(1)

L-Artikolu 20 tar-Regolament ta’ Implimentazzjoni tal-Kummissjoni (UE) 2015/2447 (2) jistabbilixxi li meta l-formalitajiet doganali jkunu qed jiġu ssodisfati mid-detentur ta’ deċiżjoni b’Informazzjoni Vinkolanti dwar it-Tariffi (Binding Tariff Information, BTI) jew minn xi ħadd f’ismu fir-rigward ta’ merkanzija koperta mid-deċiżjoni dwar il-BTI, dan għandu jiġi indikat fid-dikjarazzjoni doganali u billi jiġi ddikjarat in-numru ta’ referenza tad-deċiżjoni dwar il-BTI. L-obbligu li jiġi indikat in-numru ta’ referenza tad-Deċiżjoni dwar l-Informazzjoni Vinkolanti dwar l-Oriġini fid-dikjarazzjoni doganali huwa stipulat biss fl-Anness B tar-Regolament Delegat tal-Kummissjoni (UE) 2015/2446 (3) bħala nota għall-element tad-data 12 12 001 000.

(2)

Sabiex l-awtoritajiet doganali jkunu jistgħu jwettqu monitoraġġ xieraq tal-użu ta’ deċiżjoni marbuta ma’ informazzjoni vinkolanti dwar l-oriġini mid-detentur tagħha, u tal-konformità mal-obbligi li jirriżultaw minn dik id-deċiżjoni, jenħtieġ li r-rekwiżit stabbilit fl-Artikolu 20 tar-Regolament ta’ Implimentazzjoni (UE) 2015/2447 biex jiġi indikat in-numru ta’ referenza tad-deċiżjoni fid-dikjarazzjoni doganali, japplika għad-deċiżjonijiet kollha relatati mal-informazzjoni vinkolanti.

(3)

Matul l-ewwel laqgħa teknika dwar ir-regoli tranżizzjonali tal-oriġini li saret fi Brussell fil-5 ta’ Frar 2020, l-Unjoni u 20 Parti Kontraenti oħra tal-Konvenzjoni Reġjonali dwar ir-regoli preferenzjali tal-oriġini pan-Ewro-Mediterranji (il-Konvenzjoni PEM) (4) qablu li jimplimentaw ir-regoli riveduti tal-Konvenzjoni PEM (5) (“ir-regoli tranżizzjonali tal-oriġini”) b’mod parallel mar-regoli tal-Konvenzjoni PEM, fuq bażi tranżizzjonali mill-1 ta’ Settembru 2021, sakemm jiġu adottati r-regoli riveduti tal-Konvenzjoni PEM.

(4)

Mill-1 ta’ Settembru 2021, diġà daħlu fis-seħħ 13-il protokoll bilaterali dwar ir-regoli tal-oriġini bejn l-Unjoni u l-Partijiet Kontraenti tal-Konvenzjoni PEM u b’hekk ir-regoli tranżizzjonali saru applikabbli (6). Il-proċess ta’ implimentazzjoni tar-regoli tranżizzjonali mal-kumplament tal-Partijiet Kontraenti miexi ’l quddiem, soġġett li l-partijiet ilestu l-proċeduri ta’ adozzjoni.

(5)

L-objettiv tar-regoli tranżizzjonali tal-oriġini huwa li jiġu introdotti regoli aktar laxki sabiex tiġi ffaċilitata l-kwalifika tal-istatus oriġinarju preferenzjali għall-merkanzija. Peress li r-regoli tranżizzjonali tal-oriġini huma ġeneralment aktar laxki minn dawk tal-Konvenzjoni PEM, il-merkanzija li tissodisfa dawn tal-aħħar tista’ tikkwalifika wkoll bħala li toriġina fil-qafas tar-regoli tranżizzjonali tal-oriġini, bl-eċċezzjoni ta’ xi prodotti agrikoli kklassifikati fil-qafas tal-Kapitoli 2, 4 sa 15, 16 (għajr għall-prodotti tas-sajd ipproċessati) u 17 sa 24, fejn ir-regoli tranżizzjonali tal-oriġini mhumiex aktar laxki mir-regoli tal-oriġini tal-Konvenzjoni PEM. Għalhekk, jenħtieġ li l-Artikoli 61 u 62 jiġu emendati biex jintroduċu l-possibbiltà li l-esportaturi tal-UE japplikaw għall-ħruġ ta’ ċertifikat tal-moviment jew li jfasslu dikjarazzjoni tal-oriġini msejsa fuq id-dikjarazzjonijiet tal-fornitur li saru fil-kuntest tal-Konvenzjoni PEM.

(6)

Ir-regoli tranżizzjonali tal-oriġini huma applikabbli b’mod parallel mar-regoli tal-oriġini tal-Konvenzjoni PEM u b’hekk joħolqu żewġ żoni distintivi ta’ akkumulazzjoni. Għalhekk, jenħtieġ li fid-dikjarazzjoni tiegħu, il-fornitur jindika l-qafas legali użat għad-determinazzjoni tal-oriġini tal-merkanzija peress li dan jippermetti lill-esportatur jiddetermina l-istatus oriġinarju tal-merkanzija skont il-qafas korrett għal dawk il-materjali li jissodisfaw iż-żewġ settijiet ta’ regoli tal-oriġini.

(7)

Id-dikjarazzjoni tal-fornitur fl-Annessi 22-17 u 22-18 tar-Regolament ta’ Implimentazzjoni (UE) 2015/2447 tintuża għall-prodotti li ma jkollhomx status oriġinarju preferenzjali. Meta jitqies li l-produzzjoni ta’ dawk il-prodotti tista’ ssir biss bl-użu ta’ materjali mhux oriġinarji, jenħtieġ li t-tieni punt tad-dikjarazzjoni jimtela b’mod fakultattiv. Għalhekk, jenħtieġ li n-noti 4 u 5 f’qiegħ il-paġna tal-Anness 22-17 tar-Regolament ta’ Implimentazzjoni (UE) 2015/2447 u n-noti 5 u 6 f’qiegħ il-paġna tal-Anness 22-18 jiġu emendati skont dan.

(8)

Skont l-Artikolu 61(3) tar-Regolament ta’ Implimentazzjoni (UE) 2015/2447 il-fornituri jistgħu jipprovdu d-dikjarazzjonijiet tagħhom fi kwalunkwe ħin, anki wara li l-prodotti jkunu ġew ikkonsenjati u skont l-Artikolu 62(2)(b) ta’ dak ir-Regolament, id-dikjarazzjonijiet tal-fornitur għal perjodu ta’ żmien twil għandhom isiru għal kunsinni mibgħuta matul perjodu ta’ żmien li ma jistax ikun aktar minn 12-il xahar qabel jew aktar minn 6 xhur wara d-data tal-ħruġ tad-dikjarazzjoni tal-fornitur għal perjodu ta’ żmien twil. Sabiex jintużaw id-dikjarazzjonijiet tal-fornitur maħruġa qabel id-data tad-dħul fis-seħħ ta’ dan ir-Regolament emendatorju għall-istokkijiet tal-materjali kostitwiti wara l-1 ta’ Settembru 2021, jenħtieġ li dan ir-Regolament japplika mill-1 ta’ Settembru 2021, id-data tad-dħul fis-seħħ tar-regoli tranżizzjonali tal-oriġini bejn l-Unjoni u diversi Partijiet Kontraenti tal-Konvenzjoni PEM.

(9)

Għaldaqstant, jenħtieġ li r-Regolament ta’ Implimentazzjoni (UE) 2015/2447 jiġi emendat skont dan.

(10)

Il-miżuri previsti f’dan ir-Regolament huma f’konformità mal-opinjoni tal-Kumitat tal-Kodiċi Doganali,

(1)

L-Artikolu 20 huwa sostitwit b’dan li ġej:

(2)

fl-Artikolu 61, jiddaħħlu l-paragrafi 1a u 1b li ġejjin:

(*1)   ĠU L 54, 26.2.2013, p. 1."

(*2)  Ir-regoli tranżizzjonali tal-oriġini huma r-regoli riveduti tal-Konvenzjoni PEM (ĠU L 339, 30.12.2019, p. 1) applikabbli b’mod parallel mar-regoli attwali tal-Konvenzjoni PEM fuq bażi tranżizzjonali sakemm jiġu adottati r-regoli riveduti tal-Konvenzjoni PEM.”;"

(3)

fl-Artikolu 62, jiddaħħlu l-paragrafi 1a u 1b li ġejjin:

(4)

fl-Anness 22-15, in-nota (3) f’qiegħ il-paġna hija sostitwita b’dan li ġej:

Meta pajjiż, grupp ta’ pajjiżi jew territorju jkun Parti Kontraenti tal-Konvenzjoni PEM, u meta ma jkunx speċifikat qafas legali b’mod awtomatiku, id-dikjarazzjoni tal-fornitur għandha titqies li tiddikjara li ntużat il-Konvenzjoni PEM biex tiddetermina l-oriġini tal-merkanzija.”.

(5)

fl-Anness 22-16, in-nota (5) f’qiegħ il-paġna hija sostitwita b’dan li ġej:

Meta pajjiż, grupp ta’ pajjiżi jew territorju jkun Parti Kontraenti tal-Konvenzjoni PEM, u meta ma jkunx speċifikat qafas legali b’mod awtomatiku, id-dikjarazzjoni tal-fornitur għandha titqies li tiddikjara li ntużat il-Konvenzjoni PEM biex tiddetermina l-oriġini tal-merkanzija.”.

(6)

fl-Anness 22-17, in-nota 4 f’qiegħ il-paġna hija sostitwita b’dan li ġej:

(7)

fl-Anness 22-17, in-nota (5) f’qiegħ il-paġna hija sostitwita b’dan li ġej:

Meta pajjiż, grupp ta’ pajjiżi jew territorju jkun Parti Kontraenti tal-Konvenzjoni PEM, u meta ma jkunx speċifikat qafas legali b’mod awtomatiku, id-dikjarazzjoni tal-fornitur titqies li qed tfisser li ntużat il-Konvenzjoni PEM biex tiddetermina l-oriġini tal-merkanzija.”.

(8)

fl-Anness 22-18, in-nota (5) f’qiegħ il-paġna hija sostitwita b’dan li ġej:

(9)

fl-Anness 22-18, in-nota (6) f’qiegħ il-paġna hija sostitwita b’dan li ġej:

Meta pajjiż, grupp ta’ pajjiżi jew territorju jkun Parti Kontraenti tal-Konvenzjoni PEM, u meta ma jkunx speċifikat qafas legali b’mod awtomatiku, id-dikjarazzjoni tal-fornitur għandha titqies li tiddikjara li ntużat il-Konvenzjoni PEM biex tiddetermina l-oriġini tal-merkanzija.”.