27.2.2020   

MT

Il-Ġurnal Uffiċjali tal-Unjoni Ewropea

LI 56/5

DEĊIŻJONI TAL-KUNSILL (PESK) 2020/275

tas-27 ta’ Frar 2020

li temenda d-Deċiżjoni (PESK) 2019/1894 dwar miżuri restrittivi fid-dawl tal-attivitajiet ta' tħaffir mhux awtorizzat tat-Turkija fil-Lvant tal-Mediterran

Il-Kunsill tal-Unjoni Ewropea,

Wara li kkunsidra t-Trattat dwar l-Unjoni Ewropea, u b'mod partikolari l-Artikolu 29 tiegħu,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l‐Politika ta' Sigurtà,

Billi:

(1)

Fil-11 ta' Novembru 2019, il-Kunsill adotta d-Deċiżjoni (PESK) 2019/1894 (1) dwar miżuri restrittivi fid-dawl tal-attivitajiet ta' tħaffir mhux awtorizzat tat-Turkija fil-Lvant tal-Mediterran.

(2)

Fit-12 ta' Diċembru 2019, il-Kunsill Ewropew fakkar fil-konklużjonijiet preċedenti tiegħu dwar it-Turkija tat-22 ta' Marzu u l-20 ta' Ġunju 2019. Huwa kkonferma mill-ġdid il-konklużjonijiet tiegħu tas-17 u t-18 ta' Ottubru 2019 dwar l-attivitajiet ta' tħaffir illegali tat-Turkija fiż-żona ekonomika esklussiva ta' Ċipru u b'mod inekwivoku afferma mill-ġdid is-solidarjetà tiegħu ma' Ċipru.

(3)

F'dan il-kuntest, u billi t-Turkija kompliet bl-attivitajiet mhux awtorizzati ta' tħaffir fil-Lvant tal-Mediterran, jenħtieġ li żewġ persuni jiġu inklużi fil-lista ta' persuni fiżiċi u ġuridiċi, entitajiet u korpi li tinsab fl-Anness għad-Deċiżjoni (PESK) 2019/1894.

(4)

L-Anness għad-Deċiżjoni (PESK) 2019/1894 jenħtieġ li jiġi emendat skont dan,

ADOTTA DIN ID-DEĊIŻJONI:

Artikolu 1

L-Anness għad-Deċiżjoni (PESK) 2019/1894 huwa emendat kif jinsab fl-Anness għal din id-Deċiżjoni.

Artikolu 2

Din id-Deċiżjoni għandha tidħol fis-seħħ fid-data tal-pubblikazzjoni tagħha f'Il-Ġurnal Uffiċjali tal-Unjoni Ewropea.

Magħmul fi Brussell, is-27 ta’ Frar 2020.

Għall-Kunsill

Il-President

D. HORVAT

(1)  Id-Deċiżjoni tal-Kunsill (PESK) 2019/1894 tal-11 ta' Novembru 2019 dwar miżuri restrittivi fid-dawl tal-attivitajiet ta' tħaffir mhux awtorizzat tat-Turkija fil-Lvant tal-Mediterran (ĠU L 291, 12.11.2019, p. 47).

ANNESS

Il-persuni li ġejjin jiżdiedu mal-lista ta' persuni fiżiċi u ġuridiċi, entitajiet u korpi li tinsab fl-Anness għad-Deċiżjoni (PESK) 2019/1894:

 

Isem

Informazzjoni ta' identifikazzjoni

Raġunijiet

Data tal-elenkar

“1.

Mehmet Ferruh AKALIN

Data tat-twelid: 9.12. 1960

Numru tal-passaport jew dokument ta' identità: 13571379758

Ċittadinanza: Turkija

Sess: raġel

Mehmet Ferruh Akalin huwa Viċi President (Assistant General Manager) u membru tal-Bord tad-Diretturi tat-Turkish Petroleum Corporation (TPAO). Huwa l-kap tad-Dipartimenti tat-TPAO għall-Esplorazzjoni, iċ-Ċentru għar-Riċerka u l-Iżvilupp u t-Teknoloġiji tal-Informazzjoni.

Fil-kapaċità tiegħu bħala Viċi President tat-TPAO u kap tad-Dipartiment għall-Esplorazzjoni tagħha, Mehmet Ferruh Akalin huwa responsabbli għall-ippjanar, id-direzzjoni u l-implimentazzjoni tal-attivitajiet tat-TPAO għall-esplorazzjoni għall-idrokarburi fil-baħar. Dawn jinkludu l-attivitajiet ta' tħaffir tat-TPAO li ma ġewx awtorizzati mir-Repubblika ta' Ċipru, kif jidher hawn taħt.

Dawk l-attivitajiet ta' tħaffir mhux awtorizzat twettqu minn:

(a)

il-bastiment tat-TPAO għat-tħaffir Yavuz fil-baħar territorjali tar-Repubblika ta' Ċipru bejn Lulju u Settembru 2019;

(b)

il-bastiment tat-TPAO għat-tħaffir Yavuz fiż-żona ekonomika esklussiva tar-Repubblika ta' Ċipru nnotifikata minnha lin-Nazzjonijiet Uniti u delimitata fi ftehim mal-Eġittu, bejn Ottubru 2019 u Jannar 2020;

(c)

il-bastiment tat-TPAO għat-tħaffir Fatih fiż-żona ekonomika esklussiva tar-Repubblika ta' Ċipru nnotifikata minnha lin-Nazzjonijiet Uniti, qrib ħafna għall-baħar territorjali tagħha, minn Novembru 2019 'il quddiem;

(d)

il-bastiment tat-TPAO għat-tħaffir Fatih fil-parti tal-punent taż-żona ekonomika esklussiva tar-Repubblika ta' Ċipru nnotifikata minnha lin-Nazzjonijiet Uniti, bejn Mejju u Novembru 2019.

It-TPAO ħabbret ukoll aktar attivitajiet ta' tħaffir ippjanati li ser jitwettqu, mingħajr l-awtorizzazzjoni tar-Repubblika ta' Ċipru, mill-bastiment tat-TPAO għat-tħaffir Yavuz f'parti miż-żona ekonomika esklussiva tar-Repubblika ta' Ċipru nnotifikata minnha lin-Nazzjonijiet Uniti u delimitata fi ftehimiet mal-Eġittu u l-Iżrael, bejn Jannar u Mejju 2020.

27.2.2020

2.

Ali Coscun NAMOGLU

Data tat-twelid: 27.11.1956

Numru tal-passaport jew dokument ta' identità: 11096919534

Ċittadinanza: Turkija

Sess: raġel

Ali Coscun Namoglu huwa l-Viċi Direttur tad-Dipartiment għall-Esplorazzjoni tat-Turkish Petroleum Corporation (TPAO).

F'din il-kapaċità, Ali Coscun Namoglu huwa involut fl-ippjanar, id-direzzjoni u l-implimentazzjoni tal-attivitajiet tat-TPAO għall-esplorazzjoni għall-idrokarburi fil-baħar. Dawn jinkludu l-attivitajiet ta' tħaffir tat-TPAO li ma ġewx awtorizzati mir-Repubblika ta' Ċipru, kif jidher hawn taħt.

Dawk l-attivitajiet ta' tħaffir mhux awtorizzat twettqu minn:

(a)

il-bastiment tat-TPAO għat-tħaffir Yavuz fil-baħar territorjali tar-Repubblika ta' Ċipru bejn Lulju u Settembru 2019;

(b)

il-bastiment tat-TPAO għat-tħaffir Yavuz fiż-żona ekonomika esklussiva tar-Repubblika ta' Ċipru nnotifikata minnha lin-Nazzjonijiet Uniti u delimitata fi ftehim mal-Eġittu, bejn Ottubru 2019 u Jannar 2020;

(c)

il-bastiment tat-TPAO għat-tħaffir Fatih fiż-żona ekonomika esklussiva tar-Repubblika ta' Ċipru nnotifikata minnha lin-Nazzjonijiet Uniti, qrib ħafna għall-baħar territorjali tagħha, minn Novembru 2019 ' il-quddiem;

(d)

il-bastiment tat-TPAO għat-tħaffir Fatih fil-parti tal-punent taż-żona ekonomika esklussiva tar-Repubblika ta' Ċipru nnotifikata minnha lin-Nazzjonijiet Uniti, bejn Mejju u Novembru 2019.

It-TPAO ħabbret ukoll aktar attivitajiet ta' tħaffir ippjanati li ser jitwettqu, mingħajr l-awtorizzazzjoni tar-Repubblika ta' Ċipru, mill-bastiment tat-TPAO għat-tħaffir Yavuz f'parti miż-żona ekonomika esklussiva tar-Repubblika ta' Ċipru nnotifikata minnha lin-Nazzjonijiet Uniti u delimitata fi ftehimiet mal-Eġittu u l-Iżrael, bejn Jannar u Mejju 2020.

27.2.2020”