REGOLAMENT TA’ IMPLIMENTAZZJONI TAL-KUMMISSJONI (UE) 2022/214

tas-17 ta’ Frar 2022

li jemenda ċerti Annessi tar-Regolament ta’ Implimentazzjoni (UE) 2021/620 rigward l-approvazzjoni tal-istatus ta’ ħelsien mill-mard jew l-irtirar tiegħu, ta’ ċerti Stati Membri jew taż-żoni jew tal-kompartimenti tagħhom, rigward ċertu mard elenkat u rigward l-approvazzjoni ta’ programmi ta’ eradikazzjoni għal dak il-mard elenkat

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (1), u b’mod partikolari l-Artikoli 31(3) u 36(4), l-Artikolu 37(4)(a) u l-Artikolu 42(4) tiegħu,

Billi:

(1)

Ir-Regolament (UE) 2016/429 jistabbilixxi r-regoli speċifiċi għall-mard, għall-mard elenkat f’konformità mal-Artikolu 5(1) tiegħu u jistabbilixxi kif iridu jiġu applikati dawk ir-regoli għall-kategoriji diversi tal-mard elenkat. Ir-Regolament (UE) 2016/429 jipprevedi li l-Istati Membri jistabbilixxu programmi ta’ eradikazzjoni obbligatorji għall-mard elenkat imsemmi fl-Artikolu 9(1)(b) tiegħu, u programmi ta’ eradikazzjoni fakultattivi għall-mard elenkat imsemmi fl-Artikolu 9(1)(c) tiegħu, u l-approvazzjoni ta’ dawn il-programmi mill-Kummissjoni. Dak ir-Regolament jipprevedi wkoll li l-Kummissjoni tapprova l-istatus ta’ ħelsien mill-mard jew tirtira dan l-istatus tal-Istati Membri jew taż-żoni jew tal-kompartimenti tagħhom fir-rigward ta’ ċertu mard elenkat imsemmi fl-Artikolu 9(1)(b) u (c) tiegħu.

(2)

Ir-Regolament Delegat tal-Kummissjoni (UE) 2020/689 (2) jissupplimenta r-Regolament (UE) 2016/429 u jistabbilixxi l-kriterji għall-għoti ta’ status ta’ ħelsien mill-mard u għaż-żamma, għas-sospensjoni jew għall-irtir ta’ dan l-istatus lill-Istati Membri jew liż-żoni jew lill-kompartimenti tagħhom, u jistabbilixxi r-rekwiżiti għall-approvazzjoni tal-programmi ta’ eradikazzjoni obbligatorji jew fakultattivi għall-Istati Membri jew għaż-żoni jew għall-kompartimenti tagħhom.

(3)

Ir-Regolament ta’ Implimentazzjoni tal-Kummissjoni (UE) 2021/620 (3) jistabbilixxi r-regoli ta’ implimentazzjoni għall-mard tal-annimali elenkat imsemmi fl-Artikolu 9(1)(a), (b) u (c) tar-Regolament (UE) 2016/429, fir-rigward tal-istatus ta’ ħelsien mill-mard u tal-istatus ta’ mingħajr tilqim ta’ ċerti Stati Membri jew taż-żoni jew tal-kompartimenti tagħhom, u l-approvazzjoni ta’ programmi ta’ eradikazzjoni għal dak il-mard elenkat. B’mod partikolari, jelenka fl-Annessi tiegħu, l-Istati Membri jew iż-żoni jew il-kompartimenti tagħhom li għandhom l-istatus ta’ ħelsien mill-mard u jelenka wkoll il-programmi ta’ eradikazzjoni eżistenti obbligatorji jew fakultattivi approvati. Minħabba li s-sitwazzjoni epidemjoloġika ta’ ċertu mard tinbidel il-ħin kollu, jeħtieġ li jiġu elenkati l-Istati Membri jew iż-żoni tagħhom li jkunu ġodda rigward l-istatus ta’ ħelsien mill-mard, li jitħassru mil-listi ż-żoni fejn ġew ikkonfermati tifqigħat ta’ mard jew fejn il-kondizzjonijiet għaż-żamma tal-istatus ta’ ħelsien mill-mard m’għadhomx jiġu ssodisfati, u li jiġu approvati ċerti programmi ta’ eradikazzjoni obbligatorji jew fakultattivi mressqa lill-Kummissjoni.

(4)

F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (il-Ftehim dwar il-Ħruġ), u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, ir-Regolament (UE) 2016/429, kif ukoll l-atti tal-Kummissjoni msejsa fuqu, bħar-Regolament ta’ Implimentazzjoni (UE) 2021/620, japplikaw għar-Renju Unit u fir-Renju Unit fir-rigward tal-Irlanda ta’ Fuq wara tmiem il-perjodu ta’ tranżizzjoni previst fil-Ftehim dwar il-Ħruġ.

(5)

Għall-infezzjoni bil-Brucella abortus, bil-B. melitensis u bil-B. suis, għall-infezzjoni bil-kumpless tal-Mycobacterium tuberculosis (Mycobacterium bovis, M. caprae u M. tuberculosis) (MTBC), l-infezzjoni bil-virus tar-rabja (RABV), l-infezzjoni bid-dijarea virali bovina (BVD), u l-infezzjoni bil-virus tal-ilsien blu (serotipi 1–24) (BTV), dan l-aħħar bosta Stati Membri applikaw lill-Kummissjoni biex ikollhom l-istatus ta’ ħelsien mill-mard jew għal programmi ta’ eradikazzjoni approvati għal parti mit-territorju tagħhom jew għat-territorju kollu.

(6)

Din hija okkażjoni tajba biex l-annimali bovini, ovini u kaprini jiġu elenkati b’mod separat minn dak il-mard. Għaldaqstant, il-Parti II tal-Anness I tar-Regolament ta’ Implimentazzjoni (UE) 2021/620, kif emendat b’dan ir-Regolament, se jkollu Kapitoli differenti għall-annimali bovini u għall-annimali kaprini u ovini, u għaldaqstant jeħtieġ li jiġi emendat ukoll l-Artikolu 2 ta’ dak ir-Regolament ta’ Implimentazzjoni li jirreferi għal dak l-Anness.

(7)

Għall-infezzjoni bil-Brucella abortus, bil-B. melitensis u bil-B. Suis fl-annimali bovini, Spanja ressqet informazzjoni lill-Kummissjoni li turi li l-kondizzjonijiet għar-rikonoxximent tal-istatus ta’ ħelsien mill-mard stipulati fir-Regolament Delegat (UE) 2020/689 huma ssodisfati fil-Provinċja ta’ Cáceres fil-Komunità Awtonoma ta’ Extremadura. Għalhekk, jenħtieġ li dik iż-żona tiġi elenkata bħala żona ħielsa mill-Brucella abortus, mill-B. melitensis u mill-B. Suis fl-annimali bovini fil-Parti I, il-Kapitolu 1 tal-Anness I tar-Regolament ta’ Implimentazzjoni (UE) 2021/620.

(8)

Għall-infezzjoni bil-Brucella abortus, bil-B. melitensis u bil-B. suis fl-annimali bovini, il-Bulgarija, il-Greċja, l-Ungerija, l-Italja u l-Portugall, u għall-infezzjoni bil-Brucella abortus, bil-B. melitensis u bil-B. Suis fl-annimali ovini u kaprini, il-Bulgarija, il-Kroazja, il-Greċja, l-Italja u l-Portugall ressqu l-applikazzjonijiet lill-Kummissjoni biex il-programmi ta’ eradikazzjoni obbligatorji tagħhom jiġu approvati. Wara l-valutazzjoni mill-Kummissjoni, dawk l-applikazzjonijiet kienu jikkonformaw mal-kriterji stabbiliti fil-Kapitolu 2 tal-Parti II tar-Regolament Delegat (UE) 2020/689 għall-approvazzjoni tal-programmi ta’ eradikazzjoni. Għalhekk, jenħtieġ li l-Istati Membri jew iż-żoni tagħhom koperti minn dawk il-programmi ta’ eradikazzjoni jiġu elenkati fl-Anness I tar-Regolament ta’ Implimentazzjoni (UE) 2021/620, fil-lista ta’ dawk li għandhom programm ta’ eradikazzjoni approvat għal dak il-mard f’dawk il-popolazzjonijiet tal-annimali.

(9)

Għall-infezzjoni bl-MTBC, Spanja ressqet informazzjoni lill-Kummissjoni li turi li l-kondizzjonijiet għar-rikonoxximent tal-istatus ta’ ħelsien mill-mard mill-infezzjoni bl-MTBC stipulati fir-Regolament Delegat (UE) 2020/689 huma ssodisfati fil-Komunità Awtonoma ta’ País Vasco. Għalhekk, jenħtieġ li l-Komunità awtonoma tiġi elenkata bħala żona ħielsa mill-MTBC fl-Anness II, il-Parti I, tar-Regolament ta’ Implimentazzjoni (UE) 2021/620.

(10)

Għall-infezzjoni bl-MTBC, il-Bulgarija, il-Kroazja, Ċipru, il-Greċja, l-Irlanda, l-Italja, Malta, il-Portugall, ir-Rumanija, Spanja u r-Renju Unit fir-rigward tal-Irlanda ta’ Fuq ressqu applikazzjonijiet lill-Kummissjoni biex il-programmi ta’ eradikazzjoni tagħhom jiġu approvati. Wara l-valutazzjoni mill-Kummissjoni, dawk l-applikazzjonijiet kienu jikkonformaw mal-kriterji stabbiliti fil-Kapitolu 2 tal-Parti II tar-Regolament Delegat (UE) 2020/689 għall-approvazzjoni tal-programmi ta’ eradikazzjoni. Għalhekk, jenħtieġ li l-Istati Membri jew iż-żoni tagħhom koperti minn dawk il-programmi ta’ eradikazzjoni, kif ukoll ir-Renju Unit fir-rigward tal-Irlanda ta’ Fuq, jiġu elenkati fl-Anness II, il-Parti II tar-Regolament ta’ Implimentazzjoni (UE) 2021/620, bħala li għandhom programm ta’ eradikazzjoni approvat għall-infezzjoni bl-MTBC.

(11)

Għall-infezzjoni bl-RABV, Franza ressqet informazzjoni lill-Kummissjoni li turi li l-kondizzjonijiet għar-rikonoxximent tal-istatus ta’ ħelsien mill-mard stipulati fir-Regolament Delegat (UE) 2020/689 huma ssodisfati fil-Guyana Franċiża. Għalhekk, jenħtieġ li l-Guyana Franċiża tiżdied mat-territorju ta’ Franza li diġà huwa elenkat bħala ħieles mill-RABV fl-Anness III, il-Parti I tar-Regolament ta’ Implimentazzjoni (UE) 2021/620.

(12)

Il-Polonja nnotifikat lill-Kummissjoni dwar tifqigħat tal-infezzjoni bl-RABV f’diversi reġjuni tal-provinċja ta’ Mazowieckie u tal-provinċja ta’ Świętokrzyskie, li bħalissa elenkati bħala żoni bi status ta’ ħelsien mill-mard fil-Parti I tal-Anness III tar-Regolament ta’ Implimentazzjoni (UE) 2021/620. Għalhekk, jenħtieġ li r-reġjuni affettwati jitħassru minn dik il-lista u jenħtieġ li l-entrata għal dak l-Istat Membru f’dik il-lista tiġi emendata skont dan.

(13)

Għall-infezzjoni bl-RABV, il-Polonja, u r-Rumanija ressqu l-applikazzjonijiet lill-Kummissjoni biex il-programmi ta’ eradikazzjoni tagħhom jiġu approvati. Wara l-valutazzjoni mill-Kummissjoni, dawk l-applikazzjonijiet kienu jikkonformaw mal-kriterji stabbiliti fil-Kapitolu 2 tal-Parti II tar-Regolament Delegat (UE) 2020/689 għall-approvazzjoni tal-programmi ta’ eradikazzjoni. Għalhekk, jenħtieġ li l-Istati Membri jew iż-żoni tagħhom koperti minn dawk il-programmi ta’ eradikazzjoni jiġu elenkati fil-Parti II tal-Anness III tar-Regolament ta’ Implimentazzjoni (UE) 2021/620, bħala li għandhom programm ta’ eradikazzjoni approvat għall-infezzjoni bl-RABV.

(14)

Għall-infezzjoni bil-BVD, l-Awstrija, il-Finlandja u l-Iżvezja ressqu informazzjoni lill-Kummissjoni li turi li l-kondizzjonijiet għar-rikonoxximent tal-istatus ta’ ħelsien mill-mard mill-BVD stipulati fir-Regolament Delegat (UE) 2020/689 huma ssodisfati għat-territorji tagħhom kollha. Barra minn hekk, il-Ġermanja ressqet informazzjoni lill-Kummissjoni li l-kondizzjonijiet għar-rikonoxximent tal-istatus ta’ ħelsien mill-mard mill-BVD huma ssodisfati għal ċerti żoni tat-territorju tagħha. Il-Ġermanja ressqet ukoll applikazzjonijiet lill-Kummissjoni biex il-programmi ta’ eradikazzjoni tagħha jiġu approvati għal żoni oħra tat-territorju tagħha. Wara l-valutazzjoni mill-Kummissjoni, dawk l-applikazzjonijiet kienu jikkonformaw mal-kriterji stabbiliti fil-Kapitolu 2 tal-Parti II tar-Regolament Delegat (UE) 2020/689 għall-approvazzjoni tal-istatus ta’ ħelsien mill-mard u għall-approvazzjoni tal-programmi ta’ eradikazzjoni għall-BVD, b’mod rispettiv. Għalhekk jenħtieġ li dawk l-Istati Membri jew iż-żoni tagħhom jiġu elenkati skont dan fl-Anness VII tar-Regolament ta’ Implimentazzjoni (UE) 2021/620, jiġu elenkati bl-istatus ta’ ħelsien mill-mard mill-BVC jew li għandhom programm ta’ eradikazzjoni għall-BVD b’mod rispettiv.

(15)

Spanja nnotifikat lill-Kummissjoni dwar tifqigħat ta’ infezzjoni bil-BTV tas-serotip 4 fil-Komunità Awtonoma ta’ Castilla-La Mancha, li affettwaw ir-reġjuni ta’ Peñarroya-Pueblonuevo, ta’ Hinojosa del Duque (Pedroches II), ta’ Pozoblanco (Pedroches I), ta’ Villanueva de Córdoba (Pedroches III), ta’ Montoro (Alto del Guadalquivir), ta’ Andújar u ta’ Linares fil-Komunità Awtonoma ta’ Andalucia. It-tifqigħat affettwaw ukoll ir-reġjuni ta’ Almadén, ta’ Almodóvar del Campo u ta’ Piedrabuena fil-Komunità Awtonoma ta’ Castilla-La Mancha, kif ukoll il-Provinċja ta’ Badajoz u r-reġjuni ta’ Coria, ta’ Valencia de Alcántara, ta’ Cáceres u ta’ Trujillo y Logrosán (Zorita) fil-Komunità Awtonoma ta’ Extremadura. Dawn ir-reġjuni affettwati, li jinsabu fil-Komunità Awtonoma ta’ Andalucia, fil-Komunità Awtonoma ta’ Extremadura, u fil-Komunità Awtonoma ta’ Castilla-La Mancha, b’mod rispettiv, bħalissa jinsabu elenkati bħala li għandhom l-istatus ta’ ħelsien mill-mard bil-BTV, fil-Parti I tal-Anness VIII tar-Regolament ta’ Implimentazzjoni (UE) 2021/620. Jenħtieġ li l-istatus ta’ ħelsien mill-mard ta’ dawk ir-reġjuni għall-infezzjoni bil-BTV jiġi rtirat, u jenħtieġ li l-entrata għal Spanja f’dik il-lista tiġi emendata skont dan.

(16)

Barra minn hekk, il-Portugall innotifika lill-Kummissjoni dwar tifqigħat ta’ infezzjoni bil-BTV tas-serotip 4 fid-distretti ta’ Castelo Branco u ta’ Setubal. Peress li d-distretti ta’ Castelo Branco u ta’ Setubal, huma parti mill-Portugall u jinsabu fiż-żoni bl-istatus ta’ ħelsien mill-mard elenkati fil-Parti I tal-Anness VIII tar-Regolament ta’ Implimentazzjoni (UE) 2021/620, jenħtieġ li l-istatus ta’ ħelsien mill-mard tagħhom għall-infezzjoni bil-BTV jiġi rtirat, u jenħtieġ li l-entrata għall-Portugall f’dik il-lista tiġi emendata skont dan.

(17)

Barra minn hekk, fir-rigward tal-infezzjoni bil-BTV, Spanja ressqet applikazzjoni lill-Kummissjoni biex jiġi approvat programm ta’ eradikazzjoni fakultattiv. Wara l-valutazzjoni mill-Kummissjoni, dik l-applikazzjoni kienet tikkonforma mal-kriterji stipulati fil-Kapitolu 2 tal-Parti II tar-Regolament Delegat (UE) 2020/689. Għalhekk, jenħtieġ li ż-żoni koperti minn dak il-programmi ta’ eradikazzjoni jiġu elenkati fil-Parti II tal-Anness VIII tar-Regolament ta’ Implimentazzjoni (UE) 2021/620, bħala li għandhom programm ta’ eradikazzjoni approvat għall-infezzjoni bil-BTV.

(18)

Fir-rigward tal-infezzjoni bil-virus tan-nekrożi ematopojetika infettiva tal-mard akkwatiku (IHN), id-Danimarka infurmat lill-Kummissjoni li l-kondizzjonijiet biex jinżamm l-istatus ta’ ħelsien mill-mard għat-territorju kollu tagħha ma għadhomx issodisfati. Id-Danimarka hija elenkata fil-Parti I tal-Anness XIII tar-Regolament ta’ Implimentazzjoni (UE) 2021/620. Għalhekk, jenħtieġ li l-entrata għad-Danimarka titħassar minn dik il-lista.

(19)

Il-Finlandja nnotifikat lill-Kummissjoni dwar diversi tifqigħat ta’ IHN fil-Gżejjer Åland, f’żona li hija elenkata bl-istatus ta’ ħelsien mill-mard fl-Anness XIII tar-Regolament ta’ Implimentazzjoni (UE) 2021/620. Għalhekk, jenħtieġ li l-istatus ta’ ħelsien mill-mard taż-żona infettata jiġi rtirat u jenħtieġ li ż-żona titħassar mill-Parti I ta’ dak l-Anness, u jenħtieġ li l-entrata għal dak l-Istat Membru f’dik il-lista tiġi emendata skont dan.

(20)	Għalhekk, jenħtieġ li l-Annessi I, II, III, VII, VIII u XIII tar-Regolament ta’ Implimentazzjoni (UE) 2021/620 jiġu emendati skont dan.

(21)	Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Ir-Regolament ta’ Implimentazzjoni (UE) 2021/620 huwa emendat kif ġej:

L-Artikolu 2(3) huwa sostitwit b’dan li ġej:

“3. L-Istati Membri jew iż-żoni tagħhom bi programm ta’ eradikazzjoni obbligatorju approvat għall-infezzjoni bil-Brucella abortus, bil-B. melitensis u bil-B. suis fil-popolazzjonijiet tal-annimali bovini għandhom jiġu elenkati fil-Kapitolu 1 tal-Parti II tal-Anness I.

4. L-Istati Membri jew iż-żoni tagħhom bi programm ta’ eradikazzjoni obbligatorju approvat għall-infezzjoni bil-Brucella abortus, bil-B. melitensis u bil-B. suis fil-popolazzjonijiet tal-annimali ovini u kaprini għandhom jiġu elenkati fil-Kapitolu 2 tal-Parti II tal-Anness I.”

2.	L-Annessi I, II, III, VII, VIII u XIII huma emendati f’konformità mal-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-17 ta’ Frar 2022.

Għall-Kummissjoni

Il-President

Ursula VON DER LEYEN

(1) ĠU L 84, 31.3.2016, p. 1.

(2) Ir-Regolament Delegat tal-Kummissjoni (UE) 2020/689 tas-17 ta’ Diċembru 2019 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għas-sorveljanza, għall-programmi ta’ eradikazzjoni u għall-istatus ta’ ħelsien mill-mard għal ċertu mard elenkat u emerġenti (ĠU L 174, 3.6.2020, p. 211).

(3) Ir-Regolament ta’ Implimentazzjoni tal-Kummissjoni (UE) 2021/620 tal-15 ta’ April 2021 li jistabbilixxi r-regoli għall-applikazzjoni tar-Regolament (UE) 2016/429 tal-Parlament Ewropew u tal-Kunsill rigward l-approvazzjoni tal-istatus ta’ ħelsien mill-mard u tal-istatus ta’ mingħajr tilqim ta’ ċerti Stati Membri jew taż-żoni jew il-kompartimenti tagħhom fir-rigward ta’ ċertu mard elenkat, u rigward l-approvazzjoni ta’ programmi ta’ eradikazzjoni għal dak il-mard elenkat (ĠU L 131, 16.4.2021, p. 78).

ANNESS

L-Annessi I, II, III, VII, VIII u XIII tar-Regolament ta’ Implimentazzjoni (UE) 2021/620 huma emendati kif ġej:

(1)

L-Anness I huwa emendat kif ġej:

(a)

fil-Parti I, il-Kapitolu 1, l-entrata għal Spanja hija sostitwita b’dan li ġej:

Stat Membru	Territorju
“Spanja	It-territorju kollu”

(b)

Il-Parti II hija sostitwita b’dan li ġej:

“PARTI II

L-Istati Membri jew iż-żoni tagħhom li għandhom pjan ta’ eradikazzjoni approvat għall-Brucella abortus, għall-B. melitensis u għall-B. suis

KAPITOLU 1

L-Istati Membri jew iż-żoni tagħhom li għandhom pjan ta’ eradikazzjoni approvat għall-Brucella abortus, għall-B. melitensis u għall-B. Suis fil-popolazzjonijiet tal-annimali bovini

Stat Membru	Territorju
Il-Bulgarija	It-territorju kollu
Il-Greċja	It-territorju kollu
L-Ungerija	It-territorju kollu
L-Italja	Regione Abruzzo: Provincia di L’Aquila, Teramo, Chieti Regione Basilicata Regione Calabria Regione Campania: Provincia di Caserta, Salerno Regione Molise: Provincia di Isernia Regione Puglia: Provincia di Foggia, Taranto Regione Sicilia
Il-Portugall	Região Autónoma dos Açores: Ilha de São Miguel Região Madeira Distritos Beja, Braga, Braganca, Evora, Lisboa, Portalegre, Porto, Santarem, Setubal, Viana do Castelo, Vila Real

KAPITOLU 2

L-Istati Membri jew iż-żoni tagħhom li għandhom pjan ta’ eradikazzjoni approvat għall-Brucella abortus, għall-B. melitensis u għall-B. Suis fil-popolazzjonijiet tal-annimali ovini u kaprini

Stat Membru	Territorju
Il-Bulgarija	It-territorju kollu
Il-Kroazja	It-territorju kollu
Il-Greċja	It-territorju kollu
L-Italja	Regione Basilicata Regione Calabria: Provincia di Crotone, Reggio Calabria, Vibo Valentina Regione Campania: Provincia di Caserta, Salerno, Avellino, Napoli Regione Puglia: Provincia di Foggia, Lecce Regione Sicilia
Il-Portugall	Região Madeira Distritos Aveiro, Beja, Braga, Braganca, Castelo Branco, Coimbra, Evora, Faro, Guarda, Leiria, Lisboa, Portalegre, Porto, Santarem, Setubal, Viana do Castelo, Vila Real, Viseu”

(2)

L-Anness II huwa emendat kif ġej:

(a)

fil-Parti I, l-entrata għal Spanja hija sostitwita b’dan li ġej:

Stat Membru

Territorju

“Spanja

Comunidad Autónoma de Canarias

Comunidad Autónoma de Galicia

Comunidad Autónoma del País Vasco

Comunidad Autónoma del Principado de Asturias”

(b)

Il-Parti II hija sostitwita b’dan li ġej:

“PARTI II

L-Istati Membri jew iż-żoni tagħhom li għandhom programm ta’ eradikazzjoni approvat għall-infezzjoni bl-MTBC

Stat Membru (*1)	Territorju
Il-Bulgarija	It-territorju kollu
Il-Kroazja	It-territorju kollu
Ċipru	It-territorju kollu
Il-Greċja	It-territorju kollu
L-Irlanda	It-territorju kollu
L-Italja	Regione Abruzzo: Provincia di L’Aquila, Teramo, Chieti Regione Basilicata: Provincia di Potenza Regione Calabria Regione Campania Regione Lazio: Provincia di Latina, Roma Regione Marche: Provincia di Macerata Regione Puglia Regione Sardegna: Provincia di Sassari, Nuoro Regione Sicilia
Malta	It-territorju kollu
Il-Portugall	Região Autónoma dos Açores: Ilha de São Miguel Região Autónoma da Madeira Distritos Aveiro, Beja, Braga, Bragança, Castelo Branco, Coimbra, Evora, Guarda, Leiria, Lisboa, Portalegre, Porto, Santarem, Setubal, Viana do Castelo, Vila Real, Viseu
Ir-Rumanija	It-territorju kollu
Spanja	Comunidad Autónoma de Andalucía Comunidad Autónoma de Aragón Comunidad Autónoma de Islas Baleares Comunidad Autónoma de Cantabria Comunidad Autónoma de Castilla-La Mancha Comunidad Autónoma de Castilla y León Comunidad Autónoma de Cataluña Comunidad Autónoma de Extremadura Comunidad Autónoma de La Rioja Comunidad Autónoma de Madrid Comunidad Autónoma de Murcia Comunidad Autónoma de Navarra, Comunidad Autónoma de Valencia
Ir-Renju Unit (l-Irlanda ta’ Fuq)	L-Irlanda ta’ Fuq

(3)

L-Anness III huwa emendat kif ġej:

(a)

il-Parti I hija emendata kif ġej:

(i)

l-entrata għal Franza hija sostitwita b’dan li ġej:

Stat Membru	Territorju
“Franza	It-territorju kollu”

(ii)

l-entrata għall-Polonja hija sostitwita b’dan li ġej:

Stat Membru

Territorju

“Il-Polonja

il-provinċja ta’ Dolnośląskie: il-powiaty kollha

il-provinċja ta’ Kujawsko-pomorskie: il-powiaty kollha

il-provinċja ta’ Lubelskie, il-powiaty li ġejjin: m. Lublin, Łęczyński, Parczewski, Radzyński, Świdnicki

il-provinċja ta’ Lubuskie: il-powiaty kollha

il-provinċja ta’ Łódzkie, il-powiaty li ġejjin: Bełchatowski, Brzeziński, Kutnowski, Łaski, Łęczycki, Łowicki, Łódzki Wschodni, m. Łódź, Pabianicki, Pajęczański, Piotrkowski, m. Piotrków Trybunalski, Poddębicki, Radomszczański, Rawski, Sieradzki, Skierniewicki, m. Skierniewice, Tomaszowski, Wieluński, Wieruszowski, Zduńskowolski, Zgierski

il-provinċja ta’ Małopolskie: il-powiaty kollha

il-provinċja ta’ Mazowieckie, il-powiaty li ġejjin: Ciechanowski, Gostyniński, Makowski, Mławski, Ostrołęcki, m. Ostrołęka, Płocki, m. Płock, Przasnyski, Sierpecki, Żuromiński

il-provinċja ta’ Opolskie: il-powiaty kollha

il-provinċja ta’ Podlaskie: il-powiaty kollha

il-provinċja ta’ Pomorskie: il-powiaty kollha

il-provinċja ta’ Śląskie: il-powiaty kollha

il-provinċja ta’ Świętokrzyskie, il-powiaty li ġejjin: Buski, Kazimierski, Pińczowski, Włoszczowski

il-provinċja ta’ Warmińsko-mazurskie: il-powiaty kollha

il-provinċja ta’ Wielkopolskie: il-powiaty kollha

il-provinċja ta’ Zachodniopomorskie: il-powiaty kollha”

(iii)

l-entrata għal Spanja hija sostitwita b’dan li ġej:

Stat Membru	Territorju
“Spanja	It-territorju kollu”

(b)

Il-Parti II hija sostitwita b’dan li ġej:

“PARTI II

L-Istati Membri jew iż-żoni tagħhom li għandhom programm ta’ eradikazzjoni approvat għall-infezzjoni bl-RABV

Stat Membru

Territorju

‘Il-Polonja

il-provinċja ta’ Lubelskie, il-powiaty li ġejjin: Bialski, m. Biała Podlaska, Biłgorajski, Chełmski, m. Chełm, Hrubieszowski, Janowski, Krasnostawski, Kraśnicki, Lubartowski, Lubelski, Łukowski, Opolski, Puławski, Rycki, Tomaszowski, Włodawski, Zamojski, m. Zamość

il-provinċja ta’ Łódzkie, il-powiaty li ġejjin: Opoczyński

il-provinċja ta’ Mazowieckie, il-powiaty li ġejjin: Białobrzeski, Garwoliński, Grodziski, Grójecki, Kozienicki, Legionowski, Lipski, Łosicki, Miński, Nowodworski, Ostrowski, Otwocki, Piaseczyński, Płoński, Pruszkowski, Przysuski, Pułtuski, Radomski, m. Radom, Siedlecki, m. Siedlce, Sochaczewski, Sokołowski, Szydłowiecki, m.st. Warszawa, Warszawski Zachodni, Węgrowski, Wołomiński, Wyszkowski, Zwoleński, Żyrardowski

il-provinċja ta’ Podkarpackie

il-provinċja ta’ Świętokrzyskie, il-powiaty li ġejjin: Jędrzejowski, Kielecki, m. Kielce, Konecki, Opatowski, Ostrowiecki, Sandomierski, Skarżyski, Starachowicki, Staszowski

Ir-Rumanija

It-territorju kollu’”

(4)

Fl-Annessi VII, il-Partijiet I u II huma sostitwiti b’dawn li ġejjin:

“PARTI I

L-Istati Membri jew żoni tagħhom li għandhom status ta’ ħelsien mill-BVD

Stat Membru	Territorju
L-Awstrija	It-territorju kollu
Il-Finlandja	It-territorju kollu
Il-Ġermanja	Bundesland Baden-Württemberg: Regierungsbezirk Stuttgart, Karlsruhe, Freiburg Il-Landkreis li ġejjin f’Regierungsbezirk Tübingen: Alb-Donau-Kreis, Biberach, Bodenseekreis, Reutlingen, Sigmaringen, Tübingen, Zollernalbkreis, Stadtkreis Ulm. Bundesland Bayern: Il-bliet u l-Landkreis li ġejjin f’Regierungsbezirk Oberbayern: Ingolstadt, Stadt München, Stadt Rosenheim, Altötting, Berchtesgadener Land, Bad Tölz-Wolfratshausen, Ebersberg, Eichstätt, Freising, Fürstenfeldbruck, Garmisch-Partenkirchen, Landsberg am Lech, Miesbach, Mühldorf am Inn, Lkr. München, Neuburg-Schrobenhausen, Pfaffenhofen an der Ilm, Lkr. Rosenheim, Starnberg, Traunstein Il-bliet u l-Landkreis li ġejjin f’Regierungsbezirk Niederbayern: Stadt Landshut, Stadt Passau, Stadt Straubing, Freyung-Grafenau, Kelheim, Lkr. Landshut, Lkr. Passau, Regen, Rottal-Inn Il-bliet u l-Landkreis li ġejjin f’Regierungsbezirk Oberpfalz: Stadt Amberg, Stadt Regensburg, Weiden in der Oberpfalz, Lkr. Amberg-Sulzbach, Cham, Neumarkt in der Oberpfalz, Neustadt an der Waldnaab, Lkr. Regensburg, Schwandorf, Tirschenreuth Il-bliet u l-Landkreis li ġejjin f’Regierungsbezirk Oberfranken: Stadt Bamberg, Stadt Bayreuth, Stadt Coburg, Stadt Hof, Lkr. Bamberg, Lkr. Bayreuth, Lkr. Coburg, Forchheim, Lkr. Hof, Kronach, Kulmbach, Lichtenfels, Wunsiedel im Fichtelgebirge Il-bliet u l-Landkreis li ġejjin f’Regierungsbezirk Mittelfranken: Stadt Ansbach, Stadt Erlangen, Stadt Fürth, Nürnberg, Schwabach, Lkr. Ansbach, Lkr. Erlangen-Höchstadt, Lkr. Fürth, Nürnberger Land, Neustadt an der Aisch-Bad Windsheim, Roth, Weißenburg-Gunzenhausen Il-bliet u l-Landkreis li ġejjin f’Regierungsbezirk Unterfranken: Stadt Aschaffenburg, Stadt Schweinfurt, Stadt Würzburg, Lkr. Aschaffenburg, Bad Kissingen, Röhn-Grabfeld, Haßberge, Kitzingen, Miltenberg, Main-Spessart, Lkr. Schweinfurt, Lkr. Wurzburg Il-bliet u l-Landkreis li ġejjin f’Regierungsbezirk Schwaben: Stadt Augsburg, Kaufbeuren, Kempten im Allgäu, Memmingen, Aichach-Friedberg, Dillingen an der Donau, Neu-Ulm, Lindau, Unterallgäu, Donau-Ries Bundesland Brandenburg Bundesland Bremen Bundesland Hamburg Bundesland Hessen: Il-bliet u l-Landkreis li ġejjin f’Regierungsbezirk Kassel: Werra-Meißner, Lkr. Kassel, Stadt Kassel, Waldeck-Frankenberg, Schwalm-Eder-Kreis, Hersfeld-Rotenburg Regierungsbezirk Darmstadt Regierungsbezirk Gießen Bundesland Mecklenburg-Vorpommern Bundesland Rheinland-Pfalz Bundesland Saarland Bundesland Sachsen Bundesland Sachsen-Anhalt Bundesland Thüringen
L-Iżvezja	It-territorju kollu

PARTI II

L-Istati Membri jew iż-żoni tagħhom li għandhom programm ta’ eradikazzjoni approvat għall-BVD

Stat Membru

Territorju

Data tal-approvazzjoni inizjali msemmija fil-Artikolu 15(2) tar-Regolament Delegat (UE) 2020/689

Il-Ġermanja

Bundesland Baden-Württemberg:

Landkreis Ravensburg fil-Regierungsbezirk Tübingen

Bundesland Bayern:

Il-bliet u l-Landkreis li ġejjin f’Regierungsbezirk Oberbayern: Dachau, Erding, Weilheim-Schongau

Il-bliet u l-Landkreis li ġejjin f’Regierungsbezirk Niederbayern: Deggendorf, Lkr. Straubing-Bogen, Dingolfing-Landau

Il-bliet u l-Landkreis li ġejjin f’Regierungsbezirk Schwaben: Lkr. Augsburg, Günzburg, Ostallgäu, Oberallgäu

Bundesland Berlin

Bundesland Hessen:

Landkreis Fulda fil-Regierungsbezirk Kassel

Bundesland Niedersachsen

Bundesland Nordrhein-Westfalen

Bundesland Schleswig-Holstein

Il-21 ta’ Frar 2022”

(5)

L-Anness VIII huwa emendat kif ġej:

(a)

fil-Parti I, l-entrata għal Spanja hija emendata kif ġej:

(i)	l-entrati għall-provinċja ta’ Córdoba u tal-provinċja ta’ Jaén fil-Comunidad Autónoma de Andalucía jitħassru;

(ii)

l-entrata għall-Comunidad Autónoma de Extremadura hija sostitwita b’dan li ġej:

“Comunidad Autónoma de Castilla-La Mancha, għajr ir-reġjuni li ġejjin fil-provinċja ta’ Ciudad Real: Almadén, Almodóvar del Campo u Piedrabuena”;

(iii)

l-entrata għall-Comunidad Autónoma de Extremadura titħassar;

(b)

fil-Parti I, l-entrata għall-Portugall hija sostitwita b’dan li ġej:

Stat Membru	Territorju
“Il-Portugall	It-territorju kollu, minbarra d-distritos ta’ Beja, ta’ Castelo Branco, ta’ Evora, ta’ Faro, ta’ Portalegre, ta’ Santarem, ta’ Setubal”

(c)

Il-Parti II hija sostitwita b’dan li ġej:

“PARTI II

L-Istati Membri jew iż-żoni tagħhom li għandhom programm ta’ eradikazzjoni approvat għall-infezzjoni bil-BTV

Stat Membru

Territorju

Data tal-approvazzjoni inizjali msemmija fil-Artikolu 15(2) tar-Regolament Delegat (UE) 2020/689

Spanja

Comunidad Autónoma de Andalucía:

il-provinċji ta’ Cádiz, ta’ Córdoba, ta’ Huelva, ta’ Jaén, ta’ Málaga, ta’ Sevilla

il-provinċja ta’ Granada: Motril (Costa de Granada)

Comunidad Autónoma de Aragón:

il-provinċja ta’ Huesca: ir-reġjun ta’ Boltaña, ta’ Jaca, ta’ Sabiñánigo

il-muniċipalità fir-reġjun ta’ Ayerbe: Las Peñas de Riglos

Il-muniċipalitajiet li ġejjin fir-reġjun ta’ Huesca: Arguis, Casbas de Huesca, Ibieca, Igriés, Loporzano, Nueno u Siétamo;

il-muniċipalitajiet li ġejjin fir-reġjun ta’ Barbastro: Abiego, Adahuesca, Alquézar, Bierge, Colungo u Naval

il-muniċipalitajiet li ġejjin fir-reġjun ta’ Castejón de Sos: Castejón de Sos, Chía, Sahún, Seira, Sesué, Villanova

il-muniċipalitajiet li ġejjin fir-reġjun ta’ Graus: Campo, Foradada, Valle de Bardají

il-provinċja ta’ Zaragoza: ir-reġjun ta’ Jaca

Comunidad Autónoma de Castilla-La Mancha:

il-Provinċja ta’ Ciudad Real, ir-reġjuni li ġejjin: Almadén, Almodóvar del Campo u Piedrabuena

Comunidad Autónoma de Extremadura

Comunidad Autónoma de Islas Baleares

Comunidad Autónoma de Navarra:

ir-reġjun ta’ Elizondo, ta’ Izurzun, ta’ Ochagavia, ta’ Pamplona, ta’ Santesteban

il-muniċipalitajiet li ġejjin fir-reġjun ta’ Estella: Guesálaz, Lezaun, Valle de Yerri, Cirauqui, Mañeru, Artazu, Guirguillano, Salinas de Oro, Abárzuza, Allín, Améscoa Baja, Larraona, Aranarache, Eulate

il-muniċipalitajiet li ġejjin fir-reġjun ta’ Sangüesa: Oroz-Betelu, Izagaondoa, Lumbier, Urraul Alto, Urraul Bajo, Romanzado, Lónguida, Aoiz, Erro, Arce, Esteribar, Luzaide- Valcarlos, Auritz Burguete, Orreaga-Roncesvalles

Comunidad Autónoma del País Vasco:

il-provinċja ta’ Guipúzcoa

il-provinċja ta’ Bizkaia/Vizcaya

il-provinċja ta’ Araba/Álava:: il-muniċipalità ta’ Aramaio

Il-21 ta’ Frar 2022”

(6)

fl-Anness XIII, il-Parti I hija emendata kif ġej:

(a)	l-entrata għad-Danimarka titħassar;

(b)

l-entrata għall-Finlandja hija sostitwita b’dan li ġej:

Stat Membru	Territorju
“Il-Finlandja	It-territorju kollu, minbarra l-kompartiment kostali magħmul mill-partijiet tal-muniċipalitajiet ta’ Föglö, ta’ Lumparland, ta’ Lemland, u ta’ Vårdö f’ċirku b’radjus ta’ 19,331 kilometri li ċ-ċentru tiegħu jinsab fuq WGS84 fil-koordinati Lat 59,975253701 °, Lon 20,454027317 ”

(*1) F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, għall-finijiet ta’ dan l-Anness, ir-referenzi għall-Istati Membri jinkludu lir-Renju Unit fir-rigward tal-Irlanda ta’ Fuq”