1.   L-objettiv tal-Istrument huwa li jikkomplementa dawk l-attivitajiet ta’ kooperazzjoni nukleari li jiġu ffinanzjati skont ir-Regolament (UE) 2021/947, b’mod partikolari sabiex jappoġġa l-promozzjoni ta’ livell għoli ta’ sikurezza nukleari u protezzjoni mir-radjazzjoni, u l-applikazzjoni ta’ salvagwardji effiċjenti u effettivi ta’ materjali nukleari f’pajjiżi terzi, fuq il-bażi tal-attivitajiet fi ħdan il-Komunità tal-qafas regolatorju Euratom rilevanti, f’konformità ma’ dan ir-Regolament u b’mod kemm jista’ jkun miftuħ. Fi ħdan dan l-objettiv, dan ir-Regolament għandu l-għan ukoll li jappoġġa l-promozzjoni tat-trasparenza fil-proċessi ta’ teħid ta’ deċiżjonijiet relatati mal-qasam nukleari tal-awtoritajiet f’pajjiżi terzi.

2.   Skont il-paragrafu 1, l-Istrument għandu l-objettivi speċifiċi li ġejjin:

1.   Fl-implimentazzjoni ta’ dan ir-Regolament, għandhom ikunu żgurati konsistenza, sinerġiji u komplementarjetà mar-Regolament (UE) 2021/947, programmi oħrajn ta’ azzjoni esterna tal-Unjoni, u politiki u programmi rilevanti oħrajn tal-Unjoni, kif ukoll il-koerenza tal-politiki għall-iżvilupp.

2.   Fejn xieraq, programmi oħra tal-Unjoni jistgħu jikkontribwixxu għal azzjonijiet stabbiliti skont dan ir-Regolament, dment li l-kontribuzzjonijiet ma jkoprux l-istess kostijiet. Dan ir-Regolament jista’ wkoll jikkontribwixxi għal miżuri stabbiliti fil-qafas ta’ programmi oħrajn tal-Unjoni, dment li l-kontribuzzjonijiet ma jkoprux l-istess kostijiet.

3.   Ir-regoli ta’ kull programm tal-Unjoni li jikkontribwixxi għal azzjonijiet stabbiliti skont dan ir-Regolament għandhom japplikaw għall-kontribuzzjoni rispettiva tiegħu għall-azzjoni. Il-finanzjament kumulattiv ma għandux jaqbeż il-kostijiet eliġibbli totali tal-azzjoni u l-appoġġ mill-programmi differenti tal-Unjoni jista’ jiġi kkalkolat fuq bażi pro rata f’konformità mad-dokumenti li jistabbilixxu l-kondizzjonijiet għall-appoġġ.

1.   Il-kooperazzjoni skont dan ir-Regolament għandha tiġi implimentata fuq il-bażi tal-programmi indikattivi pluriennali.

2.   Il-programmi indikattivi pluriennali għandu jkollhom l-għan li jipprovdu qafas koerenti għall-kooperazzjoni bejn il-Komunità u l-pajjiżi terzi jew ir-reġjuni kkonċernati, b’mod konsistenti mal-għan globali u l-kamp ta’ applikazzjoni, l-objettivi, il-prinċipji u l-politika tal-Komunità u fuq il-bażi tal-qafas politiku msemmi fl-Artikolu 5.

3.   Il-programmi indikattivi pluriennali għandhom jikkostitwixxu bażi ġenerali għall-kooperazzjoni taħt dan ir-Regolament u għandhom jistabbilixxu l-għanijiet tal-Komunità għall-kooperazzjoni, fid-dawl tal-ħtiġijiet tal-pajjiżi kkonċernati, il-prijoritajiet tal-Komunità, is-sitwazzjoni internazzjonali u l-attivitajiet tal-pajjiżi terzi kkonċernati. Il-programmi indikattivi pluriennali għandhom jindikaw ukoll il-valur miżjud tal-kooperazzjoni u kif għandha tiġi evitata d-duplikazzjoni ma’ programmi u inizjattivi oħrajn, b’mod partikolari dawk ta’ organizzazzjonijiet internazzjonali li għandhom objettivi simili u donaturi ewlenin.

4.   Il-programmi indikattivi pluriennali għandhom jistabbilixxu l-oqsma ta’ prijorità magħżula għall-finanzjament, l-objettivi speċifiċi, ir-riżultati mistennija, l-indikaturi tal-prestazzjoni u dawk orjentati lejn ir-riżultati u l-allokazzjonijiet finanzjarji indikattivi, kemm globalment kif ukoll għal kull objettiv.

5.   Il-programmi indikattivi pluriennali għandhom ikunu bbażati fuq djalogu mal-pajjiżi jew ir-reġjuni sħab li jinvolvi l-partijiet ikkonċernati rilevanti, speċjalment l-awtoritajiet governattivi u regolatorji u l-organizzazzjonijiet maħtura minnhom, sabiex jiżguraw li l-pajjiż jew ir-reġjun ikkonċernat jieħu biżżejjed sjieda tal-proċess, u biex jinkoraġġixxu appoġġ għal aktar żvilupp tas-sikurezza nukleari fil-livell nazzjonali.

6.   Fejn rilevanti wara konsultazzjoni mal-Grupp ta’ Regolaturi Ewropew dwar is-Sikurezza Nukleari (“ENSREG”), il-Kummissjoni għandha tadotta l-programmi indikattivi pluriennali f’konformità mal-proċedura ta’ eżami msemmija fl-Artikolu 15(2).

7.   Il-Kummissjoni, f’konformità mal-proċedura ta’ eżami msemmija fl-Artikolu 15(2), għandha tirrevedi u, jekk ikun meħtieġ, taġġorna l-programmi indikattivi pluriennali mill-inqas erba’ snin wara l-adozzjoni tagħhom.

1.   Il-Kummissjoni għandha tadotta pjanijiet ta’ azzjoni annwali abbażi tal-programmi indikattivi pluriennali. Il-Kummissjoni tista’ tadotta wkoll miżuri speċjali u miżuri ta’ appoġġ.

Fil-każ ta’ ħtiġijiet, ċirkostanzi jew impenji mhux previsti u debitament iġġustifikati, il-Kummissjoni tista’ tadotta miżuri speċjali.

Il-pjanijiet ta’ azzjoni u l-miżuri speċjali għandhom jispeċifikaw għal kull pajjiż terz jew reġjun, l-objettivi segwiti, il-proċeduri ta’ ġestjoni, il-proġetti li għandhom jiġu ffinanzjati, skeda ta’ żmien indikattiva, ir-riżultati mistennija u l-attivitajiet ewlenin, il-metodi u, fejn adatt, l-istatus tal-pjanijiet ta’ azzjoni u l-miżuri speċjali għal kull pajjiż terz jew reġjun, il-baġit u kwalunkwe nefqa ta’ appoġġ assoċjata. Dawk il-pjanijiet ta’ azzjoni u l-miżuri għandhom jinkludu deskrizzjoni tal-ġabra ta’ azzjonijiet li għandhom jiġu finanzjati u deskrizzjoni fil-qosor ta’ kull azzjoni, indikazzjoni tal-ammonti allokati għal kull azzjoni, skeda ta’ żmien indikattiva għall-implimentazzjoni u indikaturi speċifiċi għall-monitoraġġ, l-evalwazzjoni u l-analiżi tal-prestazzjoni u r-riżultati kif ukoll kwalunkwe nefqa ta’ appoġġ assoċjata, kif adatt. Jekk adatt, dawn għandhom jinkludu r-riżultati ta’ kwalunkwe tagħlima li ttieħdet minn kooperazzjoni preċedenti.

2.   Il-pjanijiet ta’ azzjoni u l-miżuri għandhom jiġu adottati permezz ta’ atti ta’ implimentazzjoni adottati f’konformità mal-proċedura ta’ eżami msemmija fl-Artikolu 15(2).

3.   Il-proċedura ta’ eżami msemmija fl-Artikolu 15(2) ma għandhiex tkun meħtieġa għal:

Ladarba adottati f’konformità ma’ dan il-paragrafu, il-miżuri speċjali u l-miżuri ta’ sostenn kif ukoll l-emendi tekniċi tagħhom għandhom jiġu kkomunikati lill-kumitat tal-Istrument Ewropew għal Kooperazzjoni Internazzjonali fil-qasam tas-Sikurezza Nukleari msemmi fl-Artikolu 15 fi żmien xahar mill-adozzjoni tagħhom. Dawn għandhom jiġu kkomunikati wkoll lill-Parlament Ewropew.

4.   Għal raġunijiet imperattivi ta’ urġenza debitament ġustifikati relatati mal-ħtieġa għal rispons rapidu mill-Komunità, il-Kummissjoni, f’konformità mal-proċedura msemmija fl-Artikolu 15(3), għandha tadotta jew temenda l-pjanijiet ta’ azzjoni jew miżuri permezz ta’ atti ta’ implimentazzjoni, li għandhom japplikaw immedjatament.

1.   Il-finanzjament mill-Unjoni jista’ jkopri n-nefqa ta’ appoġġ għall-implimentazzjoni tal-Istrument u għall-kisba tal-objettivi tiegħu, inkluż l-appoġġ amministrattiv assoċjat mat-tħejjija, is-segwitu, il-monitoraġġ, il-kontroll, il-verifika u l-evalwazzjoni neċessarji għall-implimentazzjoni, kif ukoll għan-nefqa fil-kwartieri ġenerali għall-appoġġ amministrattiv meħtieġ għall-Istrument, u għall-ġestjoni ta’ operazzjonijiet iffinanzjati skont dan ir-Regolament, inkluż azzjonijiet ta’ informazzjoni u komunikazzjoni, u sistemi ta’ teknoloġija tal-informazzjoni korporattivi.

2.   Meta n-nefqa ta’ appoġġ ma tkunx inkluża fil-pjanijiet ta’ azzjoni jew fil-miżuri speċjali msemmija fl-Artikolu 7, il-Kummissjoni għandha tadotta, fejn applikabbli, miżuri ta’ appoġġ. Il-finanzjament mill-Unjoni taħt il-miżuri ta’ appoġġ jista’ jkopri:

1.   Il-finanzjament tal-Unjoni fil-qafas tal-Istrument jista’ jiġi pprovdut fil-forom stabbiliti fir-Regolament Finanzjarju, b’mod partikolari:

2.   L-appoġġ fil-qafas tal-Istrument jista’ jiġi wkoll implimentat skont ir-regoli applikabbli għal Garanzija għall-Azzjoni Esterna stabbilita skont ir-Regolament (UE) 2021/947 (“Garanzija għall-Azzjoni Esterna”) u jikkontribwixxi għall-proviżjonament favur il-Garanzija għall-Azzjoni Esterna. Il-Garanzija għall-Azzjoni Esterna għandha wkoll tappoġġa l-operazzjonijiet abbażi tad-Deċiżjoni tal-Kunsill 77/270/Euratom (17).

Ir-rata ta’ proviżjonament għall-operazzjonijiet tal-Garanzija għall-Azzjoni Esterna li għalihom jikkontribwixxi l-appoġġ fil-qafas tal-Istrument għandha tkun ta’ 9 %.

3.   Ir-rati ta’ proviżjonament għandhom ikunu riveduti kull tliet snin mid-data tal-applikazzjoni ta’ dan ir-Regolament.

1.   Għandha tingħata prijorità lil persuni u entitajiet minn pajjiżi aderenti, pajjiżi kandidati, pajjiżi kandidati potenzjali u pajjiżi tal-Politika Ewropea tal-Viċinat. Il-parteċipazzjoni fl-akkwist, l-għotjiet u l-proċeduri ta’ għoti ta’ premjijiet għal azzjonijiet iffinanzjati fil-qafas tal-Istrument għandha tkun miftuħa għall-organizzazzjonijiet internazzjonali kif ukoll għall-entitajiet legali kollha li huma ċittadini tal-pajjiżi jew tat-territorji li ġejjin, jew, fil-każ ta’ persuni ġuridiċi, li huma wkoll stabbiliti b’mod effettiv fihom:

L-aċċess reċiproku msemmi fil-punt (e) tal-ewwel subparagrafu jista’ jingħata, għal perijodu limitat ta’ mhux inqas minn sena, kull meta pajjiż jirrikonoxxi eliġibbiltà fuq termini ugwali lil entitajiet mill-Unjoni u minn pajjiżi eliġibbli skont dan ir-Regolament. Il-Kummissjoni għandha tiddeċiedi dwar l-aċċess reċiproku u dwar id-durata tiegħu wara konsultazzjoni mal-pajjiż jew pajjiżi riċevituri kkonċernati.

2.   Il-provvisti u l-materjali kollha ffinanzjati fil-qafas tal-Istrument jistgħu joriġinaw mill-pajjiżi u skont il-kondizzjonijiet rispettivi speċifikati fil-paragrafu 1.

3.   Ir-regoli stabbiliti f’dan l-Artikolu ma għandhomx japplikaw u ma għandhomx joħolqu restrizzjonijiet marbuta man-nazzjonalità għal persuni fiżiċi impjegati jew ikkuntrattati legalment b’xi mod ieħor minn kuntrattur eliġibbli jew, fejn applikabbli, subkuntrattur.

4.   Għal azzjonijiet kofinanzjati b’mod konġunt minn entità jew implimentati taħt ġestjoni diretta jew ġestjoni indiretta ma’ entitajiet elenkati fil-punti (c)(ii)–(viii) tal-Artikolu 62(1) tar-Regolament Finanzjarju, għandhom japplikaw ukoll ir-regoli ta’ eliġibbiltà ta’ dawk l-entitajiet.

5.   Meta donaturi jipprovdu finanzjament għal fond fiduċjarju stabbilit mill-Kummissjoni jew permezz ta’ dħul assenjat estern, għandhom japplikaw ir-regoli ta’ eliġibbiltà fl-att kostituttiv ta’ dak il-fond fiduċjarju jew fil-ftehim mad-donaturi fil-każ ta’ dħul assenjat estern.

6.   Fil-każ ta’ azzjonijiet iffinanzjati fil-qafas tal-Istrument u skont programm ieħor tal-Unjoni, l-entitajiet eliġibbli taħt xi wieħed minn dawn il-programmi għandhom jitqiesu bħala eliġibbli.

7.   Ir-regoli ta’ eliġibbiltà f’dan l-Artikolu jistgħu jkunu ristretti fir-rigward tan-nazzjonalità, il-pożizzjoni ġeografika jew in-natura tal-applikanti, jew l-oriġini tal-provvista u tal-materjali, fejn tali restrizzjonijiet ikunu meħtieġa min-natura speċifika u l-objettivi tal-azzjoni u fejn ikunu neċessarji għall-implimentazzjoni effettiva tagħha.

8.   L-offerenti, l-applikanti u l-kandidati minn pajjiżi mhux eliġibbli jistgħu jiġu aċċettati bħala eliġibbli fil-każ ta’ urġenza jew nuqqas ta’ disponibbiltà ta’ servizzi fis-swieq tal-pajjiżi jew territorji kkonċernati, jew f’każijiet oħrajn debitament sostanzjati fejn l-applikazzjoni tar-regoli tal-eliġibbiltà tirrendi t-twettiq ta’ azzjoni impossibbli jew eċċessivament diffiċli.

9.   Sabiex jiġu promossi l-kapaċitajiet, is-swieq u x-xiri lokali, għandha tingħata prijorità lill-kuntratturi lokali u reġjonali f’każijiet fejn ir-Regolament Finanzjarju jipprevedi għotja abbażi ta’ offerta waħda. Fil-każijiet l-oħra kollha, il-parteċipazzjoni ta’ kuntratturi lokali u reġjonali għandha tiġi promossa f’konformità mad-dispożizzjonijiet rilevanti tar-Regolament Finanzjarju.

1.   Fehim komuni u fehim reċiproku bejn il-pajjiż terz u l-Komunità għandhom, fil-prinċipju, jiġu kkonfermati permezz ta’ talba formali lill-Kummissjoni. Tali talba għandha timpenja lill-gvern rispettiv.

2.   Pajjiżi terzi li jixtiequ jikkooperaw mal-Komunità għandhom ikunu partijiet għat-Trattat dwar in-Nonproliferazzjoni tal-Armi Nukleari u għandu jkollhom Protokoll Addizzjonali fis-seħħ jew għandhom ikunu kkonkludew ftehim ta’ salvagwardji mal-IAEA. Għandhom jirrispettaw bis-sħiħ il-Prinċipji tas-Sikurezza Fundamentali kif stipulati fl-Istandards tas-Sikurezza tal-IAEA u għandhom ikunu partijiet għall-konvenzjonijiet rilevanti, bħall-Konvenzjoni dwar is-Sigurtà Nukleari u l-Konvenzjoni Konġunta dwar is-Sigurtà tal-Immaniġġar ta’ Kombustibbli Eżawrit u dwar is-Sigurtà tal-Immaniġġar ta’ Skart Radjuattiv, jew ikunu ħadu passi li juru impenn sod li jaderixxu ma’ tali konvenzjonijiet. Fil-każ ta’ kooperazzjoni attiva, dak l-impenn għandu jiġi evalwat kull sena, b’kont meħud tar-rapporti nazzjonali u ta’ dokumenti oħra dwar l-implimentazzjoni tal-konvenzjonijiet rilevanti. Abbażi ta’ dik l-evalwazzjoni, għandha tittieħed deċiżjoni rigward it-tkomplija tal-kooperazzjoni. F’każijiet ta’ emerġenza, għandha tintwera, eċċezzjonalment, flessibbiltà fl-applikazzjoni ta’ dawk il-prinċipji.

3.   Sabiex tiġi żgurata u mmonitorjata l-konformità mal-objettivi relatati mal-kooperazzjoni tal-Istrument, il-pajjiż terz ikkonċernat għandu jaċċetta l-evalwazzjoni tal-azzjonijiet meħuda. Dik l-evalwazzjoni għandha tippermetti l-monitoraġġ u l-verifika tal-konformità mal-objettivi maqbula u tista’ tkun kundizzjoni għall-kontinwazzjoni tal-ħlas tal-kontribuzzjoni tal-Komunità.

4.   Il-kooperazzjoni pprovduta mill-Unjoni fil-qasam tas-sikurezza u s-sigurtà nukleari skont dan ir-Regolament ma għandhiex l-għan li tippromwovi l-enerġija nukleari u għaldaqstant ma għandhiex tiġi interpretata bħala miżura li tippromwovi tali enerġija f’pajjiżi terzi.

1.   Il-kooperazzjoni skont dan ir-Regolament għandha tkun diretta lejn:

2.   L-objettivi stabbiliti fl-Artikolu 2(1) għandhom b’mod partikolari jintlaħqu permezz tal-miżuri li ġejjin:

F’każijiet speċifiċi u debitament ġustifikati, miżuri li jikkonċernaw il-punt (a) tal-ewwel subparagrafu għandhom jiġu implimentati permezz ta’ kooperazzjoni bejn l-operaturi u/jew organizzazzjonijiet kompetenti tal-Istati Membri u mal-operaturi tal-installazzjonijiet nukleari ta’ pajjiżi terzi kif definit fl-Artikolu 3(1) tad-Direttiva 2009/71/Euratom.

L-Artikolu 7(3) ma għandux japplika għal miżuri li jikkonċernaw il-punt (h) tal-ewwel subparagrafu ta’ dan il-paragrafu.

1.   Il-monitoraġġ, ir-rapportar u l-evalwazzjoni għandhom jitwettqu f’konformità mal-Artikolu 41(2), (4), (5) u (6), u l-Artikolu 42 tar-Regolament (UE) 2021/947.

2.   Il-kisba tal-objettiv tal-Istrument għandha titkejjel abbażi tal-indikaturi li ġejjin u l-impatt tagħhom fuq is-sikurezza nukleari, il-protezzjoni mir-radjazzjoni, u l-applikazzjoni ta’ salvagwardji effiċjenti u effettivi ta’ materjali nukleari:

1.   Il-Kummissjoni għandha tiġi assistita mill-kumitat tal-Istrument Ewropew għal Kooperazzjoni Internazzjonali fil-qasam tas-Sikurezza Nukleari. Dak il-kumitat għandu jkun kumitat fis-sens tar-Regolament (UE) Nru 182/2011.

2.   Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

3.   Meta ssir referenza għal dan il-paragrafu, għandhom japplikaw l-Artikolu 8 tar-Regolament (UE) Nru 182/2011, flimkien mal-Artikolu 5 ta’ dak ir-Regolament.

1.   Dan ir-Regolament ma għandux jaffettwa l-kontinwazzjoni jew il-modifika tal-azzjonijiet mibdija skont ir-Regolament (Euratom) Nru 237/2014, li għandu jibqa’ japplika għal dawk l-azzjonijiet sal-għeluq tagħhom.

2.   Il-pakkett finanzjarju għall-Istrument jista’ jkopri wkoll l-ispejjeż ta’ assistenza teknika u amministrattiva meħtieġa biex tkun żgurata t-tranżizzjoni bejn l-Istrument u l-miżuri adottati skont ir-Regolament (UE) Nru 237/2014.

3.   Il-pakkett finanzjarju għall-Istrument jista’ jkopri n-nefqa relatata mat-tħejjija ta’ kwalunkwe suċċessur għal dan ir-Regolament.

4.   Jekk meħtieġ, l-approprjazzjonijiet jistgħu jiddaħħlu fil-baġit tal-Unjoni lil hinn mill-2027 biex ikopru l-ispejjeż previsti fl-Artikolu 6, biex jippermettu l-ġestjoni ta’ azzjonijiet mhux kompluti sal-31 ta’ Diċembru 2027.