(1)

F’konformità mal-Artikolu 5(1) tad-Direttiva (UE) 2019/2034, l-awtoritajiet kompetenti jistgħu jirrikjedu li ċerti ditti tal-investiment ikunu soġġetti għall-istess trattament prudenzjali bħall-istituzzjonijiet ta’ kreditu li jaqgħu fil-kamp ta’ applikazzjoni tar-Regolament (UE) Nru 575/2013 tal-Parlament Ewropew u tal-Kunsill (2) u jikkonformaw mas-superviżjoni prudenzjali skont id-Direttiva 2013/36/UE tal-Parlament Ewropew u tal-Kunsill (3).

(2)

Għall-finijiet tal-Artikolu 5(1)(a) tad-Direttiva (UE) 2019/2034, jenħtieġ li jiġi speċifikat li jekk ditta tal-investiment twettaq attivitajiet li jaqbżu mill-inqas wieħed minn erba’ livelli limitu kwantitattivi għal derivattivi barra l-Borża, strumenti finanzjarji li jissottoskrivu u/jew it-tqegħid ta’ strumenti finanzjarji fuq bażi ta’ impenn sod, krediti jew self mogħtija lill-investituri, u titoli ta’ dejn pendenti, dawk l-attivitajiet jitwettqu fuq skala tali li l-falliment jew id-diffikultà tad-ditta tal-investiment jistgħu jwasslu għal riskju sistemiku.

(3)

Minħabba r-rilevanza sistemika tal-attivitajiet tad-ditti tal-investiment, kif imsemmi fl-Artikolu 5 tad-Direttiva (UE) 2019/2034, u l-impatt sinifikanti potenzjali ta’ effett ta’ kontaġju fis-settur finanzjarju kollu, id-ditti tal-investiment li huma membri tal-ikklirjar kif definit fl-Artikolu 4(1)(3) tar-Regolament (UE) 2019/2033 u li joffru servizzi tal-ikklerjar lil istituzzjonijiet finanzjarji oħra, li mhumiex membri tal-ikklerjar infushom, jenħtieġ li jiġu kkunsidrati għall-finijiet tal-Artikolu 5(1)(b) tad-Direttiva (UE) 2019/2034.

(4)

Dan ir-Regolament huwa bbażat fuq l-abbozz tal-istandards tekniċi regolatorji sottomess lill-Kummissjoni mill-Awtorità Bankarja Ewropea wara li kkonsultat lill-Awtorità Ewropea tat-Titoli u s-Swieq.

(5)

L-Awtorità Bankarja Ewropea wettqet konsultazzjonijiet pubbliċi miftuħin dwar l-abbozz tal-istandards tekniċi regolatorji li dan ir-Regolament huwa bbażat fuqhom, analizzat l-ispejjeż u l-benefiċċji potenzjali relatati u talbet il-parir tal-Grupp tal-Partijiet Bankarji Interessati stabbilit f’konformità mal-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (4),

(a)

valur nozzjonali gross totali ta’ derivattivi barra l-Borża kklerjati mhux ċentralment ta’ EUR 50 biljun;

(b)

il-valur totali tal-istrumenti finanzjarji li jissottoskrivu u/jew it-tqegħid ta’ strumenti finanzjarji fuq bażi ta’ impenn sod ta’ EUR 5 biljun;

(c)

il-valur totali ta’ krediti jew self mogħtija lill-investituri biex ikunu jistgħu jwettqu tranżazzjonijiet ta’ EUR 5 biljun; kif ukoll

(d)

valur totali ta’ titoli ta’ dejn pendenti ta’ EUR 5 biljun.