REGOLAMENT TA’ IMPLIMENTAZZJONI TAL-KUMMISSJONI (UE) 2021/622

tal-15 ta’ April 2021

li jistabbilixxi standards tekniċi ta’ implimentazzjoni għall-applikazzjoni tad-Direttiva 2014/59/UE tal-Parlament Ewropew u tal-Kunsill fir-rigward ta’ mudelli ta’ rapportar, struzzjonijiet u metodoloġija uniformi għar-rapportar dwar ir-rekwiżit minimu għal fondi proprji u obbligazzjonijiet eliġibbli

(Test b’rilevanza għaż-ŻEE)

IL-KUMMISSJONI EWROPEA

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KEE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/UE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (1), u b’mod partikolari it-tielet subparagrafu tal-Artikolu 45j(2,) tagħha,

Billi:

(1)

L-awtoritajiet ta’ riżoluzzjoni ngħataw il-kompitu li jistabbilixxu rekwiżiti minimi għal fondi proprji u obbligazzjonijiet eliġibbli (MREL) skont ir-rekwiżiti u l-proċeduri stabbiliti fl-Artikoli minn 45 sa 45i tad-Direttiva 2014/59/UE. Biex jassistu lill-Awtorità Bankarja Ewropea (European Banking Authority, EBA) fil-promozzjoni tal-konverġenza madwar l-Unjoni għall-istabbiliment tal-MREL, l-awtoritajiet ta’ riżoluzzjoni huma obbligati skont l-Artikolu 45j ta’ dik id-Direttiva li jinfurmaw lill-EBA, f’koordinazzjoni mal-awtoritajiet kompetenti, bl-MREL li jkunu stabbilixxew.

(2)

Ir-Regolament ta’ Implimentazzjoni tal-Kummissjoni (UE) 2018/308 (2) jispeċifika l-formati u l-mudelli li l-awtoritajiet ta’ riżoluzzjoni jridu jużaw biex jinfurmaw lill-EBA dwar id-deċiżjonijiet tagħhom li jistabbilixxu l-MREL. Mill-adozzjoni ta’ dak ir-Regolament ta’ Implimentazzjoni, ir-rekwiżiti relatati mal-kapaċità ta’ assorbiment tat-telf u ta’ rikapitalizzazzjoni u, b’mod partikolari, il-karatteristiċi u l-metodoloġiji għall-iffissar tal-MREL tal-istituzzjonijiet ta’ kreditu u d-ditti tal-investiment stabbiliti fid-Direttiva 2014/59/UE ġew emendati u speċifikati ulterjorment mid-Direttiva (UE) 2019/879 tal-Parlament Ewropew u tal-Kunsill (3).

(3)

Sabiex jiġi ffaċilitat il-monitoraġġ tal-EBA tad-deċiżjonijiet MREL u biex tiġi ggarantita valutazzjoni sinifikanti tal-konverġenza madwar l-Unjoni għall-istabbiliment tal-MREL, jenħtieġ li l-formati u l-mudelli speċifikati għall-identifikazzjoni u t-trażmissjoni ta’ informazzjoni dwar l-MREL mill-awtoritajiet ta’ riżoluzzjoni lill-EBA jiġu adattati biex jirriflettu l-emendi għad-Direttiva 2014/59/UE, relatati b’mod partikolari mal-livelli ta’ subordinazzjoni tal-MREL u l-MREL applikat għal entitajiet li huma stess mhumiex entitajiet ta’ riżoluzzjoni.

(4)

Fir-rigward ta’ gruppi li huma soġġetti għal MREL fuq bażi konsolidata, jeħtieġ li jiġi ċċarat liema awtorità ta’ riżoluzzjoni jenħtieġ li tittrażmetti l-informazzjoni dwar l-MREL lill-EBA. Għalhekk, jenħtieġ li l-awtoritajiet ta’ riżoluzzjoni responsabbli għas-sussidjarji tal-gruppi, f’koordinazzjoni mal-awtoritajiet kompetenti, jinfurmaw lill-EBA dwar l-MREL stabbilit għal kull istituzzjoni fil-ġuriżdizzjoni tagħhom. Jenħtieġ li din l-informazzjoni tkun tinkludi l-MREL stabbilit abbażi ta’ deċiżjoni konġunta meħuda bejn l-awtorità ta’ riżoluzzjoni tal-entità ta’ riżoluzzjoni, l-awtorità ta’ riżoluzzjoni fil-livell tal-grupp, fejn din tkun differenti minn tal-ewwel, u l-awtorità ta’ riżoluzzjoni responsabbli għas-sussidjarja fuq bażi individwali. Fin-nuqqas ta’ deċiżjoni konġunta, jenħtieġ li dik l-informazzjoni tinkludi wkoll deċiżjonijiet li jistabbilixxu l-MREL li tkun ħadet l-awtorità ta’ riżoluzzjoni tas-sussidjarja f’konformità, fejn applikabbli, mad-deċiżjoni li tista’ tittieħed mill-EBA f’konformità mal-Artikolu 19 tar-Regolament (UE) Nru 1093/2010 tal-Parlament Ewropew u tal-Kunsill (4).

(5)	Sabiex tiġi promossa l-konverġenza tal-prattiki fir-rigward ta’ deċiżjonijiet MREL u jissaħħaħ ir-rwol ta’ monitoraġġ tal-EBA, jenħtieġ li l-perjodi ta’ rapportar u d-dati tal-preżentazzjoni għat-trażmissjoni tal-informazzjoni mill-awtoritajiet ta’ riżoluzzjoni lill-EBA jiġu allinjati.

(6)

Sabiex tittejjeb il-kwalità tad-data u tiġi ggarantita l-komparabbiltà, jenħtieġ li l-entrati tad-data stabbiliti fil-mudelli tar-rapportar ikunu jikkonformaw mal-formola unika tal-punti tad-data, kif inhi l-prassi fir-rapportar superviżorju. Jenħtieġ li l-formola unika tal-punti tad-data tkun tikkonsisti minn rappreżentazzjoni strutturata tal-entrati tad-data, u tidentifika l-kunċetti kummerċjali rilevanti kollha għall-finijiet ta’ rapportar uniformi dwar id-deċiżjonijiet MREL u jkollha l-ispeċifikazzjonijiet kollha rilevanti neċessarji għal żvilupp ulterjuri ta’ soluzzjonijiet uniformi ta’ rapportar tal-IT. Għall-istess raġuni, jenħtieġ li l-format tal-iskambju tad-data jiġi stabbilit fis-sistema ta’ rapportar tal-EBA (EUCLID).

(7)	Sabiex jiġu ggarantiti l-kwalità, il-konsistenza u l-akkuratezza tal-elementi tad-data rrappurtati, jenħtieġ li l-elementi tad-data jkunu soġġetti għal regoli komuni ta’ validazzjoni.

(8)	Minħabba l-ammont tal-emendi meħtieġa għar-Regolament ta’ Implimentazzjoni (UE) 2018/308, huwa xieraq, għal raġunijiet ta’ ċarezza, trasparenza u ċertezza legali, li dak ir-Regolament ta’ Implimentazzjoni jitħassar u jiġi sostitwit b’Regolament ta’ Implimentazzjoni ġdid.

(9)	Dan ir-Regolament huwa bbażat fuq l-abbozz tal-istandards tekniċi ta’ implimentazzjoni ppreżentat lill-Kummissjoni mill-EBA.

(10)

L-EBA wettqet konsultazzjonijiet pubbliċi miftuħa dwar l-abbozz tal-istandards tekniċi implimentattivi li fuqhom huwa bbażat dan ir-Regolament, analizzat il-potenzjal relatat mal-ispejjeż u l-benefiċċji u talbet l-opinjoni tal-Grupp tal-Partijiet Bankarji Interessati stabbilit skont l-Artikolu 37 tar-Regolament (UE) Nru 1093/2010,

ADOTTAT DAN IR-REGOLAMENT:

Artikolu 1

Informazzjoni li trid tiġi trażmessa lill-EBA

L-awtoritajiet ta’ riżoluzzjoni, f’koordinazzjoni mal-awtoritajiet kompetenti, għandhom jittrażmettu lill-EBA l-informazzjoni speċifikata fil-mudelli stabbiliti fl-Annessi I u II ta’ dan ir-Regolament relatati mal-istabbiliment tal-MREL skont l-Artikoli minn 45 sa 45h u l-Artikolu 45 m tad-Direttiva 2014/59/UE.

Artikolu 2

Rekwiżit ta’ rapportar simplifikat għal istituzzjonijiet li jibbenefikaw minn eżenzjonijiet u għal istituzzjonijiet li għalihom l-ammont ta’ rikapitalizzazzjoni huwa żero

1. Għal istituzzjonijiet li ġew eżentati mill-applikazzjoni tal-MREL skont l-Artikolu 45f(3), l-Artikolu 45f(4) jew l-Artikolu 45 g tad-Direttiva 2014/59/UE, l-awtoritajiet ta’ riżoluzzjoni għandhom jittrażmettu biss lill-EBA l-informazzjoni speċifikata fil-kolonni minn 0010 sa 0100 u 0270 tal-Anness I ta’ dan ir-Regolament.

2. Għal istituzzjonijiet li għalihom l-ammont ta’ rikapitalizzazzjoni stabbilit f’konformità mal-Artikolu 45c(2) tad-Direttiva 2014/59/UE huwa żero, u fejn ma jsir l-ebda aġġustament għall-ammont ta’ assorbiment ta’ telf skont dak il-paragrafu, l-awtoritajiet ta’ riżoluzzjoni għandhom jittrażmettu biss lill-EBA l-informazzjoni speċifikata fil-kolonni 0010 sa 0080 u 0270 tal-Anness I ta’ dan ir-Regolament.

Artikolu 3

L-awtorità relatriċi u l-informazzjoni li trid tiġi rapportata għall-gruppi

Għal gruppi li huma soġġetti għal MREL fuq bażi konsolidata f’konformità mal-Artikolu 45e, mat-tielet subparagrafu tal-Artikolu 45f(1), u mal-punt (b) tal-Artikolu 45f(4) tad-Direttiva 2014/59/UE, l-informazzjoni msemmija fl-Artikoli 1 u 2 għandha tiġi ppreżentata mill-awtoritajiet segwenti u bil-mod li ġej:

(a)	l-awtorità ta’ riżoluzzjoni fil-livell tal-grupp, f’koordinazzjoni mal-awtorità superviżorja fil-livell tal-grupp, għandha tinforma lill-EBA dwar l-MREL tal-impriża prinċipali fl-Unjoni stabbilita fuq bażi konsolidata;

(b)

l-awtoritajiet ta’ riżoluzzjoni li jieħdu d-deċiżjonijiet li jistabbilixxu l-MREL, f’koordinazzjoni mal-awtorità kompetenti, għandhom jinfurmaw lill-EBA dwar l-MREL li għandu jiġi applikat għas-sussidjarji tal-grupp fil-ġurisdizzjoni tagħhom fil-livell konsolidat tal-grupp ta’ riżoluzzjoni u fuq bażi individwali kif applikabbli.

Artikolu 4

Il-perjodi ta’ rapportar u d-dati tal-preżentazzjoni

L-awtoritajiet ta’ riżoluzzjoni għandhom, sal-31 ta’ Mejju ta’ kull sena, jittrażmettu l-informazzjoni msemmija fl-Artikoli 1 u 2 għall-MREL li tkun applikabbli b’seħħ mill-1 ta’ Mejju ta’ dik is-sena.

Artikolu 5

Formati tal-iskambju tad- data u informazzjoni li takkumpanja l-preżentazzjonijiet

1. L-awtoritajiet ta’ riżoluzzjoni għandhom jippreżentaw l-informazzjoni msemmija fl-Artikoli 1 u 2 fil-format tal-iskambju tad-data u skont l-ispeċifikazzjonijiet tekniċi u r-rappreżentazzjonijiet tas-sistema ta’ rapportar tal-EBA (EUCLID).

2. Meta jippreżentaw l-informazzjoni msemmija fl-Artikoli 1 u 2, l-awtoritajiet ta’ riżoluzzjoni għandhom jirrispettaw id-definizzjonijiet tal-punti tad-data li jinsabu fil-formola tal-punti tad-data u r-regoli ta’ validazzjoni stabbiliti fl-Anness III kif ukoll l-ispeċifikazzjonijiet segwenti:

(a)	informazzjoni li mhijiex meħtieġa jew li mhijiex applikabbli ma għandhiex tiġix inkluża fi preżentazzjoni tad-data;

(b)

il-valuri numeriċi għandhom jiġu ppreżentati kif ġej:

(i)	il-punti tad-data tat-tip ta’ data“Monetarja” għandhom jiġu rrapportati bl-użu minimu ta’ preċiżjoni ekwivalenti għal eluf ta’ unitajiet;

(ii)	il-punti tad-data tat-tip ta’ data“Perċentwali” għandhom jiġu espressi bħala unità b’minimu ta’ preċiżjoni ekwivalenti għal erba’ ċifri deċimali;

(iii)

il-punti tad-data tat-tip ta’ data“Integer” għandhom jiġu rrapportati billi ma jintużawx pożizzjonijiet deċimali u preċiżjoni ekwivalenti għal unitajiet;

(c)	l-istituzzjonijiet, l-impriżi tal-assigurazzjoni u l-entitajiet ġuridiċi għandhom jiġu identifikati mill-Identifikatur tal-Entità Ġuridika (LEI) tagħhom, fejn disponibbli.

Artikolu 6

Tħassir

Ir-Regolament ta’ Implimentazzjoni (UE) 2018/308 huwa b’dan imħassar.

Artikolu 7

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-15 ta’ April 2021.

Għall-Kummissjoni

Il-President

Ursula VON DER LEYEN

(1) ĠU L 173, 12.6.2014, p. 190.

(2) Ir-Regolament ta’ Implimentazzjoni tal-Kummissjoni (UE) 2018/308 tal-1 ta’ Marzu 2018 li jistabbilixxi standards tekniċi ta’ implimentazzjoni għad-Direttiva 2014/59/UE tal-Parlament Ewropew u tal-Kunsill fir-rigward ta’ formati, mudelli u definizzjonijiet uniformi għall-identifikazzjoni u t-trasmissjoni ta’ informazzjoni mill-awtoritajiet ta’ riżoluzzjoni għall-fini li tiġi mgħarrfa l-Awtorità Bankarja Ewropea bir-rekwiżit minimu għal fondi proprji u obbligazzjonijiet eliġibbli (ĠU L 60, 2.3.2018, p. 7).

(3) Id-Direttiva (UE) 2019/879 tal-Parlament Ewropew u tal-Kunsill tal-20 ta’ Mejju 2019 li temenda d-Direttiva 2014/59/UE fir-rigward tal-kapaċità ta’ assorbiment tat-telf u ta’ rikapitalizzazzjoni ta’ istituzzjonijiet tal-kreditu u ditti tal-investiment u d-Direttiva 98/26/KE (ĠU L 150, 7.6.2019, p. 296).

(4) Ir-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (ĠU L 331, 15.12.2010, p. 12).

ANNESS I

M 20.00 - Rapportar tad-deċiżjonijiet dwar l-MREL

ISTITUZZJONI

KODIĊI TAL-ENTITÀ

TIP TA’ ENTITÀ

KODIĊI TAL-ENTITÀ TA’ RIŻOLUZZJONI

TIP TA’ KODIĊI

PERIMETRU TAL-KONSOLIDAZZJONI

TIP TA’ ISTITUZZJONI

MREL INTERN JEW ESTERN

RAPPORTAR SIMPLIFIKAT

EŻENZJONI

RAĠUNI GĦALL-EŻENZJONI

STRATEĠIJA U GĦODOD TA’ RIŻOLUZZJONI

STRATEĠIJA TA’ RIŻOLUZZJONI

GĦODDA PRINĊIPALI TA’ RIŻOLUZZJONI (STRATEĠIJA PREFERUTA)

IT-TIENI GĦODDA TA’ RIŻOLUZZJONI (STRATEĠIJA PREFERUTA)

GĦODDA PRINĊIPALI TA’ RIŻOLUZZJONI (STRATEĠIJA VARJANTI)

IT-TIENI GĦODDA TA’ RIŻOLUZZJONI (STRATEĠIJA VARJANTI)

0010

0020

0030

0040

0050

0060

0070

0080

0090

0100

0110

0120

0130

0140

0150

ISTITUZZJONI				DATA TAL-KARTA BILAN1JALI UŻATA BIEX JIĠI KKALIBRAT L-MREL
REKWIŻIT TA’ FONDI PROPRJI ADDIZZJONALI U REKWIŻIT TA' RIŻERVA KOMBINAT				DATA TA’ REFERENZA	QABEL IR-RIŻOLUZZJONI			WARA R-RIŻOLUZZJONI
DATA TA’ REFERENZA	REKWIŻIT TA’ FONDI PROPRJI ADDIZZJONALI BĦALA % TAT-TREA	REKWIŻIT TA' RIŻERVA KOMBINAT	LI MINNU: RIŻERVA KONTROĊIKLIKA TAL-KAPITAL	DATA TA’ REFERENZA	TREA	TLOF	TEM	TREA	TLOF	TEM
0160	0170	0180	0190	0200	0210	0220	0230	0240	0250	0260

DEĊIŻJONI DWAR L-MREL
DATA TAD-DEĊIŻJONI	DATA TAL-KONFORMITÀ	REKWIŻIT BĦALA % TAT-TREA	LI MINNU: JISTGĦU JIĠU SSODISFATI B’GARANZIJI	REKWIŻIT BĦALA % TAT-TEM	LI MINNU: JISTGĦU JIĠU SSODISFATI B’GARANZIJI	SUBORDINAZZJONI TOTALI BĦALA % TAT-TREA		SUBORDINAZZJONI TOTALI BĦALA % TAT-TEM		KOPERTURA TAD-DEJN SUPERJURI	KOPERTURA DE MINIMIS
DATA TAD-DEĊIŻJONI	DATA TAL-KONFORMITÀ	REKWIŻIT BĦALA % TAT-TREA	LI MINNU: JISTGĦU JIĠU SSODISFATI B’GARANZIJI	REKWIŻIT BĦALA % TAT-TEM	LI MINNU: JISTGĦU JIĠU SSODISFATI B’GARANZIJI	REKWIŻIT TA’ SUBORDINAZZJONI OBBLIGATORJA	REKWIŻIT TA’ SUBORDINAZZJONI DISKREZZJONALI	REKWIŻIT TA’ SUBORDINAZZJONI OBBLIGATORJA	REKWIŻIT TA’ SUBORDINAZZJONI DISKREZZJONALI	KOPERTURA TAD-DEJN SUPERJURI	KOPERTURA DE MINIMIS
0270	0280	0290	0300	0310	0320	0330	0340	0350	0360	0370	0380

AĠĠUSTAMENTI

PERJODU TA’ TRANŻIZZJONI

AĠĠUSTAMENTI GĦALL- IKKALIBRAR TAL-AMMONT TAL-ASSORBIMENT TA’ TELF

AĠĠUSTAMENTI GĦALL- IKKALIBRAR TAL-AMMONT TAR-RIKAPITALIZZAZZJONI BĦALA % TAT-TREA

AĠĠUSTAMENTI GĦALL-IKKALIBRAR TAL-AMMONT TAR-RIKAPITALIZZAZZJONI BĦALA % TAT-TEM

MIRA INTERMEDJA

AĠĠUSTAMENTI GĦAR-REKWIŻIT TA' FONDI PROPRJI ADDIZZJONALI

AĠĠUSTAMENTI RELATATI MAR-RIŻERVA GĦALL-FIDUĊJA TAS-SUQ

AĠĠUSTAMENTI LI JIRRIŻULTAW MINN TIBDIL FIL-KARTA BILANĊJALI WARA R-RIŻOLUZZJONI

BĦALA % TAT-TREA

BĦALA % TAT-TEM

BĦALA % TAT-TREA

BĦALA % TAT-TEM

‘L FUQ

‘L ISFEL

‘L FUQ

‘L ISFEL

‘L FUQ

‘L ISFEL

‘L FUQ

‘L ISFEL

LIVELL TAL-MREL

SUBORDINAZZJONI

DATA TAL-APPLIKAZZJONI

LIVELL TAL-MREL

SUBORDINAZZJONI

DATA TAL-APPLIKAZZJONI

0390

0400

0410

0420

0430

0440

0450

0460

0470

0480

0490

0500

0510

0520

0530

0540

ANNESS II

STRUZZJONIJIET GĦALL-PREŻENTAZZJONI-TAL-INFORMAZZJONI DWAR DEĊIŻJONIJIET LI JIRRIGWARDAW L-MREL

L-EWWEL PARTI

STRUZZJONIJIET ĠENERALI

Dan l-Anness ikopri l-istruzzjonijiet għar-rapportar skont l-Artikolu 45j tad-Direttiva 2014/59/UE dwar ir-rekwiżit minimu għal fondi proprji u obbligazzjonijiet eliġibbli (MREL) stabbilit mill-awtoritajiet ta’ riżoluzzjoni.

Kull awtoritajiet ta’ riżoluzzjoni, f’koordinazzjoni mal-awtoritajiet kompetenti, għandha tinforma lill-EBA dwar l-MREL li jkun ġie stabbilit għal kull istituzzjoni fil-ġurisdizzjoni tagħha. Fir-rigward tal-gruppi ta’ riżoluzzjoni, l-awtorità ta’ riżoluzzjoni fil-livell ta’ grupp għandha tibgħat l-informazzjoni rilevanti għall-impriża prinċipali fl-Unjoni fuq bażi konsolidata. Kull awtorità ta’ riżoluzzjoni għandha tibgħat l-informazzjoni rigward l-MREL stabbilit fir-rigward tal-gruppi ta’ riżoluzzjoni u s-sussidjarji.

Għal gruppi stabbiliti jew li għandhom sussidjarji fl-unjoni bankarja, il-Bord Uniku ta’ Riżoluzzjoni jirrapporta dwar id-deċiżjonijiet li jittieħdu fir-rigward tal-entitajiet kollha li jaqgħu fil-ġurisdizzjoni tiegħu kif definit fl-Artikolu 7(2) tar-Regolament (UE) Nru 806/2014 tal-Parlament Ewropew u tal-Kunsill (1).

Meta d-data sottostanti tkun f’munita li mhijiex l-euro, l-awtoritajiet għandhom jużaw ir-rati ta’ referenza tal-kambju għall-euro tal-Bank Ċentrali Ewropew (https://www.ecb.europa.eu/stats/policy_and_exchange_rates/euro_reference_exchange_rates/html/index.en.html) kif ikunu fid-data tad-deċiżjoni tal-MREL u jirrapportaw l-ammonti kollha f’euro.

Meta istituzzjoni tkun ġiet eżentata mill-MREL, dan għandu jiġi indikat fil-kolonna 0090, u l-awtorità ta’ riżoluzzjoni tista’ tagħżel rapportar simplifikat u tirrapporta biss l-informazzjoni fil-kolonni minn 0010 sa 0100. Meta istituzzjoni tkun soġġetta għal ammont ta’ rikapitalizzazzjoni żero u ma jsir l-ebda aġġustament għall-ammont tal-assorbiment ta’ telf, l-awtorità ta’ riżoluzzjoni tista’ tagħżel rapportar simplifikat u tirrapporta biss l-informazzjoni fil-kolonni minn 0010 sa 0080.

1. Ambitu tan-notifika

L-istituzzjonijiet (inklużi d-ditti tal-investiment, kif definiti fil-punt (23) tal-Artikolu 2(1) tad-Direttiva 2014/59/UE) u l-entitajiet imsemmijin fil-punti (b), (c) u (d) tal-Artikolu 1(1) tad-Direttiva 2014/59/UEli huma soġġetti għall-Artikolu 45(1) ta’ dik id-Direttiva, ħlief għall-istituzzjonijiet ta’ kreditu ipotekarju li huma koperti minn bonds eżentati mill-MREL f’konformità mal-Artikolu 45a tad-Direttiva 2014/59/UE.

2. Ambitu ta’ konsolidazzjoni

Id-data sottostanti għandha tiġi rrapportata fuq bażi individwali għal kull entità f’kull Stat Membru, jew fil-livell ta’ kwalunkwe wieħed minn dawn li ġejjin:

(a)	l-impriża prinċipali tal-Unjoni fuq bażi konsolidata, fejn il-perimetru ta’ konsolidazzjoni għall-impriża prinċipali tal-Unjoni jkun identiku għall-perimetru ta’ konsolidazzjoni tal-grupp ta’ riżoluzzjoni;

(b)	meta differenti mill-punt (a), għal kull entità ta’ riżoluzzjoni fil-livell konsolidat tal-grupp ta’ riżoluzzjoni skont l-Artikolu 45e tad-Direttiva 2014/59/UE;

(c)	meta applikabbli, għal impriża prinċipali fuq bażi konsolidata skont il-punt (b) tal-Artikolu 45f(4) tad-Direttiva 2014/59/UE jew it-tielet subparagrafu tal-Artikolu 45f(1) ta’ dik id-Direttiva.

3. Skadenza għall-preżentazzjoni

L-awtoritajiet ta’ riżoluzzjoni għandhom jittrażmettu l-informazzjoni għall-MREL li jkun applikabbli fl-1 ta’ Mejju ta’ kull sena sal-31 ta’ Mejju ta’ dik is-sena.

IT-TIENI PARTIS

TRUZZJONIJIET RELATATI MAL-MUDELL

4. M 20.00 – Rapportar tad-deċiżjonijiet rigward l-MREL

4.1. Struzzjonijiet dwar kolonni speċifiċi

Kolonna

Referenzi legali u struzzjonijiet

0010

KODIĊI TAL-ENTITÀ

Il-kodiċi tal-entità li għaliha tkun ittieħdet id-deċiżjoni dwar l-MREL. Għall-istituzzjonijiet, il-kodiċi għandu jkun il-kodiċi tal-identifikatur ta’ entità ġuridika (legal entity identifier, LEI) alfanumeriku b’20 figura. Għal entitajiet oħra, il-kodiċi għandu jkun il-kodiċi LEI alfanumeriku b’20 figura, jew jekk ma jkunx disponibbli, kodiċi b’kodifikazzjoni uniformi applikabbli fl-Unjoni jew, jekk ma jkunx disponibbli, kodiċi nazzjonali.

Il-kodiċi għandu jkun konsistenti mal-kodiċi rrapportat għall-istess istituzzjoni skont ir-Regolament ta’ Implimentazzjoni tal-Kummissjoni (UE) 2018/1624 (2). Il-kodiċi għandu dejjem ikollu valur. Dan il-kodiċi għandu jkun l-identifikatur uniku għal kull kolonna għall-entità rilevanti.

0020

TIP TA’ KODIĊI

L-awtorità relatriċi għandha tidentifika t-tip ta’ kodiċi rrapportat fil-kolonna 0010 bħala “kodiċi LEI” jew “Kodiċi mhux LEI”. It-tip tal-kodiċi għandu jiġi rrapportat dejjem.

0030

KODIĊI TAL-ENTITÀ TA’ RIŻOLUZZJONI

Il-kodiċi tal-entità ta’ riżoluzzjoni li tappartjeni għaliha l-entità. Dan il-kodiċi għandu jkun l-istess bħal dak fil-kolonna 0010 jekk id-deċiżjoni rrapportata tkun deċiżjoni ta’ grupp. Għall-istituzzjonijiet, il-kodiċi għandu jkun il-kodiċi LEI alfanumeriku b’20 figura. Għal entitajiet oħra, il-kodiċi għandu jkun il-kodiċi LEI alfanumeriku b’20 figura jew, jekk ma jkunx disponibbli, kodiċi b’kodifikazzjoni uniformi applikabbli fl-Unjoni jew, jekk ma jkunx disponibbli, kodiċi nazzjonali.

Il-kodiċi għandu jkun konsistenti mal-kodiċi rrapportat għall-istess istituzzjoni skont ir-Regolament ta’ Implimentazzjoni (UE) 2018/1624.

0040

TIP TA’ KODIĊI

L-awtorità relatriċi għandha tidentifika t-tip ta’ kodiċi rrapportat fil-kolonna 0030 bħala “kodiċi LEI” jew “Kodiċi mhux LEI”. It-tip tal-kodiċi għandu jiġi rrapportat dejjem.

0050

PERIMETRU TA’ KONSOLIDAZZJONI

L-awtoritajiet relaturi għandhom jirrapportaw dwar l-MREL f’wieħed mill-perimetri ta’ konsolidazzjoni li ġejjin:

(a)	grupp ta’ riżoluzzjoni;

(b)	ikkonsolidati fil-livell tal-impriża prinċipali skont il-punt (b) tal-Artikolu 45f(4), jew it-tielet subparagrafu tal-Artikolu 45f(1) tad-Direttiva 2014/59/UE;

(c)	individwali.

0060

TIP TA’ ISTITUZZJONI

L-awtoritajiet relaturi għandhom jirrapportaw waħda minn dawn li ġejjin:

(a)	istituzzjoni globali sistemikament importanti (G-SII) kif definita fil-punt (133) tal-Artikolu 4(1) tar-Regolament (UE) Nru 5 75/2013 tal-Parlament Ewropew u tal-Kunsill (3);

(b)	entità ta’ riżoluzzjoni kif imsemmija fl-Artikolu 45c(5) tad-Direttiva 2014/59/UE li hija parti minn grupp ta’ riżoluzzjoni li l-assi totali tiegħu jaqbżu l-EUR 100 biljun fil-livell tal-grupp ta’ riżoluzzjoni;

(c)	entità ta’ riżoluzzjoni kif imsemmija fl-Artikolu 45c(6) tad-Direttiva 2014/59/UE li hija parti minn grupp ta’ riżoluzzjoni li l-assi totali tiegħu huma inqas minn EUR 100 biljun u li l-awtorità ta’ riżoluzzjoni tkun ivvalutat li raġonevolment x’aktarx toħloq riskju sistemiku fil-każ li tfalli;

(d)	istituzzjonijiet oħrajn ta’ kreditu;

(e)	ditta tal-investiment;

(f)	kull entità oħra msemmija dil-punti (b), (c) jew (d) tal-Artikolu 1(1) tad-Direttiva 2014/59/UE.

0070

INTERN JEW ESTERN

L-awtoritajiet relaturi għandhom jirrapportaw waħda minn dawn li ġejjin:

(a)

intern: l-MREL applikat għal entitajiet li huma nfushom mhumiex entitajiet ta’ riżoluzzjoni skont l-Artikolu 45f tad-Direttiva 2014/59/UE jew entitajiet ta’ riżoluzzjoni kif imsemmijin fir-raba’ subparagrafu tal-Artikolu 45f(1) ta’ dik id-Direttiva li mhumiex soġġetti għall-Artikolu 45e(3) ta’ dik id-Direttiva.

(b)	estern: l-MREL applikat għal entitajiet li huma entitajiet ta’ riżoluzzjoni skont l-Artikolu 45e tad-Direttiva 2014/59/UE.

0080

RAPPORTAR SIMPLIFIKAT

L-awtoritajiet relaturi għandhom jindikaw jekk sarx rapportar simplifikat għall-istituzzjonijiet li għalihom l-ammont ta’ rikapitalizzazzjoni huwa żero u fejn ma sar l-ebda aġġustament għall-ammont tal-assorbiment ta’ telf:

—

Iva

—

0090

EŻENZJONI

L-awtoritajiet relaturi għandhom jindikaw jekk l-eżenzjoni ngħatatx fuq il-bażi tad-dispożizzjonijiet tad-Direttiva 2014/59/UE li ġejjin jew jekk ma ngħatat ebda eżenzjoni:

(a)	l-Artikolu 45f(3);

(b)	l-Artikolu 45f(4);

(c)	l-Artikolu 45 g;

(d)	Ebda eżenzjoni.

0100

RAĠUNI GĦALL-EŻENZJONI

Meta fil-kolonna 0090 tkun ġiet irrapportata opzjoni għajr “Le”, l-awtoritajiet relaturi għandhom jiddeskrivu r-raġuni għall-applikazzjoni tal-eżenzjoni.

0110–0150

STRATEĠIJA U GĦODOD TA’ RIŻOLUZZJONI

0110

STRATEĠIJA TA’ RIŻOLUZZJONI

L-awtoritajiet ta’ rapportar għandhom jirrapportaw waħda minn dawn li ġejjin:

(a)	punt ta’ dħul uniku;

(b)	punt ta’ dħul multiplu;

(c)	likwidazzjoni.

0120

GĦODDA PRINĊIPALI TA’ RIŻOLUZZJONI (STRATEĠIJA PREFERUTA)

L-awtoritajiet relaturi għandhom jirrapportaw waħda minn dawn li ġejjin:

(a)	rikapitalizzazzjoni interna tal-banek miftuħa;

(b)	istituzzjoni tranżitorja;

(c)	separazzjoni tal-assi;

(d)	bejgħ ta’ negozju;

(e)	Mhux applikabbli.

Meta l-kolonna 0110 tkun ġiet irrapportata bħala “likwidazzjoni”, il-kolonna 0120 għandha tiġi rrapportata bħala “Mhux applikabbli”.

00130

IT-TIENI GĦODDA TA’ RIŻOLUZZJONI (STRATEĠIJA PREFERUTA)

L-awtoritajiet relaturi għandhom jirrapportaw waħda minn dawn li ġejjin:

(a)	rikapitalizzazzjoni interna tal-banek miftuħa;

(b)	istituzzjoni tranżitorja;

(c)	separazzjoni tal-assi;

(d)	bejgħ ta’ negozju;

(e)	Mhux applikabbli.

Meta l-kolonna 0110 tkun ġiet irrapportata bħala “likwidazzjoni”, jew fejn ma ġiet stabbilita l-ebda strateġija alternattiva, din il-kolonna għandha tiġi rrapportata bħala “Mhux applikabbli”.

0140

GĦODDA PRINĊIPALI TA’ RIŻOLUZZJONI (STRATEĠIJA VARJANTI)

L-awtoritajiet relaturi għandhom jirrapportaw waħda minn dawn li ġejjin (fejn applikabbli):

(a)	rikapitalizzazzjoni interna tal-banek miftuħa;

(b)	istituzzjoni tranżitorja;

(c)	separazzjoni tal-assi;

(d)	bejgħ ta’ negozju;

(e)	Mhux applikabbli.

Fejn il-kolonna 0110 tkun ġiet irrapportata bħala “likwidazzjoni”, din il-kolonna għandha tiġi rrapportata bħala “Mhux applikabbli”.

0150

IT-TIENI GĦODDA TA’ RIŻOLUZZJONI (STRATEĠIJA VARJANTI)

L-awtoritajiet relaturi għandhom jirrapportaw waħda minn dawn li ġejjin:

(a)	rikapitalizzazzjoni interna tal-banek miftuħa;

(b)	istituzzjoni tranżitorja;

(c)	separazzjoni tal-assi;

(d)	bejgħ ta’ negozju;

(e)	mhux applikabbli.

Fejn il-kolonna 0110 tkun ġiet irrapportata bħala “likwidazzjoni”, jew fejn ma ġiet stabbilita l-ebda strateġija alternattiva, din il-kolonna għandha tiġi rrapportata bħala “Mhux applikabbli”.

0160–0190

REKWIŻIT TA’ FONDI PROPRJI ADDIZZJONALI U REKWIŻIT TA’ RIŻERVA KOMBINAT

L-informazzjoni dwar ir-rekwiżit ta’ fondi proprji addizzjonali skont l-Artikolu 104a tad-Direttiva 2013/36/UE tal-Parlament Ewropew u tal-Kunsill (4) użata bħala input għall-ikkalibrar tal-MREL għandha tkun ibbażata fuq ir-rekwiżiti ta’ fondi proprji disponibbli l-aktar reċenti kkomunikati mill-awtorità kompetenti fil-mument tal-ikkalibrar tal-MREL.

0160

DATA TA’ REFERENZA

Id-data meta l-awtorità kompetenti kkomunikat ir-rekwiżiti ta’ fondi proprji addizzjonali u r-rekwiżit ta’ riżerva kombinat lill-istituzzjoni.

0170

REKWIŻIT BĦALA PERĊENTWAL TAL-AMMONT TOTALI TAL-ISKOPERTURA GĦAR-RISKJU (TREA)

Rekwiżit ta’ fondi proprji addizzjonali skont l-Artikolu 104a tad-Direttiva 2013/36/UE użat biex jikkalibra l-MREL jew kif ikkalkulat skont l-istandards tekniċi regolatorji adottati skont l-Artikolu 45c(4) tad-Direttiva 2014/59/UE.

0180

REKWIŻIT TA’ RIŻERVA KOMBINAT

Ir-rekwiżit ta’ riżerva kombinat imsemmi fil-punt (6) tal-Artikolu 128(1), tad-Direttiva 2013/36/UE. L-ammont irrapportat għandu jirrappreżenta l-ammont ta’ fondi proprji meħtieġa biex jiġu ssodisfati r-rekwiżiti tar-riżerva kapitali rispettivi jew kif ikkalkulat skont l-istandards tekniċi regolatorji adottati skont l-Artikolu 45c(4) tad-Direttiva 2014/59/UE.

0190

LI MINNU: RIŻERVA KONTROĊIKLIKA TAL-KAPITAL

Il-punt (2) tal-Artikolu 128, l-Artikolu 130 u l-Artikoli minn 135 sa 140 tad-Direttiva 2013/36/UE. L-ammont irrapportat għandu jirrappreżenta l-ammont ta’ fondi proprji meħtieġa biex jiġu ssodisfati r-rekwiżiti tar-riżerva kapitali rispettivi użati biex jiġi kkalibrat l-MREL.

0200–0260

DATA TAL-KARTA BILANĊJALI UŻATA BIEX JIĠI KKALIBRAT L-MREL

0200

DATA TA’ REFERENZA

Id-data ta’ referenza tad-data rrapportata fil-kolonni minn 0210 sa 0260.

0210–0230

QABEL IR-RIŻOLUZZJONI

Id-data tal-karta bilanċjali użata biex jiġi kkalibrat l-MREL qabel ir-riżoluzzjoni.

0240–0260

WARA R-RIŻOLUZZJONI

Id-data tal-karta bilanċjali użata biex jiġi kkalibrat l-MREL wara r-riżoluzzjoni.

0210 , 0240

TREA

L-ammont totali tal-iskopertura għar-riskju f’konformità mal-punt (a) tal-Artikolu 45(2) tad-Direttiva 2014/59/UE u l-Artikolu 92(3) tar-Regolament (UE) Nru 575/2013.

0220, 0250

TOTAL TAL-OBBLIGAZZJONIJIET TAL-FONDI PROPRJI (TLOF)

Is-somma tal-obbligazzjonijiet u tal-fondi proprji kollha tal-entità relatriċi. Fir-rigward tad-derivattivi, il-valur li jrid jintuża għandu jkun it-total tal-pożizzjonijiet ta’ obbligazzjonijiet netti, filwaqt li jitqiesu r-regoli tan-netting prudenzjali.

Din l-entrata tikkorrispondi għall-informazzjoni rrapportata fir-ringiela 0600 tal-mudell Z 02.00 tal-Anness I tar-Regolament ta’ Implimentazzjoni (UE) 2018/1624.

0230, 0260

KEJL TAL-ISKOPERTURA TOTALI (TEM)

Il-kejl tal-iskopertura totali skont il-punt (b) tal-Artikolu 45(2), tad-Direttiva 2014/59/UE, l-Artikolu 429(4) u l-Artikolu 429a tar-Regolament (UE) Nru 575/2013.

0270-0380

DEĊIŻJONI DWAR L-MREL

0270

DATA TAD-DEĊIŻJONI

Id-data meta l-awtorità ta’ riżoluzzjoni ddeċidiet dwar l-MREL jew adottat deċiżjoni ta’ eżenzjoni.

0280

DATA TAL-KONFORMITÀ

Id-data minn meta l-istituzzjoni għandha tikkonforma mal-MREL jew mad-deċiżjoni ta’ eżenzjoni.

0290

REKWIŻIT BĦALA PERĊENTWAL TAT-TREA

L-awtoritajiet relaturi għandhom jirrapportaw l-MREL espress bħala perċentwal tat-TREA kkalkulat f’konformità mal-Artikolu 92(3) tar-Regolament (UE) Nru 575/2013.

0300

LI MINNU: JISTGĦU JIĠU SSODISFATI B’GARANZIJI

Il-parti tar-rekwiżit irrapportata fil-kolonna 0290 li mal-permess tal-awtorità ta’ riżoluzzjoni rilevanti tista’ tiġi ssodisfata b’garanzija pprovduta mill-entità ta’ riżoluzzjoni f’konformità mal-Artikolu 45f(5) tad-Direttiva 2014/59/UE, espressa bħala perċentwal tat-TREA kkalkulat f’konformità mal-Artikolu 92(3) tar-Regolament (UE) Nru 575/2013.

0310

REKWIŻIT BĦALA PERĊENTWAL TAT-TEM

L-MREL tal-entità espress bħala perċentwal tat-TEM ikkalkulat skont l-Artikolu 429(4) u l-Artikolu 429a tar-Regolament (UE) Nru 575/2013.

0320

LI MINNU: JISTGĦU JIĠU SSODISFATI B’GARANZIJI

Il-parti tar-rekwiżit irrapportata fil-kolonna 0310 li mal-permess tal-awtorità ta’ riżoluzzjoni rilevanti tista’ tiġi ssodisfata b’garanzija pprovduta mill-entità ta’ riżoluzzjoni f’konformità mal-Artikolu 45f(5) tad-Direttiva 2014/59/UE, espressa bħala perċentwal tat-TEM ikkalkulat skont l-Artikolu 429(4) u l-Artikolu 429a tar-Regolament (UE) Nru 575/2013.

0330–0340

SUBORDINAZZJONI TOTALI BĦALA PERĊENTWAL TAT-TREA

L-awtoritajiet relaturi għandhom jirrapportaw il-livelli tar-rekwiżit ta’ subordinazzjoni espressi bħala perċentwal tat-TREA (100 % għal MREL intern).

0350–0360

SUBORDINAZZJONI TOTALI BĦALA PERĊENTWAL TAT-TEM

L-awtoritajiet relaturi għandhom jirrapportaw il-livelli tar-rekwiżit ta’ subordinazzjoni espressi bħala perċentwal tat-TEM (100 % għal MREL intern).

0330, 0350

REKWIŻIT TA’ SUBORDINAZZJONI OBBLIGATORJA

L-awtoritajiet relaturi għandhom jirrapportaw il-livelli tar-rekwiżit ta’ subordinazzjoni f’konformità mal-paragrafi (5) u (6) tal-Artikolu 45c, u l-punt (a) tal-Artikolu 45d(2) tad-Direttiva 2014/59/UE, inkluż kwalunkwe impatt mill-applikazzjoni tal-Artikolu 45b(4) tad-Direttiva 2014/59/UE.

0340, 0360

REKWIŻIT TA’ SUBORDINAZZJONI DISKREZZJONALI

L-awtoritajiet relaturi għandhom jirrapportaw il-livelli tar-rekwiżit ta’ subordinazzjoni f’konformità mal-paragrafi (5) jew (7) tal-Artikoli 45b tad-Direttiva 2014/59/UE.

0370

KOPERTURA TAD-DEJN SUPERJURI

Għall-G-SIIs, l-awtoritajiet relaturi għandhom jirrapportaw is-sehem tal-obbligazzjonijiet li jistgħu jikkwalifikaw bħala strumenti ta’ obbligazzjonijiet eliġibbli sa ammont aggregat li ma jaqbiżx 3,5 % tat-TREA kkalkulat skont il-paragrafi (3) u (4) tal-Artikolu 92 tar-Regolament (UE) Nru 575/2013.

0380

KOPERTURA DE MINIMIS

Għall-GSIIs, l-awtoritajiet relaturi għandhom jirrapportaw is-sehem mill-obbligazzjonijiet esklużi msemmijin fl-Artikolu 72a(2) tar-Regolament (UE) Nru 575/2013 li jistgħu jikklassifikaw f’insolvenza pari passu jew inqas mill-obbligazzjonijiet eliġibbli tal-istituzzjoni f’konformità mal-Artikolu 72b(4) tar-Regolament UE) Nru 575/2013.

0390–0480

AĠĠUSTAMENTI

0390–0400

AĠĠUSTAMENTI GĦALL-IKKALIBRAR TAL-AMMONT TAL-ASSORBIMENT TA’ TELF BĦALA PERĊENTWAL TAT-TREA U T-TEM

Aġġustamenti għall-ammont tal-assorbiment ta’ telf skont it-tieni subparagrafu tal-Artikolu 45c(2) tad-Direttiva 2014/59/UE espressi bħala perċentwal tat-TREA u t-TEM.

0410–0460

IKKALIBRAR TAL-AMMONT TAR-RIKAPITALIZZAZZJONI BĦALA PERĊENTWAL TAT-TREA

Aġġustamenti għall-ammont ta’ rikapitalizzazzjoni skont il-punt (a)(ii) tal-ewwel subparagrafu tal-Artikolu 45c(3) jew il-punt (a)(ii) tal-ewwel subparagrafu tal-Artikolu 45c(7) tad-Direttiva 2014/59/UE espressi bħala perċentwal tat-TREA.

0410–0420

AĠĠUSTAMENTI GĦAR-REKWIŻIT TA’ FONDI PROPRJI ADDIZZJONALI

Jiddaħħal kwalunkwe aġġustament fir-rekwiżit ta’ fondi proprji addizzjonali msemmi fl-Artikolu 104a tad-Direttiva 2013/36/UE skont il-punt (b) tal-ħames subparagrafu tal-Artikolu 45c(3) jew il-punt (b) tal-ħames subparagrafu tal-Artikolu 45c(7) tad-Direttiva 2014/59/UE.

0430–0440

AĠĠUSTAMENTI RELATATI MAR-RIŻERVA GĦALL-FIDUĊJA TAS-SUQ

Aġġustamenti skont is-sitt subparagrafu tal-Artikolu 45c(3), jew is-sitt subparagrafu tal-Artikolu 45c(7), tad-Direttiva 2014/59/UE.

0450–0460

AĠĠUSTAMENTI LI JIRRIŻULTAW MINN TIBDIL FIL-KARTA BILANĊJALI WARA R-RIŻOLUZZJONI

Aġġustamenti skont tal-punt (а) tal-ħames subparagrafu tal-Artikolu 45c(3), jew il-punt (a) tal-ħames subparagrafu tal-Artikolu 45c (7) tad-Direttiva 2014/59/UE.

0470–0480

AĠĠUSTAMENTI GĦALL-IKKALIBRAR TAL-AMMONT TA’ RIKAPITALIZZAZZJONI BĦALA PERĊENTWAL TAT-TEM

Aġġustamenti fl-ammont ta’ rikapitalizzazzjoni li jirriżultaw minn bidliet fil-karta bilanċjali wara r-riżoluzzjoni skont il-punt (b)(ii) tal-ewwel subparagrafu tal-Artikolu 45c(3), jew il-punt (b)(ii) tal-l-ewwel subparagrafu tal-Artikolu 45c(7) tad-Direttiva 2014/59/UE espressi bħala perċentwal tal-ammont tal-iskopertura totali.

0410 , 0430, 0450, 0470

‘IL FUQ

0420, 0440, 0460, 0480

‘L ISFEL

0490–0540

PERJODU TA’ TRANŻIZZJONI

L-awtoritajiet relaturi għandhom jindikaw kull mira intermedjarja li setgħu stabbilew għas-snin ta’ wara d-data tar-rapportar. Il-mira għandha tiġi espressa kemm bħala perċentwal ta’ TREA kif ukoll bħala perċentwal ta’ TEM.

0490, 0520

LIVELL TAL-MREL

L-awtoritajiet relaturi għandhom jindikaw it-total tal-livell MREL li l-istituzzjonijiet għandhom jissodisfaw fid-data intermedjarja.

0500, 0530

SUBORDINAZZJONI

L-awtoritajiet relaturi għandhom jindikaw il-livell subordinat totali li l-istituzzjonijiet għandhom jissodisfaw fid-data intermedjarja.

0510 , 0540

DATA TAL-APPLIKAZZJONI

L-awtoritajiet relaturi għandhom jindikaw id-dati ta’ tranżizzjoni fil-perkors lejn konformità mal-MREL.

(1) Ir-Regolament (UE) Nru 806/2014 tal-Parlament Ewropew u tal-Kunsill tal-15 ta’ Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta’ kreditu u ċerti ditti tal-investiment fil-qafas ta’ Mekkaniżmu Uniku ta’ Riżoluzzjoni u Fond Uniku għar-Riżoluzzjoni u li jemenda r-Regolament (UE) Nru 1093/2010 (ĠU L 225, 30.7.2014, p. 1).

(2) Ir-Regolament ta’ Implimentazzjoni tal-Kummissjoni (UE) 2018/1624 tat-23 ta’ Ottubru 2018 li jistabbilixxi l-istandards tekniċi ta’ implimentazzjoni fir-rigward ta’ proċeduri u formoli u mudelli standard għall-forniment ta’ informazzjoni għall-finijiet ta’ pjanijiet ta’ riżoluzzjoni għall-istituzzjonijiet ta’ kreditu u ditti tal-investiment skont id-Direttiva 2014/59/UE tal-Parlament Ewropew u tal-Kunsill, u li jħassar ir-Regolament ta’ Implimentazzjoni tal-Kummissjoni (UE) 2016/1066 (ĠU L 277, 7.11.2018, p. 1).

(3) Ir-Regolament (UE) Nru 575/2013 tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta’ kreditu u d-ditti tal-investiment u li jemenda r-Regolament (UE) Nru 648/2012 (ĠU L 176, 27.6.2013, p. 1).

(4) Id-Direttiva 2013/36/UE tal-Parlament Ewropew u tal-Kunsill tas-26 ta’ Ġunju 2013 dwar l-aċċess għall-attività tal-istituzzjonijiet ta’ kreditu u s-superviżjoni prudenzjali tal-istituzzjonijiet ta’ kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU L 176, 27.6.2013, p. 338).