7.12.2020 |
MT |
Il-Ġurnal Uffiċjali tal-Unjoni Ewropea |
L 410/49 |
IR-REGOLAMENT TA’ IMPLIMENTAZZJONI TAL-KUMMISSJONI (UE) 2020/1992
tat-2 ta’ Diċembru 2020
li jemenda r-Regolament (KE) Nru 474/2006 fir-rigward tal-lista ta’ kumpaniji tal-ajru li huma pprojbiti milli joperaw jew li huma soġġetti għal restrizzjonijiet operattivi fl-Unjoni
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 2111/2005 tal-Parlament Ewropew u tal-Kunsill tal-14 ta’ Diċembru 2005 dwar l-istabbiliment ta’ lista Komunitarja ta’ kumpaniji tal-ajru li huma soġġetti għal projbizzjoni ta’ operar fil-Komunità u li jinforma lill-passiġġieri tat-trasport bl-ajru dwar l-identità tal-kumpanija tal-ajru li topera, u li jħassar l-Artikolu 9 tad-Direttiva 2004/36/KE (1), u b’mod partikolari l-Artikolu 4(2) tiegħu,
Billi:
(1) |
Ir-Regolament tal-Kummissjoni (KE) Nru 474/2006 (2) jistabbilixxi l-lista ta’ kumpaniji tal-ajru li huma soġġetti għal projbizzjoni fuq l-operat fl-Unjoni. |
(2) |
Ċerti Stati Membri u l-Aġenzija tal-Unjoni Ewropea għas-Sikurezza tal-Avjazzjoni (“l-Aġenzija”) għaddew lill-Kummissjoni informazzjoni li hija rilevanti għall-aġġornament ta’ dik il-lista, skont l-Artikolu 4(3) tar-Regolament (KE) Nru 2111/2005. Pajjiżi terzi u organizzazzjonijiet internazzjonali pprovdew ukoll informazzjoni rilevanti. L-informazzjoni pprovduta tikkontribwixxi biex jiġi ddeterminat jekk jenħtieġx li l-lista tiġi aġġornata. |
(3) |
Il-Kummissjoni infurmat lill-kumpaniji tal-ajru kollha kkonċernati, direttament jew permezz tal-awtoritajiet responsabbli għas-sorveljanza regolatorja tagħhom, dwar il-fatti u l-kunsiderazzjonijiet essenzjali li jiffurmaw il-bażi ta’ deċiżjoni li timponilhom projbizzjoni fuq l-operat fl-Unjoni jew li timmodifika l-kundizzjonijiet ta’ projbizzjoni fuq l-operat imposta fuq kumpanija tal-ajru li tkun inkluża fil-lista fl-Annessi A jew B tar-Regolament (KE) Nru 474/2006. |
(4) |
Il-Kummissjoni tat l-opportunità lill-kumpaniji tal-ajru kkonċernati biex jikkonsultaw id-dokumentazzjoni rilevanti kollha, jissottomettu kummenti bil-miktub u jagħmlu preżentazzjoni orali lill-Kummissjoni u lill-Kumitat stabbilit bir-Regolament (KE) Nru 2111/2005 (il-“Kumitat għas-Sikurezza tal-Ajru tal-UE”). |
(5) |
Il-Kummissjoni infurmat lill-Kumitat għas-Sikurezza tal-Ajru tal-UE dwar il-konsultazzjonijiet konġunti li għaddejjin, fil-qafas tar-Regolament (KE) Nru 2111/2005 u r-Regolament tal-Kummissjoni (KE) Nru 473/2006 (3), mal-awtoritajiet kompetenti u mal-kumpaniji tal-ajru tal-Belarussja, tar-Repubblika Dominicana, tal-Każakistan, tal-Moldova, tal-Pakistan u tar-Russja. Il-Kummissjoni infurmat ukoll lill-Kumitat għas-Sikurezza tal-Ajru tal-UE dwar is-sitwazzjoni tal-avjazzjoni fl-Armenja, fil-Kongo (Brazzaville), fil-Guinea Ekwatorjali, fl-Indoneżja u fil-Kirgiżistan. |
(6) |
L-Aġenzija infurmat lill-Kummissjoni u lill-Kumitat għas-Sikurezza tal-Ajru tal-UE dwar il-valutazzjonijiet tekniċi mwettqa għall-evalwazzjoni inizjali u l-monitoraġġ kontinwu tal-awtorizzazzjonijiet minn operaturi ta’ pajjiżi terzi (“TCO”), maħruġa skont id-dispożizzjonijiet tar-Regolament tal-Kummissjoni (UE) Nru 452/2014 (4). |
(7) |
L-Aġenzija infurmat ukoll lill-Kummissjoni u lill-Kumitat għas-Sikurezza tal-Ajru tal-UE dwar ir-riżultati tal-analiżi tal-ispezzjonijiet fir-rampa li jirriżultaw mill-programm tal-Valutazzjoni tas-Sikurezza tal-Inġenji tal-Ajru Barranin (“SAFA”), f’konformità mar-Regolament tal-Kummissjoni (UE) Nru 965/2012 (5). |
(8) |
Barra minn hekk, l-Aġenzija infurmat lill-Kummissjoni u lill-Kumitat għas-Sikurezza tal-Ajru tal-UE dwar il-proġetti ta’ assistenza teknika li saru fil-pajjiżi terzi milqutin minn projbizzjoni fuq l-operat skont ir-Regolament (KE) Nru 474/2006. L-Aġenzija pprovdiet ukoll informazzjoni dwar il-pjanijiet u t-talbiet għal aktar assistenza teknika u kooperazzjoni biex tittejjeb il-kapaċità amministrattiva u teknika tal-awtoritajiet tal-avjazzjoni ċivili fil-pajjiżi terzi, bil-għan li dawn ikunu megħjuna jsolvu n-nuqqasijiet ta’ konformità mal-istandards internazzjonali tas-sikurezza tal-avjazzjoni ċivili applikabbli. L-Istati Membri ġew mistiedna jirrispondu għal tali talbiet fuq bażi bilaterali, b’koordinazzjoni mal-Kummissjoni u mal-Aġenzija. F’dak ir-rigward, il-Kummissjoni saħqet mill-ġdid fuq is-siwi tal-għoti ta’ informazzjoni lill-komunità internazzjonali tal-avjazzjoni, b’mod partikolari permezz tal-għodda ta’ Sħubija tal-Assistenza għall-Implimentazzjoni tas-Sikurezza fl-Avjazzjoni tal-Organizzazzjoni tal-Avjazzjoni Ċivili Internazzjonali (“ICAO”), dwar l-assistenza teknika lil pajjiżi terzi pprovduta mill-Unjoni u mill-Istati Membri sabiex titjieb is-sikurezza tal-avjazzjoni mad-dinja kollha. |
(9) |
Il-Eurocontrol ipprovdiet lill-Kummissjoni u lill-Kumitat għas-Sikurezza tal-Ajru tal-UE b’aġġornament dwar l-istatus tal-funzjoni ta’ allarm tas-SAFA u tat-TCO u bi statistika dwar il-messaġġi ta’ allert għall-kumpaniji tal-ajru pprojbiti. |
Il-kumpaniji tal-ajru tal-Unjoni
(10) |
Wara l-analiżi mill-Aġenzija tal-informazzjoni li ħarġet mill-ispezzjonijiet fir-rampa li twettqu fuq l-inġenji tal-ajru tal-kumpaniji tal-ajru tal-Unjoni, kif ukoll mill-ispezzjonijiet ta’ standardizzazzjoni li twettqu mill-Aġenzija, ikkumplimentata wkoll bl-informazzjoni li rriżultat minn spezzjonijiet u minn awditi speċifiċi li twettqu mill-awtoritajiet nazzjonali tal-avjazzjoni, diversi Stati Membri ħadu ċerti miżuri ta’ infurzar u infurmaw lill-Kummissjoni u lill-Kumitat għas-Sikurezza tal-Ajru tal-UE dwar dawk il-miżuri. |
(11) |
L-Istati Membri tennew li huma lesti jaġixxu kif meħtieġ f’każ li l-informazzjoni rilevanti dwar is-sikurezza tkun tindika li jkun hemm riskji imminenti għas-sikurezza minħabba nuqqas ta’ konformità min-naħa tal-kumpaniji tal-ajru tal-Unjoni mal-istandards internazzjonali rilevanti tas-sikurezza. |
Il-kumpaniji tal-ajru mill-Belarussja
(12) |
Qatt ma ġew inklużi kumpaniji tal-ajru mill-Belarussja fl-Anness A jew B tar-Regolament (KE) Nru 474/2006. |
(13) |
Il-Kummissjoni kompliet timmonitorja l-progress tal-awtorità kompetenti tal-Belarussja, jiġifieri d-Dipartiment tal-Avjazzjoni tal-Belarussja (“AD-BLR”) fit-tisħiħ tal-kapaċitajiet tiegħu biex jiżgura li l-operazzjonijiet minn kumpaniji tal-ajru ċċertifikati fil-Belarussja jitwettqu f’konformità mal-istandards internazzjonali tas-sikurezza. |
(14) |
Fit-8 ta’ Ottubru 2020, il-Kummissjoni, l-Aġenzija u r-rappreżentanti tal-AD-BLR kellhom laqgħa teknika biex jiddiskutu l-azzjonijiet imwettqa mill-AD-BLR, inkluż dawk li jindirizzaw it-tħassib tal-Aġenzija dwar is-sikurezza identifikat matul il-valutazzjonijiet tekniċi tagħha mwettqa għall-evalwazzjoni inizjali u l-monitoraġġ kontinwu tal-awtorizzazzjonijiet tat-TCO skont ir-Regolament tal-Kummissjoni (UE) Nru 452/2014. |
(15) |
Matul dik il-laqgħa, l-AD-BLR ipprovda informazzjoni dwar l-istruttura organizzattiva l-ġdida tiegħu, inkluż ir-reklutaġġ u t-taħriġ tal-persunal, il-funzjonament tad-dipartiment tal-kwalità tiegħu, l-istatus taċ-ċertifikazzjoni mill-ġdid tal-kumpaniji tal-ajru ċċertifikati mill-AD-BLR u l-limitazzjonijiet temporanji li jimponi fuq xi kumpaniji tal-ajru, kif ukoll l-attivitajiet imwettqa bħala parti mill-programm ta’ sorveljanza tiegħu. L-AD-BLR innota wkoll li tlestiet l-implimentazzjoni tal-pjan ta’ azzjoni korrettiva żviluppat b’rispons għan-nuqqasijiet identifikati matul iż-żjara ta’ valutazzjoni fuq il-post tal-Unjoni f’Marzu 2019. |
(16) |
Fis-17 ta’ Novembru 2020, il-Kummissjoni infurmat lill-Kumitat għas-Sikurezza tal-Ajru tal-UE dwar l-ispjegazzjonijiet mogħtija mill-AD-BLR. Abbażi ta’ dan, anki jekk hemm xi nuqqasijiet fir-rigward ta’ ċerti kumpaniji tal-ajru ċċertifikati mill-AD-BLR li jeħtieġu rettifika, bħan-nuqqas li l-programm ta’ manutenzjoni jiġi adattat għat-tip ta’ operazzjonijiet tal-inġenju tal-ajru, jew in-nuqqasijiet identifikati fl-immaniġġjar ta’ komponenti li jeħtieġu manutenzjoni f’intervalli regolari u dawk b’tul ta’ ħajja limitat, dawn ma jiġġustifikawx l-inklużjoni ta’ dawk it-trasportaturi tal-ajru fl-Anness A tar-Regolament (KE) Nru 474/2006. |
(17) |
Għaldaqstant, f’konformità mal-kriterji komuni stabbiliti fl-Anness tar-Regolament (KE) Nru 2111/2005, il-Kummissjoni tqis li f’dan l-istadju, fir-rigward tal-kumpaniji tal-ajru mill-Belarussja, ma hemm ebda raġuni biex tiġi emendata l-lista tal-kumpaniji tal-ajru li huma soġġetti għal projbizzjoni fuq l-operat fi ħdan l-Unjoni. |
(18) |
Jenħtieġ li l-Istati Membri jkomplu jivverifikaw il-konformità effettiva tal-kumpaniji tal-ajru ċċertifikati fil-Belarussja mal-istandards internazzjonali rilevanti tas-sikurezza permezz tal-prijoritizzazzjoni tal-ispezzjonijiet fir-rampa ta’ dawk il-kumpaniji tal-ajru kollha, skont ir-Regolament (UE) Nru 965/2012. |
(19) |
Fejn ikun hemm kwalunkwe informazzjoni rilevanti dwar is-sikurezza li tikxef riskji imminenti għas-sikurezza minħabba nuqqas ta’ konformità mal-istandards internazzjonali tas-sikurezza, tista’ tkun meħtieġa azzjoni ulterjuri mill-Kummissjoni, f’konformità mar-Regolament (KE) Nru 2111/2005. |
Il-kumpaniji tal-ajru mir-Repubblika Dominicana
(20) |
Qatt ma ġew inklużi kumpaniji tal-ajru mir-Repubblika Dominicana fl-Anness A jew B tar-Regolament (KE) Nru 474/2006. |
(21) |
Mis-27 sal-31 ta’ Jannar 2020, twettqet żjara ta’ valutazzjoni fuq il-post tal-Unjoni mir-rappreżentanti tal-Kummissjoni, tal-Aġenzija u tal-Istati Membri fir-Repubblika Dominicana fl-uffiċċji tal-Instituto Dominicano de Aviación Civil (“IDAC”). Filwaqt li r-riżultati ta’ dik iż-żjara wrew li l-IDAC kellu l-kapaċitajiet li jissorvelja l-attivitajiet tal-avjazzjoni fir-Repubblika Dominicana, ġew identifikati għadd ta’ dgħufijiet fis-sistema ta’ sorveljanza tas-sikurezza. Madankollu, dawk id-dgħufijiet ma jqajmux tħassib immedjat dwar is-sikurezza. L-IDAC żviluppa pjan ta’ azzjoni korrettiva biex jindirizza n-nuqqasijiet identifikati u bagħtu lill-Kummissjoni fil-15 ta’ April 2020. |
(22) |
Fl-4 ta’ Novembru 2020, l-IDAC ipprovda rapport ta’ progress dwar l-implimentazzjoni tal-pjan ta’ azzjoni korrettiva tiegħu. Dak ir-rapport ta’ progress ipprovda informazzjoni dettaljata għal kull nuqqas identifikat, bħall-analiżi tal-kawżi ewlenin, l-azzjoni korrettiva li qed tiġi implimentata u l-progress tagħha, il-kompiti differenti ta’ kull azzjoni u l-progress tagħhom, kif ukoll segwitu dettaljat. L-IDAC jistma li 87,66 % tal-pjan ta’ azzjoni korrettiva tiegħu tlesta. |
(23) |
Abbażi ta’ dan ir-rapport, il-Kummissjoni tikkunsidra li f’dan l-istadju l-IDAC għandu l-kapaċità u r-rieda neċessarja biex jindirizza n-nuqqasijiet tas-sikurezza identifikati matul iż-żjara, u li qed jimplimenta l-pjan ta’ azzjoni tiegħu b’mod effettiv. Għal dawk ir-raġunijiet, ma kienx hemm bżonn ta’ smigħ tal-IDAC quddiem il-Kumitat tas-Sikurezza tal-Ajru tal-UE. |
(24) |
Għaldaqstant, f’konformità mal-kriterji komuni stabbiliti fl-Anness tar-Regolament (KE) Nru 2111/2005, il-Kummissjoni tqis li f’dan l-istadju, fir-rigward tal-kumpaniji tal-ajru mir-Repubblika Dominicana, ma hemm ebda raġuni biex tiġi emendata l-lista tal-kumpaniji tal-ajru li huma soġġetti għal projbizzjoni fuq l-operat fi ħdan l-Unjoni. |
(25) |
Jenħtieġ li l-Istati Membri jkomplu jivverifikaw il-konformità effettiva tal-kumpaniji tal-ajru ċċertifikati fir-Repubblika Dominicana mal-istandards internazzjonali rilevanti tas-sikurezza permezz tal-prijoritizzazzjoni tal-ispezzjonijiet fir-rampa ta’ dawk il-kumpaniji tal-ajru kollha, skont ir-Regolament (UE) Nru 965/2012. |
(26) |
Fejn ikun hemm kwalunkwe informazzjoni rilevanti dwar is-sikurezza li tikxef riskji imminenti għas-sikurezza minħabba nuqqas ta’ konformità mal-istandards internazzjonali tas-sikurezza, tista’ tkun meħtieġa azzjoni ulterjuri mill-Kummissjoni, f’konformità mar-Regolament (KE) Nru 2111/2005. |
Il-kumpaniji tal-ajru mill-Każakistan
(27) |
Fl-2016, kumpaniji tal-ajru mill-Każakistan tneħħew mill-Anness A tar-Regolament (KE) Nru 474/2006 (6). |
(28) |
Fi Frar 2020, minħabba tnaqqis apparenti fis-sorveljanza tas-sikurezza mill-awtoritajiet kompetenti fil-Każakistan, il-Kummissjoni fetħet konsultazzjonijiet skont l-Artikolu 3(2) tar-Regolament (KE) Nru 473/2006. Il-Kumitat għas-Sikurezza tal-Ajru tal-UE ngħata ħarsa ġenerali lejn is-sitwazzjoni tas-sorveljanza tas-sikurezza fil-Każakistan fil-laqgħa tiegħu f’Mejju 2020. |
(29) |
Bħala segwitu għal-laqgħa tal-Kumitat għas-Sikurezza tal-Ajru tal-UE ta’ Mejju 2020, il-Kummissjoni u l-Aġenzija żammew kuntatt kontinwu mal-Kumitat tal-Avjazzjoni Ċivili tal-Każakistan (“CAC KZ”) u mal-Amministrazzjoni tal-Avjazzjoni tal-Każakistan Joint Stock Company (“AAK”) biex jiġbru aktar data u informazzjoni. B’mod partikolari, il-Kummissjoni staqsiet dwar ir-revoka mill-AAK taċ-Ċertifikat tal-Operatur tal-Ajru (“AOC”) ta’ Sigma Airlines għal raġunijiet ta’ sikurezza. |
(30) |
Fis-16 ta’ Ottubru 2020 saret laqgħa bejn il-Kummissjoni, l-Aġenzija, l-Istati Membri u r-rappreżentanti mis-CAC KZ u mill-AAK. L-AAK ipprovdiet ħarsa ġenerali komprensiva lejn il-funzjonijiet tagħha, it-twettiq tagħha tas-sorveljanza tas-sikurezza, inkluż aġġornament fir-rigward tal-lista tad-detenturi tal-AOC, l-inġenji tal-ajru rreġistrati, l-aċċidenti, l-inċidenti u l-okkorrenzi serji tal-avjazzjoni u tal-miżuri ta’ infurzar tagħha. Ipprovdiet ukoll ħarsa ġenerali lejn l-attivitajiet ta’ sorveljanza tagħha, il-pjanijiet tagħha fir-rigward tar-reklutaġġ u t-taħriġ tal-persunal tekniku, u l-approċċ strateġiku tagħha għall-iżvilupp teknoloġiku fil-kuntest tal-bini tal-kapaċità tas-sikurezza tal-avjazzjoni. Barra minn hekk, l-AAK tat informazzjoni dwar l-iżvilupp ta’ proċeduri ta’ sorveljanza addizzjonali, implimentazzjoni mtejba tal-programm ta’ sorveljanza tas-sikurezza, u l-passi meħuda għall-implimentazzjoni ta’ sistema tal-ġestjoni tal-kwalità. |
(31) |
L-AAK spjegat li, flimkien mas-CAC KZ, qed tieħu azzjonijiet li jtejbu s-sorveljanza tas-sikurezza fil-Każakistan, inkluż il-modifikazzjoni meħtieġa tal-qafas legali nazzjonali, li jenħtieġ li twassal għal separazzjoni funzjonali aħjar bejn iż-żewġ awtoritajiet kompetenti tal-avjazzjoni (l-AAK u s-CAC KZ). |
(32) |
Abbażi tal-informazzjoni disponibbli bħalissa, inklużi l-valutazzjonijiet tal-awtorizzazzjoni tat-TCO tal-Aġenzija u l-informazzjoni pprovduta mill-AAK kemm qabel kif ukoll matul il-laqgħa teknika tas-16 ta’ Ottubru 2020, jidher li qed isiru sforzi sinifikanti u żviluppi konsegwenzjali biex tiġi indirizzata s-sitwazzjoni tas-sikurezza fil-Każakistan. Il-Kummissjoni, filwaqt li tirrikonoxxi l-azzjoni li ttieħdet s’issa, se tkompli l-monitoraġġ u l-valutazzjoni tagħha rigward l-iżvilupp tas-sitwazzjoni. F’dan il-kuntest, il-Kummissjoni beħsiebha twettaq, bl-assistenza tal-Aġenzija u l-Istati Membri, żjara ta’ valutazzjoni fuq il-post tal-Unjoni fil-Każakistan. |
(33) |
Għaldaqstant, fid-dawl tal-evidenza msemmija hawn fuq tal-azzjonijiet li ttieħdu mill-AAK u mis-CAC KZ, u f’konformità mal-kriterji komuni stabbiliti fl-Anness tar-Regolament (KE) Nru 2111/2005, il-Kummissjoni tqis li f’dan l-istadju, fir-rigward tal-kumpaniji tal-ajru mill-Każakistan, ma hemm ebda raġuni biex tiġi emendata l-lista tal-kumpaniji tal-ajru li huma soġġetti għal projbizzjoni fuq l-operat fi ħdan l-Unjoni. |
(34) |
Jenħtieġ li l-Istati Membri jkomplu jivverifikaw il-konformità effettiva tal-kumpaniji tal-ajru ċċertifikati fil-Każakistan mal-istandards internazzjonali rilevanti tas-sikurezza permezz tal-prijoritizzazzjoni tal-ispezzjonijiet fir-rampa ta’ dawk il-kumpaniji tal-ajru kollha, skont ir-Regolament (UE) Nru 965/2012. |
(35) |
Fejn ikun hemm kwalunkwe informazzjoni rilevanti dwar is-sikurezza li tikxef riskji imminenti għas-sikurezza minħabba nuqqas ta’ konformità mal-istandards internazzjonali tas-sikurezza, tista’ tkun meħtieġa azzjoni ulterjuri mill-Kummissjoni, f’konformità mar-Regolament (KE) Nru 2111/2005. |
Il-kumpaniji tal-ajru mill-Moldova
(36) |
Il-kumpaniji tal-ajru mill-Moldova, minbarra t-tliet kumpaniji tal-ajru Air Moldova, Fly One u Aerotranscargo, kienu inklużi fl-Anness A tar-Regolament (KE) Nru 474/2006 fl-2019 (7). |
(37) |
Fit-23 ta’ Lulju 2020, fuq talba tal-Moldova u bħala parti mill-attivitajiet ta’ monitoraġġ kontinwi, il-Kummissjoni u r-rappreżentanti tal-Awtorità tal-Avjazzjoni Ċivili tal-Moldova (“CAAM”) organizzaw laqgħa, li matulha s-CAAM ipprovdiet ħarsa ġenerali lejn il-funzjonijiet tagħha, inkluż il-prinċipji bażiċi tat-twettiq tagħha tas-sorveljanza tas-sikurezza. Informazzjoni oħra pprovduta mis-CAAM kienet tinkludi ħarsa ġenerali lejn l-iżviluppi u s-sitwazzjoni attwali tal-pjan ta’ azzjoni korrettiva tagħhom li jindirizza l-osservazzjonijiet u r-rakkomandazzjonijiet li rriżultaw miż-żjara ta’ valutazzjoni fuq il-post tal-Unjoni fi Frar 2019. |
(38) |
Barra minn hekk, fil-31 ta’ Lulju 2020, bħala segwitu għal-laqgħa teknika, is-CAAM ipprovdiet informazzjoni addizzjonali dwar il-progress li sar fir-rigward tal-pjan ta’ azzjoni korrettiva li jindirizza n-nuqqasijiet fis-sikurezza identifikati matul iż-żjara ta’ valutazzjoni fuq il-post tal-Unjoni. Abbażi tal-informazzjoni pprovduta jidher li s-CAAM għamlet xi progress fl-implimentazzjoni tal-istandards internazzjonali tas-sikurezza. Madankollu, bħalissa m’hemmx biżżejjed evidenza li tiġġustifika t-tneħħija tar-restrizzjonijiet operattivi fuq il-kumpaniji tal-ajru mill-Moldova. Jenħtieġ li l-informazzjoni pprovduta dwar it-titjib tiġi vverifikata aktar, preferibbilment matul żjara ta’ valutazzjoni fuq il-post tal-Unjoni fil-Moldova. |
(39) |
Għaldaqstant, f’konformità mal-kriterji komuni stabbiliti fl-Anness tar-Regolament (KE) Nru 2111/2005, il-Kummissjoni tqis li f’dan l-istadju, fir-rigward tal-kumpaniji tal-ajru mill-Moldova, ma hemm ebda raġuni biex tiġi emendata l-lista tal-kumpaniji tal-ajru li huma soġġetti għal projbizzjoni fuq l-operat fi ħdan l-Unjoni. |
(40) |
Jenħtieġ li l-Istati Membri jkomplu jivverifikaw il-konformità effettiva tal-kumpaniji tal-ajru ċċertifikati fil-Moldova mal-istandards internazzjonali rilevanti tas-sikurezza permezz tal-prijoritizzazzjoni tal-ispezzjonijiet fir-rampa ta’ dawk il-kumpaniji tal-ajru kollha, skont ir-Regolament (UE) Nru 965/2012. |
(41) |
Fejn ikun hemm kwalunkwe informazzjoni rilevanti dwar is-sikurezza li tikxef riskji imminenti għas-sikurezza minħabba nuqqas ta’ konformità mal-istandards internazzjonali tas-sikurezza, tista’ tkun meħtieġa azzjoni ulterjuri mill-Kummissjoni, f’konformità mar-Regolament (KE) Nru 2111/2005. |
Il-kumpaniji tal-ajru mill-Pakistan
(42) |
Il-Pakistan International Airlines kienet inkluża fl-Anness B tar-Regolament (KE) Nru 474/2006 f’Marzu 2007 (8) u tneħħiet f’Novembru 2007 (9). |
(43) |
Fl-24 ta’ Ġunju 2020, dikjarazzjoni mill-Ministru Federali tal-Avjazzjoni tal-Pakistan żvelat li għadd kbir ta’ liċenzji tal-bdoti, maħruġa mill-Awtorità tal-Avjazzjoni Ċivili tal-Pakistan (“PCAA”), inkisbu b’mezzi frodulenti. |
(44) |
Dan l-avveniment, u meta jitqies ukoll in-nuqqas ta’ implimentazzjoni effettiva tas-Sistema ta’ Ġestjoni tas-Sikurezza (“SMS”), wassal lill-Aġenzija biex tissospendi l-awtorizzazzjonijiet TCO ta’ Pakistan International Airlines u ta’ Vision Air b’effett mill-1 ta’ Lulju 2020. In-nuqqas apparenti ta’ sorveljanza effettiva mill-PCAA f’konformità mal-istandards internazzjonali tas-sikurezza kkontribwixxa għal dik id-deċiżjoni. |
(45) |
Fl-1 ta’ Lulju 2020, il-Kummissjoni fetħet konsultazzjonijiet mal-PCAA skont l-Artikolu 3(2) tar-Regolament (KE) Nru 473/2006. Il-Kummissjoni talbet lill-PCAA biex tipprovdi informazzjoni dwar it-tweġiba tagħha għad-dikjarazzjoni tal-Ministru Federali. B’mod partikolari, il-Kummissjoni talbet informazzjoni dwar is-sorveljanza tal-kumpaniji tal-ajru rreġistrati fil-Pakistan, inklużi s-Sistemi ta’ Ġestjoni tas-Sikurezza tagħhom, kif ukoll l-evidenza li sitwazzjoni simili ma sseħħx f’setturi oħra, bħaċ-ċertifikazzjoni tal-ekwipaġġ tal-kabina jew il-liċenzjar tal-inġiniera tal-manutenzjoni. |
(46) |
Fid-9 ta’ Lulju u fil-25 ta’ Settembru 2020, saru laqgħat tekniċi mal-PCAA biex jiddiskutu l-informazzjoni pprovduta u l-azzjonijiet meħuda. |
(47) |
Il-PCAA kienet kooperattiva u trasparenti fit-trattar tagħha mal-Kummissjoni. Infurmat lill-Kummissjoni li l-eżami tagħha tas-sitwazzjoni fl-aħħar mill-aħħar wassal għar-revoka jew is-sospensjoni tal-liċenzji frodulenti, kif ukoll għad-deċiżjoni li jitwaqqaf il-ħruġ tal-liċenzji frodulenti mill-aħħar ta’ Ġunju 2020. Il-PCAA infurmat ukoll li ġew stabbiliti regoli tal-avjazzjoni ġodda biex jiġu indirizzati l-kwistjonijiet li tqajmu u, fejn xieraq, ittieħdu azzjonijiet ta’ infurzar. Fir-rigward tas-sorveljanza tal-SMS, il-PCAA ammettiet li l-implimentazzjoni tagħha tinsab fi stadju bikri. Jidher li l-PCAA għad fadlilha tidentifika b’mod effettiv il-kawżi ewlenin tal-problemi tagħha, u tindirizzahom b’mod sostenibbli. |
(48) |
Abbażi tal-informazzjoni disponibbli bħalissa, inkluża l-informazzjoni dwar il-valutazzjoni tal-awtorizzazzjoni tat-TCO tal-Aġenzija, jidher li l-PCAA hija involuta fi sforz sinifikanti biex twettaq l-azzjonijiet korrettivi meħtieġa biex tiġi indirizzata s-sitwazzjoni tas-sikurezza identifikata fil-Pakistan. Il-Kummissjoni, filwaqt li tirrikonoxxi l-azzjonijiet li ttieħdu s’issa, se tkompli l-monitoraġġ u l-valutazzjoni tagħha ta’ kif is-sitwazzjoni tkompli tiżviluppa. F’dan il-kuntest, il-Kummissjoni beħsiebha twettaq, bl-assistenza tal-Aġenzija u l-Istati Membri, żjara ta’ valutazzjoni fuq il-post tal-Unjoni fil-Pakistan. |
(49) |
Għaldaqstant, fid-dawl tal-evidenza msemmija hawn fuq tal-azzjonijiet li ttieħdu mill-PCAA, u f’konformità mal-kriterji komuni stabbiliti fl-Anness tar-Regolament (KE) Nru 2111/2005, il-Kummissjoni tqis li f’dan l-istadju, fir-rigward tal-kumpaniji tal-ajru mill-Pakistan ma hemm ebda raġuni biex tiġi emendata l-lista tal-kumpaniji tal-ajru li huma soġġetti għal projbizzjoni fuq l-operat fi ħdan l-Unjoni. |
(50) |
Jenħtieġ li l-Istati Membri jkomplu jivverifikaw il-konformità effettiva tal-kumpaniji tal-ajru ċċertifikati fil-Pakistan mal-istandards internazzjonali rilevanti tas-sikurezza permezz tal-prijoritizzazzjoni tal-ispezzjonijiet fir-rampa ta’ dawk il-kumpaniji tal-ajru kollha, skont ir-Regolament (UE) Nru 965/2012. |
(51) |
Fejn ikun hemm kwalunkwe informazzjoni rilevanti dwar is-sikurezza li tikxef riskji imminenti għas-sikurezza minħabba nuqqas ta’ konformità mal-istandards internazzjonali tas-sikurezza, tista’ tkun meħtieġa azzjoni ulterjuri mill-Kummissjoni, f’konformità mar-Regolament (KE) Nru 2111/2005. |
Il-kumpaniji tal-ajru mir-Russja
(52) |
Il-Kummissjoni, l-Aġenzija u l-awtoritajiet kompetenti tal-Istati Membri komplew jimmonitorjaw mill-qrib il-prestazzjoni tas-sikurezza tal-kumpaniji tal-ajru li huma ċċertifikati fir-Russja u li joperaw fl-Unjoni, inkluż permezz tal-prijoritizzazzjoni tal-ispezzjonijiet fir-rampa li jridu jitwettqu fir-rigward ta’ ċerti kumpaniji tal-ajru Russi skont ir-Regolament (UE) Nru 965/2012. |
(53) |
Fit-22 ta’ Ottubru 2020, rappreżentanti tal-Kummissjoni u tal-Aġenzija ltaqgħu ma’ rappreżentanti tal-Aġenzija Federali Russa tat-Trasport bl-Ajru (“FATA”) biex jirrieżaminaw il-prestazzjoni tas-sikurezza tal-kumpaniji tal-ajru ċċertifikati fir-Russja abbażi tar-rapporti tal-ispezzjonijiet fir-rampa mwettqa bejn il-15 ta’ April 2019 u l-15 ta’ Ottubru 2020, u biex jidentifikaw f’liema każijiet jenħtieġ li l-FATA ssaħħaħ l-attivitajiet ta’ sorveljanza tagħha. |
(54) |
Ir-rieżami tal-ispezzjonijiet fir-rampa tas-SAFA tal-kumpaniji tal-ajru ċċertifikati fir-Russja ma żvela l-ebda nuqqas rikorrenti tas-sikurezza. |
(55) |
Abbażi tal-informazzjoni disponibbli attwalment, inkluż l-informazzjoni pprovduta mill-FATA fil-laqgħa, il-Kummissjoni tqis li f’dan l-istadju, il-FATA għandha l-ħila u r-rieda meħtieġa biex tindirizza n-nuqqasijiet fis-sikurezza. Għal dawk ir-raġunijiet, ma kienx hemm bżonn li jsir smigħ tal-awtoritajiet tal-avjazzjoni Russi u ta’ kwalunkwe kumpanija tal-ajru ċċertifikata fir-Russja quddiem il-Kumitat għas-Sikurezza tal-Ajru tal-UE. |
(56) |
Għaldaqstant, skont il-kriterji komuni stabbiliti fl-Anness tar-Regolament (KE) Nru 2111/2005, il-Kummissjoni tqis li f’dan l-istadju ma hemm ebda raġuni biex tiġi emendata l-lista tal-kumpaniji tal-ajru li huma soġġetti għall-projbizzjoni fuq l-operat fl-Unjoni biex jiġu inklużi kumpaniji tal-ajru mir-Russja. |
(57) |
Jenħtieġ li l-Istati Membri jkomplu jivverifikaw il-konformità effettiva ta’ ċerti kumpaniji tal-ajru mir-Russja mal-istandards internazzjonali rilevanti tas-sikurezza, permezz tal-prijoritizzazzjoni tal-ispezzjonijiet fir-rampa skont ir-Regolament (UE) Nru 965/2012. |
(58) |
Meta dawk l-ispezzjonijiet jidentifikaw riskju imminenti għas-sikurezza minħabba nuqqas ta’ konformità mal-istandards internazzjonali tas-sikurezza, il-Kummissjoni tista’ timponi projbizzjoni fuq l-operat tal-kumpaniji tal-ajru ċċertifikati mir-Russja u tinkludihom fl-Anness A jew fl-Anness B tar-Regolament (KE) Nru 474/2006. |
(59) |
Għaldaqstant, jenħtieġ li r-Regolament (KE) Nru 474/2006 jiġi emendat skont dan. |
(60) |
Minħabba l-implikazzjonijiet tas-sikurezza, l-Artikoli 5 u 6 tar-Regolament (KE) Nru 2111/2005 jagħrfu l-bżonn li jittieħdu deċiżjonijiet malajr u, meta jkun xieraq, b’urġenza. Għalhekk hemm bżonn li, biex jiġu mħarsa l-informazzjoni sensittiva kif ukoll il-pubbliku li jivvjaġġa u biex jonqsu kemm jista’ jkun l-impatti kummerċjali, jiġu ppubblikati d-deċiżjonijiet fil-kuntest tal-aġġornament tal-lista tal-kumpaniji tal-ajru li huma soġġetti għal projbizzjoni jew restrizzjoni tal-operat fl-Unjoni, u jidħlu fis-seħħ minnufih wara li jiġu adottati. |
(61) |
Il-miżuri previsti f’dan ir-Regolament huma skont l-opinjoni tal-Kumitat għas-Sikurezza tal-Ajru tal-UE stabbilit permezz tar-Regolament (KE) Nru 2111/2005, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 474/2006 huwa emendat kif ġej:
(1) |
L-Anness A huwa sostitwit bit-test fl-Anness I ta’ dan ir-Regolament; |
(2) |
L-Anness B huwa sostitwit bit-test fl-Anness II ta’ dan ir-Regolament. |
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2020.
Għall-Kummissjoni
F’isem il-President,
Adina VĂLEAN
Membru tal-Kummissjoni
(1) ĠU L 344, 27.12.2005, p. 15.
(2) Ir-Regolament tal-Kummissjoni (KE) Nru 474/2006 tat-22 ta’ Marzu 2006 li jistabbilixxi l-lista Komunitarja ta’ kumpaniji tal-ajru li huma soġġetti għal projbizzjoni fuq l-operat fil-Komunità skont il-Kapitolu II tar-Regolament (KE) Nru 2111/2005 tal-Parlament Ewropew u tal-Kunsill (ĠU L 84, 23.3.2006, p. 14).
(3) Ir-Regolament tal-Kummissjoni (KE) Nru 473/2006 tat-22 ta’ Marzu 2006 li jistabbilixxi regoli ta’ implimentazzjoni għal-lista Komunitarja ta’ kumpaniji tal-ajru li huma soġġetti għal projbizzjoni fuq l-operat fil-Komunità kif jissemma fil-Kapitolu II tar-Regolament (KE) Nru 2111/2005 tal-Parlament Ewropew u tal-Kunsill (ĠU L 84, 23.3.2006, p. 8).
(4) Ir-Regolament tal-Kummissjoni (UE) Nru 452/2014 tal-It-Tlieta, 29 ta’ April 2014 li jistabbilixxi rekwiżiti tekniċi u proċeduri amministrattivi relatati mal-operazzjonijiet tal-ajru ta’ pajjiżi terzi skont ir-Regolament (KE) Nru 216/2008 tal-Parlament Ewropew u tal-Kunsill, (ĠU L 133, 6.5.2014, p. 12).
(5) Ir-Regolament tal-Kummissjoni (UE) Nru 965/2012 tal-5 ta’ Ottubru 2012 li jistabbilixxi rekwiżiti tekniċi u proċeduri amministrattivi relatati mal-operazzjonijiet bl-ajru skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 296, 25.10.2012, p. 1).
(6) Ir-Regolament ta’ Implimentazzjoni tal-Kummissjoni (UE) 2016/2214 tat-8 ta’ Diċembru 2016 li jemenda r-Regolament (KE) Nru 474/2006 li jistabbilixxi l-lista ta’ kumpaniji tal-ajru li huma pprojbiti milli joperaw jew li huma soġġetti għal restrizzjonijiet operattivi fl-Unjoni (ĠU L 334, 9.12.2016, p. 6).
(7) Ir-Regolament ta’ Implimentazzjoni tal-Kummissjoni (UE) 2019/618 tal-15 ta’ April 2019 li jemenda r-Regolament (KE) Nru 474/2006 fir-rigward tal-lista ta’ kumpaniji tal-ajru li huma pprojbiti milli joperaw jew li huma soġġetti għal restrizzjonijiet operattivi fl-Unjoni, (ĠU L 106, 17.4.2019, p. 1).
(8) Ir-Regolament tal-Kummissjoni (KE) Nru 235/2007 tal-5 ta’ Marzu 2007 li jemenda r-Regolament (KE) Nru 474/2006 li jistabbilixxi l-lista Komunitarja ta’ kumpaniji tal-ajru li huma suġġetti għal projbizzjoni fuq l-operat fi ħdan il-Komunità (ĠU L 66, 6.3.2007, p. 3).
(9) Ir-Regolament tal-Kummissjoni (KE) Nru 1400/2007 tat-28 ta’ Novembru 2007 li jemenda r-Regolament (KE) Nru 474/2006 li jistabbilixxi l-lista Komunitarja ta’ kumpaniji tal-ajru li huma suġġetti għal projbizzjoni fuq l-operat fi ħdan il-Komunità (ĠU L 311, 29.11.2007, p. 12).
ANNESS I
“ANNESS A
LISTA TA’ KUMPANIJI TAL-AJRU LI HUMA PPROJBITI MILLI JOPERAW FL-UNJONI, B’XI EĊĊEZZJONIJIET (1)
Isem l-entità legali tal-kumpanija tal-ajru kif muri fuq l-AOC tagħha (u l-isem kummerċjali tagħha, jekk dan ikun differenti) |
In-numru taċ-Ċertifikat tal-Operatur tal-Ajru (“l-AOC”) jew tal-Liċenzja Operattiva |
Deżinjatur bi tliet ittri tal-ICAO |
L-Istat tal-Operatur |
AVIOR AIRLINES |
ROI-RNR-011 |
ROI |
Il-Venezwela |
BLUE WING AIRLINES |
SRBWA-01/2002 |
BWI |
Is-Suriname |
IRAN ASEMAN AIRLINES |
FS-102 |
IRC |
L-Iran |
IRAQI AIRWAYS |
001 |
IAW |
L-Iraq |
MED-VIEW AIRLINE |
MVA/AOC/10-12/05 |
MEV |
In-Niġerja |
AIR ZIMBABWE (PVT) |
177/04 |
AZW |
Iż-Żimbabwe |
Il-kumpaniji tal-ajru kollha ċċertifikati mill-awtoritajiet tal-Afganistan responsabbli għas-sorveljanza regolatorja, fosthom |
|
|
L-Afganistan |
ARIANA AFGHAN AIRLINES |
AOC 009 |
AFG |
L-Afganistan |
KAM AIR |
AOC 001 |
KMF |
L-Afganistan |
Il-kumpaniji tal-ajru kollha ċċertifikati mill-awtoritajiet tal-Angola responsabbli għas-sorveljanza regolatorja, ħlief TAAG Angola Airlines u Heli Malongo, fosthom |
|
|
L-Angola |
AEROJET |
AO-008/11-07/17 TEJ |
TEJ |
L-Angola |
GUICANGO |
AO-009/11-06/17 YYY |
Mhux magħruf |
L-Angola |
AIR JET |
AO-006/11-08/18 MBC |
MBC |
L-Angola |
BESTFLYA AIRCRAFT MANAGEMENT |
AO-015/15-06/17YYY |
Mhux magħruf |
L-Angola |
HELIANG |
AO 007/11-08/18 YYY |
Mhux magħruf |
L-Angola |
SJL |
AO-014/13-08/18YYY |
Mhux magħruf |
L-Angola |
SONAIR |
AO-002/11-08/17 SOR |
SOR |
L-Angola |
Il-kumpaniji tal-ajru kollha ċċertifikati mill-awtoritajiet tal-Armenja responsabbli għas-sorveljanza regolatorja, inklużi |
|
|
L-Armenja |
AIRCOMPANY ARMENIA |
AM AOC 065 |
NGT |
L-Armenja |
ARMENIA AIRWAYS |
AM AOC 063 |
AMW |
L-Armenja |
ARMENIAN HELICOPTERS |
AM AOC 067 |
KAV |
L-Armenja |
ATLANTIS ARMENIAN AIRLINES |
AM AOC 068 |
AEU |
L-Armenja |
ATLANTIS EUROPEAN AIRWAYS |
AM AOC 017 |
LUR |
L-Armenja |
MARS AVIA |
AM AOC 066 |
MRS |
L-Armenja |
SKYBALL |
AM AOC 069 |
N/A |
L-Armenja |
Il-kumpaniji tal-ajru kollha ċċertifikati mill-awtoritajiet tal-Kongo (Brazzaville) responsabbli għas-sorveljanza regolatorja, inklużi |
|
|
Il-Kongo (Brazzaville) |
CANADIAN AIRWAYS CONGO |
CG-CTA 006 |
Mhux magħruf |
Il-Kongo (Brazzaville) |
EQUAFLIGHT SERVICES |
CG-CTA 002 |
EKA |
Il-Kongo (Brazzaville) |
EQUAJET |
RAC06-007 |
EKJ |
Il-Kongo (Brazzaville) |
TRANS AIR CONGO |
CG-CTA 001 |
TSG |
Il-Kongo (Brazzaville) |
SOCIETE NOUVELLE AIR CONGO |
CG-CTA 004 |
Mhux magħruf |
Il-Kongo (Brazzaville) |
Il-kumpaniji tal-ajru kollha ċċertifikati mill-awtoritajiet tar-Repubblika Demokratika tal-Kongo (RDK) responsabbli għas-sorveljanza regolatorja, fosthom |
|
|
Ir-Repubblika Demokratika tal-Kongo (ir-RDK) |
AIR FAST CONGO |
AAC/DG/OPS-09/03 |
Mhux magħruf |
Ir-Repubblika Demokratika tal-Kongo (ir-RDK) |
AIR KATANGA |
AAC/DG/OPS-09/08 |
Mhux magħruf |
Ir-Repubblika Demokratika tal-Kongo (ir-RDK) |
BUSY BEE CONGO |
AAC/DG/OPS-09/04 |
Mhux magħruf |
Ir-Repubblika Demokratika tal-Kongo (ir-RDK) |
COMPAGNIE AFRICAINE D’AVIATION (CAA) |
AAC/DG/OPS-09/02 |
Mhux magħruf |
Ir-Repubblika Demokratika tal-Kongo (ir-RDK) |
CONGO AIRWAYS |
AAC/DG/OPS-09/01 |
Mhux magħruf |
Ir-Repubblika Demokratika tal-Kongo (ir-RDK) |
KIN AVIA |
AAC/DG/OPS-09/10 |
Mhux magħruf |
Ir-Repubblika Demokratika tal-Kongo (ir-RDK) |
MALU AVIATION |
AAC/DG/OPS-09/05 |
Mhux magħruf |
Ir-Repubblika Demokratika tal-Kongo (ir-RDK) |
SERVE AIR CARGO |
AAC/DG/OPS-09/07 |
Mhux magħruf |
Ir-Repubblika Demokratika tal-Kongo (ir-RDK) |
SWALA AVIATION |
AAC/DG/OPS-09/06 |
Mhux magħruf |
Ir-Repubblika Demokratika tal-Kongo (ir-RDK) |
MWANT JET |
AAC/DG/OPS-09/09 |
Mhux magħruf |
Ir-Repubblika Demokratika tal-Kongo (RDC) |
Il-kumpaniji tal-ajru kollha ċċertifikati mill-awtoritajiet tal-Djibouti responsabbli għas-sorveljanza regolatorja, fosthom |
|
|
Il-Djibouti |
DAALLO AIRLINES |
Mhux magħruf |
DAO |
Il-Djibouti |
Il-kumpaniji tal-ajru kollha ċċertifikati mill-awtoritajiet tal-Guinea Ekwatorjali responsabbli għas-sorveljanza regolatorja, fosthom |
|
|
Il-Guinea Ekwatorjali |
CEIBA INTERCONTINENTAL |
2011/0001/MTTCT/DGAC/SOPS |
CEL |
Il-Guinea Ekwatorjali |
CRONOS AIRLINES |
2011/0004/MTTCT/DGAC/SOPS |
Mhux magħruf |
Il-Guinea Ekwatorjali |
Il-kumpaniji tal-ajru kollha ċċertifikati mill-awtoritajiet tal-Eritrea responsabbli għas-sorveljanza regolatorja, fosthom |
|
|
L-Eritrea |
ERITREAN AIRLINES |
AOC Nru 004 |
ERT |
L-Eritrea |
NASAIR ERITREA |
AOC Nru 005 |
NAS |
L-Eritrea |
Il-kumpaniji tal-ajru kollha ċċertifikati mill-awtoritajiet tal-Kirgiżistan responsabbli għas-sorveljanza regolatorja, inklużi |
|
|
Il-Kirgiżistan |
AIR COMPANY AIR KG |
50 |
Mhux magħruf |
Il-Kirgiżistan |
AIR MANAS |
17 |
MBB |
Il-Kirgiżistan |
AVIA TRAFFIC COMPANY |
23 |
AVJ |
Il-Kirgiżistan |
SKY KG AIRLINES |
41 |
KGK |
Il-Kirgiżistan |
TEZ JET |
46 |
TEZ |
Il-Kirgiżistan |
Il-kumpaniji tal-ajru kollha ċċertifikati mill-awtoritajiet tal-Liberja responsabbli għas-sorveljanza regolatorja. |
|
|
Il-Liberja |
Il-kumpaniji tal-ajru kollha ċċertifikati mill-awtoritajiet tal-Libja responsabbli għas-sorveljanza regolatorja, fosthom |
|
|
Il-Libja |
AFRIQIYAH AIRWAYS |
007/01 |
AAW |
Il-Libja |
AIR LIBYA |
004/01 |
TLR |
Il-Libja |
AL MAHA AVIATION |
030/18 |
Mhux magħruf |
Il-Libja |
BURAQ AIR |
002/01 |
BRQ |
Il-Libja |
GLOBAL AVIATION AND SERVICES |
008/05 |
GAK |
Il-Libja |
LIBYAN AIRLINES |
001/01 |
LAA |
Il-Libja |
LIBYAN WINGS AIRLINES |
029/15 |
LWA |
Il-Libja |
PETRO AIR |
025/08 |
PEO |
Il-Libja |
Il-kumpaniji tal-ajru kollha ċċertifikati mill-awtoritajiet tal-Moldova responsabbli għas-sorveljanza regolatorja, ħlief Air Moldova, Fly One u Aerotranscargo, fosthom |
|
|
Il-Moldova |
Î.M “VALAN ICC” SRL |
MD009 |
VLN |
Il-Moldova |
CA “AIM AIR” SRL |
MD015 |
AAM |
Il-Moldova |
CA “AIR STORK” SRL |
MD018 |
MSB |
Il-Moldova |
Î M “MEGAVIATION” SRL |
MD019 |
ARM |
Il-Moldova |
CA “PECOTOX-AIR” SRL |
MD020 |
PXA |
Il-Moldova |
CA “TERRA AVIA” SRL |
MD022 |
TVR |
Il-Moldova |
CA “FLY PRO” SRL |
MD023 |
PVV |
Il-Moldova |
Il-kumpaniji tal-ajru kollha ċċertifikati mill-awtoritajiet tan-Nepal responsabbli għas-superviżjoni regolatorja, fosthom |
|
|
In-Nepal |
AIR DYNASTY HELI. S. |
035/2001 |
Mhux magħruf |
In-Nepal |
ALTITUDE AIR |
085/2016 |
Mhux magħruf |
In-Nepal |
BUDDHA AIR |
014/1996 |
BHA |
In-Nepal |
FISHTAIL AIR |
017/2001 |
Mhux magħruf |
In-Nepal |
SUMMIT AIR |
064/2010 |
Mhux magħruf |
In-Nepal |
HELI EVEREST |
086/2016 |
Mhux magħruf |
In-Nepal |
HIMALAYA AIRLINES |
084/2015 |
HIM |
In-Nepal |
KAILASH HELICOPTER SERVICES |
087/2018 |
Mhux magħruf |
In-Nepal |
MAKALU AIR |
057 A/2009 |
Mhux magħruf |
In-Nepal |
MANANG AIR PVT |
082/2014 |
Mhux magħruf |
In-Nepal |
MOUNTAIN HELICOPTERS |
055/2009 |
Mhux magħruf |
In-Nepal |
PRABHU HELICOPTERS |
081/2013 |
Mhux magħruf |
In-Nepal |
NEPAL AIRLINES CORPORATION |
003/2000 |
RNA |
In-Nepal |
SAURYA AIRLINES |
083/2014 |
Mhux magħruf |
In-Nepal |
SHREE AIRLINES |
030/2002 |
SHA |
In-Nepal |
SIMRIK AIR |
034/2000 |
Mhux magħruf |
In-Nepal |
SIMRIK AIRLINES |
052/2009 |
RMK |
In-Nepal |
SITA AIR |
033/2000 |
Mhux magħruf |
In-Nepal |
TARA AIR |
053/2009 |
Mhux magħruf |
In-Nepal |
YETI AIRLINES |
037/2004 |
NYT |
In-Nepal |
Il-kumpaniji tal-ajru kollha ċċertifikati mill-awtoritajiet ta’ São Tomé u Príncipe responsabbli għas-sorveljanza regolatorja, fosthom |
|
|
São Tomé u Príncipe |
AFRICA’S CONNECTION |
10/AOC/2008 |
ACH |
São Tomé u Príncipe |
STP AIRWAYS |
03/AOC/2006 |
STP |
São Tomé u Príncipe |
Il-kumpaniji tal-ajru kollha ċċertifikati mill-awtoritajiet ta’ Sierra Leone responsabbli għas-sorveljanza regolatorja |
|
|
Is-Sierra Leone |
Il-kumpaniji tal-ajru kollha ċċertifikati mill-awtoritajiet tas-Sudan responsabbli għas-sorveljanza regolatorja, fosthom |
|
|
Is-Sudan |
ALFA AIRLINES SD |
54 |
AAJ |
Is-Sudan |
BADR AIRLINES |
35 |
BDR |
Is-Sudan |
BLUE BIRD AVIATION |
11 |
BLB |
Is-Sudan |
ELDINDER AVIATION |
8 |
DND |
Is-Sudan |
GREEN FLAG AVIATION |
17 |
GNF |
Is-Sudan |
HELEJETIC AIR |
57 |
HJT |
Is-Sudan |
KATA AIR TRANSPORT |
9 |
KTV |
Is-Sudan |
KUSH AVIATION CO. |
60 |
KUH |
Is-Sudan |
NOVA AIRWAYS |
46 |
NOV |
Is-Sudan |
SUDAN AIRWAYS CO. |
1 |
SUD |
Is-Sudan |
SUN AIR |
51 |
SNR |
Is-Sudan |
TARCO AIR |
56 |
TRQ |
Is-Sudan |
(1) Il-kumpaniji tal-ajru mniżżlin fl-Anness A jistgħu jitħallew jeżerċitaw id-drittijiet tat-traffiku tagħhom billi jużaw inġenji tal-ajru mikrijin bl-ekwipaġġ mingħand kumpanija tal-ajru li mhijiex soġġetta għal projbizzjoni fuq l-operat, dejjem jekk jitħarsu l-istandards rilevanti tas-sikurezza.
ANNESS II
“ANNESS B
LISTA TA’ KUMPANIJI TAL-AJRU LI HUMA SOĠĠETTI GĦAL RESTRIZZJONIJIET OPERATTIVI FL-UNJONI (1)
Isem l-entità legali tal-kumpanija tal-ajru kif muri fuq l-AOC tagħha (u l-isem kummerċjali tagħha, jekk dan ikun differenti) |
In-numru taċ-Ċertifikat tal-Operatur tal-Ajru (“l-AOC”) |
Deżinjatur bi tliet ittri tal-ICAO |
L-Istat tal-Operatur |
It-tip ta’ inġenju tal-ajru soġġett għal restrizzjoni |
Il-marka/i tar-reġistrazzjoni u, meta jkun(u) disponibbli, in-numru/i tas-serje tal-kostruzzjoni tal-inġenju tal-ajru soġġett għal restrizzjoni |
L-Istat ta’ reġistrazzjoni |
AIR SERVICE COMORES |
06-819/TA-15/DGACM |
KMD |
Comoros |
Il-flotta kollha bl-eċċezzjoni ta’: LET 410 UVP. |
Il-flotta kollha bl-eċċezzjoni ta’: D6-CAM (851336). |
Comoros |
IRAN AIR |
FS100 |
IRA |
L-Iran |
L-inġenji tal-ajru kollha tat-tip Fokker F100 u tat-tip Boeing B747 |
Inġenji tal-ajru tat-tip Fokker F100 kif jissemma fl-AOC; inġenji tal-ajru tat-tip Boeing B747 kif jissemma fl-AOC |
L-Iran |
AIR KORYO |
GAC-AOC/KOR-01 |
KOR |
Il-Korea ta’ Fuq |
Il-flotta kollha bl-eċċezzjoni ta’: 2 inġenji tal-ajru tat-tip TU- 204. |
Il-flotta kollha bl-eċċezzjoni ta’: P-632, P-633. |
Il-Korea ta’ Fuq |
(1) Il-kumpaniji tal-ajru mniżżlin fl-Anness A jistgħu jitħallew jeżerċitaw id-drittijiet tat-traffiku tagħhom billi jużaw inġenji tal-ajru mikrijin bl-ekwipaġġ mingħand kumpanija tal-ajru li mhijiex soġġetta għal projbizzjoni fuq l-operat, dejjem jekk jitħarsu l-istandards rilevanti tas-sikurezza.