16.12.2021 |
MT |
Il-Ġurnal Uffiċjali tal-Unjoni Ewropea |
L 450/148 |
DEĊIŻJONI TAL-KUNSILL (UE) 2021/2242
tat-13 ta’ Diċembru 2021
li temenda d-Deċiżjoni 2009/908/UE li tistabbilixxi miżuri għall-implimentazzjoni tad-Deċiżjoni tal-Kunsill Ewropew dwar l-eżerċizzju tal-Presidenza tal-Kunsill, u dwar il-presidenza tal-korpi preparatorji tal-Kunsill
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra d-Deċiżjoni tal-Kunsill Ewropew 2009/881/UE tal-1 ta’ Diċembru 2009 dwar l-eżerċizzju tal-Presidenza tal-Kunsill (1), u b’mod partikolari l-Artikolu 4 tagħha,
Billi:
(1) |
Permezz tad-Deċiżjoni 2009/908/UE (2), il-Kunsill stabbilixxa miżuri għall-implimentazzjoni tad-Deċiżjoni 2009/881/UE. Il-korpi preparatorji tal-Kunsill li mhumiex ippreseduti mill-Presidenza ta’ sitt xhur huma elenkati fl-Anness III għad-Deċiżjoni 2009/908/UE, kif previst fl-Artikolu 2, it-tielet subparagrafu, tad-Deċiżjoni 2009/881/UE. |
(2) |
Fid-dawl tan-natura konsultattiva kif ukoll tal-esperjenza u t-tip ta’ kompiti mwettqa mill-Kumitat taż-Żona Ewropea tar-Riċerka u l-Innovazzjoni, jenħtieġ li dak il-kumitat jinżdied mal-lista ta’ korpi preparatorji li mhumiex ippreseduti mill-Presidenza ta’ sitt xhur. |
(3) |
Għalhekk id-Deċiżjoni 2009/908/UE jenħtieġ li tiġi emendata skont dan, |
ADOTTA DIN ID-DEĊIŻJONI:
Artikolu 1
Fl-Anness III għad-Deċiżjoni tal-Kunsill 2009/908/UE, il-korp preparatorju segwenti jinżied mal-lista intitolata “Presidenti eletti”:
“Kumitat taż-Żona Ewropea tar-Riċerka u l-Innovazzjoni”.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Għandha tiġi ppubblikata f’Il-Ġurnal Uffiċjali tal-Unjoni Ewropea.
Magħmul fi Brussell, it-13 ta’ Diċembru 2021.
Għall-Kunsill
Il-President
J. BORRELL FONTELLES
(1) ĠU L 315, 2.12.2009, p. 50.
(2) Id-Deċiżjoni tal-Kunsill 2009/908/UE tal-1 ta’ Diċembru 2009 li tistabbilixxi miżuri għall-implimentazzjoni tad-Deċiżjoni tal-Kunsill Ewropew dwar l-eżerċizzju tal-Presidenza tal-Kunsill, u dwar il-presidenza tal-korpi preparatorji tal-Kunsill (ĠU L 322, 9.12.2009, p. 28).