|
13.2.2020 |
MT |
Il-Ġurnal Uffiċjali tal-Unjoni Ewropea |
L 40/4 |
REGOLAMENT TAL-KUMMISSJONI (UE) 2020/192
tat-12 ta’ Frar 2020
li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwu għall-prochloraz f’ċerti prodotti jew fuqhom
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta’ Frar 2005 dwar il-livelli massimi ta’ residwu ta’ pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u b’mod partikolari l-Artikolu 14(1)(a) u l-Artikolu 49(2) tiegħu,
Billi:
|
(1) |
Għall-prochloraz, il-livelli massimi ta’ residwi (MRLs) ġew stabbiliti fl-Anness II u fil-Parti B tal-Anness III tar-Regolament (KE) Nru 396/2005. |
|
(2) |
Għall-prochloraz, l-Awtorità Ewropea dwar is-Sigurtà fl-Ikel (“l-Awtorità”) bagħtet opinjoni motivata dwar l-MRLs eżistenti f’konformità mal-Artikolu 12(1) tar-Regolament (KE) Nru 396/2005 (2). L-Awtorità pproponiet li tibdel id-definizzjoni tar-residwu għas-somma tal-prochloraz, BTS 44595 (M201-04) u BTS 44596 (M201-03), mogħtija bħala prochloraz. L-Awtorità identifikat riskju għall-konsumaturi fir-rigward tal-MRLs għall-frott taċ-ċitru, kiwi, banana, mang, ananas u fwied tal-bovini. Għalhekk huwa xieraq li dawn l-MRLs jitbaxxew sal-Limitu ta’ Determinazzjoni (LOD) jew il-livell identifikat mill-Awtorità. L-Awtorità rrakkomandat li jitbaxxew l-MRLs għat-tewm, ix-xalotti, il-ħass u l-pjanti tal-insalata, il-burdlieq, il-ħxejjex aromatiċi u l-fjuri li jittieklu, il-piżelli, iż-żerriegħa tal-kittien, iż-żerriegħa tal-ġirasol, iż-żerriegħa tal-lift, ix-xgħir, il-ħafur, ir-ross, is-segala, il-qamħ, il-kafeni, l-infużjonijiet erbali mill-fjuri, il-weraq u l-ħxejjex aromatiċi u l-għeruq, il-ħwawar, il-pitravi taz-zokkor, il-bovini (ix-xaħam, il-kliewi), ix-xaħam taż-żwiemel u l-fwied tat-tjur. Billi ma hemmx riskju għall-konsumaturi, l-MRLs għal dawk il-prodotti jenħtieġ li jiġu stabbiliti fl-Anness II tar-Regolament (KE) Nru 396/2005 fil-livell identifikat mill-Awtorità. L-Awtorità kkonkludiet li fir-rigward tal-livelli massimi ta’ residwi tal-Codex (CXLs) għall-kumquat, il-liċċi, il-frott tal-passjoni, il-bajtar tax-xewk, it-tuffieħ stilla, il-frott tal-Kaki tal-Virġinja, l-avokado, il-papaja, ir-rummien, iċ-ċerimoja, il-gwava, il-frotta tas-siġra tal-ħobż, id-durian u l-frotta tal-annona, xi informazzjoni ma kinitx disponibbli b’rabta mad-definizzjoni l-ġdida tar-residwu u li kienet meħtieġa aktar kunsiderazzjoni mill-maniġers tar-riskju. Billi ma hemmx riskju għall-konsumaturi, l-MRLs għal dawk il-prodotti jenħtieġ li jiġu stabbiliti fl-Anness II tar-Regolament (KE) Nru 396/2005 fil-livell ts-CXLs eżistenti. Se ssir reviżjoni ta’ dawn l-MRLs; l-eżami se jqis l-informazzjoni disponibbli fi żmien sentejn mill-pubblikazzjoni ta’ dan ir-Regolament. |
|
(3) |
Fir-rigward ta’ prodotti li fuqhom mhux awtorizzat l-użu tal-prodotti għall-protezzjoni tal-pjanti kkonċernat, u li għalihom ma jeżistu l-ebda tolleranzi tal-importazzjoni jew CXLs, jeħtieġ li l-MRLs jiġu stabbiliti fil-limitu speċifiku ta’ kwantifikazzjoni jew jenħtieġ li japplika l-MRL prestabbilit, kif stipulat fl-Artikolu 18(1)(b) tar-Regolament (KE) Nru 396/2005. |
|
(4) |
Il-Kummissjoni kkonsultat lil-laboratorji ta’ referenza tal-Unjoni Ewropea dwar ir-residwi tal-pestiċidi fir-rigward tal-bżonn li jiġu adattati ċerti limiti ta’ determinazzjoni. Fir-rigward ta’ diversi sustanzi, dawk il-laboratorji kkonkludew li għal ċertu prodotti bażiċi l-iżvilupp tekniku jeżiġi li jiġu stabbiliti limiti speċifiċi ta’ determinazzjoni. |
|
(5) |
Abbażi tal-opinjonijiet motivati tal-Awtorità u filwaqt li jitqiesu l-fatturi rilevanti tas-suġġett ikkunsidrat, l-emendi xierqa tal-MRLs jissodisfaw ir-rekwiżiti tal-Artikolu 14(2) tar-Regolament (KE) Nru 396/2005. |
|
(6) |
Is-sħab kummerċjali tal-Unjoni ġew ikkonsultati dwar l-MRLs il-ġodda permezz tal-Organizzazzjoni Dinjija tal-Kummerċ u l-kummenti tagħhom tqiesu. |
|
(7) |
Għaldaqstant, jenħtieġ li r-Regolament (KE) Nru 396/2005 jiġi emendat skont dan. |
|
(8) |
Sabiex il-prodotti jkunu jistgħu jiġu kkummerċjalizzati, ipproċessati u kkunsmati b’mod normali, jenħtieġ li dan ir-Regolament jipprevedi arranġament tranżizzjonali għall-prodotti li jkunu ġew prodotti qabel il-modifika tal-MRLs u li għalihom jintwera li jinżamm livell għoli ta’ protezzjoni tal-konsumaturi. |
|
(9) |
Jenħtieġ li jitħalla jgħaddi perjodu raġonevoli ta’ żmien qabel ma jibdew japplikaw l-MRLs immodifikati, sabiex l-Istati Membri, il-pajjiżi terzi u l-operaturi tan-negozji tal-ikel jingħataw biżżejjed żmien biex iħejju ruħhom ħalli jkunu konformi mar-rekwiżiti l-ġodda li jirriżultaw mill-modifika tal-MRLs. |
|
(10) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 396/2005 huma emendati skont l-Anness ta’ dan ir-Regolament.
Artikolu 2
F’dak li għandu x’jaqsam mas-sustanza attiva tal-prochloraz fil-prodotti kollha jew fuqhom minbarra il-frott taċ-ċitru, il-kiwi, il-banana, il-mango, l-ananas u l-fwied mill-annimali bovini għandu jkompli japplika r-Regolament (KE) Nru 396/2005 hekk kif kien qabel ma ġie emendat b’dan ir-Regolament għall-prodotti li kienu mmanifatturati fl-UE jew importati lejha qabel l-4 ta’ Settembru 2020.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-4 ta’ Settembru 2020..
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta’ Frar 2020.
Għall-Kummissjoni
Il-President
Ursula VON DER LEYEN
(2) European Food Safety Authority; Review of the existing maximum residue levels for prochloraz according to Article 12 of Regulation (KE) Nru 396/2005. EFSA Journal 2018; 16(8):5401.
ANNESS
L-Annessi II u III tar-Regolament (KE) Nru 396/2005 huma emendati kif ġej:
|
(1) |
Fl-Anness II, il-kolonna għall-prochloraz hija sostitwita b’dan li ġej:
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(2) |
Fil-parti B tal-Anness III, titħassar il-kolonna għall-procholoraz. |