|
21.10.2021 |
MT |
Il-Ġurnal Uffiċjali tal-Unjoni Ewropea |
L 373/76 |
REGOLAMENT TAL-KUMMISSJONI (UE) 2021/1842
tal-20 ta’ Ottubru 2021
li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għal flupyradifurone u l-aċidu difluworoaċetiku f’ċerti prodotti jew fuqhom
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta’ Frar 2005 dwar il-livelli massimi ta’ residwu ta’ pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u b’mod partikolari l-Artikolu 14(1)(a) u l-Artikolu 49(2) tiegħu,
Billi:
|
(1) |
Il-livelli massimi ta’ residwi (MRLs) għall-flupyradifurone u għall-aċidu difluworoaċetiku ġew stabbiliti fil-Parti A tal-Anness III tar-Regolament (KE) Nru 396/2005. |
|
(2) |
Fil-kuntest ta’ proċedura għall-awtorizzazzjoni tal-użu ta’ prodott għall-protezzjoni tal-pjanti li fih is-sustanza attiva flupyradifurone fuq il-frawli, iż-żebbuġ tal-mejda, il-bamja, il-pastard, il-brokkoli, il-kaboċċi ta’Brussell, il-kaboċċi kkapoċċati, il-kales, il-ġdur, “il-ħass u ħxejjex oħrajn tal-insalata”, “l-ispinaċi u weraq simili”, “il-ħxejjex aromatiċi u l-fjuri li jittieklu”, il-fażola, il-piżelli, iż-żerriegħa tal-lift, iż-żerriegħa tal-mustarda u ż-żebbuġ għall-produzzjoni taż-żejt, inbagħtet applikazzjoni f’konformità mal-Artikolu 6(1) tar-Regolament (KE) Nru 396/2005 għall-modifika tal-MRLs eżistenti għall-flupyradifurone u għall-prodott metaboliku ewlieni tiegħu, l-aċidu difluworaċetiku. |
|
(3) |
F’konformità mal-Artikolu 6(2) u (4) tar-Regolament (KE) Nru 396/2005, tressqet applikazzjoni għat-tolleranzi għall-importazzjoni tal-flupyradifurone użat fl-Istati Uniti fuq il-frott taċ-ċitru, il-bajtar tax-xewk, iż-żerriegħa tal-qoton, il-qamħirrum ħelu, ix-xgħir, il-qamħirrum, is-sorgu u l-qamħ, fl-Istati Uniti u fil-Kanada fuq il-ġewż tas-siġar, il-frott taż-żerriegħa, l-għeneb, il-mirtilli, “il-ħxejjex tal-għeruq u tat-tuberi”, it-tadam, il-bżar ħelu, il-brunġiel, il-bettieħ, il-krafes, l-għads, il-karawett, il-fażola tas-sojja u l-ħops, fil-Brażil fuq il-kafena, u fil-Ghana u fil-Kosta tal-Avorju fuq iż-żerriegħa tal-kawkaw. L-applikanti jistqarru li l-użi awtorizzati ta’ dik is-sustanza fuq dawn l-għelejjel f’dawk il-pajjiżi jwasslu għal residwi li jeċċedu l-MRLs li hemm fir-Regolament (KE) Nru 396/2005 għall-flupyradifurone u għall-aċidu difluworoaċetiku u li hemm bżonn ta’ MRLs ogħla biex ma jkunx hemm ostakli għall-kummerċ fl-importazzjoni ta’ dawk l-għelejjel. |
|
(4) |
Fil-kuntest ta’ dawn l-applikazzjonijiet, l-applikant issottometta lill-Istat Membru relatur, in-Netherlands, l-istudji addizzjonali fuq il-post tal-għelejjel tan-newba u l-istudji dwar l-għalf tal-bhejjem sad-data ta’ skadenza stabbilita skont ir-Regolament tal-Kummissjoni (UE) 2016/486 (2). |
|
(5) |
F’konformità mal-Artikolu 8 tar-Regolament (KE) Nru 396/2005, dawk l-applikazzjonijiet ġew evalwati min-Netherlands u r-rapporti ta’ evalwazzjoni ntbagħtu lill-Kummissjoni. |
|
(6) |
L-Awtorità Ewropea dwar is-Sigurtà fl-Ikel (“l-Awtorità”) ivvalutat l-applikazzjonijiet u r-rapporti ta’ evalwazzjoni, u b’mod partikolari eżaminat ir-riskji għall-konsumaturi u, fejn rilevanti, għall-annimali, u tat l-opinjonijiet motivati tagħha dwar l-MRLs proposti (3). L-Awtorità għaddiet dawn l-opinjonijiet lill-applikanti, lill-Kummissjoni u lill-Istati Membri u poġġiethom għad-dispożizzjoni tal-pubbliku. |
|
(7) |
Fir-rigward tal-flupyradifurone fil-bajtar tax-xewk, fil-bettieħ, fit-tadam u fil-ħops, l-Awtorità kkonkludiet li d-data mressqa ma kinitx biżżejjed biex jiġu stabbiliti MRLs ġodda. Fir-rigward tal-flupyradifurone fil-krafes, ma setax jiġi eskluż tħassib dwar il-konsum akut. Fir-rigward tal-applikazzjonijiet kollha l-oħra, l-Awtorità kkonkludiet li r-rekwiżiti kollha fir-rigward tad-data ġew issodisfati, u li abbażi tal-valutazzjoni tal-esponiment tal-konsumaturi għal 27 grupp speċifiku Ewropew tal-konsumaturi, il-modifiki lill-MRLs mitluba mill-applikanti kienu aċċettabbli mil-lat tas-sikurezza tal-konsumaturi. L-Awtorità qieset l-aktar tagħrif riċenti dwar il-karatteristiċi tossikoloġiċi tas-sustanzi. La l-esponiment tul il-ħajja għal dawk is-sustanzi permezz tal-konsum tal-prodotti kollha tal-ikel li jista’ jkun fihom dawn is-sustanzi, u lanqas l-esponiment għal perjodu qasir minħabba konsum kbir tal-prodotti rilevanti ma wrew li hemm riskju li tinqabeż id-doża aċċettabbli ta’ kuljum jew id-doża akuta ta’ referenza. |
|
(8) |
Wara l-valutazzjoni tal-istudji addizzjonali fuq il-post tal-għelejjel tan-newba u l-istudji dwar l-għalf tal-bhejjem, l-Awtorità rrakkomandat li l-MRLs eżistenti għall-flupyradifurone u għall-aċidu difluworoaċetiku fl-għelejjel tan-newba u fil-prodotti li joriġinaw mill-annimali jiżdiedu, jitbaxxew jew jibqgħu l-istess. B’mod partikolari, l-Awtorità ssuġġeriet li jitbaxxew l-MRLs għall-flupyradifurone fil-weraq tal-dwieli u għall-aċidu difluworoaċetiku fil-qamħirrum, fiż-żerriegħa tal-kawkaw u fil-fwied tal-ħnieżer. Dawn l-MRLs jenħtieġ li jiġu stabbiliti fl-Anness II tar-Regolament (KE) Nru 396/2005 fil-livelli eżistenti jew fil-livelli identifikati mill-Awtorità. |
|
(9) |
Abbażi tal-opinjonijiet motivati tal-Awtorità u filwaqt li jitqiesu l-fatturi rilevanti tas-suġġett ikkunsidrat, il-modifiki rispettivi tal-MRLs jissodisfaw ir-rekwiżiti tal-Artikolu 14(2) tar-Regolament (KE) Nru 396/2005. |
|
(10) |
Is-sħab kummerċjali tal-Unjoni ġew ikkonsultati dwar l-MRLs il-ġodda permezz tal-Organizzazzjoni Dinjija tal-Kummerċ u l-kummenti tagħhom tqiesu. |
|
(11) |
Għalhekk, jenħtieġ li r-Regolament (KE) Nru 396/2005 jiġi emendat skont dan. |
|
(12) |
Biex ikunu jistgħu jkomplu jsiru l-kummerċjalizzazzjoni, l-ipproċessar u l-konsum normali tal-prodotti, jenħtieġ li dan ir-Regolament jipprevedi miżura tranżizzjonali għall-prodotti li ġew prodotti qabel ma ġew immodifikati l-MRLs u li l-informazzjoni dwarhom turi li nżamm livell għoli ta’ protezzjoni tal-konsumaturi. |
|
(13) |
Jenħtieġ li jitħalla jgħaddi perjodu raġonevoli qabel ma jibdew japplikaw l-MRLs modifikati, sabiex l-Istati Membri, il-pajjiżi terzi u l-operaturi tan-negozji tal-ikel jingħataw biżżejjed żmien biex iħejju ruħhom ħalli jkunu jistgħu jikkonformaw mar-rekwiżiti l-ġodda li jirriżultaw mill-modifika tal-MRLs. |
|
(14) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 396/2005 huma emendati f’konformità mal-Anness ta’ dan ir-Regolament.
Artikolu 2
Ir-Regolament (KE) Nru 396/2005 kif kien qabel ma ġie emendat b’dan ir-Regolament għandu jibqa’ japplika għall-flupyradifurone fil-weraq tad-dwieli u għall-aċidu difluworoaċetiku fil-qamħirrum, fiż-żerriegħa tal-kawkaw u fil-fwied tal-ħnieżer, għall-prodotti li ġew prodotti fl-Unjoni jew li ġew importati fl-Unjoni qabel l-10 ta’ Mejju 2022.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-10 ta’ Mejju 2022 fir-rigward tal-MRLs għall-flupyradifurone fil-weraq tad-dwieli u għall-aċidu difluworoaċetiku fil-qamħirrum, fiż-żerriegħa tal-kawkaw u fil-fwied tal-ħnieżer.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-20 ta’ Ottubru 2021.
Għall-Kummissjoni
Il-President
Ursula VON DER LEYEN
(2) Ir-Regolament tal-Kummissjoni (UE) 2016/486 tad-29 ta’ Marzu 2016 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’residwi għaċ-ċjażofammid, għaċ-ċiklossidim, għall-aċidu diflworoaċetiku, għall-fenossikarb, għall-flumetralin, għall-fluwopikolid, għall-flupiradifuron, għall-flussapirossad, għall-kreżoksim-metil, għall-mandestrobin, għall-mepanipirim, għall-metalassil-M, għall-pendimetalin, u għat-teflutrina f’ċerti prodotti jew fuqhom (ĠU L 90, 6.4.2016, p. 1).
(3) Ir-rapporti xjentifiċi tal-EFSA disponibbli online: http://www.efsa.europa.eu:
Reasoned opinion on the setting of import tolerances, modification of existing maximum residue levels and evaluation of confirmatory data following the Article 12 MRL review for flupyradifurone and DFA. EFSA Journal 2020;18(6):6133.
Reasoned opinion on the modification of the existing maximum residue levels for flupyradifurone and DFA in rapeseeds/canola seeds and mustard seeds. EFSA Journal 2020;18(11):6298.
Reasoned opinion on the modification of the existing maximum residue levels for flupyradifurone and DFA in okra/lady’s finger. EFSA Journal 2021;19(5):6581.
ANNESS
L-Annessi II u III tar-Regolament (KE) Nru 396/2005 huma emendati kif ġej:
|
(1) |
Fl-Anness II, jiżdiedu l-kolonni li ġejjin għall-aċidu difluworoaċetiku u għal flupyradifurone: "Ir-residwi tal-pestiċidi u l-livelli massimi tar-residwi (mg/kg)
|
|
(2) |
Fil-Parti A tal-Anness III, jitħassru l-kolonni għall-aċidu difluworoaċetiku u għal flupyradifurone. |
(*1) Tindika l-limitu l-aktar baxx tal-kwantifikazzjoni analitika
(1) Il-lista sħiħa tal-prodotti li joriġinaw mill-pjanti u mill-annimali li għalihom japplikaw l-MRLs, tinsab fl-Anness I"