14.12.2022 |
MT |
Il-Ġurnal Uffiċjali tal-Unjoni Ewropea |
L 320/1 |
REGOLAMENT DELEGAT TAL-KUMMISSJONI (UE) 2022/2447
tat-30 ta’ Settembru 2022
li jissupplimenta r-Regolament (UE) 2019/1700 tal-Parlament Ewropew u tal-Kunsill billi jispeċifika n-numru u t-titolu tal-varjabbli fuq tmien snin fid-dominju tal-forza tax-xogħol dwar iż-“żgħażagħ fis-suq tax-xogħol”, il-“kisba edukattiva — dettalji, inkluża l-edukazzjoni interrotta jew abbandunata” u r-“rikonċiljazzjoni tax-xogħol mal-ħajja tal-familja”
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/1700 tal-Parlament Ewropew u tal-Kunsill tal-10 ta’ Ottubru 2019 li jistabbilixxi qafas komuni għall-istatistika Ewropea relatata ma’ persuni u unitajiet domestiċi, abbażi ta’ data fuq livell individwali miġbura minn kampjuni, li jemenda r-Regolamenti (KE) Nru 808/2004, (KE) Nru 452/2008 u (KE) Nru 1338/2008 tal-Parlament Ewropew u tal-Kunsill, u li jħassar ir-Regolament (KE) Nru 1177/2003 tal-Parlament Ewropew u tal-Kunsill u r-Regolament tal-Kunsill (KE) Nru 577/98 (1), u b’mod partikolari l-Artikolu 6(1) tiegħu,
Billi:
(1) |
Biex tkopri l-ħtiġijiet identifikati fis-suġġetti dettaljati rilevanti fid-dominju tal-forza tax-xogħol, il-Kummissjoni jenħtieġ li tispeċifika n-numru u t-titolu tal-varjabbli fuq tmien snin li għandhom jinġabru għall-ewwel darba fis-snin 2024 u 2025. |
(2) |
Il-Kummissjoni jenħtieġ li tispeċifika n-numru u t-titolu tal-varjabbli fuq tmien snin fuq is-suġġetti dettaljati fid-dominju tal-forza tax-xogħol dwar iż-“żgħażagħ fis-suq tax-xogħol”, il-“kisba edukattiva — dettalji, inkluża l-edukazzjoni interrotta jew abbandunata” u r-“rikonċiljazzjoni tax-xogħol mal-ħajja tal-familja”, |
ADOTTAT DAN IR-REGOLAMENT:
Artikolu 1
In-numru u t-titolu tal-varjabbli fuq tmien snin fuq is-suġġetti dettaljati fid-dominju tal-forza tax-xogħol iż-“żgħażagħ fis-suq tax-xogħol”, il-“kisba edukattiva — dettalji, inkluża l-edukazzjoni interrotta jew abbandunata” u r-“rikonċiljazzjoni tax-xogħol mal-ħajja tal-familja” għandhom jiġu stabbiliti fl-Anness.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-30 ta’ Settembru 2022.
Għall-Kummissjoni
Il-President
Ursula VON DER LEYEN
ANNESS
Numru u titolu tal-varjabbli fuq tmien snin fid-dominju tal-forza tax-xogħol li għandhom jinġabru dwar iż-“żgħażagħ fis-suq tax-xogħol”, il-“kisba edukattiva – dettalji, inkluża l-edukazzjoni interrotta jew abbandunata” (l-ewwel implimentazzjoni fl-2024) u ir-“rikonċiljazzjoni tax-xogħol mal-ħajja tal-familja” (l-ewwel implimentazzjoni fl-2025)
Suġġett |
Suġġett dettaljat |
Identifikatur tal-varjabbli |
Isem tal-varjabbli |
03e. Parteċipazzjoni fis-suq tax-xogħol - tliet varjabbli miġbura (tliet varjabbli fuq tmien snin) |
Żgħażagħ fis-suq tax-xogħol |
LEVMATCH |
Konkordanza bejn il-livell edukattiv milħuq u l-impjieg ewlieni attwali jew dak l-aktar riċenti |
FIELDMATCH |
Konkordanza bejn il-qasam tal-ogħla livell ta’ edukazzjoni ikkompletat b’suċċess u l-impjieg ewlieni attwali jew dak l-aktar riċenti |
||
SKILLMATCH |
Konkordanza bejn il-ħiliet u l-impjieg ewlieni attwali jew dak l-aktar riċenti |
||
04b. Livell edukattiv milħuq u sfond edukattiv - erba’ varjabbli miġbura (erba’ varjabbli fuq tmien snin) |
Livell edukattiv milħuq — dettalji, inkluża l-edukazzjoni interrotta jew abbandunata |
DROPEDUC |
Edukazzjoni jew taħriġ formali abbandunati |
DROPEDUCLEVEL |
Livell tal-edukazzjoni formali jew taħriġ abbandunati |
||
DROPEDUCREAS |
Raġuni ewlenija għaliex ma ġiex ikkompletat il-programm ta’ edukazzjoni formali msemmi f’DROPEDUCLEVEL |
||
MEDLEVQUAL |
Kwalifiki tal-livell edukattiv medju milħuq |
||
03f. Parteċipazzjoni fis-suq tax-xogħol - 11-il varjabbli miġbura (11-il varjabbli fuq tmien snin) |
Rikonċiljazzjoni tax-xogħol mal-ħajja tal-familja |
CHCARRES |
Jeżistu responsabbiltajiet tal-kura regolari għat-tfal sa 14-il sena |
CHCARAGE |
Età tal-iżgħar wild jew neputi(ja) fil-kura |
||
CHCARUSE |
Użu tas-servizzi tal-indukrar tat-tfal |
||
CHCAROBS |
Raġuni ewlenija għaliex ma ntużawx is-servizzi tal-indukrar tat-tfal |
||
ELCARRES |
Jeżistu responsabbiltajiet tal-kura regolari għall-qraba li għandhom 15-il sena u aktar li huma morda, fraġli jew b’diżabilità |
||
ELCARINT |
Intensità tal-kura għall-qraba li huma morda, fraġli jew b’diżabilità |
||
CAREFFEM |
Effett tar-responsabilitajiet tal-kura fuq l-impjiegi |
||
WORKOBS |
Ostaklu ewlieni fuq ix-xogħol għar-rikonċiljazzjoni tax-xogħol mal-ħajja tal-familja |
||
CHNUMBER |
Numru ta’ wlied proprji mrobbija |
||
PARLEAV |
Użu tal-liv tal-familja |
||
PARLENG |
Tul tal-liv tal-familja użat |