjoni (UE) 2021/451. L-istituzzjonijiet għandhom jiddivulgaw l-ammont riportat gross tal-iskoperturi eliġibbli li huma ambjentalment sostenibbli, kif speċifikat fl-Anness II tar-Regolament Delegat (UE) 2021/2139. L-istituzzjonijiet għandhom jiddivulgaw skoperturi li jkunu ambjentalment sostenibbli taħt l-objettiv tal-adattament għat-tibdil fil-klima f’konformità mal-Artikolu 9, il-punt (b), u l-Artikolu 11 tar-Regolament (UE) 2020/852. Meta l-użu tar-rikavati jkun magħruf, fil-każ ta’ istituzzjonijiet speċjalizzati ta’ għoti ta’ self, għandu jiġi żvelat sa liema punt l-iskopertura tkun ambjentalment sostenibbli abbażi tal-punt u l-proporzjon li fih il-proġett iffinanzjat jikkwalifika bħala li jikkontribwixxi sostanzjalment għall-adattament għat-tibdil fil-klima, f’konformità mal-Artikolu 11 tar-Regolament (UE) 2020/852, jew bħala attività abilitanti f’konformità mal-Artikolu 16 ta’ dak ir-Regolament, u li jissodisfa l-kriterji speċifikati fl-Artikolu 3 tiegħu ta’ dak ir-Regolament. Meta l-użu tar-rikavati ma jkunx magħruf, l-istituzzjonijiet għandhom jiddivulgaw il-punt sa fejn l-iskopertura tkun ambjentalment sostenibbli billi jużaw l-informazzjoni mill-kontroparti, f’konformità mal-Artikolu 8 tar-Regolament (UE) 2020/852, dwar il-proporzjon tal-fatturat derivat minn prodotti jew servizzi assoċjati ma’ attivitajiet ekonomiċi li jikkwalifikaw bħala ambjentalment sostenibbli skont l-Artikoli 3 ta’ dak ir-Regolament. Kull skopertura għandha titqies darba biss u għandha tiġi allokata għal objettiv ambjentali wieħed biss. Fejn l-iskoperturi jkunu rilevanti għal aktar minn objettiv ambjentali wieħed, l-iskoperturi għandhom jiġu allokati għall-aktar objettiv rilevanti.
i	Li minnu: self speċjalizzat L-istituzzjonijiet għandhom jiżvelaw il-valur riportat gross kif definit fil-Parti 1 tal-Anness V tar-Regolament ta’ Implimentazzjoni (UE) 2021/451. Skoperturi speċjalizzati ta’ għoti ta’ self għandhom jinftiehmu kif imsemmi fl-Artikolu 147(8) tar-Regolament (UE) Nru 575/2013. L-istituzzjonijiet għandhom jiżvelaw skoperturi speċjalizzati ta’ għoti ta’ self li huma ambjentalment sostenibbli skont l-objettiv tal-adattament għat-tibdil fil-klima f’konformità mal-Artikolu 9, il-punt (b), u l-Artikolu 11 tar-Regolament (UE) 2020/852. L-istituzzjonijiet għandhom jiżvelaw sa liema punt l-iskopertura hija ambjentalment sostenibbli billi jużaw l-informazzjoni mill-kontroparti. Meta l-użu tar-rikavati jkun magħruf, fil-każ ta’ istituzzjonijiet speċjalizzati ta’ għoti ta’ self, għandu jiġi żvelat sa liema punt l-iskopertura tkun ambjentalment sostenibbli abbażi tal-punt u l-proporzjon li għalihom il-proġett iffinanzjat speċifiku jikkwalifika bħala li jikkontribwixxi sostanzjalment għall-adattament għat-tibdil fil-klima (informazzjoni speċifika għall-proġett), f’konformità mal-Artikolu 11 tar-Regolament (UE) 2020/852, jew bħala attività abilitanti f’konformità mal-Artikolu 16 ta’ dak ir-Regolament, u li jissodisfa l-kriterji speċifikati fl-Artikolu 3 tiegħu ta’ dak ir-Regolament. L-istituzzjonijiet għandhom jipprovdu informazzjoni trasparenti dwar it-tip ta’ attivitajiet ekonomiċi li qegħdin jiġu ffinanzjati permezz ta’ self speċjalizzat. Fejn l-istess skopertura speċjalizzata ta’ għoti ta’ self tista’ tkun rilevanti għal żewġ objettivi ambjentali, l-istituzzjonijiet għandhom jallokaw din għall-aktar objettiv rilevanti.
j	Li minnu: adattament L-Artikolu 11 tar-Regolament (UE) 2020/852. Dawn l-attivitajiet għandhom ikopru dawk li ma humiex attivitajiet abilitanti.
k	Li minnu: abilitanti L-Artikolu 16 tar-Regolament (UE) 2020/852.
l	Li minnu: lejn setturi rilevanti mat-tassonomija L-istituzzjonijiet għandhom jiżvelaw il-valur riportat gross kif definit fil-Parti 1 tal-Anness V tar-Regolament ta’ Implimentazzjoni (UE) 2021/451. L-istituzzjonijiet għandhom jinkludu s-somma tal-kolonna (b) u l-kolonna (g) ta’ dan il-mudell.
m	Li minnu: ambjentalment sostenibbli L-istituzzjonijiet għandhom jiżvelaw il-valur riportat gross kif definit fil-Parti 1 tal-Anness V tar-Regolament ta’ Implimentazzjoni (UE) 2021/451. L-istituzzjonijiet għandhom jinkludu s-somma tal-kolonna (c) u l-kolonna (h) ta’ dan il-mudell.
n	Li minnu: self speċjalizzat L-istituzzjonijiet għandhom jiżvelaw il-valur riportat gross kif definit fil-Parti 1 tal-Anness V tar-Regolament ta’ Implimentazzjoni (UE) 2021/451. Skoperturi speċjalizzati ta’ għoti ta’ self għandhom jinftiehmu kif imsemmi fl-Artikolu 147(8) tar-Regolament (UE) Nru 575/2013. L-istituzzjonijiet għandhom jinkludu s-somma tal-kolonna (d) u l-kolonna (i) ta’ dan il-mudell.
o	Li minnu: tranżizzjonali/adattament L-Artikolu 10 u l-Artikolu 11 tar-Regolament (UE) 2020/852. L-istituzzjonijiet għandhom jinkludu s-somma tal-kolonna (e) u l-kolonna (j) ta’ dan il-mudell.
p	Li minnu: abilitanti L-Artikolu 16 tar-Regolament (UE) 2020/852. L-istituzzjonijiet għandhom jinkludu s-somma tal-kolonna (f) u l-kolonna (k) ta’ dan il-mudell.

Ringieli	Struzzjonijiet
	GAR - Assi koperti kemm fin-numeratur kif ukoll fid-denominatur L-iskoperturi eliġibbli għandhom ikunu dawk li huma relatati mal-kontropartijiet u mal-klassijiet tal-assi koperti fl-ambitu tar-rekwiżiti ta’ divulgazzjoni f’konformità mal-Artikolu 8 tar-Regolament (UE) 2020/852.
1	Self u avvanzi, titoli ta’ dejn u strumenti ta’ ekwità mhux HfT eliġibbli għall-GAR L-istituzzjonijiet għandhom jiżvelaw self u avvanzi, titoli ta’ dejn u strumenti ta’ ekwità kklassifikati fil-portafoll bankarju, mhux miżmuma għan-negozjar u mhux miżmuma għall-bejgħ kif definit fl-Anness V tar-Regolament ta’ Implimentazzjoni (UE) 2021/451.
2	Korporazzjonijiet finanzjarji L-istituzzjonijiet għandhom jiżvelaw l-iskoperturi msemmija fil-Parti 1, il-punt 42, il-punt (c) u l-punt (d), tal-Anness V tar-Regolament ta’ Implimentazzjoni (UE) 2021/451.
3	Istituzzjonijiet ta’ kreditu L-istituzzjonijiet għandhom jiżvelaw l-iskoperturi msemmija fil-Parti 1, il-punt 42, l-ittra (c), tal-Anness V tar-Regolament ta’ Implimentazzjoni (UE) 2021/451.
4, 9, 13, 17, 21, 34, 40	Self u avvanzi L-istituzzjonijiet għandhom jiżvelaw is-self u l-avvanzi msemmija fil-Parti 1, il-punt 32, tal-Anness V tar-Regolament ta’ Implimentazzjoni (UE) 2021/451.
5, 10, 14, 18, 22, 37, 41	Titoli ta’ dejn L-istituzzjonijiet għandhom jiżvelaw it-titoli ta’ dejn kif imsemmi fil-Parti 1, il-punt 31, tal-Anness V tar-Regolament ta’ Implimentazzjoni (UE) 2021/451.
6, 11, 15, 19, 23, 38, 42	Strumenti ta’ ekwità L-istituzzjonijiet għandhom jiżvelaw l-istrumenti ta’ ekwità kif imsemmi fl-Anness V tar-Regolament ta’ Implimentazzjoni (UE) 2021/451. Strumenti ta’ ekwità fil-portafoll bankarju jinkludu investimenti f’kumpaniji assoċjati, impriżi konġunti u sussidjarji li ma humiex konsolidati bis-sħiħ jew proporzjonalment.
7	Korporazzjonijiet finanzjarji oħrajn L-istituzzjonijiet għandhom jiżvelaw l-iskoperturi għal korporazzjonijiet finanzjarji oħrajn kif imsemmi fil-Parti 1, il-punt 42, l-ittra (d), tal-Anness V tar-Regolament ta’ Implimentazzjoni (UE) 2021/451.
8	Li minnu: ditti tal-investiment L-istituzzjonijiet għandhom jiżvelaw l-iskoperturi għad-ditti tal-investiment kif definiti fl-Artikolu 4, il-paragrafu (1), il-punt (2), tar-Regolament (UE) Nru 575/2013.
12	Li minnu: kumpaniji maniġerjali L-istituzzjonijiet għandhom jiddivulgaw l-iskoperturi għal kumpaniji maniġerjali kif definiti fil-punt (19) tal-Artikolu 4 tar-Regolament (UE) Nru 575/2013.
16	Li minnu: impriżi tal-assigurazzjoni L-istituzzjonijiet għandhom jiżvelaw l-iskoperturi għall-impriżi tal-assigurazzjoni kif definiti fl-Artikolu 4, il-paragrafu (1), il-punt (5), tar-Regolament (UE) Nru 575/2013
20	Korporazzjonijiet mhux finanzjarji soġġetti għall-obbligi ta’ divulgazzjoni tal-NFRD L-istituzzjonijiet għandhom jiżvelaw l-iskoperturi għal korporazzjoni mhux finanzjarja kif imsemmi fil-Parti 1, il-punt 42, l-ittra (e), tal-Anness V tar-Regolament ta’ Implimentazzjoni (UE) 2021/451, li huma soġġetti għal obbligi ta’ divulgazzjoni skont id-Direttiva 2014/95/UE.
28	Li minnu: self tal-proprjetà immobbli kummerċjali L-istituzzjonijiet għandhom jiżvelaw l-iskoperturi msemmija fil-Parti 2, il-punt 173, l-ittra (a), u l-punt 239ix tal-Anness V tar-Regolament ta’ Implimentazzjoni (UE) 2021/451.
24	Unitajiet Domestiċi L-istituzzjonijiet għandhom jiżvelaw is-self u l-avvanzi kif imsemmi fil-Parti 1, il-punt 42, l-ittra (f), tal-Anness V tar-Regolament ta’ Implimentazzjoni (UE) 2021/451. L-istituzzjonijiet għandhom jiġbru informazzjoni mill-kontropartijiet tagħhom b’mod bilaterali permezz tal-proċess tal-oriġinazzjoni tas-self, u l-proċess regolari ta’ rieżami u monitoraġġ tal-kreditu.
25	Li minnhom: self kollateralizzat bi proprjetà immobbli residenzjali L-istituzzjonijiet għandhom jiddivulgaw is-self u l-avvanzi kollateralizzati minn proprjetà immobbli residenzjali kif imsemmi fil-Parti 2, il-punt 173, l-ittra (a), tal-Anness V tar-Regolament ta’ Implimentazzjoni (UE) 2021/451. L-allinjament ta’ dawk l-iskoperturi mar-Regolament (UE) 2020/852 għandu jiġi vvalutat biss wara approċċ simplifikat għall-objettiv tal-mitigazzjoni tat-tibdil fil-klima f’konformità mal-kriterji tekniċi ta’ skrinjar għall-bini, jiġifieri r-rinnovazzjoni u l-akkwist u s-sjieda f’konformità mal-punti 7.2., 7.3., 7.4., 7.5., 7.6., u 7.7. rispettivament, tal-Anness I tar-Regolament Delegat (UE) 2021/2139, abbażi tal-effiċjenza enerġetika tal-kollateral sottostanti.
26	Li minnu: self għar-rinnovazzjoni tal-bini L-istituzzjonijiet għandhom jiżvelaw is-self li jingħata lil unitajiet domestiċi bil-għan li jirrinnovaw id-dar tagħhom. L-allinjament ta’ dawn l-iskoperturi għar-Regolament (UE) 2020/852 għandu jiġi vvalutat biss skont approċċ simplifikat għall-objettiv tal-mitigazzjoni tat-tibdil fil-klima f’konformità mal-kriterji tekniċi ta’ skrinjar għall-bini, jiġifieri r-rinnovazzjoni u l-akkwist u s-sjieda f’konformità mal-punti 7.2., 7.3., 7.4., 7.5, 7.6., u 7.7., rispettivament, tal-Anness I tar-Regolament Delegat (UE) 2021/2139, abbażi tal-effiċjenza enerġetika tal-kollateral sottostanti.
27	Li minnhom self għal vetturi bil-mutur L-istituzzjonijiet għandhom jiżvelaw is-self għall-vetturi bil-mutur kif imsemmi fil-Parti 2, il-punt 173, l-ittra (b)(ii), tal-Anness V tar-Regolament ta’ Implimentazzjoni (UE) 2021/451 u self ieħor mogħti għall-akkwist ta’ vettura bil-mutur ivvalutat skont approċċ simplifikat għall-objettiv tal-mitigazzjoni tat-tibdil fil-klima f’konformità mal-kriterji tekniċi ta’ skrinjar għall-finanzjament, il-kiri, il-lokazzjoni ta’ vetturi f’konformità mat-Taqsima 6.5 tal-Anness I tar-Regolament Delegat (UE) 2021/2139, abbażi tal-effiċjenza enerġetika tal-vettura sottostanti.
28	Finanzjament tal-gvernijiet lokali Iż-żieda tar-ringieli 29 u 30.
29	Finanzjament tal-akkomodazzjoni L-istituzzjonijiet għandhom jiżvelaw is-self mogħti mill-istituzzjonijiet lill-gvern lokali bil-għan li jiffinanzjaw l-akkwist ta’ akkomodazzjoni pubblika.
30	Finanzjament ieħor tal-gvern lokali L-istituzzjonijiet għandhom jiżvelaw is-self mogħti mill-istituzzjonijiet lill-gvern lokali bil-għan li jiffinanzjaw skoperturi speċjalizzati ta’ għoti ta’ self minbarra dawk li jirriżultaw mill-akkwist ta’ akkomodazzjoni pubblika.
31	Kollateral miksub b’pussess: proprjetajiet immobbli residenzjali u kummerċjali L-istituzzjonijiet għandhom jiżvelaw il-kollateral miksub b’pussess kif imsemmi fil-Parti 2, il-punt 341, tal-Anness V tar-Regolament ta’ Implimentazzjoni (UE) 2021/451.
32	Assi totali GAR Din ir-ringiela għandha tkun ugwali għar-ringiela 1 ta’ dan il-mudell.
	Assi esklużi min-numeratur għall-kalkolu tal-GAR (koperti fid-denominatur)
33	Korporazzjonijiet mhux finanzjarji tal-UE (mhux soġġetti għall-obbligi ta’ divulgazzjoni tal-NFRD) L-istituzzjonijiet għandhom jiżvelaw skoperturi għal korporazzjoni mhux finanzjarja kif definit fil-Parti 1, il-punt 42(e), tal-Anness V tar-Regolament ta’ Implimentazzjoni (UE) 2021/451, li jinsabu fl-Unjoni u li ma humiex soġġetti għal obbligi ta’ divulgazzjoni skont id-Direttiva 2014/95/UE.
37	Korporazzjonijiet mhux finanzjarji mhux tal-UE (mhux soġġetti għall-obbligi ta’ divulgazzjoni tal-NFRD) L-istituzzjonijiet għandhom jiżvelaw skoperturi għal korporazzjoni mhux finanzjarja kif definit fil-Parti 1, il-punt 42(e), tal-Anness V tar-Regolament ta’ Implimentazzjoni (UE) 2021/451, li jinsabu barra mill-Unjoni u li ma humiex soġġetti għal obbligi ta’ divulgazzjoni skont id-Direttiva 2014/95/UE.
	Assi esklużi min-numeratur għall-GAR (koperti fid-denominatur)
41	Derivattivi L-istituzzjonijiet għandhom jiżvelaw derivattivi mhux miżmuma għan-negozjar kif imsemmi fil-Parti 1, it-Taqsima 10, tal-Anness V tar-Regolament ta’ Implimentazzjoni (UE) 2021/451.
42	Self interbankarju fuq talba L-istituzzjonijiet għandhom jiżvelaw “Depożiti ta’ domanda oħra” kif imsemmi fil-Parti 2, il-punt 3, tal-Anness V tar-Regolament ta’ Implimentazzjoni (UE) 2021/451.
43	Flus u assi relatati ma’ flus L-istituzzjonijiet għandhom jiżvelaw “Flus fl-idejn” kif imsemmi fil-Parti 2, il-punt 1, tal-Anness V tar-Regolament ta’ Implimentazzjoni (UE) 2021/451.
44	Assi oħrajn (eż. avvjament, komoditajiet eċċ.) L-istituzzjonijiet għandhom jiżvelaw assi oħrajn li ma humiex inklużi fil-karta bilanċjali tal-istituzzjoni fir-ringieli 41, 42 u 43 ta’ dan il-mudell.
45	Assi totali fid-denominatur (GAR) Din ir-ringiela għandha tkun is-somma tar-ringieli 32, 33, 37 u 41 sa 44 ta’ dan il-mudell.
	Assi oħrajn esklużi kemm min-numeratur kif ukoll mid-denominatur għall-kalkolu tal-GAR
46	Sovrani L-istituzzjonijiet għandhom jiżvelaw il-gvernijiet ġenerali kif imsemmi fil-Parti 1, il-punt 42, tal-Anness V tar-Regolament ta’ Implimentazzjoni (UE) 2021/451, minbarra l-iskoperturi inklużi fir-ringieli 29 u 30 ta’ dan il-mudell.
47	Skoperturi tal-bank ċentrali L-istituzzjonijiet għandhom jiddivulgaw l-iskoperturi lejn il-banek ċentrali.
48	Portafoll tan-negozjar L-istituzzjonijiet għandhom jiddivulgaw l-assi finanzjarji miżmuma għan-negozjar jew għan-negozjar tal-assi finanzjarji kif definiti fil-prinċipji kontabilistiċi applikabbli.
49	Assi totali esklużi min-numeratur u d-denominatur Din ir-ringiela għandha tkun is-somma tar-ringieli 46, 47 u 48 ta’ dan il-mudell.
50	L-assi totali Din ir-ringiela għandha tkun is-somma tar-ringieli 46 u 49 ta’ dan il-mudell.

Mudell 8 – GAR (%)

L-istituzzjonijiet għandhom jużaw l-istruzzjonijiet li ġejjin biex jiddivulgaw l-informazzjoni meħtieġa fil-“Mudell 8 - GAR (%)”, kif stabbilit fl-Anness XXXIX ta’ dan ir-Regolament.

Abbażi tal-informazzjoni inkluża fil-mudell 7, l-istituzzjonijiet għandhom jiżvelaw f’dan il-mudell il-GAR kif imsemmi fir-Regolament Delegat (UE) 2021/2178.

L-għan ta’ dan il-mudell huwa li juri sa liema punt l-attivitajiet tal-istituzzjonijiet jikkwalifikaw bħala ambjentalment sostenibbli f’konformità mal-Artikoli 3 u 9 tar-Regolament (UE) 2020/852 sabiex il-partijiet ikkonċernati jkunu jistgħu jifhmu l-azzjonijiet stabbiliti mill-istituzzjonijiet sabiex itaffu t-tranżizzjoni għat-tibdil fil-klima u r-riskji fiżiċi.

Ir-Regolament Delegat (UE) 2021/2178 jirrikjedi li l-istituzzjonijiet jistmaw u jiddivulgaw il-GAR darbtejn. Għal darba, id-divulgazzjoni tkun ibbażata fuq l-allinjament tat-tassonomija tal-fatturat tal-kontroparti (għal korporazzjonijiet mhux finanzjarji) għal dawk l-iskoperturi li l-iskop tagħhom ma jkunx li jiffinanzjaw attivitajiet identifikati speċifiċi (self għal skop ġenerali). Tieni divulgazzjoni hija bbażata fuq l-allinjament tal-CapEx mar-Regolament (UE) 2020/852 tal-kontroparti għall-istess skoperturi ta’ self għal skop ġenerali. F’dan il-mudell, l-istituzzjonijiet għandhom jiżvelaw il-GAR darba biss, abbażi tal-allinjament tal-fatturat tal-kontroparti għall-parti tas-self għal skop ġenerali biss.

Kolonni	Struzzjonijiet
a	Il-proporzjon tal-assi li jiffinanzjaw setturi rilevanti tat-tassonomija L-istituzzjonijiet għandhom jiżvelaw il-proporzjon tal-istokk tal-attivitajiet ta’ finanzjament tal-assi msemmija fir-Regolament (UE) 2020/852 (jiġifieri assi eliġibbli) fl-istokk totali tal-assi koperti. Din l-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross tal-assi eliġibbli li jiffinanzjaw is-setturi rilevanti għat-tassonomija msemmija fir-Regolament (UE) 2020/852 għall-objettiv tal-mitigazzjoni tat-tibdil fil-klima kif imsemmi fl-istruzzjonijiet li jikkorrispondu mal-kolonna (b) tal-Mudell 7. Id-denominatur tal-KPI għandu jkun il-valur riportat gross ta’ assi koperti kif definit fl-istruzzjonijiet li jikkorrispondu għall-kolonna (a) tal-Mudell 7.
b	Li minnu: ambjentalment sostenibbli L-istituzzjonijiet għandhom jiżvelaw il-proporzjon tal-istokk tal-assi li jiffinanzjaw attivitajiet ambjentalment sostenibbli (jiġifieri, assi allinjati) fl-istokk ta’ assi eliġibbli. L-entrata għandha tiġi espressa f’termini perċentwali. In-numeratur tal-KPI għandu jkun il-valur riportat gross ta’ assi eliġibbli li jiffinanzjaw attivitajiet ambjentalment sostenibbli għall-objettiv tal-mitigazzjoni tat-tibdil fil-klima kif imsemmi fl-istruzzjonijiet li jikkorrispondu mal-kolonna (c) tal-Mudell 7. Id-denominatur tal-KPI għandu jkun il-valur riportat gross ta’ skoperturi koperti kif imsemmi fl-istruzzjonijiet li jikkorrispondu għall-kolonna (a) tal-Mudell 7.
c	Li minnu: self speċjalizzat L-istituzzjonijiet għandhom jiżvelaw il-proporzjon tal-istokk ta’ assi kkategorizzati bħala finanzjament speċjalizzat ta’ għoti ta’ self li jiffinanzja attivitajiet ambjentalment sostenibbli għall-objettiv tal-mitigazzjoni tat-tibdil fil-klima fl-istokk ta’ assi li jiffinanzjaw attivitajiet ambjentalment sostenibbli. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross tal-assi kif imsemmi fl-istruzzjonijiet li jikkorrispondu mal-kolonna (d) tal-Mudell 7. Id-denominatur tal-KPI għandu jkun il-valur riportat gross tal-assi koperti kif imsemmi fl-istruzzjonijiet li jikkorrispondu mal-kolonna (a) tal-Mudell 7.
d	Li minnu: tranżizzjonali L-Artikolu 10 tar-Regolament (UE) 2020/852. L-istituzzjonijiet għandhom jiżvelaw il-proporzjon tal-istokk tal-assi relatati ma’ attivitajiet tranżizzjonali għall-objettiv tal-mitigazzjoni tat-tibdil fil-klima fl-istokk tal-assi li jiffinanzjaw attivitajiet ambjentalment sostenibbli. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross tal-assi kif imsemmi fl-istruzzjonijiet li jikkorrispondu mal-kolonna (e) tal-Mudell 8. Id-denominatur tal-KPI għandu jkun il-valur riportat gross tal-assi koperti kif imsemmi fl-istruzzjonijiet li jikkorrispondu mal-kolonna (a) tal-Mudell 7.
e	Li minnu: abilitanti L-Artikolu 16 tar-Regolament (UE) 2020/852. L-istituzzjonijiet għandhom jiżvelaw il-proporzjon tal-istokk tal-assi relatati ma’ attivitajiet abilitanti għall-objettiv tal-mitigazzjoni tat-tibdil fil-klima fl-istokk tal-assi li jiffinanzjaw attivitajiet ambjentalment sostenibbli. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross tal-assi kif imsemmi fl-istruzzjonijiet li jikkorrispondu mal-kolonna (f) tal-Mudell 7. Id-denominatur tal-KPI għandu jkun il-valur riportat gross tal-assi koperti kif imsemmi fl-istruzzjonijiet li jikkorrispondu mal-kolonna (a) tal-Mudell 7.
f	Il-proporzjon tal-assi li jiffinanzjaw setturi rilevanti tat-tassonomija L-istituzzjonijiet għandhom jiżvelaw il-proporzjon tal-istokk tal-assi li jiffinanzjaw attivitajiet rilevanti għat-tassonomija (jiġifieri assi eliġibbli) fl-istokk totali tal-assi koperti. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross tal-assi eliġibbli li jiffinanzjaw is-setturi rilevanti għat-tassonomija għall-objettiv tal-adattament għat-tibdil fil-klima kif imsemmi fl-istruzzjonijiet li jikkorrispondu mal-kolonna (g) tal-Mudell 7. Id-denominatur tal-KPI għandu jkun il-valur riportat gross tal-assi koperti kif imsemmi fl-istruzzjonijiet li jikkorrispondu mal-kolonna (a) tal-Mudell 7.
g	Li minnu: ambjentalment sostenibbli L-istituzzjonijiet għandhom jiżvelaw il-proporzjon tal-istokk tal-assi li jiffinanzjaw attivitajiet ambjentalment sostenibbli (jiġifieri assi allinjati) fl-istokk tal-assi eliġibbli. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross ta’ assi eliġibbli li jiffinanzjaw attivitajiet ambjentalment sostenibbli għall-objettiv tal-adattament għat-tibdil fil-klima kif imsemmi fl-istruzzjonijiet li jikkorrispondu mal-kolonna (h) tal-Mudell 7. Id-denominatur tal-KPI għandu jkun il-valur riportat gross ta’ skoperturi koperti kif imsemmi fl-istruzzjonijiet li jikkorrispondu għall-kolonna (a) tal-Mudell 7.
h	Li minnu: self speċjalizzat L-istituzzjonijiet għandhom jiżvelaw il-proporzjon tal-istokk tal-assi kkategorizzati bħala finanzjament speċjalizzat ta’ għoti ta’ self li jiffinanzja attivitajiet ambjentalment sostenibbli għall-objettiv tal-adattament għat-tibdil fil-klima fl-istokk tal-assi li jiffinanzjaw attivitajiet ambjentalment sostenibbli. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross tal-assi kif imsemmi fl-istruzzjonijiet li jikkorrispondu mal-kolonna (i) tal-Mudell 7. Id-denominatur tal-KPI għandu jkun il-valur riportat gross tal-assi koperti kif imsemmi fl-istruzzjonijiet li jikkorrispondu mal-kolonna (a) tal-Mudell 7.
i	Li minnu: adattament L-Artikolu 11 tar-Regolament (UE) 2020/852. L-istituzzjonijiet għandhom jiżvelaw il-proporzjon tal-istokk tal-assi relatat mal-attivitajiet ta’ adattament għall-objettiv tal-adattament għat-tibdil fil-klima fl-istokk tal-assi li jiffinanzja attivitajiet ambjentalment sostenibbli. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross ta’ assi kif imsemmi fl-istruzzjonijiet li jikkorrispondu mal-kolonna (j) tal-Mudell 7. Id-denominatur tal-KPI għandu jkun il-valur riportat gross tal-assi koperti kif imsemmi fl-istruzzjonijiet li jikkorrispondu mal-kolonna (a) tal-Mudell 7.
j	Li minnu: abilitanti L-Artikolu 16 tar-Regolament (UE) 2020/852. L-istituzzjonijiet għandhom jiżvelaw il-proporzjon tal-istokk tal-assi relatat ma’ attivitajiet abilitanti għall-objettiv tal-adattament għat-tibdil fil-klima fl-istokk tal-assi li jiffinanzja attivitajiet ambjentalment sostenibbli. L-entrata għandha tiġi espressa f’termini perċentwali. In-numeratur tal-KPI għandu jkun il-valur riportat gross tal-assi kif imsemmi fl-istruzzjonijiet li jikkorrispondu mal-kolonna (k) tal-Mudell 7. Id-denominatur tal-KPI għandu jkun il-valur riportat gross tal-assi koperti kif imsemmi fl-istruzzjonijiet li jikkorrispondu mal-kolonna (a) tal-Mudell 7.
k	Il-proporzjon tal-assi li jiffinanzjaw setturi rilevanti tat-tassonomija L-istituzzjonijiet għandhom jiżvelaw il-proporzjon tal-istokk tal-assi li jiffinanzja attivitajiet rilevanti għat-tassonomija (jiġifieri assi eliġibbli) għall-objettivi tal-mitigazzjoni tat-tibdil fil-klima u l-adattament għat-tibdil fil-klima, meta mqabbla mal-istokk totali tal-assi koperti. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross tal-assi eliġibbli li jiffinanzja s-setturi rilevanti tat-tassonomija kif imsemmi fl-istruzzjonijiet li jikkorrispondu għall-kolonna (l) tal-Mudell 7. Id-denominatur tal-KPI għandu jkun il-valur riportat gross tal-assi koperti kif imsemmi fl-istruzzjonijiet li jikkorrispondu mal-kolonna (a) tal-Mudell 7.
l	Li minnu: ambjentalment sostenibbli L-istituzzjonijiet għandhom jiżvelaw il-proporzjon tal-istokk tal-assi li jiffinanzja attivitajiet ambjentalment sostenibbli għall-objettivi tal-mitigazzjoni tat-tibdil fil-klima u l-adattament għalih fl-istokk tal-assi eliġibbli. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross tal-assi eliġibbli li jiffinanzja attivitajiet ambjentalment sostenibbli kif imsemmi fl-istruzzjonijiet li jikkorrispondu mal-kolonna (m) tal-Mudell 7. Id-denominatur tal-KPI għandu jkun il-valur riportat gross ta’ skoperturi koperti kif imsemmi fl-istruzzjonijiet li jikkorrispondu għall-kolonna (a) tal-Mudell 7.
m	Li minnu: self speċjalizzat L-istituzzjonijiet għandhom jiżvelaw il-proporzjon tal-istokk tal-assi kkategorizzati bħala finanzjament speċjalizzat ta’ għoti ta’ self li jiffinanzja attivitajiet ambjentalment sostenibbli għall-objettivi tal-mitigazzjoni tat-tibdil fil-klima u l-adattament għalih fl-istokk tal-assi li jiffinanzja attivitajiet ambjentalment sostenibbli. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross tal-assi kif imsemmi fl-istruzzjonijiet li jikkorrispondu mal-kolonna (n) tal-Mudell 7. Id-denominatur tal-KPI għandu jkun il-valur riportat gross tal-assi koperti kif imsemmi fl-istruzzjonijiet li jikkorrispondu mal-kolonna (a) tal-Mudell 7.
n	Li minnu: tranżizzjonali/adattament L-Artikoli 10 u 11 tar-Regolament (UE) 2020/852. Il-perċentwal għandu jikkorrispondi mal-kolonna (d) u mal-kolonna (i).
o	Li minnhom: abilitazzjoni L-Artikolu 16 tar-Regolament (UE) 2020/852. Il-perċentwal għandu jikkorrispondi għall-kolonna (e) u l-kolonna (j).
p	Proporzjon tal-assi totali koperti L-istituzzjonijiet għandhom jiddivulgaw il-proporzjon tal-assi totali koperti mill-GAR. L-entratura għandha tiġi espressa f’termini perċentwali. In-numeratur tal-KPI għandu jkun l-ammont riportat gross tal-istokk ta’ assi koperti kif imsemmi fl-istruzzjonijiet li jikkorrispondu għall-kolonna (1) tal-Mudell 7. Id-denominatur tal-KPI għandu jkun l-ammont riportat gross tal-assi totali fuq il-karta tal-bilanċ tal-istituzzjonijiet kif imsemmi fl-istruzzjonijiet li jikkorrispondu għar-ringiela 50 tal-Mudell 7.
q	Il-proporzjon ta’ assi ġodda li jiffinanzjaw setturi rilevanti għat-tassonomija L-istituzzjonijiet għandhom jiżvelaw il-proporzjon ta’ assi ġodda (jiġifieri assi li oriġinaw fil-perjodu ta’ divulgazzjoni kurrenti) li jiffinanzjaw attivitajiet rilevanti għat-tassonomija (jiġifieri assi eliġibbli) għall-objettiv tal-mitigazzjoni tat-tibdil fil-klima fl-assi eliġibbli ġodda totali (jiġifieri assi eliġibbli li oriġinaw fil-perjodu ta’ divulgazzjoni kurrenti). Assi ġodda għandhom jiġu kkalkolati netti mill-ħlas lura u minn tnaqqis ieħor. Din l-entrata għandha tiġi espressa f’termini perċentwali. In-numeratur tal-KPI għandu jkun il-valur riportat gross tas-setturi rilevanti eliġibbli għall-finanzjament ta’ assi ġodda li jiffinanzjaw it-tassonomija kif imsemmi fl-istruzzjonijiet li jikkorrispondu mal-kolonna (b) tal-Mudell 7. Id-denominatur tal-KPI għandu jkun il-valur riportat gross tal-assi koperti ġodda minn dawk l-assi, kif imsemmi fl-istruzzjonijiet li jikkorrispondu għall-kolonna (a) tal-Mudell 7.
r	Li minnu: ambjentalment sostenibbli L-istituzzjonijiet għandhom jiżvelaw il-proporzjon ta’ assi ġodda (jiġifieri assi li oriġinaw fil-perjodu ta’ divulgazzjoni kurrenti) li jiffinanzjaw attivitajiet ambjentalment sostenibbli għall-objettiv tal-mitigazzjoni tat-tibdil fil-klima fl-assi eliġibbli ġodda totali (jiġifieri assi eliġibbli li oriġinaw fil-perjodu ta’ divulgazzjoni kurrenti). Assi ġodda għandhom jiġu kkalkolati netti mill-ħlas lura u minn tnaqqis ieħor. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross ta’ assi ġodda eliġibbli kif imsemmi fl-istruzzjonijiet li jikkorrispondu mal-kolonna (c) tal-Mudell 7. Id-denominatur tal-KPI għandu jkun il-valur riportat gross tal-assi koperti ġodda minn dawk l-assi, kif imsemmi fl-istruzzjonijiet li jikkorrispondu għall-kolonna (a) tal-Mudell 7.
s	Li minnu: self speċjalizzat L-istituzzjonijiet għandhom jiżvelaw il-proporzjon ta’ assi ġodda (jiġifieri assi li oriġinaw fil-perjodu ta’ divulgazzjoni kurrenti) ikkategorizzati bħala finanzjament speċjalizzat ta’ għoti ta’ self li jiffinanzja attivitajiet ambjentalment sostenibbli għall-objettiv tal-mitigazzjoni tat-tibdil fil-klima fl-assi eliġibbli ġodda totali (jiġifieri assi li oriġinaw fil-perjodu ta’ divulgazzjoni kurrenti) li jiffinanzjaw attivitajiet ambjentalment sostenibbli. Assi eliġibbli ġodda għandhom jiġu kkalkolati netti mill-ħlas lura u minn tnaqqis ieħor. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross ta’ assi ġodda eliġibbli kif imsemmi fl-istruzzjonijiet li jikkorrispondu mal-kolonna (d) tal-Mudell 8. Id-denominatur tal-KPI għandu jkun il-valur riportat gross tal-assi koperti ġodda minn dawk l-assi, kif imsemmi fl-istruzzjonijiet li jikkorrispondu għall-kolonna (a) tal-Mudell 7.
t	Li minnu: tranżizzjonali L-Artikolu 10 tar-Regolament (UE) 2020/852. L-istituzzjonijiet għandhom jiżvelaw il-proporzjon tal-assi l-ġodda (jiġifieri l-assi li oriġinaw fil-perjodu ta’ divulgazzjoni kurrenti) relatat mal-attivitajiet tranżizzjonali għall-objettiv tal-mitigazzjoni tat-tibdil fil-klima fl-assi eliġibbli ġodda totali (jiġifieri l-assi li oriġinaw fil-perjodu ta’ divulgazzjoni kurrenti) li jiffinanzjaw attivitajiet ambjentalment sostenibbli. Assi eliġibbli ġodda għandhom jiġu kkalkolati netti mill-ħlas lura u minn tnaqqis ieħor. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross ta’ assi ġodda eliġibbli kif imsemmi fl-istruzzjonijiet li jikkorrispondu mal-kolonna (e) tal-Mudell 8. Id-denominatur tal-KPI għandu jkun il-valur riportat gross ta’ assi ġodda koperti minn dawk l-assi, kif imsemmi fl-istruzzjonijiet li jikkorrispondu għall-kolonna (a) tal-Mudell 7.
u	Li minnu: abilitanti L-Artikolu 16 tar-Regolament (UE) 2020/852. L-istituzzjonijiet għandhom jiżvelaw il-proporzjon tal-assi l-ġodda (jiġifieri l-assi li oriġinaw fil-perjodu ta’ divulgazzjoni kurrenti) relatat ma’ attivitajiet ta’ abilitazzjoni għall-objettiv tal-mitigazzjoni tat-tibdil fil-klima fl-assi eliġibbli ġodda totali (jiġifieri l-assi li oriġinaw fil-perjodu ta’ divulgazzjoni kurrenti) li jiffinanzjaw attivitajiet ambjentalment sostenibbli. Assi eliġibbli ġodda għandhom jiġu kkalkolati netti mill-ħlas lura u minn tnaqqis ieħor. L-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross ta’ assi ġodda eliġibbli kif imsemmi fl-istruzzjonijiet li jikkorrispondu mal-kolonna (f) tal-Mudell 8. Id-denominatur tal-KPI għandu jkun il-valur riportat gross ta’ assi ġodda koperti minn dawk l-assi, kif imsemmi fl-istruzzjonijiet li jikkorrispondu għall-kolonna (a) tal-Mudell 7.
v	Proporzjon ta’ assi ġodda li jiffinanzjaw setturi rilevanti għat-tassonomija L-istituzzjonijiet għandhom jiddivulgaw il-proporzjon ta’ assi ġodda (jiġifieri assi oriġinati fil-perjodu ta’ divulgazzjoni attwali) ta’ attivitajiet ta’ finanzjament koperti mir-Regolament (UE) 2020/852 għall-objettiv tal-adattament għat-tibdil fil-klima fl-assi eliġibbli kollha ġodda (jiġifieri assi eliġibbli oriġinati fil-perjodu ta’ divulgazzjoni attwali). L-assi l-ġodda għandhom jiġu kkalkolati netti mill-ħlasijiet lura u tnaqqis ieħor. Din l-entratura għandha tkun espressa bħala perċentwal. In-numeratur tal-KPI għandu jkun l-ammont riportat gross ta’ assi ġodda eliġibbli li jiffinanzjaw setturi relevanti għat-tassonomija kif imsemmi fl-istruzzjonijiet li jikkorrispondu għall-kolonna (g) tal-Mudell 7. Id-denominatur tal-KPI għandu jkun il-valur riportat gross tal-assi koperti ġodda minn dawk l-assi, kif imsemmi fl-istruzzjonijiet li jikkorrispondu għall-kolonna (a) tal-Mudell 7.
w	Li minnu: ambjentalment sostenibbli L-istituzzjonijiet għandhom jiżvelaw il-proporzjon ta’ assi ġodda (jiġifieri assi li oriġinaw fil-perjodu ta’ divulgazzjoni kurrenti) li jiffinanzja attivitajiet ambjentalment sostenibbli għall-objettiv tal-adattament għat-tibdil fil-klima fl-assi eliġibbli ġodda totali (jiġifieri assi eliġibbli li oriġinaw fil-perjodu ta’ divulgazzjoni kurrenti). Assi ġodda għandhom jiġu kkalkolati netti mill-ħlas lura u minn tnaqqis ieħor. Din l-entrata għandha tiġi espressa f’termini perċentwali. In-numeratur tal-KPI għandu jkun il-valur riportat gross ta’ assi ġodda eliġibbli kif imsemmi fl-istruzzjonijiet li jikkorrispondu mal-kolonna (h) tal-Mudell 7. Id-denominatur tal-KPI għandu jkun il-valur riportat gross tal-assi koperti ġodda minn dawk l-assi, kif imsemmi fl-istruzzjonijiet li jikkorrispondu għall-kolonna (a) tal-Mudell 7.
x	Li minnu: self speċjalizzat L-istituzzjonijiet għandhom jiżvelaw il-proporzjon ta’ assi ġodda (jiġifieri assi li oriġinaw fil-perjodu ta’ divulgazzjoni kurrenti) kkategorizzat bħala finanzjament speċjalizzat ta’ għoti ta’ self li jiffinanzja attivitajiet ambjentalment sostenibbli għall-objettiv tal-adattament għat-tibdil fil-klima fl-assi eliġibbli ġodda totali (jiġifieri assi li oriġinaw fil-perjodu ta’ divulgazzjoni kurrenti) li jiffinanzja attivitajiet ambjentalment sostenibbli. Assi eliġibbli ġodda għandhom jiġu kkalkolati netti mill-ħlas lura u minn tnaqqis ieħor. Din l-entrata għandha tiġi espressa bħala perċentwal. In-numeratur tal-KPI għandu jkun il-valur riportat gross ta’ assi ġodda eliġibbli kif imsemmi fl-istruzzjonijiet li jikkorrispondu mal-kolonna (i) tal-Mudell 7. Id-denominatur tal-KPI għandu jkun il-valur riportat gross tal-assi koperti ġodda minn dawk l-assi, kif imsemmi fl-istruzzjonijiet li jikkorrispondu għall-kolonna (a) tal-Mudell 7.
y	Li minnu: adattament L-Artikolu 11 tar-Regolament (UE) 2020/852. L-istituzzjonijiet għandhom jiżvelaw il-proporzjon tal-assi l-ġodda (jiġifieri l-assi li oriġinaw fil-perjodu ta’ divulgazzjoni kurrenti) relatat mal-attivitajiet tranżizzjonali għall-objettiv tal-adattament għat-tibdil fil-klima fl-assi eliġibbli ġodda totali (jiġifieri l-assi li oriġinaw fil-perjodu ta’ divulgazzjoni kurrenti) li jiffinanzja attivitajiet ambjentalment sostenibbli. Assi eliġibbli ġodda għandhom jiġu kkalkolati netti mill-ħlas lura u minn tnaqqis ieħor. Din l-entrata għandha tiġi espressa f’termini perċentwali. In-numeratur tal-KPI għandu jkun il-valur riportat gross ta’ assi ġodda eliġibbli kif imsemmi fl-istruzzjonijiet li jikkorrispondu mal-kolonna (j) tal-Mudell 7. Id-denominatur tal-KPI għandu jkun il-valur riportat gross tal-assi koperti ġodda minn dawk l-assi, kif imsemmi fl-istruzzjonijiet li jikkorrispondu għall-kolonna (a) tal-Mudell 7.
z	Li minnu: abilitanti L-Artikolu 16 tar-Regolament (UE) 2020/852. L-istituzzjonijiet għandhom jiżvelaw il-proporzjon tal-assi l-ġodda (jiġifieri l-assi li oriġinaw fil-perjodu ta’ divulgazzjoni kurrenti) relatat ma’ attivitajiet ta’ abilitazzjoni għall-objettiv tal-adattament għat-tibdil fil-klima fl-assi eliġibbli ġodda totali (jiġifieri l-assi li oriġinaw fil-perjodu ta’ divulgazzjoni kurrenti) li jiffinanzja attivitajiet ambjentalment sostenibbli. Assi eliġibbli ġodda għandhom jiġu kkalkolati netti mill-ħlas lura u minn tnaqqis ieħor. Din l-entrata għandha tiġi espressa f’termini perċentwali. In-numeratur tal-KPI għandu jkun il-valur riportat gross ta’ assi ġodda eliġibbli kif imsemmi fl-istruzzjonijiet li jikkorrispondu mal-kolonna (k) tal-Mudell 7. Id-denominatur tal-KPI għandu jkun il-valur riportat gross tal-assi koperti ġodda minn dawk l-assi, kif imsemmi fl-istruzzjonijiet li jikkorrispondu għall-kolonna (a) tal-Mudell 7.
aa	Il-proporzjon tal-assi li jiffinanzjaw setturi rilevanti tat-tassonomija L-istituzzjonijiet għandhom jiddivulgaw il-proporzjon ta’ attivitajiet ta’ finanzjament ta’ assi ġodda (jiġifieri assi oriġinati fil-perjodu ta’ divulgazzjoni attwali) koperti mill-objettivi stabbiliti mir-Regolament (UE) 2020/852 għall-mitigazzjoni tat-tibdil fil-klima: u l-adattament għat-tibdil fil-klima fl-assi eliġibbli kollha ġodda (jiġifieri assi eliġibbli oriġinati fil-perjodu ta’ divulgazzjoni attwali). L-assi l-ġodda għandhom jiġu kkalkolati netti mill-ħlasijiet lura u tnaqqis ieħor. Din l-entratura għandha tiġi espressa f’termini perċentwali. In-numeratur tal-KPI għandu jkun l-ammont riportat gross ta’ assi ġodda eliġibbli li jiffinanzjaw setturi relevanti għat-tassonomija kif imsemmi fl-istruzzjonijiet li jikkorrispondu għall-kolonna (g) tal-Mudell 7. Id-denominatur tal-KPI għandu jkun il-valur riportat gross tal-assi koperti ġodda minn dawk l-assi, kif imsemmi fl-istruzzjonijiet li jikkorrispondu għall-kolonna (a) tal-Mudell 7.
ab	Li minnu: ambjentalment sostenibbli L-istituzzjonijiet għandhom jiżvelaw il-proporzjon ta’ assi ġodda (jiġifieri assi li oriġinaw fil-perjodu ta’ divulgazzjoni kurrenti) li jiffinanzja attivitajiet ambjentalment sostenibbli għall-objettiv tal-mitigazzjoni tat-tibdil fil-klima u l-adattament għat-tibdil fil-klima fl-assi eliġibbli ġodda totali (jiġifieri assi eliġibbli li oriġinaw fil-perjodu ta’ divulgazzjoni kurrenti). Assi ġodda għandhom jiġu kkalkolati netti mill-ħlas lura u minn tnaqqis ieħor. Din l-entrata għandha tiġi espressa f’termini perċentwali. In-numeratur tal-KPI għandu jkun il-valur riportat gross ta’ assi ġodda eliġibbli kif imsemmi fl-istruzzjonijiet li jikkorrispondu mal-kolonna (m) tal-Mudell 7. Id-denominatur tal-KPI għandu jkun il-valur riportat gross tal-assi koperti ġodda minn dawk l-assi, kif imsemmi fl-istruzzjonijiet li jikkorrispondu għall-kolonna (a) tal-Mudell 7.
ac	Li minnu: self speċjalizzat L-istituzzjonijiet għandhom jiżvelaw il-proporzjon ta’ assi ġodda (jiġifieri assi li oriġinaw fil-perjodu ta’ divulgazzjoni kurrenti) ikkategorizzat bħala finanzjament speċjalizzat ta’ għoti ta’ self li jiffinanzja attivitajiet ambjentalment sostenibbli għall-objettivi tal-mitigazzjoni tat-tibdil fil-klima u l-adattament għat-tibdil fil-klima fl-assi ġodda totali (jiġifieri assi li oriġinaw fil-perjodu ta’ divulgazzjoni kurrenti) li jiffinanzja attivitajiet ambjentalment sostenibbli. Assi ġodda għandhom jiġu kkalkolati netti mill-ħlas lura u minn tnaqqis ieħor. Din l-entrata għandha tiġi espressa f’termini perċentwali. In-numeratur tal-KPI għandu jkun il-valur riportat gross ta’ assi ġodda eliġibbli kif imsemmi fl-istruzzjonijiet li jikkorrispondu mal-kolonna (n) tal-Mudell 7. Id-denominatur tal-KPI għandu jkun l-ammont riportat gross ta’ assi koperti ġodda minn dawk l-assi, kif imsemmi fl-istruzzjonijiet li jikkorrispondu għall-kolonna (a) tal-Mudell 7.
ad	Li minnhom: tranżizzjonali/adattament L-Artikoli 10 u11 tar-Regolament (UE) 2020/852. Il-perċentwal għandu jikkorrispondi għall-kolonna (t) u l-kolonna (y).
ae	Li minnhom: abilitazzjoni L-Artikolu 16 tar-Regolament (UE) 2020/852. Il-perċentwal għandu jikkorrispondi mal-kolonna (u) u mal-kolonna (z).
af	Il-proporzjon ta’ assi totali ġodda koperti L-istituzzjonijiet għandhom jiżvelaw il-proporzjon ta’ assi totali ġodda koperti mill-GAR. Assi ġodda għandhom jiġu kkalkolati netti mill-ħlas lura u minn tnaqqis ieħor. L-entrata għandha tiġi espressa bħala perċentwal. In-numeratur tal-KPI għandu jkun id-differenza fil-valur riportat gross tal-assi koperti, kif imsemmi fl-istruzzjonijiet li jikkorrispondu għar-ringiela 1 tal-Mudell 7, bejn il-perjodu ta’ divulgazzjoni kurrenti (t) u l-perjodu ta’ divulgazzjoni preċedenti (t-1). Id-denominatur tal-KPI għandu jkun id-differenza fil-valur riportat gross ta’ assi totali ġodda, kif imsemmi fl-istruzzjonijiet li jikkorrispondu għar-ringiela 53 tal-Mudell 7, bejn il-perjodu ta’ divulgazzjoni kurrenti (t) u l-perjodu ta’ divulgazzjoni preċedenti (t-1).

Ringieli	Struzzjonijiet
1	GAR kif imsemmija fir-Regolament Delegat (UE) 2021/2178.
2	Self u avvanzi, titoli ta’ dejn u strumenti ta’ ekwità mhux HfT eliġibbli għall-kalkolu tal-GAR % GAR għall-iskoperturi fir-ringiela 1 tal-Mudell 7.
3	Korporazzjonijiet finanzjarji % GAR għall-iskoperturi fir-ringiela 2 tal-Mudell 7.
4	Istituzzjonijiet ta’ kreditu % GAR għall-iskoperturi fir-ringiela 3 tal-Mudell 7.
5	Korporazzjonijiet finanzjarji oħrajn % GAR għall-iskoperturi fir-ringiela 7 tal-Mudell 7.
6	Li minnu: ditti tal-investiment % GAR għall-iskoperturi fir-ringiela 8 tal-Mudell 7.
7	Li minnu: kumpaniji maniġerjali % GAR għall-iskoperturi fir-ringiela 12 tal-Mudell 7.
8	Li minnu: impriżi tal-assigurazzjoni % GAR għall-iskoperturi fir-ringiela 16 tal-Mudell 7.
9	NFCs soġġetti għall-obbligi ta’ divulgazzjoni tal-NFRD % GAR għall-iskoperturi fir-ringiela 20 tal-Mudell 7.
10	Unitajiet Domestiċi % GAR għall-iskoperturi fir-ringiela 24 tal-Mudell 7.
11	Li minnhom self kollateralizzat bi proprjetà immobbli residenzjali % GAR għall-iskoperturi fir-ringiela 25 tal-Mudell 7.
12	Li minnhom self għar-rinnovazzjoni tal-bini % GAR għall-iskoperturi fir-ringiela 26 tal-Mudell 7.
13	Li minnhom self għal vetturi bil-mutur % GAR għall-iskoperturi fir-ringiela 27 tal-Mudell 7.
14	Finanzjament tal-gvern lokali % GAR għall-iskoperturi fir-ringiela 28 tal-Mudell 7.
15	Finanzjament tal-akkomodazzjoni % GAR għall-iskoperturi fir-ringiela 29 tal-Mudell 7.
16	Finanzjament ieħor tal-gvern lokali % GAR għall-iskoperturi fir-ringiela 30 tal-Mudell 7.
17	Kollateral miksub b’pussess: proprjetajiet immobbli residenzjali u kummerċjali % GAR għall-iskoperturi fir-ringiela 31 tal-Mudell 7.

Mudell 9 - Azzjonijiet ta’ mitigazzjoni: BTAR

L-Artikolu 9 tar-Regolament ta’ Implimentazzjoni (UE) 2021/2178 jipprovdi li l-Kummissjoni tirrieżamina l-applikazzjoni ta’ dak ir-Regolament sat-30 ta’ Ġunju 2024. Il-Kummissjoni għandha tivvaluta b’mod partikolari l-ħtieġa għal kwalunkwe emenda ulterjuri fir-rigward tal-inklużjoni ta’:

(a)	skoperturi għal gvernijiet ċentrali u għal banek ċentrali fin-numeratur u fid-denominatur tal-indikaturi ewlenin tal-prestazzjoni tal-impriżi finanzjarji;

(b)	skoperturi għal impriżi li ma jippubblikawx rapport mhux finanzjarju skont l-Artikoli 19a jew 29a tad-Direttiva 2013/34/UE fin-numeratur tal-indikaturi ewlenin tal-prestazzjoni tal-impriżi finanzjarji.

L-istituzzjonijiet jistgħu jagħżlu li jinkludu l-informazzjoni li ġejja f’dan il-mudell. Għal dawk il-kontropartijiet li huma korporazzjonijiet mhux finanzjarji u li ma għandhomx obbligi ta’ divulgazzjoni, l-istituzzjonijiet jistgħu jiżvelaw, fuq bażi ta’ sforz raġonevoli u abbażi ta’ informazzjoni diġà disponibbli u miġbura fuq bażi volontarja u bilaterali mill-kontropartijiet tagħhom jew ikkalkolata bl-użu ta’ stimi, informazzjoni estiża dwar l-eliġibbiltà tat-tassonomija u l-allinjament tat-tassonomija kif imsemmi fir-Regolament (UE) 2020/852 fir-rigward tal-objettivi ambjentali tal-mitigazzjoni u l-adattament għat-tibdil fil-klima, kif imsemmi fl-Artikolu 9, il-punti (a) u (b), tar-Regolament (UE) 2020/852, minn dawk l-iskoperturi lejn korporazzjonijiet mhux finanzjarji Ewropej li ma humiex soġġetti għall-obbligi ta’ divulgazzjoni stabbiliti fid-Direttiva 2013/34/UE u korporazzjonijiet mhux finanzjarji Ewropej mhux soġġetti għall-obbligi ta’ divulgazzjoni stabbiliti fid-Direttiva 2013/34/UE. Dik l-informazzjoni tista’ tiġi żvelata darba biss, abbażi tal-allinjament tal-fatturat tal-kontropartijiet għas-self għal skop ġenerali, bħal fil-każ tal-GAR.

L-ewwel data ta’ referenza tad-divulgazzjoni ta’ dan il-mudell hija mill-31 ta’ Diċembru 2024. L-istituzzjonijiet ma humiex meħtieġa jiżvelaw din l-informazzjoni qabel l-1 ta’ Jannar 2025.

Mudell 9.1 - Azzjonijiet ta’ mitigazzjoni: Assi għall-kalkolu tal-BTAR

L-istituzzjonijiet jistgħu jiżvelaw il-valur riportat gross tal-assi rilevanti għall-kalkolu tal-BTAR f’dan il-mudell. Dan il-mudell għandu japplika biss għal kontropartijiet li ma humiex soġġetti għal obbligi ta’ divulgazzjoni.

ASSI TOTALI GAR

Kif żvelat fir-ringiela 32 tal-mudell 7.

Korporazzjonijiet mhux finanzjarji tal-UE (mhux soġġetti għall-obbligi ta’ divulgazzjoni tal-NFRD)

L-istituzzjonijiet għandhom jiżvelaw skoperturi għal korporazzjoni mhux finanzjarja kif definit fil-Parti 1, il-punt 42(e), tal-Anness V tar-Regolament ta’ Implimentazzjoni (UE) 2021/451, li jinsabu fl-Unjoni u li ma humiex soġġetti għal obbligi ta’ divulgazzjoni skont id-Direttiva 2013/34/UE.

Meta l-kontroparti ma tkunx soġġetta għal divulgazzjonijiet skont l-Artikolu 8 tar-Regolament (UE) 2020/852, għall-kalkolu tal-perċentwal ta’ skoperturi allinjati mat-tassonomija kif imsemmi fir-Regolament (UE) 2020/852, l-istituzzjonijiet jistgħu, fuq bażi ta’ sforz raġonevoli, jiġbru informazzjoni mill-kontropartijiet tagħhom fuq bażi volontarja u bilaterali permezz tal-oriġinazzjoni tas-self, u proċess regolari ta’ rieżami u monitoraġġ tal-kreditu. Biss meta l-kontroparti ma tkunx tista’ jew ma tkunx lesta li tipprovdi d-data rilevanti, l-istituzzjonijiet ta’ kreditu għandhom jagħmlu użu minn stimi u indikaturi interni u għandhom jispjegaw fin-narrattiva li takkumpanja l-mudell l-estensjoni tal-użu ta’ dawk l-istimi u t-tip ta’ stimi applikati. Meta l-istituzzjonijiet ma jkunux jistgħu jiġbru informazzjoni rilevanti fuq bażi volontarja u bilaterali jew ma jkunux jistgħu jistmaw din l-informazzjoni, jew ma jkunux jistgħu jagħmlu dan b’mod raġonevoli li ma jkunx ta’ piż żejjed għalihom jew għall-kontropartijiet tagħhom, huma għandhom jispjegaw dak il-fatt fin-narrattiva li takkumpanja l-mudell, filwaqt li jispjegaw ir-raġunijiet u l-kontropartijiet affettwati.

Għal divulgazzjonijiet li jinvolvu korporazzjonijiet mhux soġġetti għal obbligi ta’ divulgazzjoni skont id-Direttiva 2013/34/UE, inklużi intrapriżi żgħar u medji (SMEs), meta jivvalutaw self/finanzjament għal skop ġenerali b’użu mhux magħruf ta’ rikavati, l-istituzzjonijiet għandhom isegwu approċċ simplifikat u għandhom jiffokaw il-valutazzjoni tagħhom fuq l-attività ekonomika ewlenija tal-kumpanija, jiġifieri, fuq is-sors ewlieni tal-fatturat tagħhom, sabiex jiġi ddeterminat l-allinjament ġenerali tal-iskoperturi mar-Regolament (UE) 2020/852. Fil-każ ta’ self speċjalizzat, il-valutazzjoni għandha tkun ibbażata fuq kemm il-proġett speċifiku ffinanzjat jikkwalifika bħala li jikkontribwixxi sostanzjalment għall-mitigazzjoni jew l-adattament għat-tibdil fil-klima (informazzjoni speċifika għall-proġett).

Li minnu: self kollateralizzat bi proprjetà immobbli kummerċjali

L-iskoperturi msemmija fil-Parti 2, il-punt 173, l-ittra (a), u l-punt 239ix, tal-Anness V tar-Regolament ta’ Implimentazzjoni (UE) 2021/451.

L-allinjament tat-tassonomija kif imsemmi fir-Regolament (UE) 2020/852 ta’ dawk l-iskoperturi għandu jiġi vvalutat biss skont approċċ simplifikat, għall-objettiv tal-mitigazzjoni tat-tibdil fil-klima f’konformità mal-kriterji tekniċi ta’ skrinjar għall-bini, jiġifieri r-rinnovazzjoni u l-akkwist u s-sjieda, f’konformità mal-punti 7.2., 7.3., 7.4., 7.5,. 7.6., u 7.7. rispettivament, tal-Anness I tar-Regolament Delegat (UE) 2021/2139, abbażi tal-effiċjenza enerġetika tal-kollateral sottostanti.

Li minnu: self għar-rinnovazzjoni tal-bini

Self li jingħata lill-SMEs u lil korporazzjonijiet mhux finanzjarji oħrajn mhux soġġetti għal obbligi ta’ divulgazzjoni skont id-Direttiva 2014/95/UE bil-għan li jiġi rrinnovat bini.

L-allinjament tat-tassonomija kif imsemmi fir-Regolament (UE) 2020/852 ta’ dawn l-iskoperturi għandu jiġi vvalutat biss skont approċċ simplifikat, għall-objettiv tal-mitigazzjoni tat-tibdil fil-klima f’konformità mal-kriterji tekniċi ta’ skrinjar għall-bini, jiġifieri r-rinnovazzjoni u l-akkwist u s-sjieda f’konformità mal-punti 7.2., 7.3., 7.4., 7.5, 7.6., u 7.7. rispettivament, tal-Anness I tar-Regolament Delegat (UE) 2021/2139, abbażi tal-effiċjenza enerġetika tal-kollateral sottostanti.

Korporazzjonijiet mhux finanzjarji mhux tal-UE (mhux soġġetti għall-obbligi ta’ divulgazzjoni tal-NFRD)

Skoperturi għal korporazzjoni mhux finanzjarja kif imsemmija fil-Parti 1, il-punt 42, l-ittra (e), tal-Anness V tar-Regolament ta’ Implimentazzjoni (UE) 2021/451, li jinsabu barra mill-Unjoni u li ma humiex soġġetti għal obbligi ta’ divulgazzjoni skont id-Direttiva 2014/95/UE.

Meta l-istituzzjonijiet ikunu qegħdin jipprovdu dik l-informazzjoni fid-divulgazzjonijiet tagħhom skont l-Artikolu 8 tar-Regolament (UE) 2020/852 f’konformità mal-Artikolu 7(7) tar-Regolament Delegat (UE) 2021/2178, huma għandhom jiżvelaw l-istess informazzjoni hawnhekk. Inkella, l-istituzzjonijiet għandhom jiġbru informazzjoni mill-kontropartijiet tagħhom fuq bażi bilaterali permezz tal-oriġinazzjoni tas-self, u l-proċess regolari ta’ rieżami u monitoraġġ tal-kreditu, jew għandhom jużaw l-indikaturi li ġejjin għad-divulgazzjoni ta’ informazzjoni dwar skoperturi mhux tal-UE fuq bażi tal-aħjar sforz:

(a)	il-mudelli tagħhom stess u l-klassifikazzjoni tal-iskoperturi skonthom; f’dan il-każ, l-istituzzjonijiet għandhom jispjegaw il-karatteristiċi ewlenin tal-mudelli applikati;

(b)	fejn disponibbli, id-divulgazzjonijiet pubbliċi tal-kontropartijiet ibbażati fuq standards internazzjonali (inkluż it-TCFD); f’dak il-każ, l-istituzzjonijiet għandhom jispjegaw it-tip ta’ informazzjoni disponibbli u l-istandards applikati;

(c)	data oħra disponibbli għall-pubbliku.

L-istituzzjonijiet għandhom jispjegaw fin-narrattiva li takkumpanja dan il-mudell is-sorsi użati għad-divulgazzjoni ta’ din l-informazzjoni. Meta l-istituzzjonijiet ma jkunux jistgħu jiġbru fuq bażi bilaterali jew jistmaw l-informazzjoni rilevanti jew ma jkunux jistgħu jagħmlu dan b’mod raġonevoli li ma jkunx ta’ piż żejjed għalihom jew għall-kontropartijiet tagħhom, huma għandhom jispjegaw dak il-fatt fin-narrattiva li takkumpanja l-mudell, filwaqt li jispjegaw ir-raġunijiet u l-kontropartijiet affettwati.

Għal dan it-tip ta’ kontropartijiet, meta jivvalutaw is-self/il-finanzjament għal skop ġenerali b’użu mhux magħruf ta’ rikavati, l-istituzzjonijiet għandhom isegwu approċċ simplifikat u għandhom jiffokaw il-valutazzjoni tagħhom fuq l-attività ekonomika ewlenija tal-kumpanija, jiġifieri, fuq is-sors ewlieni tal-fatturat tagħhom, sabiex jiġi ddeterminat l-allinjament ġenerali tal-iskoperturi mar-Regolament (UE) 2020/852. Fil-każ ta’ self speċjalizzat, il-valutazzjoni għandha tkun ibbażata fuq il-punt u l-proporzjon li għalihom il-proġett speċifiku ffinanzjat jikkwalifika bħala li jikkontribwixxi sostanzjalment għall-mitigazzjoni jew għall-adattament għat-tibdil fil-klima (informazzjoni speċifika għall-proġett), u għall-portafoll tal-proprjetà immobbli, il-valutazzjoni għandha titwettaq għall-objettiv tal-mitigazzjoni tat-tibdil fil-klima abbażi tal-effiċjenza enerġetika tal-kollateral sottostanti u l-allinjament tiegħu mal-kriterji speċifikati għall-attivitajiet rilevanti fir-Regolament (UE) 2020/852.

Ir-ringiela 12

ASSI TOTALI BTAR

Somma tar-ringieli 1, 2 u 8

Ir-ringieli 13 sa 19

Ara d-definizzjonijiet fil-mudell 7 (ir-ringieli 41 sa 50)

Mudell 9.2 - % BTAR

L-istituzzjonijiet jistgħu jiżvelaw f’dan il-mudell il-perċentwal ta’ assi tal-BTAR kif żvelat fil-mudell 1 meta mqabbel mal-assi totali fid-denominatur tal-BTAR kif żvelat fir-ringiela 17 tal-mudell 9.1.

Mudell 9.3 - % BTAR

Dan il-mudell fih sommarju tal-KPI tal-BTAR, diżaggregazzjoni skont l-objettiv ambjentali tat-tibdil fil-klima, u t-total, u bid-diżaggregazzjoni għall-istokk u l-fluss.

Mudell 10 – Azzjonijiet oħrajn ta’ mitigazzjoni tat-tibdil fil-klima li ma humiex koperti fir-Regolament (UE) 2020/852

Dan il-mudell ikopri azzjonijiet oħrajn ta’ mitigazzjoni tat-tibdil fil-klima u jinkludi skoperturi tal-istituzzjonijiet li ma humiex allinjati mat-tassonomija kif imsemmi fir-Regolament (UE) 2020/852 skont il-mudelli 7 u 8 iżda li għadhom jappoġġaw lill-kontropartijiet fil-proċess ta’ tranżizzjoni u adattament għall-objettivi tal-mitigazzjoni tat-tibdil fil-klima u adattament għat-tibdil fil-klima. Dawk l-azzjonijiet u l-attivitajiet ta’ mitigazzjoni għandhom jinkludu bonds u self maħruġa skont standards għajr dawk tal-Unjoni, inklużi bonds ekoloġiċi; bonds sostenibbli li huma relatati ma’ aspetti dwar it-tibdil fil-klima; bonds relatati mas-sostenibbiltà li huma relatati ma’ aspetti dwar it-tibdil fil-klima; self ekoloġiku; self marbut mas-sostenibbiltà li huwa marbut ma’ aspetti dwar it-tibdil fil-klima. self relatat mas-sostenibbiltà li huwa relatat ma’ aspetti dwar it-tibdil fil-klima.

Fin-narrattiva li takkumpanja dan il-mudell, l-istituzzjonijiet għandhom jinkludu spjegazzjonijiet dettaljati dwar in-natura u t-tip ta’ azzjonijiet ta’ mitigazzjoni riflessi f’dan il-mudell, inkluża informazzjoni dwar it-tip ta’ riskji li għandhom l-għan li jimmitigaw, l-objettivi tat-tibdil fil-klima li jappoġġaw u informazzjoni dwar il-kontropartijiet relatati u ż-żmien tal-azzjonijiet. Huma għandhom jispjegaw ukoll għaliex dawk l-iskoperturi ma humiex kompletament allinjati mal-kriterji stabbiliti fir-Regolament (UE) 2020/852, u ma humiex sostenibbli f’konformità mar-Regolament (UE) 2020/852 iżda għadhom jikkontribwixxu għall-mitigazzjoni tat-tranżizzjoni tar-riskju tat-tibdil fil-klima jew tar-riskju fiżiku, kif ukoll kwalunkwe informazzjoni rilevanti oħra li tista’ tgħin sabiex jinftiehem il-qafas tal-immaniġġar tar-riskju tal-istituzzjoni.

L-istituzzjonijiet għandhom jibdew jiżvelaw l-informazzjoni inkluża fil-mudelli bl-ewwel data ta’ referenza tad-divulgazzjoni mill-31 ta’ Diċembru 2022.

Kolonni	Struzzjonijiet
a	Tip ta’ strument finanzjarju L-istituzzjonijiet għandhom jiżvelaw it-tip ta’ strument finanzjarju kif imsemmi fl-Anness V tar-Regolament ta’ Implimentazzjoni (UE) 2021/451.
b	Tip ta’ kontroparti L-istituzzjonijiet għandhom jiżvelaw it-tip ta’ kontroparti kif imsemmi fil-Parti 1, il-punt 42, tal-Anness V tar-Regolament ta’ Implimentazzjoni (UE) 2021/451.
c	Valur riportat gross (miljun EUR) L-istituzzjonijiet għandhom jiżvelaw il-valur riportat gross kif imsemmi fil-Parti 1, il-punt 34, tal-Anness V tar-Regolament ta’ Implimentazzjoni (UE) 2021/451.
d	Tip ta’ riskju mmitigat (Riskju ta’ tranżizzjoni tat-tibdil fil-klima) L-istituzzjonijiet għandhom jiżvelaw it-tip ta’ riskju li qiegħed jiġi mmitigat b’dik l-azzjoni: riskju ta’ tranżizzjoni tat-tibdil fil-klima.
e	Tip ta’ riskju mmitigat (Riskju fiżiku tat-tibdil fil-klima) L-istituzzjonijiet għandhom jiżvelaw it-tip ta’ riskju li qiegħed jiġi mmitigat b’dik l-azzjoni: riskju fiżiku tat-tibdil fil-klima.
f	Informazzjoni kwalitattiva dwar in-natura tal-azzjonijiet ta’ mitigazzjoni L-istituzzjonijiet għandhom jiddeskrivu n-natura tal-azzjonijiet ta’ mitigazzjoni billi jikkontribwixxu għall-mitigazzjoni tat-tibdil fil-klima msemmija fl-Artikolu 10 tar-Regolament (UE) 2020/852 u għall-adattament għat-tibdil fil-klima msemmi fl-Artikolu 11 ta’ dak ir-Regolament, u dwar ir-raġunijiet għaliex l-iskoperturi ma jitqisux bħala allinjati mat-tassonomija għall-fini tal-GAR.

”

(*1) ĠU L 282, 19.10.2016, p. 4

(*2) COM/2019/640 final.

(*3) Id-Direttiva 2013/34/UE tal-Parlament Ewropew u tal-Kunsill tas-26 ta’ Ġunju 2013 dwar id-dikjarazzjonijiet finanzjarji annwali, id-dikjarazzjonijiet finanzjarji kkonsolidati u r-rapporti relatati ta’ ċerti tipi ta’ impriżi, u li temenda d-Direttiva 2006/43/KE tal-Parlament Ewropew u tal-Kunsill u li tħassar id-Direttivi tal-Kunsill 78/660/KEE u 83/349/KEE (ĠU L 182, 29.6.2013, p. 19).

(*4) Id-Direttiva 2014/95/UE tal-Parlament Ewropew u tal-Kunsill tat-22 ta’ Ottubru 2014 li temenda d-Direttiva 2013/34/UE fir-rigward tad-divulgazzjoni ta’ informazzjoni mhux finanzjarja u dwar id-diversità minn ċerti impriżi u gruppi kbar (ĠU L 330, 15.11.2014, p. 1).

(*5) C/2019/4490 (ĠU C 209, 20.6.2019, p. 1).

(*6) Recommendations of the Task Force on Climate-related Financial Disclosures, https://www.fsb-tcfd.org/recommendations.

(*7) United Nations Environment Programme Finance Initiative (UNEP FI), https://www.unepfi.org.;

(*8) Global Reporting Initiative Sustainability Reporting Standards, https://www.globalreporting.org/standards.;

(*9) United Nations’ Principles for Responsible Investment (UNPRI), https://www.unpri.org.

(*10) Id-Direttiva 2013/36/UE tal-Parlament Ewropew u tal-Kunsill tas-26 ta’ Ġunju 2013 dwar l-aċċess għall-attività tal-istituzzjonijiet ta’ kreditu u s-superviżjoni prudenzjali tal-istituzzjonijiet ta’ kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU L 176, 27.6.2013, p. 338).

(*11) Ir-Regolament (KE) Nru 1893/2006 tal-Parlament Ewropew u tal-Kunsill tal-20 ta’ Diċembru 2006 li jistabbilixxi l-klassifikazzjoni tal-istatistika ta’ attivitajiet ekonomiċi tan-NACE Reviżjoni 2 u li jemenda r-Regolament tal-Kunsill (KEE) Nru 3037/90 kif ukoll ċerti Regolamenti tal-KE dwar setturi speċifiċi tal-istatistika (ĠU L 393, 30.12.2006, p. 1).

(*12) Ir-Regolament Delegat tal-Kummissjoni (UE) 2020/1818 tas-17 ta’ Lulju 2020 li jissupplimenta r-Regolament (UE) 2016/1011 tal-Parlament Ewropew u tal-Kunsill fir-rigward tal-istandards minimi għall-Parametri Referenzjarji tat-Tranżizzjoni Klimatika tal-UE u l-Parametri Referenzjarji tal-UE allinjati mal-Ftehim ta’ Pariġi (ĠU L 406, 3.12.2020, p. 17).

(*13) Id-Direttiva tal-Kunsill 86/635/KEE tat-8 ta’ Diċembru 1986 dwar il-kontijiet annwali u l-kontijiet konsolidati ta’ banek u istituzzjonijiet finanzjarji oħrajn (ĠU L 372, 31.12.1986, p. 1).

(*14) https://carbonaccountingfinancials.com/standard.

(*15) https://www.cdp.net/en.

(*16) Id-Direttiva 2010/31/UE tal-Parlament Ewropew u tal-Kunsill tad-19 ta’ Mejju 2010 dwar ir-rendiment tal-bini fl-użu tal-enerġija (ĠU L 153, 18.6.2010, p. 13).

(*17) Id-Direttiva 2012/27/UE tal-Parlament Ewropew u tal-Kunsill tal-25 ta’ Ottubru 2012 dwar l-effiċjenza fl-enerġija li temenda d-Direttivi 2009/125/KE u 2010/30/UE u li tħassar id-Direttivi 2004/8/KE u 2006/32/KE (ĠU L 315, 14.11.2012, p. 1).

(*18) Emissjonijiet żero netti sal-2050 Xenarju (NZE) –AIE (2021), World Energy Model, AIE, Pariġi https://www.iea.org/reports/world-energy-model;

(*19) Ir-rapport tal-2021 jista’ jinstab f’din il-link.;

(*20) Għal aktar eżempji, jekk jogħġbok irreferi għar-rapport tal-UNEP FI u ta’ Acclimatise: “Chartering New Climate. State-of-the-art tools and data for banks to assess credit risks and opportunities from physical climate change impacts”, Settembru 2020, https://www.unepfi.org/publications/banking-publications/charting-a-new-climate/ Ir-rapport jipprovdi informazzjoni dettaljata fir-rigward tal-perjodi ta’ żmien koperti, l-użu ta’ xenarji futuri, ir-riżoluzzjoni spazjali u l-kopertura, il-format tal-outputs li għandhom jiġu riċevuti minn settijiet ta’ data partikolari kif ukoll mil-liċenzjar u l-kost (jekk jogħġbok innota li l-biċċa l-kbira tal-portali u tal-bażijiet tad-data joffru aċċess mingħajr ħlas għall-użu). Barra minn hekk, ir-rapport jelabora fuq tekniki differenti ta’ valutazzjoni u kejl tar-riskju fiżiku, bħal pereżempju l-immappjar tas-sħana, l-analiżi tal-korrelazzjoni, għodod u analitika dedikati.;

(*21) Ir-Regolament Delegat tal-Kummissjoni (UE) 2021/2178 tas-6 ta’ Lulju 2021 li jissupplimenta r-Regolament (UE) 2020/852 tal-Parlament Ewropew u tal-Kunsill billi jispeċifika l-kontenut u l-preżentazzjoni ta’ informazzjoni li għandha tiġi żvelata minn impriżi soġġetti għall-Artikoli 19a jew 29a tad-Direttiva 2013/34/UE dwar attivitajiet ekonomiċi ambjentalment sostenibbli, u li jispeċifika l-metodoloġija biex ikun hemm konformità ma’ dan l-obbligu ta’ żvelar (ĠU L 443, 10.12.2021, p. 9).

(*22) Ir-Regolament Delegat tal-Kummissjoni (UE) 2021/2139 tal-4 ta’ Ġunju 2021 li jissupplimenta r-Regolament (UE) 2020/852 tal-Parlament Ewropew u tal-Kunsill billi jistabbilixxi l-kriterji tekniċi ta’ skrinjar sabiex jiġu ddeterminati l-kundizzjonijiet li fihom attività ekonomika tikkwalifika bħala attività li tikkontribwixxi sostanzjalment għall-mitigazzjoni tat-tibdil fil-klima jew għall-adattament għat-tibdil fil-klima u sabiex jiġi ddeterminat jekk dik l-attività ekonomika tikkawżax ħsara sinifikanti lil xi wieħed mill-objettivi ambjentali l-oħra (ĠU L 442, 9.12.2021, p. 1).

	KPI			% kopertura (fuq l-assi totali) (*2)
	Il-mitigazzjoni tat-tibdil fil-klima	L-adattament għat-tibdil fil-klima	Total (Mitigazzjoni tat-tibdil fil-klima + Adattament għat-tibdil fil-klima)	% kopertura (fuq l-assi totali) (*2)
Stokk ta’ GAR
Flus ta’ GAR

Numru tar-ringiela	Informazzjoni kwalitattiva — Format liberu
	L-istrateġija u l-proċessi tan-negozju
(a)	L-istrateġija tan-negozju tal-istituzzjoni biex tintegra l-fatturi u r-riskji ambjentali, filwaqt li tqis l-impatt tal-fatturi u r-riskji ambjentali fuq l-ambjent tan-negozju, il-mudell tan-negozju, l-istrateġija u l-ippjanar finanzjarju tal-istituzzjoni
(b)	Objettivi, miri u limiti għall-valutazzjoni u l-indirizzar tar-riskju ambjentali fi żmien qasir, medju u twil, u valutazzjoni tal-prestazzjoni skont dawn l-objettivi, il-miri u l-limiti, inkluża informazzjoni li tħares’ il quddiem fit-tfassil tal-istrateġija u l-proċessi tan-negozju
(c)	Attivitajiet ta’ investiment attwali u miri ta’ investiment (futuri) lejn l-objettivi ambjentali u attivitajiet allinjati mat-Tassonomija tal-UE
(d)	Politiki u proċeduri relatati ma’ involviment dirett u indirett ma’ kontropartijiet ġodda jew eżistenti dwar l-istrateġiji tagħhom biex jimmitigaw u jnaqqsu r-riskji ambjentali
	Governanza
(e)	Ir-responsabbiltajiet tal-korp maniġerjali għall-istabbiliment tal-qafas tar-riskju, is-superviżjoni u l-ġestjoni tal-implimentazzjoni tal-objettivi, l-istrateġija u l-politiki fil-kuntest tal-ġestjoni tar-riskju ambjentali li jkopru l-kanali ta’ trażmissjoni rilevanti
(f)	L-integrazzjoni tal-korp maniġerjali tal-effetti fuq perjodu qasir, medju u twil ta’ fatturi u riskji ambjentali, l-istruttura organizzazzjonali kemm fil-linji tan-negozju kif ukoll fil-funzjonijiet ta’ kontroll intern
(g)	Integrazzjoni ta’ miżuri għall-ġestjoni tal-fatturi u r-riskji ambjentali fl-arranġamenti ta’ governanza interna, inkluż ir-rwol tal-kumitati, l-allokazzjoni tal-kompiti u r-responsabbiltajiet, u ċ-ċirku ta’ feedback mill-ġestjoni tar-riskju lill-korp maniġerjali li jkopri l-kanali ta’ trażmissjoni rilevanti
(h)	Linji ta’ rappurtar u frekwenza ta’ rappurtar relatati mar-riskju ambjentali
(i)	Allinjament tal-politika ta’ remunerazzjoni mal-objettivi tal-istituzzjoni relatati mar-riskju ambjentali
	Ġestjoni tar-riskji
(j)	L-integrazzjoni tal-effetti fuq perjodu qasir, medju u twil ta’ fatturi u riskji ambjentali fil-qafas tar-riskju
(k)	Definizzjonijiet, metodoloġiji u standards internazzjonali li fuqhom huwa bbażat il-qafas tal-ġestjoni tar-riskju ambjentali
(l)	Proċessi għall-identifikazzjoni, il-kejl u l-monitoraġġ ta’ attivitajiet u skoperturi (u kollateral fejn applikabbli) sensittivi għar-riskji ambjentali, li jkopru l-kanali ta’ trażmissjoni rilevanti
(m)	Attivitajiet, impenji u skoperturi li jikkontribwixxu għall-mitigazzjoni tar-riskji ambjentali
(n)	Implimentazzjoni ta’ għodod għall-identifikazzjoni, il-kejl u l-ġestjoni tar-riskji ambjentali
(o)	Riżultati u eżitu tal-għodod tar-riskju implimentati u l-impatt stmat tar-riskju ambjentali fuq il-profil tar-riskju kapitali u tal-likwidità
(p)	Id-disponibbiltà, il-kwalità u l-preċiżjoni tad-data, u l-isforzi biex jittejbu dawn l-aspetti
(q)	Deskrizzjoni tal-limiti għar-riskji ambjentali (bħala xprunaturi tar-riskji prudenzjali) li huma stabbiliti, u li jiskattaw eskalazzjoni u esklużjoni fil-każ ta’ ksur ta’ dawn il-limiti
(r)	Deskrizzjoni tar-rabta (kanali ta’ trażmissjoni) bejn ir-riskji ambjentali mar-riskju ta’ kreditu, il-likwidità u r-riskju ta’ finanzjament, ir-riskju tas-suq, ir-riskju operazzjonali u r-riskju reputazzjonali fil-qafas tal-ġestjoni tar-riskju

	a	b	c	d	e
	Valur riportat gross (aggregat)	Valur riportat gross lejn il-kontropartijiet meta mqabbel mal-valur riportat gross totali (aggregat) (*1)	Li minnhom ambjentalment sostenibbli (CCM)	Maturità medja ponderata	In-numru tal-20 kumpanija li jniġġsu l-aktar inklużi
1