6.9.2022 |
MT |
Il-Ġurnal Uffiċjali tal-Unjoni Ewropea |
L 231/32 |
REGOLAMENT TAL-KUMMISSJONI (UE) 2022/1466
tal-5 ta’ Settembru 2022
li jemenda l-Anness I tar-Regolament (KE) Nru 1334/2008 tal-Parlament Ewropew u tal-Kunsill fir-rigward tat-tneħħija mil-lista tal-Unjoni ta’ ċerti sustanzi aromatizzanti
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1334/2008 tal-Parlament Ewropew u tal-Kunsill tas-16 ta’ Diċembru 2008 dwar aromatizzanti u ċerti ingredjenti tal-ikel bi proprjetajiet aromatizzanti għall-użu fl-ikel u fuq l-ikel u li jemenda r-Regolament tal-Kunsill (KE) Nru 1601/91, ir-Regolamenti (KE) Nru 2232/96 u (KE) Nru 110/2008 u d-Direttiva 2000/13 (1), u b’mod partikolari l-Artikolu 11(3) tiegħu,
Wara li kkunsidrat ir-Regolament (KE) Nru 1331/2008 tal-Parlament Ewropew u tal-Kunsill tas-16 ta’ Diċembru 2008 li jistabbilixxi proċedura ta’ awtorizzazzjoni komuni għall-addittivi tal-ikel, l-enzimi tal-ikel u l-aromatizzanti tal-ikel (2), u b’mod partikolari l-Artikolu 7(4) tiegħu,
Billi:
(1) |
L-Anness I tar-Regolament (KE) Nru 1334/2008 jistabbilixxi lista tal-Unjoni ta’ aromatizzanti u ta’ materjali tas-sors approvati għall-użu fl-ikel u fuqu u l-kundizzjonijiet tal-użu tagħhom. |
(2) |
Bir-Regolament ta’ Implimentazzjoni tal-Kummissjoni (UE) Nru 872/2012 (3), il-lista ta’ sustanzi aromatizzanti ġiet adottata u mdaħħla fl-Anness I, il-Parti A tar-Regolament (KE) Nru 1334/2008. |
(3) |
Dik il-lista tista’ tiġi aġġornata f’konformità mal-proċedura komuni msemmija fl-Artikolu 3(1) tar-Regolament (KE) Nru 1331/2008, fuq inizjattiva tal-Kummissjoni jew wara li Stat Membru jew parti interessata jressqu applikazzjoni għal dan. |
(4) |
Il-lista tal-Unjoni tal-aromatizzanti u tal-materjali tas-sors stabbilita fl-Anness I tar-Regolament (KE) Nru 1334/2008 fiha, fost l-oħrajn, għadd ta’ sustanzi aromatizzanti li għalihom, fil-mument tal-adozzjoni tal-lista bir-Regolament (UE) Nru 872/2012, l-Awtorità Ewropea dwar is-Sigurtà fl-Ikel (“l-Awtorità”) ma kinitx kapaċi teskludi riskju ta’ sikurezza għas-saħħa tal-konsumatur fuq il-bażi tad-data disponibbli u, għalhekk, qieset li kienet meħtieġa data addizzjonali biex titlesta l-evalwazzjoni tagħhom. Dawk is-sustanzi kienu inklużi fil-lista tal-Unjoni ta’ sustanzi aromatizzanti iżda bil-kundizzjoni li d-data dwar is-sikurezza li tindirizza t-tħassib imlissen mill-Awtorità tressqet qabel ma skadew l-iskadenzi speċifiċi stabbiliti fil-Parti A tal-Anness I tar-Regolament (KE) Nru 1334/2008. Madankollu, l-operaturi responsabbli għat-tqegħid fis-suq tas-sustanzi li ġejjin bħala sustanzi aromatizzanti ma ressqux id-data meħtieġa u rtiraw l-applikazzjonijiet rispettivi tagħhom: 1-(4-metossifenil)pent-1-en-3-on (Nru tal-FL 07.030); Vanillilidene aċeton (Nru tal-FL 07.046); 1-(4-Metossifenil)-4-metilpent-1-en-3-on (Nru tal-FL 07.049); 4-(2,3,6-Trimetilfenil)but-3-en-2-on (Nru tal-FL 07.206); 6-Metil-3-etten-2-on (Nru tal-FL 07.258); 5,6-Diidro-3,6-dimetil-benżofuran-2 (4H)-on (Nru tal-FL 10.034); 5,6,7,7a-Tetraidro-3,6-dimetilbenżofuran-2(4H)-on (Nru tal-FL 10.036); 3,4-Dimetil-5-pentiliden-furan-2(5H)-on (Nru tal-FL 10.042); 2,7-Dimetilotta-5(trans),7-dieno-1,4-latton (Nru tal-FL 10.043); Eż-2-eno-1,4-latton (Nru tal-FL 10.046); Non-2-eno-1,4-latton (Nru tal-FL 10.054); 2-Deken-1,4-latton (Nru tal-FL 10.060); 5-Pentil-3H-furan-2-on (Nru tal-FL 10.170); Allil 2-furoat (Nru tal-FL 13.004); 3-(2-furil)akrilaldeid (FL Nru 13.034); Furfuriliden-2-butanal (Nru tal-FL 13.043); 4-(2-Furil)but-3-en-2-on (Nru tal-FL 13.044); 3-(2-Furil)-2-metilprop-2-enal (FL Nru 13.046); 3-Aċetil-2,5-dimetilfuran (Nru tal-FL 13.066); 2-Butilfuran (FL Nru 13.103), 3-(2-Furil)-2-fenilprop-2-enal (Nru FL 13.137) u 3-(5-Metil-2-furil) prop-2-enal (FL Nru 13.150). |
(5) |
Għalhekk jenħtieġ li dawk is-sustanzi jitneħħew mil-lista ta’ sustanzi aromatizzanti tal-Unjoni. |
(6) |
Għaldaqstant, jenħtieġ li r-Regolament (KE) Nru 1334/2008 jiġi emendat skont dan. |
(7) |
Jenħtieġ li l-ikel li miegħu ġiet miżjuda kwalunkwe waħda mis-sustanzi kkonċernati u li tqiegħed fis-suq fl-Unjoni jew li ntbagħat minn pajjiżi terzi u li kien fi tranżitu lejn l-Unjoni qabel id-dħul fis-seħħ ta’ dan ir-Regolament jitħalla jiġi kkummerċjalizzat fl-Unjoni sad-data ta’ durabbiltà minima tiegħu jew sad-data sa meta jrid jintuża. Jenħtieġ li din il-miżura tranżitorja ma tapplikax għal preparazzjonijiet li magħhom tkun inżiedet kwalunkwe waħda mis-sustanzi kkonċernati u li mhumiex maħsuba biex jiġu kkunsmati f’dak l-istat, peress li l-manifatturi ta’ prodotti tal-ikel li jużaw dawk il-preparazzjonijiet bħala ingredjenti, jafu l-kompożizzjoni tagħhom meta jużawhom. |
(8) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emendi għar-Regolament (KE) Nru 1334/2008
L-Anness I tar-Regolament (KE) Nru 1334/2008 huwa emendat f’konformità mal-Anness ta’ dan ir-Regolament.
Artikolu 2
Miżuri tranżizzjonali
1. L-ikel li miegħu tkun inżiedet kwalunkwe waħda mis-sustanzi aromatizzanti elenkati fl-Anness ta’ dan ir-Regolament u li tqiegħed legalment fis-suq qabel id-data tad-dħul fis-seħħ ta’ dan ir-Regolament jista’ jkompli jiġi kkummerċjalizzat sad-data ta’ durabbiltà minima tiegħu jew sad-data sa meta jrid jintuża.
2. L-ikel impurtat fl-Unjoni li miegħu tkun ġiet miżjuda kwalunkwe waħda mis-sustanzi aromatizzanti elenkati fl-Anness ta’ dan ir-Regolament jista’ jiġi kkumerċjalizzat sad-data tad-durabilità minima tiegħu jew sad-data ta’ meta jrid jintuża jekk l-importatur ta’ dan l-ikel ikun jista’ juri li ntbagħat mill-pajjiż terz ikkonċernat u kien fit-tranżitu lejn l-Unjoni qabel id-data tad-dħul fis-seħħ ta’ dan ir-Regolament.
3. Il-miżuri tranżizzjonali previsti fil-paragrafi 1 u 2 ma għandhomx japplikaw għal preparazzjonijiet, mhux maħsuba biex jiġu kkunsmati fl-istess stat li jkunu, li magħhom tkun ġiet miżjuda kwalunkwe waħda mis-sustanzi aromatizzanti elenkati fl-Anness ta’ dan ir-Regolament.
4. Għall-finijiet ta’ dan ir-Regolament, il-preparazzjonijiet għandhom jinftiehmu bħala taħlitiet ta’ aromatizzant wieħed jew aktar li magħhom jistgħu jiġu inkorporati wkoll ingredjenti oħra tal-ikel bħal addittivi tal-ikel, enzimi jew trasportaturi biex jiffaċilitaw il-ħżin, il-bejgħ, l-istandardizzazzjoni, id-dilwizzjoni jew it-taħlil tagħhom.
Artikolu 3
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Settembru 2022.
Għall-Kummissjoni
Il-President
Ursula VON DER LEYEN
(1) ĠU L 354, 31.12.2008, p. 34.
(2) ĠU L 354, 31.12.2008, p. 1.
(3) Ir-Regolament ta’ Implimentazzjoni tal-Kummissjoni (UE) Nru 872/2012 tal-1 ta’ Ottubru 2012 li jadotta l-lista tas-sustanzi aromatizzanti stipulata bir-Regolament (KE) Nru 2232/96 tal-Parlament Ewropew u tal-Kunsill, jintroduċiha fl-Anness I tar-Regolament (KE) Nru 1334/2008 tal-Parlament Ewropew u tal-Kunsill u jħassar ir-Regolament tal-Kummissjoni (KE) Nru 1565/2000 u d-Deċiżjoni tal-Kummissjoni 1999/217/KE (ĠU L 267, 2.10.2012, p. 1).
ANNESS
Fl-Anness I, il-Parti A tar-Regolament (KE) Nru 1334/2008, jitħassru dawn l-entrati:
“07.030 |
1-(4-Metossifenil)pent-1-en-3-on |
104-27-8 |
826 |
164 |
|
|
2 |
EFSA |
07.046 |
Vanilliliden aċeton |
1080-12-2 |
732 |
691 |
|
|
2 |
EFSA |
07.049 |
1-(4-Metossifenil)-4-metilpent-1-en-3-on |
103-13-9 |
829 |
719 |
|
|
2 |
EFSA |
07.206 |
4-(2,3,6-Trimetilfenil)but-3-en-2-on |
56681-06-2 |
|
|
|
|
2 |
EFSA |
07.258 |
6-Metil-3-etten-2-on |
2009-74-7 |
|
|
|
|
1 |
EFSA |
10.034 |
5,6-Diidro-3,6-dimetilbenżofuran-2(4H)-on |
80417-97-6 |
1163 |
|
|
|
2 |
EFSA |
10.036 |
5,6,7,7a-Tetraidro-3,6-dimetilbenżofuran-2(4H)-on |
13341-72-5 |
1162 |
|
|
|
2 |
EFSA |
10.042 |
3,4-Dimetil-5-pentiliden-furan-2(5H)-on |
774-64-1 |
|
11873 |
Mill-anqas 93 %; komponent sekondarju 1-2 % aċidu 3,4-dimetil 5-ketobutanojku gamma-latton |
|
2 |
EFSA |
10.043 |
2,7-Dimetilotta-5(trans),7-dieno-1,4-latton |
78548-56-8 |
|
|
|
|
2 |
EFSA |
10.046 |
Eż-2-eno-1,4-latton |
2407-43-4 |
|
|
|
|
2 |
EFSA |
10.054 |
Non-2-eno-1,4-latton |
21963-26-8 |
|
|
|
|
2 |
EFSA |
10.060 |
2-Deken-1,4-latton |
2518-53-8 |
|
|
|
|
2 |
EFSA |
10.170 |
5-Pentil-3H-furan-2-on |
51352-68-2 |
1989 |
|
Taħlita ta’ isomeri-3H u -5H (2:1) |
|
2 |
EFSA |
13.004 |
Allil 2-furoat |
4208-49-5 |
21 |
360 |
|
|
2 |
EFSA |
13.034 |
3-(2-furil)akrilaldeid |
623-30-3 |
1497 |
|
|
|
1 |
EFSA |
13.043 |
Furfuriliden-2-butanal |
770-27-4 |
1501 |
11885 |
|
|
1 |
EFSA |
13.044 |
4-(2-Furil)but-3-en-2-on |
623-15-4 |
1511 |
11838 |
|
|
1 |
EFSA |
13.046 |
3-(2-Furil)-2-metilprop-2-enal |
874-66-8 |
1498 |
11878 |
|
|
1 |
EFSA |
13.066 |
3-Aċetili-2,5-dimetilfuran |
10599-70-9 |
1506 |
10921 |
|
|
4 |
EFSA |
13.103 |
2-Butilfuran |
4466-24-4 |
1490 |
10927 |
|
|
3 |
EFSA |
13.137 |
3-(2-Furil)-2-fenilprop-2-enal |
65545-81-5 |
1502 |
11928 |
|
|
1 |
EFSA |
13.150 |
3-(5-Metil-2-furil)prop-2-enal |
5555-90-8 |
1499 |
|
|
|
1 |
EFSA” |