31.7.2020 |
MT |
Il-Ġurnal Uffiċjali tal-Unjoni Ewropea |
L 248/1 |
REGOLAMENT DELEGAT TAL-KUMMISSJONI (UE) 2020/1138
tas-27 ta’ Mejju 2020
li jemenda r-Regolament (UE) 2016/1076 tal-Parlament Ewropew u tal-Kunsill biex jinkludi l-Gżejjer Solomon fl-Anness I
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1076 tal-Parlament Ewropew u tal-Kunsill tat-8 ta’ Ġunju 2016 li japplika l-arranġamenti għal prodotti li joriġinaw f’ċerti stati li huma parti mill-Grupp ta’ Stati Afrikani, tal-Karibew u tal-Paċifiku (AKP) previsti fi ftehimiet li jistabbilixxu, jew li jwasslu biex jiġu stabbiliti, Ftehimiet ta’ Sħubija Ekonomika (1), u b’mod partikolari l-Artikolu 2(2) tiegħu,
Billi:
(1) |
L-Anness I tar-Regolament (UE) 2016/1076 jelenka l-pajjiżi li għalihom japplikaw l-arranġamenti għall-aċċess għas-suq previsti minn dan ir-Regolament. |
(2) |
Fis-17 ta’ Frar 2020 il-Kunsill, f’isem l-Unjoni, approva l-adeżjoni tal-Gżejjer Solomon fil-Ftehim ta’ Sħubija Ekonomika interim bejn l-Unjoni u l-Istati tal-Paċifiku. Wara d-depożizzjoni tal-Att ta’ Adeżjoni min-naħa tal-Gżejjer Solomon, il-Ftehim ta’ Sħubija Ekonomika interim ikun applikat b’mod proviżorju bejn l-Unjoni u l-Gżejjer Solomon mis-17 ta’ Mejju 2020. |
(3) |
Għaldaqstant, jenħtieġ li l-Gżejjer ta’ Solomon jiġu inklużi fl-Anness I, |
ADOTTAT DAN IR-REGOLAMENT:
Artikolu 1
Fl-Anness I tar-Regolament (UE) 2016/1076 jiddaħħal dan li ġej wara l-kliem “IR-REPUBBLIKA TAS-SEYCHELLES”:
|
“IL-GŻEJJER SOLOMON”. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta’ Mejju 2020.
Għall-Kummissjoni
Il-President
Ursula VON DER LEYEN