29.12.2021 |
MT |
Il-Ġurnal Uffiċjali tal-Unjoni Ewropea |
L 465/1 |
REGOLAMENT DELEGAT TAL-KUMMISSJONI (UE) 2021/2324
tat-23 ta’ Awwissu 2021
li jemenda r-Regolament (UE) 2019/1241 tal-Parlament Ewropew u tal-Kunsill fir-rigward ta’ miżuri tekniċi għal ċertu sajd demersali u pelaġiku fil-Baħar Ċeltiku, fil-Baħar Irlandiż u fil-Punent tal-Iskozja
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/1241 tal-Parlament Ewropew u tal-Kunsill tal-20 ta’ Ġunju 2019 dwar il-konservazzjoni ta’ riżorsi tas-sajd u l-protezzjoni ta’ ekosistemi tal-baħar permezz ta’ miżuri tekniċi, li jemenda r-Regolamenti tal-Kunsill (KE) Nru 1967/2006, (KE) Nru 1224/2009 u r-Regolamenti (UE) Nru 1380/2013, (UE) 2016/1139, (UE) 2018/973, (UE) 2019/472 u (UE) 2019/1022 tal-Parlament Ewropew u tal-Kunsill, u li jħassar ir-Regolamenti tal-Kunsill (KE) Nru 894/97, (KE) Nru 850/98, (KE) Nru 2549/2000, (KE) Nru 254/2002, (KE) Nru 812/2004 u (KE) Nru 2187/2005 (1), u b’mod partikolari l-Artikolu 2(2), l-Artikolu 10(4) u l-Artikolu 15(2) tiegħu,
Billi:
(1) |
Fl-14 ta’ Awwissu 2019 daħal fis-seħħ ir-Regolament (UE) 2019/1241 (ir-“Regolament dwar il-Miżuri Tekniċi”) dwar il-miżuri ta’ konservazzjoni tar-riżorsi tas-sajd u l-protezzjoni tal-ekosistemi tal-baħar permezz ta’ miżuri tekniċi. Dan jistabbilixxi fl-Anness VI dispożizzjonijiet speċifiċi dwar miżuri tekniċi stabbiliti fil-livell reġjonali għall-ilmijiet tal-Unjoni tal-Ilmijiet tal-Majjistral. |
(2) |
Il-Belġju, Spanja, Franza, l-Irlanda u n-Netherlands għandhom interess ta’ ġestjoni dirett fis-sajd fl-Ilmijiet tal-Majjistral. Dawn l-Istati Membri ppreżentaw l-ewwel rakkomandazzjoni konġunta f’Mejju 2020. Il-Kumitat Xjentifiku, Tekniku u Ekonomiku għas-Sajd (STECF) ivvaluta r-rakkomandazzjoni konġunta f’Lulju 2020. Wara l-parir tal-STECF, il-Kummissjoni stiednet lill-Istati Membri biex jallinjaw ir-rakkomandazzjoni konġunta mal-evalwazzjoni xjentifika. B’konsegwenza ta’ dan, l-Istati Membri ppreżentaw rakkomandazzjoni konġunta riveduta fl-14 ta’ Diċembru 2020. |
(3) |
Sakemm jiġu adottati l-miżuri proposti fir-rakkomandazzjoni konġunta permezz ta’ att delegat, fl-Artikoli 15 sa 17 tar-Regolament tal-Kunsill (UE) 2021/92 (2) ġew stabbiliti miżuri ta’ rimedju skont it-tifsira tal-pjan pluriennali dwar l-Ilmijiet tal-Punent, li kellhom l-għan li jnaqqsu l-qabdiet inċidentali tal-bakkaljaw u l-merlangu fil-Baħar Ċeltiku u fiż-żoni ta’ maġenbhom, u miżuri tekniċi addizzjonali li għandhom l-għan li jnaqqsu l-qabdiet inċidentali tal-gadojd fil-Baħar Irlandiż u fil-Punent tal-Iskozja. Dawn il-miżuri kienu funzjonalment marbuta mal-livelli tat-TACs għall-ispeċijiet fil-mira li jinqabdu fis-sajd imħallat, peress li, mingħajr dawk il-miżuri, tali livelli ta’ TACs kien ikollhom jitnaqqsu biex jippermettu l-irkupru tal-istokkijiet tal-qabdiet inċidentali. |
(4) |
Parti mill-Ilmijiet tal-Majjistral ma għadhiex fl-Ilmijiet tal-UE, u għalhekk huwa meħtieġ li l-UE u r-Renju Unit jieħdu sehem f’konsultazzjonijiet dwar miżuri komuni. Għalkemm l-UE u r-Renju Unit ma laħqux ftehim dwar miżuri tekniċi allinjati funzjonalment marbuta, jeħtieġ li titkompla l-applikazzjoni tal-miżuri tekniċi eżistenti funzjonalment marbuta stabbiliti fl-Artikoli 15 sa 17 tar-Regolament (UE) 2021/92 li ppermettew li jiġu stabbiliti t-TACs tal-ispeċijiet fil-mira fil-livelli proposti f’dak ir-Regolament mingħajr ma jiġi ppreġudikat l-istat tal-istokkijiet inevitabbli tal-qabdiet inċidentali fl-ilmijiet tal-Unjoni, u li jiġi rikonoxxut bħala prijorità għall-UE li dan il-ftehim jintlaħaq fil-bidu tal-2022. Kull miżura teknika stabbilita bi ftehim ma’ pajjiżi terzi għall-2022 se jkollha tiġi implimentata fid-dritt tal-UE permezz ta’ qafas legali applikabbli. |
(5) |
B’mod parallel man-negozjati li għaddejjin mar-Renju Unit, l-Istati Membri kkonċernati, jiġifieri l-Belġju, Spanja, Franza, l-Irlanda u n-Netherlands ippreżentaw rakkomandazzjoni konġunta ġdida fit-30 ta’ April 2021 li tirriproduċi r-rakkomandazzjoni konġunta ppreżentata fl-2020, bl-inklużjoni ta’ speċifikazzjoni ġdida fid-diviżjoni tal-ICES 7a (il-Baħar Irlandiż). Din ir-rakkomandazzjoni konġunta pproponiet li dawn il-miżuri jibqgħu fis-seħħ filwaqt li ma ntlaħaqx ftehim mar-Renju Unit. |
(6) |
Dan ir-Regolament għandu l-għan li jinkorpora f’att wieħed dispożizzjonijiet eżistenti dwar miżuri tekniċi li fil-passat kienu adottati bħala parti mill-pjanijiet għall-iskartar tal-ħut għall-Ilmijiet tal-Majjistral, miżuri tekniċi li jikkorrispondu għall-miżuri stabbiliti fl-Artikoli 15 sa 17 fir-Regolament (UE) 2021/92, u barra minn hekk, il-miżuri dwar irkaptu tas-sajd ġdid għall-Baħar Irlandiż inklużi fir-rakkomandazzjoni konġunta tal-2021. |
(7) |
Il-miżuri f’dan ir-Regolament applikabbli għall-ilmijiet tal-Unjoni għandhom l-għan li jilħqu l-objettivi stabbiliti fl-Artikolu 494(1) u (2) tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (3), u jikkunsidraw il-prinċipji msemmija fl-Artikolu 494(3) ta’ dak il-ftehim. Dawn huma mingħajr preġudizzju għal kwalunkwe miżura applikabbli fl-ilmijiet tar-Renju Unit tal-Gran Brittanja u l-Irlanda ta’ Fuq. |
(8) |
Abbażi tal-informazzjoni pprovduta mill-Istati Membri, l-STECF ivvaluta (4) (5) l-evidenza pprovduta mill-gruppi reġjonali insostenn tal-miżuri tekniċi inklużi fir-rakkomandazzjoni konġunta. |
(9) |
Il-miżuri inklużi f’dan ir-Regolament ġew evalwati f’konformità mal-Artikoli 2(2), 15 u 18 tar-Regolament (UE) 2019/1241. L-Istati Membri pprovdew evidenza biex juru li l-proposti huma konformi mal-Artikolu 15(4) u (5) tar-Regolament (UE) 2019/1241. |
(10) |
Il-Grupp ta’ Esperti għas-Sajd ġie kkonsultat dwar ir-rakkomandazzjoni konġunta fis-16 ta’ Lulju 2021. |
(11) |
Ir-rakkomandazzjoni konġunta ssuġġeriet miżuri speċifiċi biex jitnaqqsu l-qabdiet inċidentali tal-bakkaljaw u tal-merlangu fil-Baħar Ċeltiku u fiż-żoni ta’ maġenbhom abbażi tal-miżuri ta’ rimedju li kienu fis-seħħ fl-2020 (6). Dawn il-miżuri speċifiċi jikkonċernaw xbieki tat-tkarkir tal-qiegħ u t-tartaruni fid-diviżjonijiet tal-ICES minn 7f, 7 g, il-parti ta’ 7h fit-Tramuntana tal-latitudni 49° 30′ N u l-parti ta’ 7j fit-Tramuntana tal-latitudni 49° 30′ N u fil-Lvant tal-lonġitudni 11° W, kif ukoll bastimenti li jistadu bi xbieki tat-tkarkir tal-qiegħ li l-qabdiet tagħhom imkejla qabel kwalunkwe skartar tal-ħut jikkonsistu f’mill-inqas 20 % tal-merluzz tal-linja sewda. L-STECF ikkonkluda (7) li l-irkapti proposti huma aktar selettivi mill-miżuri deskritti fir-Regolament (UE) 2019/1241. Għalhekk, jenħtieġ li l-miżuri proposti jiġu inklużi fir-Regolament Delegat (UE) 2019/1241. |
(12) |
Ir-rakkomandazzjoni konġunta ssuġġeriet kundizzjonijiet speċifiċi għall-Baħar Ċeltiku fir-rigward tal-kompożizzjoni tal-qbid, u b’mod partikolari meta l-qabdiet inċidentali tal-bakkaljaw ma jaqbżux il-1,5 %. L-STECF ma huwiex ħerqan li jistabbilixxi kundizzjonijiet ibbażati fuq il-limiti tal-qbid inċidentali minħabba l-istatus ħażin tal-istokkijiet f’dawn iż-żoni. Madankollu, l-STECF innota wkoll (8) li anke jekk ir-regola ta’ qbid inċidentali tal-bakkaljaw ta’ 1,5 % ma tinqabiżx bi kwalunkwe vjaġġ, l-irkapti alternattivi speċifikati fir-rakkomandazzjoni konġunta xorta jkunu aktar selettivi mill-irkapti ta’ referenza fir-Regolament (UE) 2019/1241. Għalhekk, jenħtieġ li l-miżuri proposti jiġu inklużi fir-Regolament Delegat (UE) 2019/1241. |
(13) |
Ir-rakkomandazzjoni konġunta ssuġġeriet miżuri tekniċi speċifiċi għal xbieki tat-tkarkir tal-qiegħ u għal tartaruni fid-diviżjonijiet tal-ICES minn 7f sa 7k u fiż-żona fil-Punent tal-lonġitudni 5° W fid-diviżjoni tal-ICES 7e. L-STECF ikkonkluda li dawn il-miżuri huma aktar selettivi mill-miżuri proposti fir-Regolament (UE) 2019/1241. Għalhekk, jenħtieġ li dawn il-miżuri jiġu inklużi fir-Regolament (UE) 2019/1241. |
(14) |
Ir-rakkomandazzjoni konġunta ssuġġeriet kundizzjonijiet speċifiċi fil-Baħar Ċeltiku meta l-qabda tinkludi aktar minn 30 % tal-iskampu. L-STECF ikkonkluda (9) li b’mod ġenerali, l-għażliet proposti huma aktar selettivi jew tal-anqas ekwivalenti għal irkapti speċifikati fid-derogi għas-sajd dirett tar-Regolament (UE) 2019/1241. Fir-rigward tal-manka doppja, l-STECF kien ivvaluta studju ta’ sostenn f’rapporti preċedenti (10) u kkonkluda li, fil-prinċipju, għandu l-potenzjal li jnaqqas il-qbid inċidentali ta’ speċijiet mhux mixtieqa filwaqt li jżomm il-qabdiet ta’ speċijiet fil-mira. Jenħtieġ li l-Istati Membri jippreżentaw speċifikazzjonijiet addizzjonali għall-valutazzjoni mill-STECF sa mhux aktar tard mill-1 ta’ Mejju 2022. Għalhekk, jenħtieġ li dawn il-miżuri jiġu inklużi fir-Regolament (UE) 2019/1241. |
(15) |
Ir-rakkomandazzjoni konġunta ssuġġeriet kundizzjonijiet speċifiċi fil-Baħar Ċeltiku meta l-qabdiet jinkludu aktar minn 55 % tal-merlangu jew 55 % tal-petriċa, tal-merluzz jew tal-megrim flimkien. Għalkemm l-STECF ma huwiex ħerqan li jintroduċi kundizzjonijiet fir-rigward tal-kompożizzjoni tal-qabdiet (11), huwa jikkonkludi li l-miżuri proposti għadhom aktar selettivi mil-linja bażi introdotta mir-Regolament dwar Miżuri Tekniċi. Għalhekk, jenħtieġ li dawn il-miżuri jiġu inklużi fir-Regolament (UE) 2019/1241. |
(16) |
Ir-rakkomandazzjoni konġunta ssuġġeriet miżuri tekniċi speċifiċi fil-Punent tal-Iskozja. L-STECF ikkonkluda li l-irkapti proposti x’aktarx li jtejbu s-selettività tal-bakkaljaw, tal-merluzz tal-linja sewda u tal-merlangu. Għalhekk, jenħtieġ li dawn il-miżuri jiġu inklużi fir-Regolament (UE) 2019/1241. |
(17) |
Ir-rakkomandazzjoni konġunta ssuġġeriet miżuri tekniċi speċifiċi fil-Baħar Irlandiż għal xbieki tat-tkarkir tal-qiegħ jew tartaruni b’daqs tal-malja tal-manka ta’ 70 mm jew akbar, u iżgħar minn 100 mm, u b’qabdiet li jinkludu aktar minn 30 % tal-iskampu. L-STECF ikkonkluda (12) li dawn l-irkapti x’aktarx li jnaqqsu l-qabdiet tal-bakkaljaw, tal-merluzz tal-linja sewda u tal-merlangu meta mqabbla mal-miżuri stabbiliti fir-Regolament dwar Miżuri Tekniċi. Għalhekk, jenħtieġ li dawn il-miżuri jiġu inklużi fir-Regolament (UE) 2019/1241. |
(18) |
Ir-rakkomandazzjoni konġunta ssuġġeriet miżuri tekniċi speċifiċi fil-Baħar Irlandiż għal bastimenti b’tul totali ta’ 12-il metru jew aktar li joperaw bi xbieki tat-tkarkir tal-qiegħ jew tartaruni bi speċifiċitajiet dwar il-kompożizzjoni tal-qabdiet għall-merluzz tal-linja sewda, il-bakkaljaw, ir-rebekkini u r-raj flimkien. B’mod ġenerali, l-STECF ikkunsidra (13) (14) li l-irkapti proposti fir-rakkomandazzjoni konġunta huma aktar selettivi mill-irkapti deskritti fir-Regolament dwar Miżuri Tekniċi. Għalhekk, jenħtieġ li dawn il-miżuri jiġu inklużi fir-Regolament (UE) 2019/1241. |
(19) |
Din ir-rakkomandazzjoni konġunta, tinkludi għall-2021 l-ispeċifikazzjoni għal irkaptu tas-sajd għal xbieki tat-tkarkir tal-qiegħ u tartaruni fid-diviżjoni tal-ICES 7a (il-Baħar Irlandiż) abbażi ta’ selettività ekwivalenti bħall-irkaptu tas-sajd ta’ referenza kif stabbilit mir-Regolament (UE) 2019/1241 għal dik iż-żona u s-sajd. F’Ġunju 2021, l-STECF ivvaluta l-evidenza xjentifika l-ġdida li tirfed il-bidla fir-rakkomandazzjoni konġunta li tikkonkludi, għal selettività simili, karatteristiċi tal-irkaptu mqabbel mal-irkaptu tas-sajd ta’ referenza. |
(20) |
Ir-rakkomandazzjoni konġunta ssuġġeriet li jiġi armonizzat id-daqs minimu ta’ referenza għall-konservazzjoni (MCRS) għal diversi speċijiet maqbuda fis-sajd rikreattiv fl-Ilmijiet tal-Majjistral bid-daqs minimu ta’ referenza għall-konservazzjoni applikabbli għas-sajd kummerċjali. Għadd ta’ speċijiet inklużi fir-rakkomandazzjoni konġunta għall-armonizzazzjoni tal-MCRS huma kklassifikati mill-ICES bħala eżawriti, jew l-ICES iqis li s-sajd rikreattiv għandu impatt sinifikanti fuq il-mortalità ġenerali tas-sajd tagħhom. Barra minn hekk, għadd ta’ dawk l-istess speċijiet jaqsmu mill-Ilmijiet tal-Lbiċ (SWW) u mill-Baħar tat-Tramuntana (NS) għall-Ilmijiet tal-Majjistral, u fl-SWW u l-NS, l-MCRS għal dawk l-ispeċijiet diġà ġew armonizzati bejn is-sajd kummerċjali u rikreattiv. L-STECF analizza l-evidenza pprovduta u kkonkluda (15) li din il-miżura x’aktarx issaħħaħ il-protezzjoni ta’ speċijiet tal-frieħ tal-ħut tal-baħar. Għalhekk, jenħtieġ li dawn il-miżuri jiġu inklużi fir-Regolament (UE) 2019/1241. |
(21) |
Għalhekk, biex jiġu ottimizzati x-xejriet tal-isfruttar, tiżdied is-selettività tal-irkaptu u jitnaqqsu l-qabdiet mhux mixtieqa, huwa xieraq li jiġu adottati l-miżuri tekniċi li ppreżentaw l-Istati Membri. |
(22) |
Billi l-miżuri previsti f’dan ir-Regolament għandhom impatt dirett fuq l-ippjanar tal-istaġun tas-sajd tal-bastimenti tal-Unjoni u fuq l-attivitajiet ekonomiċi relatati, dan ir-Regolament jenħtieġ li jidħol fis-seħħ immedjatament wara l-pubblikazzjoni tiegħu, |
ADOTTAT DAN IR-REGOLAMENT:
Artikolu 1
Ir-Regolament (UE) 2019/1241 huwa emendat f’konformità mal-Anness ta’ dan ir-Regolament.
Artikolu 2
Il-punt 2 u l-punt 3 fl-Anness għandhom japplikaw mit-30 ta’ Diċembru 2021 sal-31 ta’ Diċembru 2022.
Artikolu 3
Dan ir-Regolament għandu jidħol fis-seħħ l-għada tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u jkun direttament applikabbli fl-Istati Membri f’konformità mat-Trattati.
Magħmul fi Brussell, it-23 ta’ Awwissu 2021.
Għall-Kummissjoni
Il-President
Ursula VON DER LEYEN
(1) ĠU L 198, 25.7.2019, p. 105.
(2) Ir-Regolament tal-Kunsill (UE) 2021/92 tat-28 ta’ Jannar 2021 li jistabbilixxi għall-2021 l-opportunitajiet tas-sajd għal ċerti stokkijiet tal-ħut u ċerti gruppi ta' stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni (ĠU L 31, 29.1.2021, p. 31).
(3) ĠU L 149, 30.4.2021, p. 10.
(4) https://stecf.jrc.ec.europa.eu/documents/43805/2684997/STECF+PLEN+20-02.pdf
(5) https://stecf.jrc.ec.europa.eu/documents/43805/2874177/STECF+21-05+-+Ev+JRs+LO+and+TM+Reg.pdf/caa87b65-ea4a-491a-8e59-4111e01e1c1d
(7) https://stecf.jrc.ec.europa.eu/documents/43805/2684997/STECF+PLEN+20-02.pdf
(8) https://stecf.jrc.ec.europa.eu/documents/43805/2684997/STECF+PLEN+20-02.pdf
(9) https://stecf.jrc.ec.europa.eu/documents/43805/2684997/STECF+PLEN+20-02.pdf
(10) https://stecf.jrc.ec.europa.eu/documents/43805/2492225/JRC117511+STECF+19-08+-+Evaluation+LO+JRs.pdf
(11) https://stecf.jrc.ec.europa.eu/documents/43805/2684997/STECF+PLEN+20-02.pdf
(12) https://stecf.jrc.ec.europa.eu/documents/43805/2684997/STECF+PLEN+20-02.pdf
(13) https://stecf.jrc.ec.europa.eu/documents/43805/2684997/STECF+PLEN+20-02.pdf
(14) https://stecf.jrc.ec.europa.eu/documents/43805/2874177/STECF+21-05+-+Ev+JRs+LO+and+TM+Reg.pdf/caa87b65-ea4a-491a-8e59-4111e01e1c1d
(15) https://stecf.jrc.ec.europa.eu/documents/43805/2684997/STECF+PLEN+20-02.pdf
ANNESS
L-Anness VI tar-Regolament (UE) 2019/1241 huwa emendat kif ġej:
(1) |
il-Parti A hija emendata kif ġej:
|
(2) |
fil-Parti B, jiżdiedu l-punti 1.3 sa 1.6 li ġejjin:
L-Istati Membri jistgħu jeżentaw mill-applikazzjoni tal-punt (b) il-bastimenti li jistadu bix-xbieki tat-tkarkir tal-qiegħ li l-qabdiet tagħhom li ntiżnu qabel kwalunkwe skartar tal-ħut, jikkonsistu f’inqas minn 1,5 % ta’ bakkaljaw, dment li dawk il-bastimenti jkunu soġġetti għal żieda progressiva fil-kopertura tal-osservaturi fuq il-baħar sa mill-inqas 20 % tal-vjaġġi tas-sajd kollha tagħhom. L-Istati Membri li jagħmlu użu minn din l-eżenzjoni għandhom kull sena qabel l-1 ta’ Diċembru, jirrappurtaw lill-Kummissjoni l-għadd u l-kompożizzjoni tal-qbid tal-bastimenti li jagħmlu użu minn din id-dispożizzjoni. L-Istati Membri jistgħu jeżentaw mill-applikazzjoni tal-punti (a) u (b) bastimenti li jużaw irkaptu alternattiv selettiv ħafna dment li l-attributi tekniċi ta’ dawk l-irkapti jirriżultaw fl-istess selettività jew f’selettività ogħla bħall-irkapti speċifikati f’dawk il-punti, u jirriżultaw f’qabdiet ta’ inqas minn 1 % ta’ merluzz, skont valutazzjoni magħmula mill-STECF. Tali rkaptu jew apparat għandu jikkonforma mar-rekwiżiti tal-Artikolu 15(4) u għandu jiġi approvat mill-Kummissjoni.
B’deroga mill-ittri (a) sa (d) tal-punt 1.4.2, l-użu ta’ rkaptu tas-sajd alternattiv għandu jkun permess sakemm tali rkapti jirriżultaw f’mill-inqas l-istess selettività jew ogħla għall-bakkaljaw, għall-merluzz tal-linja sewda u għall-merlangu. Tali rkapti għandhom jiġu vvalutati mill-STECF u approvati mill-Kummissjoni u għandhom jissodisfaw il-kriterji stabbiliti fl-Artikolu 15(4).
|
(3) |
fil-Parti C, jiżdiedu l-punti li ġejjin:
B’deroga mill-ittra (i), meta l-bastimenti tas-sajd joperaw fiż-żoni speċifikati fil-punt 10 (1) (c), huma jistgħu jużaw irkaptu tas-sajd alternattiv bl-istess selettività jew b’selettività ogħla bħad-daqs tal-malja tal-manka ta’ mill-inqas 100 mm għas-sajd demersali mħallat, skont valutazzjoni mill-STECF. Tali rkaptu għandu jikkonforma mar-rekwiżiti tal-Artikolu 15(4) u għandu jiġi approvat mill-Kummissjoni.
|