ANNESS

Dan l-Anness jistabbilixxi l-programm ta’ kontrolli li għandhom jitwettqu mill-esperti tal-Kummissjoni fl-Istati Membri fl-oqsma koperti mir-Regolament (UE) 2017/625 għall-perjodu ta’ bejn l-2021 u l-2025.

Għall-perjodu kkonċernat, il-Kummissjoni identifikat ċerti oqsma ta’ prijorità fl-oqsma tas-sigurtà tal-ikel u tal-għalf, tal-kwalità tal-ikel, tas-saħħa u tat-trattament xieraq tal-annimali, tas-saħħa tal-pjanti, tal-prodotti għall-protezzjoni tal-pjanti, u tal-funzjonament tas-sistemi ta’ kontroll nazzjonali u tal-awtoritajiet kompetenti.

Il-kontrolli tal-Kummissjoni għandhom ikopru lill-Istati Membri kollha f’kull qasam ta’ prijorità. Kwistjonijiet speċifiċi koperti minn kontrolli individwali għandhom jiġu adattati għas-sitwazzjoni f’kull Stat Membru.

L-esperti tal-Kummissjoni għandhom iwettqu l-kontrolli, li jinkludu verifiki fuq il-post, awditi, u analiżijiet ibbażati fuq id-dokumentazzjoni, skont l-Artikolu 116 tar-Regolament (UE) 2017/625.

Il-programm pluriennali għall-kontrolli tal-Kummissjoni fl-Istati Membri għall-perjodu ta’ bejn l-2021 u l-2025 biex tiġi vverifikata l-applikazzjoni tar-regoli fl-oqsma koperti mill-Artikolu 1(2) tar-Regolament (UE) 2017/625 ikopri wkoll oqsma oħra previsti f’dak ir-Regolament, bħal kontrolli fuq il-frodi u l-importazzjoni. Dan huwa stabbilit fil-Kapitoli 1–10 (imqassma skont il-qasam u l-objettiv speċifiku) u l-Kapitolu 11 (imqassam skont is-sena) ta’ dan l-Anness.

1. L-ikel u s-sikurezza tal-ikel

Qasam ta’ prijorità	Objettivi Speċifiċi
Ikel li joriġina mill-annimali (eż. is-sikurezza tal-laħam tal-mammiferi u tal-għasafar u tal-prodotti tagħhom, tal-ħalib u tal-prodotti tiegħu, tal-prodotti tas-sajd u l-iġjene tal-produzzjoni ta’ molluski bivalvi ħajjin)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni dwar is-sikurezza tal-ikel li tirregola l-produzzjoni u t-tqegħid fis-suq ta’ ikel li joriġina mill-annimali (li tkopri wkoll it-traċċabbiltà u t-tikkettar, inkluż ta’ organiżmi ġenetikament modifikati), b’enfasi partikolari fuq il-laħam tal-mammiferi u tal-għasafar u l-prodotti tagħhom, il-ħalib u l-prodotti tiegħu, il-prodotti tas-sajd, u l-molluski bivalvi ħajjin, u l-implimentazzjoni tal-kontrolli uffiċjali fuqhom.
Żoonożi li ġejjin mill-ikel (eż. Salmonella)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola l-kontroll taż-żoonożi li ġejjin mill-ikel, b’enfasi partikolari fuq il-livell ta’ implimentazzjoni u effettività tal-programmi veterinarji nazzjonali kofinanzjati mill-Kummissjoni u l-implimentazzjoni tal-kontrolli uffiċjali fuqhom.
Ikel li ma joriġinax mill-annimali (eż. is-sikurezza tal-frott u tal-ħaxix, tal-ħxejjex aromatiċi, tal-ħwawar u tan-nebbieta)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni dwar is-sikurezza tal-ikel li tirregola l-produzzjoni u t-tqegħid fis-suq ta’ ikel li ma joriġinax mill-annimali (li tkopri wkoll it-traċċabbiltà u t-tikkettar, inkluż ta’ organiżmi ġenetikament modifikati), b’enfasi partikolari fuq is-sikurezza mikrobijoloġika, u l-implimentazzjoni tal-kontrolli uffiċjali fuqha.
Residwi f’annimali ħajjin u f'ikel li joriġina mill-annimali (residwi ta’ prodotti mediċinali veterinarji, pestiċidi u kontaminanti)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola r-residwi ta’ prodotti mediċinali veterinarji, pestiċidi u kontaminanti f’annimali ħajjin u f'ikel li joriġina mill-annimali. Li jiġi vverifikat li l-pjanijiet ta’ monitoraġġ tar-residwi sottomessi mill-Istati Membri jikkonformaw mar-rekwiżiti stabbiliti fil-leġiżlazzjoni rilevanti tal-Unjoni.
Kontaminanti f’ikel li ma joriġinax mill-annimali (eż. mikotossini)	Li jiġi vverifikat, abbażi tal-pjanijiet ta’ kontroll nazzjonali pluriennali tal-Istati Membri u r-rapporti dwarhom, li l-kontrolli uffiċjali fuq kontaminanti fl-ikel li ma joriġinax mill-annimali jikkonformaw mar-rekwiżiti stabbiliti fil-leġiżlazzjoni rilevanti applikabbli tal-Unjoni.

2. L-għalf u s-sikurezza tal-għalf

Qasam ta’ prijorità	Objettivi Speċifiċi
L-iġjene ġenerali tal-għalf (iġjene tal-għalf, approvazzjoni u reġistrazzjoni tal-istabbilimenti, traċċabbiltà, tikkettar u kontaminanti)	Li jiġu vverifikati l-konformità tal-Istati Membri mal-leġiżlazzjoni applikabbli tal-Unjoni li tirregola l-iġjene tal-għalf (b’enfasi partikolari fuq l-iġjene tal-għalf, l-approvazzjoni u r-reġistrazzjoni tal-istabbilimenti, il-kontaminanti, it-traċċabbiltà u t-tikkettar, inkluż tal-organiżmi ġenetikament modifikati) u l-implimentazzjoni tal-kontrolli uffiċjali fuqha.
Għalf medikat	Li tiġi vverifikata l-konformità tal-Istati Membri mar-rekwiżiti legali tal-Unjoni li jirregolaw il-produzzjoni tal-għalf medikat, applikabbli minn Jannar 2022.
Prodotti sekondarji mill-annimali u prodotti derivati (is-settur tal-laħam, l-impjanti tal-ipproċessar)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola l-immaniġġjar, l-użu u r-rimi ta’ prodotti sekondarji mill-annimali u prodotti derivati ġenerati fl-Unjoni jew imqiegħda fis-suq tal-Unjoni u l-implimentazzjoni tal-kontrolli uffiċjali fuqhom, b’enfasi partikolari fuq is-settur tal-laħam u l-impjanti tal-ipproċessar.

3. Is-saħħa tal-annimali

Qasam ta’ prijorità	Objettivi Speċifiċi
Mard epiżootiku attiv (eż. id-deni Afrikan tal-ħnieżer, l-influwenza tat-tjur b’patoġeniċità għolja)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola l-kontroll tal-mard attiv ewlieni tal-annimali, bħad-deni Afrikan tal-ħnieżer u l-influwenza tat-tjur b’patoġeniċità għolja, u l-implimentazzjoni tal-kontrolli uffiċjali fuqhom.
Żoonożi li mhux ġejjin mill-ikel (eż. ir-rabja)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola l-kontroll taż-żoonożi li mhux ġejjin mill-ikel, b’enfasi partikolari fuq il-livell ta’ implimentazzjoni u effettività tal-programmi veterinarji nazzjonali kofinanzjati mill-Kummissjoni u l-implimentazzjoni tal-kontrolli uffiċjali fuqhom.
Mard enżootiku (eż. tuberkulożi, bruċellożi)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola l-kontroll tal-mard enżootiku, b’enfasi partikolari fuq il-livell ta’ implimentazzjoni u effettività tal-programmi veterinarji nazzjonali kofinanzjati mill-Kummissjoni, u l-implimentazzjoni tal-kontrolli uffiċjali fuqhom.
Tħejjija u prevenzjoni (l-ippjanar ta’ kontinġenza)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola t-tħejjija biex wieħed ilaħħaq ma’ tifqigħat multipli ta’ mard epiżootiku u l-implimentazzjoni tal-kontrolli uffiċjali fuqhom.

4. It-trattament xieraq tal-annimali

Qasam ta’ prijorità	Objettivi Speċifiċi
It-trasport (annimali mhux b'saħħithom, bastimenti tal-bhejjem, għoġġiela mhux miftuma, postijiet ta’ kontroll użati għat-tranżitu tal-annimali)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola t-trattament xieraqtal-annimali waqt it-trasport, b’enfasi partikolari fuq annimali mhux b'saħħithom, bastimenti tal-bhejjem, għoġġiela mhux miftuma u postijiet ta’ kontroll użati għat-tranżitu tal-annimali, u l-implimentazzjoni tal-kontrolli uffiċjali fuqhom.
Fir-razzett (tiġieġ tal-bajd)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola t-trattament xieraq tat-tiġieġ tal-bajd matul it-trobbija u l-implimentazzjoni tal-kontrolli uffiċjali fuqu.
Tbiċċir (ruminanti, tjur)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola t-trattament xieraq tar-ruminanti u tat-tjur waqt it-tbiċċir, u l-implimentazzjoni tal-kontrolli uffiċjali fuqu.

5. Is-saħħa tal-pjanti

Qasam ta’ prijorità	Objettivi Speċifiċi
Tifqigħat ta’ pesti tal-pjanti (li jippreżentaw theddida sinifikanti)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola l-kontroll tal-pesti tal-pjanti misjuba fit-territorju tal-Unjoni, b’enfasi partikolari fuq il-pesti li jippreżentaw theddida sinifikanti, pereżempju, il-Xylella fastidiosa, il-virus tal-frott imkemmex u kannella tat-tadam, in-nematodu tal-injam tal-arżnu, il-ħanfus tal-qrun twil (Anoplophora), it-trioza u organiżmi ta’ ħsara oħrajn identifikati bħala prijorità u l-implimentazzjoni tal-kontrolli uffiċjali fuqhom.
Tħejjija u prevenzjoni (l-ippjanar ta’ kontinġenza)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola t-tfassil u l-aġġornament tal-pjanijiet ta’ kontinġenza għas-saħħa tal-pjanti.
Moviment ta’ pjanti, prodotti tal-pjanti u oġġetti oħra fl-Unjoni (passaporti tal-pjanti)	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni dwar is-saħħa tal-pjanti li tirregola l-moviment tal-pjanti, tal-prodotti tal-pjanti u ta' oġġetti oħra fl-Unjoni, b’enfasi partikolari fuq il-passaporti tal-pjanti, u l-implimentazzjoni tal-kontrolli uffiċjali fuqhom.

6. It-tqegħid fis-suq u l-użu ta’ prodotti għall-protezzjoni tal-pjanti u l-użu sostenibbli tal-pestiċidi

Qasam ta’ prijorità

Objettivi Speċifiċi

Prodotti għall-protezzjoni tal-pjanti

(awtorizzazzjoni, kummerċjalizzazzjoni u użu ta’ pestiċidi, residwi tal-pestiċidi)

Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola l-awtorizzazzjoni, il-kummerċjalizzazzjoni u l-użu tal-prodotti għall-protezzjoni tal-pjanti u tar-residwi tal-pestiċidi, u l-implimentazzjoni tal-kontrolli uffiċjali fuqhom.

Użu sostenibbli tal-pestiċidi

Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola l-użu sostenibbli tal-pestiċidi, u l-implimentazzjoni tal-kontrolli uffiċjali fuqu.

7. Il-kwalità tal-ikel

Qasam ta’ prijorità	Objettivi Speċifiċi
Biedja organika	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola l-produzzjoni u t-tikkettar ta’ prodotti organiċi (inklużi t-traċċabbiltà u t-tikkettar ta’ organiżmi ġenetikament modifikati), u l-implimentazzjoni tal-kontrolli uffiċjali fuqhom.
Indikazzjonijiet ġeografiċi	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola l-produzzjoni u t-tikkettar tal-indikazzjonijiet ġeografiċi (id-denominazzjoni ta’ oriġini protetta (DOP), l-indikazzjoni ġeografika protetta (IĠP) u l-ispeċjalità tradizzjonali garantita (STG)), u l-implimentazzjoni tal-kontrolli uffiċjali fuqhom.

8. Id-dħul fl-Unjoni ta’ annimali u oġġetti minn pajjiżi terzi

Qasam ta’ prijorità	Objettivi Speċifiċi
Kontrolli uffiċjali fuq l-annimali u l-oġġetti	Li jiġi vverifikat li l-Istati Membri jissodisfaw l-obbligi tagħhom fir-rigward tat-twettiq ta’ kontrolli uffiċjali fuq annimali u oġġetti li jidħlu fl-Unjoni minn pajjiżi terzi. Li jiġi vverifikat li l-annimali u l-oġġetti li jidħlu fl-Unjoni minn pajjiżi terzi jikkonformaw mar-rekwiżiti ġenerali u speċifiċi applikabbli tal-Unjoni għad-dħul fl-Unjoni. Se jkun hemm enfasi speċjali fuq ir-regoli stabbiliti bir-Regolament (UE) 2017/625 u l-atti delegati u ta’ implimentazzjoni relatati.
Il-konformità tal-postijiet ta’ kontroll fuq il-fruntiera	Li jiġi vverifikat li l-postijiet ta’ kontroll fuq il-fruntiera proposti għall-għażla mill-Istati Membri jikkonformaw mar-rekwiżiti minimi għall-postijiet ta’ kontroll fuq il-fruntiera, inklużi ċ-ċentri ta’ spezzjoni stabbiliti fil-leġiżlazzjoni applikabbli tal-Unjoni qabel ma tali postijiet jintgħażlu. Li jiġi vverifikat li l-postijiet ta’ kontroll fuq il-fruntiera, il-punti magħżulin ta’ dħul, il-punti ta’ dħul u l-ewwel punti ta’ introduzzjoni magħżulin mill-ġdid skont l-Artikolu 61(2) tar-Regolament (UE) 2017/625 jikkonformaw mar-rekwiżiti minimi applikabbli. Li jiġi vverifikat li l-punti ta’ kontroll differenti mill-postijiet ta’ kontroll fuq il-fruntiera, imsemmija fl-Artikolu 53(1)(a) tar-Regolament (UE) 2017/625, jikkonformaw mar-rekwiżiti minimi applikabbli.
Kontrolli uffiċjali fuq is-saħħa tal-pjanti	Li jiġi vverifikat li l-Istati Membri jissodisfaw l-obbligi tagħhom fir-rigward tat-twettiq ta' kontrolli uffiċjali tas-saħħa tal-pjanti fuq il-pjanti, il-prodotti tal-pjanti u oġġetti oħra li jidħlu fl-Unjoni minn pajjiżi terzi. Li jiġi żgurat li l-pjanti, il-prodotti tal-pjanti u oġġetti oħra li jidħlu fl-Unjoni minn pajjiżi terzi jikkonformaw mar-rekwiżiti applikabbli tal-Unjoni dwar is-saħħa tal-pjanti għad-dħul fl-Unjoni.

9. Reżistenza għall-antimikrobiċi

Qasam ta’ prijorità	Objettivi Speċifiċi
Monitoraġġ tar-reżistenza għall-antimikrobiċi f’batterji żoonotiċi u kommensali	Li tiġi vverifikata l-konformità tal-Istati Membri mal-leġiżlazzjoni li tirregola l-monitoraġġ tar-reżistenza għall-antimikrobiċi f’batterji żoonotiċi u kommensali u b’hekk jikkontribwixxu għall-implimentazzjoni sħiħa tal-Pjan ta' Azzjoni Ewropew Saħħa Waħda kontra r-Reżistenza Antimikrobika (AMR) tal-2017 (1).

10. Aspetti ġenerali fil-katina agroalimentari

Qasam ta’ prijorità	Objettivi Speċifiċi
Frodi	Li tiġi vverifikata l-konformità tal-Istati Membri mal-leġiżlazzjoni applikabbli tal-Unjoni li tirregola l-identifikazzjoni u s-segwitu ta’ prattiki frawdolenti jew qarrieqa tul il-katina agroalimentari u l-implimentazzjoni tal-kontrolli uffiċjali fuqha.
Segwitu għar-rakkomandazzjonijiet tal-awditjar (settorjali u ġenerali)	Li jiġi vverifikat li l-Istati Membri jieħdu miżuri ta’ segwitu xierqa biex jirrimedjaw kwalunkwe nuqqas speċifiku jew sistematiku identifikat mill-kontrolli tal-Kummissjoni.
Kontrolli tal-esportazzjoni	Li jiġu vverifikati l-kontrolli uffiċjali tal-Istati Membri fuq l-implimentazzjoni tar-rekwiżiti taċ-ċertifikazzjoni għall-esportazzjonijiet.

11. Il-programm ta’ kontroll pluriennali għal bejn l-2021 u l-2025 imqassam skont is-sena

Qasam	Qasam ta’ prijorità	2021	2022	2023	2024	2025
L-ikel u s-sikurezza tal-ikel	Ikel li joriġina mill-annimali	Is-sikurezza tal-laħam tal-mammiferi u tal-għasafar u tal-prodotti tagħhom, tal-ħalib u prodotti tiegħu, tal-prodotti tas-sajd, tal-molluski bivalvi ħajjin
	Żoonożi li ġejjin mill-ikel	Żoonożi ta’ prijorità (pereżempju: is-Salmonella)
	Ikel li ma joriġinax mill-annimali	Is-sikurezza tal-frott u tal-ħaxix, tal-ħxejjex aromatiċi, tal-ħwawar u tan-nebbieta
	Residwi	Residwi f’annimali ħajjin u f'ikel li joriġina mill-annimali
	Kontaminanti	Kontaminanti f’ikel li ma joriġinax mill-annimali
L-għalf u s-sikurezza tal-għalf	Is-sikurezza tal-għalf	L-iġjene ġenerali tal-għalf
				Għalf medikat
		Prodotti sekondarji mill-annimali u prodotti derivati
Is-saħħa tal-annimali	Mard epiżootiku attiv	Mard ta’ prijorità (pereżempju: id-deni Afrikan tal-ħnieżer, l-influwenza tat-tjur b’patoġeniċità għolja)
	Żoonożi li mhux ġejjin mill-ikel	Żoonożi ta’ prijorità (pereżempju: ir-rabja)
	Mard enżootiku	Mard bi programmi ta’ eradikazzjoni attivi (pereżempju: it-tuberkulożi, il-bruċellożi)
	Tħejjija u prevenzjoni		L-ippjanar ta’ kontinġenza għas-saħħa tal-annimali
It-trattament xieraq tal-annimali	It-trasport		Annimali mhux b'saħħithom, bastimenti tal-bhejjem, għoġġiela mhux miftuma
			Postijiet ta’ kontroll użati għat-tranżitu tal-annimali
	Fir-razzett	It-tiġieġ tal-bajd
	Tbiċċir	Ruminanti, tjur
Is-saħħa tal-pjanti	Tifqigħat ta’ pesti tal-pjanti	Pesti ta’ prijorità (pereżempju: il-Xylella fastidiosa, il-virus tal-frott imkemmex u kannella tat-tadam, in-nematodu tal-injam tal-arżnu, il-ħanfus tal-qrun twil (Anoplophora), it-trioza)
	Tħejjija u prevenzjoni				Ippjanar ta’ kontinġenza għas-saħħa tal-pjanti
	Moviment ta’ pjanti, prodotti tal-pjanti u oġġetti oħra fl-Unjoni		Passaporti tal-pjanti
PPP u SUD	Prodotti għall-protezzjoni tal-pjanti (PPP)		Awtorizzazzjoni, kummerċjalizzazzjoni u użu tal-pestiċidi
			Residwi tal-pestiċidi
	Użu sostenibbli tal-pestiċidi (SUD)	Użu sostenibbli tal-pestiċidi

Qasam	Qasam ta’ prijorità	2021	2022	2023	2024	2025
Il-kwalità tal-ikel	Biedja organika	Biedja organika
	Indikazzjonijiet ġeografiċi	L-użu u t-tikkettar tad-DOP/IĠP/STG
Id-dħul fl-Unjoni ta’ annimali u oġġetti minn pajjiżi terzi	Kontrolli uffiċjali fuq l-annimali u l-oġġetti	Kontrolli uffiċjali fuq l-annimali u l-oġġetti
	Postijiet ta’ kontroll fuq il-fruntiera	Il-konformità tal-postijiet ta’ kontroll fuq il-fruntiera
	Kontrolli uffiċjali fuq is-saħħa tal-pjanti	Kontrolli uffiċjali fuq is-saħħa tal-pjanti fuq pjanti, prodotti tal-pjanti u oġġetti oħra
AMR	Monitoraġġ		Monitoraġġ tar-reżistenza għall-antimikrobiċi f’batterji żoonotiċi u kommensali
Aspetti ġenerali fil-katina agroalimentari	Frodi	Arranġamenti fis-seħħ għall-ġlieda kontra prattiki frawdolenti jew qarrieqa
	Segwitu	Segwitu għar-rakkomandazzjonijiet tal-awditjar
	Esportazzjonijiet	Is-sorveljanza tal-Kummissjoni tal-kontrolli tal-Istati Membri fuq l-implimentazzjoni tar-rekwiżiti taċ-ċertifikazzjoni għall-esportazzjonijiet

(1) COM(2017) 339 final.