(8)

Bejn id-29 ta’ Awwissu 2019 u l-1 ta’ Lulju 2021, il-Kummissjoni rċeviet mill-partijiet elenkati fit-Tabelli 1 u 2, it-talbiet għal eżenzjoni bl-informazzjoni kollha meħtieġa sabiex tiddetermina jekk dawn it-talbiet kinux ammissibbli skont l-Artikolu 4 tar-Regolament ta’ eżenzjoni.

(9)

Il-partijiet li talbu eżenzjoni ngħataw il-possibbiltà li jikkummentaw dwar il-konklużjonijiet tal-Kummissjoni dwar l-ammissibbiltà tat-talbiet tagħhom.

(10)

Skont l-Artikolu 5(1) tar-Regolament ta’ eżenzjoni, sakemm tittieħed deċiżjoni dwar il-mertu tat-talbiet mill-partijiet li qed jitolbu eżenzjoni, il-pagament tad-dazju estiż fir-rigward ta’ kull importazzjoni ta’ partijiet essenzjali tar-roti ddikjarati għaċ-ċirkolazzjoni libera minn dawn il-partijiet elenkati fit-Tabelli 1 u 2 ta’ hawn taħt ġie sospiż mid-data li fiha l-Kummissjoni rċeviet it-talbiet rispettivi tagħhom ’il quddiem.

(11)

L-eżami tal-mertu tat-talba mill-Parti elenkata fit-Tabella 1 ġiet konkluża.

Tabella 1

(12)

Matul l-eżami tagħha, il-Kummissjoni stabbiliet li l-valur tal-partijiet li joriġinaw fiċ-Ċina jikkostitwixxi anqas minn 60 % tal-valur totali tal-partijiet tar-roti kollha mmuntati mill-parti elenkata fit-Tabella 1.

(13)

Konsegwentement, il-Kummissjoni kkonkludiet li l-operazzjonijiet ta’ assemblaġġ ta’ FIRMA ADAM Adam Ziętek jaqgħu barra mill-kamp ta’ applikazzjoni tal-Artikolu 13(2) tar-Regolament (UE) 2016/1036.

(14)

Għal din ir-raġuni, u skont l-Artikolu 7(1) tar-Regolament ta’ eżenzjoni, il-parti elenkata fit-Tabella 1 issodisfat il-kundizzjonijiet għall-eżenzjoni mid-dazju estiż.

(15)

F’konformità mal-Artikolu 7(2) tar-Regolament ta’ eżenzjoni, jenħtieġ li l-eżenzjoni tidħol fis-seħħ mid-dati tal-wasla tat-talba ’l quddiem. Id-dejn doganali fir-rigward tad-dazju estiż mill-parti li qed titlob eżenzjoni jenħtieġ li, għalhekk, jitqies null mill-istess data.

(16)

Il-parti interessata ġiet infurmata bil-konklużjonijiet tal-Kummissjoni dwar il-mertu tat-talba tagħha u ngħatat opportunità biex tikkummenta fuqhom.

(17)

Peress li l-eżenzjoni tapplika biss għall-parti speċifikament imsemmija fit-Tabella 1, jenħtieġ li l-parti eżentata tinnotifika lill-Kummissjoni (7) mingħajr dewmien dwar kull tibdil f’din l-eżenzjoni (pereżempju, wara li jinbidel l-isem, il-forma ġuridika jew l-indirizz jew wara lil jitwaqqfu entitajiet ġodda tal-immuntar).

(18)

F’każ ta’ bidla fir-referenza, jenħtieġ li l-parti eżentata tipprovdi l-informazzjoni rilevanti, b’mod partikolari dwar kull modifika fl-attività tagħha marbuta ma’ operazzjonijiet tal-immuntar. Fejn xieraq, il-Kummissjoni se taġġorna r-referenzi għal tali parti.

(19)

L-eżami tal-mertu tat-talbiet mill-partijiet elenkati fit-Tabella 2 għadu għaddej. Sakemm tittieħed deċiżjoni dwar il-mertu tat-talbiet tagħhom, il-pagament tad-dazju estiż għal dawn il-partijiet huwa sospiż.

(20)

Billi s-sospensjonijiet se japplikaw biss għall-partijiet speċifikament imsemmija fit-Tabella 2, jenħtieġ li dawn il-partijiet jinnotifikaw lill-Kummissjoni (8) minnufih dwar kwalunkwe bidla fihom (pereżempju wara bidla fl-isem, fil-forma ġuridika jew fl-indirizz jew wara t-twaqqif ta’ entitajiet ġodda tal-immuntar).

(21)

F’każ ta’ bidla fir-referenza, jenħtieġ li l-parti kkonċernata tipprovdi l-informazzjoni rilevanti kollha, inkluż dwar kull modifika fl-attivitajiet tagħha marbuta ma’ operazzjonijiet tal-immuntar. Fejn xieraq, il-Kummissjoni se taġġorna r-referenzi ta’ tali partijiet.

Tabella 2

(22)

Bejn il-31 ta’ Marzu 2021 u s-7 ta’ Mejju 2021, il-partijiet eżentati jew sospiżi elenkati fit-Tabella 3 nnotifikaw lill-Kummissjoni bil-bidliet fir-referenzi tagħhom (ismijiet, forom ġuridiċi u/jew indirizzi). Il-Kummissjoni, wara li eżaminat l-informazzjoni mressqa, ikkonkludiet li dawn il-bidliet bl-ebda mod ma jaffettwaw l-operazzjonijiet tal-immuntar fir-rigward tal-kundizzjonijiet ta’ eżenzjoni jew sospensjoni stabbiliti fir-Regolament ta’ eżenzjoni.

(23)

Filwaqt li l-eżenzjoni jew is-sospensjoni ta’ dawn il-partijiet mid-dazju estiż awtorizzata skont l-Artikolu 5(1) jew l-Artikolu 7(1) tar-Regolament ta’ eżenzjoni tibqa’ mhux affettwata, ir-referenzi għal dawn il-partijiet jenħtieġ li jiġu aġġornati.

Tabella 3

(24)

Il-partijiet elenkati fit-Tabella 4 ressqu talbiet għal eżenzjoni li nstab li kienu inammissibbli skont it-tifsira tal-Artikolu 4(4) tar-Regolament ta’ eżenzjoni, minħabba li ma kinux jissodisfaw il-kundizzjonijiet stabbiliti fl-Artikolu 4(1) u fl-Artikolu 4(2).

Tabella 4

(25)

Il-partijiet elenkati fit-Tabella 4 ġew informati bil-konklużjonijiet tal-Kummissjoni u ngħataw opportunità jikkummentaw dwarhom.

(26)

Ma wasal l-ebda kumment mingħand UW Werkmaatschappij B.V. u Smart Urban Mobility B.V. dwar il-konklużjonijiet tal-Kummissjoni.

(27)

Bicicletas Mendiz SA u MK Bicycles GmbH ikkummentaw billi talbu lill-Kummissjoni tikkunsidra mill-ġdid ir-rifjut fuq il-bażi tad-dokumentazzjoni u tal-argumenti addizzjonali li pprovdew.

(28)

Il-Kummissjoni, wara li vvalutat b’mod dovut id-dokumenti u l-argumenti rispettivi, ikkonkludiet li s-sottomissjonijiet addizzjonali ma kinux jappoġġaw it-talba biex jiġu kkunsidrati mill-ġdid il-konklużjonijiet żvelati preċedentement. Għaldaqstant, l-inammissibbiltà tat-talbiet għal eżenzjoni ġiet ikkonfermata.

(29)

Il-partijiet ġew mgħarrfa b’dan u ngħataw opportunità li jikkummentaw dwar dan. Ma wasal l-ebda kumment ieħor dwar il-konklużjonijiet tal-Kummissjoni.

(30)

Bejn il-25 ta’ Marzu 2021 u t-28 ta’ Ottubru 2021, il-Kummissjoni ġiet innotifikata li ż-żewġ partijiet eżentati elenkati fit-Tabella 5 ġew stralċjati u temmew l-attivitajiet tagħhom.

(31)

Sachsenring Bike Manufaktur GmbH ġiet stralċjata u temmet l-attività tagħha fit-12 ta’ Jannar 2021 wara falliment, mentri Cicli Cinzia srl ġiet stralċjata u temmet l-attività tagħha fis-27 ta’ Jannar 2021.

(32)

B’konsegwenza, il-Kummissjoni kkonkludiet li l-awtorizzazzjoni ta’ eżenzjoni mogħtija lil Sachsenring Bike Manufaktur GmbH jenħtieġ li tkun irtirata mit-12 ta’ Jannar 2021 u l-awtorizzazzjoni ta’ eżenzjoni mogħtija lil Cicli Cinzia srl jenħtieġ li tkun irtirata mis-27 ta’ Jannar 2021, f’konformità mal-prinċipju ta’ amministrazzjoni tajba.

(33)

Il-partijiet elenkati fit-Tabella 5 ġew informati bil-konklużjonijiet tal-Kummissjoni u ngħataw opportunità jikkummentaw dwarhom.

(34)

L-ebda kumment ma wasal mingħand Sachsenring Bike Manufaktur GmbH dwar il-konklużjonijiet tal-Kummissjoni.

(35)

Cicli Cinzia srl ikkummentat billi talbet lill-Kummissjoni tikkunsidra mill-ġdid l-irtirar tal-awtorizzazzjoni ta’ eżenzjoni tagħha.

(36)

Il-Kummissjoni, wara li vvalutat b’mod dovut it-talba, ikkonkludiet li ma tressaq l-ebda argument ġdid insostenn ta’ rivalutazzjoni tal-konklużjonijiet żvelati preċedentement. Għaldaqstant, l-irtirar tal-awtorizzazzjoni ta’ eżenzjoni ġie kkonfermat u l-parti ġiet informata b’mod xieraq,

Tabella 5