LINJA GWIDA (UE) 2021/827 TAL-BANK ĊENTRALI EWROPEW

tad-29 ta’ April 2021

li temenda l-Linja Gwida BĊE/2013/24 dwar ir-rekwiżiti ta’ rapportar tal-istatistika tal-Bank Ċentrali Ewropew fil-qasam tal-kontijiet finanzjarji trimestrali (BĊE/2021/20)

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b’mod partikolari l-Artikolu 5.1 u 5.2, u l-Artikoli 12.1 u 14.3 tiegħu,

Billi:

(1)	L-iżviluppi ekonomiċi u statistiċi f’dawn l-aħħar snin ħolqu l-ħtieġa ta’ reviżjoni u aġġornament tar-rekwiżiti ta’ rapportar għall-kontijiet finanzjarji trimestrali sabiex tiġi żgurata r-rilevanza kontinwa tagħhom għall-analiżijiet ekonomiċi.

(2)

Rendikont aktar dettaljat tas-settur tal-istituzzjonijiet finanzjarji l-oħra (OFIs) isir dejjem aktar importanti għall-analiżi tal-finanzjament settorjali u l-konnettività. Ir-rekwiżiti għall-kontijiet finanzjarji trimestrali stabbiliti fil-Linja Gwida BĊE/2013/24 tal-Bank Ċentrali Ewropew (1) jeħtieġ li jiġu mmodifikati biex jirrikjedu r-rapportar tar-rendikonti tas-settur tal-OFI.

(3)

Għal fehim aħjar tal-globalizzazzjoni u l-fużjoni u l-akkwiżizzjonijiet transfruntiera, ir-rekwiżiti għall-kontijiet finanzjarji trimestrali stabbiliti fil-Linja Gwida BĊE/2013/24 jeħtieġ li jiġu mmodifikati biex jippermettu l-qsim tal-investiment dirett barrani (FDI) ta’ strumenti finanzjarji magħżula, abbażi tad-definizzjonijiet previsti fir-Regolament (UE) Nru 549/2013 tal-Parlament Ewropew u tal-Kunsill (2) (id-dispożizzjoni 7.98 tal-Kapitolu 7 ( il-kategoriji ta’ reġistrazzjoni tal-FDI) u t-Tabella 18.14 tal-Anness A (rabtiet bejn il-kategoriji funzjonali tal-BPM6 u l-kategoriji tal-istrumenti finanzjarji tal-ESA)).

(4)	Ir-rapportar tas-sottosettur tal-banek ċentrali fil-kontijiet finanzjarji trimestrali ġie introdott fl-2019 fuq bażi volontarja. Dan issa għandu jkun meħtieġ mil-Linja Gwida BĊE/2013/24 sabiex jiġi kopert is-sett sħiħ tar-rekwiżiti ta’ rapportar nazzjonali rilevanti.

(5)

Barra minn hekk, ir-rekwiżit li tiġi rrapportata data nazzjonali għall-assi u l-obbligazzjonijiet finanzjarji stabbilit fil-Linja Gwida BĊE/2013/24 jeħtieġ li jiġi mmodifikat biex jippermetti rendikonti addizzjonali tal-istrumenti għall-assigurazzjoni tal-ħajja u l-intitolamenti tal-pensjoni biex jappoġġaw l-analiżi tal-istabbiltà ekonomika u finanzjarja.

(6)

Ir-rekwiżit stabbilit fil-Linja Gwida BĊE/2013/24 dwar l-għoti ta’ informazzjoni ta’ spjegazzjoni dwar avvenimenti kbar individwali u r-raġunijiet għar-reviżjonijiet tal-kontijiet finanzjarji nazzjonali trimestrali jenħtieġ li jiġi emendat biex jipprovdi għal avvenimenti jew reviżjonijiet li jkunu iżgħar minn 0,2 % tal-prodott domestiku gross trimestrali taż-żona tal-euro iżda sinifikanti fil-livell nazzjonali.

(7)

Skont l-Artikolu 4 tar-Regolament tal-Kunsill (KE) Nru 2533/98 tat-23 ta’ Novembru 1998 dwar il-ġbir ta’ tagħrif statistiku mill-Bank Ċentrali Ewropew (3) jenħtieġ li l-Istati Membri jorganizzaw ruħhom fil-qasam tal-istatistika u jikkooperaw bis-sħiħ mas-Sistema Ewropea tal-Banek Ċentrali sabiex jiżguraw it-twettiq tal-obbligi li jirriżultaw mill-Artikolu 5 tal-Istatut tas-Sistema Ewropea tal-Banek Ċentrali u tal-Bank Ċentrali Ewropew.

(8)	Għaldaqstant, il-Linja Gwida BĊE/2013/24 għandha tiġi emendata f’dan is-sens,

ADOTTA DIN IL-LINJA GWIDA:

Artikolu 1

Emendi

Il-Linja Gwida BĊE/2013/24 hija emendata kif ġej:

1.	fl-Artikolu 1, il-punt 1 huwa sostitwit b’dan li ġej: “1. ‘żona tal-euro’ tfisser it-territorju ekonomiku tal-Istati Membri fiż-żona tal-euro, il-Bank Ċentrali Ewropew (BĊE), il-Mekkaniżmu Ewropew ta’ Stabbiltà (MES) u l-Faċilità Ewropea ta’ Stabbiltà Finanzjarja (EFSF);”;

fl-Artikolu 2, il-paragrafu 2 huwa sostitwit b’dan li ġej:

“2. Ir-rekwiżiti tad-‘data supplimentari’ għandhom ikopru tranżazzjonijiet u stokks għall-perijodu mill-aħħar trimestru tal-2012 sat-trimestru ta’ referenza. Id-data supplimentari speċifikata fil-kolonna ‘H’ tat-Tabelli 1, 2, 4 u 5 tal-Anness I (data supplimentari li tirreferi għas-settur tal-gvern), u fil-kolonna ‘B’, ringieli 3 u 17, tat-Tabelli 4 u 5 tal-Anness I (data supplimentari li tirreferi għal selfiet bejn korporazzjonijiet mhux finanzjarji) tista’ tiġi rrapportata fuq bażi volontarja.”;

fl-Artikolu 2, il-paragrafu 3, il-punti (a) u (b) huma sostitwiti b’dan li ġej:

“(a)	tranżazzjonijiet, stokks u bidliet oħrajn fil-volum tad-data (tranżazzjonijiet u stokks biss għal-linja 46 tat-Tabella 2 ‘tranżazzjonijiet finanzjarji netti/valur finanzjarju nett’) għall-perijodu mill-aħħar trimestru tal-2012 sat-trimestru ta’ referenza; u

(b)

data dwar it-tranżazzjonijiet u l-istokks għall-perijodu mill-ewwel trimestru tal-1999 sat-tielet trimestru tal-2012. Għall-perijodu mill-ewwel trimestru tal-1999 sar-raba’ trimestru tal-2002, din id-data għandha tiġi rrapportata fuq bażi tal-aħjar stima. Id-data speċifikata fil-kolonni ‘J’ u ‘K’ tat-Tabelli 1 u 2 tal-Anness I (ir-rendikont ta’ unitajiet domestiċi u istituzzjonijiet mingħajr profitt li jservu lil unitajiet domestiċi) tista’ tiġi rrapportata fuq bażi volontarja.”;

fl-Artikolu 2, il-paragrafu 5 huwa sostitwit b’dan li ġej:

“5. Is-setturi korrispondenti ‘taż-żona tal-euro ħlief għal dawk domestiċi’ u ‘residenti barra miż-żona tal-euro’ speċifikati fir-ringieli 16–29 tat-Tabelli 3–7 u fir-ringieli 15–27 tat-Tabelli 8–9 tal-Anness I għandhom jiġu aġġustati biex jirriflettu l-kompożizzjoni taż-żona tal-euro fid-data tar-rapportar. Dan l-aġġustament għandu jsir kull meta Stat Membru jadotta l-euro. Id-data għandha tiġi riveduta skont ir-rekwiżiti tad-data differenti kif speċifikat fil-paragrafi 2, 3 u 4, fuq bażi tal-aħjar stima.”;

fl-Artikolu 2, il-paragrafu 6 huwa sostitwit b’dan li ġej:

“6. B’eżenzjoni mill-paragrafi 1 sa 5, il-BĊNi ma għandhomx ikunu meħtieġa jittrażmettu xi waħda minn dawn li ġejjin:

(a)	fi kwalunkwe ħin, data dwar trimestri qabel l-ewwel trimestru tas-sena li fiha l-Istat Membru rilevanti daħal fl-Unjoni Ewropea;

(b)	qabel Ġunju 2022, id-’data nazzjonali’ u d-‘data supplimentari’ dwar ir-rendikont settorjali ta’ istituzzjonijiet finanzjarji oħra (OFI) (il-kolonni ‘E.1’, ‘E.2’ u ‘E.3’ tat-Tabelli 1–2 tal-Anness I)

(c)

qabel Marzu 2024, id-’data nazzjonali’ u d- ‘data supplimentari’ dwar ir-rendikont settorjali ta’ istituzzjonijiet finanzjarji oħra (il-kolonni ‘E.1’, ‘E.2’ u ‘E.3’ tat-Tabelli 4–9, ir-ringieli 8–10 u r-ringieli 22–24 tat-Tabelli 3–7 u r-ringieli 7–9 u r-ringieli 20–22 tat-Tabelli 8–9 tal-Anness I);

(d)	qabel Marzu 2023, id-’data nazzjonali’ msemmija fil-paragrafu 3(a) dwar l-investiment dirett barrani (ir-ringieli 2, 12, 16, 22, 24, 43 u 45 tat-Tabelli 1–2 tal-Anness I);

(e)	qabel Marzu 2023 id-’data nazzjonali’ msemmija fil-paragrafu 3(a) dwar ir-rendikonti addizzjonali tal-istrumenti għall-assigurazzjoni tal-ħajja u l-intitolamenti tal-pensjoni (ir-ringieli 33–34 u r-ringieli 37–38 tat-Tabelli 1–2 tal-Anness I);

(f)	fi kwalunkwe ħin, id-data msemmija fil-punti (b), (c) u (d) għall-perijodu mill-aħħar trimestru tal-2012 sat-tielet trimestru tal-2013;

(g)	fi kwalunkwe ħin, id-data msemmija fil-punt (e) għall-perijodu mill-aħħar trimestru tal-2012 sat-tielet trimestru tal-2016.”;

fl-Artikolu 2, il-paragrafu 7 huwa sostitwit b’dan li ġej:

“7. Flimkien mad-data rrapportata skont il-paragrafi 2 sa 5, il-BĊNi għandhom jipprovdu informazzjoni ta’ spjegazzjoni dwar:

(a)

avvenimenti kbar individwali osservati għat-trimestru ta’ referenza jekk il-kobor ta’ tali avvenimenti kbar individwali ikun mill-inqas 0,2 % tal-prodott domestiku gross trimestrali taż-żona tal-euro, jew jekk il-kobor tagħhom ikun sinifikanti fil-livell nazzjonali, jew jekk il-BĊE jitlob tali informazzjoni; u

(b)

raġunijiet għar-reviżjoni kkomparati mad-’data nazzjonali’ l-iktar riċenti rrapportata lill-BĊE f’konformità ma’ din il-Linja Gwida, jekk il-kobor tal-bidliet fid-data kkawżati minn dawk ir-reviżjonijiet ikun mill-inqas 0,2 % tal-prodott domestiku gross trimestrali taż-żona tal-euro, jew il-kobor tiegħu jkun sinifikanti fil-livell nazzjonali, jew jekk il-BĊE jitlob tali informazzjoni.”;

fl-Artikolu 3, il-paragrafu 2 huwa sostitwit b’dan li ġej:

“2. Il-BĊE għandu jippubblika l-aggregati fiż-żona tal-euro li huwa jiġbor, kif ukoll id-’data nazzjonali’ miġbura taħt l-Artikolu 2, kif deskritta fil-paragrafi 3 sa 5 tiegħu, meqjusa bħala rilevanti mill-Kumitat tal-Istatistika, ħlief għad-data dwar il-kaxxi fir-ringieli 16–29 tat-Tabelli 3–7 u fir-ringieli 15–27 tat-Tabelli 8–9 tal-Anness I (li tirreferi għas-setturi kontropartijiet ‘taż-żona tal-euro ħlief għal dawk domestiċi’ u ‘residenti barra miż-żona tal-euro’).”;

fl-Artikolu 4, il-paragrafu 1 huwa sostitwit b’dan li ġej:

“1. Il-BĊNi għandhom jirrapportaw id-’data supplimentari’ deskritta fl-Artikolu 2(2) lill-BĊE fi żmien 85 jum kalendarju mit-tmiem tat-trimestru ta’ referenza. Il-Bord Eżekuttiv jista’ jnaqqas din l-iskadenza għal 82 jum kalendarju, jekk xieraq, billi jikkunsidra l-fehmiet tal-Kumitat tal-Istatistika. Il-Bord Eżekuttiv għandu jinforma lill-Kunsill Governattiv bid-deċiżjoni tiegħu mingħajr dewmien żejjed. Il-BĊE għandu jinnotifika lill-BĊNi bi kwalunkwe bidla fil-perijodu ta’ rapportar mill-inqas sena qabel l-ewwel data ta’ rapportar li għaliha tapplika. Il-BĊNi għandhom jirrapportaw l-informazzjoni ta’ spjegazzjoni assoċjata lill-BĊE fi żmien 87 jum kalendarju mit-tmiem tat-trimestru ta’ referenza.”;

9.	L-Anness I huwa sostitwit bl-Anness ta’ din il-Linja Gwida.

Artikolu 2

Dħul fis-seħħ u implimentazzjoni

1. Din il-Linja Gwida għandha tidħol fis-seħħ fil-jum tan-notifika tagħha lill-banek ċentrali nazzjonali tal-Istati Membri li l-munita tagħhom hija l-euro.

2. Il-banek ċentrali tal-Eurosistema għandhom jikkonformaw ma’ din il-Linja Gwida mill-1 ta’ Ġunju 2021.

Artikolu 3

Destinatarji

Din il-Linja Gwida hija indirizzata lill-banek ċentrali kollha tal-Eurosistema.

Magħmul fi Frankfurt am Main, id-29 ta’ April 2021.

Għall-Kunsill Governattiv tal-BĊE

Il-President tal-BĊE

Christine LAGARDE

(1) Linja gwida tal-Bank Ċentrali Ewropew tal-25 ta’ Lulju 2013 dwar ir-rekwiżiti ta’ rapportar tal-istatistika tal-Bank Ċentrali Ewropew fil-qasam tal-kontijiet finanzjarji trimestrali (BĊE/2013/24) (ĠU L 2, 7.1.2014, p. 34).

(2) Ir-Regolament (UE) Nru 549/2013 tal-Parlament Ewropew u tal-Kunsill tal-21 ta’ Mejju 2013 dwar is-sistema Ewropea tal-kontijiet nazzjonali u reġjonali fl-Unjoni Ewropea (ĠU L 174, 26.6.2013, p. 1).

(3) ĠU L 318, 27.11.1998, p. 8.

ANNESS

L-Anness I għal-Linja Gwida BĊE/2013/24 huwa sostitwit minn dan li ġej:

”ANNESS I

REKWIŻITI TA’ RAPPORTAR TAD-DATA

Sommarju tar-rekwiżiti tad-data

Artikolu

Kontenut

Tabelli

Tip ta’ data

Perijodu ta’ referenza

L-ewwel data ta’ rapportar

Tempesitività

Osservazzjonijiet

Stokks

Tranżazzjonijiet

Bidliet oħra fil-volum

2(2)

4(1)

Data supplimentari; kaxxi b’kulur iswed biss- għajr rendikont ta’ OFI

T1 – assi finanzjarji

T2 – passiv

T4 – selfiet b’terminu qasir (w-t-w)

T5 – selfiet b’terminu twil (w-t-w)

2012K4 ’il quddiem

Sett2014

Data tat-tmiem tat-trimestru ta’ referenza (t)+85

(informazzjoni ta’ spjegazzjoni f’t+87)

—	Kaxxi b’kulur iswed fil-kolonna H fuq bażi volontarja

—	Kaxxi b’kulur iswed fil-kolonna B, ringieli 3 u 17, ta’ T4 u T5 fuq bażi volontarja

—	Akkumpanjata minn informazzjoni ta’ spjegazzjoni

2(2)

4(1)

Data supplimentari; kaxxi b’kulur iswed biss– rendikont tal-OFI

T1 – assi finanzjarji

T2 – passiv

2013K4 ’il quddiem

Ġun2022

t+85

(informazzjoni ta’ spjegazzjoni f’t+87)

—	Kaxxi b’kulur iswed fil-kolonni E.1-E.3

—	Akkumpanjata minn informazzjoni ta’ spjegazzjoni

2(2)

4(1)

Data supplimentari; kaxxi b’kulur iswed biss– rendikont tal-OFI

T4 – selfiet b’terminu qasir (w-t-w)

T5 – selfiet b’terminu twil (w-t-w)

2013K4 ’il quddiem

Mar2024

t+85

(informazzjoni ta’ spjegazzjoni f’t+87)

—	Kaxxi b’kulur iswed fil-kolonni E.1–E.3, ringieli 8–10 u 22–24

—	Akkumpanjata minn informazzjoni ta’ spjegazzjoni

2(3) (a)

2(5)

3(2)

3(3) (a), (b)

4(2)

Data nazzjonali; il-kaxxi kollha - għajr il-FDI, Assigurazzjoni u Pensjoni, u rendikont tal-OFI

T1 – assi finanzjarji

T2 – passiv

T3 – depożiti (w-t-w)

T4 – selfiet b’terminu qasir (w-t-w)

T5 – selfiet b’terminu twil (w-t-w)

2012K4 ’il quddiem

Sett2014

t+97

—	Akkumpanjata minn informazzjoni ta’ spjegazzjoni

—	id-data fir-ringieli 16–29 ta’ T3–T5 għandha tiġi aġġustata biex tirrifletti l-kompożizzjoni taż-żona tal-euro

—	id-data fir-ringieli 16–29 ta’ T3–T5 ma għandhiex tiġi ppubblikata

2(3) (a)

3(3) (a) 4(2)

Data nazzjonali - FDI

T1 – assi finanzjarji

T2 – passiv

2013K4 ’il quddiem

Mar2023

t+97

—	id-data fir-ringieli 2, 12, 16, 22, 24, 43 u 45

—	Akkumpanjata minn informazzjoni ta’ spjegazzjoni

2(3) (a)

3(3) (a) 4(2)

Data nazzjonali – Assigurazzjoni u Pensjoni

T1 – assi finanzjarji

T2 – passiv

2016K4 ’il quddiem

Mar2023

t+97

—	id-data fir-ringieli 33–34 u 37–38

—	Akkumpanjata minn informazzjoni ta’ spjegazzjoni

2(3) (a)

3(3) (a), (b)

4(2)

Data nazzjonali — rendikont tal-OFI

T1 – assi finanzjarji

T2 – passiv

2013K4 ’il quddiem

Ġun2022

t+97

—	id-data fil-kolonni E.1–E.3

—	Akkumpanjata minn informazzjoni ta’ spjegazzjoni

2(3) (a)

3(3) (a), b)

4(2)

Data nazzjonali — rendikont tal-OFI

T3 – depożiti (w-t-w)

T4 – selfiet b’terminu qasir (w-t-w)

T5 – selfiet b’terminu twil (w-t-w)

T6 – titoli ta’ dejn b’terminu qasir (w-t-w)

T7 – titoli ta’ dejn b’terminu twil (w-t-w)

T8 – ishma elenkati (w-t-w)

T9 – ishma jew unitajiet ta’ fondi ta’ investiment (w-t-w)

2013K4 ’il quddiem

Mar2024

t+97

—	id-data fil-kolonni E.1–E.3 ta’ T4–T9

—	id-data fir-ringieli 8–10 u r-ringieli 22–24 ta’ T3–T7 u r-ringieli 7–9 u r-ringieli 20–22 ta’ T8–T9

—	Akkumpanjata minn informazzjoni ta’ spjegazzjoni

2(3) (b)

2(5)

3(2)

3(3) (c)

4(2)

Data nazzjonali; il-kaxxi kollha - backdata

T1 – assi finanzjarji

T2 – passiv

T3 – depożiti (w-t-w)

T4 – selfiet b’terminu qasir (w-t-w)

T5 – selfiet b’terminu twil (w-t-w)

1999K1–2012K3

Sett2017

t+97

—	Akkumpanjata minn informazzjoni ta’ spjegazzjoni

—	il-kolonni J, K ta’ T1 u T2 fuq bażi volontarja

—	id-data fir-ringieli 16–29 ta’ T3–T5 għandha tiġi aġġustata biex tirrifletti l-kompożizzjoni taż-żona tal-euro

—	id-data fir-ringieli 16–29 ta’ T3–T5 ma għandhiex tiġi ppubblikata

—	L-aħjar stimi għall-1999K1–2002K4

2(4)

2(5)

3(2)

3(3) (a), (b)

4(2)

Data nazzjonali; il-kaxxi kollha

T6 – titoli ta’ dejn b’terminu qasir (w-t-w)

T7 – titoli ta’ dejn b’terminu twil (w-t-w)

T8 – ishma elenkati (w-t-w)

T9 – ishma ta’ fond ta’ investiment (w-t-w)

2013K4 ’il quddiem

Sett2015

t+97

—	Akkumpanjata minn informazzjoni ta’ spjegazzjoni

—	id-data fir-ringieli 16–29 ta’ T6–T7 u fir-ringieli 15–27 ta’ T8–T9 għandha tiġi aġġustata biex tirrifletti l-kompożizzjoni taż-żona tal-euro

—	id-data fir-ringieli 16–29 ta’ T6–T7 u fir-ringieli 15–27 ta’ T8–T9 ma għandhiex tiġi ppubblikata

ANNESS II

Tabella 1:

Assi finanzjarji1), 2)

Tabella 2:

Passiv1), 2)

Tabella 7:

Titoli ta’ dejn fuq perjodu ta’ żmien qasir (F.32)1)

”.