|
12.7.2022 |
MT |
Il-Ġurnal Uffiċjali tal-Unjoni Ewropea |
L 185/117 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/1197
tal-11 ta’ Lulju 2022
li jemenda l-Annessi V u XIV tar-Regolament ta’ Implimentazzjoni (UE) 2021/404 fir-rigward tal-entrati għall-Kanada, għar-Renju Unit u għall-Istati Uniti fil-listi ta’ pajjiżi terzi awtorizzati għad-dħul fl-Unjoni ta’ konsenji ta’ pollam, tal-prodotti ġerminali tal-pollam u tal-laħam frisk tal-pollam u tal-għasafar tal-kaċċa u li jikkoreġi l-Anness XIV fir-rigward tal-entrata għar-Renju Unit
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (1), u b’mod partikolari l-Artikoli 230(1) u 232(1) u (3) tiegħu.
Billi:
|
(1) |
Ir-Regolament (UE) 2016/429 jeżiġi li biex jidħlu fl-Unjoni, il-kunsinni ta’ annimali, ta’ prodotti ġerminali u ta’ prodotti li joriġinaw mill-annimali jridu jkunu ġejjin minn pajjiż terz jew minn territorju, jew żona jew kompartiment tiegħu, elenkati f’konformità mal-Artikolu 230(1) ta’ dak ir-Regolament. |
|
(2) |
Ir-Regolament Delegat tal-Kummissjoni (UE) 2020/692 (2) jistabbilixxi r-rekwiżiti tas-saħħa tal-annimali li trid tinżamm il-konformità magħhom għad-dħul fl-Unjoni ta’ konsenji ta’ ċerti speċijiet u kategoriji tal-annimali, tal-prodotti ġerminali u tal-prodotti li joriġinaw mill-annimali minn pajjiżi terzi jew territorji jew żoni tagħhom, jew minn kompartimenti tagħhom, fil-każ tal-annimali tal-akkwakultura. |
|
(3) |
Ir-Regolament ta’ Implimentazzjoni tal-Kummissjoni (UE) 2021/404 (3) jistabbilixxi l-listi ta’ pajjiżi terzi, jew territorji, jew żoni jew kompartimenti tagħhom, li minnhom hu permess id-dħul fl-Unjoni tal-ispeċijiet u l-kategoriji ta’ annimali, prodotti ġerminali u prodotti li joriġinaw mill-annimali li jaqgħu fil-kamp ta’ applikazzjoni tar-Regolament Delegat (UE) 2020/692. |
|
(4) |
B’mod aktar partikolari, l-Annessi V u XIV tar-Regolament ta’ Implimentazzjoni (UE) 2021/404 jistabbilixxu l-listi ta’ pajjiżi terzi, jew territorji, jew żoni tagħhom awtorizzati għad-dħul fl-Unjoni, rispettivament, ta’ konsenji tal-pollam, tal-prodotti ġerminali tal-pollam, u tal-laħam frisk mill-pollam u l-għasafar tal-kaċċa. |
|
(5) |
Il-Kanada nnotifikat lill-Kummissjoni dwar tliet tifqigħat ta’ influwenza tat-tjur b’patoġeniċità għolja fil-pollam, li jinsabu lkoll fil-provinċja ta’ British Columbia, il-Kanada, u li ġew ikkonfermati fit 8, il-15 u t-18 ta’ Ġunju 2022 minn analiżi tal-laboratorju (RT-PCR). |
|
(6) |
L-Istati Uniti nnotifikaw lill-Kummissjoni dwar tifqigħa waħda ta’ influwenza tat-tjur b’patoġeniċità għolja fit-tjur li jinsabu fl-istat ta’ Colorado, l-Istati Uniti, li ġiet ikkonfermata fid-9 ta’ Ġunju 2022 minn analiżi tal-laboratorju (RT-PCR). |
|
(7) |
Wara dawn it-tifqigħat tal-influwenza tat-tjur b’patoġeniċità għolja, l-awtoritajiet veterinarji tal-Kanada u tal-Istati Uniti stabbilew żona ta’ kontroll ta’ 10 km madwar l-istabbilimenti affettwati u implimentaw politika ta’ eradikazzjoni biex jikkontrollaw il-preżenza tal-influwenza tat-tjur b’patoġeniċità għolja u jillimitaw it-tixrid ta’ dik il-marda. |
|
(8) |
Il-Kanada u l-Istati Uniti ressqu informazzjoni lill-Kummissjoni dwar is-sitwazzjoni epidemjoloġika fit-territorju tagħhom u l-miżuri li ħadu biex jiġi evitat li l-influwenza tat-tjur b’patoġeniċità għolja tkompli tinxtered. Dik l-informazzjoni ġiet evalwata mill-Kummissjoni. Abbażi ta’ dik l-evalwazzjoni, u sabiex jiġi protett l-istatus tas-saħħa tal-annimali fl-Unjoni, jenħtieġ li d-dħul fl-Unjoni ta’ kunsinni ta’ tjur, ta’ prodotti ġerminali tat-tjur, u ta’ laħam frisk tat-tjur u tal-għasafar tal-kaċċa miż-żoni taħt ir-restrizzjonijiet stabbiliti mill-awtoritajiet veterinarji tal-Kanada u tal-Istati Uniti ma jibqax jiġi awtorizzat minħabba t-tifqigħat reċenti tal-influwenza tat-tjur b’patoġeniċità għolja. |
|
(9) |
Barra minn hekk, il-Kanada ssottomettiet informazzjoni aġġornata dwar is-sitwazzjoni epidemjoloġika fit-territorju tagħha fir-rigward ta’ tifqigħa waħda tal-influwenza avjarja b’patoġeniċità għolja fi stabbiliment tal-pollam fil-provinċja ta’ Nova Scotia, ikkonfermata fl-1 ta’ Frar 2022. Il-Kanada ssottomettiet ukoll informazzjoni dwar il-miżuri li ħa biex jevita aktar tixrid ta’ dik il-marda. B’mod partikolari, wara din it-tifqigħa tal-influwenza tat-tjur b’patoġeniċità għolja, il-Kanada implimentat politika ta’ eradikazzjoni biex jikkontrolla u jillimita t-tixrid ta’ dik il-marda. Il-Kanada lestiet ukoll il-miżuri tat-tindif u tad-diżinfezzjoni meħtieġa wara l-implimentazzjoni tal-politika ta’ eradikazzjoni fl-istabbilimenti tal-pollam infettati fit-territorju tagħha. |
|
(10) |
Apparti dan, ir-Renju Unit issottometta informazzjoni aġġornata dwar is-sitwazzjoni epidemjoloġika fit-territorju tiegħu dwar sitt tifqigħat tal-influwenza tat-tjur b’patoġeniċità għolja fl-istabbilimenti tal-pollam: tifqigħa waħda qrib Ross-on-Wye, Hereford u South Herefordshire, Herefordshire, l-Ingilterra, ir-Renju Unit, li ġiet ikkonfermata fl-20 ta’ Jannar 2022; tifqigħa waħda qrib Ashleworth, Tewkesbury, Gloucestershire, l-Ingilterra, ir-Renju Unit, li ġiet ikkonfermata fit-28 ta’ Jannar 2022; tifqigħa waħda qrib il-Gżira Holy, Berwick Upon Tweed, Northumberland, l-Ingilterra, ir-Renju Unit, li ġiet ikkonfermata fid-9 ta’ Frar 2022; tifqigħa waħda qrib Ledbury, North Herefordshire, Herefordshire, l-Ingilterra, ir-Renju Unit, li ġiet ikkonfermata fil-25 ta’ Frar 2022; tifqigħa waħda qrib Beith, North Ayrshire, l-Iskozja, ir-Renju Unit li ġiet ikkonfermata fit-18 ta’ Marzu 2022; u tifqigħa waħda qrib Strichen, Aberdeenshire, l-Iskozja, ir-Renju Unit, li ġiet ikkonfermata fid-19 ta’ Marzu 2022. |
|
(11) |
Il-Kanada u r-Renju Unit ippreżentaw ukoll informazzjoni dwar il-miżuri li ħadu biex jevitaw aktar tixrid ta’ dik il-marda. B’mod partikolari, wara dawn it-tifqigħat tal-influwenza avjarja b’patoġeniċità għolja, il-Kanada u r-Renju Unit implimentaw politika ta’ qerda sabiex jikkontrollaw u jillimitaw it-tixrid ta’ dik il-marda, u lestew ukoll il-miżuri meħtieġa ta’ tindif u diżinfezzjoni wara l-implimentazzjoni tal-politika ta’ qerda tal-istabbilimenti tat-tjur infettati fit-territorji tagħhom. |
|
(12) |
Il-Kummissjoni evalwat l-informazzjoni sottomessa mill-Kanada u r-Renju Unit u kkonkludiet li t-tifqigħat tal-influwenza tat-tjur b'patoġeniċità għolja fi stabbilimenti tal-pollam ġew ikklerjati u ma għadx hemm xi riskju assoċjat mad-dħul fl-Unjoni ta’ komoditajiet tal-pollam miż-żoni tal-Kanada u tar-Renju Unit minn fejn id-dħul fl-Unjoni tal-komoditajiet tal-pollam kien ġie sospiż minħabba dawk it-tifqigħat. |
|
(13) |
Għalhekk, l-Annessi V u XIV tar-Regolament ta’ Implimentazzjoni (UE) 2021/404 jenħtieġ li jiġu emendati biex titqies is-sitwazzjoni epidemjoloġika attwali rigward l-influwenza tat-tjur b’patoġeniċità għolja fil-Kanada, fir-Renju Unit u fl-Istati Uniti. |
|
(14) |
Filwaqt li titqies is-sitwazzjoni epidemjoloġika attwali fil-Kanada u fl-Istati Uniti b’rabta mal-influwenza tat-tjur b’patoġeniċità għolja u r-riskju serju tal-introduzzjoni tagħha fl-Unjoni, l-emendi li għandhom isiru lir-Regolament ta’ Implimentazzjoni (UE) 2021/404 permezz ta’ dan ir-Regolament jenħtieġ li jsiru effettivi b’urġenza. |
|
(15) |
Ir-Regolament ta’ Implimentazzjoni tal-Kummissjoni (UE) 2022/976 (4) emenda l-Anness XIV tar-Regolament ta’ Implimentazzjoni (UE) 2021/404 billi żied ir-ringiela GB-2.125, relatata ma’ żona affettwata b’data tal-għeluq tal-15 ta’ Ġunju 2022, fl-entrata għar-Renju Unit f’dak l-Anness XIV. Minħabba li ġie nnutat żball, ir-ringiela għal din iż-żona GB-2.125 jenħtieġ li tiġi kkoreġuta kif xieraq. Dik il-korrezzjoni jenħtieġ li tapplika mid-data tal-applikazzjoni tar-Regolament ta’ Implimentazzjoni (UE) 2022/976. |
|
(16) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emendi għar-Regolament ta’ Implimentazzjoni (UE) 2021/404
L-Annessi V u XIV tar-Regolament ta’ Implimentazzjoni (UE) 2021/404 huma emendati f’konformità mal-Anness ta’ dan ir-Regolament.
Artikolu 2
Korrezzjoni fir-Regolament ta’ Implimentazzjoni (UE) 2021/404
Fl-Anness XIV, fil-Parti 1, fl-entrata għar-Renju Unit, ir-ringiela għaż-żona GB-2.125 b’data tal-għeluq tal-15.6.2022, tinbidel b’dan li ġej:
|
“GB-2.126 |
Laħam frisk ta’ pollam għajr ir-ratiti |
POU |
N, P1 |
|
15.6.2022 |
|
|
Laħam frisk tar-ratiti |
RAT |
N, P1 |
|
15.6.2022 |
|
|
|
Laħam frisk tal-għasafar tal-kaċċa |
GBM |
P1 |
|
15.6.2022”. |
|
Artikolu 3
Dħul fis-seħħ u applikazzjoni
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Madankollu, l-Artikolu 2 għandu japplika mill-25 ta’ Ġunju 2022.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-11 ta’ Lulju 2022.
Għall-Kummissjoni
Il-President
Ursula VON DER LEYEN
(2) Ir-Regolament Delegat tal-Kummissjoni (UE) 2020/692 tat-30 ta’ Jannar 2020 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għad-dħul fl-Unjoni, u l-moviment u l-immaniġġjar wara d-dħul ta’ konsenji ta’ ċerti annimali, prodotti ġerminali u prodotti li joriġinaw mill-annimali (ĠU L 174, 3.6.2020, p. 379).
(3) Ir-Regolament ta’ Implimentazzjoni tal-Kummissjoni (UE) 2021/404 tal-24 ta’ Marzu 2021 li jistabbilixxi l-listi ta’ pajjiżi terzi, territorji jew żoni tagħhom li minnhom huwa permess id-dħul fl-Unjoni ta’ annimali, prodotti ġerminali u prodotti li joriġinaw mill-annimali f’konformità mar-Regolament (UE) 2016/429 tal-Parlament Ewropew u tal-Kunsill (ĠU L 114, 31.3.2021, p. 1).
(4) Ir-Regolament ta’ Implimentazzjoni tal-Kummissjoni (UE) 2022/976 tat-22 ta’ Ġunju 2022 li jemenda l-Annessi V u XIV tar-Regolament ta’ Implimentazzjoni (UE) 2021/404 fir-rigward tal-entrati għall-Kanada, għar-Renju Unit u għall-Istati Uniti fil-listi ta’ pajjiżi terzi awtorizzati għad-dħul fl-Unjoni ta’ konsenji ta’ pollam, tal-prodotti ġerminali tal-pollam u tal-laħam frisk tal-pollam u tal-għasafar tal-kaċċa (ĠU L 167, 24.6.2022, p. 38).
“ANNESS
L-Annessi V u XIV tar-Regolament ta’ Implimentazzjoni (UE) 2021/404 huma emendati kif ġej:
|
(1) |
L-Anness V huwa emendat kif ġej:
|
|
(2) |
fl-Anness XIV, il-Parti 1 hija emendata kif ġej:
|