|
29.1.2021 |
MT |
Il-Ġurnal Uffiċjali tal-Unjoni Ewropea |
L 31/208 |
IR-REGOLAMENT TA’ IMPLIMENTAZZJONI TAL-KUMMISSJONI (UE) 2021/97
tat-28 ta’ Jannar 2021
li jemenda u jikkoreġi r-Regolament (UE) 2015/640 fir-rigward tal-introduzzjoni ta’ rekwiżiti addizzjonali ġodda tal-ajrunavigabbiltà
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b’mod partikolari l-Artikolu 17(1)(h) tiegħu,
Billi:
|
(1) |
Skont l-Artikolu 76(3) tar-Regolament (UE) 2018/1139, l-Aġenzija tas-Sikurezza tal-Avjazzjoni tal-Unjoni Ewropea (l-“Aġenzija”) toħroġ speċifikazzjonijiet taċ-ċertifikazzjoni (“CS”) u taġġornahom regolarment sabiex tiżgura li s-CS jibqgħu adattati għall-iskop tagħhom. Madankollu, inġenju tal-ajru li d-disinn tiegħu jkun diġà ġie ċċertifikat mhuwiex meħtieġ jikkonforma mal-verżjoni aġġornata tas-CS meta jiġi prodott jew waqt li jkun fis-servizz. Għalhekk, sabiex jiġu appoġġati l-kontinwità tal-ajrunavigabbiltà u t-titjib fis-sikurezza, jenħtieġ li tiġi introdotta l-konformità ta’ inġenji tal-ajru bħal dawn mar-rekwiżiti addizzjonali tal-ajrunavigabbiltà li ma kinux inklużi fis-CS inizjali fiż-żmien taċ-ċertifikazzjoni tad-disinn. Ir-Regolament tal-Kummissjoni (UE) 2015/640 (2) jistabbilixxi rekwiżiti addizzjonali tal-ajrunavigabbiltà bħal dawn. |
|
(2) |
Fil-punt 26.60 tal-Anness I tar-Regolament (UE) 2015/640, ir-Regolament ta’ Implimentazzjoni tal-Kummissjoni (UE) 2019/133 (3) introduċa rekwiżiti addizzjonali tal-ajrunavigabbiltà għall-kundizzjonijiet dinamiċi tas-sits tal-ekwipaġġ tal-kabina u tal-passiġġieri ta’ ajruplani kbar li jkunu għadhom kemm ġew prodotti abbażi ta’ disinn li diġà ġie ċċertifikat mill-Aġenzija. L-ajruplani kbar li għalihom iċ-ċertifikat individwali tal-ajrunavigabbiltà jkun inħareġ għall-ewwel darba fit-18 ta’ Frar 2021 jew wara, iridu jikkonformaw mal-punt 26.60. Minħabba dewmien fil-produzzjoni tal-ajruplani kkawżat mill-pandemija tal-COVID-19, xi ajruplani, li kien ippjanat li jinħarġilhom ċertifikat tal-ajrunavigabbiltà qabel it-18 ta’ Frar 2021, se jinħarġilhom dak iċ-ċertifikat wara dik id-data. Għalhekk, sabiex jiġi evitat li jiġi impost piż addizzjonali fuq l-industrija minħabba l-ħtieġa li s-sits f’dawk l-ajruplani jiġu riklassifikati għall-kundizzjonijiet dinamiċi, l-ajruplani li l-produzzjoni tagħhom iddewmet minħabba l-pandemija tal-COVID-19 jenħtieġ li jiġu eżentati mill-konformità mal-punt 26.60. |
|
(3) |
Għal din ir-raġuni, id-data tal-ħruġ tal-ewwel ċertifikat individwali tal-ajrunavigabbiltà msemmija fil-punt 26.60 tal-Anness I tar-Regolament (UE) 2015/640, li bħalissa hija stabbilita għat-18 ta’ Frar 2021, jenħtieġ li tiġi allinjata mad-data tal-applikazzjoni tal-lista tal-mudelli tal-ajruplani li mhumiex soġġetti għal ċerti dispożizzjonijiet tal-Anness I tar-Regolament (UE) 2015/640 stabbilita fl-Appendiċi I tar-Regolament ta’ Implimentazzjoni tal-Kummissjoni (UE) 2020/1159 (4), jiġifieri s-26 ta’ Frar 2021. Meta wieħed iqis li d-differenza fil-ħin hija minima, ma se jkun hemm l-ebda impatt sinifikanti fuq is-sikurezza tal-avjazzjoni. Għalhekk, ir-Regolament (UE) 2015/640 jenħtieġ li jiġi emendat skont dan. |
|
(4) |
Ir-Regolament ta’ Implimentazzjoni (UE) 2020/1159 introduċa rekwiżiti ġodda dwar l-inġenji tal-ajru li qed jiqdiemu. B’mod partikolari, il-punt 26.334 tal-Anness I tar-Regolament (UE) 2015/640 jimplika li d-detenturi kollha ta’ ċertifikat tat-tip supplementari maħruġ qabel l-1 ta’ Settembru 2003 se jkollhom jiżviluppaw id-data tat-tolleranza għad-danni kemm jekk din id-data tkun tassew meħtieġa mill-operaturi kif ukoll jekk le. Sabiex jiġi żgurat piż proporzjonat fuq l-industrija, dejjem kien maħsub li din id-data jenħtieġ li tiġi żviluppata biss jekk tkun meħtieġa mill-operaturi u fuq talba tagħhom biss. Ir-Regolament (UE) 2015/640 għalhekk jenħtieġ li jiġi kkoreġut skont dan. |
|
(5) |
Il-miżuri previsti f’dan ir-Regolament jirreferu għall-emendi introdotti bir-Regolament ta’ Implimentazzjoni (UE) 2020/1159 li japplikaw mis-26 ta’ Frar 2021. Għalhekk, għal raġunijiet ta’ konsistenza, jenħtieġ li dan ir-Regolament ikun applikabbli mis-26 ta’ Frar ukoll. |
|
(6) |
Il-miżuri previsti f’dan ir-Regolament huma skont l-opinjoni tal-Kumitat stabbilit bl-Artikolu 127 tar-Regolament (UE) 2018/1139, |
ADOTTAT DAN IR-REGOLAMENT:
Artikolu 1
L-Anness I tar-Regolament (UE) 2015/640 huwa emendat skont l-Anness I ta’ dan ir-Regolament.
Artikolu 2
L-Anness I tar-Regolament (UE) 2015/640 huwa kkoreġut skont l-Anness II ta’ dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mis-26 ta’ Frar 2021, ħlief il-punt (1) tal-Anness I, li għandu japplika mis-16 ta’ Frar 2021.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Jannar 2021.
Għall-Kummissjoni
Il-President
Ursula VON DER LEYEN
(1) ĠU L 212, 22.8.2018, p. 1.
(2) Ir-Regolament tal-Kummissjoni (UE) 2015/640 tat-23 ta’ April 2015 dwar l-ispeċifikazzjonijiet addizzjonali tal-ajrunavigabbiltà għal tip partikolari ta’ operazzjonijiet u li jemenda r-Regolament (UE) Nru 965/2012 (ĠU L 106, 24.4.2015, p. 18).
(3) Ir-Regolament ta’ Implimentazzjoni tal-Kummissjoni (UE) 2019/133 tat-28 ta’ Jannar 2019 li jemenda r-Regolament (UE) 2015/640 fir-rigward tal-introduzzjoni tal-ispeċifikazzjonijiet addizzjonali tal-ajrunavigabbiltà (ĠU L 25, 29.1.2019, p. 14).
(4) Ir-Regolament ta’ Implimentazzjoni tal-Kummissjoni (UE) 2020/1159 tal-5 ta’ Awwissu 2020 li jemenda r-Regolamenti (UE) Nru 1321/2014 u (UE) 2015/640 fir-rigward tal-introduzzjoni ta’ rekwiżiti addizzjonali ġodda tal-ajrunavigabbiltà (ĠU L 257, 6.8.2020, p. 14).
ANNESS I
L-Anness I tar-Regolament (UE) 2015/640 huwa emendat kif ġej:
|
(1) |
il-punt 26.60 huwa sostitwit b’dan li ġej: “26.60 L-inżul ta’ emerġenza — kundizzjonijiet dinamiċi L-operaturi tal-ajruplani kbar użati fit-trasport kummerċjali bl-ajru tal-passiġġieri, bit-tip ċertifikat fl-1 ta’ Jannar 1958 jew wara, u li għalihom inħareġ iċ-ċertifikat individwali tal-ajrunavigabbiltà għall-ewwel darba fis-26 ta’ Frar 2021 jew wara, għandhom juru għal kull tip ta’ disinn ta’ sit approvat għall-okkupanza waqt it-taxiing, it-tlugħ jew l-inżul li l-okkupant huwa protett meta jkun espost għal tagħbijiet li jirriżultaw mill-kundizzjonijiet ta’ nżul. Dan il-wiri għandu jsir permezz ta’ wieħed minn dawn il-mezzi li ġejjin:
L-obbligu stabbilit fl-ewwel paragrafu ma għandux japplika għas-sits li ġejjin:
|
|
(2) |
L-Appendiċi 1 huwa sostitwit b’dan li ġej: “Appendiċi 1 Lista ta’ mudelli ta’ ajruplani li mhumiex soġġetti għal ċerti dispożizzjonijiet tal-Anness I (Parti-26) Tabella A.1
|
ANNESS II
Fil-punt 26.334 tal-Anness I, il-punti (a) u (b) huma sostitwiti b’dan li ġej:
|
“(a) |
Fuq talba ta’ operatur li huwa meħtieġ jikkonforma mal-punt 26.370(a)(ii), detentur ta’ approvazzjoni tal-bidla li nħarġet qabel l-1 ta’ Settembru 2003 għandu:
|
|
(b) |
Id-detentur ta’ approvazzjoni tal-bidla għandu jippreżenta d-data tat-tolleranza għad-danni li tirriżulta mill-evalwazzjoni mwettqa skont il-paragrafu (a)(i) lill-Aġenzija:
|