1.   CCP stabbilita f’pajjiż terz li tapplika għar-rikonoxximent skont l-Artikolu 25 tar-Regolament (UE) Nru 648/2012 għandha tħallas tariffa bażika ta’ rikonoxximent ta’ EUR 50 000.

2.   CCP stabbilita f’pajjiż terz għandha tħallas tariffa ta’ rikonoxximent addizzjonali ta’ EUR 360 000 meta l-ESMA tiddetermina li, skont l-Artikolu 25(2a) tar-Regolament (UE) Nru 648/2012, dik is-CCP hija sistemikament importanti jew x’aktarx li ssir sistemikament importanti għall-istabbiltà finanzjarja tal-Unjoni jew ta’ wieħed jew aktar mill-Istati Membri tagħha (“CCP tal-Grad 2”). CCP tal-Grad 2 għandha tħallas it-tariffa ta’ rikonoxximent addizzjonali fi kwalunkwe wieħed mill-każijiet li ġejjin:

1.   CCP rikonoxxuta għandha tħallas tariffa annwali.

2.   Meta CCP tiġi rikonoxxuta mill-ESMA f’konformità mal-Artikolu 25(2) tar-Regolament (UE) Nru 648/2012 (“CCP tal-Grad 1”), it-tariffa annwali għal kull CCP tal-Grad 1 għal sena partikolari (n) għandha tkun it-tariffa annwali totali maqsuma f’partijiet ugwali bejn is-CCPs tal-Grad 1 kollha rikonoxxuti fil-31 ta’ Diċembru tas-sena ta’ qabel (n-1).

Għall-finijiet tal-ewwel subparagrafu, it-tariffa annwali totali għal sena partikolari (n) għandha tkun l-istima tan-nefqa relatata mal-kompiti li għandhom jitwettqu mill-ESMA fir-rigward ta’ CCPs tal-Grad 1 rikonoxxuti skont ir-Regolament (UE) Nru 648/2012 kif inkluż fil-baġit tal-ESMA għal dik is-sena.

3.   Meta CCP tiġi rikonoxxuta mill-ESMA f’konformità mal-Artikolu 25(2b) tar-Regolament (UE) Nru 648/2012 (“CCP tal-Grad 2”), it-tariffa annwali għal sena partikolari (n) għandha tkun it-tariffa annwali totali maqsuma bejn is-CCPs tal-Grad 2 kollha rikonoxxuti fil-31 ta’ Diċembru tas-sena ta’ qabel (n-1) u mmultiplikati bil-piż applikabbli stabbilit skont l-Artikolu 4 ta’ dan ir-Regolament.

Għall-finijiet tal-ewwel subparagrafu, it-tariffa annwali totali għal sena partikolari (n) għandha tkun l-istima tan-nefqa relatata mal-kompiti li għandhom jitwettqu mill-ESMA fir-rigward ta’ CCPs tal-Grad 2 rikonoxxuti skont ir-Regolament (UE) Nru 648/2012 kif inkluż fil-baġit tal-ESMA għal dik is-sena.

1.   Għas-sena li fiha CCP ta’ pajjiż terz hija rikonoxxuta mill-ESMA f’konformità mal-Artikolu 25 tar-Regolament (UE) Nru 648/2012, it-tariffa annwali għandha tiġi kkalkulata kif ġej:

(a)	meta l-ESMA tirrikonoxxi CCP bħala CCP tal-Grad 1, it-tariffa annwali għandha tiġi determinata bħala l-proporzjon tat-tariffa ta’ rikonoxximent bażika stabbilita fl-Artikolu 1(1) ta’ dan ir-Regolament ikkalkulata skont il-proporzjon li ġej:

(b)	meta l-ESMA tirrikonoxxi CCP bħala CCP tal-Grad 2, it-tariffa annwali għandha tiġi determinata bħala l-proporzjon tat-tariffa ta’ rikonoxximent addizzjonali stabbilita fl-Artikolu 1(2) ta’ dan ir-Regolament ikkalkulata skont il-proporzjon li ġej:

2.   Meta CCP tkun ħallset tariffa annwali interim skont l-Artikolu 9 għas-sena li fiha dik is-CCP tkun rikonoxxuta bħala CCP tal-Grad 1, it-tariffa annwali kkalkulata skont il-paragrafu 1(a) ma għandhiex tiġi imposta.

3.   Meta CCP tkun ħallset tariffa annwali interim skont l-Artikolu 9 jew tariffa annwali skont l-Artikolu 2(2) għas-sena li fiha dik is-CCP tkun rikonoxxuta bħala CCP tal-Grad 2, l-ammont ta’ dik it-tariffa għandu jitnaqqas mit-tariffa li għandha titħallas skont il-paragrafu 1(b).

1.   Il-fatturat rilevanti ta’ CCP tal-Grad 2 għandu jkun id-dħul dinji tagħha dovut mill-forniment ta’ servizzi tal-ikklerjar (tariffi tas-sħubija u tariffi tal-ikklerjar netti mill-kostijiet tat-tranżazzjoni) matul is-sena finanzjarja l-aktar reċenti tas-CCP.

CCPs tal-Grad 2 għandhom jipprovdu lill-ESMA, fuq bażi annwali, b’ċifri awditjati li jikkonfermaw id-dħul dinji tagħhom dovut mill-provvista ta’ servizzi ta’ kklerjar imsemmija fl-ewwel subparagrafu. Iċ-ċifri awditjati għandhom jiġu ppreżentati lill-ESMA sa mhux aktar tard mit-30 ta’ Settembru ta’ kull sena. Id-dokumenti li fihom ċifri awditjati għandhom jiġu pprovduti f’lingwa li hija komuni fil-qasam tas-servizzi finanzjarji.

Jekk id-dħul imsemmi fl-ewwel subparagrafu jkun irrapportat f’munita oħra li ma tkunx l-euro, l-ESMA għandha tikkonvertihom f’euro billi tuża r-rata tal-kambju medja tal-euro applikabbli għall-perjodu li matulu d-dħul ikun ġie rreġistrat. Għal dan il-għan, għandha tintuża r-rata ta’ referenza tal-kambju tal-euro ppubblikata mill-Bank Ċentrali Ewropew.

2.   Fuq il-bażi tal-fatturat iddeterminat skont il-paragrafu 1 għal sena partikolari (n), is-CCP għandha titqies li tappartjeni għal wieħed mill-gruppi li ġejjin:

CCP tal-Grad 2 fil-Grupp 1 għandha tiġi attribwita l-piż tal-fatturat 1.

CCP tal-Grad 2 fil-Grupp 2 għandha tiġi attribwita l-piż tal-fatturat 1,2.

3.   Il-piż totali tal-fatturat tas-CCPs rikonoxxuti tal-Grad 2 għal sena partikolari (n) għandu jkun is-somma tal-piżijiet tal-fatturat iddeterminati skont il-paragrafu 2 tas-CCPs tal-Grad 2 rikonoxxuti mill-ESMA fil-31 ta’ Diċembru tas-sena ta’ qabel (n-1).

4.   Għall-finijiet tal-Artikolu 2(3), il-piż applikabbli ta’ CCP tal-Grad 2 għal sena partikolari (n) għandu jkun il-piż ta’ fatturat tagħha ddeterminat skont il-paragrafu 2 diviż bil-piż totali ta’ fatturat tas-CCPs rikonoxxuti tal-Grad 2 kollha ddeterminati skont il-paragrafu 3.

1.   It-tariffi kollha għandhom jitħallsu f’euro.

2.   Kwalunkwe ħlas tard għandu jġarrab l-imgħax ta’ inadempjenza stabbilit fl-Artikolu 99 tar-Regolament (UE, Euratom) 2018/1046 tal-Parlament Ewropew u tal-Kunsill (3).

3.   Il-komunikazzjonijiet bejn l-ESMA u s-CCPs ta’ pajjiżi terzi għandhom isiru b’mezzi elettroniċi.

1.   It-tariffa ta’ rikonoxximent bażika prevista fl-Artikolu 1(1) ta’ dan ir-Regolament għandha titħallas meta s-CCP tippreżenta l-applikazzjoni tagħha għar-rikonoxximent.

Permezz ta’ deroga mill-ewwel subparagrafu, meta l-Kummissjoni ma tkunx adottat att ta’ implimentazzjoni skont l-Artikolu 25(6) tar-Regolament (UE) Nru 648/2012 għall-pajjiż terz li fih hija stabbilita s-CCP meta s-CCP tapplika għar-rikonoxximent, it-tariffa ta’ rikonoxximent bażika għandha titħallas mhux aktar tard mill-jum li fih jidħol fis-seħħ tali att ta’ implimentazzjoni.

2.   Id-data sa meta għandha titħallas it-tariffa ta’ rikonoxximent addizzjonali prevista fl-Artikolu 1(2) ta’ dan ir-Regolament għandha tiġi stabbilita f’nota ta’ debitu mibgħuta mill-ESMA lis-CCP wara t-talba tal-ESMA lis-CCP sabiex tippreżenta informazzjoni addizzjonali għall-valutazzjoni tal-konformità tas-CCP mar-rekwiżiti stabbiliti fl-Artikolu 25(2b) tar-Regolament (UE) Nru 648/2012. Id-data tal-ħlas għandha tipprovdi lis-CCP mill-inqas 30 jum kalendarju biex tħallas, mill-jum li fih l-ESMA tkun bagħtet in-nota ta’ debitu lis-CCP.

3.   It-tariffi ta’ rikonoxximent ma għandhomx jiġu rimborżati.

1.   Il-ħlasijiet annwali previsti fl-Artikolu 2 għal sena partikolari (n) għandhom jitħallsu sa mhux aktar tard mill-31 ta’ Marzu tas-sena (n).

L-ESMA għandha tibgħat noti ta’ debitu lis-CCPs rikonoxxuti kollha ta’ pajjiżi terzi li jispeċifikaw l-ammont tat-tariffa annwali mill-iktar tard fl-1 ta’ Marzu tas-sena (n).

2.   L-ammont tat-tariffa annwali prevista fl-Artikolu 3 fis-sena ta’ rikonoxximent kif ukoll id-data sa meta trid titħallas it-tariffa annwali, għandhom jiġu ddikjarati f’nota ta’ debitu mibgħuta mill-ESMA lis-CCP. Id-data tal-ħlas għandha tipprovdi lis-CCP mill-inqas 30 jum kalendarju biex tħallas, mill-jum li fih l-ESMA tkun bagħtet in-nota ta’ debitu lis-CCP.

3.   It-tariffi annwali mħallsa minn CCP ma għandhomx jiġu rimborżati.

1.   Meta CCP ta’ pajjiż terz tkun ressqet applikazzjoni għar-rikonoxximent qabel it-22 ta’ Settembru 2020, u l-ESMA tkun għadha ma adottatx deċiżjoni li tirrikonoxxi jew tirrifjuta r-rikonoxximent ta’ dik is-CCP, is-CCP għandha tħallas it-tariffa ta’ rikonoxximent prevista fl-Artikolu 1(1) sat-22 ta’ Ottubru 2020.

2.   Permezz ta’ deroga mill-paragrafu 1, meta l-ESMA tkun issospendiet l-ipproċessar tal-applikazzjoni għar-rikonoxximent ta’ CCP ta’ pajjiż terz qabel it-22 ta’ Settembru 2020, is-CCP għandha tħallas it-tariffa ta’ rikonoxximent prevista fl-Artikolu 1(1) fid-data tal-ħlas iddikjarata fin-nota ta’ debitu mibgħuta mill-ESMA lis-CCP, wara n-notifika li l-ipproċessar tal-applikazzjoni tagħha ma jkunx għadu sospiż. Id-data tal-ħlas għandha tipprovdi lis-CCP mill-inqas 30 jum kalendarju biex tħallas, mill-jum li fih l-ESMA tkun bagħtet in-nota ta’ debitu lis-CCP.

1.   CCP ta’ pajjiż terz li hija rikonoxxuta mill-ESMA f’konformità mal-Artikolu 25 tar-Regolament (UE) Nru 648/2012 fil-ħin li jidħol fis-seħħ dan ir-Regolament għandha tħallas tariffa annwali interim ta’ EUR 50 000 għall-2020 u ta’ kull sena sussegwenti sakemm jitwettaq ir-rieżami tal-importanza sistemika tagħha skont l-Artikolu 89(3c) tar-Regolament (UE) Nru 648/2012 u tkun ġiet rikonoxxuta skont l-Artikolu 25(2) jew l-Artikolu 25(2b) ta’ dak ir-Regolament jew ma jkunx ingħata tali rikonoxximent.

2.   Il-ħlas annwali interim għall-2020 għandu jitħallas fi żmien 30 jum kalendarju mid-dħul fis-seħħ ta’ dan ir-Regolament. It-tariffi annwali interim għal sena oħra (n) għandhom jitħallsu sa mhux aktar tard mill-31 ta’ Marzu tas-sena (n).