16.6.2022 |
MT |
Il-Ġurnal Uffiċjali tal-Unjoni Ewropea |
L 161/67 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/928
tal-15 ta’ Ġunju 2022
li jemenda l-Annessi V u XIV tar-Regolament ta’ Implimentazzjoni (UE) 2021/404 fir-rigward tal-entrati għall-Kanada, għar-Renju Unit u għall-Istati Uniti fil-listi ta’ pajjiżi terzi awtorizzati għad-dħul fl-Unjoni ta’ kunsinni ta’ tjur, ta’ prodotti ġerminali tat-tjur u ta’ laħam frisk tat-tjur u tal-għasafar tal-kaċċa
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (1), u b’mod partikolari l-Artikoli 230(1) u 232(1) u (3) tiegħu.
Billi:
(1) |
Ir-Regolament (UE) 2016/429 jeżiġi li biex jidħlu fl-Unjoni, il-kunsinni ta’ annimali, ta’ prodotti ġerminali u ta’ prodotti li joriġinaw mill-annimali jridu jkunu ġejjin minn pajjiż terz jew minn territorju, jew żona jew kompartiment tiegħu, elenkati f’konformità mal-Artikolu 230(1) ta’ dak ir-Regolament. |
(2) |
Ir-Regolament Delegat tal-Kummissjoni (UE) 2020/692 (2) jistabbilixxi r-rekwiżiti tas-saħħa tal-annimali li trid tinżamm il-konformità magħhom għad-dħul fl-Unjoni ta’ kunsinni ta’ ċerti speċijiet u kategoriji ta’ annimali, ta’ prodotti ġerminali u ta’ prodotti li joriġinaw mill-annimali minn pajjiżi terzi jew territorji jew żoni tagħhom, jew fil-każ tal-annimali tal-akkwakultura, mill-kompartimenti tagħhom. |
(3) |
Ir-Regolament ta’ Implimentazzjoni tal-Kummissjoni (UE) 2021/404 (3) jistabbilixxi l-listi ta’ pajjiżi terzi, jew territorji, jew żoni jew kompartimenti tagħhom, li minnhom hu permess id-dħul fl-Unjoni tal-ispeċijiet u tal-kategoriji ta’ annimali, ta’ prodotti ġerminali u ta’ prodotti li joriġinaw mill-annimali li huma fil-kamp ta’ applikazzjoni tar-Regolament Delegat (UE) 2020/692. |
(4) |
B’mod aktar partikolari, l-Annessi V u XIV tar-Regolament ta’ Implimentazzjoni (UE) 2021/404 jistabbilixxu l-listi ta’ pajjiżi terzi, jew territorji, jew żoni tagħhom awtorizzati għad-dħul fl-Unjoni, rispettivament, ta’ kunsinni ta’ tjur, ta’ prodotti ġerminali tat-tjur, u ta’ laħam frisk tat-tjur u tal-għasafar tal-kaċċa. |
(5) |
Il-Kanada nnotifikat lill-Kummissjoni dwar żewġ tifqigħat ta’ influwenza tat-tjur b’patoġeniċità għolja fit-tjur: tifqigħa waħda fil-provinċja ta’ British Columbia, il-Kanada, u tifqigħa oħra fil-provinċja ta’ Ontario, il-Kanada, li t-tnejn ġew ikkonfermati fit-18 ta’ Mejju 2022 minn analiżi tal-laboratorju (RT-PCR). |
(6) |
Barra minn hekk, il-Kanada nnotifikat lill-Kummissjoni dwar tifqigħa waħda ta’ influwenza tat-tjur b’patoġeniċità għolja fit-tjur li jinsabu fil-provinċja tal-British Columbia, il-Kanada, li ġiet ikkonfermata fit-22 ta’ Mejju 2022 minn analiżi tal-laboratorju (RT-PCR). |
(7) |
Apparti dawn, il-Kanada nnotifikat lill-Kummissjoni dwar tifqigħa waħda ta’ influwenza tat-tjur b’patoġeniċità għolja fit-tjur li jinsabu fil-provinċja ta’ Saskatchewan, il-Kanada, li ġiet ikkonfermata fis-26 ta’ Mejju 2022 minn analiżi tal-laboratorju (RT-PCR). |
(8) |
Ir-Renju Unit innotifika lill-Kummissjoni dwar tifqigħa waħda ta’ influwenza tat-tjur b’patoġeniċità għolja qrib Ludlow, Ludlow, Shropshire, ir-Renju Unit, li ġiet ikkonfermata fl-1 ta’ Ġunju 2022 minn analiżi tal-laboratorju (RT-PCR). |
(9) |
Barra minn hekk, ir-Renju Unit innotifika lill-Kummissjoni dwar tifqigħa waħda ta’ influwenza tat-tjur b’patoġeniċità għolja qrib Ludlow, Ludlow, Shropshire, ir-Renju Unit, li ġiet ikkonfermata fis-7 ta’ Ġunju 2022 minn analiżi tal-laboratorju (RT-PCR). |
(10) |
L-Istati Uniti nnotifikaw lill-Kummissjoni dwar tifqigħa waħda ta’ influwenza tat-tjur b’patoġeniċità għolja fit-tjur li jinsabu fl-istat ta’ Pennsylvania, l-Istati Uniti, li ġiet ikkonfermata fit-2 ta’ Ġunju 2022 minn analiżi tal-laboratorju (RT-PCR). |
(11) |
Wara dawn it-tifqigħat tal-influwenza tat-tjur b’patoġeniċità għolja, l-awtoritajiet veterinarji tal-Kanada, tar-Renju Unit u tal-Istati Uniti stabbilew żona ta’ kontroll ta’ 10 km madwar l-istabbilimenti affettwati u implimentaw politika ta’ eradikazzjoni biex jikkontrollaw il-preżenza tal-influwenza tat-tjur b’patoġeniċità għolja u jillimitaw it-tixrid ta’ dik il-marda. |
(12) |
Il-Kanada, ir-Renju Unit u l-Istati Uniti ppreżentaw l-informazzjoni lill-Kummissjoni dwar is-sitwazzjoni epidemjoloġika fit-territorju tagħhom u l-miżuri li ħadu biex jevitaw li l-influwenza tat-tjur b’patoġeniċità għolja tkompli tinxtered. Dik l-informazzjoni ġiet evalwata mill-Kummissjoni. Abbażi ta’ dik l-evalwazzjoni, u biex jitħares l-istatus tas-saħħa tal-annimali fl-Unjoni, jenħtieġ li titwaqqaf l-awtorizzazzjoni għad-dħul fl-Unjoni ta’ kunsinni ta’ tjur, ta’ prodotti ġerminali tat-tjur, u ta’ laħam frisk mit-tjur u mill-għasafar tal-kaċċa miż-żoni bir-restrizzjonijiet stabbiliti mill-awtoritajiet veterinarji tal-Kanada, tar-Renju Unit u tal-Istati Uniti minħabba t-tifqigħat riċenti tal-influwenza tat-tjur b’patoġeniċità għolja. |
(13) |
Apparti dan, ir-Renju Unit ippreżenta informazzjoni aġġornata dwar is-sitwazzjoni epidemjoloġika fit-territorju tiegħu rigward ħames tifqigħat tal-influwenza tat-tjur b’patoġeniċità għolja fl-istabbilimenti tat-tjur: żewġ tifqigħat qrib North Somercotes, East Lindsey, Lincolnshire, l-Ingilterra, ir-Renju Unit, li ġew ikkonfermati fit-28 ta’ Diċembru 2021 u fil-5 ta’ Jannar 2022, żewġ tifqigħat qrib Louth, East Lindsey, Lincolnshire, l-Ingilterra, ir-Renju Unit, li ġew ikkonfermati fil-31 ta’ Diċembru 2021 u fl-10 ta’ Jannar 2022, u tifqigħa waħda qrib Lazonby, Eden, Cumbria, l-Ingilterra, ir-Renju Unit, li ġiet ikkonfermata fl-4 ta’ Jannar 2022. Ir-Renju Unit ippreżenta wkoll informazzjoni dwar il-miżuri li ħa biex jevita aktar tixrid ta’ dik il-marda. B’mod partikolari, wara dawn it-tifqigħat tal-influwenza tat-tjur b’patoġeniċità għolja, ir-Renju Unit implimenta politika ta’ eradikazzjoni biex jikkontrolla u jillimita t-tixrid ta’ dik il-marda. Barra minn hekk, ir-Renju Unit temm il-miżuri tat-tindif u tad-diżinfezzjoni meħtieġa wara l-implimentazzjoni tal-politika ta’ eradikazzjoni fl-istabbilimenti tat-tjur infettati fit-territorju tiegħu. |
(14) |
Il-Kummissjoni evalwat l-informazzjoni ppreżentata mir-Renju Unit u kkonkludiet li tneħħew it-tifqigħat tal-influwenza tat-tjur b’patoġeniċità għolja fl-istabbilimenti tat-tjur qrib North Somercotes, East Lindsey, Lincolnshire, l-Ingilterra, ir-Renju Unit, qrib Louth, East Lindsey, Lincolnshire, l-Ingilterra, ir-Renju Unit u qrib Lazonby, Eden, Cumbria, l-Ingilterra, ir-Renju Unit, u li ma għadx hemm riskju assoċjat mad-dħul fl-Unjoni tal-komoditajiet tat-tjur miż-żoni tar-Renju Unit imnejn kien ġie sospiż id-dħul fl-Unjoni tal-komoditajiet tat-tjur minħabba dawk it-tifqigħat. |
(15) |
Għalhekk, l-Annessi V u XIV tar-Regolament ta’ Implimentazzjoni (UE) 2021/404 jenħtieġ li jiġu emendati biex titqies is-sitwazzjoni epidemjoloġika attwali rigward l-influwenza tat-tjur b’patoġeniċità għolja fil-Kanada, fir-Renju Unit u fl-Istati Uniti. Għalhekk, ir-Regolament (UE) 2021/404 jenħtieġ li jiġi emendat skont dan. |
(16) |
Filwaqt li titqies is-sitwazzjoni epidemjoloġika attwali fil-Kanada, fir-Renju Unit u fl-Istati Uniti rigward l-influwenza tat-tjur b’patoġeniċità għolja u r-riskju serju tal-introduzzjoni tagħha fl-Unjoni, jenħtieġ li l-emendi li jridu jsiru fir-Regolament ta’ Implimentazzjoni (UE) 2021/404 b’dan ir-Regolament isiru effettivi b’urġenza. |
(17) |
Il-miżuri previsti f’dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Annessi V u XIV tar-Regolament ta’ Implimentazzjoni (UE) 2021/404 huma emendati f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-15 ta’ Ġunju 2022.
Għall-Kummissjoni
Il-President
Ursula VON DER LEYEN
(2) Ir-Regolament Delegat tal-Kummissjoni (UE) 2020/692 tat-30 ta’ Jannar 2020 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għad-dħul fl-Unjoni, u l-moviment u l-immaniġġjar wara d-dħul ta’ konsenji ta’ ċerti annimali, prodotti ġerminali u prodotti li joriġinaw mill-annimali (ĠU L 174, 3.6.2020, p. 379).
(3) Ir-Regolament ta’ Implimentazzjoni tal-Kummissjoni (UE) 2021/404 tal-24 ta’ Marzu 2021 li jistabbilixxi l-listi ta’ pajjiżi terzi, territorji jew żoni tagħhom li minnhom huwa permess id-dħul fl-Unjoni ta’ annimali, prodotti ġerminali u prodotti li joriġinaw mill-annimali f’konformità mar-Regolament (UE) 2016/429 tal-Parlament Ewropew u tal-Kunsill (ĠU L 114, 31.3.2021, p. 1).
ANNESS
L-Annessi V u XIV tar-Regolament ta’ Implimentazzjoni (UE) 2021/404 huma emendati kif ġej:
(1) |
L-Anness V huwa emendat kif ġej:
|
(2) |
fl-Anness XIV, il-Parti 1 hija emendata kif ġej:
|