(1)

Id-Direttiva (UE) 2016/797 ġiet emendata bid-Direttiva (UE) 2020/700 (2) biex l-Istati Membri jkollhom il-possibbiltà li jestendu l-iskadenza għad-dħul fis-seħħ tal-liġijiet, tar-regolamenti u tad-dispożizzjonijiet amministrattivi nazzjonali meħtieġa għall-konformità mad-dispożizzjonijiet imsemmija fl-Artikolu 57(1) tad-Direttiva (UE) 2016/797.

(2)

Fir-rigward tal-Istati Membri li nnotifikaw lill-Aġenzija tal-Unjoni Ewropea għall-Ferroviji (“l-Aġenzija”) u lill-Kummissjoni li beħsiebhom jestendu l-perjodu tat-traspożizzjoni tad-Direttiva (UE) 2016/797 skont l-Artikolu 57(2a) tagħha, jenħtieġ li l-applikazzjoni ta’ ċerti dispożizzjonijiet tar-Regolament ta’ Implimentazzjoni tal-Kummissjoni (UE) 2019/773 (3) tiġi posposta sal-31 ta’ Ottubru 2020.

(3)

Minħabba l-miżuri wara l-pandemija tal-COVID-19, l-attivitajiet relatati mat-tneħħija tar-regoli nazzjonali dwar is-sinjal fit-tarf ta’ wara tal-ferroviji tal-merkanzija ma setgħux jitwettqu kif ippjanat. L-Istati Membri jenħtieġ ikollhom tliet xhur addizzjonali biex jippreżentaw ir-rapporti lill-Kummissjoni dwar l-użu tagħhom tal-pjanċi riflettivi msemmija fil-punt 4.2.2.1.3.2 tal-Anness tar-Regolament ta’ Implimentazzjoni (UE) 2019/773. Jenħtieġ li l-iskadenza għar-rieżami tal-ispeċifikazzjonijiet bil-ħsieb li jiġu armonizzati r-rekwiżiti dwar is-sinjal fit-tarf ta’ wara tal-ferroviji tal-merkanzija għall-Unjoni kollha, tiġi adattata skont dan.

(4)

Għalhekk, jenħtieġ li r-Regolament ta’ Implimentazzjoni (UE) 2019/773 jiġi emendat skont dan.

(5)

Il-miżuri previsti f’dan ir-Regolament huma skont l-opinjoni tal-Kumitat imsemmi fl-Artikolu 51(1) tad-Direttiva (UE) 2016/797.

(6)

Biex ikun żgurat li l-miżuri previsti f’dan ir-Regolament ikunu effettivi, dan ir-Regolament jenħtieġ jidħol fis-seħħ fil-jum ta’ wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea,

(1)

fl-Artikolu 6, il-ħames subparagrafu huwa sostitwit b’dan li ġej:

“It-Taqsima 4.2.2.5 u l-Appendiċi D1 tal-Anness ta’ dan ir-Regolament għandhom japplikaw mis-16 ta’ Ġunju 2020 fl-Istati Membri li nnotifikaw lill-Aġenzija u lill-Kummissjoni skont l-Artikolu 57(2) tad-Direttiva (UE) 2016/797 u f’dawk li ma nnotifikawx lill-Aġenzija u lill-Kummissjoni skont l-Artikolu 57(2a) tad-Direttiva (UE) 2016/797.

It-Taqsima 4.2.2.5 u l-Appendiċi D1 tal-Anness ta’ dan ir-Regolament għandhom japplikaw mil-31 ta’ Ottubru 2020 fl-Istati Membri li nnotifikaw lill-Aġenzija u lill-Kummissjoni skont l-Artikolu 57(2a) tad-Direttiva (UE) 2016/797.”

(2)

fil-punt 4.2.2.1.3.2 tal-Anness, fis-subparagrafu wara “Rapporti:”, id-data “30 ta’ Settembru 2020” tiġi sostitwita bi “31 ta’ Diċembru 2020”;

(3)

fil-punt 4.2.2.1.3.2 tal-Anness, fis-subparagrafu wara “Tneħħija gradwali:”, id-data “31 ta’ Marzu 2021” tiġi sostitwita bi “30 ta’ Ġunju 2021”.