REGOLAMENT DELEGAT TAL-KUMMISSJONI (UE) 2021/931
tal-1 ta’ Marzu 2021
li jissupplimenta r-Regolament (UE) Nru 575/2013 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw il-metodu għall-identifikazzjoni ta’ tranżazzjonijiet derivattivi b’motivatur tar-riskju materjali wieħed jew aktar għall-finijiet tal-Artikolu 277(5), il-formula għall-kalkolu tad-delta superviżorja tal-opzjonijiet put u eżerċitabbli kklassifikati fil-kategorija tar-riskju taċ-ċaqliq fir-rata tal-imgħax u l-metodu biex jiġi ddeterminat jekk tranżazzjoni hijiex pożizzjoni twila jew qasira fil-motivatur tar-riskju primarju jew fl-aktar motivatur tar-riskju materjali fil-kategorija tar-riskju partikolari għall-finijiet tal-Artikolu 279a(3)(a) u (b) fl-approċċ standardizzat għar-riskju ta’ kreditu tal-kontroparti
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 575/2013 tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta’ kreditu u d-ditti tal-investiment u li jemenda r-Regolament (UE) Nru 648/2012 (1), u b’mod partikulari t-tielet subparagrafu tal-Artikolu 277(5) u t-tielet subparagrafu tal-Artikolu 279a(3) tiegħu,
Billi:
|
(1) |
Jenħtieġ li l-istituzzjonijiet jidentifikaw il-motivaturi tar-riskju ta’ tranżazzjoni derivattiva billi jiddeterminaw il-fatturi ta’ riskju li fuqhom jiddependu l-flussi tal-flus ta’ dik it-tranżazzjoni. Sabiex jiġi żgurat li l-istituzzjonijiet isegwu approċċ armonizzat għal din l-identifikazzjoni, jenħtieġ li tal-inqas jikkunsidraw il-fatturi ta’ riskju elenkati fit-Taqsima 3, il-Kapitolu 1a tat-Titolu IV tal-Parti Tlieta tar-Regolament (UE) Nru 575/2013. |
|
(2) |
Il-metodu għall-identifikazzjoni ta’ tranżazzjonijiet derivattivi b’motivatur tar-riskju materjali wieħed biss, għall-fini tal-immappjar ta’ dawk it-tranżazzjonijiet derivattivi għall-kategorija ta’ riskju rilevanti, jenħtieġ li jkun sempliċi għall-każijiet kollha fejn il-motivatur tar-riskju primarju u l-uniku motivatur tar-riskju materjali tat-tranżazzjoni derivattiva jkun immedjatament identifikabbli min-natura u l-flussi tal-flus ta’ dik it-tranżazzjoni. |
|
(3) |
L-iswaps tar-rati tal-imgħax bejn il-valuti jintużaw mill-istituzzjonijiet biex jiħħeġġjaw ir-riskju tal-kambju li jirriżulta minn finanzjament jew investiment f’muniti barranin. Għalkemm tranżazzjonijiet bħal dawn jiddependu primarjament fuq il-motivaturi tar-riskju tal-kambju, dawn jistgħu jiddependu wkoll fuq motivaturi tar-riskju oħrajn, bħal motivaturi tar-riskju taċ-ċaqliq fir-rata tal-imgħax. Madankollu, peress li l-esperjenza tas-suq turi li l-effett ta’ dawn il-motivaturi tar-riskju oħrajn ħafna drabi huwa immaterjali għal dawn it-tipi ta’ tranżazzjonijiet partikolari, jekk tranżazzjoni taqa’ taħt dan it-tip, jenħtieġ li dan ikun biżżejjed biex jiġu identifikati tranżazzjonijiet bħal dawn bħala tranżazzjonijiet derivattivi b’motivatur tar-riskju materjali wieħed biss. |
|
(4) |
Irrispettivament min-natura u l-flussi tal-flus ta’ tranżazzjoni derivattiva, jenħtieġ li r-rati tal-imgħax użati biex jiġu skontati l-flussi tal-flus tat-tranżazzjoni (“ir-rata ta’ skont”) ma jitqiesux bħala motivatur tar-riskju materjali. Ir-rekwiżit li l-istituzzjonijiet iqisu r-rata ta’ skont fil-metodu għall-identifikazzjoni ta’ tranżazzjonijiet derivattivi b’motivatur tar-riskju materjali wieħed biss ikun sproporzjonat u ta’ piż, peress li l-esperjenza empirika turi li dak il-motivatur tar-riskju normalment ikollu effett aktar limitat fuq il-valur tat-tranżazzjonijiet derivattivi mill-motivaturi tar-riskju l-oħra li minnhom jiġu derivati l-flussi tal-flus tagħhom. |
|
(5) |
Għal tranżazzjonijiet derivattivi li għandhom aktar minn motivatur tar-riskju wieħed, jenħtieġ li l-istituzzjonijiet jqisu s-sensittivitajiet u l-volatilità tas-sottostanti biex jidentifikaw dawk il-motivaturi tar-riskju li huma materjali f’kull kategorija ta’ riskju u l-aktar motivaturi tar-riskju materjali f’kull kategorija ta’ riskju. |
|
(6) |
Għal tranżazzjonijiet derivattivi li għandhom aktar minn motivatur tar-riskju wieħed u fejn dawk il-motivaturi tar-riskju jirreferu għal kategoriji ta’ riskju differenti, jista’ ma jkunx possibbli li jiġi konkluż liema minn dawk il-motivaturi tar-riskju huma materjali, anki wara li jitqiesu s-sensittivitajiet u l-volatilità tas-sottostanti tat-tranżazzjoni. F’każijiet bħal dawn, l-istituzzjonijiet għandhom, bħala approċċ sempliċi u konservattiv ta’ riżerva, jikkunsidraw il-motivaturi tar-riskju kollha tal-materjal tat-tranżazzjoni u, konsegwentement, jallokaw it-tranżazzjoni derivattiva għall-kategoriji tar-riskju li jikkorrispondu għal dawn il-motivaturi tar-riskju abbażi tal-aktar motivaturi tar-riskju materjali f’kull kategorija ta’ riskju. |
|
(7) |
Jenħtieġ li l-metodu għall-identifikazzjoni ta’ tranżazzjonijiet derivattivi b’motivatur tar-riskju materjali wieħed biss jitwettaq fil-bidu biss, fejn tali tranżazzjonijiet derivattivi jkunu ġew identifikati fil-bidu bħala li għandhom motivatur tar-riskju wieħed biss, għaliex dak il-motivatur uniku tar-riskju huwa karatteristika bażika ta’ dawk it-tranżazzjonijiet u għalhekk mhuwiex mistenni li jinbidel. Meta, fil-bidu, it-tranżazzjonijiet derivattivi jkunu ġew identifikati bħala li għandhom aktar minn motivatur tar-riskju wieħed, jenħtieġ li l-proċess għall-identifikazzjoni tal-materjal u l-biċċa l-kbira tal-motivaturi tar-riskju jitwettaq fuq bażi trimestrali sabiex kwalunkwe bidla f’dawk it-tranżazzjonijiet tkun tista’ tiġi riflessa b’mod xieraq fl-immappjar ta’ dawk it-tranżazzjonijiet tad-derivattivi għall-motivaturi tar-riskju rilevanti. |
|
(8) |
L-Artikolu 279a(3), il-punt (a) tar-Regolament (UE) Nru 575/2013 jirrikjedi li l-formula li għandha tintuża għall-kalkolu tad-delta superviżorja tal-opzjonijiet put u eżerċitabbli kklassifikati fil-kategorija tar-riskju taċ-ċaqliq fir-rata tal-imgħax u kompatibbli mal-kundizzjonijiet tas-suq li fihom ir-rati tal-imgħax jistgħu jkunu negattivi, għandha tiġi speċifikata skont l-iżviluppi regolatorji internazzjonali. Fit-22 ta’ Marzu 2018, il-Kumitat ta’ Basel dwar is-Superviżjoni Bankarja (BCBS) (2) ippubblika l-“Mistoqsijiet frekwenti dwar l-approċċ standardizzat ta’ Basel III għall-kejl tal-iskoperturi għar-riskju ta’ kreditu tal-kontroparti”, filwaqt li spjega li jenħtieġ li d-delta superviżorja għall-opzjonijiet tar-rati tal-imgħax fil-każ ta’ ambjent ta’ rata tal-imgħax negattiva tiġi ddeterminata skont formula speċifika, li fiha tiġi applikata bidla lambda (λ) għar-rata tal-imgħax spot jew forward u għall-eżerċitar tal-opzjoni użata f’dik il-formula biex jiġi żgurat li dik ir-rata tal-imgħax spot jew forward u strajk tal-opzjoni huma pożittivi. |
|
(9) |
Sabiex ir-rata tal-imgħax spot jew forward u l-istrajk tal-opzjoni jsiru pożittivi, jenħtieġ li l-bidla λ tkun kbira biżżejjed biex tippermetti lill-istituzzjonijiet jikkalkulaw id-delta superviżorja ta’ tranżazzjoni skont il-formula stabbilita fl-Artikolu 279a(1) tar-Regolament (UE) Nru 575/2013, iżda fl-istess ħin żgħira biżżejjed biex ma tintroduċix preġudizzju bla bżonn fl-eżitu tal-kalkolu delta superviżorja. |
|
(10) |
Jenħtieġ li l-volatilità superviżorja, li hija wieħed mill-parametri għall-kalkolu tad-delta superviżorja, tiġi ddeterminata fid-dawl tal-formula speċifika għall-kalkolu tad-delta superviżorja għall-opzjonijiet put u eżerċitabbli fil-kategorija tar-rata tal-imgħax. F’dak ir-rigward, il-valur tal-volatilità superviżorja għal opzjonijiet put u eżerċitabbli fil-kategorija tar-rata tal-imgħax kif determinat fl-istandards internazzjonali adottati mill-BCBS huwa meqjus xieraq għall-użu tiegħu skont id-dritt tal-Unjoni. |
|
(11) |
Sabiex l-istituzzjonijiet ikunu jistgħu jiddeterminaw jekk tranżazzjoni hijiex pożizzjoni twila jew qasira fil-motivatur tar-riskju primarju, f’motivatur tar-riskju materjali jew fl-aktar motivatur tar-riskju materjali ta’ kategorija ta’ riskju partikolari, jenħtieġ li jiġi stabbilit liema informazzjoni li tikkonċerna istituzzjoni ta’ tranżazzjoni jenħtieġ li tuża biex tagħmel tali determinazzjoni. Sabiex jiġu evitati piżijiet bla bżonn għall-istituzzjonijiet, jenħtieġ li jitħallew jużaw l-istess informazzjoni bħall-informazzjoni li jużaw għall-identifikazzjoni tal-motivaturi tar-riskju materjali. |
|
(12) |
Dan ir-Regolament hu bbażat fuq l-abbozz tal-istandards tekniċi regolatorji ppreżentati mill-Awtorità Bankarja Ewropea lill-Kummissjoni. |
|
(13) |
L-Awtorità Bankarja Ewropea wettqet konsultazzjonijiet pubbliċi miftuħin dwar l-abbozz ta’ standards tekniċi regolatorji li dan ir-Regolament huwa bbażat fuqu, analizzat il-kostijiet u l-benefiċċji potenzjali relatati u talbet l-opinjoni tal- Grupp tal-Partijiet Bankarji Interessati stabbilit skont l-Artikolu 37 tar-Regolament (UE) Nru 1093/2010 (3). |
ADOTTAT DAN IR-REGOLAMENT:
KAPITOLU 1
Metodu għall-identifikazzjoni ta’ tranżazzjonijiet b’motivatur tar-riskju materjali wieħed biss, tranżazzjonijiet b’aktar minn motivatur tar-riskju materjali wieħed u għall-identifikazzjoni tal-aktar motivaturi tar-riskju materjali
Artikolu 1
Metodu għall-identifikazzjoni tal-motivaturi tar-riskju ta’ tranżazzjoni derivattiva
1. Għall-fini tal-identifikazzjoni ta’ tranżazzjonijiet b’motivatur tar-riskju materjali wieħed biss u tranżazzjonijiet b’aktar minn motivatur tar-riskju materjali wieħed, l-istituzzjonijiet għandhom, fil-bidu ta’ kull tranżazzjoni, jidentifikaw il-motivaturi tar-riskju kollha tat-tranżazzjoni billi jiddeterminaw il-fatturi ta’ riskju li fuqhom jiddependu l-flussi tal-flus ta’ dik it-tranżazzjoni, filwaqt li jqisu mill-inqas il-fatturi ta’ riskju msemmija fl-Artikoli 325 l sa 325q tar-Regolament (UE) Nru 575/2013. Il-fatturi ta’ riskju identifikati mill-istituzzjonijiet għandhom ikunu l-motivaturi tar-riskju tat-tranżazzjoni.
2. L-istituzzjonijiet ma għandhomx iqisu bħala motivaturi tar-riskju ta’ tranżazzjoni l-fatturi tar-riskju taċ-ċaqliq fir-rata tal-imgħax użati biex jiġu skontati l-flussi tal-flus tat-tranżazzjoni.
Artikolu 2
Metodu biex jiġu identifikati t-tranżazzjonijiet b’motivatur tar-riskju materjali wieħed biss
1. Wara l-identifikazzjoni tal-motivaturi tar-riskju kollha ta’ tranżazzjoni skont l-Artikolu 1, l-istituzzjonijiet għandhom, fil-bidu ta’ kull tranżazzjoni, jidentifikaw tranżazzjonijiet b’motivatur tar-riskju materjali wieħed biss billi japplikaw dan li ġej:
|
(a) |
meta l-flussi tal-flus tat-tranżazzjoni jiddependu esklussivament fuq motivatur tar-riskju wieħed li jappartjeni għal waħda mill-kategoriji ta’ riskju msemmija fl-Artikolu 277(1) tar-Regolament (UE) Nru 575/2013, l-istituzzjonijiet għandhom jidentifikaw dak il-motivatur tar-riskju bħala l-uniku motivatur tar-riskju materjali ta’ dik it-tranżazzjoni; |
|
(b) |
meta l-flussi ta’ flus tat-tranżazzjoni jiddependu fuq aktar minn motivatur tar-riskju wieħed u fejn l-istituzzjonijiet ikunu identifikaw motivatur tar-riskju wieħed biss ta’ dik it-tranżazzjoni bħala materjali skont il-metodu stabbilit fl-Artikolu 4(3) jew il-metodu stabbilit fl-Artikolu 4(4), l-istituzzjonijiet għandhom jidentifikaw dak il-motivatur tar-riskju bħala l-uniku motivatur tar-riskju materjali ta’ dik it-tranżazzjoni. |
2. B’deroga mill-paragrafu 1, għal swaps tar-rati tal-imgħax bejn il-muniti kif imsemmi fil-punt 2 (a) tal-Anness II tar-Regolament (UE) Nru 575/2013, l-istituzzjonijiet jistgħu jidentifikaw il-motivatur tar-riskju tal-kambju bħala l-uniku motivatur tar-riskju materjali tat-tranżazzjoni.
Artikolu 3
Metodu biex jiġu identifikati t-tranżazzjonijiet b’motivatur tar-riskju materjali wieħed biss
Għall-finijiet tal-Artikolu 277(3) tar-Regolament (UE) Nru 575/2013, l-istituzzjonijiet għandhom jidentifikaw it-tranżazzjonijiet kollha għajr dawk imsemmija fl-Artikolu 2 bħala tranżazzjonijiet b’aktar minn motivatur tar-riskju materjali wieħed.
Artikolu 4
Metodu għall-identifikazzjoni tal-motivaturi tar-riskju materjali u l-aktar materjali minn dawk il-motivaturi tar-riskju
1. Wara l-identifikazzjoni tal-motivaturi tar-riskju kollha ta’ tranżazzjoni skont l-Artikolu 1 fejn il-flussi tal-flus tat-tranżazzjoni jiddependu fuq aktar minn motivatur tar-riskju wieħed, l-istituzzjonijiet għandhom jidentifikaw il-motivaturi tar-riskju materjali u l-aktar motivaturi tar-riskju materjali billi japplikaw wieħed mill-metodi stabbiliti fil-paragrafi 2, 3 u 4, kif xieraq.
2. L-istituzzjonijiet għandhom japplikaw il-passi li ġejjin fil-bidu tat-tranżazzjoni:
|
(a) |
għandhom iqisu l-motivaturi tar-riskju kollha tat-tranżazzjoni identifikati skont il-proċedura msemmija fl-Artikolu 1 bħala motivaturi tar-riskju materjali; |
|
(b) |
għal kull kategorija ta’ riskju li tikkorrispondi għal dawk il-motivaturi tar-riskju materjali, huma għandhom jidentifikaw bħala l-motivatur tar-riskju l-aktar materjali l-motivatur tar-riskju li jikkorrispondi għas-suppliment tal-ogħla kategorija ta’ riskju minn dawk imsemmija fl-Artikoli 280a sa 280f tar-Regolament (UE) Nru 575/2013. |
3. L-istituzzjonijiet għandhom japplikaw il-passi li ġejjin fil-bidu tat-tranżazzjoni, u mbagħad mill-inqas fuq bażi trimestrali:
|
(a) |
huma għandhom jikkalkulaw is-sensittivitajiet tar-riskju delta f’konformità mal-Artikolu 325r tar-Regolament (UE) Nru 575/2013 għal kull motivatur tar-riskju identifikat f’konformità mal-Artikolu 1 ta’ dan ir-Regolament; |
|
(b) |
huma għandhom jikkalkulaw is-sensittivitajiet ponderati f’konformità mal-formula stabbilita fl-Artikolu 325f(6) ta’ dak ir-Regolament abbażi tas-sensittivitajiet ikkalkulati f’konformità mal-punt (a); |
|
(c) |
għal kull waħda mill-kategoriji ta’ riskju msemmija fl-Artikolu 277(1) ta’ dak ir-Regolament, huma għandhom jikkalkulaw ir-rekwiżit ta’ fondi proprji speċifiċi għall-klassi tar-riskju għar-riskju tas-suq f’konformità mal-formula stabbilita fl-Artikolu 325f(8) ta’ dak ir-Regolament, abbażi tas-sensittivitajiet ponderati kollha msemmija fil-punt (b) tal-motivaturi tar-riskju li jkunu ġew assenjati għal dik il-kategorija ta’ riskju; |
|
(d) |
Għandhom jikklassifikaw ir-rekwiżiti ta’ fondi proprji speċifiċi għall-klassi tar-riskju kollha għar-riskju tas-suq imsemmi fil-punt (c) mill-akbar sal-iżgħar f’termini assoluti, sabiex tinkiseb sekwenza ta’ entrati li tonqos monotonikament, fejn l-entrata a1 tkun l-akbar terminu assolut, a2 huwa t-tieni l-akbar terminu u l-bqija; |
|
(e) |
Huma għandhom, għal kull entrata ai kkalkulata u kklassifikata skont il-punt (d) u fl-ordni li tirriżulta mill-klassifikazzjoni tagħhom, jivverifikaw jekk tiġix issodisfata l-kundizzjoni li ġejja:
fejn:
|
|
(f) |
huma għandhom jikkunsidraw bħala materjali:
|
|
(g) |
huma għandhom, għal kull waħda mill-kategoriji ta’ riskju li jikkorrispondu għal motivaturi tar-riskju li mhumiex materjali f’konformità mal-punt (f), jivverifikaw jekk l-entrata korrispondenti ai tissodisfax il-kundizzjoni li ġejja:
fejn:
|
|
(h) |
minbarra l-motivaturi tar-riskju materjali identifikati skont il-punt (f), huma għandhom iqisu wkoll bħala motivaturi tar-riskju materjali dawk il-motivaturi tar-riskju li jikkorrispondu għall-kategoriji tar-riskju li għalihom tkun issodisfata l-kundizzjoni stabbilita fil-punt (g); |
|
(i) |
għal kull waħda mill-kategoriji ta’ riskju msemmija fil-punti (f) u (h), huma għandhom iqisu bħala l-motivatur tar-riskju l-aktar materjali għal dik il-kategorija ta’ riskju l-motivatur tar-riskju li jikkorrispondi għall-ogħla valur assolut tas-sensittivitajiet ponderati msemmija fil-punt (b). |
4. L-istituzzjonijiet li jew jissodisfaw il-kundizzjonijiet stabbiliti fl-Artikolu 94(1) tar-Regolament (UE) Nru 575/2013, jew li huma eżentati mir-rekwiżit ta’ rapportar skont l-Artikolu 325a(1) ta’ dak ir-Regolament, jistgħu jidentifikaw l-aktar motivatur tar-riskju materjali billi japplikaw il-passi li ġejjin fil-bidu tat-tranżazzjoni, u mbagħad mill-inqas fuq bażi trimestrali:
|
(a) |
huma għandhom jikkalkulaw is-supplimentazzjonijiet tal-kategorija ta’ riskju kif imsemmija fl-Artikoli 280a sa 280f tar-Regolament (UE) Nru 575/2013, kif applikabbli, għal kull motivatur tar-riskju identifikat skont l-Artikolu 1. Fejn aktar minn motivatur tar-riskju wieħed identifikat f’konformità mal-Artikolu 1 ikun ġie assenjat għall-istess kategorija ta’ riskju, l-istituzzjonijiet għandhom iżommu għall-applikazzjoni tal-punt (b) il-motivatur tar-riskju f’dik il-kategorija ta’ riskju li jikkorrispondi għas-suppliment tal-ogħla kategorija ta’ riskju f’dik il-kategorija ta’ riskju; |
|
(b) |
huma għandhom japplikaw il-passi stabbiliti fil-paragrafu 3, il-punti (d) sa (h), fejn l-entrati użati f’dawk l-istadji għandhom ikunu bbażati fuq is-supplimentazzjonijiet tal-kategorija ta’ riskju kkalkulati f’konformità mal-punt (a) ta’ dan il-paragrafu; |
|
(c) |
huma għandhom jidentifikaw bħala l-motivaturi tar-riskju l-aktar materjali fil-kategoriji tar-riskju rilevanti l-motivaturi tar-riskju materjali identifikati bħala riżultat tal-metodu msemmi fil-punt (b). |
KAPITOLU 2
Formula li għandha tintuża għall-kalkolu tad-delta superviżorja tal-opzjonijiet put u eżerċitabbli kklassifikati fil-kategorija tar-riskju taċ-ċaqliq fir-rata tal-imgħax u l-volatilità superviżorja xierqa għal dik il-formula u l-metodu biex jiġi ddeterminat jekk tranżazzjoni hijiex pożizzjoni twila jew qasira fil-motivatur tar-riskju primarju jew fl-aktar motivatur tar-riskju materjali f’kategorija ta’ riskju partikolari
Artikolu 5
Formula għall-kalkolu tad-delta superviżorja tal-opzjonijiet eżerċitabbli u put ikklassifikati għall-kategorija tar-riskju taċ-ċaqliq fir-rata tal-imgħax u l-volatilità superviżorja xierqa għal tali formula
1. L-istituzzjonijiet għandhom jikkalkulaw id-delta superviżorja (δ) tal-opzjonijiet eżerċitabbli u put ikklassifikati fil-kategorija tar-rata tal-imgħax kompatibbli mal-kundizzjonijiet tas-suq li fihom ir-rati tal-imgħax jistgħu jkunu negattivi kif ġej:
fejn:
|
|
|
|
|
|
|
|
N(x) = l-funzjoni kumulattiva ta’ distribuzzjoni għal varjabbli aleatorju normali standard jiġifieri l-probabbiltà li varjabbli aleatorju normali b’medja ta’ żero u b’varjanza ta’ wieħed tkun inqas minn jew ugwali għal “x”; |
|
|
P = il-prezz spot jew forward tal-istrument sottostanti tal-opzjoni; |
|
|
K = il-prezz tal-eżerċitar tal-opzjoni; |
|
|
T = id-data ta’ skadenza tal-opzjoni, espressa fi snin bl-użu tal-konvenzjoni rilevanti dwar il-jum tax-xogħol; |
|
|
λ = il-bidla adegwata biex kemm P kif ukoll K jiċċaqalqu f’territorju pożittiv, determinat skont il-paragrafu 2; |
|
|
σ = il-volatilità superviżorja tal-opzjoni determinata skont il-paragrafu 3. |
2. Għall-finijiet tal-paragrafu 1, l-istituzzjonijiet għandhom jikkalkulaw il-bidla (λ) għal kwalunkwe opzjoni eżerċitabbli u put kif ġej:
λj =max(threshold - min(Pj ,Kj ),0)
fejn:
|
|
Pj = il-prezz spot jew forward tal-istrument sottostanti tal-opzjoni j; |
|
|
Kj = il-prezz tal-eżerċitar tal-opzjoni j; |
|
|
Limitu = 0.10 % |
3. Għall-finijiet tal-paragrafu 1, l-istituzzjonijiet għandhom jiddeterminaw il-volatilità superviżorja tal-opzjoni fuq il-bażi tal-kategorija tar-riskju tat-tranżazzjoni u n-natura tal-istrument sottostanti tal-opzjoni skont it-tabella li ġejja:
Tabella
|
Kategorija tar-riskju |
Strument sottostanti |
Volatilità superviżorja |
|
Rata tal-imgħax |
Kollha |
50 % |
Artikolu 6
Metodi biex jiġi ddeterminat jekk tranżazzjoni hijiex pożizzjoni twila jew qasira fil-motivatur tar-riskju primarju jew fl-aktar motivatur tar-riskju materjali f’kategorija ta’ riskju partikolari
L-istituzzjonijiet għandhom jiddeterminaw jekk tranżazzjoni tkunx pożizzjoni twila jew qasira fil-motivatur tar-riskju primarju jew fl-aktar motivatur tar-riskju materjali f’kategorija ta’ riskju partikolari billi japplikaw wieħed mill-metodi li ġejjin:
|
(a) |
huma għandhom jikkalkulaw is-sensittivitajiet tar-riskju delta ta’ dawk il-motivaturi tar-riskju f’konformità mal-Artikolu 325r tar-Regolament (UE) Nru 575/2013 u jidentifikaw it-tranżazzjoni bħala pożizzjoni twila f’motivatur tar-riskju fejn is-sensittività għar-riskju delta korrispondenti tkun pożittiva jew bħala pożizzjoni qasira fejn is-sensittività għar-riskju delta korrispondenti tkun negattiva; |
|
(b) |
huma għandhom jivvalutaw id-dipendenza tal-istruttura tal-flussi tal-flus tat-tranżazzjonijiet fuq dak il-motivatur tar-riskju jew l-iskop tal-iħħeġġjar tat-tranżazzjoni fir-rigward ta’ dak il-motivatur tar-riskju u jidentifikaw it-tranżazzjoni bħala pożizzjoni twila jew pożizzjoni qasira abbażi ta’ dik il-valutazzjoni. |
Artikolu 7
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-1 ta’ Marzu 2021.
Għall-Kummissjoni
Il-President
Ursula VON DER LEYEN
(1) ĠU L 176, 27.6.2013, p. 1.
(2) Mistoqsijiet frekwenti dwar l-approċċ standardizzat ta’ Basel III għall-kejl tal-iskoperturi tar-riskju ta’ kreditu tal-kontroparti, 22 ta’ Marzu 2018.
(3) Ir-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (ĠU L 331, 15.12.2010, p. 12).