|
4.5.2020 |
MT |
Il-Ġurnal Uffiċjali tal-Unjoni Ewropea |
LI 139/1 |
REGOLAMENT TA’ IMPLIMENTAZZJONI TAL-KUNSILL (UE) 2020/606
tat-4 ta' Mejju 2020
li jimplimenta r-Regolament (UE) 2019/1716 dwar miżuri restrittivi fid-dawl tas-sitwazzjoni fin-Nikaragwa
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) 2019/1716 tal-14 ta’ Ottubru 2019 dwar miżuri restrittivi fid-dawl tas-sitwazzjoni fin-Nikaragwa (1), u b’mod partikolari l-Artikolu 13(1) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fl-14 ta’ Ottubru 2019 il-Kunsill adotta r-Regolament (UE) 2019/1716. |
|
(2) |
Fl-14 ta’ Ottubru 2019 il-Kunsill adotta wkoll konklużjonijiet li fihom fakkar fit-tħassib tiegħu rigward is-sitwazzjoni politika u soċjali li sejra għall-agħar fin-Nikaragwa u fil-kundanna qawwija tar-repressjoni mill-forzi tas-sigurtà u gruppi armati progovernattivi kontra avversarji politiċi, dimostranti, mezzi tax-xandir indipendenti u organizzazzjonijiet tas-soċjetà ċivili li kienet ilha għaddejja minn April 2018. L-Unjoni affermat ukoll id-determinazzjoni tagħha li tuża l-istrumenti kollha tagħha biex tappoġġa soluzzjoni paċifika u negozjata għall-kriżi u l-intenzjoni tagħha li ssegwi s-sitwazzjoni fil-pajjiż mill-qrib sabiex tirreaġixxi għal aktar deterjorament tad-drittijiet tal-bniedem u l-istat tad-dritt. |
|
(3) |
Il-Kunsill, filwaqt li jissottolinja t-tħassib tiegħu fir-rigward tas-sitwazzjoni ġenerali dwar id-drittijiet tal-bniedem u l-governanza demokratika, adotta miżuri restrittivi u nnota li dawk il-miżuri għandhom jintużaw b’mod gradwali u flessibbli u li jistgħu jinżdiedu deżinjazzjonijiet speċifiċi fil-każ ta’ staġnar kontinwu u aktar deterjorament tad-drittijiet fir-rigward tad-bniedem u l-istat tad-dritt. |
|
(4) |
Fid-dawl tas-sitwazzjoni gravi kontinwa fin-Nikaragwa, jenħtieġ li sitt persuni jinżdiedu fil-lista ta’ persuni fiżiċi u ġuridiċi, entitajiet u korpi soġġetti għal miżuri restrittivi stipulati fl-Anness I għar-Regolament (UE) 2019/1716. |
|
(5) |
Għalhekk jenħtieġ li l-Anness I għar-Regolament (UE) 2019/1716 jiġi emendat skont dan, |
ADOTTA DAN IR-REGOLAMENT:
Artikolu 1
L-Anness I għar-Regolament (UE) 2019/1716 huwa emendat kif jidher fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-4 ta' Mejju 2020.
Għall-Kunsill
Il-President
G. GRLIĆ RADMAN
ANNESS
Il-entitajiet li ġejjin għandhom jinżdiedu taħt l-intestatura “Lista ta’ persuni fiżiċi u ġuridiċi, entitajiet u korpi msemmija fl-Artikolu 2” li fl-Anness I għar-Regolament (UE) 2019/1716:
|
|
Isem |
Informazzjoni ta’ identifikazzjoni |
Raġunijiet |
Data tal-elenkar |
|
“1. |
Ramón Antonio AVELLÁN MEDAL |
Data tat-twelid: 11 ta’ Novembru 1954 Post tat-twelid: Jinotepe, in-Nikaragwa Numru tal-passaport: A0008696 Maħruġ: 17 ta’ Ottubru 2011 Validu sa: 17 ta’ Ottubru 2021 Ġeneru: raġel |
Deputat Direttur Ġenerali tal-Pulizija Nazzjonali tan-Nikaragwa (NNP) u eks kap tal-pulizija f’Masaya. Responsabbli għal ksur serju tad-drittijiet tal-bniedem u għar-repressjoni tas-soċjetà ċivili u l-oppożizzjoni demokratika fin-Nikaragwa, inkluż billi kkoordina r-repressjoni tad-dimostranti f’Masaya fl-2018. |
4.5.2020 |
|
2. |
Sonia CASTRO GONZÁLEZ |
Data tat-twelid: 29 ta’ Settembru 1967 Post tat-twelid: Carazo, in-Nikaragwa Numru tal-passaport: A00001526 Maħruġ: 19 ta’ Novembru 2019 Validu sa: 19 ta’ Novembru 2028 Numru tal-ID: 0422909670000N Ġeneru: mara |
Konsulent speċjali għall-President tan-Nikaragwa dwar kwistjonijiet ta’ saħħa u eks Ministru għas-Saħħa. Responsabbli għal ksur serju tad-drittijiet tal-bniedem u għar-repressjoni tas-soċjetà ċivili u l-oppożizzjoni demokratika fin-Nikaragwa, inkluż billi xekklet l-aċċess għal assistenza medika ta’ emerġenza għall-popolazzjoni ċivili midruba involuta fid-dimostrazzjonijiet u ordnat lill-persunal tal-isptarijiet biex jirrapportaw lid-dimostranti li ttieħdu l-isptar mill-pulizija. |
4.5.2020 |
|
3. |
Francisco Javier DÍAZ MADRIZ |
Data tat-twelid: 3 ta’ Awwissu 1961 Ġeneru: raġel |
Direttur Ġenerali tal-Pulizija Nazzjonali tan-Nikaragwa (NNP) mit-23 ta’ Awwissu 2018 u eks Deputat Direttur Ġenerali tal-NNP. Responsabbli għal ksur serju tad-drittijiet tal-bniedem u għar-repressjoni tas-soċjetà ċivili u l-oppożizzjoni demokratika fin-Nikaragwa, inkluż billi mexxa l-forzi tal-pulizija biex iwettqu vjolenza kontra l-popolazzjoni ċivili, inkluż l-użu eċċessiv tal-forza, arresti u detenzjonijiet arbitrarji u tortura. |
4.5.2020 |
|
4. |
Néstor MONCADA LAU |
Data tat-twelid: 2 ta’ Marzu 1954 Ġeneru: raġel |
Konsulent personali għall-President tan-Nikaragwa dwar kwistjonijiet ta’ sigurtà nazzjonali. F’din il-kapaċità, huwa kien direttament involut u responsabbli għat-teħid ta’ deċiżjonijiet dwar kwistjonijiet ta’ sigurtà nazzjonali u għall-istabbiliment ta’ politiki repressivi mwettqa mill-Istat tan-Nikaragwa kontra persuni li jieħdu sehem f’dimostrazzjonijiet, rappreżentanti tal-oppożizzjoni u ġurnalisti fin-Nikaragwa minn April 2018 ’il quddiem. |
4.5.2020 |
|
5. |
Luís PÉREZ OLIVAS |
Data tat-twelid: 8 ta’ Jannar 1956 Ġeneru: raġel |
Kummissarju Ġenerali u Uffiċjal Prinċipali għall-Assistenza Legali (DAEJ) fiċ-ċentru penitenzjarju “El Chipote”. Responsabbli għal ksur serju tad-drittijiet tal-bniedem, inkluż it-tortura, l-użu ta’ forza estensiva, it-trattament ħażin tad-detenuti u forom oħra ta’ trattament degradanti. |
4.5.2020 |
|
6. |
Justo PASTOR URBINA |
Data tat-twelid: 29 ta’ Jannar 1956 Ġeneru: raġel |
Kap tal-Unità tal-Operazzjonijiet Speċjali tal-Pulizija (DOEP). Kien direttament involut fl-implimentazzjoni ta’ politiki repressivi kontra d-dimostranti u l-oppożizzjoni fin-Nikaragwa, b’mod partikolari f’Managua. F’dan il-kuntest, huwa responsabbli għal ksur serju tad-drittijiet tal-bniedem u għar-repressjoni tas-soċjetà ċivili u l-oppożizzjoni demokratika fin-Nikaragwa. |
4.5.2020” |