(1)

Ir-Regolament Delegat tal-Kummissjoni (UE) 2021/2156 (2) stabbilixxa l-laboratorju ta’ referenza tal-Unjoni Ewropea għad-deni tal-Wied tar-Rift.

(2)

Wara l-istabbiliment tal-laboratorju ta’ referenza tal-Unjoni Ewropea għad-deni tal-Wied tar-Rift, u f’konformità mal-Artikolu 93(2), il-punt (a) tar-Regolament (UE) 2017/625, il-Kummissjoni segwiet proċess ta’ għażla pubblika għall-ħatra tal-laboratorju ta’ referenza tal-Unjoni Ewropea għad-deni tal-Wied tar-Rift.

(3)

Inħatar kumitat tal-evalwazzjoni u tal-għażla għall-proċess tal-għażla pubblika għall-ħatra tal-laboratorju ta’ referenza tal-Unjoni Ewropea għad-deni tal-Wied tar-Rift. Dak il-kumitat tal-evalwazzjoni u tal-għażla kkonkluda li l-laboratorju Taljan Istituto Zooprofilattico Sperimentale dell’Abruzzo e del Molise ‘G. Caporale’ jikkonforma mar-rekwiżiti stabbiliti fl-Artikolu 93(3) tar-Regolament (UE) 2017/625 u huwa kapaċi jwettaq il-kompiti stabbiliti fl-Artikolu 94 ta’ dak ir-Regolament.

(4)

Għelhekk, jenħtieġ li l-laboratorju Taljan Istituto Zooprofilattico Sperimentale dell’Abruzzo e del Molise ‘G. Caporale’ jinħatar bħala l-laboratorju ta’ referenza tal-Unjoni Ewropea għad-deni tal-Wied tar-Rift. Jenħtieġ li l-programm ta’ ħidma tiegħu jiġi stabbilit f’konformità mal-objettivi u mal-prijoritajiet tal-programmi ta’ ħidma rilevanti adottati mill-Kummissjoni f’konformità mar-Regolament (UE) 2021/690 tal-Parlament Ewropew u tal-Kunsill (3).

(5)

Sabiex jiġi żgurat li jinżammu l-livell xieraq tal-metodi ta’ analiżi, ta’ ttestjar jew ta’ dijanjożi, u l-iżvilupp ta’ metodi vvalidati u li tinżamm l-assistenza kkoordinata tal-laboratorju uffiċjali, u f’konformità mal-punt (b) tal-Artikolu 93(2) tar-Regolament (UE) 2017/625, jenħtieġ li l-ħatra bħala laboratorju ta’ referenza tal-Unjoni Ewropea tiġi rieżaminata b’mod regolari,

(6)

Jenħtieġ li dan ir-Regolament ikun applikabbli mill-1 ta’ Jannar 2023, id-data meta l-laboratorju ta’ referenza tal-Unjoni Ewropea għad-deni tal-Wied tar-Rift jenħtieġ li jibda l-attivitajiet tiegħu.