1.   L-għan tal-VIS huwa li ttejjeb l-implimentazzjoni tal-politika komuni dwar il-viżi għal soġġorni qosra, il-kooperazzjoni konsulari u l-konsultazzjoni bejn l-awtoritajiet tal-viża billi tiffaċilita l-iskambju ta’ data bejn l-Istati Membri dwar applikazzjonijiet u dwar id-deċiżjonijiet relatati magħhom, sabiex:

2.   Fir-rigward tal-viżi għal soġġorn twil u l-permessi ta’ residenza, il-VIS għandu jkollha l-għan li tiffaċilita l-iskambju ta’ data bejn l-Istati Membri dwar l-applikazzjonijiet u d-deċiżjonijiet relatati magħhom, sabiex:

1.   Il-VIS għandha tkun ibbażata fuq arkitettura ċentralizzata u għandha tikkonsisti minn:

Is-Sistema Ċentrali tal-VIS, l-NUI , is-servizz web, il-gateway tat-trasportaturi u l-infrastruttura ta’ komunikazzjoni tal-VIS għandhom jikkondividu u jużaw mill-ġdid sa fejn ikun teknikament possibbli l-komponenti tal-hardware u s-software tas-Sistema Ċentrali tal-EES, l-interfaċċi nazzjonali uniformi tal-EES, il-gateway tat-trasportaturi tal-ETIAS, is-servizz web tal-EES u l-infrastruttura ta’ komunikazzjoni tal-EES, rispettivament.

2.   Għandu jkun hemm tal-inqas żewġ NUIs kif imsemmija fil-punt (c) tal-paragrafu 1 għal kull Stat Membru, li għandhom jipprovdu l-konnessjoni fiżika bejn l-Istati Membri u n-network fiżiku tal-VIS. Il-konnessjoni permezz tal-infrastruttura ta’ komunikazzjoni msemmija fil-punt (d) tal-paragrafu 1 għandha tkun kriptata. L-NUIs għandhom ikunu jinsabu fl-Istat Membru. L-NUIs għandhom jintużaw esklużivament għall-finijiet stabbiliti mill-atti leġiżlattivi tal-Unjoni.

3.   Is-Sistema Ċentrali tal-VIS għandha twettaq superviżjoni teknika u funzjonijiet amministrattivi u jkollha Sistema Ċentrali tal-VIS ta’ riżerva, li tkun kapaċi tiżgura l-funzjonalitajiet kollha tas-Sistema Ċentrali tal-VIS fil-każ ta’ ħsara f’dik is-sistema. Is-Sistema Ċentrali tal-VIS għandha tkun tinsab fi Strasburgu (Franza) u s-Sistema Ċentrali tal-VIS ta’ riżerva għandha tkun tinsab f’Sankt Johann im Pongau (l-Awstrija).

4.   L-infrastruttura ta’ komunikazzjoni għandha tappoġġa u tikkontribwixxi biex tiżgura d-disponibbiltà bla xkiel tal-VIS. Din għandha tinkludi perkorsi addizzjonali għall-konnessjonijiet bejn is-Sistema Ċentrali tal-VIS u s-Sistema Ċentrali tal-VIS ta’ riżerva u perkorsi addizzjonali għall-konnessjonijiet bejn kull NUI minn naħa waħda u s-Sistema Ċentrali tal-VIS u s-Sistema Ċentrali tal-VIS ta’ riżerva min-naħa l-oħra. L-infrastruttura ta’ komunikazzjoni għandha tipprovdi network privat virtwali kriptat iddedikat għad-data tal-VIS u għall-komunikazzjoni fost l-Istati Membri u bejn l-Istati Membri u l-eu-LISA.

5.   L-eu-LISA għandha timplimenta soluzzjonijiet tekniċi biex tiżgura d-disponibbiltà bla xkiel tal-VIS jew permezz ta’ operazzjoni simultanja tas-Sistema Ċentrali tal-VIS u s-Sistema Ċentrali tal-VIS ta’ riżerva, dment li s-Sistema Ċentrali tal-VIS ta’ riżerva tibqa’ kapaċi tiżgura l-operazzjoni tal-VIS fil-każ ta’ ħsara fis-Sistema Ċentrali tal-VIS, jew permezz ta’ duplikazzjoni tas-sistema jew tal-komponenti tagħha.

1.   Il-kategoriji ta’ data li ġejjin biss għandhom jiġu rreġistrati fil-VIS:

1a.   Is-CIR għandu jkun fih id-data msemmija fil-punti (4)(a) sa (ca) u fil-punti (5) u (6) tal-Artikolu 9 u fil-punti (d) sa (g), (j) u (k) tal-Artikolu 22a. Il-kumplament tad-data tal-VIS għandha tinħażen fis-Sistema Ċentrali tal-VIS.

1b.   Il-verifika u l-identifikazzjoni fil-VIS permezz ta’ immaġni tal-wiċċ għandhom ikunu possibbli biss b’immaġnijiet tal-wiċċ irreġistrati fil-VIS b’indikazzjoni li l-immaġni tal-wiċċ ittieħdet dak il-ħin tal-preżentazzjoni tal-applikazzjoni, f’konformità mal-punt (5) tal-Artikolu 9 u l-punt (j) tal-Artikolu 22a(1).

2.   Mingħajr preġudizzju għar-reġistrazzjoni tal-operazzjonijiet tal-ipproċessar tad-data skont l-Artikolu 34, il-messaġġi trażmessi permezz tal-VISMail f’konformità mal-Artikolu 16, l-Artikolu 24(2) u l-Artikolu 25(2) ma għandhomx jiġu rreġistrati fil-VIS.

1.   Il-lista ta’ dokumenti tal-ivvjaġġar li jintitolaw lid-detentur biex jaqsam il-fruntieri esterni u li jistgħu jiġu approvati b’viża, kif stabbilit fid-Deċiżjoni Nru 1105/2011/UE tal-Parlament Ewropew u tal-Kunsill (*), għandha tiġi integrata fil-VIS.

2.   Il-VIS għandha tipprovdi l-funzjonalità għall-ġestjoni ċentralizzata tal-lista ta’ dokumenti tal-ivvjaġġar rikonoxxuti u tan-notifika tar-rikonoxximent jew tan-nonrikonoxximent tad-dokumenti tal-ivvjaġġar elenkati skont l-Artikolu 4 tad-Deċiżjoni Nru 1105/2011/UE.

3.   Il-Kummissjoni għandha tadotta atti ta’ implimentazzjoni biex tistabbilixxi regoli dettaljati dwar il-ġestjoni tal-funzjonalità msemmija fil-paragrafu 2 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 49(2).

“1.   L-aċċess għall-VIS biex tiddaħħal, tiġi emendata jew titħassar id-data msemmija fl-Artikolu 5(1) għandu jkun riżervat esklużivament għall-persunal debitament awtorizzat tal-awtoritajiet tal-viża u għall-awtoritajiet kompetenti biex jiġbru jew jiddeċiedu dwar applikazzjoni għal viża għal soġġorn twil jew permess ta’ residenza f’konformità mal-Artikolu 22a sa 22f. L-għadd ta’ membri tal-persunal debitament awtorizzati għandu jkun limitat għall-bżonnijiet attwali tas-servizz tagħhom.

2.   L-aċċess għall-VIS għall-konsultazzjoni tad-data għandha tkun riżervata esklużivament għall-persunal debitament awtorizzat tal-awtoritajiet nazzjonali ta’ kull Stat Membru u tal-korpi tal-Unjoni li huma kompetenti għall-finijiet tal-Artikoli 15 sa 22, l-Artikoli 22g sa 22m u l-Artikolu 45e ta’ dan ir-Regolament, kif ukoll għall-finijiet stipulati fl-Artikoli 20 u 21 tar-Regolament (UE) 2019/817.

Tali aċċess għandu jkun limitat għad-data li tkun meħtieġa għat-twettiq tal-kompiti ta’ dawk l-awtoritajiet u korpi tal-Unjoni f’konformità ma’ dawk il-finijiet, u b’mod proporzjonat għall-objettivi segwiti.

2a.   B’deroga mid-dispożizzjonijiet dwar l-użu tad-data previsti fil-Kapitoli II, III u IIIa, id-data tal-marki tas-swaba’ u l-immaġnijiet tal-wiċċ tat-tfal għandhom jintużaw biss biex issir tfittxija fil-VIS u, fil-każ ta’ hit, għandhom jiġu aċċessati biss biex tiġi vverifikata l-identità tat-tfal:

Meta t-tfittxija b’data alfanumerika ma tkunx tista’ titwettaq minħabba n-nuqqas ta’ dokument tal-ivvjaġġar, id-data tal-marki tas-swaba’ tat-tfal tista’ tintuża wkoll biex issir tfittxija fil-VIS fil-proċedura tal-ażil f’konformità mal-Artikolu 21, 22, 22j jew 22k.

2b.   B’deroga mid-dispożizzjonijiet dwar l-użu tad-data previsti fl-Artikolu 22h, fil-każ ta’ persuni li kellhom permessi ta’ residenza validi rreġistrati fil-VIS għal perjodu ta’ 10 snin jew aktar mingħajr interruzzjoni, l-awtoritajiet kompetenti għat-twettiq ta’ verifiki fit-territorju tal-Istati Membri għandu jkollhom aċċess għall-VIS biss biex jikkonsultaw id-data msemmija fil-punti (d), (e) u (f) tal-Artikolu 22c u l-informazzjoni dwar l-istatus tal-permess ta’ residenza.

2c.   B’deroga mid-dispożizzjonijiet dwar l-użu tad-data previsti fl-Artikolu 22i, fil-każ ta’ persuni li kellhom permessi ta’ residenza validi rreġistrati fil-VIS għal perjodu ta’ 10 snin jew aktar mingħajr interruzzjoni, l-awtoritajiet kompetenti għat-twettiq ta’ verifiki fit-territorju tal-Istati Membri għandu jkollhom aċċess għall-VIS biss biex jikkonsultaw id-data msemmija fil-punti (d), (e) u (f) tal-Artikolu 22c u l-informazzjoni dwar l-istatus tal-permess ta’ residenza. Fejn il-persuna ma tippreżentax dokument tal-ivvjaġġar validu jew fejn ikun hemm dubji dwar l-awtentiċità tad-dokument tal-ivvjaġġar ippreżentat jew fejn il-verifika skont l-Artikolu 22h tkun falliet, l-awtoritajiet kompetenti għandu jkollhom ukoll aċċess għall-VIS biex jikkonsultaw id-data msemmija fil-punti (d) sa (g) u (i) tal-Artikolu 22a(1).

2d.   B’deroga mid-dispożizzjonijiet dwar l-użu tad-data previsti fl-Artikoli 22j u 22k, l-awtoritajiet kompetenti tal-ażil ma għandux ikollhom aċċess għad-data tal-VIS ta’ persuni li kellhom permessi ta’ residenza validi rreġistrati fil-VIS f’konformità mal-Kapitolu IIIa għal perjodu ta’ 10 snin jew aktar mingħajr interruzzjoni.

2e.   B’deroga mid-dispożizzjonijiet dwar l-użu tad-data previsti fil-Kapitolu IIIb, l-awtoritajiet maħtura tal-Istati Membri u l-Europol ma għandux ikollhom aċċess għad-data tal-VIS ta’ persuni li kellhom permessi ta’ residenza validi rreġistrati fil-VIS f’konformità mal-Kapitolu IIIa għal perjodu ta’ 10 snin jew aktar mingħajr interruzzjoni.

2f.   B’deroga mid-dispożizzjonijiet dwar l-użu tad-data previsti fl-Artikoli 45e u 45f, il-membri tat-timijiet Ewropej ta’ Gwardji tal-Fruntiera u tal-Kosta, bl-eċċezzjoni tat-timijiet tal-ġestjoni tal-fruntieri, ma għandux ikollhom aċċess għad-data tal-VIS ta’ persuni li kellhom permessi ta’ residenza validi rreġistrati fil-VIS f’konformità mal-Kapitolu IIIa, għal perjodu ta’ 10 snin jew aktar mingħajr interruzzjoni.

3.   Kull Stat Membru għandu jaħtar l-awtoritajiet kompetenti li l-persunal debitament awtorizzat tagħhom għandu jkollu aċċess għall-VIS biex idaħħal, jemenda, iħassar jew jikkonsulta data tal-VIS. Kull Stat Membru għandu jikkomunika mingħajr dewmien lista ta’ dawk l-awtoritajiet lill-Kummissjoni u lill-eu-LISA, f’konformità mal-Artikolu 45b. Il-lista għandha tispeċifika l-fini li għalih kull awtorità tista’ tipproċessa data tal-VIS. Kull Stat Membru jista’ f’kull ħin jemenda jew jissostitwixxi l-lista li jkun ikkomunika u għandu jinforma lill-Kummissjoni u lill-eu-LISA kif meħtieġ.

L-awtoritajiet intitolati li jikkonsultaw jew jaċċessaw id-data tal-VIS għall-fini tal-prevenzjoni, il-kxif u l-investigazzjoni ta’ reati terroristiċi jew reati kriminali serji oħra għandhom jinħatru f’konformità mal-Kapitolu IIIb.

4.   Minbarra l-komunikazzjonijiet imsemmija fil-paragrafu 3, kull Stat Membru għandu jikkomunika lill-eu-LISA mingħajr dewmien lista tal-unitajiet operazzjonali tal-awtoritajiet kompetenti nazzjonali li għandhom aċċess għall-VIS għall-finijiet ta’ dan ir-Regolament. Il-lista għandha tispeċifika l-fini li għalih kull unità operazzjonali għandu jkollha aċċess għad-data tal-VIS. Il-VIS għandha tipprovdi l-funzjonalità għall-ġestjoni ċentralizzata ta’ dawk il-listi.

5.   Il-Kummissjoni għandha tadotta atti ta’ implimentazzjoni biex tistabbilixxi r-regoli dettaljati dwar il-ġestjoni tal-funzjonalità għall-ġestjoni ċentralizzata tal-lista fil-paragrafu 3 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 49(2).

1.   Il-fajls ta’ applikazzjoni għandhom jiġu pproċessati awtomatikament mill-VIS biex jiġu identifikati hits f’konformità ma’ dan l-Artikolu. Il-VIS għandha teżamina kull fajl ta’ applikazzjoni individwalment.

2.   Meta jinħoloq fajl ta’ applikazzjoni, il-VIS għandha tivverifika jekk id-dokument tal-ivvjaġġar relatat ma’ dik l-applikazzjoni huwiex rikonoxxut f’konformità mad-Deċiżjoni Nru 1105/2011/UE, billi twettaq tfittxija awtomatika fil-lista tad-dokumenti tal-ivvjaġġar rikonoxxuti msemmija fl-Artikolu 5a ta’ dan ir-Regolament, u għandha tipprovdi riżultat. Jekk it-tfittxija turi li d-dokument tal-ivvjaġġar mhuwiex rikonoxxut minn Stat Membru wieħed jew aktar, għandu japplika l-Artikolu 25(3) tar-Regolament (KE) Nru 810/2009 fejn tinħareġ viża.

3.   Għall-fini tal-verifiki previsti fl-Artikolu 21(1), il-punti (a), (c) u (d) tal-Artikolu 21(3) u l-Artikolu 21(4) tar-Regolament (KE) Nru 810/2009 u għall-fini tal-objettiv imsemmi fil-punt (k) tal-Artikolu 2(1) ta’ dan ir-Regolament, il-VIS għandha tniedi konsultazzjoni permezz tal-ESP biex tqabbel id-data rilevanti msemmija fil-punti (4), (5) u (6) tal-Artikolu 9 ta’ dan ir-Regolament mad-data preżenti f’reġistrazzjoni, fajl jew allert irreġistrat fi:

It-tqabbil għandu jsir kemm b’data alfanumerika kif ukoll b’data bijometrika, sakemm is-sistema ta’ informazzjoni jew il-bażi ta’ data kkonsultata ma jkunx fiha waħda biss minn dawk il-kategoriji ta’ data.

4.   Il-VIS għandha tivverifika, b’mod partikolari:

5.   L-allerti tas-SIS fir-rigward ta’ persuni nieqsa jew persuni vulnerabbli, persuni mfittxija biex jassistu fi proċedura ġudizzjarja u persuni jew oġġetti għal verifiki diskreti, verifiki ta’ inkjesta jew verifiki speċifiċi għandhom jiġu kkonsultati biss għall-finijiet tal-objettiv imsemmi fil-punt (k) tal-Artikolu 2(1).

6.   Fir-rigward tal-SLTD tal-Interpol u tat-TDAWN tal-Interpol , kwalunkwe konsultazzjoni jew verifika għandha titwettaq b’tali mod li l-ebda informazzjoni ma tiġi żvelata lis-sid tal-allert tal-Interpol. Jekk ir-rekwiżit previst f’dan il-paragrafu ma jkunx ssodisfat, il-VIS ma għandhiex tikkonsulta l-bażijiet ta’ data tal-Interpol.

7.   Fir-rigward tad-data tal-Europol, l-ipproċessar awtomatizzat għandu jirċievi n-notifika adatta f’konformità mal-Artikolu 21(1b) tar-Regolament (UE) 2016/794.

8.   Għandha tiġi skattata hit fejn id-data kollha jew parti minnha li tkun preżenti fil-fajl ta’ applikazzjoni li jintuża għall-konsultazzjoni tkun tikkorrispondi kompletament jew parzjalment mad-data preżenti f’rekord, f’allert jew f’fajl tas-sistemi ta’ informazzjoni jew bażijiet ta’ data msemmija fil-paragrafu 3. Il- manwal imsemmi fl-Artikolu 9h(2) għandu jiddefinixxi korrispondenza parzjali, inkluż grad ta’ probabbiltà biex jiġi limitat l-għadd ta’ hits foloz.

9.   Fejn it-tqabbil awtomatiku msemmi fil-paragrafu 3 jirrapporta hit relatata mal-punt (a)(i), (ii) u (iii), il-punt (b), il-punt (c)(i) , il-punt (d) u l-punt (g)(i) tal-paragrafu 4, il-VIS għandha żżid referenza fil-fajl ta’ applikazzjoni għal kwalunkwe hit u, fejn rilevanti, l-Istati Membri li daħħlu jew ipprovdew id-data li skattat il-hit.

10.   Fejn it-tqabbil awtomatiku msemmi fil-paragrafu 3 jirrapporta hit relatata mal-punt (a)(iv), il-lpunt (c)(ii), il-punti (e) u (f) u l-punt (g)(ii) tal-paragrafu 4, il-VIS għandha tindika biss fil-fajl ta’ applikazzjoni li hija meħtieġa verifika ulterjuri.

Fil-każ ta’ hits skont il-punt (a)(iv), il-punti (e) u (f) u l-punt (g)(ii) tal-paragrafu 4, il-VIS għandha tibgħat notifika awtomatizzata dwar tali hits lill-awtorità maħtura tal-VIS tal-Istat Membru li jkun qed jipproċessa l-applikazzjoni. Tali notifika awtomatizzata għandu jkun fiha d-data rreġistrata fil-fajl ta’ applikazzjoni f’konformità mal-punti (4), (5) u (6) tal-Artikolu 9..

Fil-każ ta’ hits skont il-punt (c)(ii) tal-paragrafu 4, il-VIS għandha tibgħat notifika awtomatizzata dwar tali hits lill-Unità Nazzjonali tal-ETIAS tal-Istat Membru li daħħal id-data jew, jekk id-data tkun iddaħħlet mill-Europol, lill-Unità Nazzjonali tal-ETIAS tal-Istati Membri li jkunu qed jipproċessaw l-applikazzjoni. Dik in-notifika awtomatizzata għandu jkun fiha d-data rreġistrata fil-fajl ta’ applikazzjoni f’konformità mal-punt (4) tal-Artikolu 9.

11.   Fejn it-tqabbil awtomatiku msemmi fil-paragrafu 3 jirrapporta hit relatata mal-punt (a)(v), (vi) u (vii) tal-paragrafu 4, il-VIS la għandha tirreġistra l-hit fil-fajl ta’ applikazzjoni, u lanqas tindika fil-fajl ta’ applikazzjoni li hija meħtieġa verifika ulterjuri.

12.   In-numru ta’ referenza uniku tar-rekord tad-data li jkun skatta hit għandu jinżamm fil-fajl ta’ applikazzjoni għall-fini taż-żamma ta’ reġistrazzjonijiet, rappurtar u statistika f’konformità mal-Artikoli 34 u 45a.

13.   Il-VIS għandha tqabbel id-data rilevanti msemmija fil-punt (4)(a), (aa), (g), (h), (j), (k) u (l) tal-Artikolu 9 mal-indikaturi ta’ riskji speċifiċi msemmija fl-Artikolu 9j.

1.   Fir-rigward ta’ ċittadin ta’ pajjiż terz li huwa membru tal-familja ta’ ċittadin tal-Unjoni li għalih tapplika d-Direttiva 2004/38/KE jew ta’ ċittadin ta’ pajjiż terz li jgawdi d-dritt ta’ moviment liberu ekwivalenti għal dak ta’ ċittadini tal-Unjoni skont ftehim bejn l-Unjoni u l-Istati Membri tagħha, minn naħa waħda, u pajjiż terz, min-naħa l-oħra, il-konsultazzjonijiet awtomatizzati skont l-Artikolu 9a(3) għandhom jitwettqu biss għall-fini li jiġi vverifikat li ma hemm ebda indikazzjoni fattwali jew raġuni valida bbażata fuq indikazzjonijiet fattwali biex jiġi konkluż li l-preżenza ta’ dak iċ-ċittadin ta’ pajjiż terz fit-territorju tal-Istati Membri tkun ta’ riskju għas-sigurtà jew ta’ riskju għoli ta’ epidemija f’konformità mad-Direttiva 2004/38/KE.

2.   Il-VIS ma għandhiex tivverifika:

3.   Fejn l-ipproċessar awtomatizzat skont l-Artikolu 9a(3) ta’ dan ir-Regolament irrapporta hit li tikkorrispondi ma’ allert għal rifjut ta’ dħul jew ta’ soġġorn kif imsemmi fl-Artikolu 24 tar-Regolament (UE) 2018/1861, l-awtorità tal-viża għandha tivverifika r-raġuni għad-deċiżjoni li wasslet biex jiddaħħal allert fis-SIS. Jekk dik ir-raġuni tkun relatata ma’ riskju ta’ immigrazzjoni illegali, l-allert ma għandux jiġi kkunsidrat għall-valutazzjoni tal-applikazzjoni. L-awtorità tal-viża għandha tipproċedi f’konformità mal-Artikolu 26(2) tar-Regolament (UE) 2018/1861.

4.   L-indikaturi ta’ riskji speċifiċi bbażati fuq ir-riskji ta’ immigrazzjoni illegali ddeterminati skont l-Artikolu 9j ma għandhomx japplikaw.

1.   Kwalunkwe hit skont l-Artikolu 9a(9) għandha tiġi vverifikata manwalment mill-awtorità kompetenti tal-viża tal-Istat Membru li jkun qed jipproċessa l-applikazzjoni għall-Visa.

2.   Għall-finijiet tal-verifika manwali skont il-paragrafu 1 ta’ dan l-Artikolu, l-awtorità kompetenti tal-viża għandu jkollha aċċess għall-fajl ta’ applikazzjoni u għal kwalunkwe fajl ta’ applikazzjoni relatat, kif ukoll għall-hits skattati waqt l-ipproċessar awtomatizzat skont l-Artikolu 9a(9).

L-awtorità kompetenti tal-viża għandu jkollha wkoll aċċess temporanju għad-data fis--SIS, l-EES, l-ETIAS, il-Eurodac jew l-SLTD tal-Interpol li skattat il-hit għat-tul tal-verifiki msemmija f’dan l-Artikolu u l-eżami tal-applikazzjoni għal viża u fil-każ ta’ proċedura ta’ appell. Tali aċċess temporanju għandu jkun f’konformità mal-istrumenti legali li jirregolaw is-SIS, l-EES, l-ETIAS, il-Eurodac u l-SLTD tal-Interpol.

3.   L-awtorità kompetenti tal-viża għandha tivverifika jekk l-identità tal-applikant irreġistrata fil-fajl ta’ applikazzjoni tikkorrispondix mad-data fi kwalunkwe waħda mis-sistemi ta’ informazzjoni jew bażijiet ta’ data kkonsultati.

4.   Fejn d-data personali fil-fajl ta’ applikazzjoni tikkorrispondi mad-data maħżuna fis-sistema ta’ informazzjoni jew bażi ta’ data rilevanti, il-hit għandha tiġi kkunsidrata fl-eżami tal-applikazzjoni għal viża skont l-Artikolu 21 tar-Regolament (KE) Nru 810/2009.

5.   Fejn id-data personali fil-fajl ta’ applikazzjoni ma tikkorrispondix mad-data maħżuna fis-sistema ta’ informazzjoni jew bażi ta’ data relevanti, l-awtorità kompetenti tal-viża għandha tħassar il-hit falza mill-fajl ta’ applikazzjoni.

6.   Fejn it-tqabbil awtomatiku skont l-Artikolu 9a(13) ta’ dan ir-Regolament jirrapporta hit, l-awtorità kompetenti tal-viża għandha tivvaluta r-riskju għas-sigurtà, ir-riskju ta’ immigrazzjoni illegali jew riskju għoli ta’ epidemija u għandha tikkunsidrah fl-eżami ta’ applikazzjoni għal viża skont l-Artikolu 21 tar-Regolament (KE) Nru 810/2009. L-awtorità kompetenti tal-viża ma għandha fl-ebda ċirkostanza tieħu deċiżjoni awtomatikament abbażi ta’ hit ibbażata fuq l-indikaturi ta’ riskji speċifiċi. L-awtorità kompetenti tal-viża għandha tivvaluta individwalment f’kull każ, ir-riskji għas-sigurtà, ir-riskji ta’ immigrazzjoni illegali u riskji għolja ta’ epidemija.

1.   Kull Stat Membru għandu jaħtar awtorità (“l-awtorità maħtura tal-VIS”) bil-għan tal-verifika manwali u l-azzjoni ta’ segwitu fir-rigward tal-hits skont il-punti (a)(iv) sa (vii), il-punti (e) u (f) u l-punt (g)(ii) tal-Artikolu 9a(4). L-Istati Membri jistgħu jaħtru aktar minn awtorità waħda bħala l-awtorità maħtura tal-VIS. L-Istati Membri għandhom jinnotifikaw lill-Kummissjoni u lill-eu-LISA bl-awtorità maħtura tal-VIS.

Fejn l-Istati Membri jagħżlu li jaħtru l-Uffiċċju SIRENE bħala l-awtorità maħtura tal-VIS, huma għandhom jallokaw biżżejjed riżorsi addizzjonali biex l-Uffiċċju SIRENE jkun jista’ jwettaq il-kompiti fdati lill-awtorità maħtura tal-VIS skont dan ir-Regolament.

2.   L-awtorità maħtura tal-VIS għandha tkun operazzjonali tal-inqas matul il-ħinijiet regolari tax-xogħol. Għandu jkollha aċċess temporanju għad-data rreġistrata fil-fajl ta’ applikazzjoni u d-data fis-SIS, l-ECRIS-TCN, id-data tal-Europol jew it-TDAWN tal-Europol li tkun skattat il-hit, għat-tul tal-verifika msemmija f’dan l-Artikolu u fl-Artikolu 9g.

3.   L-awtorità maħtura tal-VIS għandha tivverifika, fi żmien jumejn ta’ xogħol min-notifika mibgħuta mill-VIS, jekk l-identità tal-applikant irreġistrata fil-fajl ta’ applikazzjoni tikkorrispondix mad-data preżenti f’waħda mis-sistemi ta’ informazzjoni jew bażijiet ta’ data kkonsultati.

4.   Fejn id-data personali fil-fajl ta’ applikazzjoni ma tikkorrispondix mad-data maħżuna fis-sistema ta’ informazzjoni jew bażi ta’data relevanti, l-awtorità maħtura tal-VIS għandha tħassar l-indikazzjoni fil-fajl ta’ applikazzjoni li huma meħtieġa aktar verifiki.

1.   L-Unità Nazzjonali tal-ETIAS tal-Istat Membru li daħħal id-data fil-lista ta’ sorveljanza tal-ETIAS jew, jekk id-data ddaħħlet mill-Europol, l-Unità Nazzjonali tal-ETIAS tal-Istat Membru li jkun qed jipproċessa l-applikazzjoni għandha tivverifika manwalment u twettaq azzjoni ta’ segwitu fir-rigward tal-hits skont il-punt (c)(ii) tal-Artikolu 9a(4).

2.   L-Unità Nazzjonali tal-ETIAS relevanti għandha tivverifika, fi żmien jumejn ta’ xogħol min-notifika mibgħuta mill-VIS, jekk id-data rreġistrata fil-fajl ta’ applikazzjoni tikkorrispondix mad-data fil-lista ta’ sorveljanza tal-ETIAS. .

3.   Fejn id-data fil-fajl ta’ applikazzjoni tikkorrispondi mad-data fil-lista ta’ sorveljanza tal-ETIAS, l-Unità Nazzjonali tal-ETIAS għandha tipprovdi opinjoni motivata lill-awtorità ċentrali tal-viża tal-Istat Membru li jkun qed jipproċessa l-applikazzjoni għal viża dwar jekk l-applikant huwiex ta’ riskju għas-sigurtà pubblika, u din l-opinjoni għandha tiġi kkunsidrata fl-eżami tal-applikazzjoni għal viża skont l-Artikolu 21 tar-Regolament (KE) Nru 810/2009.

4.   Fejn id-data tkun iddaħħlet fil-lista ta’ sorveljanza tal-ETIAS mill-Europol, l-Unità Nazzjonali tal-ETIAS tal-Istat Membru li jkun qed jipproċessa l-applikazzjoni għandha, għall-fini tal-abbozzar tal-opinjoni motivata tagħha, titlob mingħajr dewmien l-opinjoni tal-Europol. Għal dak il-fini, l-Unità Nazzjonali tal-ETIAS għandha tibgħat id-data rreġistrata fil-fajl ta’ applikazzjoni f’konformità mal-punt (4) tal-Artikolu 9 lill-Europol. Il-Europol għandha twieġeb fi żmien 60 siegħa mid-data tat-talba. Meta l-Europol ma tweġibx fi żmien l-iskadenza, għandu jitqies li ma hemm l-ebda raġuni għal oġġezzjoni għall-ħruġ tal-viża.

5.   L-Unità Nazzjonali tal-ETIAS għandha tibgħat l-opinjoni motivata lill-awtorità ċentrali tal-viża fi żmien sebat ijiem kalendarji min-notifika mibgħuta mill-VIS. Meta l-Unità Nazzjonali tal-ETIAS ma tibgħat ebda raġuni motivata fi żmien dik l-iskadenza, għandu jitqies li ma hemm l-ebda raġuni għal oġġezzjoni għall-ħruġ tal-viża.

6.   L-opinjoni motivata għandha tiġi rreġistrata fil-fajl ta’ applikazzjoni b’mod li jagħmilha aċċessibbli biss għall-awtorità ċentrali tal-viża tal-Istat Membru li jkun qed jipproċessa l-applikazzjoni għal viża.

7.   Fejn id-data fil-fajl ta’ applikazzjoni ma tikkorrispondix mad-data fil-lista ta’ sorveljanza tal- ETIAS, l-Unità Nazzjonali tal-ETIAS għandha tinforma lill-awtorità ċentrali tal-viża tal-Istat Membru li jkun qed jipproċessa l-applikazzjoni għal viża li għandha tħassar mill-fajl ta’ applikazzjoni, ir-reġistrazzjoni li tindika li huma meħtieġa aktar verifiki.

1.   Fil-każ ta’ hits skont il-punt (a)(iii) sa (vii) tal-Artikolu 9a(4), u wara verifika manwali, l-awtorità kompetenti tal-viża jew l-awtorità maħtura tal-VIS għandha tinnotifika tali hits lill-Uffiċċju SIRENE tal-Istat Membru li jkun qed jipproċessa l-applikazzjoni.

2.   Fil-każ ta’ hits skont il-punt (a)(iii) tal-Artikolu 9a(4), l-Uffiċċju SIRENE tal-Istat Membru li jkun qed jipproċessa l-applikazzjoni għandu:

3.   Fil-każ ta’ hits skont il-punt (a)(iv) sa (vii) tal-Artikolu 9a(4) ta’ dan ir-Regolament, l-Uffiċċju SIRENE tal-Istat Membru li jkun qed jipproċessa l-applikazzjoni għandu jieħu kwalunkwe azzjoni ta’ segwitu xierqa f’konformità mar-Regolament (UE) 2018/1862.

1.   Fil-każ ta’ hits ivverifikati skont il-punt (e) jew (f) jew il-punt (g)(ii) tal-Artikolu 9a(4), l-awtorità maħtura tal-VIS għandha, jekk neċessarju, tieħu kwalunkwe azzjoni ta’ segwitu xierqa. Għal dak il-fini, hija għandha tikkonsulta, fejn xieraq, lill-Uffiċċju Ċentrali Nazzjonali tal-Interpol tal-Istat Membru li jkun qed jipproċessa l-applikazzjoni, lill-Europol jew lill-awtorità ċentrali tal-Istat Membru tal-kundanna maħtura f’konformità mal-Artikolu 3(1) tad-Deċiżjoni Qafas tal-Kunsill 2009/315/ĠAI (*).

2.   L-awtorità maħtura tal-VIS għandha tipprovdi opinjoni motivata dwar jekk l-applikant huwiex ta’ theddida għas-sigurtà pubblika lill-awtorità ċentrali tal-viża tal-Istat Membru li jkun qed jipproċessa l-applikazzjoni għal viża, li għandha tiġi kkunsidrata fl-eżami tal-applikazzjoni għal viża skont l-Artikolu 21 tar-Regolament (KE) 810/2009.

3.   Fil-każ ta’ hits ivverifikati skont il-punt (e) tal-Artikolu 9a(4) ta’ dan ir-Regolament, fejn il-kundanna tkun ingħatat qabel il-bidu tal-operat tal-ECRIS-TCN f’konformità mal-Artikolu 35(4) tar-Regolament (UE) 2019/816, l-awtorità maħtura tal-VIS, fl-opinjoni motivata msemmija fil-paragrafu 2 ta’ dan l-Artikolu, ma għandhiex tqis kundanni għal reati terroristiċi mogħtija aktar minn 25 sena qabel id-data tal-applikazzjoni għall-viża jew kundanni għal reati kriminali serji oħra mogħtija aktar minn 15-il sena qabel id-data tal-applikazzjoni għal viża.

4.   Fejn hit li tkun ivverifikata manwalment mill-awtorità maħtura tal-VIS tikkonċerna d-data tal-Europol imsemmija fil-punt (f) tal-Artikolu 9a(4), l-awtorità maħtura tal-VIS għandha titlob mingħajr dewmien l-opinjoni tal-Europol sabiex twettaq il-kompitu tagħha kif imsemmi fil-paragrafu 2 ta’ dan l-Artikolu. Għal dak il-fini, l-awtorità maħtura tal-VIS għandha tibgħat id-data rreġistrata fil-fajl ta’ applikazzjoni f’konformità mal-punti (4), (5) u (6) tal-Artikolu 9 lill-Europol. Il-Europol għandha twieġeb fi żmien 60 siegħa mid-data tat-talba. Meta l-Europol ma tweġibx fi żmien dik l-iskadenza, għandu jitqies li ma hemm l-ebda raġuni għal oġġezzjoni għall-ħruġ tal-viża.

5.   Fil-każ ta’ hits ivverifikati skont il-punt (a)(iv) tal-Artikolu 9a(4) ta’ dan ir-Regolament u wara li tikkonsulta l-Uffiċċju SIRENE tal-Istat Membru li joħroġ l-allert, l-awtorità maħtura tal-VIS tal-Istat Membru li jkun qed jipproċessa l-applikazzjoni għandha tipprovdi opinjoni motivata dwar jekk l-applikant huwiex ta’ theddida għas-sigurtà pubblika lill-awtorità ċentrali tal-viża li tkun qed tipproċessa l-applikazzjoni għal viża, li għandha tiġi kkunsidrata fl-eżami tal-applikazzjoni għal viża skont l-Artikolu 21 tar--Regolament (KE) Nru 810/2009.

6.   L-opinjoni motivata għandha tiġi rreġistrata fil-fajl ta’ applikazzjoni b’mod li jagħmilha aċċessibbli biss għall-awtorità maħtura tal-VIS imsemmija fl-Artikolu 9d tal-Istat Membru li jkun qed jipproċessa l-applikazzjoni u għall-awtorità ċentrali tal-viża tal-istess Stat Membru.

7.   L-awtorità maħtura tal-VIS għandha tibgħat l-opinjoni motivata lill-awtorità ċentrali tal-viża fi żmien sebat ijiem kalendarji min-notifika mibgħuta mill-VIS. Fil-każ ta’ hits ivverifikati skont il-punt (e) tal-Artikolu 9a(4), l-iskadenza biex tintbagħat l-opinjoni motivata għandha tkun 10 ijiem kalendarji. Meta l-awtorità maħtura tal-VIS ma tibgħatx tali opinjoni motivata fi żmien dik l-iskadenza, għandu jitqies li ma hemm l-ebda raġuni għal oġġezzjoni għall-ħruġ tal-viża.

1.   Għall-fini tal-implimentazzjoni tal-Artikoli 9a sa 9g, l-eu-LISA għandha, f’kooperazzjoni mal-Istati Membri u mal-Europol, tistabbilixxi kanali xierqa għan-notifiki u għall-iskambju ta’ informazzjoni msemmija f’dawk l-Artikoli.

2.   Il-Kummissjoni għandha tadotta att delegat f’konformità mal-Artikolu 48a biex tistabbilixxi f’manwal il-proċeduri u r-regoli meħtieġa għall-konsultazzjonijiet, il-verifiki u l-valutazzjonijiet.

1.   L-indikaturi ta’ riskji speċifiċi għandhom ikunu applikati bħala algoritmu li jippermetti t-tfassil ta’ profili kif definit fil-punt (4) tal-Artikolu 4 tar-Regolament (UE) 2016/679 permezz tat-tqabbil f’konformità mal-Artikolu 9a(13) ta’ dan ir-Regolament tad-data rreġistrata f’fajl ta’ applikazzjoni tal-VIS mal-indikaturi ta’ riskji speċifiċi stabbiliti mill-Unità Ċentrali tal-ETIAS skont il-paragrafu 4 ta’ dan l-Artikolu li jindikaw riskji għas-sigurtà, riskji ta’ immigrazzjoni illegali jew riskji għolja ta’ epidemija. L-Unità Ċentrali tal-ETIAS għandha ddaħħal l-indikaturi ta’ riskji speċifiċi fil-VIS.

2.   Il-Kummissjoni għandha tadotta att delegat f’konformità mal-Artikolu 48a biex tiddefinixxi ulterjorment ir-riskji relatati mas-sigurtà jew mal-immigrazzjoni illegali jew riskju għoli ta’ epidemija abbażi ta’:

3.   Il-Kummissjoni għandha tadotta att ta’ implimentazzjoni biex tispeċifika r-riskji, kif definit f’dan ir-Regolament u fl-att delegat imsemmi fil-paragrafu 2 ta’ dan l-Artikolu, li fuqhom iridu jkunu bbażati l-indikaturi ta’ riskji speċifiċi msemmija fil-paragrafu 4 ta’ dan l-Artikolu. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 49(2).

Ir-riskji speċifiċi msemmija fl-ewwel subparagrafu ta’ dan il-paragrafu għandhom jiġu rieżaminati tal-inqas kull sitt xhur u, fejn neċessarju, il-Kummissjoni għandha tadotta att ta’ implimentazzjoni ġdid f’konformità mal-proċedura ta’ eżami msemmija fl-Artikolu 49(2).

4.   Abbażi tar-riskji speċifiċi ddeterminati f’konformità mal-paragrafu 3, l-Unità Ċentrali tal-ETIAS għandha tistabbilixxi sett ta’ indikaturi ta’ riskji speċifiċi li jikkonsistu minn taħlita ta’ data li tinkludi wieħed jew aktar mill-fatturi li ġejjin:

5.   L-indikaturi ta’ riskji speċifiċi għandhom ikunu mmirati u proporzjonati. Fl-ebda ċirkostanza ma għandhom ikunu bbażati biss fuq is-sess jew l-età tal-persuna jew fuq informazzjoni li tiżvela l-kulur, ir-razza, l-oriġini etnika jew soċjali, il-fatturi ġenetiċi, il-lingwa, l-opinjoni politika jew kwalunkwe opinjoni oħra, it-twemmin reliġjuż jew filosofiku, is-sħubija fi trade union, l-appartenenza għal minoranza nazzjonali, il-proprjetà, it-twelid, diżabilità jew l-orjentazzjoni sesswali ta’ persuna.

6.   L-indikaturi ta’ riskji speċifiċi għandhom ikunu definiti, stabbiliti, ivvalutati ex ante, implimentati, evalwati ex post, riveduti u mħassra mill-Unità Ċentrali tal-ETIAS wara li tikkonsulta lill-Bord tal-Iskrinjar tal-VIS.

1.   B’dan qed jiġi stabbilit Bord tal-Iskrinjar tal-VIS b’funzjoni konsultattiva fl-Aġenzija Ewropea għall-Gwardja tal-Fruntiera u tal-Kosta. Dan għandu jkun magħmul minn rappreżentant tal-awtorità ċentrali tal-viża ta’ kull Stat Membru, tal-Aġenzija Ewropea għall-Gwardja tal-Fruntiera u tal-Kosta u tal-Europol.

2.   L-Unità Ċentrali tal-ETIAS għandu jikkonsulta lill-Bord tal-Iskrinjar tal-VIS dwar id-definizzjoni, l-istabbiliment, il-valutazzjoni ex ante, l-implimentazzjoni, l-evalwazzjoni ex post, ir-reviżjoni u t-tħassir tal-indikaturi ta’ riskji speċifiċi msemmija fl-Artikolu 9j.

3.   Il-Bord tal-Iskrinjar tal-VIS għandu joħroġ opinjonijiet, linji gwida, rakkomandazzjonijiet u l-aħjar prattiki għall-finijiet imsemmija fil-paragrafu 2. Meta joħroġ rakkomandazzjonijiet, il-Bord tal-Iskrinjar tal-VIS għandu jqis ir-rakkomandazzjonijiet maħruġa mill-Bord ta’ Gwida tal-VIS dwar id-Drittijiet Fundamentali.

4.   Il-Bord tal-Iskrinjar tal-VIS għandu jiltaqa’ kull meta jkun neċessarju, u tal-inqas darbtejn f’sena. L-Aġenzija Ewropea għall-Gwardja tal-Fruntiera u tal-Kosta għandha tkun responsabbli għall-ispejjeż u l-ġestjoni tal-laqgħat tiegħu.

5.   Il-Bord tal-Iskrinjar tal-VIS jista’ jikkonsulta lill-Bord ta’ Gwida tal-VIS dwar id-Drittijiet Fundamentali rigward kwistjonijiet speċifiċi relatati mad-drittijiet fundamentali, b’mod partikolari fir-rigward tal-privatezza, il-protezzjoni tad-data personali u n-nondiskriminazzjoni.

6.   Il-Bord tal-Iskrinjar tal-VIS għandu jadotta regoli ta’ proċedura fl-ewwel laqgħa tiegħu b’maġġoranza sempliċi tal-membri tiegħu.

1.   B’dan qed jiġi stabbilit Bord ta’ Gwida tal-VIS dwar id-Drittijiet Fundamentali b’funzjoni ta’ konsulenza u ta’ valutazzjoni. Mingħajr preġudizzju għall-kompetenzi rispettivi u l-indipendenza tagħhom, dan għandu jkun magħmul minn Uffiċjal għad-Drittijiet Fundamentali tal-Aġenzija Ewropea għall-Gwardja tal-Fruntiera u tal-Kosta, rappreżentant tal-forum konsultattiv dwar id-drittijiet fundamentali tal-Aġenzija Ewropea għall-Gwardja tal-Fruntiera u tal-Kosta, rappreżentant tal-Kontrollur Ewropew għall-Protezzjoni tad-data, rappreżentant tal-Bord Ewropew għall-Protezzjoni tad-data stabbilit bir-Regolament (UE) 2016/679 u rappreżentant tal-Aġenzija tal-Unjoni Ewropea għad-Drittijiet Fundamentali.

2.   Il-Bord ta’ Gwida tal-VIS dwar id-Drittijiet Fundamentali għandu jwettaq valutazzjonijiet regolari u joħroġ rakkomandazzjonijiet lill-Bord tal-Iskrinjar tal-VIS dwar l-impatt fuq id-drittijiet fundamentali tal-ipproċessar tal-applikazzjonijiet u tal-implimentazzjoni tal-Artikolu 9j, b’mod partikolari fir-rigward tal-privatezza, il-protezzjoni tad-data personali u n-nondiskriminazzjoni.

Il-Bord ta’ Gwida tal-VIS dwar id-Drittijiet Fundamentali għandu jappoġġa wkoll lill-Bord tal-Iskrinjar tal-VIS fl-eżekuzzjoni tal-kompiti tiegħu meta jiġi kkonsultat minn dan tal-aħħar dwar kwistjonijiet speċifiċi relatati mad-drittijiet fundamentali, b’mod partikolari fir-rigward tal-privatezza, il-protezzjoni tad-data personali u n-nondiskriminazzjoni.

Il-Bord ta’ Gwida tal-VIS dwar id-Drittijiet Fundamentali għandu jkollu aċċess għall-awditi msemmija fil-punt (e) tal-Artikolu 7(2) tar-Regolament (UE) 2018/1240.

3.   Il-Bord ta’ Gwida tal-VIS dwar id-Drittijiet Fundamentali għandu jiltaqa’ kull meta jkun neċessarju, u tal-inqas darbtejn f’sena. L-Aġenzija Ewropea għall-Gwardja tal-Fruntiera u tal-Kosta għandha tkun responsabbli għall-ispejjeż u l-ġestjoni tal-laqgħat tiegħu. Il-laqgħat tiegħu għandhom isiru fil-bini tal-Aġenzija Ewropea għall-Gwardja tal-Fruntiera u tal-Kosta. Is-segretarjat tal-laqgħat tiegħu għandu jiġi pprovdut mill-Aġenzija Ewropea għall-Gwardja tal-Fruntiera u tal-Kosta. Il-Bord ta’ Gwida tal-VIS dwar id-Drittijiet Fundamentali għandu jadotta regoli ta’ proċedura fl-ewwel laqgħa tiegħu b’maġġoranza sempliċi tal-membri tiegħu.

4.   Wieħed mir-rappreżentanti tal-Bord ta’ Gwida tal-VIS dwar id-Drittijiet Fundamentali għandu jiġi mistieden jattendi l-laqgħat tal-Bord tal-Iskrinjar tal-VIS f’funzjoni konsultattiva. Il-membri tal-Bord ta’ Gwida tal-VIS dwar id-Drittijiet Fundamentali għandu jkollhom aċċess għall-informazzjoni u l-fajls tal-Bord tal-Iskrinjar tal-VIS.

5.   Il-Bord ta’ Gwida tal-VIS dwar id-Drittijiet Fundamentali għandu jipproduċi rapport annwali. Ir-rapport għandu jitqiegħed għad-dispożizzjoni tal-pubbliku.”;

“1.   Għall-finijiet ta’ konsultazzjoni bejn awtoritajiet ċentrali tal-viża dwar applikazzjonijiet f’konformità mal-Artikolu 22 tar-Regolament (KE) Nru 810/2009, it-talba għall-konsultazzjoni u t-tweġibiet għaliha għandhom ikunu trażmessi f’konformità mal-paragrafu 2 ta’ dan l-Artikolu.

2.   Meta jinħoloq fajl ta’ applikazzjoni fil-VIS dwar ċittadin ta’ pajjiż terz speċifiku jew li jappartjeni għal kategorija speċifika ta’ tali ċittadini li dwarhom tintalab konsultazzjoni minn qabel skont l-Artikolu 22 tar-Regolament (KE) Nru 810/2009, il-VIS għandha awtomatikament tittrażmetti t-talba għal konsultazzjoni permezz tal-VISMail lill-Istat Membru jew l-Istati Membri indikati.

L-Istat Membru jew l-Istati Membri kkonsultati għandhom jittrażmettu t-tweġiba tagħhom lill-VIS, li għandha tittrażmetti dik it-tweġiba permezz tal-VISMail lill-Istat Membru li ħoloq l-applikazzjoni.

F’każ ta’ tweġiba negattiva, it-tweġiba għandha tispeċifika jekk l-applikant ikunx ta’ theddida għall-ordni pubbliku, għas-sigurtà interna, għas-saħħa pubblika jew għar-relazzjonijiet internazzjonali.

Unikament għall-fini li titwettaq il-proċedura ta’ konsultazzjoni, il-lista ta’ Stati Membri li jeħtieġu li l-awtoritajiet ċentrali tagħhom jiġu kkonsultati mill-awtoritajiet ċentrali ta’ Stati Membri oħra matul l-eżami tal-applikazzjonijiet għal viża għal viżi uniformi ppreżentati minn ċittadini ta’ pajjiżi terzi speċifiċi jew kategoriji speċifiċi ta’ tali ċittadini f’konformità mal-Artikolu 22 tar-Regolament (KE) Nru 810/2009 għandha tiġi integrata fil-VIS. Il-VIS għandha tipprovdi l-funzjonalità għall-ġestjoni ċentralizzata ta’ dik il-lista.

3.   It-trażmissjoni ta’ informazzjoni permezz tal-VISMail għandha tapplika wkoll:

3a.   Il-lista ta’ Stati Membri li jeħtieġu li l-awtoritajiet ċentrali tagħhom jiġu informati dwar viżi maħruġa minn Stati Membri oħra lil ċittadini ta’ pajjiżi terzi speċifiċi jew lil kategoriji speċifiċi ta’ tali ċittadini skont l-Artikolu 31 tar-Regolament (KE) Nru 810/2009 għandha tiġi integrata fil-VIS. Il-VIS għandha tipprovdi għall-ġestjoni ċentralizzata ta’ dik il-lista.

3b.   It-trażmissjoni ta’ informazzjoni skont il-punti (a), (b) u (c) tal-paragrafu 3 għandha tiġi ġġenerata awtomatikament mill-VIS.

3c.   L-awtoritajiet kompetenti tal-viża għandhom iwieġbu għat-talbiet skont il-punt (e) tal-paragrafu 3 fi żmien tlett ijiem ta’ xogħol.

4.   Id-data personali trażmessa skont dan l-Artikolu għandha tintuża unikament għall-konsultazzjoni u l-informazzjoni tal-awtoritajiet ċentrali tal-viża u l-kooperazzjoni konsulari.”;

1.   Unikament għall-fini li jiġi stabbilit liema Stat Membru huwa responsabbli li jeżamina applikazzjoni għal protezzjoni internazzjonali f’konformità mal-Artikoli 12 u 34 tar-Regolament (UE) Nru 604/2013, l-awtoritajiet kompetenti għall-ażil għandu jkollhom aċċess għall-VIS biex ifittxu bil-marki tas-swaba’ tal-applikant għal protezzjoni internazzjonali.

Fejn il-marki tas-swaba’ tal-applikant għal protezzjoni internazzjonali ma jkunux jistgħu jintużaw jew it-tfittxija bil-marki tas-swaba’ ma tirnexxix, it-tfittxija għandha titwettaq bid-data msemmija fil-punt (4)(a), (aa), (b), (c) jew (ca), jew il-punt (5) tal-Artikolu 9. Madankollu, l-immaġni tal-wiċċ ma għandhiex tkun l-uniku kriterju tat-tfittxija.

2.   Jekk it-tfittxija bid-data elenkata fil-paragrafu 1 ta’ dan l-Artikolu tindika li viża maħruġa b’data ta’ skadenza ta’ mhux aktar minn sitt xhur qabel id-data tal-applikazzjoni għal protezzjoni internazzjonali, jew viża estiża sa data ta’ skadenza ta’ mhux aktar minn sitt xhur qabel id-data tal-applikazzjoni għal protezzjoni internazzjonali, hija rreġistrata fil-VIS, l-awtorità kompetenti għall-ażil għandu jkollha aċċess għall-VIS biex tikkonsulta d-data li ġejja tal-fajl ta’ applikazzjoni, u fir-rigward tad-data elenkata fil-punt (e) ta’ dan il-paragrafu tal-konjuġi u tat-tfal, skont l-Artikolu 8(4), unikament għall-fini msemmi fil-paragrafu 1 ta’ dan l-Artikolu:

3.   Il-konsultazzjoni tal-VIS skont il-paragrafi 1 u 2 ta’ dan l-Artikolu għandha titwettaq biss mill-awtoritajiet nazzjonali maħtura msemmija fl-Artikolu 34(6) tar-Regolament (UE) Nru 604/2013.

1.   Unikament għall-fini li tiġi eżaminata applikazzjoni għal protezzjoni internazzjonali, l-awtoritajiet kompetenti għall-ażil għandu jkollhom aċċess f’konformità mal-Artikolu 34 tar-Regolament (UE) Nru 604/2013 biex ifittxu bil-marki tas-swaba’ tal-applikant għal protezzjoni internazzjonali.

Fejn il-marki tas-swaba’ tal-applikant għal protezzjoni internazzjonali ma jkunux jistgħu jintużaw jew it-tfittxija bil-marki tas-swaba’ ma tirnexxix, it-tfittxija għandha titwettaq bid-data msemmija fil-punt (4)(a), (aa), (b), (c) jew (ca), jew il-punt 5 tal-Artikolu 9. Madankollu, l-immaġni tal-wiċċ ma għandhiex tkun l-uniku kriterju tat-tfittxija.

2.   Jekk it-tfittxija bid-data elenkata fil-paragrafu 1 ta’ dan l-Artikolu tindika li hemm data dwar l-applikant għal protezzjoni internazzjonali rreġistrata fil-VIS, l-awtorità kompetenti għall-ażil għandu jkollha aċċess għall-VIS biex tikkonsulta d-data li ġejja tal-applikant jew ta’ kwalunkwe fajl ta’ applikazzjoni illinkjat tal-applikant skont l-Artikolu 8(3), u, fir-rigward tad-data elenkata fil-punt (f) ta’ dan il-paragrafu, tal-konjuġi u t-tfal skont l-Artikolu 8(4), unikament għall-fini msemmi fil-paragrafu 1 ta’ dan l-Artikolu:

3.   Il-konsultazzjoni tal-VIS skont il-paragrafi 1 u 2 ta’ dan l-Artikolu għandha titwettaq biss mill-awtoritajiet nazzjonali maħtura msemmija fl-Artikolu 34(6) tar-Regolament (UE) Nru 604/2013.”;

1.   Hekk kif issir applikazzjoni għal viża għal soġġorn twil jew permess ta’ residenza, l-awtorità kompetenti għall-ġbir jew l-eżami tal-applikazzjoni għandha toħloq mingħajr dewmien fajl ta’ applikazzjoni billi ddaħħal id-data li ġejja fil-VIS sa fejn dik id-data tkun meħtieġa li tiġi pprovduta mill-applikant f’konformità mal-liġi tal-Unjoni jew dik nazzjonali rilevanti:

2.   Fir-rigward tal-marki tas-swaba’ kif imsemmi fil-punt (k) tal-paragrafu 1, il-marki tas-swaba’ ta’ tfal taħt l-età ta’ sitt snin ma għandhomx jiddaħħlu fil-VIS.

Fir-rigward tal-immaġnijiet tal-wiċċ u l-marki tas-swaba’ msemmija fil-punti (j) u (k) tal-paragrafu 1, id-data ta’ minorenni għandha tiddaħħal fil-VIS biss meta jiġu ssodisfati l-kondizzjonijiet kollha li ġejjin:

3.   Hekk kif jinħoloq il-fajl ta’ applikazzjoni, il-VIS għandha awtomatikament tniedi l-konsultazzjonijiet skont l-Artikolu 22b.

4.   Jekk l-applikant ikun applika bħala parti minn grupp jew ma’ membru tal-familja, l-awtorità għandha toħloq fajl ta’ applikazzjoni għal kull persuna fil-grupp u tillinkja l-fajls tal-persuni li applikaw flimkien għall-viża għal soġġorn twil jew permessi ta’ residenza.

5.   Fejn ma jkunx meħtieġ li tiġi pprovduta data partikolari f’konformità mal-liġi tal-Unjoni jew dik nazzjonali jew din ma tistax tiġi pprovduta, l-oqsma speċifiċi pprovduti għad-data għandhom jiġu mmarkati bħala “mhux applikabbli”. Fil-każ tal-marki tas-swaba’, is-sistema għandha tippermetti li ssir distinzjoni bejn il-każijiet fejn ma jkunx meħtieġ li l-marki tas-swaba’ jiġu pprovduti f’konformità mal-liġi tal-Unjoni jew dik nazzjonali u l-każijiet fejn ma jistgħux jiġu pprovduti.

1.   Il-fajls ta’ applikazzjoni għandhom jiġu pproċessati awtomatikament mill-VIS biex jiġu identifikati hits f’konformità ma’ dan l-Artikolu. Il-VIS għandha teżamina kull fajl ta’ applikazzjoni individwalment.

2.   Għall-fini li jiġi vvalutat jekk il-persuna tistax tkun ta’ theddida għall-ordni pubbliku, għas-sigurtà interna jew għas-saħħa pubblika tal-Istati Membri skont il-punt (e) tal-Artikolu 6(1) tar-Regolament (UE) 2016/399 u għall-fini tal-objettiv imsemmi fil-punt (f) tal-Artikolu 2(2) ta’ dan ir-Regolament, il-VIS għandha tniedi konsultazzjoni billi tuża l-ESP biex tqabbel id-data rilevanti msemmija fil-punti (d) sa (g), (i), (j) u (k) tal-Artikolu 22a(1) ta’ dan ir-Regolament mad-data preżenti f’reġistrazzjoni, fajl jew allert irreġistrat fi:

It-tqabbil għandu jsir kemm b’data alfanumerika kif ukoll b’data bijometrika, dment li s-sistema ta’ informazzjoni jew il-bażi ta’ data kkonsultata ma jkunx fiha kategorija ta’ data waħda biss minnhom.

3.   B’mod partikolari, il-VIS għandha tivverifika:

4.   L-allerti tas-SIS fir-rigward ta’ persuni nieqsa jew vulnerabbli, persuni mfittxija biex jassistu fi proċedura ġudizzjarja u persuni jew oġġetti għal verifiki diskreti, verifiki ta’ inkjesta jew verifiki speċifiċi għandhom jiġu kkonsultati biss għall-finijiet tal-objettiv imsemmi fil-punt (f) tal-Artikolu 2(2).

5.   Fir-rigward ta’ bażijiet ta’ data tal-SLTD tal-Interpol u t-TDAWN tal-Interpol, kwalunkwe konsultazzjoni jew verifika għandha titwettaq b’tali mod li l-ebda informazzjoni ma tiġi żvelata lis-sid tal-allert tal-Interpol.

Jekk ir-rekwiżit previst f’dan il-paragrafu ma jkunx issodisfat, il-VIS ma għandhiex tikkonsulta l-bażijiet ta’ data tal-Interpol.

6.   Fir-rigward tad-data tal-Europol, l-ipproċessar awtomatizzat għandu jirċievi n-notifika adatta f’konformità mal-Artikolu 21(1b) tar-Regolament (UE) 2016/794.

7.   Għandha tiġi skattata hit meta d-data kollha jew parti minnha li tkun preżenti fil-fajl ta’ applikazzjoni li jintuża għall-konsultazzjoni tkun tikkorrispondi kompletament jew parzjalment mad-data preżenti f’reġistrazzjoni, f’allert jew f’fajl tas-sistemi ta’ informazzjoni jew bażijiet ta’ data msemmija fil-paragrafu 2. Il-manwal imsemmi fil-paragrafu 18 għandha tiddefinixxi korrispondenza parzjali, inkluż grad ta’ probabbiltà biex jiġi limitat l-għadd ta’ hits foloz.

8.   Meta t-tqabbil awtomatiku msemmi fil-paragrafu 2 jirrapporta hit relatata mal-punti (a)(i), (ii) u (iii), il-punt (b), il-punt (c)(i) , il-punt (d) u l--punt (g)(i) tal-paragrafu 3, il-VIS għandha żżid referenza fil-fajl ta’ applikazzjoni għal kull hit u, fejn rilevanti, l-Istati Membri li daħħlu jew ipprovdew id-data li skattat il-hit.

9.   Meta t-tqabbil awtomatiku msemmi fil-paragrafu 2 jirrapporta hit relatata mal-punt (a)(iv), il-punt (c)(ii), il-punti (e) u (f) u l-punt(g)(ii) tal-paragrafu 3, il-VIS għandha tindika biss fil-fajl ta’ applikazzjoni li hija meħtieġa verifika ulterjuri.

Fil-każ ta’ hits skont il-punt (a)(iv) , il-punti (e) u (f) u l-punt (g)(ii) tal-paragrafu 3, il-VIS għandha tibgħat notifika awtomatizzata dwar tali hits lill-awtorità maħtura tal-VIS tal-Istat Membru li jkun qed jipproċessa l-applikazzjoni. Tali notifika awtomatizzata għandu jkun fiha d-data rreġistrata fil-fajl ta’ applikazzjoni f’konformità mal-punti (d) sa (g), u (i), (j) u (k) tal-Artikolu 22a(1).

Fil-każ ta’ hits skont il-punt (c)(ii) tal-paragrafu 3, il-VIS għandha tibgħat notifika awtomatizzata dwar tali hits lill-Unità Nazzjonali tal-ETIAS tal-Istat Membru li daħħal id-data jew, jekk id-data tkun iddaħħlet mill-Europol, lill-Unità Nazzjonali tal-ETIAS tal-Istati Membri li jkunu qed jipproċessaw l-applikazzjoni. Dik in-notifika awtomatizzata għandu jkun fiha d-data rreġistrata fil-fajl ta’ applikazzjoni f’konformità mal-punti (d) sa (g) u (i) tal-Artikolu 22a(1).

10.   Fejn it-tqabbil awtomatiku msemmi fil-paragrafu 2 jirrapporta hit relatata mal-punti (a)(v), (vi) u (vii) tal-paragrafu 3, il-VIS la għandha tirreġistra l-hit fil-fajl ta’ applikazzjoni u lanqas ma għandha tindika fil-fajl ta’ applikazzjoni li hija meħtieġa verifika ulterjuri.

11.   In-numru ta’ referenza uniku tar-reġistrazzjoni tad-data li tkun skattat hit għandu jinżamm fil-fajl ta’ applikazzjoni għall-fini taż-żamma ta’ reġistrazzjonijiet, rappurtar u statistika f’konformità mal-Artikoli 34 u 45a.

12.   Kwalunkwe hit skont il-paragrafu 6 għandha tiġi vverifikata manwalment mill-awtorità kompetenti tal-viża jew tal-immigrazzjoni tal-Istat Membru li jkun qed jipproċessa l-applikazzjoni għal viża għal soġġorn twil jew permess ta’ residenza.

Għall-finijiet ta’ verifika manwali skont l-ewwel subparagrafu ta’ dan il-paragrafu, l-awtorità kompetenti għandu jkollha aċċess għall-fajl ta’ applikazzjoni u għal kwalunkwe fajl ta’ applikazzjoni illinkjat, kif ukoll għall-hits skattati waqt l-ipproċessar awtomatizzat skont il-paragrafu 6.

L-awtorità kompetenti għandu jkollha wkoll aċċess temporanju għad-data fil-VIS, l-SIS, l-EES, l-ETIAS, jew l-SLTD tal-Interpol li skattat il-hit għat-tul tal-verifiki msemmija f’dan l-Artikolu u l-eżami tal-applikazzjoni għal viża għal soġġorn twil jew permess ta’ residenza u fil-każ ta’ proċedura ta’ appell.

L-awtorità kompetenti għandha tivverifika jekk l-identità tal-applikant irreġistrata fil-fajl ta’ applikazzjoni tikkorrispondix mad-data fi kwalunkwe mis-sistemi ta’ informazzjoni u bażijiet ta’ data kkonsultati.

Meta d-data personali fil-fajl ta’ applikazzjoni tikkorrispondi mad-data maħżuna fis-sistema ta’ informazzjoni jew bażi ta’ data rilevanti, il-hit għandha titqies meta jiġi vvalutat jekk l-applikant għal viża għal soġġorn twil jew permess ta’ residenza jistax ikun ta’ theddida għall-ordni pubbliku, għas-sigurtà interna jew għas-saħħa pubblika tal-Istati Membri li jkunu qed jipproċessaw l-applikazzjoni.

Meta l-hit tikkonċerna persuna li fir-rigward tagħha jkun inħareġ allert għal rifjut ta’ dħul u ta’ soġġorn jew allert dwar ritorn ikun iddaħħal fis-SIS minn Stat Membru ieħor, għandha tapplika l-konsultazzjoni minn qabel skont l-Artikolu 27 tar-Regolament (UE) 2018/1861 jew l-Artikolu 9 tar-Regolament (UE) 2018/1860.

Fejn id-data personali fil-fajl ta’ applikazzjoni ma tikkorrispondix mad-data maħżuna fis-sistema ta’ informazzjoni jew bażi a’ data rilevanti, l-awtorità kompetenti għandha tħassar il-hit falza mill-fajl ta’ applikazzjoni.

13.   Għall-verifika manwali tal-hits skont il-punti (a)(iv) sa (vii), il-punti (e) u (f) u l-punt (g)(ii) tal-paragrafu 3 ta’ dan l-Artikolu mill-awtoritajiet maħtura tal-VIS, għandu japplika l-Artikolu 9d kif meħtieġ.

14.   Għall-verifika manwali u l-azzjonijiet ta’ segwitu fir-rigward tal-hits fil-lista ta’ sorveljanza tal-ETIAS skont il-punt (c)(ii) tal-paragrafu 3 ta’ dan l-Artikolu mill-Unitajiet Nazzjonali tal-ETIAS għandu japplika l-Artikolu 9e kif meħtieġ. Ir-referenza għall-awtorità ċentrali tal-viża għandha tinftiehem bħala li tirreferi għall-awtorità tal-viża jew tal-immigrazzjoni kompetenti għal viżi għal soġġorn twil jew permessi ta’ residenza.

15.   Għall-azzjonijiet ta’ segwitu fir-rigward tal-hits fis-SIS skont il-punt (a)(iv) sa (vii) tal-paragrafu 3 ta’ dan l-Artikolu mill-Uffiċċji SIRENE, għandu japplika l-Artikolu 9f kif meħtieġ.

16.   Għall-azzjonijiet ta’ segwitu fir-rigward tal-hits skont il-punt (e) jew (f) jew il-punt (g)(ii) tal-paragrafu 3 ta’ dan l-Artikolu mill-awtoritajiet maħtura tal-VIS, għandu japplika l-Artikolu 9g kif meħtieġ. Ir-referenza għall-awtorità ċentrali tal-viża għandha tinftiehem bħala li tirreferi għall-awtorità tal-viża jew tal-immigrazzjoni kompetenti għal viżi għal soġġorn twil jew permessi ta’ residenza.

17.   Għall-fini tal-implimentazzjoni ta’ dan l-Artikolu, l-eu-LISA għandha, f’kooperazzjoni mal-Istati Membri u mal-Europol, tistabbilixxi kanali xierqa għan-notifiki u għall-iskambju ta’ informazzjoni msemmija f’dan l-Artikolu.

18.   Il-Kummissjoni għandha tadotta att delegat f’konformità mal-Artikolu 48a biex tistabbilixxi f’manwal il-proċeduri u r-regoli neċessarji għall-konsultazzjonijiet, il-verifiki u l-valutazzjonijiet.

1.   Fejn awtorità kompetenti tiddeċiedi li viża għal soġġorn twil jew permess ta’ residenza jiġi rrifjutat minħabba li l-applikant ikun meqjus li jikkostitwixxi theddida għall-ordni pubbliku, għas-sigurtà interna jew għas-saħħa pubblika jew l-applikant ikun ippreżenta dokumenti li nkisbu b’mod frodulenti, jew li ġew iffalsifikati, jew imbagħbsa, għandha żżid id-data li ġejja mal-fajl ta’ applikazzjoni fejn id-data tinġabar f’konformità mal-liġi tal-Unjoni u dik nazzjonali rilevanti:

2.   Fejn tkun ittieħdet deċiżjoni finali li tiġi rrifjutata viża għal soġġorn twil jew permess ta’ residenza abbażi ta’ raġunijiet oħra għajr dawk imsemmija fil-paragrafu 1, il-fajl ta’ applikazzjoni għandu jitħassar mingħajr dewmien mill-VIS.

1.   Fejn awtorità kompetenti tiddeċiedi li testendi l viża għal soġġorn twil, għandha żżid id-data li ġejja mal-fajl ta’ applikazzjoni, meta d-data tinġabar f’konformità mal-liġi tal-Unjoni u dik nazzjonali rilevanti:

2.   Meta awtorità kompetenti tiddeċiedi li ġġedded permess ta’ residenza, japplika l-Artikolu 22c.

1.   Unikament għall-fini li tiġi vverifikata l-identità tad-detentur ta’ viża għal soġġorn twil jew permess ta’ residenza, jew l-awtentiċità u l-validità tal-viża għal soġġorn twil jew permess ta’ residenza jew li jiġi vverifikat jekk ikunux issodisfati l-kondizzjonijiet għad-dħul fit-territorju tal-Istati Membri f’konformità mal-Artikolu 6 tar-Regolament (UE) 2016/399, l-awtoritajiet kompetenti għat-twettiq ta’ verifiki fil-punti ta’ qsim tal-fruntieri esterni f’konformità ma’ dak ir-Regolament għandu jkollhom aċċess biex iwettqu tfittxijiet fil-VIS billi jużaw id-data li ġejja:

2.   Jekk it-tfittxija bid-data elenkata fil-paragrafu 1 ta’ dan l-Artikolu tindika li hemm data dwar id-detentur tal-viża għal soġġorn twil jew permess ta’ residenza rreġistrata fil-VIS, l-awtorità kompetenti għat-twettiq ta’ verifiki fuq il-fruntiera għandu jkollha aċċess għall-VIS biex tikkonsulta d-data segwenti tal-fajl ta’ applikazzjoni u ta’ fajls ta’ applikazzjoni illinkjati skont l-Artikolu 22a(4), unikament għall-finijiet imsemmija fil-paragrafu 1 ta’ dan l-Artikolu:

3.   Għall-finijiet imsemmija fil-paragrafu 1, l-awtoritajiet kompetenti għat-twettiq ta’ verifiki fil-punti ta’ qsim tal-fruntieri esterni għandu jkollhom ukoll aċċess għall-VIS biex jivverifikaw il-marki tas-swaba’ jew l-immaġni tal-wiċċ tad-detentur tal-viża għal soġġorn twil jew tal-permess ta’ residenza bil-marki tas-swaba’ jew bl-immaġni tal-wiċċ meħuda dak il-ħin li jkunu rreġistrati fil-VIS.

4.   Meta l-verifika tad-detentur tal-viża għal soġġorn twil jew permess ta’ residenza ma tirnexxix jew fejn ikun hemm dubji dwar l-identità tad-detentur jew l-awtentiċità tal-viża għal soġġorn twil jew tal-permess ta’ residenza jew tad-dokument tal-ivvjaġġar, il-persunal debitament awtorizzat tal-awtoritajiet kompetenti għat-twettiq ta’ verifiki fuq il-punti ta’ qsim tal-fruntieri esterni għandu jkollu aċċess għad-data tal-VIS f’konformità mal-Artikolu 22i(1) u (2).

1.   Unikament għall-fini li tiġi vverifikata l-identità tad-detentur tal-viża għal soġġorn twil jew permess ta’ residenza, jew l-awtentiċità u l-validità tal-viża għal soġġorn twil jew permess ta’ residenza jew li jiġi vverifikat jekk il-kondizzjonijiet għad-dħul, is-soġġorn jew ir-residenza fit-territorju tal-Istati Membri humiex issodisfati, l-awtoritajiet kompetenti għat-twettiq ta’ verifiki fit-territorju tal-Istati Membri dwar jekk il-kondizzjonijiet għad-dħul, is-soġġorn jew ir-residenza fit-territorju tal-Istati Membri humiex issodisfati għandu jkollhom aċċess għall-VIS biex ifittxu bin-numru tal-viża għal soġġorn twil jew permess ta’ residenza flimkien ma’ verifika tal-marki tas-swaba’ tad-detentur tal-viża għal soġġorn twil jew permess ta’ residenza, jew bin-numru tal-viża għal soġġorn twil jew permess ta’ residenza.

Fejn l-identità tad-detentur tal-viża għal soġġorn twil jew tal-permess ta’ residenza ma tkunx tista’ tiġi vverifikata bil-marki tas-swaba’, l-awtoritajiet kompetenti jistgħu jwettqu wkoll il-verifika bl-immaġni tal-wiċċ.

2.   Jekk it-tfittxija bid-data elenkata fil-paragrafu 1 ta’ dan l-Artikolu tindika li hemm data dwar id-detentur tal-viża għal soġġorn twil jew permess ta’ residenza rreġistrata fil-VIS, l-awtorità kompetenti għandu jkollha aċċess għall-VIS biex tikkonsulta d-data segwenti tal-fajl ta’ applikazzjoni u ta’ fajls ta’ applikazzjoni illinkjati skont l-Artikolu 22a(4), unikament għall-finijiet imsemmija fil-paragrafu 1 ta’ dan l-Artikolu:

3.   Fejn il-verifika tad-detentur tal-viża għal soġġorn twil jew permess ta’ residenza ma tirnexxix jew fejn ikun hemm dubji dwar l-identità tad-detentur jew l-awtentiċità tal-viża għal soġġorn twil jew tal-permess ta’ residenza jew tad-dokument tal-ivvjaġġar, il-persunal debitament awtorizzat tal-awtoritajiet kompetenti għandu jkollu aċċess għad-data tal-VIS f’konformità mal-Artikolu 22i(1) u (2).

1.   Unikament għall-fini tal-identifikazzjoni ta’ kwalunkwe persuna li setgħet ġiet irreġistrata preċedentement fil-VIS jew li ma tissodisfax jew ma tkunx għadha tissodisfa l-kondizzjonijiet għad-dħul, is-soġġorn jew ir-residenza fit-territorju tal-Istati Membri, l-awtoritajiet kompetenti għat-twettiq tal-verifiki fil-punti ta’ qsim tal-fruntieri f’konformità mar-Regolament (UE) 2016/399 jew fit-territorju tal-Istati Membri dwar jekk il-kondizzjonijiet għad-dħul, is-soġġorn jew ir-residenza fit-territorju tal-Istati Membri jkunux issodisfati, għandu jkollhom aċċess għall-VIS biex ifittxu bil-marki tas-swaba’ ta’ dik il-persuna.

Meta l-marki tas-swaba’ ta’ dik il-persuna ma jistgħux jintużaw jew it-tfittxija bil-marki tas-swaba’ ma tirnexxix, it-tfittxija għandha titwettaq bid-data msemmija fil-punti (d) sa (g) jew fil-punt (j) tal-Artikolu 22a(1). Madankollu, l-immaġni tal-wiċċ ma għandhiex tkun l-uniku kriterju tat-tfittxija.

2.   Jekk it-tfittxija bid-data elenkata fil-paragrafu 1 ta’ dan l-Artikolu tindika li hemm data dwar l-applikant irreġistrata fil-VIS, l-awtorità kompetenti għandu jkollha aċċess għall-VIS biex tikkonsulta d-data li ġejja tal-fajl ta’ applikazzjoni u tal-fajls ta’ applikazzjoni illinkjati skont l-Artikolu 22a(4), unikament għall-finijiet imsemmija fil-paragrafu 1 ta’ dan l-Artikolu:

3.   Meta l-persuna jkollha viża għal soġġorn twil jew permess ta’ residenza, l-awtoritajiet kompetenti għandhom l-ewwel jaċċessaw il-VIS f’konformità mal-Artikoli 22g jew 22h.

1.   Unikament għall-fini li jiġi stabbilit liema Stat Membru huwa responsabbli li jeżamina applikazzjoni għal protezzjoni internazzjonali f’konformità mal-Artikoli 12 u 34 tar-Regolament (UE) Nru 604/2013, l-awtoritajiet kompetenti għall-ażil għandu jkollhom aċċess għall-VIS biex ifittxu bil-marki tas-swaba’ tal-applikant għal protezzjoni internazzjonali.

Fejn il-marki tas-swaba’ tal-applikant għal protezzjoni internazzjonali ma jistgħux jintużaw jew it-tfittxija bil-marki tas-swaba’ ma tirnexxix, it-tfittxija għandha titwettaq bid-data msemmija fil-punti (d) sa (g) jew fil-punt (j) tal-Artikolu 22a(1). Madankollu, l-immaġni tal-wiċċ ma għandhiex tkun l-uniku kriterju tat-tfittxija.

2.   Jekk it-tfittxija bid-data elenkata fil-paragrafu 1 ta’ dan l-Artikolu tindika li viża għal soġġorn twil jew permess ta’ residenza hija rreġistrata fil-VIS, l-awtorità kompetenti għall-ażil għandha tingħata aċċess għall-VIS biex tikkonsulta d-data li ġejja tal-fajl ta’ applikazzjoni u, fir-rigward tad-data elenkata fil-punt (e) ta’ dan il-paragrafu, ta’ fajls ta’ applikazzjoni illinkjati relatati mal-konjuġi u t-tfal skont l-Artikolu 22a(4), unikament għall-fini msemmi fil-paragrafu 1 ta’ dan l-Artikolu:

3.   Il-konsultazzjoni tal-VIS skont il-paragrafi 1 u 2 ta’ dan l-Artikolu għandha titwettaq biss mill-awtoritajiet nazzjonali maħtura msemmija fl-Artikolu 34(6) tar-Regolament (UE) Nru 604/2013.

1.   Unikament għall-fini li tiġi eżaminata applikazzjoni għal protezzjoni internazzjonali, l-awtoritajiet kompetenti għall-ażil għandu jkollhom aċċess għall-VIS f’konformità mal-Artikolu 34 tar-Regolament (UE) Nru 604/2013 biex ifittxu bil-marki tas-swaba’ tal-applikant għal protezzjoni internazzjonali.

Meta l-marki tas-swaba’ tal-applikant għal protezzjoni internazzjonali ma jistgħux jintużaw jew it-tfittxija bil-marki tas-swaba’ ma tirnexxix, it-tfittxija għandha titwettaq bid-data msemmija fil-punti (d) sa (g) jew fil-punt (j) tal-Artikolu 22a(1). Madankollu, l-immaġni tal-wiċċ ma għandhiex tkun l-uniku kriterju tat-tfittxija.

2.   Jekk it-tfittxija bid-data elenkata fil-paragrafu 1 ta’ dan l-Artikolu tindika li hemm data dwar l-applikant għal protezzjoni internazzjonali rreġistrata fil-VIS, l-awtorità kompetenti għall-ażil għandu jkollha aċċess għall-VIS biex tikkonsulta d-data li ġejja tal-fajl ta’ applikazzjoni u, fir-rigward tad-data elenkata fil-punt (f) ta’ dan il-paragrafu, tal-fajls ta’ applikazzjoni illinkjati relatati mal-konjuġi u t-tfal skont l-Artikolu 22a(4), unikament għall-fini msemmi fil-paragrafu 1 ta’ dan l-Artikolu:

3.   Il-konsultazzjoni tal-VIS skont il-paragrafi 1 u 2 ta’ dan l-Artikolu għandha titwettaq biss mill-awtoritajiet nazzjonali maħtura msemmija fl-Artikolu 34(6) tar-Regolament (UE) Nru 604/2013.

1.   Kull Stat Membri għandu jaħtar l-awtoritajiet li huma intitolati jikkonsultaw id-data tal-VIS sabiex jipprevjenu, jikxfu u jinvestigaw reati terroristiċi jew reati kriminali serji oħra.

Id-data aċċessata minn dawk l-awtoritajiet għandha tiġi pproċessata biss għall-finijiet tal-każ speċifiku li għalih tkun ġiet ikkonsultata d-data.

2.   Kull Stat Membru għandu jżomm lista tal-awtoritajiet maħtura tiegħu u jinnotifika lill-eu-LISA. Kull Stat Membrujista’ fi kwalunkwe ħin jemenda jew jissostitwixxi l-lista li jkun ikkomunika u għandu jinforma lill-Kummissjoni u lill-eu-LISA kif meħtieġ.

3.   Kull Stat Membru għandu jaħtar punt ta’ aċċess ċentrali li għandu jkollu aċċess għall-VIS. Il-punt ta’ aċċess ċentrali għandu jivverifika li l-kondizzjonijiet għal aċċess għad-data tal-VIS stabbiliti fl-Artikolu 22o ikunu ssodisfati.

L-awtoritajiet maħtura u l-punt ta’ aċċess ċentrali jistgħu jkunu parti mill-istess organizzazzjoni jekk dan ikun permess skont il-liġi nazzjonali, iżda l-punt ta’ aċċess ċentrali għandu jaġixxi b’mod kompletament indipendenti mill-awtoritajiet maħtura fit-twettiq tal-kompiti tiegħu skont dan ir-Regolament. Il-punt ta’ aċċess ċentrali għandu jkun separat mill-awtoritajiet maħtura u ma għandux jirċievi struzzjonijiet mingħandhom fir-rigward tal-eżitu tal-verifika li għandu jwettaq b’mod indipendenti.

L-Istati Membri jistgħu jaħtru aktar minn punt ta’ aċċess ċentrali wieħed sabiex tiġi riflessa l-istruttura organizzattiva u amministrattiva tagħhom fit-twettiq tar-rekwiżiti kostituzzjonali jew legali tagħhom.

4.   Kull Stat Membru għandu jikkomunika lill-Kummissjoni u lill-eu-LISA l-punt ta’ aċċess ċentrali tiegħu u jista’ fi kwalunkwe ħin jemenda jew jissostitwixxi l-komunikazzjoni tiegħu.

5.   Fil-livell nazzjonali, kull Stat Membru għandu jżomm lista tal-unitajiet operazzjonali fi ħdan l-awtoritajiet maħtura li huma awtorizzati li jitolbu aċċess għad-data tal-VIS permezz tal-punt ta’ aċċess ċentrali.

6.   Huwa biss il-persunal debitament awtorizzat tal-punt ta’ aċċess ċentrali li għandu jkun awtorizzat li jaċċessa d-data tal-VIS f’konformità mal-Artikoli 22n u 22o.

1.   Il-Europol għandha taħtar waħda mill-unitajiet operazzjonali tagħha bħala “l-awtorità maħtura tal-Europol” u għandha tawtorizzaha li titlob aċċess għad-data tal-VIS permezz tal-punt ta’ aċċess ċentrali tal-VIS imsemmi fil-paragrafu 2 sabiex tiġi appoġġata u tissaħħaħ l-azzjoni tal-Istati Membri għall-prevenzjoni, il-kxif u l-investigazzjoni ta’ reati terroristiċi jew reati kriminali serji oħra.

Id-data aċċessata mill-Europol għandha tiġi pproċessata biss għall-finijiet tal-każ speċifiku li għalih tkun ġiet ikkonsultata d-data.

2.   Il-Europol għandha taħtar unità speċjalizzata b’uffiċjali tal-Europol li jkunu debitament awtorizzati bħala l-punt ta’ aċċess ċentrali. Il-punt ta’ aċċess ċentrali għandu jivverifika li l-kondizzjonijiet għal aċċess għad-data tal-VIS stabbiliti fl-Artikolu 22r ikunu ssodisfati.

Il-punt ta’ aċċess ċentrali għandu jaġixxi b’mod indipendenti meta jwettaq il-kompiti tiegħu skont dan ir-Regolament u ma għandux jirċievi struzzjonijiet mill-awtorità maħtura tal-Europol fir-rigward tal-eżitu tal-verifika.

1.   L-unitajiet operazzjonali msemmija fl-Artikolu 22l(5) għandhom jippreżentaw talba motivata elettronika jew bil-miktub lill-punti ta’ aċċess ċentrali msemmija fil-paragrafu 3 ta’ dak l-Artikolu għal aċċess għad-data tal-VIS. Hekk kif tasal talba għal aċċess il-punt ta’ aċċess ċentrali għandu jivverifika jkunux issodisfati l-kondizzjonijiet imsemmija fl-Artikolu 22o. Jekk il-kondizzjonijiet ikunu ssodisfati, il-punt ta’ aċċess ċentrali għandu jipproċessa t-talba. Id-data tal-VIS aċċessata għandha tintbagħat lill-unitajiet operazzjonali msemmija fl-Artikolu 22l(5) b’tali mod li ma tkunx kompromessa s-sigurtà tad-data.

2.   F’każ eċċezzjonali ta’ urġenza, fejn ikun meħtieġ li jiġi evitat periklu imminenti għall-ħajja ta’ persuna assoċjata ma’ reat terroristiku jew ma’ reat kriminali serju ieħor, il-punt ta’ aċċess ċentrali għandu jipproċessa t-talba immedjatament u għandu jivverifika biss ex-post jekk ikunux issodisfati l-kondizzjonijiet kollha msemmija fl-Artikolu 22o, inkluż jekk il-każ ta’ urġenza kienx jeżisti fir-realtà. Il-verifika ex-post għandha ssir mingħajr dewmien żejjed u fi kwalunkwe każ mhux aktar tard minn sebat ijiem ta’ xogħol wara l-ipproċessar tat-talba.

3.   Meta verifika ex-post tiżvela li l-aċċess għad-data tal-VIS ma kienx iġġustifikat, l-awtoritajiet kollha li jkunu aċċessaw din id-data għandhom iħassru mingħajr dewmien id-data aċċessata mill-VIS u għandhom jinformaw lill-punti ta’ aċċess ċentrali dwar it-tħassir.

1.   Mingħajr preġudizzju għall-Artikolu 22 tar-Regolament (UE) 2019/817 l-awtoritajiet maħtura għandu jkollhom aċċess għall-VIS għall-fini ta’ konsultazzjoni jekk ikunu ssodisfati l-kondizzjonijiet kollha li ġejjin:

2.   Ma għandux ikun meħtieġ li l-kondizzjoni prevista fil-punt (d) tal-paragrafu 1 tiġi ssodisfata fejn l-aċċess għall-VIS ikun meħtieġ bħala għodda biex tiġi kkonsultata l-istorja tal-viża jew il-perjodi tas-soġġorn awtorizzat fit-territorju tal-Istati Membri ta’ persuna suspettata, awtur jew vittma suspettata magħrufa ta’ reat terroristiku jew reat kriminali serju ieħor, jew meta l-kategorija tad-data li biha titwettaq it-tfittxija ma tkunx maħżuna fis-CIR.

3.   Il-konsultazzjoni tal-VIS għandha tkun limitata għal tfittxija bi kwalunkwe waħda mid-data li ġejja fil-fajl ta’ applikazzjoni:

4.   L-immaġni tal-wiċċ imsemmija fil-punt (e) tal-paragrafu 3 ma għandhiex tkun l-uniku kriterju tat-tfittxija.

5.   Fil-każ ta’ hit, il-konsultazzjoni tal-VIS għandha tagħti aċċess għad-data elenkata fil-paragrafu 3 ta’ dan l-Artikolu kif ukoll għal kwalunkwe data oħra meħuda mill-fajl ta’ applikazzjoni, inkluż data li tkun iddaħħlet fir-rigward ta’ kwalunkwe dokument maħruġ, rifjutat, annullat, revokat, irtirat, imġedded jew estiż. L-aċċess għad-data msemmija fil-punt (4)(l) tal-Artikolu 9 kif irreġistrata fil-fajl ta’ applikazzjoni għandu jingħata biss jekk dik id-data kienet mitluba espliċitament f’talba motivata u approvata b’verifika indipendenti.

6.   B’deroga mill-paragrafi 3 u 5, id-data msemmija fil-punti (d) u (e) tal-paragrafu 3 ta’ tfal taħt l-età ta’ 14-il sena għandha tintuża biss biex issir tfittxija fil-VIS u, fil-każ ta’ hit, għandha tiġi aċċessata biss meta:

1.   B’deroga mill-Artikolu 22o(1), l-awtoritajiet maħtura ma għandhomx ikunu meħtieġa li jissodisfaw il-kondizzjonijiet stabbiliti f’dak il-paragrafu biex jaċċessaw il-VIS għall-fini tal-identifikazzjoni ta’ persuni li sfaw nieqsa, ġew maħtufa jew ġew identifikati bħala vittmi tat-traffikar ta’ bnedmin, u li fir-rigward tagħhom hemm raġunijiet validi biex jiġi kkunsidrat li l-konsultazzjoni tad-data tal-VIS ser tappoġġa l-identifikazzjoni tagħhom jew tikkontribwixxi fl-investigazzjoni ta’ każijiet speċifiċi tat-traffikar ta’ bnedmin. F’ċirkostanzi bħal dawn, l-awtoritajiet maħtura jistgħu jfittxu fil-VIS bil-marki tas-swaba’ ta’ dawk il-persuni.

2.   Fejn il-marki tas-swaba’ tal-persuni msemmija fil-paragrafu 1 ma jkunux jistgħu jintużaw jew it-tfittxija bil-marki tas-swaba’ ma tirnexxix, it-tfittxija għandha titwettaq bid-data msemmija fil-punt 4(a) sa (ca) tal-Artikolu 9 jew il-punti (d) sa (g) tal-Artikolu 22a(1).

3.   Fil-każ ta’ hit, il-konsultazzjoni tal-VIS għandha tagħti aċċess għal kwalunkwe mid-data fl-Artikolu 9 u fl-Artikolu 22a, kif ukoll għad-data f’fajls ta’ applikazzjoni illinkjati f’konformità mal-Artikolu 8(3) u (4) jew fl-Artikolu 22a(4).

1.   Id-data tal-VIS tista’ tintuża għall-fini li jiddaħħal fis-SIS allert dwar persuni nieqsa jew persuni vulnerabbli li jeħtieġ li ma jitħallewx jivvjaġġaw f’konformità mal-Artikolu 32 tar-Regolament (UE) 2018/1862. F’dawk il-każijiet, il-punt ta’ aċċess ċentrali msemmi fl-Artikolu 22l(3) għandu jiżgura t-trażmissjoni tad-data permezz ta’ mezzi siguri.

2.   F’każ ta’ hit ma’ allert tas-SIS bl-użu ta’ data tal-VIS kif imsemmi fil-paragrafu 1, l-awtoritajiet għall-protezzjoni tat-tfal u l-awtoritajiet ġudizzjarji nazzjonali jistgħu jitolbu lil awtorità li jkollha aċċess għall-VIS biex tagħtihom aċċess għal dik id-data għall-fini tal-kompiti tagħhom. Tali awtoritajiet ġudizzjarji nazzjonali għandhom jinkludu dawk responsabbli biex jagħtu bidu għal prosekuzzjonijiet pubbliċi fi proċedimenti kriminali u għal inkjesti ġudizzjarji qabel ma persuna tiġi akkużata, u l-awtoritajiet ta’ koordinazzjoni tagħhom, kif imsemmi fl-Artikolu 44(3) tar-Regolament (UE) 2018/1862. Il-kondizzjonijiet previsti fil-liġi tal-Unjoni u f’dik nazzjonali għandhom japplikaw. L-Istati Membri għandhom jiżguraw li d-data tiġi trażmessa b’mod sigur.

1.   Il-Europol għandu jkollha aċċess għall-VIS għall-fini ta’ konsultazzjoni meta jkunu ssodisfati l-kondizzjonijiet kollha li ġejjin:

2.   Ma għandux ikun meħtieġ li l-kondizzjoni prevista fil-punt (d) tal-paragrafu 1 tiġi ssodisfata fejn l-aċċess għall-VIS ikun meħtieġ bħala għodda biex tiġi kkonsultata l-istorja tal-viża jew il-perjodi tas-soġġorn awtorizzat fit-territorju tal-Istati Membri ta’ persuna suspettata, awtur jew vittma suspettata magħrufa ta’ reat terroristiku jew reat kriminali serju ieħor, jew meta l-kategorija tad-data li biha titwettaq it-tfittxija ma tkunx maħżuna fis-CIR.

3.   Il-konsultazzjoni tal-VIS għandha tkun limitata għal tfittxija bi kwalunkwe mid-data li ġejja fil-fajl tal-applikazzjoni:

4.   L-immaġni tal-wiċċ imsemmija fil-punt (e) tal-paragrafu 3 ma għandhiex tkun l-uniku kriterju tat-tfittxija.

5.   Fil-każ ta’ hit, il-konsultazzjoni tal-VIS għandha tagħti aċċess għad-data elenkata fil-paragrafu 3 ta’ dan l-Artikolu kif ukoll għal kwalunkwe data oħra meħuda mill-fajl ta’ applikazzjoni, inkluż data li tkun iddaħħlet fir-rigward ta’ kwalunkwe dokument maħruġ, rifjutat, annullat, revokat, irtirat, imġedded jew estiż. L-aċċess għad-data msemmija fil-punt (4)(l) tal-Artikolu 9 kif irreġistrata fil-fajl ta’ applikazzjoni għandu jingħata biss jekk dik id-data kienet mitluba espliċitament f’talba motivata u approvata b’verifika indipendenti.

6.   B’deroga mill-paragrafi 3 u 5, id-data msemmija fil-punti (d) u (e) tal-paragrafu 3 ta’ tfal taħt l-età ta’ 14-il sena għandha tintuża biss biex issir tfittxija fil-VIS u, fil-każ ta’ hit, għandha tiġi aċċessata biss meta:

7.   L-awtorità maħtura tal-Europol tista’ tippreżenta talba elettronika motivata għall-konsultazzjoni tad-data tal-VIS kollha jew għal sett speċifiku ta’ data tal-VIS lill-punt ta’ aċċess ċentrali tal-Europol. Meta jirċievi talba għal aċċess, il-punt ta’ aċċess ċentrali tal-Europol għandu jivverifika jekk ikunux issodisfati l-kondizzjonijiet għall-aċċess imsemmija fil-paragrafi 1 u 2. Jekk il-kondizzjonijiet kollha jkunu ssodisfati, il-persunal debitament awtorizzat tal-punt ta’ aċċess ċentrali għandu jipproċessa t-talba. Id-data tal-VIS aċċessata għandha tintbagħat lill-awtorità maħtura tal-Europol b’tali mod li ma tkunx kompromessa s-sigurtà tad-data.

8.   L-ipproċessar tad-data miksuba mill-Europol permezz ta’ konsultazzjoni tad-data tal-VIS għandu jkun soġġett għall-awtorizzazzjoni tal-Istat Membru ta’ oriġini tad-data. Dik l-awtorizzazzjoni għandha tinkiseb permezz tal-unità nazzjonali tal-Europol ta’ dak l-Istat Membru.

1.   L-eu-LISA għandha żżomm reġistrazzjonijiet tal-operazzjonijiet kollha ta’ pproċessar ta’ data fil-VIS li jinvolvu l-aċċess mill-punti ta’ aċċess ċentrali msemmija fl-Artikolu 22l(3) għall-finijiet tal-Kapitolu IIIb. Dawk ir-reġistrazzjonijiet għandhom juru d-data u l-ħin ta’ kull operazzjoni, id-data użata biex tinbeda t-tfittxija, id-data mibgħuta mill-VIS u l-ismijiet tal-membri tal-persunal tal-punti ta’ aċċess ċentrali awtorizzati li jdaħħlu u jiġbru d-data.

2.   Barra minn hekk, kull Stat Membru u l-Europol għandhom iżommu reġistrazzjonijiet tal-operazzjonijiet kollha ta’ pproċessar ta’ data fil-VIS li jirriżultaw minn talbiet għal konsultazzjoni ta’ data jew minn aċċess għal data tal-VIS għall-finijiet tal-Kapitolu IIIb.

3.   Ir-reġistrazzjonijiet imsemmija fil-paragrafu 2 għandhom juru:

4.   Ir-reġistrazzjonijiet imsemmija fil-paragrafi 1 u 2 ta’ dan l-Artikolu għandhom jintużaw biss għall-verifika tal-ammissibbiltà tat-talba, għall-monitoraġġ tal-legalità tal-ipproċessar tad-data u biex jiġu żgurati l-integrità u s-sigurtà tad-data. Ir-reġistrazzjonijiet għandhom jiġu protetti b’miżuri xierqa kontra aċċess mhux awtorizzat. Huma għandhom jitħassru sena wara li jkun skada l-perjodu ta’ żamma msemmi fl-Artikolu 23, jekk ma jkunux meħtieġa għal proċeduri ta’ monitoraġġ li jkunu diġà nbdew. Il-Kontrollur Ewropew għall-Protezzjoni tad-data u l-awtoritajiet superviżorji kompetenti għandu jkollhom aċċess għal dawk ir-reġistrazzjonijiet fuq talba min-naħa tagħhom bil-fini li jaqdu dmirijiethom. L-awtorità responsabbli mill-verifika tal-ammissibbiltà tat-talba għandu jkollha wkoll aċċess għal dawk ir-reġistrazzjonijiet għal dak il-fini. Jekk il-fini jkun differenti minn dawn il-finijiet, id-data personali għandha titħassar mill-fajls kollha nazzjonali u tal-Europol wara perjodu ta’ xahar, ħlief jekk dik id-data tkun meħtieġa għall-finijiet ta’ investigazzjoni kriminali speċifika li tkun għaddejja li għaliha dik id-data tkun intalbet minn Stat Membru jew mill-Europol. Għall-monitoraġġ u għall-evalwazzjoni msemmija fl-Artikolu 50 jistgħu jintużaw biss reġistrazzjonijiet li ma jkunx fihom data personali.

1.   Aċċess għall-VIS għal konsultazzjoni minn awtoritajiet maħtura ta’ Stat Membru li fir-rigward tiegħu dan ir-Regolament ikun għadu mhux effettiv għandu jingħata fejn tali aċċess ikun:

2.   Stat Membru li għalih dan ir-Regolament ikun għadu mhux effettiv għandu jagħmel id-data tiegħu dwar il-viżi disponibbli għall-Istati Membri li għalihom japplika dan ir-Regolament, abbażi ta’ talba bil-miktub jew elettronika debitament motivata, soġġett għal konformità mal-kondizzjonijiet stabbiliti fl-Artikolu 22o(1).”;

1.   Kull fajl ta’ applikazzjoni għandu jinħażen fil-VIS għal mhux aktar minn ħames snin, mingħajr preġudizzju għat-tħassir imsemmi fl-Artikoli 24 u 25 u għaż-żamma tar-reġistrazzjonijiet imsemmija fl-Artikolu 34.

Dak il-perjodu għandu jibda:

2.   Mal-iskadenza tal-perjodu msemmi fil-paragrafu 1 ta’ dan l-Artikolu, il-VIS għandha awtomatikament tħassar il-fajl ta’ applikazzjoni u l-links għal dak il-fajl kif imsemmi fl-Artikolu 8(3) u (4) u l-Artikolu 22a(4).

3.   B’deroga mill-paragrafu 1, il-marki tas-swaba’ u l-immaġnijiet tal-wiċċ li jappartjenu għal tfal taħt it-12-il sena għandhom jitħassru meta l-viża, il-viża għal soġġorn twil jew il-permess ta’ residenza jkunu skadew u, fil-każ ta’ viża, meta t-tfal ikunu ħarġu mill-fruntieri esterni.

Għall-fini ta’ dak it-tħassir, l-EES għandha tinnotifika awtomatikament lill-VIS meta l-ħruġ tat-tfal jiddaħħal fir-rekord ta’ dħul/ħruġ skont l-Artikolu 16(3) tar-Regolament (UE) 2017/2226.”;

1.   Huwa biss l-Istat Membru responsabbli li għandu d-dritt li jemenda d-data li jkun ittrażmetta lill-VIS, billi jirrettifika jew iħassar tali data.

2.   Jekk Stat Membru jkollu evidenza li tissuġġerixxi li data pproċessata fil-VIS mhijiex akkurata jew li dik id-data kienet ipproċessata fil-VIS f’mod li jmur kontra dan ir-Regolament, huwa għandu jinforma lill-Istat Membru responsabbli immedjatament. Dak il-messaġġ għandu jiġi trażmess bil-VISMail f’konformità mal-proċedura fl-Artikolu 16(3).

Fejn id-data mhux akkurata tkun tirreferi għal links maħluqa skont l-Artikolu 8(3) jew (4) jew l-Artikolu 22a(4) jew fejn link ikun nieqes, l-Istat Membru responsabbli għandu jivverifika d-data kkonċernata u jagħti tweġiba fi żmien tlett ijiem ta’ xogħol, u għandu jirrettifika l-link jekk ikun neċessarju. Jekk ma tingħatax tweġiba f’dak iż-żmien stipulat, l-Istat Membru rikjedenti għandu jirrettifika l-link u jinnotifika, permezz tal-VISMail, lill-Istat Membru responsabbli bir-rettifika li tkun saret.

3.   L-Istat Membru responsabbli għandu, mill-aktar fis possibbli, jivverifika d-data kkonċernata u, jekk ikun neċessarju, jikkoreġiha jew iħassarha immedjatament.”;

1.   L-eu-LISA għandha tkun responsabbli għall-ġestjoni teknika u operazzjonali tal-VIS u l-komponenti tagħha kif stabbilit fl-Artikolu 2a. Hija għandha tiżgura, f’kooperazzjoni mal-Istati Membri, li għal dawk il-komponenti tintuża dejjem l-aqwa teknoloġija disponibbli, soġġett għal analiżi tal-ispejjeż u l-benefiċċji.

2.   L-eu-LISA għandha tkun responsabbli għall-kompiti li ser jissemmew hawn taħt relatati mal-infrastruttura ta’ komunikazzjoni bejn is-Sistema Ċentrali tal-VIS u l-NUIs:

3.   Il-ġestjoni operazzjonali tal-VIS għandha tikkonsisti mill-kompiti kollha neċessarji biex il-VIS tiffunzjona 24 siegħa kuljum, sebat ijiem fil-ġimgħa f’konformità ma’ dan ir-Regolament. Dan għandu jinkludi, b’mod partikolari, ix-xogħol ta’ manutenzjoni u l-iżviluppi tekniċi neċessarji biex jiġi żgurat li l-VIS tiffunzjona f’livell sodisfaċenti ta’ kwalità operazzjonali, b’mod partikolari fir-rigward tal-ħin tar-rispons għal konsultazzjoni tal-VIS mill-awtoritajiet tal-viża, l-awtoritajiet kompetenti biex jiddeċiedu dwar applikazzjoni għal viża għal soġġorn twil jew permess ta’ residenza u l-awtoritajiet tal-fruntieri. Tali ħinijiet tar-rispons għandhom ikunu qosra kemm jista’ jkun.

8a.   L-eu-LISA tista’ tuża data personali reali anonimizzata fil-VIS għal finijiet ta’ ttestjar fiċ-ċirkostanzi li ġejjin:

Fil-każijiet imsemmija fil-punt (b) tal-ewwel subparagrafu, il-miżuri ta’ sigurtà, il-kontroll tal-aċċess u l-attivitajiet ta’ reġistrazzjoni fl-ambjent tal-ittestjar għandhom ikunu ugwali għal dawk tal-VIS. Id-data personali reali adottata għall-ittestjar għandha tiġi anonimizzata b’tali mod li s-suġġett tad-data ma jibqax identifikabbli.

9.   Mingħajr preġudizzju għall-Artikolu 17 tar-Regolamenti tal-Persunal għall-Uffiċjali tal-Komunitajiet Ewropej, stipulati fir-Regolament tal-Kunsill (KEE, Euratom, KEFA) Nru 259/68 (*), eu-LISA għandha tapplika regoli adatti ta’ segretezza professjonali jew doveri ta’ kunfidenzjalità ekwivalenti oħra lill-persunal kollu tagħha li huma meħtieġa jaħdmu bid-data tal-VIS. Dan l-obbligu għandu japplika wkoll wara li dan il-persunal iħallu l-kariga jew l-impjieg jew wara t-tmiem tal-attivitajiet tagħhom.

10.   Meta l-eu-LISA tikkoopera ma’ kuntratturi esterni fi kwalunkwe kompitu relatat mal-VIS, hija għandha tissorvelja mill-qrib l-attivitajiet tal-kuntrattur biex tiżgura l-konformità ma’ dan ir-Regolament, b’mod partikolari dwar is-sigurtà, il-kunfidenzjalità u l-protezzjoni tad-data.

1.   Kull Stat Membru għandu jiżgura li d-data tiġi pproċessata legalment, u b’mod partikolari li persunal debitament awtorizzat biss ikollu aċċess għad-data pproċessata fil-VIS għat-twettiq tal-kompiti tiegħu f’konformità ma’ dan ir-Regolament. L-Istat Membru responsabbli għandu jiżgura b’mod partikolari li:

2.   L-eu-LISA għandha tiżgura li l-VIS titħaddem f’konformità ma’ dan ir-Regolament u r-regoli ta’ implimentazzjoni tiegħu msemmija fl-Artikolu 45. B’mod partikolari, l-eu-LISA għandha:

2a.   L-eu-LISA għandha tiżviluppa u żżomm mekkaniżmu u proċeduri għat-twettiq ta’ verifiki tal-kwalità fuq id-data fil-VIS u għandha tipprovdi rapporti regolari lill-Istati Membri. L-eu-LISA għandha tipprovdi rapport regolari lill-Parlament Ewropew, lill-Kunsill u lill-Kummissjoni li jkopri l-kwistjonijiet li jinqalgħu.

Il-Kummissjoni għandha tadotta atti ta’ implimentazzjoni biex tistabbilixxi u tiżviluppa l-mekkaniżmu u l-proċeduri għat-twettiq ta’ verifiki tal-kwalità u rekwiżiti adatti għall-konformità tal-kwalità tad-data. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 49(2).

3.   L-eu-LISA għandha tinforma lill-Parlament Ewropew, lill-Kunsill u lill-Kummissjoni bil-miżuri li hija tieħu skont il-paragrafu 2.

4.   Fir-rigward tal-ipproċessar ta’ data personali fil-VIS, kull Stat Membru għandu jaħtar l-awtorità li titqies bħala kontrollur f’konformità mal-punt (7) tal-Artikolu 4 tar-Regolament (UE) 2016/679 u li għandu jkollha r-responsabbiltà ċentrali għall-ipproċessar ta’ data minn dak l-Istat Membru. Kull Stat Membru għandu jinnotifika lill-Kummissjoni dwar il-ħatra.

1.   Id-data msemmija fl-Artikolu 6(4), l-Artikoli 9 sa 14, l-Artikolu 22a u l-Artikoli 22c sa 22f għandha tiddaħħal fil-VIS wara li tkun twettqet verifika tal-kwalità mill-awtoritajiet nazzjonali responsabbli u għandha tiġi pproċessata mill-VIS wara li tkun twettqet verifika tal-kwalità mill-VIS f’konformità mal-paragrafu 2 ta’ dan l-Artikolu.

2.   Il-verifiki tal-kwalità fuq id-data msemmija fl-Artikoli 9 sa 14, l-Artikolu 22a, u l-Artikoli 22c sa 22f għandhom jitwettqu mill-VIS f’konformità ma’ dan il-paragrafu.:

Il-verifiki tal-kwalità għandhom jinbdew meta jinħolqu jew jiġu aġġornati fajls ta’ applikazzjoni fil-VIS. Meta l-verifiki tal-kwalità jonqsu milli jissodisfaw l-istandards tal-kwalità stabbiliti, l-awtorità jew l-awtoritajiet responsabbli għandhom jiġu notifikati awtomatikament mill-VIS. Il-konsultazzjonijiet awtomatizzati skont l-Artikoli 9a(3) u l-Artikolu 22b(2) għandhom jiġu skattati mill-VIS biss wara verifika tal-kwalità pożittiva.

Il-verifiki tal-kwalità fuq l-immaġnijiet tal-wiċċ u d-data tal-marki tas-swaba’ għandhom jitwettqu meta jinħolqu jew jiġu aġġornati fajls ta’ applikazzjoni fil-VIS, sabiex tiġi aċċertata l-konformità mal-istandards minimi tal-kwalità tad-data biex ikun possibbli tqabbil bijometriku.

Il-verifiki tal-kwalità fuq id-data msemmija fl-Artikolu 6(4) għandhom jitwettqu meta tinħażen informazzjoni dwar l-awtoritajiet kompetenti nazzjonali fil-VIS.

3.   Għandhom jiġu stabbiliti standards tal-kwalità għall-ħżin tad-data msemmija fil-paragrafi 1 u 2 ta’ dan l-Artikolu.

Il-Kummissjoni għandha tadotta atti ta’ implimentazzjoni biex tistabbilixxi l-ispeċifikazzjoni ta’ dawk l-istandards ta’ kwalità. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 49(2).”;

“1.   Id-data pproċessata fil-VIS skont dan ir-Regolament ma għandhiex tiġi trasferita jew issir disponibbli għal pajjiż terz jew għal organizzazzjoni internazzjonali bl-eċċezzjoni ta’ trasferimenti lill-Interpol sabiex jitwettqu l-konsultazzjonijiet imsemmija fil-punt (g) tal-Artikolu 9a(4) u fil-punt (g) tal-Artikolu 22b(3) ta’ dan ir-Regolament. It-trasferimenti ta’ data personali lill-Interpol huma soġġetti għad-dispożizzjonijiet tal-Kapitolu V tar-Regolament (UE) 2018/1725 u l-Kapitolu V tar-Regolament (UE) 2016/679.

2.   B’deroga mill-paragrafu 1 ta’ dan l-Artikolu, id-data msemmija fil-punti (4)(a), (b), (ca), (k) u (m) u l-punti (6) u (7) tal-Artikolu 9, jew fil-punti (d) sa (i) u (k) tal-Artikolu 22a(1) ta’ dan ir-Regolament tista’ tiġi aċċessata mill-awtoritajiet kompetenti u tiġi trasferita jew issir disponibbli għal pajjiż terz jew għal organizzazzjoni internazzjonali elenkata fl-Anness, dment li dan ikun neċessarju f’każijiet individwali sabiex tingħata prova tal-identità ta’ ċittadini ta’ pajjiżi terzi għall-fini ta’ ritorn f’konformità mad-Direttiva 2008/115/KE, jew, fir-rigward ta’ trasferimenti lil organizzazzjoni internazzjonali elenkata fl-Anness għal dan ir-Regolament, għall-fini ta’ risistemazzjoni f’konformità mal-iskemi Ewropej jew nazzjonali ta’ risistemazzjoni, u dment li tiġi ssodisfata waħda mill-kondizzjonijiet li ġejjin:

Barra minn hekk, id-data msemmija fl-ewwel subparagrafu għandha tiġi trasferita biss meta jiġu ssodisfati l-kondizzjonijiet kollha li ġejjin:

Soġġett għall-ewwel u t-tieni subparagrafi ta’ dan il-paragrafu, meta tkun inħarġet deċiżjoni ta’ ritorn adottata skont id-Direttiva 2008/115/KE b’rabta ma’ ċittadin ta’ pajjiż terz, id-data msemmija fl-ewwel subparagrafu għandha tiġi trasferita biss meta l-infurzar ta’ tali deċiżjoni ta’ ritorn ma jiġix sospiż u bil-kondizzjoni li ma jkun sar ebda appell li jista’ jwassal għas-sospensjoni tal-infurzar tagħha.

3.   It-trasferimenti ta’ data personali lil pajjiżi terzi jew lil organizzazzjonijiet internazzjonali skont il-paragrafu 2 ma għandhomx jippreġudikaw id-drittijiet tal-applikanti għal protezzjoni internazzjonali u tal-benefiċjarji tagħha, b’mod partikolari fir-rigward ta’ non-refoulement.

4.   Id-data personali miksuba mill-VIS minn Stat Membru jew mill-Europol għall-finijiet tal-infurzar tal-liġi ma għandhiex tiġi trasferita jew issir disponibbli għal xi pajjiż terz, organizzazzjoni internazzjonali jew entità privata stabbilita fl-Unjoni jew barra minnha. Il-projbizzjoni għandha tapplika wkoll fejn dik id-data tkompli tiġi pproċessata fil-livell nazzjonali jew bejn l-Istati Membri skont id-Direttiva (UE) 2016/680.

5.   B’deroga mill-paragrafu 4 ta’ dan l-Artikolu, id-data msemmija fil-punt (4)(a) sa (ca) tal-Artikolu 9 u fil-punti (d) sa (g) tal-Artikolu 22a(1) tista’ tiġi trasferita mill-awtorità maħtura lil pajjiż terz f’każijiet individwali, unikament meta jiġu ssodisfati l-kondizzjonijiet kollha li ġejjin:

Fejn ikun sar trasferiment skont l-ewwel subparagrafu ta’ dan il-paragrafu, tali trasferiment għandu jkun dokumentat u d-dokumentazzjoni għandha, fuq talba, issir disponibbli għall-awtorità superviżorja imsemmija fl-Artikolu 41(1) tad-Direttiva (UE) 2016/680, inkluż id-data u l-ħin tat-trasferiment, informazzjoni dwar l-awtorità kompetenti li tirċievi t-trasferiment, il-ġustifikazzjoni għat-trasferiment u d-data personali trasferita.”;

1.   Kwalunkwe avveniment li għandu jew jista’ jkollu impatt fuq is-sigurtà tal-VIS u jista’ jikkawża dannu għal jew telf tad-data tal-VIS għandu jitqies inċident ta’ sigurtà, b’mod partikolari meta jkun possibbli li kien hemm aċċess mhux awtorizzat għad-data jew meta d-disponibbiltà, l-integrità u l-kunfidenzjalità tad-data ġiet kompromessa jew setgħet ġiet kompromessa.

2.   L-inċidenti ta’ sigurtà għandhom jiġu ġestiti b’mod li jiġi żgurat rispons rapidu, effettiv u xieraq.

3.   Mingħajr preġudizzju għan-notifika u l-komunikazzjoni ta’ ksur ta’ data personali skont l-Artikolu 33 tar-Regolament (UE) 2016/679, l-Artikolu 30 tad-Direttiva (UE) 2016/680, jew it-tnejn, l-Istati Membri għandhom jinnotifikaw lill-Kummissjoni, lill-eu-LISA u lill-Kontrollur Ewropew għall-Protezzjoni tad-data dwar inċidenti ta’ sigurtà. Fil-każ ta’ inċident ta’ sigurtà fir-rigward tas-Sistema Ċentrali tal-VIS, l-eu-LISA għandha tinnotifika lill-Kummissjoni u lill-Kontrollur Ewropew għall-Protezzjoni tad-data. Il-Europol u l-Aġenzija Ewropea għall-Gwardja tal-Fruntiera u tal-Kosta għandhom jinnotifikaw lill-Kummissjoni u lill-Kontrollur Ewropew għall-Protezzjoni tad-data f’każ ta’ inċident ta’ sigurtà relatat mal-VIS.

4.   L-informazzjoni dwar inċident ta’ sigurtà li jkollu jew jista’ jkollu impatt fuq it-tħaddim tal-VIS jew fuq id-disponibbiltà, l-integrità u l-kunfidenzjalità tad-data tal-VIS għandha tingħata lill-Kummissjoni u, jekk ikunu affettwati, lill-Istati Membri, lill-Europol u lill-Aġenzija Ewropea għall-Gwardja tal-Fruntiera u tal-Kosta. Tali inċidenti għandhom ukoll jiġu rrappurtati f’konformità mal-pjan ta’ ġestjoni tal-inċidenti li jiġi pprovdut mill-eu-LISA.

5.   L-Istati Membri, l-Aġenzija Ewropea għall-Gwardja tal-Fruntiera u tal-Kosta, l-eu-LISA u l-Europol għandhom jikkooperaw f’każ ta’ inċident ta’ sigurtà.

6.   Il-Kummissjoni għandha tinforma lill-Parlament Ewropew u lill-Kunsill mingħajr dewmien b’inċidenti serji u l-miżuri meħuda biex jiġu indirizzati. Din l-informazzjoni għandha tiġi kklassifikata, fejn xieraq, bħala EU RESTRICTED/RESTREINT UE f’konformità mar-regoli ta’ sigurtà applikabbli.”;

1.   Mingħajr preġudizzju għar-responsabbiltà u għad-dritt għal kumpens mill-kontrollur jew il-proċessur skont ir-Regolament (UE) 2016/679, id-Direttiva (UE) 2016/680 u r-Regolament (UE) Nru 2018/1725:

L-Istat Membru jew l-istituzzjoni, korp, uffiċċju jew aġenzija tal-Unjoni għandha tkun eżentata mir-responsabbiltà tagħha taħt l-ewwel subparagrafu, kompletament jew parzjalment, jekk tagħti prova li ma tkunx responsabbli għall-avveniment li jkun wassal għad-danni.

2.   Jekk kwalunkwe nuqqas min-naħa ta’ Stat Membru milli jikkonforma mal-obbligi tiegħu skont dan ir-Regolament jikkawża dannu lill-VIS, dak l-Istat Membru għandu jinżamm responsabbli għal dan id-dannu, għajr jekk l-eu-LISA jew Stat Membru ieħor parteċipanti fil-VIS ikun naqas milli jieħu miżuri raġonevoli biex jipprevjeni d-dannu jew biex inaqqas l-impatt tiegħu.

3.   It-talbiet għal kumpens kontra Stat Membru għad-danni msemmija fil-paragrafi 1 u 2 għandhom ikunu rregolati mil-liġi nazzjonali ta’ dak l-Istat Membru. It-talbiet għal kumpens kontra istituzzjoni, korp, uffiċċju jew aġenzija tal-Unjoni għad-danni msemmija fil-paragrafi 1 u 2 għandhom ikunu soġġetti għall-kondizzjonijiet previsti fit-Trattati.”;

1.   Kull Stat Membru, l-Aġenzija Ewropea għall-Gwardja tal-Fruntiera u tal-Kosta u l-eu-LISA għandhom iżommu reġistrazzjonijiet tal-operazzjonijiet kollha tagħhom ta’ pproċessar tad-data fil-VIS. Dawk ir-reġistrazzjonijiet għandhom juru:

Minbarra dan, kull Stat Membru għandu jżomm reġistrazzjonijiet tal-persunal debitament awtorizzat li jdaħħal data fil-VIS jew jikseb data minnha.

2.   Għat-tfittxijiet u l-konsultazzjonijiet imsemmija fl-Artikoli 9a sa 9g u 22b, għandha tinżamm reġistrazzjoni għal kull operazzjoni ta’ pproċessar tad-data li ssir fil-VIS u, rispettivament, fl-EES, fl-ETIAS, fis-SIS, fl-ECRIS-TCN u fil-Eurodac, f’konformità ma’ dan l-Artikolu u, rispettivament, l-Artikolu 28a tar-Regolament (UE) Nru 603/2013, mal-Artikolu 46(2) tar-Regolament (UE) 2017/2226, mal-Artikolu 69 tar-Regolament (UE) 2018/1240, mal-Artikolu 18a tar-Regolament (UE) 2018/1861, mal-Artikolu 18a tar-Regolament (UE) 2018/1862 u mal-Artikolu 31a tar-Regolament (UE) 2019/816.

3.   Għall-operazzjonijiet elenkati fl-Artikolu 45c ta’ dan ir-Regolament għandha tinżamm reġistrazzjoni ta’ kull operazzjoni ta’ pproċessar ta’ data li ssir fil-VIS u fl-EES f’konformità ma’ dak l-Artikolu u mal-Artikolu 46 tar-Regolament (UE) 2017//2226. Għall-operazzjonijiet elenkati fl-Artikolu 17a ta’ dan ir-Regolament, għandha tinżamm reġistrazzjoni ta’ kull operazzjoni ta’ pproċessar ta’ data li ssir fil-VIS u fl-EES f’konformità ma’ dan l-Artikolu u mal-Artikolu 46 tar-Regolament (UE) 2017/2226.

4.   Reġistrazzjonijiet li jinżammu skont dan l-Artikolu għandhom jintużaw biss għall-monitoraġġ tal-ammissibbiltà tal-ipproċessar tad-data fir-rigward tal-protezzjoni tad-data kif ukoll biex tiġi żgurata s-sigurtà tad-data. Ir-reġistrazzjonijiet għandhom jiġu protetti permezz ta’ miżuri adatti minn aċċess u emendar mhux awtorizzati u għandhom jitħassru wara perjodu ta’ sena mill-iskadenza tal-perjodu ta’ żamma msemmi fl-Artikolu 23, jekk ma jkunux meħtieġa għal proċeduri ta’ monitoraġġ li jkunu diġà nbdew.”;

1.   Ir-Regolament (UE) 2018/1725 għandu japplika għall-ipproċessar ta’ data personali mill-Aġenzija Ewropea għall-Gwardja tal-Fruntiera u tal-Kosta u l-eu-LISA skont dan ir-Regolament.

2.   Ir-Regolament (UE) 2016/679 għandu japplika għall-ipproċessar ta’ data personali mill-awtoritajiet tal-viża, tal-fruntieri, tal-ażil u tal-immigrazzjoni meta jwettqu kompiti skont dan ir-Regolament.

3.   Id-Direttiva (UE) 2016/680 għandha tapplika għall-ipproċessar ta’ data personali maħżuna fil-VIS, inkluż l-aċċess għal dik id-data, għall-finijiet imsemmija fil-Kapitolu IIIb ta’ dan ir-Regolament mill-awtoritajiet maħtura tal-Istati Membri skont dak il-Kapitolu.

4.   Ir-Regolament (UE) 2016/794 għandu japplika għall--ipproċessar ta’ data personali mill-Europol skont dan ir-Regolament.”;

1.   Sabiex teżerċita d-drittijiet tagħha skont l-Artikoli 15 sa 18 tar-Regolament (UE) 2016/679, kwalunkwe persuna għandu jkollha d-dritt li tiġi informata dwar id-data relatata magħha rreġistrata fil-VIS u dwar l-Istat Membru li daħħalha fil-VIS. L-Istat Membru li jirċievi dik it-talba għandu jeżaminaha u jagħti tweġiba mill-aktar fis possibbli, u sa mhux aktar tard minn xahar minn meta jirċievi t-talba.

2.   Kwalunkwe persuna tista’ titlob li data dwarha li mhix akkurata tiġi rettifikata u li data rreġistrata b’mod illegali titħassar.

Fejn it-talba tkun indirizzata lill-Istat Membru responsabbli u fejn jinstab li d-data tal-VIS fil-fatt ma tkunx akkurata jew tkun ġiet irreġistrata illegalment, l-Istat Membru responsabbli għandu, f’konformità mal-Artikolu 24(3), jirrettifika jew iħassar dik id-data fil-VIS mingħajr dewmien u mhux aktar tard minn xahar minn meta jirċievi t-talba. L-Istat Membru responsabbli għandu jikkonferma bil-miktub lill-persuna kkonċernata mingħajr dewmien li ħa l-azzjoni sabiex jirrettifika jew iħassar id-data dwarha.

Meta t-talba tkun indirizzata lil Stat Membru, li mhuwiex l-Istat Membru responsabbli, l-awtoritajiet tal-Istat Membru li lilu tkun indirizzata t-talba għandhom jikkuntattjaw lill-awtoritajiet tal-Istat Membru responsabbli fi żmien sebat ijiem. L-Istat Membru responsabbli għandu jipproċedi f’konformità mat-tieni subparagrafu ta’ dan il-paragrafu. L-Istat Membru li kkuntattja lill-awtorità tal-Istat Membru responsabbli għandu jinforma lill-persuni kkonċernati li t-talba tagħhom ġiet trażmessa, lil liema Stat Membru u dwar il-proċedura ulterjuri.

3.   Meta l-Istat Membru responsabbli ma jaqbilx mal-pretensjoni li d-data rreġistrata fil-VIS fil-fatt mhijiex akkurata jew li ġiet irreġistrata b’mod illegali, huwa għandu mingħajr dewmien jadotta deċiżjoni amministrattiva li tispjega bil-miktub lill-persuna kkonċernata r-raġuni għaliex ma għandux l-intenzjoni jirrettifika jew iħassar id-data relatata magħha.

4.   Id-deċiżjoni amministrattiva msemmija fil-paragrafu 3 għandha tipprovdi wkoll lill-persuna kkonċernata b’informazzjoni li tispjega l-possibbiltà li tikkontesta dik id-deċiżjoni u, fejn rilevanti, informazzjoni dwar kif tiftaħ rikors jew tressaq ilment quddiem l-awtoritajiet kompetenti jew il-qrati u informazzjoni dwar kwalunkwe assistenza disponibbli għall-persuna, inkluż dik mill-awtoritajiet superviżorji kompetenti.

5.   Kwalunkwe talba li ssir skont il-paragrafu 1 jew 2 għandu jkun fiha l-informazzjoni meħtieġa biex tiġi identifikata l-persuna kkonċernata. Dik l-informazzjoni għandha tintuża esklużivament biex ikunu jistgħu jiġu eżerċitati d-drittijiet imsemmija fil-paragrafu 1 jew 2.

6.   L-Istat Membru responsabbli għandu jirreġistra f’dokument bil-miktub li saret talba kif imsemmi fil-paragrafu 1 jew 2 u kif din ġiet indirizzata. Għandu jqiegħed dak id-dokument għad-dispożizzjoni tal-awtoritajiet superviżorji kompetenti mingħajr dewmien u sa mhux aktar tard minn sebat ijiem wara d-deċiżjoni li tiġi rrettifikata jew li titħassar id-data msemmija fit-tieni subparagrafu tal-paragrafi 2 jew b’segwitu għad-deċiżjoni amministrattiva msemmija fil-paragrafu 3.

7.   B’deroga mill-paragrafi 1 sa 6 ta’ dan l-Artikolu, u biss fir-rigward ta’ data li tinsab fl-opinjonijiet motivati li jkunu rreġistrati fil-VIS f’konformità mal-Artikolu 9e(6), l-Artikolu 9g(6) u l-Artikolu 22b(14) u (16) bħala riżultat tal-konsultazzjonijiet skont l-Artikoli 9a u 22b, Stat Membru għandu jieħu deċiżjoni li ma jipprovdix informazzjoni lill-persuna kkonċernata, kompletament jew parzjalment, f’konformità mal-liġi nazzjonali jew tal-Unjoni, sal-punt li, u sakemm tali restrizzjoni parzjali jew sħiħa tikkostitwixxi miżura neċessarja u proporzjonata f’soċjetà demokratika b’konsiderazzjoni xierqa għad-drittijiet fundamentali u għall-interessi leġittimi tas-suġġett tad-data kkonċernat, sabiex:

Fil-każijiet imsemmija fl-ewwel subparagrafu, l-Istat Membru għandu jinforma lill-persuna kkonċernata bil-miktub, mingħajr dewmien żejjed, dwar kwalunkwe rifjut jew restrizzjoni ta’ aċċess u r-raġunijiet għar-rifjut jew għar-restrizzjoni. Tali informazzjoni tista’ titħalla barra meta l-għoti tagħha jimmina kwalunkwe waħda mir-raġunijiet stipulati fil-punti (a) sa (e) tal-ewwel subparagrafu. L-Istat Membru għandu jinforma lill-persuna kkonċernata dwar il-possibbiltà li tressaq ilment quddiem awtorità superviżorja jew li titlob rimedju ġudizzjarju.

L-Istat Membru għandu jiddokumenta r-raġunijiet fattwali jew legali li fuqhom tkun ibbażata d-deċiżjoni li ma jipprovdix informazzjoni lill-persuna kkonċernata. Dik l-informazzjoni għandha ssir disponibbli għall-awtoritajiet superviżorji.

F’każijiet bħal dawn, il-persuna kkonċernata għandha wkoll tkun tista’ teżerċita d-drittijiet tagħha permezz tal-awtoritajiet superviżorji kompetenti.

1.   L-awtoritajiet kompetenti tal-Istati Membri għandhom jikkooperaw b’mod attiv sabiex jinfurzaw id-drittijiet stabbiliti fl-Artikolu 38.

2.   F’kull Stat Membru, l-awtorità superviżorja msemmija fl-Artikolu 51(1) tar-Regolament (UE) 2016/679 għandha, fuq talba, tassisti u tagħti parir lis-suġġett tad-data fl-eżerċizzju tad-dritt tiegħu li jitlob biex tiġi rettifikata, ikkompletata jew li titħassar data personali relatata miegħu jew biex jiġi ristrett l-ipproċessar ta’ tali data, f’konformità mar-Regolament (UE) 2016/679.

Sabiex jintlaħqu l-għanijiet imsemmija fl-ewwel subparagrafu, l-awtorità superviżorja tal-Istat Membru responsabbli u l-awtorità superviżorja tal-Istat Membru li lilu tkun saret it-talba għandhom jikkooperaw ma’ xulxin.

1.   Mingħajr preġudizzju għall-Artikoli 77 u 79 tar-Regolament (UE) 2016/679, kwalunkwe persuna għandu jkollha d-dritt li tressaq azzjoni jew ilment quddiem l-awtoritajiet kompetenti jew quddiem il-qrati tal-Istat Membru li jkun irrifjuta d-dritt ta’ aċċess għal, ta’ rettifika, ta’ ikkompletar jew ta’ tħassir ta’d-data relatata magħha previst fl-Artikolu 38 u l-Artikolu 39(2) ta’ dan ir-Regolament. Id-dritt li titressaq tali azzjoni jew ilment għandu japplika wkoll fejn it-talbiet għal aċċess għal, rettifika, ikkompletar jew tħassir ma jkunux twieġbu sal-iskadenzi previsti fl-Artikolu 38 jew qatt ma ġew trattati mill-kontrollur tad-data.

2.   L-assistenza tal-awtorità superviżorja msemmija fl-Artikolu 51(1) tar-Regolament (UE) 2016/679 għandha tibqa’ disponibbli matul il-proċedimenti.

1.   Kull Stat Membru għandu jiżgura li l-awtorità superviżorja msemmija fl-Artikolu 51(1) tar-Regolament (UE) 2016/679 tissorvelja indipendentement il-legalità tal-ipproċessar ta’ data personali skont dan ir-Regolament mill-Istat Membru kkonċernat.

2.   L-awtorità superviżorja msemmija fl-Artikolu 41(1) tad-Direttiva (UE) 2016/680 għandha tissorvelja l-legalità tal-ipproċessar ta’ data personali mill-Istati Membri f’konformità mal-Kapitolu IIIb, inkluż l-aċċess għal data personali mill-Istati Membri u t-trażmissjoni tagħha lejn u mill-VIS.

3.   L-awtorità superviżorja msemmija fl-Artikolu 51(1) tar-Regolament (UE) 2016/679 għandhom jiżguraw li jsir awditu tal-operazzjonijiet tal-ipproċessar ta’ data mill-awtoritajiet nazzjonali responsabbli f’konformità mal-istandards internazzjonali tal-awditjar rilevanti tal-inqas kull erba’ snin. Ir-riżultati tal-awditu jistgħu jitqiesu fl-evalwazzjonijiet li jsiru fil-qafas tal-mekkaniżmu stabbilit bir-Regolament tal-Kunsill (UE) Nru 1053/2013 (*). L-awtorità superviżorja msemmija fl-Artikolu 51(1) tar-Regolament (UE) 2016/679 għandha tippubblika kull sena l-għadd ta’ talbiet għal rettifika, ikkompletar jew tħassir, jew għar-restrizzjoni tal-ipproċessar tad-data, l-azzjoni meħuda sussegwentement u l-għadd ta’ rettifiki, ikkompletar, tħassir u restrizzjonijiet tal-ipproċessar magħmula bi tweġiba għal talbiet mill-persuni kkonċernati.

4.   L-Istati Membri għandhom jiżguraw li l-awtoritajiet superviżorji jkollhom biżżejjed riżorsi biex iwettqu l-kompiti fdati lilhom skont dan ir-Regolament u li jkollhom aċċess għal pariri minn persuni b’biżżejjed għarfien dwar id-data bijometrika.

5.   L-Istati Membri għandhom jipprovdu kwalunkwe informazzjoni mitluba mill-awtoritajiet superviżorji u għandhom, b’mod partikolari, jipprovdulhom informazzjoni dwar l-attivitajiet imwettqa f’konformità mar-responsabbiltajiet tagħhom skont dan ir-Regolament. L-Istati Membri għandhom jagħtu lill-awtoritajiet superviżorji aċċess għar-reġistrazzjonijiet tagħhom u jippermettulhom aċċess f’kull ħin għall-bini kollu tagħhom relatat mal-VIS.

1.   Il-Kontrollur Ewropew għall-Protezzjoni tad-data għandu jkun responsabbli għall-monitoraġġ tal-attivitajiet ta’ pproċessar ta’ data personali tal-eu-LISA, il-Europol u l-Aġenzija Ewropea għall-Gwardja tal-Fruntiera u tal-Kosta skont dan ir-Regolament u għall-iżgurar li dawn l-attivitajiet jitwettqu f’konformità ma’ dan ir-Regolament u mar-Regolament (UE) 2018/1725 jew, fir-rigward tal-Europol, mar-Regolament (UE) 2016/794.

2.   Il-Kontrollur Ewropew għall-Protezzjoni tad-data għandu jiżgura li jsir awditu tal-attivitajiet ta’ pproċessar ta’ data personali tal-eu-LISA f’konformità mal-istandards internazzjonali tal-awditjar rilevanti tal-inqas kull erba’ snin. Rapport ta’ dak l-awditu għandu jintbagħat lill-Parlament Ewropew, lill-Kunsill, lill-eu-LISA, lill-Kummissjoni u lill-awtoritajiet superviżorji. L-eu-LISA għandha tingħata opportunità li tikkummenta qabel ma jiġu adottati r-rapporti.

3.   L-eu-LISA għandha tforni l-informazzjoni mitluba mill-Kontrollur Ewropew għall-Protezzjoni tad-data, tagħti aċċess lill-Kontrollur Ewropew għall-Protezzjoni tad-data għad-dokumenti kollha u għar-reġistrazzjonijiet tagħha kif imsemmi fl-Artikoli 22s, 34 u 45c u tippermetti aċċess lill-Kontrollur Ewropew għall-Protezzjoni tad-data għall-bini kollu tagħha f’kwalunkwe ħin.

1.   L-awtoritajiet superviżorji u l-Kontrollur Ewropew għall-Protezzjoni tad-data, filwaqt li jaġixxu fl-ambitu tal-kompetenzi rispettivi tagħhom, għandhom jikkooperaw b’mod attiv fi ħdan il-qafas tar-responsabilitajiet rispettivi tagħhom biex jiżguraw is-superviżjoni koordinata tal-VIS u tas-sistemi nazzjonali.

2.   Il-Kontrollur Ewropew għall-Protezzjoni tad-data u l-awtoritajiet superviżorji għandhom jiskambjaw informazzjoni rilevanti, jassistu lil xulxin fit-twettiq ta’ awditi u spezzjonijiet, jeżaminaw kwalunkwe diffikultà rigward l-interpretazzjoni jew l-applikazzjoni ta’ dan ir-Regolament, jivvalutaw problemi fl-eżerċizzju ta’ superviżjoni indipendenti jew fl-eżerċizzju tad-drittijiet tas-suġġett tad-data, ifasslu proposti armonizzati għal soluzzjonijiet konġunti għal kwalunkwe problema u jippromwovu sensibilizzazzjoni dwar id-drittijiet għall-protezzjoni tad-data, kif ikn neċessarju.

3.   Għall-fini tal-paragrafu 2, l-awtoritajiet superviżorji u l-Kontrollur Ewropew għall-Protezzjoni tad-data għandhom jiltaqgħu tal-inqas darbtejn fis-sena fil-qafas tal-Bord Ewropew għall-Protezzjoni tad-data. Il-Bord Ewropew għall-Protezzjoni tad-data għandu jorganizza u jkun responsabbli għall-ispejjeż ta’ dawk il-laqgħat. Għandhom jiġu adottati regoli ta’ proċedura fl-ewwel laqgħa. Metodi ta’ ħidma ulterjuri għandhom jiġu żviluppati b’mod konġunt skont il-bżonn.

4.   Kull sentejn għandu jintbagħat rapport konġunt ta’ attivitajiet imwettqa skont dan l-Artikolu mill-Bord Ewropew għall-Protezzjoni tad-data lill-Parlament Ewropew, lill-Kunsill, lill-Kummissjoni, lill-Europol, lill-Aġenzija Ewropea għall-Gwardja tal-Fruntiera u tal-Kosta u lill-eu-LISA. Dan ir-rapport għandu jinkludi kapitolu dwar kull Stat Membru mħejji mill-awtorità superviżorja ta’ dak l-Istat Membru.

1.   Il-Kummissjoni għandha tadotta atti ta’ implimentazzjoni biex tistabbilixxi l-miżuri neċessarji għall-iżvilupp tas-Sistema Ċentrali tal-VIS, l-NUIs f’kull Stat Membru u l-infrastruttura ta’ komunikazzjoni bejn is-Sistema Ċentrali tal-VIS u l-NUIs dwar dan li ġej:

2.   Il-Kummissjoni għandha tadotta atti ta’ implimentazzjoni biex tistabbilixxi l-miżuri neċċessarji għall-implimentazzjoni teknika tal-funzjonalitajiet tas-Sistema Ċentrali tal-VIS, b’mod partikolari:

3.   Il-Kummissjoni għandha tadotta atti ta’ implimentazzjoni biex tistabbilixxi l-ispeċifikazzjonijiet tekniċi għall-kwalità, ir-riżoluzzjoni u l-użu tal-marki tas-swaba’ u tal-immaġni tal-wiċċ għall-verifika u l-identifikazzjoni bijometriċi fil-VIS.

4.   L-atti ta’ implimentazzjoni msemmija fil-paragrafi 1, 2 u 3 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 49(2).

1.   Il-persunal debitament awtorizzat tal-awtoritajiet kompetenti tal-Istati Membri, l-Kummissjoni, l-eu-LISA, l-Uffiċċju Ewropew ta’ Appoġġ fil-qasam tal-Ażil u l-Aġenzija Ewropea għall-Gwardja tal-Fruntiera u tal-Kosta, inkluż l-Unità Ċentrali tal-ETIAS f’konformità mal-Artikolu 9j, għandu jkollu aċċess għall-VIS biex jikkonsulta d-data li ġejja, unikament għall-finijiet ta’ rappurtar u statistika mingħajr il-possibbiltà ta’ identifikazzjoni individwali u f’konformità mas-salvagwardji relatati man-nondiskriminazzjoni msemmija fl-Artikolu 7(2):

Il-persunal debitament awtorizzat tal-Aġenzija Ewropea għall-Gwardja tal-Fruntiera u tal-Kosta għandu jkollu aċċess għall-VIS biex jikkonsulta d-data msemmija fl-ewwel subparagrafu ta’ dan il-paragrafu għall-fini tat-twettiq ta’ analiżi tar-riskju u ta’ valutazzjonijiet tal-vulnerabbiltà kif imsemmija fl-Artikoli 29 u 32 tar-Regolament (UE) 2019/1896.

2.   Għall-finijiet tal-paragrafu 1 ta’ dan l-Artikolu, l-eu-LISA għandha taħżen id-data msemmija f’dak il-paragrafu fir-repożitorju ċentrali għar-rappurtar u għall-istatistika msemmi fl-Artikolu 39 tar-Regolament (UE) 2019/817. F’konformità mal-Artikolu 39(1) ta’ dak ir-Regolament, id-data statistika trasversali u r-rappurtar analitiku għandhom jippermettu li l-awtoritajiet elenkati fil-paragrafu 1 ta’ dan l-Artikolu jiksbu rapporti u statistika li jistgħu jiġu adattati, sabiex jappoġġaw l-implimentazzjoni tal-indikaturi ta’ riskji speċifiċi msemmija fl-Artikolu 9j ta’ dan ir-Regolament, biex itejbu l-valutazzjoni tar-riskji għas-sigurtà, riskji ta’ immigrazzjoni illegali u riskji għolja ta’ epidemija, biex itejbu l-effiċjenza tal-verifiki fuq il-fruntieri u biex jgħinu lill-awtoritajiet tal-viża jipproċessaw l-applikazzjonijiet għal viża.

3.   Il-proċeduri stabbiliti mill-eu-LISA biex timmonitorja l-funzjonament tal-VIS imsemmija fl-Artikolu 50(1) għandhom jinkludu l-possibbiltà li tiġi ġġenerata statistika regolari biex jiġi żgurat dak il-monitoraġġ.

4.   Kull tliet xhur, l-eu-LISA għandha tiġbor l-istatistika bbażata fuq id-data tal-VIS dwar viżi li turi, għal kull post fejn ġiet ippreżentata applikazzjoni għal viża u għal kull Stat Membru, b’mod partikolari:

L-istatistika ta’ kuljum għandha tinħażen fir-repożitorju ċentrali għar-rappurtar u għall-istatistika f’konformità mal-Artikolu 39 tar-Regolament (UE) Nru 2019/817.

5.   Kull tliet xhur, l-eu-LISA għandha tiġbor l-istatistika bbażata fuq id-data tal-VIS dwar viżi għal soġġorn twil u permessi ta’ residenza li turi, għal kull post, b’mod partikolari:

6.   Fl-aħħar ta’ kull sena, id-data statistika għandha tinġabar f’rapport annwali għal dik is-sena. L-istatistika għandu jkun fiha analiżi dettaljata tad-data għal kull post u għal kull Stat Membru. Ir-rapport għandu jiġi ppubblikat u jintbagħat lill-Parlament Ewropew, lill-Kunsill, lill-Kummissjoni, lill-Aġenzija Ewropea għall-Gwardja tal-Fruntiera u tal-Kosta, lill-Kontrollur Ewropew għall-Protezzjoni tad-data u lill-awtoritajiet superviżorji.

7.   Fuq talba tal-Kummissjoni, l-eu-LISA għandha tipprovdilha statistika dwar aspetti speċifiċi relatati mal-implimentazzjoni tal-politika komuni dwar il-viża jew tal-politika dwar il-migrazzjoni u l-ażil, inkluż dwar aspetti skont l-applikazzjoni tar-Regolament (UE) Nru 1053/2013.

1.   L-Istati Membri għandhom jinnotifikaw lill-Kummissjoni bl-awtorità li għandha titqies bħala l-kontrollur kif imsemmi fl-Artikolu 29(4).

2.   L-Istati Membri għandhom jinnotifikaw lill-Kummissjoni u lill-eu-LISA bl-awtoritajiet kompetenti msemmija fl-Artikolu 6(3) li jkollhom aċċess għall-VIS biex idaħħlu, jemendaw, iħassru jew jikkonsultaw data fil-VIS u bl-awtorità maħtura tal-VIS kif imsemmi fl-Artikolu 9d(1) u fl-Artikolu 22b(14).

Tliet xhur wara d-data tal-bidu tal-operazzjonijiet tal-VIS skont l-Artikolu 11 tar-Regolament (UE) 2021/1134tal-Parlament Ewropew u tal-Kunsill (*), l-eu-LISA għandha tippubblika lista konsolidata tal-awtoritajiet innotifikati skont l-ewwel subparagrafu ta’ dan il-paragrafu f’Il-Ġurnal Uffiċjali tal-Unjoni Ewropea.

L-Istati Membri għandhom jinnotifikaw lill-Kummissjoni u lill-eu-LISA bi kwalunkwe tibdil għall-awtoritajiet innotifikati mingħajr dewmien. F’każ li jkun hemm tibdil ta’ dan it-tip, l-eu-LISA għandha tippubblika darba fis-sena lista konsolidata aġġornata f’Il-Ġurnal Uffiċjali tal-Unjoni Ewropea . L-eu-LISA għandha żżomm sit web pubbliku li jiġi aġġornat kontinwament u li jkun fih dik l-informazzjoni.

3.   L-Istati Membri għandhom jinnotifikaw lill-Kummissjoni u lill-eu-LISA bl-awtoritajiet maħtura tagħhom u l-punti ta’ aċċess ċentrali tagħhom kif imsemmi fl-Artikolu 22l u għandhom jinnotifikaw kwalunkwe bidla f’dak ir-rigward mingħajr dewmien.

4.   Il-Kummissjoni għandha tippubblika l-informazzjoni msemmija fil-paragrafi 1 u 3 f’Il-Ġurnal Uffiċjali tal-Unjoni Ewropea. Fil-każ ta’ tibdil fl-informazzjoni, il-Kummissjoni għandha tippubblika darba fis-sena verżjoni konsolidata aġġornata tagħha. Il-Kummissjoni għandha żżomm sit web pubbliku li jiġi aġġornat kontinwament u li jkun fih dik l-informazzjoni.

1.   Sabiex jissodisfaw l-obbligu tagħhom skont il-punt (b) tal-Artikolu 26(1) tal-Konvenzjoni ta’ Schengen, it-trasportaturi bl-ajru, it-trasportaturi bil-baħar u trasportaturi internazzjonali li jittrasportaw gruppi fuq l-art bil-kowċ għandhom jikkonsultaw il-VIS sabiex jivverifikaw jekk ċittadini ta’ pajjiżi terzi soġġetti għal rekwiżit ta’ viża, jew li huma meħtieġa li jkollhom viża għal soġġorn twil jew permess ta’ residenza għandhomx jew le viża għal soġġorn twil jew permess ta’ residenza validi, kif applikabbli.

2.   Aċċess sigur għall-gateway tat-trasportaturi msemmi fil-punt (h) tal-Artikolu 2a, inkluż il-possibilità li jintużaw soluzzjonijiet tekniċi mobbli, għandu jippermetti li t-trasportaturi jipproċedu bil-konsultazzjoni msemmija fil-paragrafu 1 ta’ dan l-Artikolu qabel l-imbarkazzjoni ta’ passiġġier.

Għal dan il-fini, fir-rigward ta’ viżi, it-trasportatur għandu jipprovdi d-data msemmija fil-punt (4)(a), (b) u (c) tal-Artikolu 9 u fir-rigward ta’ viżi għal soġġorn twil u permessi ta’ residenza, it-trasportatur għandu jipprovdi d-data msemmija fil-punti (d), (e) u (f) tal-Artikolu 22a(1), kif tinsab fid-dokument tal-ivvjaġġar. It-trasportatur għandu jindika wkoll l-Istat Membru tad-dħul jew, fil-każ ta’ tranżitu fl-ajruport, l-Istat Membru ta’ tranżitu.

B’deroga mit-tieni subparagrafu ta’ dan il-paragrafu, fil-każ ta’ tranżitu fl-ajruport, it-trasportatur ma għandux ikun obbligat jikkonsulta lill-VIS, ħlief meta ċ-ċittadin ta’ pajjiż terz ikun meħtieġ li jkollu viża għal tranżitu fl-ajruport f’konformità mal-Artikolu 3 tar-Regolament (KE) Nru 810/2009.

3.   Il-VIS għandha tipprovdi lit-trasportaturi tweġiba OK/NOT OK, filwaqt li tindika jekk il-persuna għandhiex viża, viża għal perjodu twil jew permess ta’ residenza validi, kif applikabbli.

Jekk tkun inħarġet viża b’validità territorjali limitata f’konformità mal-Artikolu 25 tar-Regolament (KE) Nru 810/2009, it-tweġiba li tingħata mill-VIS għandha tieħu kont tal-Istati Membri li għalihom l-awtorizzazzjoni hija valida kif ukoll tal-Istat Membru tad-dħul indikat mit-trasportatur.

It-trasportaturi jistgħu jaħżnu l-informazzjoni mibgħuta u t-tweġiba li tkun waslet f’konformità mal-liġi applikabbli. It-tweġiba OK/NOT OK ma għandhiex titqies bħala deċiżjoni li jiġi awtorizzat jew irrifjutat id-dħul f’konformità mar-Regolament (UE) 2016/399.

Il-Kummissjoni għandha tadotta atti ta’ implimentazzjoni biex tistabbilixxi regoli dettaljati fir-rigward tal-kondizzjonijiet għall-operazzjoni tal-gateway tat-trasportaturi u r-regoli applikabbli dwar il-protezzjoni tad-data u s-sigurtà. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 49(2).

4.   Fejn ċittadini ta’ pajjiżi terzi ma jitħallewx jitilgħu abbord bħala riżultat ta’ konsultazzjoni tal-VIS, it-trasportaturi għandhom jinformawhom li dan ir-rifjut huwa dovut għal informazzjoni maħżuna fil-VIS u għandhom jipprovdulhom informazzjoni dwar id-drittijiet tagħhom fir-rigward tal-aċċess għal data personali rreġistrata fil-VIS u r-rettifika jew it-tħassir tagħha.

5.   Għandha tiġi stabbilita skema ta’ awtentikazzjoni, irriżervata esklużivament għat-trasportaturi, biex tippermetti aċċess għall-gateway tat-trasportaturi għall-finijiet ta’ dan l-Artikolu mill-membri debitament awtorizzati tal-persunal tat-trasportaturi. Meta tiġi stabbilita l-iskema ta’ awtentikazzjoni, għandhom jittieħdu inkonsiderazzjoni l-ġestjoni tar-riskju għas-sigurtà tal-informazzjoni u l-prinċipji tal-protezzjoni tad-data mid-disinn u b’mod awtomatiku.

Il-Kummissjoni għandha tadotta atti ta’ implimentazzjoni biex tistabbilixxi l-iskema ta’ awtentikazzjoni għat-trasportaturi.Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 49(2).

6.   Il-gateway tat-trasportaturi għandu jagħmel użu minn bażi ta’ data separata li tinqara biss u li tiġi aġġornata kuljum permezz ta’ estrazzjoni f’direzzjoni waħda tas-sottogrupp minimu neċessarju tad-data tal-VIS. L-eu-LISA għandha tkun responsabbli għas-sigurtà tal-gateway tat-trasportaturi, għas-sigurtà tad-data personali li tinsab fih u għall-proċess tal-estrazzjoni ta’ data personali għall-bażi ta’ data separata li tinqara biss.

7.   B’deroga mill-paragrafu 1 ta’ dan l-Artikolu, għat-trasportaturi li jittrasportaw gruppi fuq l-art bil-kowċ, il-verifika skont dak il-paragrafu għandha tkun fakultattiva għall-ewwel 18-il xahar wara d-data tal-bidu tal-operazzjonijiet tal-VIS skont l-Artikolu 11 tar-Regolament (UE) 2021/1134.

8.   Sabiex timplimenta l-paragrafu 1 jew sabiex issolvi kwalunkwe tilwim potenzjali li jirriżulta mill-applikazzjoni tiegħu, l-eu-LISA għandha żżomm reġistrazzjonijiet tal-operazzjonijiet kollha ta’ pproċessar ta’ data li jsiru mit-trasportaturi fil-gateway tat-trasportaturi. Dawn ir-reġistrazzjonijiet għandhom juru d-data u l-ħin ta’ kull operazzjoni, id-data li intużat għall-konsultazzjoni, id-data mibgħuta mill-gateway tat-trasportaturi u l-isem tat-trasportatur inkwistjoni.

L-eu-LISA għandha taħżen ir-reġistrazzjonijiet perjodu ta’ sentejn. L-eu-LISA għandha tiżgura li r-reġistrazzjonijiet jiġu protetti b’mezzi xierqa kontra aċċess mhux awtorizzat.

1.   Fejn ikun teknikament impossibbli li wieħed jipproċedi bil-konsultazzjoni msemmija fl-Artikolu 45c(1), minħabba nuqqas fi kwalunkwe parti tal-VIS, it-trasportaturi għandhom ikunu eżentati mill-obbligu li jivverifikaw il-pussess ta’ viża, viża għal soġġorn twil jew permess ta’ residenza validi bl-użu tal-gateway tat-trasportaturi. Meta tali nuqqas jiġi identifikat mill-eu-LISA, l-Unità Ċentrali tal-ETIAS għandha tinnotifika lit-trasportaturi u lill-Istati Membri. Għandha wkoll tinnotifika lit-trasportaturi u lill-Istati Membri meta n-nuqqas jiġi rimedjat. Meta tali nuqqas jiġi identifikat mit-trasportaturi, huma jistgħu jinnotifikaw lill-Unità Ċentrali tal-ETIAS. L-Unità Ċentrali tal-ETIAS għandha tinforma lill-Istati Membri mingħajr dewmien dwar in-notifika tat-trasportaturi.

2.   Meta għal raġunijiet oħra għajr nuqqas fi kwalunkwe parti mill-VIS, ikun teknikament impossibbli li t-trasportatur jipproċedi bil-konsultazzjoni msemmija fl-Artikolu 45c(1) għal perijodu twil ta’ żmien, it-trasportatur għandu jinnotifika lill-Unità Ċentrali tal-ETIAS. L-Unità Ċentrali tal-ETIAS għandha tinforma lill-Istati Membri mingħajr dewmien bin-notifika ta’ dak it-trasportatur.

3.   Il-Kummissjoni għandha tadotta att ta’ implimentazzjoni biex tistabbilixxi d-dettalji tal-proċeduri ta’ riżerva fil-każ ta’ impossibbiltà teknika li tiġi aċċessata d-data mit-trasportaturi. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 49(2).

1.   Sabiex jeżerċitaw il-kompiti u s-setgħat skont l-Artikolu 82(1) u (10) tar-Regolament (UE) 2019/1896 tal-Parlament Ewropew u tal-Kunsill (**) il-membri tat-timijiet Ewropej ta’ Gwardji tal-Fruntiera u tal-Kosta, kif ukoll it-timijiet tal-persunal involut f’operazzjonijiet relatati mar-ritorn, għandhom, fi ħdan il-mandat tagħhom, ikollhom id-dritt jaċċessaw u jfittxu data tal-VIS.

2.   Biex tiżgura l-aċċess imsemmi fil-paragrafu 1 ta’ dan l-Artikolu, l-Aġenzija Ewropea għall-Gwardja tal-Fruntiera u tal-Kosta għandha taħtar unità speċjalizzata b’uffiċjali tal-Gwardja Ewropea tal-Fruntiera u tal-Kosta li jkunu debitament awtorizzati bħala l-punt ta’ aċċess ċentrali. Il-punt ta’ aċċess ċentrali għandu jivverifika li l-kondizzjonijiet għat-talba għal aċċess għall-VIS stabbiliti fl-Artikolu 45f ikunu ssodisfati.

1.   Fir-rigward tal-aċċess imsemmi fl-Artikolu 45e(1), tim Ewropew ta’ Gwardji tal-Fruntiera u tal-Kosta jista’ jissottometti talba għall-konsultazzjoni tad-data kollha tal-VIS jew għal sett speċifiku ta’ data tal-VIS lill-punt ta’ aċċess ċentrali tal-Gwardja Ewropea tal-Fruntiera u tal-Kosta msemmi fl-Artikolu 45e(2). It-talba għandha tirreferi għall-pjan operazzjonali dwar il-verifiki fuq il-fruntieri, is-sorveljanza tal-fruntieri jew ir-ritorn, ta’ dak l-Istat Membru li fuqu tkun ibbażata t-talba. Kif jirċievi talba għal aċċess, il-punt ta’ aċċess ċentrali tal-Gwardja Ewropea tal-Fruntiera u tal-Kosta għandu jivverifika jekk il-kondizzjonijiet għall-aċċess imsemmi fil-paragrafu 2 ta’ dan l-Artikolu ikunux issodisfati. Jekk il-kondizzjonijiet kollha għal aċċess ikunu ssodisfati, il-persunal debitament awtorizzat tal-punt ta’ aċċess ċentrali għandu jipproċessa t-talba. Id-data tal-VIS li tiġi aċċessata għandha tintbagħat lit-tim b’tali mod li ma jikkompromettix is-sigurtà tad-data.

2.   Sabiex jingħata aċċess, għandhom japplikaw il-kondizzjonijiet li ġejjin:

3.   F’konformità mal-Artikolu 82(4) tar-Regolament (UE) 2019/1896, il-membri tat-timijiet tal-Gwardja Ewropea tal-Fruntiera u tal-Kosta, kif ukoll it-timijiet tal-persunal involut f’kompiti relatati mar-ritorn għandhom jaġixxu biss b’rispons għal informazzjoni miksuba mill-VIS biss skont istruzzjonijiet minn u, bħala regola ġenerali, fil-preżenza ta’ gwardji tal-fruntiera jew persunal involut f’kompiti relatati mar-ritorn tal-Istat Membru ospitanti fejn ikunu qed joperaw. L-Istat Membru ospitanti jista’ jawtorizza lill-membri tat-timijiet tal-Gwardja Ewropea tal-Fruntiera u tal-Kosta biex jaġixxu f’ismu.

4.   F’każ ta’ dubju jew jekk ma tirnexxix il-verifika tal-identità tad-detentur ta’ viża, id-detentur ta’ viża għal soġġorn twil jew id-detentur ta’ permess ta’ residenza, il-membru tat-tim Ewropew ta’ Gwardji tal-Fruntiera u tal-Kosta għandu jirreferi lill-persuna għal gwardja tal-fruntiera tal-Istat Membru ospitanti.

5.   Il-konsultazzjoni tad-data tal-VIS minn membri tat-timijiet għandha ssir kif ġej:

6.   Fejn tali aċċess u tfittxijiet skont il-paragrafu 5 jiżvelaw l-eżistenza ta’ data rreġistrata fil-VIS, l-Istat Membru ospitanti għandu jiġi informat b’dan.

7.   Kull reġistrazzjoni tal-operazzjonijiet tal-ipproċessar tad-data fil-VIS minn membru tat-timijiet Ewropej ta’ Gwardji tal-Fruntiera u tal-Kosta jew tat-timijiet tal-persunal b’kompiti relatati mar-ritorn għandha tinżamm mill-eu-LISA f’konformità mal-Artikolu 34.

8.   Kull aċċess u kull tfittxija mwettqa mit-timijiet Ewropej ta’ Gwardji tal-Fruntiera u tal-Kosta għandhom jiġu rreġistrati f’konformità mal-Artikolu 34 u għandu jiġi rreġistrat kull użu li jsir mid-data aċċessata mit-timijiet Ewropej ta’ Gwardji tal-Fruntiera u tal-Kosta.

9.   Għall-fini tal-Artikolu 45e u ta’ dan l-Artikolu, l-ebda parti tal-VIS ma għandha tkun ikkonnettjata ma’ xi sistema tal-kompjuter għall-ġbir u għall-ipproċessar ta’ data li tkun imħaddma mill-Aġenzija Ewropea għall-Gwardja tal-Fruntiera u tal-Kosta jew fiha u lanqas ma għandu jsir trasferiment lil tali sistema ta’ data li tinsab fil-VIS li għaliha jkollha aċċess l-Aġenzija Ewropea għall-Gwardja tal-Fruntiera u tal-Kosta. L-ebda parti mill-VIS ma għandha titniżżel. Ir-reġistrazzjonijiet tal-aċċess u tat-tfittxijiet ma għandhomx jiġu interpretati li huma tniżżil jew ikkupjar ta’ data tal-VIS.

10.   L-Aġenzija Ewropea għall-Gwardja tal-Fruntiera u tal-Kosta għandha tadotta u tapplika miżuri biex tiżgura s-sigurtà tad-data kif previst fl-Artikolu 32.

1.   Is-setgħa ta’ adozzjoni ta’ atti delegati hija mogħtija lill-Kummissjoni soġġett għall-kondizzjonijiet stabbiliti f’dan l-Artikolu.

2.   Is-setgħa tal-adozzjoni ta’ atti delegati msemmija fl-Artikolu 9, l-Artikolu 9h(2), l-Artikolu 9j(2) u l-Artikolu 22b(18) għandha tingħata lill-Kummissjoni għal perijodu ta’ ħames snin mit-2 ta’ Awwissu 2021. Il-Kummissjoni għandha tfassal rapport fir-rigward tad-delega ta’ setgħa mhux iktar tard minn disa’ xhur qabel it-tmiem tal-perijodu ta’ ħames snin. Id-delega ta’ setgħa għandha tiġi estiża awtomatikament għal perijodi ta’ żmien identiċi, ħlief jekk il-Parlament Ewropew jew il-Kunsill joġġezzjonaw għal tali estensjoni mhux iktar tard minn tliet xhur qabel it-tmiem ta’ kull perijodu.

3.   Id-delega ta’ setgħa msemmija fl-Artikolu 9, l-Artikolu 9h(2), l-Artikolu 9j(2) u l-Artikolu 22b(18) tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirevoka għandha ttemm id-delega ta’ setgħa speċifikata f’dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fiha. Ma għandha taffettwa l-validità tal-ebda att delegat li jkun diġà fis-seħħ.

4.   Qabel ma tadotta att delegat, il-Kummissjoni għandha tikkonsulta esperti nnominati minn kull Stat Membru skont il-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet.

5.   Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.   Att delegat adottat skont l-Artikolu 9, l-Artikolu 9h(2), l-Artikolu 9j(2) jew l-Artikolu 22b(18) għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perijodu, il-Parlament Ewropew u l-Kunsill ikunu t-tnejn informaw lill-Kummissjoni li mhumiex sejrin joġġezzjonaw. Dak il-perijodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.”

1.   Il-Kummissjoni għandha tkun megħjuna mill-kumitat stabbilit permezz tal-Artikolu 68(1) tar-Regolament (UE) 2017/2226. Dak il-kumitat għandu jkun kumitat fis-sens tar-Regolament (UE) Nru 182/2011 tal-Parlament Ewropew u tal-Kunsill (*).

2.   Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

1.   L-eu-LISA għandha tiżgura li jkunu stabbiliti proċeduri biex jiġi ssorveljat il-funzjonament tal-VIS skont l-objettivi relatati mal-output, il-kosteffettività, is-sigurtà u l-kwalità tas-servizz.

2.   Għall-finijiet tal-manutenzjoni teknika, l-eu-LISA għandu jkollha aċċess għall-informazzjoni neċessarja rigward l-operazzjonijiet tal-ipproċessar ta’ data mwettqa fil-VIS.

3.   Kull sentejn, l-eu-LISA għandha tippreżenta lill-Parlament Ewropew, lill-Kunsill u lill-Kummissjoni rapport dwar il-funzjonament tekniku tal-VIS, inkluż dwar is-sigurtà u l-ispejjeż tagħha. Ir-rapport għandu jinkludi wkoll, ladarba t-teknoloġija tkun qed tintuża, evalwazzjoni tal-użu tal-immaġnijiet tal-wiċċ biex jiġu identifikati persuni, inkluż valutazzjoni ta’ kwalunkwe diffikultà li tinqala’.

4.   Filwaqt li jirrispettaw id-dispożizzjonijiet tal-liġi nazzjonali dwar il-pubblikazzjoni ta’ informazzjoni sensittiva, kull Stat Membru u l-Europol għandhom iħejju rapporti annwali dwar l-effettività tal-aċċess għad-data tal-VIS għall-finijiet tal-infurzar tal-liġi li jkun fihom informazzjoni u statistika dwar:

Ir-rapporti annwali tal-Istati Membri u tal-Europol għandhom jintbagħtu lill-Kummissjoni sat-30 ta’ Ġunju tas-sena ta’ wara.

Soluzzjoni teknika għandha titqiegħed għad-dispożizzjoni tal-Istati Membri sabiex jiġi ffaċilitat il-ġbir ta’ dik id-data skont il-Kapitolu IIIb għall-fini li tiġi ġġenerata l-istatistika msemmija f’dan il-paragrafu. Il-Kummissjoni għandha, permezz ta’ atti ta’ implimentazzjoni, tadotta l-ispeċifikazzjonijiet tas-soluzzjoni teknika. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 49(2).

5.   Tliet snin wara d-data tsal-bidu tal-operazzjonijiet tal-VIS skont l-Artikolu 11 tar-Regolament (UE) 2021/1134u kull erba’ snin wara dan, il-Kummissjoni għandha tipproduċi evalwazzjoni ġenerali tal-VIS. L-evalwazzjoni ġenerali għandha tinkludi eżami tar-riżultati miksuba fit-twettiq tal-objettivi u tal-ispejjeż imġarrba u valutazzjoni tal-validità kontinwa tar-raġunament sottostanti, u l-impatt tiegħu fuq id-drittijiet fundamentali, l-applikazzjoni ta’ dan ir-Regolament fir-rigward tal-VIS, is-sigurtà tal-VIS, l-użu magħmul mid-dispożizzjonijiet msemmija fl-Artikolu 31 u kwalunkwe implikazzjoni għal operazzjonijiet futuri. L-evalwazzjoni għandha tinkludi wkoll analiżi dettaljata tad-data pprovduta fir-rapporti annwali previsti mill-paragrafu 4 ta’ dan l-Artikolu, bil-ħsieb li tiġi vvalutata l-effettività tal-aċċess għad-data tal-VIS għall-finijiet tal-infurzar tal-liġi, kif ukoll valutazzjoni ta’ jekk il-konsultazzjoni fl-ECRIS-TCN mill-VIS ikkontribwietx biex jiġi appoġġat l-objettiv li jiġi vvalutat jekk l-applikant jista’ jkun ta’ theddida għall-ordni pubbliku jew għas-sigurtà pubblika. Il-Kummissjoni għandha tibgħat l-evalwazzjoni lill-Parlament Ewropew u lill-Kunsill.

6.   L-Istati Membri għandhom jipprovdu lill-eu-LISA u lill-Kummissjoni l-informazzjoni neċessarja għall-abbozzar tar-rapporti msemmija fil-paragrafi 3, 4 u 5.

7.   L-eu-LISA għandha tipprovdi lill-Kummissjoni l-informazzjoni neċessarja sabiex tipproduċi l-evalwazzjoni ġenerali msemmija fil-paragrafu 5.