(1)

Ir-Regolament Delegat tal-Kummissjoni (UE) 2019/625 (2) jissupplimenta r-Regolament (UE) 2017/625 fir-rigward ta’ rekwiżiti għad-dħul fl-Unjoni ta’ kunsinni ta’ ċerti annimali u oġġetti maħsuba għall-konsum mill-bniedem minn pajjiżi terzi jew mir-reġjuni tagħhom sabiex jiġi żgurat li dawn jikkonformaw mar-rekwiżiti applikabbli jew ma’ rekwiżiti li tal-anqas huma rikonoxxuti bħala ekwivalenti għalihom.

(2)

Minbarra l-ħtieġa li l-prodotti li joriġinaw mill-annimali maħsuba għall-konsum mill-bniedem jidħlu fl-Unjoni minn pajjiż terz jew minn reġjun tiegħu inklużi fil-listi rilevanti, il-punt (a) tal-Artikolu 3 tar-Regolament Delegat (UE) 2019/625 jirreferi għall-kodiċijiet speċifiċi tan-Nomenklatura Magħquda (“il-kodiċijiet NM”) u għall-kodiċijiet tas-Sistema Armonizzata (“il-kodiċijiet HS”) li jridu jkunu ġew stabbiliti għall-prodotti kkonċernati.

(3)

Sal-31 ta’ Diċembru 2020, l-importazzjoni tal-vitamina D3 derivata mil-lanolina tas-suf tan-nagħaġ li ssir referenza għaliha fil-kodiċijiet HS taħt l-intestatura 2936 fit-Tieni Parti tal-Anness I tar-Regolament tal-Kunsill (KEE) Nru 2658/87 (3) kienet permessa abbażi tal-miżuri tranżizzjonali stabbiliti fir-Regolament tal-Kummissjoni (UE) 2017/185 (4). L-Unjoni hija dipendenti ħafna fuq l-importazzjoni ta’ dan il-prodott. Minħabba l-proċess robust li permezz tiegħu tinkiseb il-vitamina D3 mil-lanolina, ma hemm l-ebda tħassib dwar is-saħħa pubblika relatat mal-importazzjoni ta’ tali prodott. Għalhekk, jenħtieġ li l-importazzjoni tal-vitamina D3 derivata mil-lanolina terġa’ tiġi awtorizzata u tiġi introdotta l-intestatura xierqa fil-punt (a) tal-Artikolu 3 tar-Regolament Delegat (UE) 2019/625.

(4)

Il-ġelatina mwebbsa jew il-kapsuli tal-ġelatina mhux imwebbsa jiġu prodotti mill-ġelatina permezz ta’ tisħin imtejjeb. Għalhekk, it-tali ġelatina jenħtieġ li tikkonforma mal-kundizzjonijiet tal-importazzjoni għall-ġelatina, bħar-rekwiżit li dawn il-prodotti joriġinaw minn pajjiżi terzi jew minn reġjuni tagħhom awtorizzati sabiex jesportaw dawn il-prodotti lejn l-Unjoni u l-garanziji li għandhom jiġu pprovduti dwar il-manifattura tal-materja prima f’konformità mal-Artikolu 7 tar-Regolament Delegat (UE) 2019/625. Madankollu, peress li r-riskju għas-saħħa pubblika mill-istabbilimenti li jimmanifatturaw it-tali ġelatina huwa negliġibbli, il-kapsuli tal-ġelatina jenħtieġ li jiġu eżentati mir-rekwiżiti għad-dħul fl-Unjoni fir-rigward tal-istabbilimenti u ċ-ċertifikazzjoni, ħlief, fir-rigward taċ-ċertifikazzjoni meta jkunu derivati mill-għadam ta’ ruminanti f’konformità mar-Regolament (KE) Nru 999/2001 tal-Parlament Ewropew u tal-Kunsill (5).

(5)

L-Artikoli 3, 5, 12 u 13 tar-Regolament Delegat (UE) 2019/625 jipprevedu għar-rekwiżiti tal-importazzjoni għall-kunsinni ta’ oġġetti msemmija minn ċerti kodiċijiet NM jew kodiċijiet HS fit-Tieni Parti tal-Anness I tar-Regolament (KEE) Nru 2658/87. Huwa xieraq li jiġu ċċarati l-kodiċijiet applikabbli sabiex tiġi evitata kwalunkwe ambigwità fir-rigward ta’ liema kodiċijiet japplikaw għal dawk il-prodotti. Jenħtieġ li jiżdiedu l-kodiċijiet nieqsa u li jitneħħew il-kodiċijiet li ma humiex rilevanti jew li huma żejda.

(6)

Id-dqiq tal-polline tan-naħal, imsemmi bil-kodiċi NM ex 1212 99 95, jista’ jippreżenta riskju għas-saħħa pubblika relatat mal-preżenza ta’ residwi ta’ kontaminanti ambjentali simili għal prodotti oħrajn tal-apikultura. Jenħtieġ li japplikaw rekwiżiti simili għad-dħul fl-Unjoni ta’ dqiq tal-polline tan-naħal kif ukoll ta’ prodotti oħrajn tal-apikultura.

(7)

Ir-Regolament (UE) 2021/1756 tal-Parlament Ewropew u tal-Kunsill (6) jemenda l-Artikolu 18 tar-Regolament (UE) 2017/625, li jestendi għall-ekinodermi kollha li ma humiex organiżmi filtraturi, u mhux għal Holothuroidea biss, il-possibbiltà stabbilita fil-punt (g) tal-Artikolu 18(7) tar-Regolament (UE) 2017/625 li jidderoga mir-rekwiżit li jiġu kklassifikati ż-żoni ta’ produzzjoni u ta’ riinstallazzjoni. Konsegwentement, il-punt (b) tal-Artikolu 8(2) tar-Regolament Delegat (UE) 2019/625, li jagħti dettalji dwar il-kundizzjonijiet ta’ din id-deroga, jenħtieġ li jiġi emendat kif xieraq.

(8)

F’konformità mal-punt (c) tal-Artikolu 12(2) tar-Regolament Delegat (UE) 2019/625, il-prodotti komposti msemmija fl-Artikolu 12(1) ta’ dak ir-Regolament li ma għandhomx bżonn li jiġu ttrasportati jew li jinħażnu f’temperaturi kkontrollati u li fihom prodotti pproċessati li joriġinaw mill-annimali għajr laħam ipproċessat, li għalihom hemm rekwiżiti stabbiliti fl-Anness III tar-Regolament (KE) Nru 853/2004 tal-Parlament Ewropew u tal-Kunsill (7), għandhom joriġinaw minn pajjiżi terzi jew minn reġjuni tagħhom awtorizzati sabiex jesportaw prodotti tal-laħam, prodotti tal-ħalib, prodotti bbażati fuq il-kolostru, prodotti tas-sajd jew prodotti tal-bajd lejn l-Unjoni abbażi tar-rekwiżiti tal-Unjoni dwar is-saħħa tal-annimali u s-saħħa pubblika u li huma elenkati tal-anqas għal wieħed minn dawn il-prodotti li joriġinaw mill-annimali skont l-Artikolu 3 tar-Regolament Delegat (UE) 2019/625.

(9)

Meta jitqiesu r-riskji għas-saħħa tal-annimali relatati ma’ prodotti bbażati fuq il-kolostru u n-nuqqas ta’ trattamenti effettivi sabiex dawn jittaffew, jenħtieġ li l-prodotti komposti stabbli fuq l-ixkaffa li fihom prodotti bbażati fuq il-kolostru joriġinaw minn pajjiżi awtorizzati sabiex jesportaw prodotti bbażati fuq il-kolostru lejn l-Unjoni. Il-prodotti komposti stabbli fuq l-ixkaffa li fihom prodotti bbażati fuq il-kolostru jenħtieġ ukoll li ma jibqgħux jibbenefikaw mill-possibbiltà li jkunu akkumpanjati minn attestazzjoni privata minflok minn ċertifikat uffiċjali.

(10)

Il-ġelatina, il-kollaġen u ċerti prodotti raffinati ħafna jistgħu jiġu importati mingħajr ma jiġi ppreżentat pjan ta’ monitoraġġ tar-residwi u, konsegwentement, jenħtieġ li ma jkunx hemm bżonn li l-pajjiżi jkunu elenkati fl-Anness tad-Deċiżjoni tal-Kummissjoni 2011/163/UE (8) sabiex jitħallew jesportaw dawn il-prodotti lejn l-Unjoni jew sabiex jużaw dawn il-prodotti bħala ingredjenti fi prodotti komposti għall-esportazzjoni lejn l-Unjoni, għalkemm l-elenkar f’konformità mal-Artikoli 18, 19 jew 22 tar-Regolament ta’ Implimentazzjoni tal-Kummissjoni (UE) 2021/405 (9) jibqa’ obbligatorju. Barra minn hekk, ċerti pajjiżi terzi jenħtieġ li jkunu jistgħu jesportaw lejn l-Unjoni prodotti komposti stabbli fuq l-ixkaffa li ma jkunx fihom prodotti bbażati fuq il-kolostru jew laħam ipproċessat bl-użu ta’ prodotti pproċessati li joriġinaw mill-annimali u li jkunu ġejjin minn Stat Membru jew minn pajjiż terz elenkat, għall-ispeċi/komodità rilevanti li minnha huma derivati dawk il-prodotti pproċessati, fl-Anness tad-Deċiżjoni 2011/163/UE.

(11)

Prodotti komposti stabbli fuq l-ixkaffa fejn l-uniċi prodotti tal-annimali preżenti fil-prodott kompost finali jkunu l-vitamina D3, l-addittivi tal-ikel, l-enżimi tal-ikel jew l-aromatizzanti tal-ikel, jirrappreżentaw riskju negliġibbli minħabba l-proċess tal-manifattura tagħhom. Għalhekk, jenħtieġ li dawn il-prodotti jiġu eżentati mill-elenkar tal-pajjiżi u mir-rekwiżiti tal-attestazzjoni privata.

(12)

L-Artikolu 13 tar-Regolament Delegat (UE) 2019/625 jistabbilixxi r-rekwiżiti fir-rigward taċ-ċertifikazzjoni għad-dħul fl-Unjoni ta’ ċerti annimali u oġġetti maħsuba għall-konsum mill-bniedem. Ir-rekwiżiti taċ-ċertifikazzjoni f’każ ta’ dħul minn pajjiż terz ta’ dawn l-annimali u l-oġġetti, meta t-tnejn li huma jkunu ġejjin minn pajjiż terz ieħor, u fil-każ tat-tranżitu, jenħtieġ li jiġu ċċarati.

(13)

L-Artikolu 14(1) tar-Regolament Delegat (UE) 2019/625 jistabbilixxi li attestazzjoni privata għandha takkumpanja l-kunsinni ta’ ċerti prodotti komposti. Il-formulazzjoni tal-kliem attwali jenħtieġ li tiġi ċċarata fir-rigward tal-prodotti komposti li għalihom tapplika din id-dispożizzjoni.

(14)

Ir-Regolament (UE) 2016/429 tal-Parlament Ewropew u tal-Kunsill (10) japplika mill-21 ta’ April 2021, li jirriżulta fit-tħassir ta’ diversi atti msemmija fir-Regolament Delegat (UE) 2019/625. Għal raġunijiet ta’ ċarezza u konsistenza, huwa xieraq li dawn ir-referenzi jiġu aġġornati.

(15)

Ir-Regolament Delegat tal-Kummissjoni (UE) 2019/2122 (11) jistabbilixxi ċerti kategoriji ta’ annimali u oġġetti eżentati mill-kontrolli uffiċjali fil-postijiet ta’ kontroll fuq il-fruntiera.

(16)

L-Artikolu 4 tar-Regolament Delegat (UE) 2019/2122 jipprevedi għal dokumenti differenti li jeħtieġ li jakkumpanjaw ċerti kampjuni eżentati mill-kontrolli uffiċjali fil-postijiet ta’ kontroll fuq il-fruntiera. Jenħtieġ li jiġi ċċarat liema dokumenti għandhom jakkumpanjaw il-kampjuni li joriġinaw mill-annimali, f’konformità mar-regoli applikabbli għad-dħul tagħhom fl-Unjoni. B’mod partikolari, jenħtieġ li jiġi ċċarat li ċ-ċertifikati li jakkumpanjaw il-kampjuni għandu jkun fihom mill-anqas l-attestazzjoni rilevanti tas-saħħa tal-annimali. Barra minn hekk, jenħtieġ li jiġi ċċarat minn liema pajjiżi terzi t-tali kampjuni jistgħu jidħlu fl-Unjoni.

(17)

L-Artikolu 10 tar-Regolament Delegat (UE) 2019/2122 jipprevedi li kunsinni żgħar ta’ ċerti oġġetti mibgħuta lil persuni fiżiċi, li ma humiex maħsuba sabiex jitqiegħdu fis-suq, huma eżentati minn kontrolli uffiċjali f’postijiet ta’ kontroll fuq il-fruntiera. Fl-interess taċ-ċertezza legali, jenħtieġ li jiġu ċċarati l-kategoriji ta’ oġġetti eżentati. Barra minn hekk, it-terminoloġija użata sabiex tirreferi għal xi wħud minn dawk l-oġġetti fl-Annessi I u III tar-Regolament Delegat (UE) 2019/2122 jenħtieġ li tiġi allinjata mat-terminoloġija fir-Regolament (UE) Nru 609/2013 tal-Parlament Ewropew u tal-Kunsill (12).

(18)

L-Artikolu 11 tar-Regolament Delegat (UE) 2019/2122 jipprevedi li l-għasafar domestiċi li jidħlu fl-Unjoni matul moviment mhux kummerċjali f’konformità mad-Deċiżjoni tal-Kummissjoni 2007/25/KE (13) huma eżentati mill-kontrolli uffiċjali fil-postijiet ta’ kontroll fuq il-fruntiera. Madankollu, id-Deċiżjoni 2007/25/KE kienet sostitwita bir-Regolament Delegat tal-Kummissjoni (UE) 2021/1933 (14) u bir-Regolament ta’ Implimentazzjoni tal-Kummissjoni (UE) 2021/1938 (15) u mħassra minn dan tal-aħħar. Għalhekk jenħtieġ li r-referenzi għal dik id-Deċiżjoni fir-Regolament Delegat (UE) 2019/2122 jiġu aġġornati.

(19)

Ir-Regolament Delegat tal-Kummissjoni (UE) 2021/630 (16) jeżenta ċerti kategoriji ta’ ikel mill-kontrolli uffiċjali fil-postijiet ta’ kontroll fuq il-fruntiera. Sabiex tiġi żgurata ċ-ċertezza legali, huwa meħtieġ li jiġu esklużi l-prodotti komposti stabbli fuq l-ixkaffa li fihom prodotti bbażati fuq il-kolostru jew laħam ipproċessat għajr il-ġelatina, il-kollaġen jew il-prodotti raffinati ħafna msemmija fit-Taqsima XVI tal-Anness III tar-Regolament (KE) Nru 853/2004 mill-prodotti li għandhom jiġu eżentati mill-kontrolli uffiċjali fil-post ta’ kontroll fuq il-fruntiera f’konformità mar-Regolament Delegat (UE) 2021/630.

(20)

Il-prodotti komposti stabbli fuq l-ixkaffa fejn il-prodotti kollha tal-annimali preżenti fil-prodott kompost finali jaqgħu fil-kamp ta’ applikazzjoni tar-Regolament (KE) Nru 1332/2008 tal-Parlament Ewropew u tal-Kunsill (17), tar-Regolament (KE) Nru 1333/2008 tal-Parlament Ewropew u tal-Kunsill (18) jew tar-Regolament (KE) Nru 1334/2008 tal-Parlament Ewropew u tal-Kunsill (19), jew fejn il-parti tal-annimali tkun il-vitamina D3 biss, jirrappreżentaw riskju negliġibbli. Għalhekk, dawn jenħtieġ li jiġu eżentati mill-kontrolli uffiċjali fil-postijiet ta’ kontroll fuq il-fruntiera

(21)

Ir-rekwiżiti tas-saħħa tal-annimali għall-prodotti tal-ħalib u tal-bajd li jinsabu fi prodotti komposti stabbiliti fil-punt (a) tal-Artikolu 163 tar-Regolament Delegat tal-Kummissjoni (UE) 2020/692 (20), ġew emendati bir-Regolament Delegat (UE) 2021/1703 (21). Sabiex tiġi żgurata ċ-ċertezza legali, jeħtieġ li fir-Regolament Delegat (UE) 2021/630 issir referenza għar-rekwiżiti legali l-ġodda għall-prodotti tal-ħalib u tal-bajd li jinsabu fi prodotti komposti.

(22)

Peress li l-emendi għar-Regolamenti Delegati (UE) 2019/625, (UE) 2019/2122 u (UE) 2021/630 huma marbuta ma’ xulxin sa fejn jikkonċernaw l-adattament tal-kundizzjonijiet tal-importazzjoni għal prodotti komposti stabbli fuq l-ixkaffa li fihom prodotti bbażati fuq il-kolostru, u peress li l-emendi l-oħra għar-Regolament Delegat (UE) 2019/2122 jikkonċernaw biss aġġornamenti minuri tar-referenzi, huwa xieraq li dawk l-emendi jsiru f’att wieħed.

(23)

Jenħtieġ għalhekk li r-Regolamenti Delegati (UE) 2019/625, (UE) 2019/2122 u (UE) 2021/630 jiġu emendati skont dan,

(1)

L-Artikolu 3 huwa sostitwit b’dan li ġej:

(*1)  Ir-Regolament ta’ Implimentazzjoni tal-Kummissjoni (UE) 2021/405 tal-24 ta’ Marzu 2021 li jistabbilixxi l-listi ta’ pajjiżi terzi jew reġjuni tagħhom li minnhom huwa awtorizzat id-dħul fl-Unjoni ta’ ċerti annimali u oġġetti maħsuba għall-konsum mill-bniedem f’konformità mar-Regolament (UE) 2017/625 tal-Parlament Ewropew u tal-Kunsill (ĠU L 114, 31.3.2021, p. 118)."

(*2)  Ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni (ĠU L 256, 7.9.1987, p. 1).”;"

(2)

fl-Artikolu 5(1), il-punt (a) huwa sostitwit b’dan li ġej:

(3)

fl-Artikolu 8(2), il-punt (b) huwa sostitwit b’dan li ġej:

(4)

fl-Artikolu 11, il-paragrafu 3 huwa sostitwit b’dan li ġej:

(*3)  Ir-Regolament ta’ Implimentazzjoni tal-Kummissjoni (UE) 2020/2235 tas-16 ta’ Diċembru 2020 li jistabbilixxi regoli għall-applikazzjoni tar-Regolamenti (UE) 2016/429 u (UE) 2017/625 tal-Parlament Ewropew u tal-Kunsill fir-rigward ta’ mudelli taċ-ċertifikati tas-saħħa tal-annimali, mudelli taċ-ċertifikati uffiċjali u mudelli taċ-ċertifikati tas-saħħa tal-annimali/uffiċjali, għad-dħul fl-Unjoni u l-movimenti fl-Unjoni ta’ kunsinni ta’ ċerti kategoriji ta’ annimali u oġġetti, ċertifikazzjoni uffiċjali dwar dawn iċ-ċertifikati u li jħassar ir-Regolament (KE) Nru 599/2004, ir-Regolamenti ta’ Implimentazzjoni (UE) Nru 636/2014 u (UE) 2019/628, id-Direttiva 98/68/KE u d-Deċiżjonijiet 2000/572/KE, 2003/779/KE u 2007/240/KE (ĠU L 442, 30.12.2020, p. 1).”;"

(5)

L-Artikolu 12 huwa sostitwit b’dan li ġej:

(*4)  Ir-Regolament (KE) Nru 1332/2008 tal-Parlament Ewropew u tal-Kunsill tas-16 ta’ Diċembru 2008 dwar l-enżimi tal-ikel u li jemenda d-Direttiva tal-Kunsill 83/417/KEE, ir-Regolament tal-Kunsill (KE) Nru 1493/1999, id-Direttiva 2000/13/KE, id-Direttiva tal-Kunsill 2001/112/KE u r-Regolament (KE) Nru 258/97 (ĠU L 354, 31.12.2008, p. 7)."

(*5)  Ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (ĠU L 354, 31.12.2008, p. 16)."

(*6)  Ir-Regolament (KE) Nru 1334/2008 tal-Parlament Ewropew u tal-Kunsill tas-16 ta’ Diċembru 2008 dwar aromatizzanti u ċerti ingredjenti tal-ikel bi proprjetajiet aromatizzanti għall-użu fl-ikel u fuq l-ikel u li jemenda r-Regolament (KEE) Nru 1601/91, ir-Regolamenti (KE) Nru 2232/96 u (KE) Nru 110/2008 u d-Direttiva 2000/13/KE (ĠU L 354, 31.12.2008, p. 34).”;"

(6)

l-Artikolu 13 huwa emendat kif ġej:

(7)

l-Artikolu 14 huwa emendat kif ġej:

(1)

l-Artikolu 4 huwa emendat kif ġej:

(2)

fl-Artikolu 10, il-paragrafu 1 huwa sostitwit b’dan li ġej:

(3)

fl-Artikolu 11, il-punti (b) u (c) huma sostitwiti b’dan li ġej:

(*12)  Ir-Regolament Delegat tal-Kummissjoni (UE) 2021/1933 tal-14 ta’ Lulju 2021 li jissupplimenta r-Regolament (UE) Nru 576/2013 tal-Parlament Ewropew u tal-Kunsill fir-rigward tar-regoli dwar il-movimenti mhux kummerċjali tal-għasafar domestiċi fi Stat Membru minn territorju jew minn pajjiż terz (ĠU L 396, 10.11.2021, p. 4)."

(*13)  Ir-Regolament ta’ Implimentazzjoni tal-Kummissjoni (UE) 2021/1938 tad-9 ta’ Novembru 2021 li jistabbilixxi l-mudell tad-dokument ta’ identifikazzjoni għall-movimenti mhux kummerċjali tal-għasafar domestiċi fi Stat Membru minn territorju jew minn pajjiż terz u li jħassar id-Deċiżjoni 2007/25/KE (ĠU L 396, 10.11.2021, p. 47).”;"

(4)

l-Annessi I u III huma emendati f’konformità mal-Anness ta’ dan ir-Regolament.

(1)

fl-Artikolu 3, il-paragrafu 1 huwa sostitwit b’dan li ġej:

(*14)  Ir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għall-ikel li joriġina mill-annimali (ĠU L 139, 30.4.2004, p. 55)."

(*15)  Ir-Regolament (KE) Nru 1332/2008 tal-Parlament Ewropew u tal-Kunsill tas-16 ta’ Diċembru 2008 dwar l-enżimi tal-ikel u li jemenda d-Direttiva tal-Kunsill 83/417/KEE, ir-Regolament tal-Kunsill (KE) Nru 1493/1999, id-Direttiva 2000/13/KE, id-Direttiva tal-Kunsill 2001/112/KE u r-Regolament (KE) Nru 258/97 (ĠU L 354, 31.12.2008, p. 7)."

(*16)  Ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (ĠU L 354, 31.12.2008, p. 16)."

(*17)  Ir-Regolament (KE) Nru 1334/2008 tal-Parlament Ewropew u tal-Kunsill tas-16 ta’ Diċembru 2008 dwar aromatizzanti u ċerti ingredjenti tal-ikel bi proprjetajiet aromatizzanti għall-użu fl-ikel u fuq l-ikel u li jemenda r-Regolament (KEE) Nru 1601/91, ir-Regolamenti (KE) Nru 2232/96 u (KE) Nru 110/2008 u d-Direttiva 2000/13/KE (ĠU L 354, 31.12.2008, p. 34).”;"

(2)

fl-Artikolu 4, il-paragrafu 1 huwa sostitwit b’dan li ġej: