REGOLAMENT TA’ IMPLIMENTAZZJONI TAL-KUMMISSJONI (UE) 2019/1726

tal-15 ta’ Ottubru 2019

li jnaqqas il-kwoti tas-sajd disponibbli għal ċerti stokkijiet fl-2019 minħabba sajd eċċessiv fis-snin ta’ qabel

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema tal-Unjoni ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (1), u b’mod partikulari l-Artikolu 105(1), (2) u (3) tiegħu,

Billi:

(1)

Il-kwoti tas-sajd għall-2018 ġew stabbiliti bir-Regolamenti li ġejjin:

—	ir-Regolament tal-Kunsill (UE) 2016/2285 (2),

—	ir-Regolament tal-Kunsill (UE) 2017/1970 (3),

—	ir-Regolament tal-Kunsill (UE) 2017/2360 (4), u

—	ir-Regolament tal-Kunsill (UE) 2018/120 (5).

(2)

Il-kwoti tas-sajd għall-2019 ġew stabbiliti bir-Regolamenti li ġejjin:

—	ir-Regolament tal-Kunsill (UE) 2018/1628 (6),

—	ir-Regolament tal-Kunsill (UE) 2018/2025 (7),

—	ir-Regolament tal-Kunsill (UE) 2018/2058 (8), u

—	ir-Regolament tal-Kunsill (UE) 2019/124 (9).

(3)	Skont l-Artikolu 105(1) tar-Regolament (KE) Nru 1224/2009, meta l-Kummissjoni tkun stabbiliet li Stat Membru jkun qabeż il-kwoti tas-sajd li kienu allokati lilu, hija għandha tnaqqas il-kwoti tas-sajd futuri ta’ dak l-Istat Membru.

(4)	L-Artikolu 105(2) u (3) tar-Regolament (KE) Nru 1224/2009 jipprevedi li dan it-tnaqqis tal-kwoti tas-sajd irid isir fis-sena jew fis-snin sussegwenti billi jiġu applikati l-fatturi rispettivi ta’ multiplikazzjoni mogħtija f’dawk il-paragrafi.

(5)	Ċerti Stati Membri qabżu l-kwoti tas-sajd allokati lilhom għall-2018. Għalhekk huwa xieraq li jitnaqqsu l-kwoti tas-sajd allokati lilhom fl-2019 u, fejn rilevanti, fis-snin sussegwenti, għall-istokkijiet mistada żżejjed.

(6)

Ir-Regolament ta’ Implimentazzjoni tal-Kummissjoni (UE) 2018/1969 (10) u r-Regolament ta’ Implimentazzjoni tal-Kummissjoni (UE) 2019/479 (11) naqqsu l-kwoti tas-sajd disponibbli għal ċerti pajjiżi u għal ċerti speċijiet għall-2018. Madankollu, għal ċerti pajjiżi, it-tnaqqis li kellu jiġi applikat għal ċerti speċijiet kien ikbar mill-kwoti rispettivi disponibbli fl-2018 u għalhekk ma setax jitwettaq bis-sħiħ dik is-sena. Sabiex ikun żgurat li f’dawn il-każijiet jitnaqqas l-ammont kollu għall-istokkijiet rispettivi, jenħtieġ li jitqiesu l-kwantitajiet li jkun għad fadal meta jiġi stabbilit it-tnaqqis għall-2019 u, meta jkun xieraq, mill-kwoti sussegwenti.

(7)

Wara bidliet fid-definizzjonijiet taż-żoni tal-istokkijiet stabbiliti fir-Regolament (UE) 2019/124, jenħtieġ li t-tnaqqis li fadal li japplika għall-Belġju minħabba li fl-2017 ġiet mistada żżejjed ir-raja ondjata fl-ilmijiet tal-Unjoni taż-żona 7d (RJU/07D.) jiġi applikat għall-kwota għar-raja ondjata għall-2019 fl-ilmijiet tal-Unjoni taż-żoni 7d u 7e (RJU/7DE.).

(8)	Jenħtieġ li t-tnaqqis mill-kwoti tas-sajd previst f’dan ir-Regolament japplika mingħajr preġudizzju għat-tnaqqis applikabbli għall-kwoti tal-2019 skont ir-Regolament ta’ Implimentazzjoni tal-Kummissjoni (UE) Nru 185/2013 (12).

(9)	Billi l-kwoti jingħataw f’tunnellati, jenħtieġ li s-sajd eċċessiv ta’ kwantitajiet ta’ inqas minn tunnellata ma jitqiesx,

ADOTTAT DAN IR-REGOLAMENT:

Artikolu 1

1. Il-kwoti tas-sajd stabbiliti fir-Regolamenti (UE) 2018/1628, (UE) 2018/2025, (UE) 2018/2058 u (UE) 2019/124 għall-2019 għandhom jitnaqqsu kif stabbilit fl-Anness ta’ dan ir-Regolament.

2. Il-paragrafu 1 għandu japplika mingħajr preġudizzju għat-tnaqqis previst fir-Regolament ta’ Implimentazzjoni (UE) Nru 185/2013.

Artikolu 2

Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-15 ta’ Ottubru 2019.

Għall-Kummissjoni

Il-President

Jean-Claude JUNCKER

(1) ĠU L 343, 22.12.2009, p. 1.

(2) Ir-Regolament tal-Kunsill (UE) 2016/2285 tat-12 ta’ Diċembru 2016 li jiffissa għall-2017 u l-2018 l-opportunitajiet tas-sajd għall-bastimenti tas-sajd tal-Unjoni għal ċerti stokkijiet ta’ ħut tal-fond u li jemenda r-Regolament (UE) 2016/72 (ĠU L 344, 17.12.2016, p. 32).

(3) Ir-Regolament tal-Kunsill (UE) 2017/1970 tas-27 ta’ Ottubru 2017 li jiffissa għall-2018 l-opportunitajiet tas-sajd għal ċerti stokkijiet ta’ ħut u gruppi ta’ stokkijiet ta’ ħut applikabbli fil-Baħar Baltiku u li jemenda r-Regolament (UE) 2017/127 (ĠU L 281, 31.10.2017, p. 1).

(4) Ir-Regolament tal-Kunsill (UE) 2017/2360 tal-11 ta’ Diċembru 2017 li jiffissa għall-2018 l-opportunitajiet tas-sajd għal ċerti stokkijiet ta’ ħut u gruppi ta’ stokkijiet ta’ ħut fil-Baħar l-Iswed (ĠU L 337, 19.12.2017, p. 1).

(5) Ir-Regolament tal-Kunsill (UE) 2018/120 tat-23 ta’ Jannar 2018 li jistabbilixxi l-opportunitajiet tas-sajd għall-2018 għal ċerti stokkijiet tal-ħut u ċerti gruppi ta’ stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni, u li jemenda r-Regolament (UE) 2017/127 (ĠU L 27, 31.1.2018, p. 1).

(6) Ir-Regolament tal-Kunsill (UE) 2018/1628 tat-30 ta’ Ottubru 2018 li jistabbilixxi l-opportunitajiet tas-sajd għall-2019 għal ċerti stokkijiet ta’ ħut u gruppi ta’ stokkijiet ta’ ħut applikabbli fil-Baħar Baltiku u li jemenda r-Regolament (UE) 2018/120 fir-rigward ta’ ċerti opportunitajiet ta’ sajd f’ilmijiet oħra (ĠU L 272, 31.10.2018, p. 1).

(7) Ir-Regolament tal-Kunsill (UE) 2018/2025 tas-17 ta’ Diċembru 2018 li jiffissa l-opportunitajiet tas-sajd għall-bastimenti tas-sajd tal-Unjoni għal ċerti stokkijiet ta’ ħut tal-baħar fond għall-2019 u għall-2020 (ĠU L 325, 20.12.2018, p. 7).

(8) Ir-Regolament tal-Kunsill (UE) 2018/2058 tas-17 ta’ Diċembru 2018 li jiffissa għall-2019 l-opportunitajiet tas-sajd għal ċerti stokkijiet ta’ ħut u gruppi ta’ stokkijiet ta’ ħut fil-Baħar l-Iswed (ĠU L 329, 27.12.2018, p. 8).

(9) Ir-Regolament tal-Kunsill (UE) 2019/124 tat-30 ta’ Jannar 2019 li jistabbilixxi għall-2019 l-opportunitajiet tas-sajd għal ċerti stokkijiet tal-ħut u ċerti gruppi ta’ stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni (ĠU L 29, 31.1.2019, p. 1).

(10) Ir-Regolament ta’ Implimentazzjoni tal-Kummissjoni (UE) 2018/1969 tat-12 ta’ Diċembru 2018 li jnaqqas il-kwoti tas-sajd disponibbli għal ċerti stokkijiet fl-2018 minħabba sajd eċċessiv fis-snin ta’ qabel (ĠU L 316, 13.12.2018, p. 12).

(11) Ir-Regolament ta’ Implimentazzjoni tal-Kummissjoni (UE) 2019/479 tat-22 ta’ Marzu 2019 li jnaqqas il-kwoti tas-sajd disponibbli għal ċerti stokkijiet fl-2018 minħabba sajd eċċessiv ta’ stokkijiet oħrajn fis-snin ta’ qabel u li jemenda r-Regolament ta’ Implimentazzjoni (UE) 2018/1969 (ĠU L 82, 25.3.2019, p. 6).

(12) Ir-Regolament ta’ Implimentazzjoni tal-Kummissjoni (UE) Nru 185/2013 tal-5 ta’ Marzu 2013 li jipprovdi għal tnaqqis minn ċerti kwoti tas-sajd allokati lil Spanja fl-2013 u fis-snin sussegwenti minħabba s-sajd żejjed ta’ ċertu kwota tal-kavalli fl-2009 (ĠU L 62, 6.3.2013, p. 1).

ANNESS

TNAQQIS MILL-KWOTI TAS-SAJD GĦALL-2019 GĦALL-ISTOKKIJIET LI ĠEW MISTADA ŻŻEJJED

Stat Membru	Kodiċi tal-ispeċi	Kodiċi taż-żona	Isem l-ispeċi	Isem iż-żona	Il-kwota oriġinali tal-2018 (f’kilogrammi)	Il-ħatt l-art permess għall-2018 (il-kwantità totali adattata f’kilogrammi) (1)	Il-qabdiet totali li saru fl-2018 (il-kwantità f’kilogrammi)	Il-konsum tal-kwota meta mqabbel mal-ħatt l-art permess	Is-sajd eċċessiv meta mqabbel mal-ħatt l-art permess (il-kwantità f’kilogrammi)	Il-fattur ta’ multiplikazzjoni (2)	Fattur addizzjonali ta’ multiplikazzjoni (3) , (4)	It-tnaqqis pendenti mis-sena jew mis-snin ta’ qabel (5) (il-kwantità f’kilogrammi)	It-tnaqqis li jrid isir fl-2019 (il-kwantità f’kilogrammi)
BE	RJE	7FG.	Ir-raja għewejna	L-ilmijiet tal-Unjoni taż-żoni 7f u 7g	14 000	15 400	19 888	129,14 %	4 488	1,00	/	/	4 488
BE	RJU	07D. (6)	Ir-raja ondjata	L-ilmijiet tal-Unjoni taż-żona 7d	2 000	969	1 394	143,86 %	425 (7)	Ma japplikax	Ma japplikax	2 617	2 617
DE	COD	3BC+24	Il-bakkaljaw	Is-subdiviżjonijiet 22 sa 24	1 194 000	1 349 400	1 393 360	103,26 %	43 960	/	C (8)	/	43 960
DK	COD	3BC+24	Il-bakkaljaw	Is-subdiviżjonijiet 22 sa 24	2 444 000	2 594 270	2 617 780	100,91 %	23 510	/	C (8)	/	23 510
ES	BET	ATLANT	It-tonn obeż	L-Oċean Atlantiku	9 791 920	9 281 920	9 756 069	105,11 %	474 149	/	C (8)	/	474 149
ES	GHL	1N2AB.	Il-ħalibatt ta’ Greenland	L-ilmijiet Norveġiżi taż-żoni 1 u 2	/	0	27 736	Ma japplikax	27 736	1,00	A	/	41 604
ES	GHL	N3LMNO	Il-ħalibatt ta’ Greenland	Iż-żona 3LMNO tan-NAFO	4 534 000	4 496 772	4 508 020	100,25 %	11 248	/	A (8)+C (8)	/	11 248
ES	NEP	*07U16	L-iskampu	L-unità funzjonali 16 tas-subżona 7 tal-ICES	825 000	155 000	158 375	102,18 %	3 375	/	/	/	3 375
ES	RJU	9-C.	Ir-raja ondjata	L-ilmijiet tal-Unjoni taż-żona 9	15 000	15 000	17 067	113,78 %	2 067	1,00	/	/	2 067
ES	YFT	IOTC	It-tonn l-isfar	Iż-Żona ta’ Kompetenza tal-IOTC	45 682 000	45 354 940	44 964 373	99,14 %	– 390 567 (9)	Ma japplikax	Ma japplikax	2 138 460	2 138 460
EE	COD	N3M.	Il-bakkaljaw	Iż-żona 3M tan-NAFO	124 000	916 170	953 232	104,05 %	37 062	/	/	/	37 062
FR	GHL	1N2AB.	Il-ħalibatt ta’ Greenland	L-ilmijiet Norveġiżi taż-żoni 1 u 2	/	0	18 084	Ma japplikax	18 084	1,00	/	/	18 084
IE	HER	07A/MM	L-aringa	Iż-żona 7a	1 826 000	1 850 311	1 979 666	106,99 %	129 355	/	/	/	129 355
IE	MAC	2CX14-	Il-kavalli	Iż-żoni 6, 7, 8a, 8b, 8d u 8e, l-ilmijiet tal-Unjoni u dawk internazzjonali taż-żona 5b u l-ilmijiet internazzjonali taż-żoni 2a, 12 u 14	69 141 000	66 541 055	66 965 925	100,64 %	424 870	/	/	/	424 870
NL	POK	2C3A4	Il-pollakkju l-iswed	Iż-żoni 3a u 4 u l-ilmijiet tal-Unjoni taż-żona 2a	110 000	210 994	265 115	125,65 %	54 121	1,00	/	/	54 121
NL	WHG	56-14	Il-merlangu	Iż-żona 6, l-ilmijiet tal-Unjoni u dawk internazzjonali taż-żona 5b u l-ilmijiet internazzjonali taż-żoni 12 u 14	/	0	4 492	Ma japplikax	4 492	1,00	/	/	4 492
PL	COD	3BC+24	Il-bakkaljaw	Is-subdiviżjonijiet 22 sa 24	654 000	786 200	858 164	109,15 %	71 964	/	C (8)	32 331	104 295
PT	ALF	3X14-	Il-fonsa l-ħamra	L-ilmijiet tal-Unjoni u dawk internazzjonali taż-żoni III, IV, V, VI, VII, VIII, IX, X, XII u XIV	182 000	179 044	184 010	102,77 %	4 966	/	/	/	4 966
PT	BET	ATLANT	It-tonn obeż	L-Oċean Atlantiku	3 717 470	4 152 470	4 405 184	106,09 %	252 714	/	C (8)	/	252 714
PT	BFT	AE45WM	It-tonn	L-Oċean Atlantiku fil-Lvant ta’ 45° W u l-Mediterran	470 190	437 190	450 343	103,01 %	13 153	/	C (8)	/	13 153
PT	BUM	ATLANT	Il-marlin blu	L-Oċean Atlantiku	50 440	45 428	74 337	163,64 %	28 909	1,00	A	/	43 364
PT	RJU	9-C.	Ir-raja ondjata	L-ilmijiet tal-Unjoni taż-żona 9	15 000	33 000	36 295	109,98 %	3 295	/	/	/	3 295
UK	COD	N1GL14	Il-bakkaljaw	L-ilmijiet ta’ Greenland li jinsabu fiż-żona 1F tan-NAFO u l-ilmijiet ta’ Greenland taż-żoni 5, 12 u 14	382 000	497 520	512 187	102,95 %	14 667	/	/	/	14 667
UK	GHL	1N2AB.	Il-ħalibatt ta’ Greenland	L-ilmijiet Norveġiżi taż-żoni 1 u 2	25 000	22 000	24 434	111,06 %	2 434	1,00	/	/	2 434
UK	HER	4AB.	L-aringa	L-ilmijiet tal-Unjoni u dawk Norveġiżi taż-żona 4 li jinsabu fit-Tramuntana ta’ 53° 30′ N	79 381 000	84 694 795	84 739 599	100,05 %	44 804	/	/	/	44 804
UK	MAC	2CX14-	Il-kavalli	Iż-żoni 6, 7, 8a, 8b, 8d u 8e, l-ilmijiet tal-Unjoni u dawk internazzjonali taż-żona 5b u l-ilmijiet internazzjonali taż-żoni 2a, 12 u 14	190 143 000	186 253 028	189 644 893	101,82 %	3 391 865	/	A (8)	/	3 391 865
UK	POK	1N2AB.	Il-pollakkju l-iswed	L-ilmijiet Norveġiżi taż-żoni 1 u 2	182 000	459 700	463 509	100,83 %	3 809	/	/	/	3 809
UK	RHG	5B67-	Il-grenadier rasu raffa	L-ilmijiet tal-Unjoni u dawk internazzjonali taż-żoni Vb, VI u VII	1 510	1 510	7 588	502,52 %	6 078	1,00	/	/	6 078
UK	WHG	56-14	Il-merlangu	Iż-żona 6, l-ilmijiet tal-Unjoni u dawk internazzjonali taż-żona 5b u l-ilmijiet internazzjonali taż-żoni 12 u 14	122 000	124 060	139 470	112,42 %	15 410	1,00	/	/	15 410

(1) Il-kwoti disponibbli għal Stat Membru skont ir-Regolamenti rilevanti dwar l-opportunitajiet tas-sajd wara li jitqiesu l-iskambji tal-opportunitajiet tas-sajd skont l-Artikolu 16(8) tar-Regolament (UE) Nru 1380/2013 tal-Parlament Ewropew u tal-Kunsill (ĠU L 354, 28.12.2013, p. 22), it-trasferimenti tal-kwoti mill-2017 għall-2018 skont l-Artikolu 4(2) tar-Regolament tal-Kunsill (KE) Nru 847/96 (ĠU L 115, 9.5.1996, p. 3) u skont l-Artikolu 15(9) tar-Regolament (UE) Nru 1380/2013 jew ir-riallokazzjoni u t-tnaqqis tal-opportunitajiet tas-sajd skont l-Artikoli 37 u 105 tar-Regolament (KE) Nru 1224/2009.

(2) Kif stabbilit fl-Artikolu 105(2) tar-Regolament (KE) Nru 1224/2009. Tnaqqis ekwivalenti għas-sajd eċċessiv * 1,00 għandu japplika fil-każijiet kollha ta’ sajd eċċessiv ta’ 100 tunnellata jew inqas.

(3) Kif stabbilit fl-Artikolu 105(3) tar-Regolament (KE) Nru 1224/2009 u dejjem jekk is-sajd eċċessiv ikun jaqbeż l-10 %.

(4) L-ittra “A” turi li ġie applikat fattur addizzjonali ta’ multiplikazzjoni ta’ 1,5 minħabba li kien hemm sajd eċċessiv b’mod konsekuttiv fl-2016, fl-2017 u fl-2018. L-ittra “C” turi li ġie applikat fattur addizzjonali ta’ multiplikazzjoni ta’ 1,5 minħabba li l-istokk huwa suġġett għal pjan pluriennali.

(5) Il-kwantitajiet li fadal mis-sena jew mis-snin ta’ qabel.

(6) Ammont li għandu jitnaqqas minn RJU/7DE. (l-ilmijiet tal-Unjoni taż-żoni 7d u 7e).

(7) Il-kwantitajiet ta’ inqas minn tunnellata ma jitqisux.

(8) Il-fattur addizzjonali ta’ multiplikazzjoni ma jistax jiġi applikat billi s-sajd eċċessiv ma jaqbiżx l-10 % tal-ħatt l-art permess.

(9) It-tnaqqis ma jistax jitnaqqas b’din il-kwantità li ma ntużatx minħabba li l-Artikolu 4 tar-Regolament (KE) Nru 847/96 ma japplikax għall-istokk YFT/IOTC.