|
31.1.2022 |
MT |
Il-Ġurnal Uffiċjali tal-Unjoni Ewropea |
L 21/165 |
REGOLAMENT TAL-KUNSILL (UE) 2022/110
tas-27 ta’ Jannar 2022
li jistabbilixxi l-opportunitajiet tas-sajd għal ċerti stokkijiet tal-ħut u għal ċerti gruppi ta’ stokkijiet tal-ħut applikabbli fil-Baħar Mediterran u fil-Baħar l-Iswed għall-2022
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43(3) tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
L-Artikolu 6 tar-Regolament (UE) Nru 1380/2013 tal-Parlament Ewropew u tal-Kunsill (1) jeħtieġ li jiġu adottati miżuri ta’ konservazzjoni li jqisu l-pariri xjentifiċi, tekniċi u ekonomiċi disponibbli, inkluż, meta rilevanti, ir-rapporti mfassla mill-Kumitat Xjentifiku, Tekniku u Ekonomiku għas-Sajd (STECF), kif ukoll pariri mogħtija minn Kunsilli Konsultattivi stabbiliti għaż-żoni ġeografiċi jew l-oqsma ta’ kompetenza rilevanti u rakkomandazzjonijiet konġunti li jsiru mill-Istati Membri. |
|
(2) |
Hija r-responsabbiltà tal-Kunsill li jadotta miżuri dwar l-iffissar u l-allokazzjoni tal-opportunitajiet tas-sajd, li jinkludu ċerti kundizzjonijiet li huma marbutin magħhom mil-lat funzjonali, kif xieraq. L-Artikolu 16(1) tar-Regolament (UE) Nru 1380/2013 jipprevedi li l-opportunitajiet tas-sajd jenħtieġ li jiġu allokati lill-Istati Membri b’tali mod li jiżguraw stabbiltà relattiva tal-attivitajiet tas-sajd ta’ kull Stat Membru għal kull stokk ta’ ħut jew żona tas-sajd. |
|
(3) |
L-Artikolu 2 tar-Regolament (UE) Nru 1380/2013 jipprevedi li l-objettiv tal-politika komuni tas-sajd (PKS) huwa li, fejn possibbli, sal-2015 tinkiseb ir-rata ta’ sfruttament tar-rendiment massimu sostenibbli (MSY) u, b’mod progressiv u inkrementali, sa mhux aktar tard mill-2020 għall-istokkijiet kollha. |
|
(4) |
Għalhekk, jenħtieġ li l-qabdiet totali permissibbli (TACs) jiġu stabbiliti, f’konformità mar-Regolament (UE) Nru 1380/2013, abbażi tal-pariri xjentifiċi disponibbli, filwaqt li jitqiesu l-aspetti bijoloġiċi u soċjoekonomiċi u jiġi żgurat trattament ġust bejn is-setturi tas-sajd, kif ukoll fir-rigward tal-opinjonijiet tal-partijiet ikkonċernati espressi waqt il-konsultazzjoni. |
|
(5) |
L-Artikolu 16(4) tar-Regolament (UE) Nru 1380/2013 jipprevedi li għall-istokkijiet soġġetti għal pjanijiet pluriennali speċifiċi, l-opportunitajiet tas-sajd iridu jiġu stabbiliti f’konformità mar-regoli stabbiliti f’dawk il-pjanijiet. |
|
(6) |
Il-pjan pluriennali għas-sajd li jisfrutta l-istokkijiet tal-ħut tal-qiegħ fil-Punent tal-Baħar Mediterran (“il-pjan”) ġie stabbilit bir-Regolament (UE) 2019/1022 tal-Parlament Ewropew u tal-Kunsill (2) u daħal fis-seħħ fis-16 ta’ Lulju 2019. Il-pjan għandu l-għan li jiżgura li l-isfruttament tar-riżorsi bijoloġiċi ħajjin tal-baħar jirkupra l-popolazzjonijiet tal-ispeċijiet mistada u jżommhom ’il fuq mil-livelli li jistgħu jipproduċu l-MSY. |
|
(7) |
F’konformità mal-Artikolu 4(1) tar-Regolament (UE) 2019/1022, l-opportunitajiet tas-sajd għall-istokkijiet elenkati fl-Artikolu 1 ta’ dak ir-Regolament jenħtieġ li jiġu ffissati b’mod li jiksbu mortalità mis-sajd fil-livell tar-rendiment massimu sostenibbli fuq bażi progressiva u inkrementali sal-2020 fejn possibbli, u sa mhux aktar tard mill-1 ta’ Jannar 2025. L-opportunitajiet tas-sajd jenħtieġ li jiġu espressi bħala l-isforz tas-sajd massimu permissibbli għall-bastimenti tat-tkarkir u għall-bastimenti tas-sajd bil-konz iffissati skont ir-reġim tal-isforz tas-sajd stabbilit fl-Artikolu 7 tar-Regolament (UE) 2019/1022 kif ukoll il-limiti massimi tal-qbid għall-gamblu blu u aħmar (Aristeus antennatus) u għall-gamblu aħmar ġgant (Aristaeomorpha foliacea) stabbiliti skont il-parir xjentifiku. |
|
(8) |
L-STECF ta parir li, sabiex jintlaħqu l-miri tal-MSY għall-istokkijiet tal-ħut tal-Punent tal-Mediterran, huma meħtieġa aktar azzjonijiet urġenti u tnaqqis sinifikanti fil-mortalità mis-sajd għall-bastimenti tat-tkarkir. Għall-2022, l-isforz tas-sajd massimu permissibbli tal-bastimenti tat-tkarkir, skont l-Artikolu 7(3)(b) tal-pjan, jenħtieġ li għalhekk jitnaqqas b’6 % meta mqabbel mal-linja bażi tal-2015-2017, li għandu jitnaqqas mill-isforz tas-sajd massimu permissibbli stabbilit għall-2021 bir-Regolament tal-Kunsill (UE) 2021/90 (3) u t-tnaqqis addizzjonali tal-isforz stabbilit fil-livell tal-awtoritajiet Taljani. |
|
(9) |
L-STECF ta parir li, sabiex jintlaħqu l-miri tal-MSY għall-istokkijiet tal-ħut tal-Punent tal-Mediterran, huma meħtieġa aktar azzjonijiet urġenti, b’mod partikolari għall-ġestjoni tal-mortalità mis-sajd għall-bastimenti tas-sajd bil-konz tal-ħut tal-qiegħ. Għall-2022, jeħtieġ li jiġi stabbilit l-isforz tas-sajd massimu permissibbli tal-bastimenti tas-sajd bil-konz, f’konformità mal-Artikolu 7(5) tal-pjan, abbażi tal-isforz tas-sajd espress bħala l-għadd ta’ jiem tas-sajd bejn l-1 ta’ Jannar 2015 u l-31 ta’ Diċembru 2017. Dan l-isforz tas-sajd massimu permissibbli għall-bastimenti tas-sajd bil-konz ma għandux jippreġudika l-isforz tas-sajd massimu permissibbli li għandu jiġi stabbilit għall-2023. |
|
(10) |
Fl-2020, l-STECF ta parir li l-mortalità mis-sajd tal-gamblu blu u aħmar fis-Subżoni Ġeografiċi (GSAs) 1-5-6-7 u fiġ-GSAs 8-9-10-11 ser ikollhom jonqsu b’mod sinifikanti biex jinkiseb l-MSY sa mhux aktar tard mill-2025. Il-Kumitat Xjentifiku Konsultattiv dwar is-Sajd (SAC) tal-Kummissjoni Ġenerali tas-Sajd għall-Mediterran (GFCM) ħareġ ukoll l-istess parir għall-mortalità mis-sajd tal-gamblu blu u aħmar fiġ-GSA 2. Barra minn hekk, l-STECF stima li l-bijomassa tal-gamblu blu u aħmar kienet qed tonqos. Fl-2021, l-STECF ta parir li l-mortalità mis-sajd ta’ din l-ispeċi ma nbidlitx u għalhekk huma meħtieġa aktar miżuri ta’ ġestjoni. Minħabba l-parir xjentifiku u s-sitwazzjoni tal-istokkijiet li ma nbidlux, f’konformità mal-Artikolu 7(3)(b) tal-pjan, huwa xieraq li r-reġim tal-isforz jiġi kkomplementat b’limiti massimi tal-qbid u li jiġi stabbilit limitu massimu ta’ qbid għall-gamblu blu u aħmar fiġ-GSAs 1-2-5-6-7 u limitu massimu ta’ qbid għall-gamblu blu u aħmar fiġ-GSAs 8-9-10-11. |
|
(11) |
Fl-2020, l-STECF ta parir li l-bijomassa tal-gamblu aħmar kbir fiġ-GSAs 8-9-10-11 kienet qed tonqos. Fl-2021, l-STECF ta parir li l-mortalità mis-sajd ta’ din l-ispeċi ma nbidlitx u li l-bijomassa għadha qed tonqos. Minħabba l-parir xjentifiku u s-sitwazzjoni tal-istokkijiet li ma nbidlux, f’konformità mal-Artikolu 7(3)(b) tal-pjan, huwa xieraq li r-reġim tal-isforz jiġi kkomplementat b’limiti massimi ta’ qbid u li jiġi stabbilit limitu massimu ta’ qbid speċifiku għall-gamblu aħmar kbir fiġ-GSAs 8-9-10-11. |
|
(12) |
Fit-42 laqgħa annwali tagħha li saret fl-2018, GFCM adottat ir-Rakkomandazzjoni GFCM/42/2018/1 li tistabbilixxi miżuri ta’ ġestjoni għas-sallura Ewropea (Anguilla anguilla) fil-Baħar Mediterran (fis-subżoni ġeografiċi minn 1 sa 27 tal-GFCM). Dawk il-miżuri jinkludu limiti ta’ qbid jew ta’ sforz u perijodu annwali ta’ għeluq tas-sajd ta’ tliet xhur konsekuttivi li kull Stat Membru jrid jiddefinixxi skont l-objettivi ta’ konservazzjoni mogħtija fir-Regolament tal-Kunsill (KE) Nru 1100/2007 (4), skont il-pjan jew il-pjanijiet nazzjonali ta’ ġestjoni tiegħu għas-sallura u skont ix-xejriet temporali tal-migrazzjoni tas-sallura f’dak l-Istat Membru. Fejn il-pjanijiet nazzjonali ta’ ġestjoni li jirriżultaw fi tnaqqis ta’ sforz jew ta’ qbid ta’ mill-inqas 30 % kienu fis-seħħ qabel id-dħul fis-seħħ ta’ dik ir-Rakkomandazzjoni, jenħtieġ li l-limiti ta’ qbid jew ta’ sforz tas-sajd diġà stabbiliti u implimentati ma jinqabżux. F’konformità ma’ dik ir-Rakkomandazzjoni, jenħtieġ li l-perjodu ta’ għeluq tas-sajd japplika għall-ibħra kollha tal-Baħar Mediterran u għall-ilmijiet salmastri bħall-estwarji, il-laguni kostali u l-ilmijiet ta’ tranżizzjoni. Il-perijodu ta’ għeluq tas-sajd huwa marbut mal-opportunitajiet tas-sajd mil-lat funzjonali, peress, li mingħajru fis-seħħ, jenħtieġ li l-livelli tal-qabdiet jew tal-isforzi tas-sajd jitnaqqsu biex jiġi żgurat l-irkupru tal-istokk. Jenħtieġ li dawk il-miżuri jiġu implimentati fid-dritt tal-Unjoni. |
|
(13) |
Fl-44 laqgħa annwali tagħha li saret fl-2021, il-GFCM adottat ir-Rakkomandazzjoni GFCM/44/2021/20 dwar pjan ta’ ġestjoni pluriennali għall-isfruttament sostenibbli tal-istokkijiet pelaġiċi żgħar fil-Baħar Adrijatiku (is-subżoni ġeografiċi 17 u 18 tal-GFCM), li introduċiet livell massimu tal-qabdiet u limitu massimu għall-kapaċità tal-flotta relatat għal bastiment tas-sajd bit-tartarun tal-borża u bastimenti tat-tkarkir pelaġiku li jimmiraw għal speċijiet pelaġiċi żgħar. Jenħtieġ li dawk il-miżuri jiġu implimentati fid-dritt tal-Unjoni. |
|
(14) |
Fl-44 laqgħa annwali tagħha li saret fl-2021, il-GFCM adottat ir-Rakkomandazzjoni GFCM/44/2021/6 dwar pjan ta’ ġestjoni pluriennali għas-sajd sostenibbli bix-xbieki tat-tkarkir li jimmira għall-gamblu aħmar kbir u għall-gamblu blu u aħmar fil-Baħar Levantin, li temenda r-Rakkomandazzjoni GFCM/42/2018/3 (is-subżoni ġeografiċi 24, 25, 26 u 27 tal-GFCM), li introduċiet l-iffriżar tal-isforz tas-sajd espress f’għadd massimu ta’ bastimenti tas-sajd. Dik ir-Rakkomandazzjoni tawlet il-miżuri eżistenti għal sena. Jenħtieġ li dawk il-miżuri jiġu implimentati fid-dritt tal-Unjoni. |
|
(15) |
Fl-44 laqgħa annwali tagħha li saret fl-2021, il-GFCM adottat ir-Rakkomandazzjoni GFCM/44/2021/8 dwar pjan ta’ ġestjoni pluriennali għas-sajd sostenibbli bix-xbieki tat-tkarkir li jimmira għall-gamblu aħmar kbir u għall-gamblu blu u aħmar fil-Baħar Jonju, li temenda r-Rakkomandazzjoni GFCM/42/2018/4 (is-subżoni ġeografiċi 19, 20 u 21 tal-GFCM), li introduċiet l-iffriżar tal-isforz tas-sajd espress f’għadd massimu ta’ bastimenti tas-sajd. Dik ir-Rakkomandazzjoni tawlet il-miżuri eżistenti għal sena. Jenħtieġ li dawk il-miżuri jiġu implimentati fid-dritt tal-Unjoni. |
|
(16) |
Fl-44 laqgħa annwali tagħha li saret fl-2021, il-GFCM adottat ir-Rakkomandazzjoni GFCM/44/2021/7 dwar miżuri ta’ ġestjoni għas-sajd sostenibbli bix-xbieki tat-tkarkir li jimmira għall-gamblu aħmar kbir u għall-gamblu blu u aħmar fil-Fliegu ta’ Sqallija, li temenda r-Rakkomandazzjoni GFCM/43/2019/6 (is-subżoni ġeografiċi 12, 13, 14, 15 u 16 tal-GFCM), li introduċiet l-iffriżar tal-isforz tas-sajd espress f’għadd massimu ta’ bastimenti tas-sajd. Dik ir-Rakkomandazzjoni tawlet il-miżuri eżistenti għal sena. Jenħtieġ li dawk il-miżuri jiġu implimentati fid-dritt tal-Unjoni. |
|
(17) |
Fit-43 laqgħa annwali tagħha li saret fl-2019, il-GFCM adottat ir-Rakkomandazzjoni GFCM/43/2019/5 dwar pjan ta’ ġestjoni pluriennali għas-sajd sostenibbli għall-ħut tal-qiegħ fil-Baħar Adrijatiku (is-subżoni ġeografiċi 17 u 18 tal-GFCM), li introduċiet reġim ta’ sforz tas-sajd u limitu massimu għall-kapaċità tal-flotta relatat għal ċerti stokkijiet ta’ ħut tal-qiegħ. Jenħtieġ li dawk il-miżuri jiġu implimentati fid-dritt tal-Unjoni. |
|
(18) |
Fl-44 laqgħa annwali tagħha li saret fl-2021, il-GFCM adottat ir-Rakkomandazzjoni GFCM/44/2021/1 dwar l-istabbiliment ta’ reġim ta’ sforz tas-sajd għall-istokkijiet ewlenin tal-ħut tal-qiegħ fil-Baħar Adrijatiku (is-subżoni ġeografiċi 17 u 18 tal-GFCM), li introduċiet massimu ta’ ġranet ta’ sajd permissibbli, skont it-tip ta’ tkarkir u s-segment tal-flotta, għal ċerti stokkijiet ta’ ħut tal-qiegħ. Jenħtieġ li dawk il-miżuri jiġu implimentati fid-dritt tal-Unjoni. |
|
(19) |
Filwaqt li jitqiesu l-partikularitajiet tal-flotta Slovena u l-impatt marġinali tagħha fuq l-istokkijiet tal-ispeċijiet pelaġiċi ż-żgħar u fuq l-istokkijiet tal-ispeċijiet tal-ħut tal-qiegħ, huwa xieraq li jiġu ppreżervati x-xejriet tas-sajd eżistenti u li jiġi żgurat l-aċċess mill-flotta Slovena għal kwantità minima ta’ speċijiet pelaġiċi żgħar u għal kwota minima tal-isforz tas-sajd għall-ispeċijiet tal-ħut tal-qiegħ. |
|
(20) |
Fit-43 laqgħa annwali tagħha li saret fl-2019, il-GFCM adottat ukoll ir-Rakkomandazzjoni GFCM/43/2019/4 dwar pjan ta’ ġestjoni għall-isfruttament sostenibbli tal-qroll aħmar (Corallium rubrum) fil-Baħar Mediterran (is-subżoni ġeografiċi minn 1 sa 27 tal-GFCM), li introduċiet l-iffriżar tal-isforz tas-sajd espress b’għadd massimu ta’ awtorizzazzjonijiet tas-sajd, u limiti tal-ħsad għall-qroll aħmar. Jenħtieġ li dawk il-miżuri jiġu implimentati fid-dritt tal-Unjoni. |
|
(21) |
Fl-44 laqgħa annwali tagħha li saret fl-2021, il-GFCM adottat ir-Rakkomandazzjoni GFCM/44/2021/4 dwar pjan ta’ ġestjoni għall-isfruttament sostenibbli tal-paġella ħamra fil-Baħar Alboran, li temenda r-Rakkomandazzjoni GFCM/43/2019/2 (is-subżoni ġeografiċi 1, 2 u 3 tal-GFCM), li introduċiet limitu ta’ qabdiet u ta’ sforz fuq il-bażi tal-livell medju awtorizzat u eżerċitat matul il-perijodu 2010–2015. Dik ir-Rakkomandazzjoni tawlet il-miżuri eżistenti għal sena. Jenħtieġ li dawk il-miżuri jiġu implimentati fid-dritt tal-Unjoni. |
|
(22) |
Fl-44 laqgħa annwali tagħha fl-2021, il-GFCM adottat ir-Rakkomandazzjoni GFCM/44/2021/11 dwar miżuri ta’ ġestjoni għall-użu ta’ rkaptu ankrat biex jinġemal-ħut fis-sajd għal-lampuki fil-Baħar Mediterran, li temenda r-Rakkomandazzjoni GFCM/43/2019/1 (is-subżoni ġeografiċi minn 1 sa 27 tal-GFCM), li introduċiet l-iffriżar tal-isforz tas-sajd espress f’għadd massimu ta’ bastimenti tas-sajd tal-lampuki. Dik ir-Rakkomandazzjoni tawlet il-miżuri eżistenti għal sena. Jenħtieġ li dawk il-miżuri jiġu implimentati fid-dritt tal-Unjoni. |
|
(23) |
Fit-43 laqgħa annwali tagħha li saret fl-2019, il-GFCM adottat ir-Rakkomandazzjoni GFCM/43/2019/3 li temenda r-Rakkomandazzjoni GFCM/41/2017/4 dwar pjan ta’ ġestjoni pluriennali għas-sajd għall-barbun imperjali fil-Baħar l-Iswed (is-subżona ġeografika 29 tal-GFCM). Dik ir-rakkomandazzjoni introduċiet il-Qabda Totali Permissibbli (TAC) reġjonali aġġornata u skema ta’ allokazzjoni tal-kwoti għall-barbun imperjali, kif ukoll miżuri ta’ konservazzjoni ulterjuri, b’mod partikolari perijodu ta’ għeluq tas-sajd ta’ xahrejn u restrizzjoni fuq il-jiem tas-sajd ta’ 180 jum fis-sena. Dawn il-miżuri addizzjonali huma marbuta mil-lat funzjonali mal-opportunitajiet tas-sajd, peress li mingħajr dawk il-miżuri fis-seħħ, jenħtieġ li l-livell tat-TAC jitnaqqas biex jiġi żgurat l-irkupru tiegħu. Jenħtieġ li dawk il-miżuri jiġu implimentati fid-dritt tal-Unjoni. |
|
(24) |
F’konformità mal-parir xjentifiku mogħti mill-GFCM, jeħtieġ li jinżamm il-livell attwali ta’ mortalità mis-sajd biex tkun żgurata s-sostenibbiltà tal-istokk tal-laċċa kaħla fil-Baħar l-Iswed. Għalhekk huwa xieraq li tkompli tiġi stabbilita kwota awtonoma għal dak l-istokk. |
|
(25) |
Jenħtieġ li l-opportunitajiet tas-sajd jiġu stabbiliti abbażi tal-parir xjentifiku disponibbli, filwaqt li jitqiesu l-aspetti bijoloġiċi u soċjoekonomiċi, u filwaqt li jiġi żgurat trattament ġust bejn is-setturi tas-sajd, kif ukoll fid-dawl tal-opinjonijiet li jkunu ngħataw waqt il-konsultazzjoni mal-partijiet ikkonċernati. |
|
(26) |
L-użu tal-opportunitajiet tas-sajd disponibbli għall-bastimenti tas-sajd tal-Unjoni stabbiliti f’dan ir-Regolament huwa soġġett għar-Regolament tal-Kunsill (KE) Nru 1224/2009 (5), u b’mod partikolari l-Artikoli 33 u 34 ta’ dak ir-Regolament, li jittrattaw ir-reġistrazzjoni tal-qabdiet u tal-isforz tas-sajd u n-notifika tad-data dwar l-eżawriment tal-opportunitajiet tas-sajd. Għalhekk, jeħtieġ li jiġu speċifikati l-kodiċijiet li l-Istati Membri jridu jużaw meta jibagħtu d-data lill-Kummissjoni fir-rigward tal-ħatt l-art tal-istokkijiet soġġetti għal dan ir-Regolament. |
|
(27) |
L-użu tal-opportunitajiet tas-sajd disponibbli għall-bastimenti tas-sajd tal-Unjoni stabbiliti f’dan ir-Regolament huwa soġġett għar-Regolament (UE) Nru 1343/2011 tal-Parlament Ewropew u tal-Kunsill (6) li jimplimenta ċerti dispożizzjonijiet għas-sajd fiż-żona tal-Ftehim tal-GFCM. |
|
(28) |
Ir-Regolament tal-Kunsill (KE) Nru 847/96 (7) introduċa kundizzjonijiet addizzjonali għall-ġestjoni minn sena għal sena tat-TACs inkluż, skont l-Artikoli 3 u 4 ta’ dak ir-Regolament, dispożizzjonijiet dwar il-flessibbiltà għat-TACs prekawzjonarji u analitiċi. Skont l-Artikolu 2 ta’ dak ir-Regolament, meta jiġu ffissati t-TACs, il-Kunsill għandu jiddeċiedi liema huma l-istokkijiet li għalihom ma għandhomx japplikaw l-Artikoli 3 u 4 ta’ dak ir-Regolament, b’mod partikolari abbażi tal-istatus bijoloġiku tal-istokkijiet. Iktar reċentement, l-Artikolu 15(9) tar-Regolament (UE) Nru 1380/2013 daħħal il-mekkaniżmu tal-flessibbiltà ta’ sena b’sena għall-istokkijiet kollha li huma soġġetti għall-obbligu ta’ ħatt l-art. Għalhekk, sabiex tiġi evitata flessibbiltà eċċessiva li ddgħajjef il-prinċipju ta’ sfruttament razzjonali u responsabbli tar-riżorsi bijoloġiċi tal-baħar, li xxekkel il-kisba tal-objettivi tal-PKS u li twassal biex l-istatus bijoloġiku tal-istokkijiet jiddeterjora, jenħtieġ li jiġi stabbilit li l-Artikoli 3 u 4 tar-Regolament (KE) Nru 847/96 japplikaw għat-TACs analitiċi biss meta ma tintużax il-flessibbiltà ta’ sena b’sena prevista fl-Artikolu 15(9) tar-Regolament (UE) Nru 1380/2013. |
|
(29) |
Biex tiġi evitata l-interruzzjoni tal-attivitajiet tas-sajd u biex jiġi żgurat l-għajxien tas-sajjieda tal-Unjoni, jenħtieġ li dan ir-Regolament jibda japplika mill-1 ta’ Jannar 2022. Għal raġunijiet ta’ urġenza, jenħtieġ li dan ir-Regolament jidħol fis-seħħ minnufih wara li jiġi ppubblikat. |
|
(30) |
Jenħtieġ li l-opportunitajiet tas-sajd jintużaw f’konformità sħiħa mad-dritt tal-Unjoni, |
ADOTTA DAN IR-REGOLAMENT:
TITOLU 1
DISPOŻIZZJONIJIET ĠENERALI
Artikolu 1
Suġġett
Dan ir-Regolament jistabbilixxi l-opportunitajiet tas-sajd disponibbli fil-Baħar Mediterran u fil-Baħar l-Iswed għall-2022 għal ċerti stokkijiet tal-ħut u għal ċerti gruppi ta’ stokkijiet tal-ħut.
Artikolu 2
Kamp ta’ applikazzjoni
1. Dan ir-Regolament japplika għall-bastimenti tas-sajd tal-Unjoni li jistadu għall-istokkijiet tal-ħut li ġejjin:
|
(a) |
is-sallura Ewropea (Anguilla anguilla), il-qroll aħmar (Corallium rubrum) u l-lampuka (Coryphaena hippurus) fil-Baħar Mediterran, kif iddefinit fl-Artikolu 4(b); |
|
(b) |
il-gamblu blu u aħmar (Aristeus antennatus), il-gamblu abjad (Parapenaeus longirostris), il-gamblu aħmar kbir (Aristaeomorpha foliacea), il-merluzz (Merluccius merluccius), l-iskampu (Nephrops norvegicus) u t-trilja tal-ħama (Mullus barbatus) fil-Punent tal-Baħar Mediterran, kif iddefinit fl-Artikolu 4(c); |
|
(c) |
l-inċova (Engraulis encrasicolus) u s-sardina (Sardina pilchardus) fil-Baħar Adrijatiku, kif iddefinit fl-Artikolu 4(d); |
|
(d) |
il-merluzz (Merluccius merluccius), l-iskampu (Nephrops norvegicus), il-lingwata komuni (Solea solea), il-gamblu abjad (Parapenaeus longirostris), u t-trilja tal-ħama (Mullus barbatus) fil-Baħar Adrijatiku, kif iddefinit fl-Artikolu 4(d); |
|
(e) |
il-gamblu aħmar kbir (Aristaeomorpha foliacea) u l-gamblu blu u aħmar (Aristeus antennatus) fil-Fliegu ta’ Sqallija kif iddefinit fl-Artikolu 4(e), fil-Baħar Jonju kif iddefinit fl-Artikolu 4(f) u fil-Baħar Levantin kif iddefinit fl-Artikolu 4(g); |
|
(f) |
il-paġella ħamra (Pagellus bogaraveo) fil-Baħar Alboran, kif iddefinit fl-Artikolu 4(h); |
|
(g) |
il-laċċa kaħla (Sprattus sprattus) u l-barbun imperjali (Scophthalmus maximus) fil-Baħar l-Iswed, kif iddefinit fl-Artikolu 4(i). |
2. Dan ir-Regolament japplika wkoll għas-sajd rikreattiv meta dan jissemma b’mod espliċitu fid-dispożizzjonijiet rilevanti.
Artikolu 3
Definizzjonijiet
Għall-finijiet ta’ dan ir-Regolament, japplikaw id-definizzjonijiet stabbiliti fl-Artikolu 4 tar-Regolament (UE) Nru 1380/2013. Barra minn hekk, japplikaw id-definizzjonijiet li ġejjin:
|
(a) |
“ilmijiet internazzjonali” tfisser ilmijiet li ma jaqgħu taħt is-sovranità jew il-ġuriżdizzjoni tal-ebda Stat; |
|
(b) |
“sajd rikreattiv” tfisser attivitajiet tas-sajd mhux kummerċjali li jisfruttaw ir-riżorsi akkwatiċi ħajjin tal-baħar għar-rikreazzjoni, għat-turiżmu jew għall-isport; |
|
(c) |
“qabda totali permissibbli” (TAC) tfisser:
|
|
(d) |
“kwota” tfisser proporzjon mit-TAC allokata lill-Unjoni jew lil Stat Membru; |
|
(e) |
“kwota awtonoma tal-Unjoni” tfisser limitu tal-qbid allokat b’mod awtonomu lill-bastimenti tas-sajd tal-Unjoni meta ma jkunx hemm qbil dwar TAC; |
|
(f) |
“kwota analitika” tfisser kwota awtonoma tal-Unjoni li għaliha tkun disponibbli valutazzjoni analitika; |
|
(g) |
“valutazzjoni analitika” tfisser evalwazzjoni kwantitattiva tax-xejriet fi stokk partikolari, ibbażata fuq data dwar il-bijoloġija u l-isfruttament tal-istokk, li r-rieżami xjentifiku jkun indika li hija ta’ kwalità tajba biżżejjed biex abbażi tagħha jingħataw pariri xjentifiċi dwar l-għażliet għall-qabdiet fil-ġejjieni; |
|
(h) |
“irkaptu biex jinġemal-ħut” (FAD) tfisser kull tagħmir ankrat li jżomm fil-wiċċ tal-baħar bl-iskop li jattira l-ħut”. |
Artikolu 4
Żoni tas-sajd
Għall-finijiet ta’ dan ir-Regolament, japplikaw id-definizzjonijiet taż-żoni li ġejjin:
|
(a) |
“is-subżoni ġeografiċi tal-GFCM” tfisser iż-żoni ddefiniti fl-Anness I tar-Regolament (UE) Nru 1343/2011; |
|
(b) |
“il-Baħar Mediterran” tfisser l-ilmijiet tas-subżoni ġeografiċi 1 sa 27 tal-GFCM, kif iddefiniti fl-Anness I tar-Regolament (UE) Nru 1343/2011; |
|
(c) |
“il-Punent tal-Baħar Mediterran” tfisser l-ilmijiet tas-subżoni ġeografiċi 1, 2, 5, 6, 7, 8, 9, 10 u 11 tal-GFCM, kif iddefiniti fl-Anness I tar-Regolament (UE) Nru 1343/2011; |
|
(d) |
“il-Baħar Adrijatiku” tfisser l-ilmijiet tas-subżoni ġeografiċi 17 u 18 tal-GFCM, kif iddefiniti fl-Anness I tar-Regolament (UE) Nru 1343/2011; |
|
(e) |
“l-Istrett ta’ Sqallija” tfisser l-ilmijiet tas-subżoni ġeografiċi 12, 13, 14, 15 u 16, tal-GFCM, kif iddefiniti fl-Anness I tar-Regolament (UE) Nru 1343/2011; |
|
(f) |
“il-Baħar Jonju” tfisser l-ilmijiet tas-subżoni ġeografiċi 19, 20 u 21 tal-GFCM, kif iddefiniti fl-Anness I tar-Regolament (UE) Nru 1343/2011; |
|
(g) |
“il-Baħar Levantin” tfisser l-ilmijiet tas-subżoni ġeografiċi 24, 25, 26 u 27 tal-GFCM, kif iddefiniti fl-Anness I tar-Regolament (UE) Nru 1343/2011; |
|
(h) |
“il-Baħar Alboran” tfisser l-ilmijiet tas-subżoni ġeografiċi 1 sa 3 tal-GFCM, kif iddefiniti fl-Anness I tar-Regolament (UE) Nru 1343/2011; |
|
(i) |
“il-Baħar l-Iswed” tfisser l-ilmijiet tas-subżona ġeografika 29 tal-GFCM, kif iddefinita fl-Anness I tar-Regolament (UE) Nru 1343/2011. |
TITOLU II
OPPORTUNITAJIET TAS-SAJD
KAPITOLU I
Il-Baħar Mediterran
Artikolu 5
Sallura Ewropea
1. Dan l-Artikolu japplika għall-attivitajiet kollha mill-bastimenti tas-sajd tal-Unjoni u għal attivitajiet oħra tas-sajd tal-Unjoni li jaqbdu s-sallura Ewropea (Anguilla anguilla), jiġifieri sajd immirat, inċidentali u rikreattiv, fl-ilmijiet kollha tal-Mediterran, inkluż l-ilmijiet ħelwin u salmastri ta’ tranżizzjoni, bħal laguni u estwarji.
2. Il-bastimenti tas-sajd tal-Unjoni għandhom ikunu pprojbiti milli jistadu għas-sallura Ewropea fl-ilmijiet tal-Unjoni u fl-ilmijiet internazzjonali tal-Mediterran għal perijodu ta’ tliet xhur konsekuttivi li kull Stat Membru jrid jistabbilixxi. Il-perijodu magħluq għas-sajd għandu jkun konsistenti mal-objettivi ta’ konservazzjoni stabbiliti fir-Regolament (KE) Nru 1100/2007, mal-pjanijiet nazzjonali ta’ ġestjoni li jkunu fis-seħħ u max-xejriet temporali tal-migrazzjoni tas-sallura Ewropea fl-Istati Membri kkonċernati. L-Istati Membri għandhom javżaw lill-Kummissjoni bil-perijodu stabbilit sa mhux aktar tard minn xahar qabel ma jidħol fis-seħħ il-perijodu magħluq għas-sajd u, fi kwalunkwe każ, sa mhux aktar tard mill-31 ta’ Jannar 2022.
3. L-Istati Membri ma għandhomx jaqbżu l-livell massimu ta’ qabdiet jew ta’ sforz tas-sajd tas-sallura Ewropea stabbiliti u implimentati permezz tal-pjanijiet ta’ ġestjoni nazzjonali tagħhom, adottati f’konformità mal-Artikoli 2 u 4 tar-Regolament (KE) Nru 1100/2007.
Artikolu 6
Qroll aħmar
1. Dan l-Artikolu japplika għall-attivitajiet kollha mill-bastimenti tas-sajd tal-Unjoni u għal attivitajiet oħra tas-sajd tal-Unjoni għall-ħsad tal-qroll aħmar (Corallium rubrum), jiġifieri sajd immirat u rikreattiv fil-Mediterran.
2. Għas-sajd immirat, in-numru massimu ta’ awtorizzazzjonijiet tas-sajd u l-kwantitajiet massimi ta’ stokkijiet tal-qroll aħmar maħsuda mill-bastimenti tas-sajd tal-Unjoni u l-attivitajiet ta’ ħsad tal-Unjoni ma għandhomx jaqbżu l-livelli stabbiliti fl-Anness I.
3. Il-bastimenti tas-sajd tal-Unjoni li huma soġġetti għall-paragrafu 2 għandhom ikunu pprojbiti milli jittrasbordaw qroll aħmar fuq il-baħar.
4. Għas-sajd rikreattiv, l-Istati Membri għandhom jieħdu l-miżuri meħtieġa biex jipprojbixxu l-qabda u ż-żamma abbord, it-trażbord jew il-ħatt l-art tal-qroll aħmar.
Artikolu 7
Lampuka
1. Dan l-Artikolu japplika għall-attivitajiet kummerċjali kollha minn bastimenti tas-sajd tal-Unjoni u għal attivitajiet oħra tas-sajd tal-Unjoni li jużaw irkaptu sabiex jinġemal-ħut għall-qbid tal-lampuki (Coryphaena hippurus), fl-ilmijiet internazzjonali tal-Baħar Mediterran.
2. L-għadd massimu ta’ bastimenti tas-sajd tal-Unjoni awtorizzati jistadu għal-lampuki huwa stabbilit fl-Anness II.
KAPITOLU II
Il-Punent tal-Baħar Mediterran
Artikolu 8
Stokkijiet tal-ħut tal-qiegħ
1. Dan l-Artikolu japplika għall-attivitajiet kollha mill-bastimenti tas-sajd tal-Unjoni u għal attivitajiet oħra tas-sajd tal-Unjoni għall-istokkijiet tal-ħut tal-qiegħ imsemmija fl-Artikolu 1(2) tar-Regolament (UE) 2019/1022, fil-Punent tal-Baħar Mediterran.
2. L-isforz tas-sajd massimu permissibbli għall-bastimenti tat-tkarkir u l-bastimenti tas-sajd bil-konz huwa stipulat fl-Anness III għal dan ir-Regolament. L-Istati Membri għandhom jimmaniġġjaw l-isforz tas-sajd massimu permissibbli f’konformità mal-Artikolu 9 tar-Regolament (UE) 2019/1022.
3. L-allokazzjoni fost l-Istati Membri tal-limiti massimi tal-qbid għall-bastimenti tas-sajd tal-Unjoni fl-ilmijiet tal-Unjoni tal-Punent tal-Baħar Mediterran hija stipulata fl-Anness III.
4. Dispożizzjonijiet speċjali dwar l-allokazzjonijiet tal-opportunitajiet tas-sajd:
|
(a) |
L-allokazzjoni tal-opportunitajiet tas-sajd mill-Istati Membri, kif stabbiliti f’dan ir-Regolament, għandha tkun f’konformità mal-kriterji stabbiliti fl-Artikolu 17 tar-Regolament (UE) Nru 1380/2013. |
|
(b) |
L-allokazzjoni tal-opportunitajiet tas-sajd fost l-Istati Membri, kif stabbilit f’dan ir-Regolament, għandha tkun mingħajr preġudizzju għal:
|
Artikolu 9
Trażmissjoni tad-data
L-Istati Membri għandhom jirreġistraw id-data dwar l-isforz tas-sajd u jibagħtuha lill-Kummissjoni f’konformità mal-Artikolu 10 tar-Regolament (UE) 2019/1022.
Meta tiġi sottomessa d-data dwar l-isforz tas-sajd lill-Kummissjoni f’konformità ma’ dan l-Artikolu, l-Istati Membri għandhom jużaw il-kodiċijiet tal-gruppi tal-isforz tas-sajd stabbiliti fl-Anness III.
KAPITOLU III
Il-Baħar Adrijatiku
Artikolu 10
Stokkijiet pelaġiċi żgħar
1. Dan l-Artikolu japplika għall-attivitajiet kollha mill-bastimenti tas-sajd tal-Unjoni u għal attivitajiet oħra tas-sajd tal-Unjoni għall-qbid tas-sardina (Sardina pilchardus) u tal-inċova (Engraulis encrasicolus) fil-Baħar Adrijatiku.
2. Il-livell massimu ta’ qabdiet ma għandux jaqbeż il-livelli stabbiliti fl-Anness IV.
3. Il-kapaċità massima tal-flotta, espressa f’kW, GT u l-għadd ta’ bastimenti tas-sajd tal-Unjoni awtorizzati jistadu għall-istokkijiet pelaġiċi żgħar huwa stabbilit fl-Anness IV.
Artikolu 11
Stokkijiet tal-ħut tal-qiegħ
1. Dan l-Artikolu japplika għall-attivitajiet kollha minn bastimenti tas-sajd tal-Unjoni u għal attivitajiet oħra tas-sajd tal-Unjoni li jaqbdu l-merluzz (Merluccius merluccius), l-iskampu (Nephrops norvegicus), il-lingwata komuni (Solea solea), il-gamblu abjad (Parapenaeus longirostris) u t-trilja tal-ħama (Mullus barbatus) fil-Baħar Adrijatiku.
2. L-isforz tas-sajd massimu permissibbli u l-kapaċità massima tal-flotta għall-istokkijiet ta’ ħut tal-qiegħ fi ħdan il-kamp ta’ applikazzjoni ta’ dan l-Artikolu huma stabbiliti fl-Anness IV.
3. Stat Membru jista’ jemenda l-allokazzjoni tal-isforz tas-sajd tiegħu kif stabbilita fl-Anness IV billi jittrasferixxi l-jiem tas-sajd minn grupp ta’ sforz tas-sajd għal ieħor fl-istess żona ġeografika u/jew irkapti, dment li japplika fattur ta’ konverżjoni nazzjonali li jkun appoġġat mill-aqwa parir xjentifiku disponibbli.
4. L-Istati Membri għandhom jimmaniġġjaw l-isforz massimu permissibbli f’konformità mal-Artikoli 26 sa 35 tar-Regolament (KE) Nru 1224/2009.
Artikolu 12
Trażmissjoni tad-data
Meta l-Istati Membri jissottomettu lill-Kummissjoni d-data marbuta mal-ħatt l-art tal-kwantitajiet tal-istokkijiet li jkunu qabdu skont l-Artikoli 33 u 34 tar-Regolament (KE) Nru 1224/2009, huma għandhom jużaw il-kodiċijiet tal-istokkijiet stabbiliti fl-Anness IV.
KAPITOLU IV
Il-Baħar Jonju, il-Baħar Levantin u l-Fliegu ta’ Sqallija
Artikolu 13
1. Dan l-Artikolu japplika għall-attivitajiet kollha mill-bastimenti tas-sajd tal-Unjoni u għal attivitajiet oħra tas-sajd tal-Unjoni li jaqbdu l-gamblu aħmar kbir (Aristaeomorpha foliacea) u l-gamblu blu u aħmar (Aristeus antennatus), fil-Baħar Jonju, fil-Baħar Levantin u fil-Fliegu ta’ Sqallija.
2. In-numru massimu ta’ bastimenti tat-tkarkir tal-qiegħ awtorizzati jistadu għall-istokkijiet ta’ ħut tal-qiegħ huwa stipulat fl-Anness V.
KAPITOLU V
Il-Baħar Alboran
Artikolu 14
1. Dan l-Artikolu japplika għas-sajd kummerċjali bil-konz u bix-xlief minn bastimenti tas-sajd tal-Unjoni li jaqbdu l-paġella ħamra (Pagellus bogaraveo) fil-Baħar Alboran.
2. Il-livell massimu ta’ qabdiet ma għandux jaqbeż il-livelli stabbiliti fl-Anness VI.
KAPITOLU VI
Il-Baħar l-Iswed
Artikolu 15
Allokazzjoni tal-opportunitajiet tas-sajd għal-laċċa kaħla
1. Dan l-Artikolu japplika għall-attivitajiet kollha mill-bastimenti tas-sajd tal-Unjoni u għal attivitajiet oħra tas-sajd tal-Unjoni li jaqbdu l-laċċa kaħla (Sprattus sprattus) fil-Baħar l-Iswed.
2. Il-kwota awtonoma tal-Unjoni għal-laċċa kaħla, l-allokazzjoni tat-tali kwota fost l-Istati Membri u l-kundizzjonijiet marbutin magħhom mil-lat funzjonali, meta dan ikun xieraq, huma stabbiliti fl-Anness VII.
Artikolu 16
Allokazzjoni tal-opportunitajiet tas-sajd għall-barbun imperjali
1. Dan l-Artikolu japplika għall-attivitajiet kollha mill-bastimenti tas-sajd tal-Unjoni u għal attivitajiet oħra tas-sajd tal-Unjoni li jaqbdu l-barbun imperjali (Scophthalmus maximus) fil-Baħar l-Iswed.
2. It-TAC għall-barbun imperjali applikabbli fl-ilmijiet tal-Unjoni li jinsabu fil-Baħar l-Iswed u l-allokazzjoni tat-tali TAC fost l-Istati Membri, kif ukoll il-kundizzjonijiet marbutin magħhom mil-lat funzjonali, meta dan ikun xieraq, huma stabbiliti fl-Anness VII.
Artikolu 17
Ġestjoni tal-isforz tas-sajd għall-barbun imperjali
Il-bastimenti tas-sajd tal-Unjoni li huma awtorizzati jistadu għall-barbun imperjali fi ħdan il-kamp ta’ applikazzjoni tal-Artikolu 16 ma għandhomx jistadu għal aktar minn 180 jum ta’ sajd fis-sena, irrispettivament mit-tul totali tagħhom.
Artikolu 18
Perijodu ta’ għeluq tas-sajd għall-barbun imperjali
Mill-15 ta’ April sal-15 ta’ Ġunju, il-bastimenti tas-sajd tal-Unjoni għandhom ikunu pprojbiti milli jwettqu kull attività tas-sajd, inkluż it-trażbord, iż-żamma abbord, ħatt l-art u l-ewwel bejgħ tal-barbun imperjali, fl-ilmijiet tal-Unjoni li jinsabu fil-Baħar l-Iswed.
Artikolu 19
Dispożizzjonijiet speċjali dwar l-allokazzjonijiet tal-opportunitajiet tas-sajd fil-Baħar l-Iswed
1. L-allokazzjoni tal-opportunitajiet tas-sajd fost l-Istati Membri kif stabbilit fl-Artikoli 15 u 16 ta’ dan ir-Regolament għandha tkun mingħajr preġudizzju għall-affarijiet li ġejjin:
|
(a) |
l-iskambji li jsiru skont l-Artikolu 16(8) tar-Regolament (UE) Nru 1380/2013; |
|
(b) |
it-tnaqqis u għar-riallokazzjonijiet li jsiru skont l-Artikolu 37 tar-Regolament (KE) Nru 1224/2009; u |
|
(c) |
it-tnaqqis li jsir skont l-Artikoli 105 u 107 tar-Regolament (KE) Nru 1224/2009. |
2. L-Artikoli 3 u 4 tar-Regolament (KE) Nru 847/96 ma għandhomx japplikaw meta Stat Membru juża l-flessibbiltà minn sena għal sena prevista fl-Artikolu 15(9) tar-Regolament (UE) Nru 1380/2013.
Artikolu 20
Trażmissjoni tad-data
Meta l-Istati Membri jissottomettu lill-Kummissjoni d-data marbuta mal-ħatt l-art tal-kwantitajiet tal-istokkijiet tal-laċċa kaħla u tal-barbun imperjali li jkunu qabdu fl-ilmijiet tal-Unjoni li jinsabu fil-Baħar l-Iswed skont l-Artikoli 33 u 34 tar-Regolament (KE) Nru 1224/2009, huma għandhom jużaw il-kodiċijiet tal-istokkijiet stabbiliti fl-Anness VII.
TITOLU III
DISPOŻIZZJONIJIET FINALI
Artikolu 21
Dħul fis-seħħ
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Huwa għandu japplika mill-1 ta’ Jannar 2022.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta’ Jannar 2022.
Għall-Kunsill
Il-President
J.-Y. LE DRIAN
(1) Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).
(2) Ir-Regolament (UE) 2019/1022 tal-Parlament Ewropew u tal-Kunsill tal-20 ta’ Ġunju 2019 li jistabbilixxi pjan pluriennali għas-sajd li jisfrutta l-istokkijiet tal-ħut tal-qiegħ fil-Punent tal-Mediterran u li jemenda r-Regolament (UE) Nru 508/2014 (ĠU L 172, 26.6.2019, p. 1).
(3) Ir-Regolament tal-Kunsill (UE) 2021/90 tat-28 ta’ Jannar 2021 li jistabbilixxi l-opportunitajiet tas-sajd għal ċerti stokkijiet tal-ħut u għal ċerti gruppi ta’ stokkijiet tal-ħut applikabbli fil-Mediterran u fil-Baħar l-Iswed għall-2021 (ĠU L 31, 29.1.2021, p. 1).
(4) Ir-Regolament tal-Kunsill (KE) Nru 1100/2007 tat-18 ta’ Settembru 2007 li jistabbilixxi miżuri għall-irkupru tal-istokk tas-sallura Ewropea (ĠU L 248, 22.9.2007, p. 17).
(5) Ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-politika komuni tas-sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, p. 1)
(6) Ir-Regolament (UE) Nru 1343/2011 tal-Parlament Ewropew u tal-Kunsill tat-13 ta’ Diċembru 2011 dwar ċerti dispożizzjonijiet għas-sajd fiż-żona tal-Ftehim tal-GFCM (Kummissjoni Ġenerali tas-Sajd għall-Baħar Mediterran) u li jemenda r-Regolament tal-Kunsill (KE) Nru 1967/2006 dwar miżuri ta’ ġestjoni għall-isfruttament sostenibbli ta’ riżorsi tas-sajd fil-Baħar Mediterran (ĠU L 347, 30.12.2011, p. 44).
(7) Ir-Regolament tal-Kunsill (KE) Nru 847/96 tas-6 ta’ Mejju 1996 li jintroduċi kondizzjonijiet addizzjonali għal tmexxija minn sena għal sena tal-TAC u l-kwoti (ĠU L 115, 9.5.1996, p. 3).
ANNESS I
OPPORTUNITAJIET TAS-SAJD GĦALL-BASTIMENTI TAS-SAJD TAL-UNJONI FIL-KUNTEST TAL-PJAN TA’ ĠESTJONI PLURIENNALI TAL-KUMMISSJONI ĠENERALI TAS-SAJD GĦALL-MEDITERRAN GĦALL-QROLL AĦMAR FIL-BAĦAR MEDITERRAN
It-tabelli f’dan l-Anness jistabbilixxu l-għadd massimu permissibbli ta’ awtorizzazzjonijiet tas-sajd u l-livell massimu ta’ kwantitajiet maħsuda tal-qroll aħmar fil-Baħar Mediterran.
Ir-referenza għaż-żoni tas-sajd huma referenzi għas-subżoni ġeografiċi (GSAs) tal-Kummissjoni Ġenerali tas-Sajd għall-Mediterran (GFCM).
Għall-finijiet ta’ dan l-Anness, qed tingħata t-tabella komparattiva li ġejja bl-ismijiet bil-Latin u bl-ismijiet komuni tal-istokkijiet tal-ħut:
|
Isem xjentifiku |
Kodiċi alfa-3 |
Isem komuni |
|
Corallium rubrum |
COL |
Qroll aħmar |
Tabella 1.
Għadd massimu ta’ awtorizzazzjonijiet tas-sajd (1)
|
Stati Membri |
Qroll aħmar COL |
|
Greċja |
12 |
|
Spanja |
0 (2) |
|
Franza |
32 |
|
Kroazja |
28 |
|
Italja |
40 |
Tabella 2.
Il-livell massimu ta’ kwantitajiet maħsuda espressi f’tunnellati ta’ piż ħaj
|
Speċi: |
Qroll aħmar Corallium rubrum |
Żona: |
L-ilmijiet tal-Unjoni fil-Baħar Mediterran - subżoni ġeografiċi 1-27 COL/GF1-27 |
|
|
Greċja |
1,844 |
|
L-Artikolu 3 tar-Regolament (KE) Nru 847/96 ma għandux japplika. L-Artikolu 4 tar-Regolament (KE) Nru 847/96 ma għandux japplika. |
|
|
Spanja |
0 (2) |
|
||
|
Franza |
1,400 |
|
||
|
Kroazja |
1,226 |
|
||
|
Italja |
1,378 |
|
||
|
Unjoni |
5,848 |
|
||
|
TAC |
Mhix rilevanti/Ma hemmx qbil dwarha |
|||
(1) Li jirrappreżenta l-għadd ta’ bastimenti u/jew bugħaddasa, jew l-abbinament ta’ għaddas wieħed ma’ bastiment wieħed, awtorizzati biex jaħsdu l-qroll aħmar.
(2) Skont il-projbizzjoni temporanja għas-sajd tal-qroll aħmar stabbilit fl-ilmijiet Spanjoli.
ANNESS II
L-ISFORZ TAS-SAJD GĦALL-BASTIMENTI TAS-SAJD TAL-UNJONI FIL-KUNTEST TAL-ĠESTJONI TAL-ISTOKKIJIET TAL-LAMPUKA FIL-BAĦAR MEDITERRAN
It-tabella f’dan l-Anness tistabbilixxi l-għadd massimu ta’ bastimenti tas-sajd tal-Unjoni awtorizzati li jistadu għal-lampuki fl-ilmijiet internazzjonali tal-Baħar Mediterran.
Ir-referenzi għaż-żoni tas-sajd huma referenzi għall-ilmijiet internazzjonali tal-Baħar Mediterran.
Għall-finijiet ta’ dan l-Anness, qed tingħata t-tabella komparattiva li ġejja bl-ismijiet bil-Latin u bl-ismijiet komuni tal-istokkijiet tal-ħut:
|
Isem xjentifiku |
Kodiċi alfa-3 |
Isem komuni |
|
Coryphaena hippurus |
DOL |
Lampuka |
Għadd massimu ta’ awtorizzazzjonijiet tas-sajd għal bastimenti li joperaw f’ilmijiet internazzjonali (1)
|
Stat Membru |
Lampuka DOL |
|
Italja |
797 |
|
Malta |
130 |
(1) Din il-kwota tista’ tiġi mistada biss bejn il-15 ta’ Awwissu u l-31 ta’ Diċembru 2022 f’konformità mar-Regolament (UE) Nru 1343/2011.
ANNESS III
L-OPPORTUNITAJIET TAS-SAJD GĦALL-BASTIMENTI TAS-SAJD TAL-UNJONI FIL-KUNTEST TAL-ĠESTJONI TAL-ISTOKKIJIET TAL-ĦUT TAL-QIEGĦ FIL-PUNENT TAL-BAĦAR MEDITERRAN
It-tabelli f’dan l-Anness jistabbilixxu l-isforz tas-sajd massimu permissibbli (f’jiem tas-sajd) skont il-gruppi tal-istokkijiet, kif definit fl-Artikolu 1 tar-Regolament (UE) 2019/1022, il-limiti massimi tal-qbid u t-tul globali tal-bastimenti tat-tkarkir kollha (1) u għall-konzijiet tal-qiegħ li jistadu għall-istokkijiet tal-ħut tal-qiegħ fil-Punent tal-Mediterran.
L-opportunitajiet tas-sajd kollha stabbiliti f’dan l-Anness għandhom japplikaw ir-regoli stabbiliti fir-Regolament (UE) 2019/1022 u fl-Artikoli 26 sa 35 tar-Regolament (KE) Nru 1224/2009.
Ir-referenza għaż-żoni tas-sajd huma referenzi għaġ-ĠSAs tal-GFCM.
Għall-finijiet ta’ dan l-Anness, qed tingħata t-tabella komparattiva li ġejja bl-ismijiet bil-Latin u bl-ismijiet komuni tal-istokkijiet tal-ħut:
|
Isem xjentifiku |
Kodiċi alfa-3 |
Isem komuni |
|
Aristaeomorpha foliacea |
ARS |
Gamblu aħmar kbir |
|
Aristeus antennatus |
ARA |
Gamblu blu u aħmar |
|
Merluccius merluccius |
HKE |
Merluzz |
|
Mullus barbatus |
MUT |
Trilja tal-ħama |
|
Nephrops norvegicus |
NEP |
Skampu |
|
Parapenaeus longirostris |
DPS |
Gamblu abjad |
L-isforz tas-sajd massimu permissibbli f’jiem tas-sajd
|
(a) |
Bastimenti tat-tkarkir fil-Baħar Alboran, fil-Gżejjer Baleariċi, fit-Tramuntana ta’ Spanja u fil-Golf tal-Iljuni (subżoni ġeografiċi 1-2-5-6-7) (2)
|
|
(b) |
Bastimenti tat-tkarkir fil-Gżira ta’ Korsika, fil-Baħar tal-Ligurja, fil-Baħar Tirren u fil-gżira ta’ Sardinja (subżoni ġeografiċi 8-9-10-11) (3)
|
|
(c) |
Bastimenti tas-sajd bil-konz tal-ħut tal-qiegħ fil-Baħar Alboran, fil-Gżejjer Baleariċi, fit-Tramuntana ta’ Spanja u fil-Golf tal-Iljuni (subżoni ġeografiċi 1-2-5-6-7)
|
|
(d) |
Bastimenti tas-sajd bil-konz tal-ħut tal-qiegħ fil-Gżira ta’ Korsika, fil-Baħar tal-Ligurja, fil-Baħar Tirren u f’Sardinja (subżoni ġeografiċi 8-9-10-11)
|
Limitu massimu tal-qbid
|
(e) |
opportunitajiet tas-sajd għall-gamblu blu u aħmar (Aristeus antennatus) fil-Baħar Alboran, fil-Gżejjer Baleariċi, fit-Tramuntana ta’ Spanja u fil-Golf tal-Iljuni (subżoni ġeografiċi 1-2-5-6-7) espress bħala livell massimu tal-qabdiet f’tunnellati ta’ piż ħaj
|
||||||||||||||||||||||||||||||
|
(f) |
Opportunitajiet tas-sajd għall-gamblu blu u aħmar (Aristeus antennatus) u gamblu aħmar kbir (Aristaeomorpha foliacea) fil-Gżira ta’ Korsika, fil-Baħar tal-Ligurja, fil-Baħar Tirren u fil-Gżira ta’ Sardinja (subżoni ġeografiċi 8-9-10-11) espressi bħala livell massimu tal-qabdiet f’tunnellati ta’ piż ħaj
|
||||||||||||||||||||||||||||||||||||||||||||||||||||||||||||
(1) TBB, OTB, PTB, TBN, TBS, TB, OTM, PTM, TMS, TM, OTT, OT, PT, TX, OTP, TSP.
(2) Minbarra l-isforz tas-sajd massimu permissibbli msemmi hawn fuq għall-bastimenti tat-tkarkir, Stat Membru jista’ jagħti lill-bastimenti li jtajru l-bandiera tiegħu allokazzjoni addizzjonali ta’ jiem tas-sajd f’total ta’ 2 % tal-isforz tas-sajd ta’ dak l-Istat Membru għat-taqsima tal-flotta kkonċernata. Stat Membru jista’ jagħmel dan, sakemm:
|
a) |
dawk il-bastimenti jużaw xibka tat-tkarkir b’manka b’malji kwadri ta’ 45 mm sabiex inaqqsu b’mill-inqas 25 % tal-qabdiet ta’ ħut żgħir ta’ merluzz; jew |
|
b) |
dawk il-bastimenti jużaw xibka tat-tkarkir b’manka b’daqs tal-malja ta’ 50 mm daqs tal-malja kwadra għas-sajd fl-ilmijiet fondi sabiex inaqqsu b’mill-inqas 25 % tal-qabdiet ta’ gambli blu u ħomor b’tul tal-karapaċa (CL) ta’ inqas minn 25 mm fis-subżoni ġeografiċi 1, 2, 5, 6, 7, 8, 9, 10 u 11 u biex inaqqsu b’mill-inqas 25 % tal-qabdiet ta’ gambli ħomor ġganti fis-subżoni ġeografiċi 8, 9, 10 u 11 inqas minn 35 mm CL; jew |
|
c) |
dawk il-bastimenti jużaw irkaptu regolat selettiv ħafna, li l-ispeċifikazzjonijiet tekniċi tiegħu jirriżultaw, skont l-istudju xjentifiku mill-STECF, f’mill-inqas tnaqqis ta’ 25 % ta’ ħut li għadu qed jikber jew ta’ mill-inqas 20 % tal-qabdiet tal-ispeċijiet tal-qiegħ kollha meta mqabbla mal-2020; jew |
|
d) |
l-Istat Membru kkonċernat ikun adotta żoni ta’ għeluq temporanju sabiex inaqqas b’mill-inqas 25 % il-qabdiet ta’ ħut li għadu qed jikber ta’ speċijiet tal-qiegħ jew mill-inqas 20 % tal-qabdiet tal-ispeċijiet tal-qiegħ kollha. |
L-Istat Membru kkonċernat għandu jinnotifika lill-Kummissjoni bil-lista tal-bastimenti tas-sajd ikkonċernati minn tali allokazzjoni addizzjonali ta’ jiem tas-sajd. L-Istat Membru kkonċernat għandu jinnotifika wkoll b’mod separat kull xahar lill-Kummissjoni l-allokazzjoni addizzjonali
L-Istat Membru kkonċernat għandu jippreżenta lill-Kummissjoni, sa mhux aktar tard mill-15 ta’ Ottubru, l-informazzjoni kollha disponibbli relatata mal-implimentazzjoni tal-miżuri msemmija fil-paragrafu a), b), c) jew d).
It-2 % globali tal-isforz tas-sajd għandu jiġi kkalkulat mill-allokazzjoni tal-isforz tas-segment tal-flotta kkonċernata mid-data tan-notifika tal-Istat Membru kkonċernat.
(3) Minbarra l-isforz tas-sajd massimu permissibbli msemmi hawn fuq għall-bastimenti tat-tkarkir, Stat Membru jista’ jagħti lill-bastimenti li jtajru l-bandiera tiegħu allokazzjoni addizzjonali ta’ jiem tas-sajd f’total ta’ 2 % tal-isforz tas-sajd ta’ dak l-Istat Membru għat-taqsima tal-flotta kkonċernata. Stat Membru jista’ jagħmel dan, sakemm:
|
a) |
dawk il-bastimenti jużaw xibka tat-tkarkir b’manka b’malji kwadri ta’ 45 mm sabiex inaqqsu b’mill-inqas 25 % tal-qabdiet ta’ ħut żgħir ta’ merluzz; jew |
|
b) |
dawk il-bastimenti jużaw xibka tat-tkarkir b’manka b’daqs tal-malja ta’ 50 mm daqs tal-malja kwadra għas-sajd fl-ilmijiet fondi sabiex inaqqsu b’mill-inqas 25 % tal-qabdiet ta’ gambli blu u ħomor b’CL ta’ inqas minn 25 mm fis-subżoni ġeografiċi 1, 2, 5, 6, 7, 8, 9, 10 u 11 u biex inaqqsu b’mill-inqas 25 % tal-qabdiet ta’ gambli ħomor ġganti fis-subżoni ġeografiċi 8, 9, 10 u 11 inqas minn 35 mm CL; jew |
|
c) |
dawk il-bastimenti jużaw irkaptu regolat selettiv ħafna, li l-ispeċifikazzjonijiet tekniċi tiegħu jirriżultaw, skont l-istudju xjentifiku mill-STECF, f’mill-inqas tnaqqis ta’ 25 % ta’ ħut li għadu qed jikber jew ta’ mill-inqas 20 % tal-qabdiet tal-ispeċijiet tal-qiegħ kollha meta mqabbla mal-2020; jew |
|
d) |
l-Istat Membru kkonċernat ikun adotta żoni ta’ għeluq temporanju sabiex inaqqas b’mill-inqas 25 % il-qabdiet ta’ ħut li għadu qed jikber ta’ speċijiet tal-qiegħ jew mill-inqas 20 % tal-qabdiet tal-ispeċijiet tal-qiegħ kollha. |
L-Istat Membru kkonċernat għandu jinnotifika lill-Kummissjoni bil-lista tal-bastimenti tas-sajd ikkonċernati minn tali allokazzjoni addizzjonali ta’ jiem tas-sajd. L-Istat Membru kkonċernat għandu jinnotifika wkoll b’mod separat kull xahar lill-Kummissjoni l-allokazzjoni addizzjonali.
L-Istat Membru kkonċernat għandu jippreżenta lill-Kummissjoni, sa mhux aktar tard mill-15 ta’ Ottubru, l-informazzjoni kollha disponibbli relatata mal-implimentazzjoni tal-miżuri msemmija fil-paragrafu a), b), c) jew d).
It-2 % globali tal-isforz tas-sajd għandu jiġi kkalkulat mill-allokazzjoni tal-isforz tas-segment tal-flotta kkonċernata mid-data tan-notifika tal-Istat Membru kkonċernat.
ANNEX IV
L-OPPORTUNITAJIET TAS-SAJD GĦALL-BASTIMENTI TAS-SAJD TAL-UNJONI FIL-BAĦAR ADRIJATIKU
It-tabelli mogħtija f’dan l-Anness jistabbilixxu l-opportunitajiet tas-sajd skont il-gruppi tal-istokkijiet jew il-gruppi ta’ sforz tal-bastimenti u l-kundizzjonijiet li huma marbutin magħhom mil-lat funzjonali, fejn ikun xieraq, inkluż in-numru massimu ta’ bastimenti tas-sajd tal-Unjoni awtorizzati jistadu għall-pelaġiċi żgħar.
Għall-opportunitajiet kollha tas-sajd stabbiliti f’dan l-Anness għandhom japplikaw ir-regoli stabbiliti fl-Artikoli 26 sa 35 tar-Regolament (KE) Nru 1224/2009.
Ir-referenza għaż-żoni tas-sajd huma referenzi għas-subżoni ġeografiċi tal-GFCM.
Għall-finijiet ta’ dan l-Anness, qed tingħata t-tabella komparattiva li ġejja bl-ismijiet bil-Latin u bl-ismijiet komuni:
|
Isem xjentifiku |
Kodiċi alfa-3 |
Isem komuni |
|
Engraulis encrasicolus |
ANE |
Inċova |
|
Merluccius merluccius |
HKE |
Merluzz |
|
Mullus barbatus |
MUT |
Trilja tal-ħama |
|
Nephrops norvegicus |
NEP |
Skampu |
|
Parapenaeus longirostris |
DPS |
Gamblu abjad |
|
Sardina pilchardus |
PIL |
Sardina |
|
Solea solea |
SOL |
Lingwata komuni |
1. L-istokkijiet pelaġiċi żgħar – subżoni ġeografiċi 17 u 18
Il-livell massimu tal-qabdiet espress f’tunnellati ta’ piż ħaj
|
Speċi: |
L-ispeċijiet pelaġiċi ż-żgħar (l-inċova u s-sardina) Engraulis encrasicolus u Sardina pilchardus |
Żona: |
L-ilmijiet tal-Unjoni u dawk internazzjonali tas-subżoni ġeografiċi 17 u 18 tal-GFCM (SP1/GF1718) |
|
|
Italja |
35 394 |
Il-livell massimu tal-qabdiet L-Artikolu 3 tar-Regolament (KE) Nru 847/96 ma għandux japplika L-Artikolu 4 tar-Regolament (KE) Nru 847/96 ma għandux japplika |
||
|
Kroazja |
56 304 |
|||
|
TAC |
Mhix rilevanti |
|||
Il-kapaċità massima tal-flotta ta’ bastimenti tat-tkarkir u bastimenti tas-sajd bit-tartarun tal-borża li jistadu b’mod attiv għal speċijiet pelaġiċi żgħar
|
Stat Membru |
Irkaptu |
Għadd ta’ bastimenti |
kW |
GT |
|
Kroazja |
PS |
249 |
77 145,52 |
18 537,72 |
|
Italja |
PTM-OTS-PS |
685 |
134 556,7 |
25 852 |
|
Slovenja (2) |
PS |
4 |
433,7 |
38,5 |
2. L-istokkijiet tal-ħut tal-qiegħ – is-subżoni ġeografiċi 17 u 18
L-isforz massimu permissibbli tas-sajd (f’jiem tas-sajd) skont it-tipi ta’ xbieki tat-tkarkir u s-segment tal-flotta li jistadu għal stokkijiet tal-ħut tal-qiegħ fis-subżoni ġeografiċi 17 u 18 (il-Baħar Adrijatiku).
|
|
|
|
|
|
Jiem tas-sajd 2022 |
||
|
Tip ta’ rkaptu |
Żona ġeografika |
Stokkijiet ikkonċernati |
Tul totali tal-bastimenti |
Kodiċi tal-grupp tal-isforz |
ITALJA |
KROAZJA |
SLOVENJA (3) |
|
Ix-xbieki tat-tkarkir (OTB) |
Is-subżoni 17-18 tal-GFCM |
Trilja tal-ħama; Merluzz; Gamblu abjad, u skampu |
< 12 m |
EFF/MED3_OTB_TR1 |
3 521 |
10 388 |
|
|
≥ 12 m u < 24 m |
EFF/MED3_OTB_TR2 |
79 139 |
24 202 |
|
|||
|
≥ 24 metru |
EFF/MED3_OTB_TR3 |
6 934 |
2 173 |
|
|||
|
Ix-xbieki tat-tkarkir bi travu (TBB) |
Is-subżona 17 tal-GFCM |
Lingwata komuni |
< 12 m |
EFF/MED3_TBB_TR1 |
200 |
0 |
|
|
≥ 12 m u < 24 m |
EFF/MED3_TBB_TR2 |
3 747 |
0 |
|
|||
|
≥ 24 metru |
EFF/MED3_TBB_TR3 |
3 726 |
0 |
|
|||
Il-kapaċità massima tal-flotta tal-bastimenti tat-tkarkir tal-qiegħ u tal-bastimenti bi xbieki tat-tkarkir bi travu awtorizzati għas-sajd tal-istokkijiet tal-ħut tal-qiegħ
|
Stat Membru |
Irkaptu |
Għadd ta’ bastimenti |
kW |
GT |
|
Kroazja |
OTB |
495 |
79 867,99 |
13 267,99 |
|
Italja |
OTB-TBB |
1 363 |
260 618,37 |
47 148 |
|
Slovenja (*1) |
OTB |
11 |
1 813,00 |
168,67 |
(1) Għas-Slovenja, il-kwantitajiet jissejsu fuq il-livell tal-qabdiet li kien hemm fl-2014 u ma għandhomx jaqbżu t-300 tunnellata.
(2) Id-dispożizzjoni taħt il-paragrafu 28 ta’ GFCM/44/2020/20 ma għandhiex tapplika għall-flotot nazzjonali ta’ inqas minn għaxar bastimenti tas-sajd bit-tartarun tal-borża u/jew bastimenti tat-tkarkir pelaġiku li jistadu b’mod attiv għal stokkijiet pelaġiċi żgħar, kif irreġistrat kemm fir-reġistru nazzjonali u f’dak tal-GFCM għall-2014. F’dak il-każ, il-kapaċità tal-flotta attiva tista’ tiżdied b’mhux aktar minn 50 % tal-għadd ta’ bastimenti u f’termini ta’ tunnellaġġ gross (GT) u/jew tunnellaġġ reġistrat gross (GRT) u kW.
(3) Is-Slovenja ma għandhiex taqbeż il-limitu tal-isforz ta’ 3 000 jum tas-sajd fis-sena f’konformità mal-paragrafu 13 ta’ GFCM/43/2019/5.
(*1) Id-dispożizzjonijiet tal-paragrafi 9(c) u 28 ta’ GFCM/43/2019/5 ma għandhomx japplikaw għall-flotot nazzjonali li joperaw bl-OTB u li jistadu għal inqas minn 1 000 jum matul il-perijodu ta’ referenza msemmi fil-paragrafu 9(c). Il-kapaċità tas-sajd tal-flotta attiva li topera bl-OTB ma għandhiex tiżdied b’aktar minn 50 % fir-rigward tal-perijodu ta’ referenza.
ANNESS V
L-OPPORTUNITAJIET TAS-SAJD GĦALL-BASTIMENTI TAS-SAJD TAL-UNJONI FIL-BAĦAR JONJU, FIL-BAĦAR LEVANTIN U FIL-FLIEGU TA’ SQALLIJA
It-tabelli f’dan l-Anness jistabbilixxu l-għadd massimu ta’ bastimenti tas-sajd tal-Unjoni awtorizzati jistadu għall-istokkijiet tal-ħut tal-qiegħ fil-Baħar Jonju, fil-Baħar Levantin u fil-Fliegu ta’ Sqallija.
Ir-referenza għaż-żoni tas-sajd huma referenzi għaġ-GSAs tal-GFCM.
Għall-finijiet ta’ dan l-Anness, qed tingħata t-tabella komparattiva li ġejja bl-ismijiet bil-Latin u bl-ismijiet komuni tal-istokkijiet tal-ħut:
|
Isem xjentifiku |
Kodiċi alfa-3 |
Isem komuni |
|
Aristaeomorpha foliacea |
ARS |
Gamblu aħmar kbir |
|
Aristeus antennatus |
ARA |
Gamblu blu u aħmar |
|
(a) |
Għadd massimu ta’ bastimenti tat-tkarkir tal-qiegħ awtorizzati jistadu fil-Baħar Jonju (subżoni ġeografiċi 19-20-21)
|
|
(b) |
Għadd massimu ta’ bastimenti tat-tkarkir tal-qiegħ awtorizzati jistadu fil-Baħar Levantin (subżoni ġeografiċi 24-25-26-27)
|
|
(c) |
Għadd massimu ta’ bastimenti tat-tkarkir tal-qiegħ awtorizzati jistadu fil-Fliegu ta’ Sqallija (subżoni ġeografiċi 12-13-14-15-16)
|
ANNESS VI
L-OPPORTUNITAJIET TAS-SAJD GĦALL-BASTIMENTI TAS-SAJD TAL-UNJONI FIL-BAĦAR ALBORAN
Il-livell massimu tal-qabdiet li jsiru bil-konzijiet u bix-xlief espressi f’tunnellati ta’ piż ħaj
|
Speċi: |
Paġella ħamra Pagellus bogaraveo |
Żona: |
L-ilmijiet tal-Unjoni li jinsabu fil-Baħar Alboran - subżoni ġeografiċi 1-3 SBR/GF1-3 |
|
|
Spanja |
225 |
|
L-Artikolu 3 tar-Regolament (KE) Nru 847/96 ma għandux japplika. L-Artikolu 4 tar-Regolament (KE) Nru 847/96 ma għandux japplika. |
|
|
Unjoni |
225 |
|
||
|
TAC |
Mhix rilevanti/Ma hemmx qbil dwarha |
|||
ANNESS VII
L-OPPORTUNITAJIET TAS-SAJD GĦALL-BASTIMENTI TAS-SAJD TAL-UNJONI FIL-BAĦAR L-ISWED
It-tabelli f’dan l-Anness jistabbilixxu t-TACs u l-kwoti, mogħtija f’tunnellati ta’ piż ħaj, skont l-istokk u, fejn ikun xieraq, il-kundizzjonijiet li huma marbutin magħhom mil-lat funzjonali.
L-opportunitajiet kollha tas-sajd stabbiliti f’dan l-Anness għandhom ikunu soġġetti għar-regoli stabbiliti fl-Artikoli 26 sa 35 tar-Regolament (KE) Nru 1224/2009.
Ir-referenza għaż-żoni tas-sajd huma referenzi għas-subżoni ġeografiċi tal-GFCM.
Għall-finijiet ta’ dan l-Anness, qed tingħata t-tabella komparattiva li ġejja bl-ismijiet bil-Latin u bl-ismijiet komuni:
|
Isem xjentifiku |
Kodiċi alfa-3 |
Isem komuni |
|
Sprattus sprattus |
SPR |
Laċċa kaħla |
|
Scophthalmus maximus |
TUR |
Barbun imperjali |
|
Speċi: |
Laċċa kaħla Sprattus sprattus |
Żona: |
L-ilmijiet tal-Unjoni li jinsabu fil-Baħar l-Iswed - subżona ġeografika 29 (SPR/F3742C) |
|
|
Bulgarija |
8 032,50 |
|
Kwota analitika L-Artikolu 3 tar-Regolament (KE) Nru 847/96 ma għandux japplika. L-Artikolu 4 tar-Regolament (KE) Nru 847/96 ma għandux japplika |
|
|
Rumanija |
3 442,50 |
|
||
|
Unjoni |
11 475 |
|
||
|
TAC |
Mhix rilevanti/Ma hemmx qbil dwarha |
|||
|
Speċi: |
Barbun imperjali Scophthalmus maximus |
Żona: |
L-ilmijiet tal-Unjoni li jinsabu fil-Baħar l-Iswed – subżona ġeografika 29 (TUR/F3742C) |
|
|
Bulgarija |
75 |
|
TAC analitika L-Artikolu 3 tar-Regolament (KE) Nru 847/96 ma għandux japplika. L-Artikolu 4 tar-Regolament (KE) Nru 847/96 ma għandux japplika |
|
|
Rumanija |
75 |
|
||
|
Unjoni |
150 |
|||
|
TAC |
857 |
|
||
(*1) Mill-15 ta’ April sal-15 ta’ Ġunju 2022 ma għandha tkun permessa l-ebda attività tas-sajd, inkluż it-trażbord, iż-żamma abbord, ħatt l-art u l-ewwel bejgħ.