(1)

L-Artikolu 17 tar-Regolament ta’ Implimentazzjoni tal-Kummissjoni (UE) 2017/892 (2) jistabbilixxi r-regoli dwar l-ispejjeż tal-issortjar u l-imballaġġ tal-frott u l-ħxejjex li jkunu tneħħew mis-suq bil-ħsieb li jitqassmu b’xejn. L-Anness V tiegħu jistabbilixxi ammonti b’rata fissa għal tali spejjeż. Ir-Regolament Delegat tal-Kummissjoni (UE) 2017/891 (3), li jistabbilixxi r-regoli dwar l-appoġġ għal tali rtirar mis-suq, jistabbilixxi limitu fuq l-ispejjeż tal-issortjar u l-ippakkjar tal-frott u l-ħxejjex irtirati mis-suq biex jitqassmu b’xejn, sabiex jiġi evitat il-kumpens żejjed. L-esperjenza tal-Istati Membri u tal-organizzazzjoni tal-produtturi fejn tidħol l-implimentazzjoni ta’ rtirar, juri li l-ammonti b’rata fissa mir-Regolament ta’ Implimentazzjoni (UE) 2017/892, tal-issortjar u l-imballaġġ għad-distribuzzjoni b’xejn fis-settur tal-frott u l-ħxejjex ma għandhomx jiġu kkunsidrati bħala ammonti f’daqqa, imma aktar bħala ammonti massimi li ma għandhomx jinqabżu u li sabiex jiġi evitat il-kumpens żejjed, l-ispejjeż tal-issortjar u l-imballaġġ ma għandhomx ikunu eliġibbli jekk id-distribuzzjoni tal-frott u l-ħxejjex issir wara l-ipproċessar.

(2)

Għaldaqstant, ir-Regolament ta’ Implimentazzjoni (UE) 2017/892 jenħtieġ li jiġi emendat skont dan.

(3)

Għal raġunijiet ta’ trattament indaqs tal-organizzazzjonijiet tal-produtturi li jirtiraw il-frott u l-ħxejjex mis-suq għad-distribuzzjoni b’xejn waqt is-sena ta’ produzzjoni 2022, il-metodu l-ġdid ta’ kalkolazzjoni għandu jintuża għall-perjodu kollu tal-ħsad. Minħabba li ta’ kull sena l-ħsad tal-ħawħ u tan-nuċiprisk jibda f’April, dan ir-Regolament għandu japplika mill-1 ta’ April 2022.

(4)

Il-miżuri previsti f’dan ir-Regolament huma konformi mal-opinjoni tal-Kumitat għall-Organizzazzjoni Komuni tas-Swieq Agrikoli,