REGOLAMENT TA’ IMPLIMENTAZZJONI TAL-KUMMISSJONI (UE) 2021/617

tal-14 ta’ April 2021

li jemenda r-Regolamenti ta’ Implimentazzjoni (UE) 2020/2235 u (UE) 2020/2236 fir-rigward tal-mudelli taċ-ċertifikati tas-saħħa tal-annimali u taċ-ċertifikati uffiċjali/tas-saħħa tal-annimali għad-dħul fl-Unjoni ta’ ċerti annimali akkwatiċi u prodotti li joriġinaw mill-annimali

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għall-ikel li joriġina mill-annimali (1), u b’mod partikolari l-Artikolu 7(2)(a) tiegħu,

Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (2), u b’mod partikolari l-Artikolu 213(2) u 224(4) tiegħu,

Billi:

(1)

Ir-Regolamenti ta’ Implimentazzjoni tal-Kummissjoni (UE) 2020/2235 (3) u (UE) 2020/2236 (4) jistabbilixxu r-regoli għall-applikazzjoni tar-Regolament (UE) 2016/429 u tar-Regolament (UE) 2017/625 tal-Parlament Ewropew u tal-Kunsill (5) fir-rigward tal-mudelli taċ-ċertifikati tas-saħħa tal-annimali u taċ-ċertifikati uffiċjali/tas-saħħa tal-annimali għad-dħul fl-Unjoni ta’ ċerti annimali akkwatiċi u prodotti li joriġinaw mill-annimali.

(2)

Il-konsenji tal-annimali akkwatiċi ħajjin maħsuba għall-konsum mill-bniedem jistgħu jidħlu fl-Unjoni biss jekk ikunu konformi mar-regoli stabbiliti fir-Regolament (KE) Nru 853/2004. Il-kliem ta’ ċerti noti stabbiliti fil-mudelli taċ-ċertifikati uffiċjali/tas-saħħa tal-annimali għall-ħut ħaj, il-krustaċji ħajjin, il-molluski bivalvi ħajjin, l-ekinodermi, it-tunikati, il-gastropodi marini u l-prodotti li joriġinaw mill-annimali, minn fost dawk l-annimali tal-Kapitoli 28 u 31 tal-Anness III tar-Regolament ta’ Implimentazzjoni (UE) 2020/2235 ħoloq il-potenzjal ta’ ambigwità rigward ir-rekwiżiti tas-saħħa pubblika. Għaldaqstant, biex ikun evitat in-nuqqas ta’ fehim u tkun żgurata l-koerenza bejn ir-rekwiżiti tas-saħħa pubblika u dawk tal-annimali għad-dħul fl-Unjoni ta’ konsenji ta’ ċerti annimali akkwatiċi ħajjin maħsuba għall-konsum mill-bniedem, in-noti stabbiliti fil-mudelli taċ-ċertifikati uffiċjali/tas-saħħa tal-annimali għall-ħut ħaj, il-krustaċji ħajjin, il-molluski bivalvi ħajjin, l-ekinodermi, it-tunikati, il-gastropodi marini u l-prodotti li joriġinaw mill-annimali, minn fost dawk l-annimali tal-Kapitoli 28 u 31 tal-Anness III, jenħtieġ jiġu emendati skont dan.

(3)

Biex tkun żgurata ċarezza sħiħa fin-noti tal-mudelli taċ-ċertifikati uffiċjali/tas-saħħa tal-annimali għall-ħut ħaj, il-krustaċji ħajjin, il-molluski bivalvi ħajjin, l-ekinodermi, it-tunikati, il-gastropodi marini u l-prodotti li joriġinaw mill-annimali minn fost dawk l-annimali, stabbiliti fl-Anness III tar-Regolament ta’ Implimentazzjoni (UE) 2020/2235, jenħtieġ ikun ċar b’mod espliċitu li l-konsenji tal-annimali akkwatiċi ħajjin maħsuba għall-konsum mill-bniedem jistgħu jidħlu fl-Unjoni biss jekk ikunu konformi mar-Regolament (KE) Nru 853/2004.

(4)

Barra minn hekk, biex tkun żgurata l-koerenza bejn ir-rekwiżiti tas-saħħa pubblika u dawk tal-annimali għad-dħul fl-Unjoni ta’ ċerti annimali akkwatiċi ħajjin maħsuba għall-konsum mill-bniedem, huma meħtieġa ċerti emendi fit-titolu u fin-noti tal-mudell taċ-ċertifikat tas-saħħa tal-annimali għall-annimali akkwatiċi maħsuba għal ċerti stabbilimenti tal-akkwakultura, għar-rilaxx fl-ambjent naturali, jew għal skopijiet oħra, kif stabbilit fl-Anness II tar-Regolament ta’ Implimentazzjoni (UE) 2020/2236. Dawn l-emendi huma meħtieġa biex ikun żgurat li hu espliċitament ċar li dan iċ-ċertifikat ma jistax jintuża għal konsenji tal-annimali akkwatiċi maħsuba għall-konsum mill-bniedem. Filwaqt li ċ-ċentri tal-purifikazzjoni u tad-dispaċċ huma stabbilimenti tal-akkwakultura f’konformità mar-Regolament (UE) 2016/429, ir-regoli tas-saħħa pubblika jipprevjenu l-annimali akkwatiċi milli jidħlu fl-Unjoni jekk ikunu ddestinati għaċ-ċentri tal-purifikazzjoni, jew f’ċerti ċirkostanzi, jekk ikunu ddestinati għaċ-ċentri tad-dispaċċ.

(5)

Biex ikun hemm ċarezza f’dak ir-rigward, u jkun evitat in-nuqqas ta’ fehim, il-mudell taċ-ċertifikat tas-saħħa tal-annimali għad-dħul fl-Unjoni tal-annimali akkwatiċi maħsuba għal ċerti stabbilimenti tal-akkwakultura, għar-rilaxx fl-ambjent naturali, jew għal skopijiet oħra, għajr il-konsum mill-bniedem, kif stabbilit fl-Anness II tar-Regolament ta’ Implimentazzjoni (UE) 2020/2236, jenħtieġ li jiġi emendat biex ikun żgurat li l-konsenji tal-annimali akkwatiċi ħajjin maħsuba għall-konsum mill-bniedem ikunu jistgħu jidħlu fl-Unjoni biss jekk ikunu konformi mar-Regolament (KE) Nru 853/2004.

(6)	Ir-Regolamenti ta’ Implimentazzjoni (UE) 2020/2235 u (UE) 2020/2236 japplikaw b’effett mill-21 ta’ April 2021, għalhekk jenħtieġ li dan ir-Regolament japplika wkoll minn dik id-data.

(7)	Il-miżuri previsti f’dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

L-Anness III tar-Regolament ta’ Implimentazzjoni (UE) 2020/2235 huwa emendat kif ġej:

Fil-Kapitolu 28, il-mudell taċ-ċertifikat uffiċjali/tas-saħħa tal-annimali għad-dħul fl-Unjoni tal-ħut ħaj, il-krustaċji ħajjin u l-prodotti li joriġinaw mill-annimali, minn fost dawk l-annimali maħsuba għall-konsum mill-bniedem (MODEL FISH- CRUST-HC) huwa emendat kif ġej:

(a)

il-punt II.2.3.1 huwa sostitwit b’dan li ġej:

“ ( 4)(6)[II.2.3.1. Dawn huma soġġetti għar-rekwiżiti fil-Parti II.2.4 u joriġinaw minn (4)[pajjiż] (4)[territorju] (4)[żona] (4)[kompartiment] (5)bil-kodiċi:_ - __ li, fid-data tal-ħruġ ta’ dan iċ-ċertifikat, jinsab/tinsab fil-lista tal-pajjiżi terzi u t-territorji adottata mill-Kummissjoni f’konformità mal-Artikolu 230(1) tar-Regolament (UE) 2016/429 għad-dħul fl-Unjoni ta’ (3)[annimali akkwatiċi] (3)[prodotti li joriġinaw mill-annimali, minn annimali akkwatiċi għajr l-annimali akkwatiċi ħajjin];]”

(b)

in-Noti huma sostitwiti b’dan li ġej:

“ Noti

F’konformità mal-Ftehim dwar il-Ħruġ tar-Renju Unit tal-Gran Brittanja u l-Irlanda ta’ fuq mill-Unjoni Ewropea u mill-Komunità Ewropea tal-Enerġija Atomika, u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, ir-referenzi għall-Unjoni Ewropea f’dan iċ-ċertifikat jinkludu lir-Renju Unit fir-rigward tal-Irlanda ta’ Fuq.

“Annimali akkwatiċi” huma annimali kif definit fil-punt (3) tal-Artikolu 4 tar-Regolament (UE) 2016/429 tal-Parlament Ewropew u tal-Kunsill. “Annimali tal-akkwakultura” huma annimali akkwatiċi soġġetti għall-akkwakultura kif definit fil-punt (7) tal-Artikolu 4 tar-Regolament (UE) 2016/429.

L-annimali akkwatiċi kollha u l-prodotti kollha li joriġinaw minn annimali akkwatiċi għajr l-annimali akkwatiċi ħajjin, li għalihom tapplika l-Parti II.2.4 ta’ dan iċ-ċertifikat, iridu joriġinaw minn pajjiż/territorju/żona/kompartiment li jidher/tidher fil-lista tal-pajjiżi terzi u t-territorji adottata mill-Kummissjoni f’konformità mal-Artikolu 230(1) tar-Regolament (UE) 2016/429.

Il-Parti II.2.4 taċ-ċertifikat ma tapplikax għall-krustaċji u għall-ħut li ġejjin, u għalhekk jistgħu joriġinaw minn pajjiż/territorju jew minn parti minnu, elenkati mill-Kummissjoni f’konformità mal-Artikolu 127(2) tar-Regolament (UE) 2017/625:

(a)	krustaċji ppakkjati u ttikkettati għall-konsum mill-bniedem f’konformità mar-rekwiżiti speċifiċi għal dawk l-annimali stabbiliti fir-Regolament (KE) Nru 853/2004 u li ma jibqgħux ħajjin jekk jitreġġgħu lura fl-ambjent akkwatiku,

(b)	krustaċji maħsuba għall-konsum mill-bniedem mingħajr ipproċessar ulterjuri, diment li jkunu ppakkjati għall-bejgħ bl-imnut f’konformità mar-rekwiżiti għal dawk l-imballaġġi kif stabbilit fir-Regolament (KE) Nru 853/2004,

(c)	krustaċji ppakkjati u ttikkettati għall-konsum mill-bniedem f’konformità mar-rekwiżiti speċifiċi għal dawk l-annimali kif stabbilit fir-Regolament (KE) Nru 853/2004 u maħsuba għall-ipproċessar ulterjuri mingħajr ħżin temporanju fil-post tal-ipproċessar,

(d)	ħut li nqatel u ġie evixxerat qabel id-dispaċċ.

Dan iċ-ċertifikat japplika għall-prodotti li joriġinaw mill-annimali u għall-annimali akkwatiċi ħajjin, inkluż dawk destinati għal stabbiliment tal-kontroll tal-mard tal-ikel akkwatiku kif definit fil-punt 52 tal-Artikolu 4 tar-Regolament (UE) 2016/429 li huma maħsuba għall-konsum mill-bniedem f’konformità mal-Anness III, it-Taqsima VII tar-Regolament (KE) Nru 853/2004.

Dan iċ-ċertifikat uffiċjali/tas-saħħa tal-annimali għandu jimtela skont in-noti għall-mili taċ-ċertifikati previsti fil-Kapitolu 4 tal-Anness I tar-Regolament ta’ Implimentazzjoni (UE) 2020/2235.

Parti I:

Kaxxa bir-referenza I.20:

Immarka “Industrija tal-ikel ippreservat fil-laned” għall-ħut sħiħ inizjalment iffriżat fis-salmura f’temperatura ta’ – 9 °C jew f’temperatura ogħla minn – 18 °C u maħsub biex ikun ippreservat fil-laned f’konformità mar-rekwiżiti tat-Taqsima VIII, il-Kapitolu I, il-punt II(7) tal-Anness III tar-Regolament (KE) Nru 853/2004. Immarka “Prodotti għall-konsum mill-bniedem” jew “Ipproċessar ulterjuri” għall-każijiet l-oħra.

Kaxxa bir-referenza I.27:

Niżżel il-kodiċi(jiet) xierqa tas-Sistema Armonizzata (SA) bl-użu ta’ intestaturi bħal: 0301 , 0302 , 0303 , 0304 , 0305 , 0306 , 0307 , 0308 , 0511 , 1504 , 1516 , 1518 , 1603 , 1604 , 1605 jew 2106 .

Kaxxa bir-referenza I.27:

Deskrizzjoni tal-kunsinna:

“Natura tal-komodità”: Speċifika jekk joriġinax mill-akkwakultura jew mill-ambjent naturali.

“Tip ta’ trattament”: Speċifika jekk hux ħaj, imkessaħ, iffriżat jew ipproċessat.

“Impjant tal-manifattura”: jinkludi bastiment fabbrika, bastiment friża, bastimenti reefer, maħżen imkessaħ u impjant tal-ipproċessar.

Parti II:

(1)

Il-Parti II.1 ta’ dan iċ-ċertifikat ma tapplikax għall-pajjiżi b’rekwiżiti taċ-ċertifikazzjoni tas-saħħa pubblika speċifiċi stipulati fi ftehimiet ta’ ekwivalenza jew f’leġiżlazzjoni oħra tal-UE.

(2)

Il-Parti II.2 ta’ dan iċ-ċertifikat ma tapplikax u jenħtieġ li titħassar meta l-kunsinna tkun tikkonsisti minn: (a) speċijiet għajr dawk elenkati fl-Anness tar-Regolament ta’ Implimentazzjoni tal-Kummissjoni (UE) 2018/1882 (*1); jew (b) annimali akkwatiċi salvaġġi u prodotti li joriġinaw mill-annimali minn fost dawk l-annimali akkwatiċi li jinħattu l-art minn bastimenti tas-sajd għall-konsum mill-bniedem; jew (c) prodotti li joriġinaw mill-annimali, minn annimali għajr l-annimali akkwatiċi ħajjin li jidħlu fl-Unjoni lesti għall-konsum dirett mill-bniedem.

(3)

L-ispeċijiet elenkati fil-kolonni 3 u 4 tat-tabella tal-Anness tar-Regolament ta’ Implimentazzjoni (UE) 2018/1882. L-ispeċijiet elenkati fil-kolonna 4 għandhom jitqiesu biss bħala vetturi skont il-kundizzjonijiet stabbiliti fl-Artikolu 171 tar-Regolament Delegat (UE) 2020/692.

(4)

Żomm kif xieraq/ħassar jekk mhux applikabbli.

(5)

Il-kodiċi tal-pajjiż terz/territorju/żona/kompartiment kif jidher fil-lista tal-pajjiżi terzi u t-territorji adottata mill-Kummissjoni f’konformità mal-Artikolu 230(1) tar-Regolament (UE) 2016/429.

(6)

Il-Partijiet II.2.3.1, II.2.3.2 u l-Parti II.2.4 ta’ dan iċ-ċertifikat ma japplikawx u jenħtieġ li jitħassru jekk il-kunsinna jkun fiha biss il-krustaċji jew il-ħut li ġejjin:

(a)	krustaċji ppakkjati u ttikkettati għall-konsum mill-bniedem f’konformità mar-rekwiżiti speċifiċi għal dawk l-annimali stabbiliti fir-Regolament (KE) Nru 853/2004 u li ma jibqgħux ħajjin jekk jitreġġgħu lura fl-ambjent akkwatiku,

(b)	krustaċji maħsuba għall-konsum mill-bniedem mingħajr ipproċessar ulterjuri, diment li jkunu ppakkjati għall-bejgħ bl-imnut f’konformità mar-rekwiżiti għal dawk l-imballaġġi kif stabbilit fir-Regolament (KE) Nru 853/2004,

(c)	krustaċji ppakkjati u ttikkettati għall-konsum mill-bniedem f’konformità mar-rekwiżiti speċifiċi għal dawk l-annimali kif stabbilit fir-Regolament (KE) Nru 853/2004 u maħsuba għall-ipproċessar ulterjuri mingħajr ħżin temporanju fil-post tal-ipproċessar,

(d)	ħut li nqatel u ġie evixxerat qabel id-dispaċċ.

(7)

Applikabbli meta l-Istat Membru tad-destinazzjoni fl-Unjoni jkollu status ta’ ħieles mill-mard għal marda tal-kategorija C kif definit fil-punt (3) tal-Artikolu 1 tar-Regolament ta’ Implimentazzjoni (UE) 2018/1882, jew ikun soġġett għal programm fakultattiv tal-eradikazzjoni stabbilit f’konformità mal-Artikolu 31(2) tar-Regolament (UE) 2016/429, inkella ħassar.

(8)

Applikabbli meta l-Istat Membru tad-destinazzjoni fl-Unjoni jkun approva miżuri nazzjonali għal marda speċifika fis-seħħ, li jkunu ġew approvati mill-Kummissjoni f’konformità mal-Artikolu 226 tar-Regolament (UE) 2016/429, inkella ħassar.

(9)

L-ispeċijiet elenkati fil-kolonna 2 fit-tabella tal-Anness XXIX tar-Regolament Delegat (UE) 2020/692 dwar mard li għalih l-Istati Membri jkollhom miżuri nazzjonali kif previsti fl-Artikolu 226 tar-Regolament (UE) 2016/429.

(10)

għall-iffirmar minn:

—	veterinarju uffiċjali meta l-Parti II.2 Attestazzjoni tas-saħħa tal-annimali ma titħassarx

—	uffiċjal taċ-ċertifikazzjoni jew veterinarju uffiċjali meta titħassar il-parti II.2 Attestazzjoni tas-saħħa tal-annimali.

(*1) Ir-Regolament ta’ Implimentazzjoni tal-Kummissjoni (UE) 2018/1882 tat-3 ta’ Diċembru 2018 dwar l-applikazzjoni ta’ ċerti regoli għall-prevenzjoni u l-kontroll tal-mard għal kategoriji ta’ mard elenkat u li jistabbilixxi lista ta’ speċijiet u gruppi ta’ speċijiet li jippreżentaw riskju konsiderevoli għat-tixrid ta’ dak il-mard elenkat (ĠU L 308, 4.12.2018, p. 21).”;"

Fil-Kapitolu 31, il-mudell taċ-ċertifikat tas-saħħa tal-annimali/uffiċjali għad-dħul fl-Unjoni tal-molluski bivalvi ħajjin, l-ekinodermi, it-tunikati, il-gastropodi marini u l-prodotti li joriġinaw mill-annimali, minn fost dawk l-annimali maħsuba għall-konsum mill-bniedem (MODEL MOL-HC), in-Noti huma sostitwiti b’dan li ġej:

“ Noti

Il-Parti II.2.4 taċ-ċertifikat ma tapplikax għall-annimali akkwatiċi li ġejjin, u għalhekk jistgħu joriġinaw minn pajjiż jew reġjun tiegħu, li hu elenkat mill-Kummissjoni f’konformità mal-Artikolu 127(2) tar-Regolament (UE) 2017/625:

(a)	molluski ppakkjati u ttikkettati għall-konsum mill-bniedem f’konformità mar-rekwiżiti speċifiċi għal dawk l-annimali kif stabbilit fir-Regolament (KE) Nru 853/2004 u li ma jibqgħux ħajjin jekk jitreġġgħu lura fl-ambjent akkwatiku;

(b)	molluski maħsuba għall-konsum mill-bniedem mingħajr ipproċessar ulterjuri, diment li jkunu ppakkjati għall-bejgħ bl-imnut f’konformità mar-rekwiżiti għal dawk l-imballaġġi kif stabbilit fir-Regolament (KE) Nru 853/2004;

(c)	molluski ppakkjati u ttikkettati għall-konsum mill-bniedem f’konformità mar-rekwiżiti speċifiċi għal dawk l-annimali kif stabbilit fir-Regolament (KE) Nru 853/2004 u maħsuba għall-ipproċessar ulterjuri mingħajr ħżin temporanju fil-post tal-ipproċessar.

Dan iċ-ċertifikat tas-saħħa tal-annimali/uffiċjali għandu jimtela skont in-noti għall-mili taċ-ċertifikati previsti fil-Kapitolu 4 tal-Anness I tar-Regolament ta’ Implimentazzjoni (UE) 2020/2235.

Parti I:

Kaxxa bir-referenza I.8:

Reġjun ta’ oriġini: indika ż-żona tal-produzzjoni u l-klassifikazzjoni tagħha fil-mument tal-ħsad.

Parti II:

(1)

Il-Parti II.1 ma tapplikax għall-pajjiżi b’rekwiżiti taċ-ċertifikazzjoni tas-saħħa pubblika speċifiċi stipulati fi ftehimiet ta’ ekwivalenza jew f’leġiżlazzjoni oħra tal-UE.

(2)

Il-Parti II.2 ma tapplikax u jenħtieġ li titħassar meta l-kunsinna tkun tikkonsisti minn: (a) speċijiet għajr dawk elenkati fl-Anness tar-Regolament ta’ Implimentazzjoni tal-Kummissjoni (UE) 2018/1882 (*2); jew (b) annimali akkwatiċi salvaġġi u prodotti li joriġinaw mill-annimali minn fost dawk l-annimali akkwatiċi salvaġġi li jinħattu l-art minn bastimenti tas-sajd għall-konsum mill-bniedem; jew (c) prodotti li joriġinaw mill-annimali, minn annimali akkwatiċi oħra għajr l-annimali akkwatiċi ħajjin li jidħlu fl-Unjoni lesti għall-konsum dirett mill-bniedem.

(3)

(4)

Żomm kif xieraq/ħassar jekk mhux applikabbli.

(5)

(6)

Il-Partijiet II.2.3.1, II.2.3.2 u II.2.4 ma japplikawx u jenħtieġ li jitħassru jekk il-kunsinna jkun fiha biss l-annimali akkwatiċi li ġejjin:

(a)	molluski ppakkjati u ttikkettati għall-konsum mill-bniedem f’konformità mar-rekwiżiti speċifiċi għal dawk l-annimali stabbiliti fir-Regolament (KE) Nru 853/2004 u li ma jibqgħux ħajjin jekk jitreġġgħu lura fl-ambjent akkwatiku,

(b)	molluski maħsuba għall-konsum mill-bniedem mingħajr ipproċessar ulterjuri, diment li jkunu ppakkjati għall-bejgħ bl-imnut f’konformità mar-rekwiżiti għal dawk l-imballaġġi kif stabbilit fir-Regolament (KE) Nru 853/2004,

(c)	molluski ppakkjati u ttikkettati għall-konsum mill-bniedem f’konformità mar-rekwiżiti speċifiċi għal dawk l-annimali kif stabbilit fir-Regolament (KE) Nru 853/2004 u maħsuba għall-ipproċessar ulterjuri mingħajr ħżin temporanju fil-post tal-ipproċessar.

(7)

Applikabbli biss meta l-Istat Membru/iż-żona/il-kompartiment tad-destinazzjoni fl-Unjoni jkollhom status ta’ ħielsa mill-mard għal marda tal-kategorija C kif definit fil-punt (3) tal-Artikolu 1 tar-Regolament ta’ Implimentazzjoni (UE) 2018/1882, jew ikunu soġġetti għal programm fakultattiv tal-eradikazzjoni stabbilit f’konformità mal-Artikolu 31(2) tar-Regolament (UE) 2016/429, inkella ħassar.

(8)

(9)

(10)

għall-iffirmar minn:

—	veterinarju uffiċjali meta l-Parti II.2 Attestazzjoni tas-saħħa tal-annimali ma titħassarx

—	uffiċjal taċ-ċertifikazzjoni jew veterinarju uffiċjali meta titħassar il-parti II.2 Attestazzjoni tas-saħħa tal-annimali.

(*2) Ir-Regolament ta’ Implimentazzjoni tal-Kummissjoni (UE) 2018/1882 tat-3 ta’ Diċembru 2018 dwar l-applikazzjoni ta’ ċerti regoli għall-prevenzjoni u l-kontroll tal-mard għal kategoriji ta’ mard elenkat u li jistabbilixxi lista ta’ speċijiet u gruppi ta’ speċijiet li jippreżentaw riskju konsiderevoli għat-tixrid ta’ dak il-mard elenkat (ĠU L 308, 4.12.2018, p. 21).”;"

Artikolu 2

Ir-Regolament ta’ Implimentazzjoni (UE) 2020/2236 huwa emendat kif ġej:

L-Artikolu 7 huwa sostitwit b’dan li ġej:

“Artikolu 7

Mudell taċ-ċertifikat tas-saħħa tal-annimali għad-dħul fl-Unjoni ta’ annimali akkwatiċi maħsuba għall-istabbilimenti tal-akkwakultura, għar-rilaxx fl-ambjent naturali, jew għal skopijiet oħrajn ħlief il-konsum dirett mill-bniedem

Iċ-ċertifikat tas-saħħa tal-annimali msemmi fl-Artikolu 1(2)(b) li jrid jintuża għad-dħul fl-Unjoni ta’ konsenji ta’ annimali akkwatiċi maħsuba għall-istabbilimenti tal-akkwakultura, għar-rilaxx fl-ambjent naturali, jew għal skopijiet oħra għajr il-konsum dirett mill-bniedem għandu jikkorrispondi għall-mudell AQUA-ENTRY-ESTAB/RELEASE/OTHER imfassal f’konformità mal-mudell stabbilit fl-Anness II.”;

2.	L-Anness II huwa sostitwit bit-test stabbilit fl-Anness ta’ dan ir-Regolament.

Artikolu 3

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-21 ta’ April 2021.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-14 ta’ April 2021.

Għall-Kummissjoni

Il-President

Ursula VON DER LEYEN

(1) ĠU L 139, 30.4.2004, p. 55.

(2) ĠU L 84, 31.3.2016, p. 1.

(3) Ir-Regolament ta’ Implimentazzjoni tal-Kummissjoni (UE) 2020/2235 tas-16 ta’ Diċembru 2020 li jistabbilixxi regoli għall-applikazzjoni tar-Regolamenti (UE) 2016/429 u (UE) 2017/625 tal-Parlament Ewropew u tal-Kunsill fir-rigward ta’ mudelli taċ-ċertifikati tas-saħħa tal-annimali, mudelli taċ-ċertifikati uffiċjali u mudelli taċ-ċertifikati tas-saħħa tal-annimali/uffiċjali, għad-dħul fl-Unjoni u l-movimenti fl-Unjoni ta’ kunsinni ta’ ċerti kategoriji ta’ annimali u oġġetti, ċertifikazzjoni uffiċjali dwar dawn iċ-ċertifikati u li jħassar ir-Regolament (KE) Nru 599/2004, ir-Regolamenti ta’ Implimentazzjoni (UE) Nru 636/2014 u (UE) 2019/628, id-Direttiva 98/68/KE u d-Deċiżjonijiet 2000/572/KE, 2003/779/KE u 2007/240/KE (ĠU L 442, 30.12.2020, p. 1).

(4) Ir-Regolament ta’ Implimentazzjoni tal-Kummissjoni (UE) 2020/2236 tas-16 ta’ Diċembru 2020 li jistabbilixxi r-regoli għall-applikazzjoni tar-Regolamenti (UE) 2016/429 u (UE) 2017/625 tal-Parlament Ewropew u tal-Kunsill fir-rigward tal-mudelli taċ-ċertifikati tas-saħħa tal-annimali għad-dħul fl-Unjoni u għall-movimenti fl-Unjoni ta’ konsenji ta’ annimali akkwatiċi u ta’ ċerti prodotti li ġejjin mill-annimali akkwatiċi, taċ-ċertifikazzjoni uffiċjali rigward tali ċertifikati u li jħassar ir-Regolament (KE) Nru 1251/2008 (ĠU L 442, 30.12.2020, p. 410).

(5) Ir-Regolament (UE) 2017/625 tal-Parlament Ewropew u tal-Kunsill tal-15 ta’ Marzu 2017 dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta' regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti, li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal-Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir-Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (Regolament dwar il-Kontrolli Uffiċjali) (ĠU L 95, 7.4.2017, p. 1).

ANNESS

“ANNESS II

L-Anness II fih il-mudell taċ-ċertifikat tas-saħħa tal-annimali li ġej:

Mudell

AQUA-ENTRY-ESTAB/RELEASE/OTHER

Mudell taċ-ċertifikat tas-saħħa tal-annimali għad-dħul fl-Unjoni tal-annimali akkwatiċi maħsuba għal ċerti stabbilimenti tal-akkwakultura, għar-rilaxx fl-ambjent naturali, jew għal skopijiet oħra, għajr il-konsum dirett mill-bniedem

MUDELL TAĊ-ĊERTIFIKAT TAS-SAĦĦA TAL-ANNIMALI GĦAD-DĦUL FL-UNJONI TA’ ANNIMALI AKKWATIĊI MAĦSUBA GĦAL ĊERTI STABBILIMENTI TAL-AKKWAKULTURA, GĦAR-RILAXX FL-AMBJENT NATURALI, JEW GĦAL SKOPIJIET OĦRA, GĦAJR IL-KONSUM MILL-BNIEDEM (MUDELL “AQUA-ENTRY-ESTAB/RELEASE/OTHER”)

PAJJIŻ

Mudell taċ-ċertifikat AQUA-ENTRY-ESTAB/RELEASE/OTHER

Parti II: Ċertifikazzjoni

II. Informazzjoni dwar is-Saħħa

II.a

Referenza taċ-ċertifikat

II.b

Referenza IMSOC

Jien, il-veterinarju uffiċjali hawn taħt iffirmat, niċċertifika li:

II.1.

Skont l-informazzjoni uffiċjali, l-annimali akkwatiċi msemmija fil-Kaxxa I.27 tal-Parti I jissodisfaw ir-rekwiżiti tas-saħħa tal-annimali li ġejjin:

II.1.1.

L-annimali akkwatiċi ġejjin minn (1)[stabbiliment] (1)[ħabitat] li mhux soġġett għal miżuri nazzjonali ta’ restrizzjoni għal raġunijiet ta’ saħħa tal-annimali jew minħabba l-okkorrenza ta’ mortalità anormali b’kawża indeterminata, inkluż il-mard rilevanti elenkat imsemmi fl-Anness I tar-Regolament Delegat tal-Kummissjoni (UE) 2020/692 u l-mard emerġenti.

II.1.2.

L-annimali akkwatiċi mhumiex maħsuba biex jinqatlu skont programm nazzjonali għall-eradikazzjoni tal-mard, inkluż il-mard rilevanti elenkat imsemmi fl-Anness I tar-Regolament Delegat tal-Kummissjoni (UE) 2020/692 u l-mard emerġenti.

(1)[II.2.

L-annimali tal-akkwakultura msemmija fil-Kaxxa I.27 tal-Parti I jissodisfaw ir-rekwiżiti li ġejjin:

II.2.1.

Jiġu minn stabbiliment tal-akkwakultura li hu (1)[rreġistrat] (1)[approvat] minn, u fil-kontroll tal-awtorità kompetenti tal-pajjiż terz jew tat-territorju tal-oriġni u għandu sistema fis-seħħ għall-manutenzjoni u għaż-żamma, għal perjodu minimu ta’ tliet snin, ta’ rekords aġġornati li jkun fihom informazzjoni dwar:

(i)	l-ispeċijiet, il-kategoriji, u l-għadd ta’ annimali tal-akkwakultura fl-istabbiliment tal-akkwakultura;

(ii)	il-movimenti tal-annimali akkwatiċi fl-istabbiliment tal-akkwakultura, u tal-annimali tal-akkwakultura barra minnu;

(iii)

il-mortalità fl-istabbiliment tal-akkwakultura.

II.2.2.

Ġejjin minn stabbiliment tal-akkwakultura li jirċievi żjarat regolari fir-rigward tas-saħħa tal-annimali minn veterinarju għall-iskop tad-detezzjoni ta’ sinjali indikattivi tal-mard elenkat rilevanti msemmi fl-Anness I tar-Regolament Delegat tal-Kummissjoni (UE) 2020/692 u ta’ mard emerġenti u informazzjoni dwarhom, bi frekwenza proporzjonata għar-riskju maħluq mill-istabbiliment tal-akkwakultura.]

II.3.

Rekwiżiti ġenerali dwar is-saħħa

L-annimali akkwatiċi msemmija fil-Kaxxa I.27 tal-Parti I jissodisfaw ir-rekwiżiti tas-saħħa tal-annimali li ġejjin:

II.3.1.

L-annimali akkwatiċi ġejjin minn (1)[pajjiż] (1)[territorju], (1)[żona] (1)[kompartiment] (2)bil-kodiċi: __ __ - __ li, fid-data tal-ħruġ ta’ dan iċ-ċertifikat, jinsab/tinsab fil-lista tal-pajjiżi terzi u t-territorji adottata mill-Kummissjoni f’konformità mal-Artikolu 230(1) tar-Regolament (UE) 2016/429 għad-dħul fl-Unjoni ta’ ċerti speċijiet ta’ annimali akkwatiċi.

II.3.2.

Għaddew minn spezzjoni klinika minn veterinarju uffiċjali fi żmien perjodu ta’ 72 siegħa qabel il-ħin tat-tagħbija. Waqt l-ispezzjoni, l-annimali akkwatiċi ma wrew l-ebda sintomu kliniku ta’ mard trażmissibbli u, skont ir-rekords rilevanti tal-istabbiliment tal-akkwakultura, ma kien hemm l-ebda indikazzjoni ta’ problemi ta’ mard.

II.3.3.

Se jintbagħtu direttament mill-istabbiliment tal-oriġini lejn l-Unjoni.

II.3.4.

Ma kinux f’kuntatt ma’ annimali akkwatiċi bi status ta’ saħħa inferjuri.

(1) [II.4.

Rekwiżiti speċifiċi dwar is-saħħa

II.4.1.

Rekwiżiti għall-(3)ispeċijiet elenkati għan-Nekrożi ematopojetika epiżootika, għall-Infezzjoni bil-Mikrocytos mackini, għall-Infezzjoni bil-Perkinsus marinus, għall-Infezzjoni bil-virus tas-sindromu ta’ Taura u għall-Infezzjoni bil-virus tar-ras safra

L-annimali akkwatiċi msemmija fil-Kaxxa I.27 tal-Parti I ġejjin minn (1)[pajjiż] (1)[territorju] (1)[żona] (1)[kompartiment] li jkun ġie ddikjarat ħieles minn (1)[Nekrożi ematopojetika epiżootika] (1)[Infezzjoni bil-Mikrocytos mackini] (1)[Infezzjoni bil-Perkinsus marinus] (1)[Infezzjoni bil-virus tas-sindromu ta’ Taura] (1)[Infezzjoni bil-virus tar-ras safra] f’konformità mal-kundizzjonijiet li huma stretti mill-inqas daqs dawk stabbiliti fl-Artikolu 66 jew fl-Artikolu 73(1) u l-Artikolu 73(2)(a) tar-Regolament Delegat tal-Kummissjoni (UE) 2020/689 u fejn (3)l-ispeċijiet elenkati kollha għall-mard rilevanti:

(i)	huma introdotti minn (1)[pajjiż] (1)[territorju] (1)[żona] (1)[kompartiment] oħra li ġew dikjarati ħielsa mill-istess mard;

(ii)	mhumiex imlaqqma kontra (1)[dik] il-marda/(1)[dak] il-mard

(1)(4) [II.4.2.

Rekwiżiti għall-(3)ispeċijiet elenkati għas-Settiċemija emorraġika virali (VHS), għan-Nekrożi ematopojetika infettiva (IHN), għall-infezzjoni bil-virus tal-anemija infettiva tas-salamun (ISAV) b’delezzjoni f’reġjun polimorfiku ħafna (ISAV), għall-infezzjoni bil-Marteilia refringens, għall-infezzjoni bil-Bonamia exitiosa, għall-infezzjoni bil-Bonamia ostreae u għall-infezzjoni bil-virus tas-sindromu tal-ponot bojod

L-annimali akkwatiċi msemmija fil-Kaxxa I.27 tal-Parti I ġejjin minn (1)[pajjiż] (1)[territorju] (1)[żona] (1)[kompartiment] li ġie ddikjarat ħieles minn (1)[Settiċemija emorraġika virali (VHS)] (1)[Nekrożi ematopojetika infettiva (IHN)] (1)[infezzjoni bil-virus tal-anemija infettiva tas-salamun (ISAV) b’delezzjoni f’reġjun polimorfiku ħafna (ISAV)] (1)[infezzjoni bil-Marteilia refringens] (1)[infezzjoni bil-Bonamia exitiosa] (1)[infezzjoni bil-Bonamia ostreae] (1)[infezzjoni bil-virus tas-sindromu tal-ponot bojod] f’konformità mal-Kapitolu 4 tal-Parti II tar-Regolament Delegat tal-Kummissjoni (UE) 2020/689 u fejn (3) l-ispeċijiet elenkati kollha għall-mard rilevanti:

(i)	huma introdotti minn (1)[pajjiż] (1)[territorju] (1)[żona] (1)[kompartiment] oħra li ġew dikjarati ħielsa mill-istess mard;

(ii)	mhumiex imlaqqma kontra (1)[dik] il-marda/(1)[dak] il-mard

(1)(5) [II.4.3.

Rekwiżiti għal (6) speċijiet suxxettibbli għall-infezzjoni bil-Virus tal-viremija tar-rebbiegħa tal-karpjun (SVC), għall-Marda batterika tal-kliewi (BKD), għall-infezzjoni bil-Virus tan-nekrożi pankreatika infettiva (IPN), għall-infezzjoni bil-Gyrodactylus salaris (GS), għall-infezzjoni bl-alfavirus tas-salmonidi (SAV) u għall-infezzjoni bil-virus tal-erpete tal-gajdri 1 μνar (OsHV-1 μνar) u għal (3) speċijiet suxxettibbli għall-marda tal-virus tal-erpete tal-koi

L-annimali akkwatiċi msemmija fil-Kaxxa I.27 tal-Parti I ġejjin minn (1)[pajjiż] (1)[territorju] (1)[żona] (1)[kompartiment] li jissodisfaw il-garanziji tas-saħħa rigward (1)[SVC], (1)[BKD], (1)[IPN], (1)[G.salaris], (1)[SAV], (1)[OsHV-1 μνar], (1)[KHV], li huma meħtieġa għall-konformità mal-miżuri nazzjonali li japplikaw fl-Istat Membru tad-destinazzjoni, kif stipulat fl-atti ta’ implimentazzjoni adottati mill-Kummissjoni f’konformità mal-Artikolu 226(3) tar-Regolament (UE) 2016/429.]

(1)jew [II.4.

Rekwiżiti speċifiċi dwar is-saħħa

L-annimali akkwatiċi msemmija fil-Kaxxa I.27 tal-Parti I huma annimali akkwatiċi maħsuba għal stabbiliment konfinat li jissodisfa r-rekwiżiti tal-Artikolu 9 tar-Regolament Delegat tal-Kummissjoni (UE) 2020/691, u jridu jintużaw għal skopijiet ta’ riċerka.]

(1) jew [II.4.

Rekwiżiti speċifiċi dwar is-saħħa

L-annimali akkwatiċi msemmija fil-Kaxxa I.27 tal-Parti I huma annimali akkwatiċi selvaġġi li (1)[ġew soġġetti għal kwarantina fi stabbiliment approvat għal dak l-iskop mill-awtorità kompetenti (1)[tal-pajjiż] (1)[tat-territorju] tal-oriġini f’konformità mal-Artikolu 15 tar-Regolament Delegat tal-Kummissjoni (UE) 2020/691.] (1)[se jkunu soġġetti għal kwarantina fi stabbiliment approvat għal dak l-iskop f’konformità mal-Artikolu 15 tar-Regolament Delegat tal-Kummissjoni (UE) 2020/691.]

II.5.

Sa fejn naf jien, u kif iddikjarat mill-operatur, l-annimali fil-konsenja ma juru l-ebda sintomu ta’ mard u ġejjin minn (1)[stabbiliment] (1)[ħabitat] fejn:

(i)	ma kien hemm l-ebda mortalità anormali b’kawża indeterminata; u

(ii)	l-annimali akkwatiċi ma kinux f’kuntatt ma’ annimali miżmuma ta’ (3)speċi elenkata li ma kkonformatx mar-rekwiżiti msemmija fil-punt II.1.

II.6.

Rekwiżiti tat-trasport

Saru arranġamenti biex l-annimali akkwatiċi msemmija fil-Kaxxa I.27 tal-Parti I jinġarru f’konformità mar-rekwiżiti stabbiliti fl-Artikoli 167 u 168 tar-Regolament Delegat tal-Kummissjoni (UE) 2020/692 u b’mod speċifiku li:

II.6.1.

l-annimali akkwatiċi jintbagħtu direttament mill-istabbiliment tal-oriġini lejn l-Unjoni u ma jinħattux mill-kontenitur tagħhom meta jinġarru bl-ajru, bil-baħar, bil-ferrovija jew bit-triq;

II.6.2.

l-ilma li jinġarru fih ma jinbidilx f’pajjiż terz jew f’territorju, f’żona jew f’kompartiment li mhumiex elenkati għad-dħul tal-ispeċi u tal-kategorija partikolari ta’ annimali akkwatiċi fl-Unjoni;

II.6.3.

l-annimali ma jinġarrux f’kundizzjonijiet li jipperikolaw l-istatus tas-saħħa tagħhom, b’mod partikolari:

(i)	meta l-annimali jinġarru fl-ilma, dan l-ilma ma jbiddilx l-istatus tas-saħħa tagħhom;

(ii)	il-mezz tat-trasport u l-kontenituri jridu jkunu nbnew b’mod li l-istatus tas-saħħa tal-annimali akkwatiċi ma jiġix ipperikolat waqt il-ġarr;

(iii)

(1)[il-kontenitur] (1)[id-dgħajsa barrada] ma jkunux intużaw qabel jew ikunu tnaddfu u ġew diżinfettati, f’konformità mal-protokoll u bi prodotti approvati mill-awtorità kompetenti (1)[tal-pajjiż terz] (1)[tat-territorju] tal-oriġini, qabel it-tagħbija għad-dispaċċ lejn l-Unjoni;

II.6.4.

mill-ħin tat-tagħbija fl-istabbiliment tal-oriġini sal-ħin tal-wasla fl-Unjoni, l-annimali fil-konsenja ma jkunux inġarru fl-istess ilma jew l-istess (1)[kontenitur] (1)[dgħajsa barrada] flimkien ma’ annimali akkwatiċi bi status tas-saħħa inferjuri jew li ma kinux maħsuba għad-dħul fl-Unjoni;

II.6.5.

meta jkun meħtieġ li l-ilma jinbidel (1)[f’pajjiż terz] (1)[f’territorju] (1)[f’żona] (1)[f’kompartiment] elenkati għad-dħul tal-ispeċi u tal-kategorija partikolari ta’ annimali akkwatiċi fl-Unjoni, dan isir biss (1)[fil-każ ta’ trasport bit-triq, fil-punti għall-iskambju tal-ilma approvati mill-awtorità kompetenti (1) [tal-pajjiż terz] (1) [tat-territorju] fejn iseħħ l-iskambju tal-ilma.] (1)[fil-każ ta’ trasport b’dgħajsa barrada, f’distanza li hija mill-inqas 10 km ’il bogħod minn kwalunkwe stabbiliment tal-akkwakultura li jinsab tul ir-rotta mill-post tal-oriġini sal-post tad-destinazzjoni fl-Unjoni.]

II.7.

Rekwiżiti tat-tikkettar

Saru arranġamenti biex jiġu identifikati u ttikkettati (1)[il-mezz tat-trasport] (1)[il-kontenituri] f’konformità mal-Artikoli 169(1) u 169(2) tar-Regolament Delegat tal-Kummissjoni (UE) 2020/692 u b’mod speċifiku li:

II.7.1.

il-konsenja hija identifikata (1)[b’tikketta leġibbli u viżibbli fuq in-naħa ta’ barra tal-kontenitur] (1)[entrata fil-manifest tal-bastiment meta l-konsenja tinġarr b’dgħajsa barrada,] li torbot b’mod ċar il-konsenja ma’ dan iċ-ċertifikat tas-saħħa tal-annimali;

II.7.2.

it-tikketta leġibbli u viżibbli għandu jkollha mill-inqas l-informazzjoni li ġejja:

(a)	l-għadd ta’ kontenituri fil-konsenja;

(b)	l-isem tal-ispeċi preżenti f’kull kontenitur;

(c)	l-għadd ta’ annimali f’kull kontenitur għal kull waħda mill-ispeċijiet preżenti;

(d)	l-iskop li għalih l-annimali huma maħsuba.

II.8.

Validità taċ-ċertifikat tas-saħħa tal-annimali

Dan iċ-ċertifikat tas-saħħa tal-annimali hu validu għal perjodu ta’ għaxart ijiem mid-data tal-ħruġ. Fil-każ ta’ trasport tal-annimali akkwatiċi bil-passaġġi fuq l-ilma/bil-baħar, dan il-perjodu ta’ għaxart ijiem jista’ jiġi estiż bid-durata tal-vjaġġ fuq il-passaġġi fuq l-ilma/fuq il-baħar.

Noti

“Annimali akkwatiċi” huma annimali kif definit fil-punt (3) tal-Artikolu 4 tar-Regolament (UE) 2016/429. “Annimali tal-akkwakultura” huma annimali akkwatiċi soġġetti għall-akkwakultura kif definit fil-punt (7) tal-Artikolu 4 tar-Regolament (UE) 2016/429.

Dan il-mudell taċ-ċertifikat hu maħsub għad-dħul fl-Unjoni ta’ annimali akkwatiċi għall-iskopijiet indikati fit-titlu tiegħu, inkluż meta l-Unjoni ma tkunx id-destinazzjoni finali ta’ dawk l-annimali.

Dan il-mudell taċ-ċertifikat ma għandux jintuża għad-dħul fl-Unjoni ta’ annimali akkwatiċi maħsuba għall-konsum mill-bniedem f’konformità mar-Regolament (KE) Nru 853/2004 u r-Regolament tal-Kummissjoni (KE) Nru 2073/2005, inkluż dawk l-annimali maħsuba għall-istabbilimenti tal-akkwakultura li ġejjin:

(i)	stabbiliment għall-kontroll tal-mard tal-ikel akkwatiku kif definit fil-punt (52) tal-Artikolu 4 tar-Regolament (UE) 2016/429, jew

(ii)	ċentru tad-dispaċċ kif definit fil-punt (3) tal-Artikolu 2 tar-Regolament Delegat tal-Kummissjoni (UE) 2020/691,

li għalih għandu jintuża l-mudell taċ-ċertifikat FISH-CRUST-HC, kif stabbilit fil-Kapitolu 28 tal-Anness III tar-Regolament ta’ Implimentazzjoni tal-Kummissjoni (UE) 2020/2235, jew MOL-HC kif stabbilit fil-Kapitolu 31 tal-Anness III tal-istess Regolament, kif rilevanti.

Dan iċ-ċertifikat tas-saħħa tal-annimali għandu jimtela skont in-noti għall-mili taċ-ċertifikati previsti fil-Kapitolu 4 tal-Anness I tar-Regolament ta’ Implimentazzjoni tal-Kummissjoni (UE) 2020/2235.

Parti II:

(1)	Żomm kif xieraq/ħassar jekk mhux applikabbli.

(2)	Kodiċi tal-pajjiż terż/territorju/żona/kompartiment kif elenkat f’lista ta’ pajjiżi terzi u territorji adottata mill-Kummissjoni f’konformità mal-Artikolu 230(1) tar-Regolament (UE) 2016/429 għad-dħul fl-Unjoni ta’ ċerti speċijiet tal-annimali akkwatiċi.

(3)

Speċijiet elenkati kif imsemmi fil-kolonni 3 u 4 tat-tabella fl-Anness tar-Regolament ta’ Implimentazzjoni tal-Kummissjoni (UE) 2018/1882. L-ispeċijiet vetturi elenkati fil-kolonna 4 ta’ dik it-tabella għandhom jitqiesu bħala vetturi biss jekk ikunu jissodisfaw il-kundizzjonijiet stipulati fl-Anness XXX tar-Regolament Delegat tal-Kummissjoni (UE) 2020/692.

(4)

Applikabbli fil-każijiet kollha meta l-annimali akkwatiċi jridu jiġu rilaxxati fl-ambjent naturali fl-Unjoni jew meta l-Istat Membru tad-destinazzjoni jew ikollu status ta’ ħieles mill-mard għal marda tal-Kategorija C kif definit fil-punt (3) tal-Artikolu 1 tar-Regolament ta’ Implimentazzjoni tal-Kummissjoni (UE) 2018/1882 jew ikun soġġett għal programm fakultattiv tal-eradikazzjoni stabbilit f’konformità mal-Artikolu 31(2) tar-Regolament (UE) 2016/429.

(5)	Applikabbli biss meta l-Istat Membru tad-destinazzjoni jkun approva miżuri nazzjonali għal marda speċifika fis-seħħ, li jkunu ġew approvati mill-Kummissjoni f’konformità mal-Artikolu 226 tar-Regolament (UE) 2016/429.

(6)	Speċijiet elenkati fil-kolonna 2 tat-tabella fl-Anness XXIX tar-Regolament Delegat tal-Kummissjoni (UE) 2020/692.

Veterinarju uffiċjali

Isem (b’ittri kbar)

Data

Kwalifika u titolu

Timbru

Firma

”