8.10.2021 |
MT |
Il-Ġurnal Uffiċjali tal-Unjoni Ewropea |
L 357/27 |
REGOLAMENT (UE) 2021/1756 TAL-PARLAMENT EWROPEW U TAL-KUNSILL
tas-6 ta’ Ottubru 2021
li jemenda r-Regolament (UE) 2017/625 fir-rigward tal-kontrolli uffiċjali fuq annimali u prodotti li joriġinaw mill-annimali li jiġu esportati minn pajjiżi terzi lejn l-Unjoni sabiex tiġi żgurata l-konformità mal-projbizzjoni ta’ ċerti użi ta’ antimikrobiċi u r-Regolament (KE) Nru 853/2004 fir-rigward tal-provvista diretta ta’ laħam tal-pollam u tal-lagomorfi
(Test b’relevanza għaż-ŻEE)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 43(2), l-Artikolu 114 u l-punt (b) tal-Artikolu 168(4) tiegħu,
Wara li kkunsidraw il-proposta tal-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew (1),
Wara li kkonsultaw lill-Kumitat tar-Reġjuni,
Filwaqt li jaġixxu skont il-proċedura leġiżlattiva ordinarja (2),
Billi:
(1) |
Ir-Regolament (UE) 2017/625 tal-Parlament Ewropew u tal-Kunsill (3) jistabbilixxi r-regoli għat-twettiq ta’ kontrolli uffiċjali biex tiġi vverifikata l-konformità, inter alia, mar-regoli dwar is-sikurezza tal-ikel u tal-għalf. |
(2) |
Ir-Regolament (UE) 2019/6 tal-Parlament Ewropew u tal-Kunsill (4) jistabbilixxi regoli għal, inter alia, il-kontroll u l-użu ta’ prodotti mediċinali veterinarji, b’attenzjoni partikolari fuq ir-reżistenza għall-antimikrobiċi. |
(3) |
F’konformità mar-Regolament (UE) 2019/6, l-użu aktar prudenti u responsabbli tal-antimikrobiċi fl-annimali huwa żgurat, inter alia, permezz ta’ projbizzjonijiet fuq l-użu tal-antimikrobiċi għall-promozzjoni tat-tkabbir u ż-żieda fir-rendiment u fuq l-użu ta’ antimikrobiċi riżervati għall-kura ta’ ċerti infezzjonijiet fil-bnedmin. Skont l-Artikolu 118(1) tar-Regolament (UE) 2019/6, operaturi f’pajjiżi terzi huma meħtieġa li josservaw dawk il-projbizzjonijiet meta jesportaw annimali u prodotti li joriġinaw mill-annimali lejn l-Unjoni. Kif enfasizzat fil-premessa (49) ta’ dak ir-Regolament, huwa importanti li titqies id-dimensjoni internazzjonali tal-iżvilupp tar-reżistenza għall-antimikrobiċi billi jittieħdu miżuri mhux diskriminatorji u proporzjonati, filwaqt li jiġu rrispettati l-obbligi tal-Unjoni skont il-ftehimiet internazzjonali. |
(4) |
L-Artikolu 118 tar-Regolament (UE) 2019/6 jibni fuq il-komunikazzjoni tal-Kummissjoni tad-29 ta’ Ġunju 2017 intitolata ‘Pjan ta’ Azzjoni Ewropew “Saħħa Waħda” kontra r-reżistenza għall-antimikrobiċi (“AMR”)’, billi jtejjeb il-prevenzjoni u l-kontroll tar-reżistenza għall-antimikrobiċi u jippromwovi użu aktar prudenti u responsabbli tal-antimikrobiċi fl-annimali. |
(5) |
Sabiex tiġi żgurata l-implimentazzjoni effettiva tal-projbizzjoni tal-użu ta’ antimikrobiċi għall-promozzjoni tat-tkabbir u ż-żieda fir-rendiment u tal-użu ta’ antimikrobiċi riżervati għat-trattament ta’ ċerti infezzjonijiet fil-bnedmin, il-kontrolli uffiċjali għall-verifika tal-konformità tal-annimali u tal-prodotti li joriġinaw mill-annimali esportati lejn l-Unjoni mal-Artikolu 118(1) tar-Regolament (UE) 2019/6 jenħtieġ li jiġu inklużi fil-kamp ta’ applikazzjoni tar-Regolament (UE) 2017/625, għal darb’oħra filwaqt li jiġu rrispettati l-obbligi tal-Unjoni skont il-ftehimiet internazzjonali. |
(6) |
Skont l-Artikolu 18(7), il-punt (g), tar-Regolament (UE) 2017/625, il-Kummissjoni għandha tadotta regoli speċifiċi għat-twettiq tal-kontrolli uffiċjali fuq il-kriterji u l-kundizzjonijiet biex jiġi ddeterminat, fir-rigward tal-Pectinidae, il-gasteropodi tal-baħar u l-Holothuroidea, meta ż-żoni ta’ produzzjoni u ta’ żamma ma għandhomx jiġu kklassifikati. Il-Holothuroidea huma klassi tal-phylum Ekinodermata. L-Ekinodermi ġeneralment mhumiex organiżmi filtraturi. Għaldaqstant, ir-riskju li tali organiżmi jakkumulaw mikroorganiżmi marbuta mal-kontaminazzjoni fekali huwa remot. Barra minn hekk, ma ġiet irrappurtata l-ebda informazzjoni epidemjoloġika li tista’ torbot ir-riskji għas-saħħa pubblika ma’ ekinodermi li mhumiex organiżmi filtraturi. Għal dik ir-raġuni, il-possibbiltà stabbilita fl-Artikolu 18(7), il-punt (g), tar-Regolament (UE) 2017/625 li ssir deroga mir-rekwiżit ta’ klassifikazzjoni taż-żoni ta’ produzzjoni u ta’ żamma jenħtieġ li tiġi estiża għall-ekinodermi kollha li mhumiex organiżmi filtraturi, pereżempju għal dawk li jappartjenu għall-klassi Echinoidea, u ma tkunx limitata għall-Holothuroidea. Għall-istess raġuni, jenħtieġ li jiġi ċċarat li l-kundizzjonijiet għall-klassifikazzjoni u l-monitoraġġ taż-żoni kklassifikati ta’ produzzjoni u ta’ żamma li għandhom jiġu stabbiliti mill-Kummissjoni japplikaw għall-molluski bivalvi ħajjin, l-ekinodermi, it-tunikat u l-gasteropodi tal-baħar, ħlief dawk il-gasteropodi tal-baħar u l-ekinodermi li mhumiex organiżmi filtraturi. It-terminoloġija użata fl-Artikolu 18(6), (7) u (8) tar-Regolament (UE) 2017/625 jenħtieġ li tiġi allinjata skont dan. |
(7) |
Ir-Regolament (KE) Nru 853/2004 tal-Parlament Ewropew u tal-Kunsill (5) jeskludi mill-kamp tal-applikazzjoni tiegħu l-forniment dirett mill-produtturi lill-konsumaturi aħħarin jew lil stabbilimenti tal-imnut lokali li jfornu direttament lill-konsumaturi aħħarin, ta’ kwantitajiet żgħar ta’ laħam frisk tat-tjur u tal-lagomorfi li jinqatlu fl-irziezet. Mid-data tal-applikazzjoni ta’ dak ir-Regolament, jiġifieri l-1 ta’ Jannar 2006, l-esklużjoni kienet ġiet estiża diversi drabi għal-laħam kollu mit-tjur u mil-lagomorfi bħala miżura tranżizzjonali. L-aħħar estensjoni tal-perjodu tranżitorju, permezz tar-Regolament tal-Kummissjoni (UE) 2017/185 (6), kienet sal-31 ta’ Diċembru 2020. Matul il-15-il sena tal-perjodu tranżitorju, ma ġie osservat, l-ebda tħassib sinifikanti fir-rigward tas-sikurezza alimentari minħabba l-attivitajiet imwettqa b’mod konformi ma’ dik l-estensjoni. Barra minn hekk, il-Kummissjoni fil-komunikazzjoni tagħha tal-20 ta’ Mejju 2020 bit-titolu “Strateġija ‘Mill-Għalqa sal-Platt’ għal sistema tal-ikel ġusta, tajba għas-saħħa u favur l-ambjent” tenfasizza l-importanza ta’ ktajjen tal-provvista aktar qosra bil-ħsieb li tissaħħaħ ir-reżiljenza tas-sistemi tal-ikel reġjonali u lokali. L-estensjoni tad-deroga għal-laħam kollu tat-tjur u tal-lagomorfi jenħtieġ li tiġi introdotta fuq bażi permanenti. Ir-Regolament (KE) Nru 853/2004 jenħtieġ li jiġi emendat skont dan. |
(8) |
F’konformità mal-Artikolu 47(1), il-punt (e), tar-Regolament (UE) 2017/625, l-awtoritajiet kompetenti jridu jwettqu kontrolli uffiċjali fil-post ta’ kontroll fuq il-fruntiera tal-ewwel wasla fl-Unjoni fuq kull kunsinna ta’ annimali u oġġetti soġġetti, inter alia, għall-miżuri ta’ emerġenza previsti fl-atti adottati f’konformità mal-Artikolu 249 tar-Regolament (UE) 2016/429 tal-Parlament Ewropew u tal-Kunsill (7). Madankollu, l-Artikolu 249 tar-Regolament (UE) 2016/429 ma jikkonċernax il-miżuri ta’ emerġenza tal-Kummissjoni. Dak l-iżball jenħtieġ li jiġi kkoreġut u jenħtieġ li ssir referenza għall-Artikolu 261 tar-Regolament (UE) 2016/429. |
(9) |
Minħabba li l-għan ta’ dan ir-Regolament, jiġifieri li jippermetti li jsiru kontrolli uffiċjali dwar l-użu ta’ antimikrobiċi fl-annimali u fil-prodotti li joriġinaw mill-annimali li jidħlu fl-Unjoni, ma jistax jinkiseb b’mod suffiċjenti mill-Istati Membri iżda jista’ pjuttost jinkiseb aħjar fil-livell tal-Unjoni, l-Unjoni tista’ tadotta miżuri f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju ta’ proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkiseb dak l-għan. |
(10) |
Għalhekk, ir-Regolament (UE) 2017/625 jenħtieġ li jiġi emendat kif xieraq. |
(11) |
Minħabba li r-Regolament (UE) 2019/6 japplika mit-28 ta’ Jannar 2022, id-dispożizzjonijiet korrispondenti ta’ dan ir-Regolament jenħtieġ li jibdew japplikaw mill-istess data, |
ADOTTAW DAN IR-REGOLAMENT:
Artikolu 1
Ir-Regolament (UE) 2017/625 huwa emendat kif ġej:
(1) |
fl-Artikolu 1(4), il-punt (c) huwa sostitwit b’dan li ġej:
(*1) Regolament (UE) 2019/6 tal-Parlament Ewropew u tal-Kunsill tal-11 ta’ Diċembru 2018 dwar prodotti mediċinali veterinarji u li jħassar id-Direttiva 2001/82/KE (ĠU L 4, 7.1.2019, p. 43).’;" |
(2) |
l-Artikolu 18 huwa emendat kif ġej:
|
(3) |
fl-Artikolu 47(1), il-punt (e) huwa sostitwit b’dan li ġej:
|
Artikolu 2
Fl-Artikolu 1(3) tar-Regolament (KE) Nru 853/2004, il-punt (d) huwa sostitwit b’dan li ġej:
“(d) |
il-provvista diretta mill-produttur ta’ kwantitajiet żgħar ta’ laħam tal-pollam u tal-lagomorfi, maqtula fir-razzett, lill-konsumatur finali jew lill-istabbilimenti tal-bejgħ bl-imnut lokali li jissuplixxu dan il-laħam lill-konsumatur finali;” |
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mit-28 ta’ Ottubru 2021.
Madankollu, l-Artikolu 1, il-punt (1) għandu japplika mit-28 ta’ Jannar 2022.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Strasburgu, is-6 ta’ Ottubru 2021.
Għall-Parlament Ewropew
Il-President
D. M. SASSOLI
Għall-Kunsill
Il-President
A. LOGAR
(1) ĠU C 341, 24.8.2021, p. 107.
(2) Il-pożizzjoni tal-Parlament Ewropew tal-15 ta’ Settembru 2021 ta’ (għadha mhix ippubblikata fil-Ġurnal Uffiċjali)] u d-deċiżjoni tal-Kunsill tat-28 ta’ Settembru 2021.
(3) Ir-Regolament (UE) 2017/625 tal-Parlament Ewropew u tal-Kunsill tal-15 ta’ Marzu 2017 dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta’ regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti, li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal-Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir-Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (Regolament dwar il-Kontrolli Uffiċjali), (ĠU L 95, 7.4.2017, p. 1).
(4) Ir-Regolament (UE) 2019/6 tal-Parlament Ewropew u tal-Kunsill tal-11 ta’ Diċembru 2018 dwar prodotti mediċinali veterinarji u li jħassar id-Direttiva 2001/82/KE (ĠU L 4, 7.1.2019, p. 43).
(5) Ir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għall-ikel li joriġina mill-annimali (ĠU L 139, 30.4.2004, p. 55).
(6) Ir-Regolament tal-Kummissjoni (UE) 2017/185 tat-2 ta’ Frar 2017 li jistabbilixxi miżuri tranżizzjonali għall-applikazzjoni ta’ ċerti dispożizzjonijiet tar-Regolamenti (KE) Nru 853/2004 u (KE) Nru 854/2004 tal-Parlament Ewropew u tal-Kunsill (ĠU L 29, 3.2.2017, p. 21).
(7) Ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (Liġi dwar is-Saħħa tal-Annimali) (ĠU L 84, 31.3.2016, p. 1).