(1)

Id-Deċiżjoni ta’ Implimentazzjoni (UE) 2021/182 (2) tistabbilixxi t-tqassim skont l-Istat Membru tar-riżorsi REACT-EU bħala approprjazzjonijiet mill-Fondi Strutturali għas-sena 2021 skont l-Artikolu 92b(4) tar-Regolament (UE) Nru 1303/2013.

(2)

Skont l-Artikolu 92b(4) tar-Regolament (UE) Nru 1303/2013, id-Deċiżjoni ta’ Implimentazzjoni (UE) 2021/182 trid tiġi riveduta fl-2021 biex jiġi stabbilit it-tqassim tar-riżorsi ta’ REACT-UE għas-sena 2022 abbażi tad-data disponibbli sad-19 ta’ Ottubru 2021.

(3)

It-titolu tad-Deċiżjoni (UE) 2021/182 jenħtieġ li jiġi emendat biex jinkludi referenzi għat-tqassim tal-2022.

(4)

L-Anness VIIa tar-Regolament (UE) Nru 1303/2013 jistabbilixxi l-kriterji u l-metodoloġija għall-allokazzjoni tar-riżorsi ta’ REACT-EU.

(5)

Għal raġunijiet ta’ programmazzjoni mill-Istati Membri, jenħtieġ li t-tqassim speċifiku jingħata fi prezzijiet tal-2018 biex jiġu stabbiliti r-riżorsi effettivament disponibbli wara li jitnaqqas l-ammont għall-assistenza teknika fuq l-inizjattiva tal-Kummissjoni u għall-appoġġ għan-nefqa amministrattiva. Għal raġunijiet ta’ trasparenza, jenħtieġ li t-tqassim jiġi espress ukoll fi prezzijiet attwali.

(6)

Għaldaqstant, id-Deċiżjoni ta’ Implimentazzjoni (UE) 2021/182 jenħtieġ li tiġi emendata skont dan,

1.

it-titolu huwa sostitwit b’dan li ġej:

“Id-Deċiżjoni ta’ Implimentazzjoni tal-Kummissjoni (UE) 2021/182 li tistabbilixxi t-tqassim skont l-Istat Membru tar-riżorsi ta’ REACT-EU għas-snin 2021 u 2022”;

2.

l-Anness jingħata n-numru “Anness I”;

3.

l-Anness ta’ din id-Deċiżjoni, inkluż it-tqassim skont l-Istat Membru tar-riżorsi tar-REACT-UE għas-sena 2022, jiżdied bħala l-Anness II.