(1)

Fil-31 ta’ Marzu 2020, il-Kunsill adotta d-Deċiżjoni (PESK) 2020/472, li stabbilixxiet u varat operazzjoni militari tal-Unjoni Ewropea fil-Mediterran (EUNAVFOR MED IRINI), taħt il-kmand tal-Viċi Ammirall Fabio AGOSTINI bħala Kmandant tal-Operazzjoni tal-UE.

(2)

Skont id-Deċiżjoni (PESK) 2020/472, il-Kunsill awtorizza lill-Kumitat Politiku u ta’ Sigurtà (KPS) biex jieħu d-deċiżjonijiet dwar il-ħatra tal-Kmandant tal-Forza tal-UE għall-EUNAVFOR MED IRINI.

(3)

Fit-30 ta’ Marzu 2021, il-KPS adotta d-Deċiżjoni (PESK) 2021/561 (2) li taħtar il-Viċi Ammirall Stefano FRUMENTO bħala Kmandant tal-Forza tal-UE għall-EUNAVFOR MED IRINI.

(4)

Fl-1 ta’ Settembru 2021, l-awtoritajiet militari Elleniċi pproponew il-ħatra tal-Komodor Michail MAGKOS biex jieħu post il-Viċi Ammirall Stefano FRUMENTO bħala l-Kmandant tal-Forza tal-UE għall-EUNAVFOR MED IRINI mill-1 ta’ Ottubru 2021.

(5)

Fis-7 ta’ Settembru 2021, il-Kumitat Militari tal-UE appoġġa r-rakkomandazzjoni li saret mill-awtoritajiet militari Elleniċi.

(6)

Jenħtieġ li tittieħed deċiżjoni dwar il-ħatra tal-Komodor Michail MAGKOS.

(7)

Jenħtieġ li titħassar id-Deċiżjoni (PESK) 2021/561.

(8)

F’konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma tiħux sehem fl-elaborazzjoni u fl-implimentazzjoni ta’ deċiżjonijiet u azzjonijiet tal-Unjoni li għandhom implikazzjonijiet ta’ difiża,