1.   

“Kura tas-saħħa” tfisser l-attivitajiet kollha bl-għan ewlieni li jitjieb, jinżamm u jiġi pprevenut id-deterjorament tal-istat tas-saħħa ta’ persuni u li jittaffew il-konsegwenzi ta’ nuqqas ta’ saħħa permezz tal-applikazzjoni ta’ għarfien tas-saħħa ikkwalifikat;

2.   

“Nefqa kurrenti għall-kura tas-saħħa” tfisser in-nefqa tal-konsum aħħari ta’ unitajiet residenti fuq oġġetti u servizzi għall-kura tas-saħħa, inklużi l-oġġetti u s-servizzi għall-kura tas-saħħa pprovduti direttament lil persuni individwali kif ukoll is-servizzi tal-kura tas-saħħa kollettivi;

3.   

“Funzjonijiet ta’ kura tas-saħħa” tfisser it-tip ta’ bżonn li l-oġġetti u s-servizzi tal-kura tas-saħħa għandhom l-għan li jissodisfaw jew it-tip ta’ objettiv tas-saħħa segwit;

4.   

“Kura riabilitattiva u kurattiva inpatient”: “Kura inpatient” tfisser it-trattament u/jew il-kura pprovduta f’faċilità għall-kura tas-saħħa lil pazjenti formalment ammessi u li jkunu jeħtieġu soġġorn ta’ lejl; “Kura kurattiva” tfisser servizzi tal-kura tas-saħħa li matulhom l-intenzjoni prinċipali hija li jittaffew is-sintomi jew li titnaqqas il-gravità ta’ marda jew korriment, jew bħala ħarsien kontra l-aggravar tagħha jew kumplikazzjoni li tista’ tkun ta’ periklu għall-ħajja jew funzjoni normali; “Kura riabilitattiva” tfisser is-servizzi li jistabbilizzaw, itejbu jew jirkupraw funzjonijiet u strutturi tal-ġisem indeboliti, jikkumpensaw għan-nuqqas jew it-telf ta’ funzjonijiet u strutturi tal-ġisem, itejbu l-parteċipazzjoni u l-attivitajiet u jipprevjenu indebolimenti, kumplikazzjonijiet mediċi u riskji;

5.   

“Kura riabilitattiva u kurattiva matul il-jum”: “Kura matul il-jum” tfisser is-servizzi mediċi u paramediċi ppjanati mogħtija f’faċilità għall-kura tas-saħħa lil pazjenti li jkunu ġew formalment ammessi għal dijanjożi, trattament jew tipi oħra ta’ kura tas-saħħa u li jitħallew jitilqu fl-istess jum; “Kura kurattiva” tfisser servizzi tal-kura tas-saħħa li matulhom l-intenzjoni prinċipali hija li jittaffew is-sintomi jew li titnaqqas il-gravità ta’ marda jew korriment, jew bħala ħarsien kontra l-aggravar tagħha jew kumplikazzjoni li tista’ tkun ta’ periklu għall-ħajja jew funzjoni normali; “Kura riabilitattiva” tfisser is-servizzi li jistabbilizzaw, itejbu jew jirkupraw funzjonijiet u strutturi tal-ġisem indeboliti, jikkumpensaw għan-nuqqas jew it-telf ta’ funzjonijiet u strutturi tal-ġisem, itejbu l-parteċipazzjoni u l-attivitajiet u jipprevjenu indebolimenti, kumplikazzjonijiet mediċi u riskji;

6.   

“Kura riabilitattiva u kurattiva outpatient”: “Kura outpatient” tfisser is-servizzi mediċi u anċillari mogħtija f’faċilità għall-kura tas-saħħa lil pazjent li mhux formalment ammess u li ma jeħtieġx soġġorn ta’ lejl; “Kura kurattiva” tfisser servizzi tal-kura tas-saħħa li matulhom l-intenzjoni prinċipali hija li jittaffew is-sintomi jew li titnaqqas il-gravità ta’ marda jew korriment, jew bħala ħarsien kontra l-aggravar tagħha jew kumplikazzjoni li tista’ tkun ta’ periklu għall-ħajja jew funzjoni normali; “Kura riabilitattiva” tfisser is-servizzi li jistabbilizzaw, itejbu jew jirkupraw funzjonijiet u strutturi tal-ġisem indeboliti, jikkumpensaw għan-nuqqas jew it-telf ta’ funzjonijiet u strutturi tal-ġisem, itejbu l-parteċipazzjoni u l-attivitajiet u jipprevjenu indebolimenti, kumplikazzjonijiet mediċi u riskji;

7.   

“Kura riabilitattiva u kurattiva d-djar”: “Kura d-djar” tfisser is-servizzi mediċi, anċillari u ta’ infermiera li huma kkunsmati minn pazjenti fi djarhom u jinvolvu l-preżenza fiżika tal-fornituri; “Kura kurattiva” tfisser servizzi tal-kura tas-saħħa li matulhom l-intenzjoni prinċipali hija li jittaffew is-sintomi jew li titnaqqas il-gravità ta’ marda jew korriment, jew bħala ħarsien kontra l-aggravar tagħha jew kumplikazzjoni li tista’ tkun ta’ periklu għall-ħajja jew funzjoni normali; “Kura riabilitattiva” tfisser is-servizzi li jistabbilizzaw, itejbu jew jirkupraw funzjonijiet u strutturi tal-ġisem indeboliti, jikkumpensaw għan-nuqqas jew it-telf ta’ funzjonijiet u strutturi tal-ġisem, itejbu l-parteċipazzjoni u l-attivitajiet u jipprevjenu indebolimenti, kumplikazzjonijiet mediċi u riskji;

8.   

“Kura (tas-saħħa) inpatient fit-tul”: “Kura inpatient” tfisser it-trattament u/jew il-kura pprovduta f’faċilità għall-kura tas-saħħa lil pazjenti formalment ammessi u li jkunu jeħtieġu soġġorn ta’ lejl; “Kura (tas-saħħa) fit-tul” tfisser firxa ta’ servizzi mediċi jew ta’ infermiera u tal-kura personali li jipprovdu l-għajnuna b’attivitajiet tal-ħajja ta’ kuljum li huma kkunsmati bil-għan ewlieni li jtaffu l-uġigħ u t-tbatija u jnaqqsu jew jimmaniġġjaw id-deterjorament fl-istat tas-saħħa f’pazjenti bi grad ta’ dipendenza fit-tul;

9.   

“Kura tas-saħħa fit-tul matul il-jum”: “Kura matul il-jum” tfisser is-servizzi mediċi u paramediċi ppjanati mogħtija f’faċilità għall-kura tas-saħħa lil pazjenti li jkunu ġew formalment ammessi għal dijanjożi, trattament jew tipi oħra ta’ kura tas-saħħa u li jitħallew jitilqu fl-istess jum; “Kura (tas-saħħa) fit-tul” tfisser firxa ta’ servizzi mediċi jew ta’ infermiera u tal-kura personali li jipprovdu l-għajnuna b’attivitajiet tal-ħajja ta’ kuljum li huma kkunsmati bil-għan ewlieni li jtaffu l-uġigħ u t-tbatija u jnaqqsu jew jimmaniġġjaw id-deterjorament fl-istat tas-saħħa f’pazjenti bi grad ta’ dipendenza fit-tul;

10.   

“Kura (tas-saħħa) fit-tul outpatient”: “Kura outpatient” tfisser is-servizzi mediċi u anċillari mogħtija f’faċilità għall-kura tas-saħħa lil pazjent li mhux formalment ammess u li ma jeħtieġx soġġorn ta’ lejl; “Kura (tas-saħħa) fit-tul” tfisser firxa ta’ servizzi mediċi jew ta’ infermiera u tal-kura personali li jipprovdu l-għajnuna b’attivitajiet tal-ħajja ta’ kuljum li huma kkunsmati bil-għan ewlieni li jtaffu l-uġigħ u t-tbatija u jnaqqsu jew jimmaniġġjaw id-deterjorament fl-istat tas-saħħa f’pazjenti bi grad ta’ dipendenza fit-tul;

11.   

“Kura (tas-saħħa) fit-tul d-djar”: “Kura d-djar” tfisser is-servizzi mediċi, anċillari u ta’ infermiera li huma kkunsmati minn pazjenti fi djarhom u jinvolvu l-preżenza fiżika tal-fornituri; “Kura (tas-saħħa) fit-tul” tfisser firxa ta’ servizzi mediċi jew ta’ infermiera u tal-kura personali li jipprovdu l-għajnuna b’attivitajiet tal-ħajja ta’ kuljum li huma kkunsmati bil-għan ewlieni li jtaffu l-uġigħ u t-tbatija u jnaqqsu jew jimmaniġġjaw id-deterjorament fl-istat tas-saħħa f’pazjenti bi grad ta’ dipendenza fit-tul;

12.   

“Servizzi anċillari” (mhux speċifikata skont il-funzjoni) tfisser is-servizzi relatati ma’ kura tas-saħħa u kura fit-tul li mhumiex speċifikati permezz ta’ funzjoni u permezz tal-mezz ta’ forniment, li l-pazjent jikkonsma direttament, b’mod partikolari matul kuntatt indipendenti tas-sistema tas-saħħa u li mhumiex parti integrali minn pakkett ta’ servizzi tal-kura, bħal servizzi ta’ immaġni jew tal-laboratorju jew tat-trasportazzjoni ta’ pazjenti u salvataġġ ta’ emerġenza;

13.   

“Oġġetti farmaċewtiċi u oġġetti mediċi durabbli oħra li ma jdumux iservu” (mhux speċifikati skont il-funzjoni) tfisser prodotti farmaċewtiċi u oġġetti mediċi mhux durabbli, maħsuba għall-użu fid-dijanjożi, il-kura, il-mitigazzjoni u t-trattament ta’ mard, inklużi mediċini preskritti u mediċini li jinxtraw mingħajr riċetta, fejn il-funzjoni u l-mod ta’ dispożizzjoni mhumiex speċifikati;

14.   

“Apparat terapewtiku u oġġetti mediċi oħra (mhux speċifikati skont il-funzjoni)” tfisser oġġetti durabbli inkluż apparat ortotiku li jappoġġa jew jikkoreġi deformitajiet u/jew anormalitajiet tal-ġisem tal-bniedem, apparat ortopediku, prosteżi jew estensjonijiet li jieħdu post parti tal-ġisem nieqsa u apparat prostetiku ieħor, inklużi l-impjanti li jissostitwixxu jew jissupplimentaw il-funzjonalità ta’ struttura bijoloġika nieqsa u l-apparat medikotekniku, fejn il-funzjoni u l-mod ta’ proviżjoni mhumiex speċifikati;

15.   

“Kura preventiva” tfisser kwalunkwe miżura li għandha l-għan li tevita jew tnaqqas in-numru jew is-severità tal-korrimenti u l-mard, l-eżitu u l-kumplikazzjonijiet tagħhom;

16.   

“Governanza u amministrazzjoni tas-sistema tas-saħħa u tal-finanzjament” tfisser servizzi li jiffukaw fuq is-sistema tas-saħħa aktar milli fuq il-kura tas-saħħa diretta, il-funzjonament tas-sistema tas-saħħa dirett u ta’ appoġġ, u huma kkunsidrati bħala kollettivi, peress li mhumiex allokati għal individwi speċifiċi iżda huma ta’ benefiċċju għall-utenti kollha tas-sistema tas-saħħa;

17.   

“Servizzi tas-saħħa oħra mhux ikklassifikati band’oħra (n.e.c., not elsewhere classified)” tinkludi kwalunkwe servizz ieħor tas-saħħa li mhux ikklassifikat fl-HC.1 sal-HC.7;

18.   

“Skemi ta’ finanzjament tal-kura tas-saħħa” tfisser tipi ta’ arranġamenti ta’ finanzjament li permezz tiegħu persuni jiksbu servizzi tas-saħħa, inkluż kemm pagamenti diretti minn unitajiet domestiċi għal servizzi u oġġetti u arranġamenti ta’ finanzjament ma’ partijiet terzi;

19.   

“Skemi tal-gvern” tfisser skemi ta’ finanzjament tal-kura tas-saħħa li l-karatteristiċi tagħhom huma ddeterminati mil-liġi jew mill-gvern u fejn baġit separat huwa stabbilit għall-programm u unità tal-gvern li jkollha responsabbiltà ġenerali għaliha;

20.   

“Skemi tal-assigurazzjoni tas-saħħa soċjali” tfisser arranġament ta’ finanzjament biex jiġi żgurat aċċess għall-kura tas-saħħa għal gruppi speċifiċi tal-popolazzjoni permezz tal-parteċipazzjoni obbligatorja determinata mil-liġi jew mill-gvern u l-eliġibbiltà bbażati fuq il-ħlas ta’ kontribuzzjonijiet għall-assigurazzjoni tas-saħħa minn jew f’isem l-individwi kkonċernati;

21.   

“Skemi tal-assigurazzjoni privati obbligatorji” tfisser arranġament ta’ finanzjament biex jiġi żgurat aċċess għall-kura tas-saħħa għal gruppi speċifiċi tal-popolazzjoni permezz tal-parteċipazzjoni obbligatorja determinata mil-liġi jew mill-gvern u l-eliġibbiltà bbażati fuq ix-xiri ta’ polza tal-assigurazzjoni tas-saħħa;

22.   

“Skemi tal-assigurazzjoni tas-saħħa volontarja” tfisser skemi bbażati fuq ix-xiri ta’ polza tal-assigurazzjoni tas-saħħa, li ma jsirx obbligatorju mill-gvern u fejn il-premia tal-assigurazzjoni jistgħu jiġu ssussidjati b’mod dirett jew indirett mill-gvern;

23.   

“Skemi ta’ finanzjament ta’ istituzzjonijiet mingħajr skop ta’ qligħ” tfisser arranġamenti u programmi ta’ finanzjament mhux obbligatorji b’intitolament ta’ benefiċċju mhux kontributorju, ibbażati fuq donazzjonijiet mingħand il-pubbliku ġenerali, il-gvern jew korporazzjonijiet;

24.   

“Skemi ta’ finanzjament tal-intrapriżi” primarjament tfisser arranġamenti fejn l-intrapriżi jipprovdu jew jiffinanzjaw direttament servizzi tas-saħħa għall-impjegati tagħhom mingħajr l-involviment ta’ xi skema tat-tip ta’ assigurazzjoni;

25.   

“Ħlas mill-but tal-unitajiet domestiċi” tfisser ħlas dirett għal oġġetti u servizzi għall-kura tas-saħħa mill-introjtu primarju jew mit-tfaddil tal-unitajiet domestiċi, meta jsir il-pagament mill-utent fil-mument tax-xiri ta’ oġġetti jew l-użu tas-servizzi;

26.   

“Skemi ta’ finanzjament tal-bqija tad-dinja” tfisser arranġamenti finanzjarji li jinvolvu jew li huma mmaniġġjati minn unitajiet istituzzjonali li huma residenti barra mill-pajjiż, iżda li jiġbru, jaggregaw ir-riżorsi u jixtru oġġetti u servizzi tal-kura tas-saħħa f’isem ir-residenti, mingħajr tranżitu tal-fondi tagħhom permezz ta’ skema tar-residenti;

27.   

“Fornituri tal-kura tas-saħħa” tfisser l-organizzazzjonijiet u l-atturi li jwasslu l-oġġetti u s-servizzi tal-kura tas-saħħa bħala l-attività primarja tagħhom, kif ukoll dawk li għalihom il-provvediment tal-kura tas-saħħa huwa biss wieħed fost numru ta’ attivitajiet;

28.   

“Sptarijiet” tfisser stabbilimenti liċenzjati li huma primarjament involuti fil-provvediment ta’ servizzi mediċi, dijanjostiċi u ta’ trattament li jinkludu servizzi ta’ tobba, infermiera u servizzi oħra tas-saħħa għall-inpatients u s-servizzi ta’ akkomodazzjoni speċjalizzati meħtieġa mill-inpatients u li jistgħu wkoll jipprovdu servizzi tal-kura tas-saħħa matul il-jum, outpatient u d-dar;

29.   

“Faċilitajiet tal-kura fit-tul residenzjali” tfisser stabbilimenti li huma primarjament involuti fil-provvediment tal-kura fit-tul residenzjali li jikkombinaw kura mill-infermiera, superviżorja jew tipi oħra ta’ kura kif meħtieġ mir-residenti, fejn parti sinifikanti tal-proċess ta’ produzzjoni u l-kura pprovduta hija taħlita ta’ servizzi soċjali u servizzi tas-saħħa bis-servizzi tas-saħħa jkunu fil-biċċa l-kbira fil-livell tal-kura mill-infermiera flimkien ma’ servizzi ta’ kura personali;

30.   

“Fornituri ta’ kura tas-saħħa ambulatorja” tfisser stabbilimenti li huma primarjament involuti fil-provvediment ta’ servizzi tal-kura tas-saħħa direttament lil outpatients li ma jkunux jeħtieġu servizzi inpatient, inklużi kemm l-uffiċċji ta’ tobba ġeneralisti u speċjalisti mediċi u stabbilimenti li jispeċjalizzaw fit-trattament ta’ każijiet ta’ matul il-jum u fl-għoti ta’ servizzi tal-kura d-dar;

31.   

“Fornituri ta’ servizzi anċillari” tfisser stabbilimenti li jipprovdu tip ta’ servizzi anċillari speċifiċi direttament lil outpatients taħt is-superviżjoni ta’ professjonisti tas-saħħa u li mhumiex koperti f’każ ta’ trattament minn sptarijiet, faċilitajiet tal-kura mill-infermiera, fornituri ta’ kura ambulatorja jew fornituri oħrajn;

32.   

“Bejjiegħa bl-imnut u fornituri oħra ta’ oġġetti mediċi” tfisser stabbilimenti li l-attività ewlenija tagħhom hija l-bejgħ bl-imnut ta’ oġġetti mediċi lill-pubbliku ġenerali għal użu jew konsum individwali jew tal-unità domestika, inkluż l-istallazzjoni u t-tiswija magħmula flimkien mal-bejgħ;

33.   

“Fornituri ta’ kura preventiva” tfisser organizzazzjonijiet li primarjament jipprovdu programmi u kampanji preventivi kollettivi/programmi tas-saħħa pubblika għal gruppi speċifiċi ta’ individwi jew il-popolazzjoni inġenerali, bħall-promozzjoni tas-saħħa u l-aġenziji tal-protezzjoni jew istituti tas-saħħa pubblika kif ukoll stabbilimenti speċjalizzati li jipprovdu kura preventiva primarja bħala l-attività prinċipali tagħhom;

34.   

“Fornituri tal-amministrazzjoni u l-finanzjament tas-sistema tal-kura tas-saħħa” tfisser stabbilimenti li huma primarjament involuti fir-regolazzjoni tal-attivitajiet ta’ aġenziji li jipprovdu kura tas-saħħa u fl-amministrazzjoni ġenerali tas-settur tal-kura tas-saħħa, inkluż l-amministrazzjoni tal-finanzjament tas-saħħa;

35.   

“Il-bqija tal-ekonomija” tfisser fornituri tal-kura tas-saħħa residenti oħra li mhumiex ikklassifikati band’oħra, inklużi unitajiet domestiċi bħala fornituri ta’ servizzi tas-saħħa fid-dar personali għall-membri tal-familja, f’każijiet fejn jikkorrispondu għal pagamenti ta’ trasferiment soċjali mogħtija għal dan il-għan kif ukoll l-industriji l-oħra kollha li joffru l-kura tas-saħħa bħala attività sekondarja;

36.   

“Il-bqija tad-dinja” tfisser l-unitajiet mhux residenti kollha li jfornu oġġetti u servizzi tal-kura tas-saħħa kif ukoll dawk involuti f’attivitajiet relatati mas-saħħa.