25.7.2019   

MT

Il-Ġurnal Uffiċjali tal-Unjoni Ewropea

L 198/202

REGOLAMENT (UE) 2019/1242 TAL-PARLAMENT EWROPEW U TAL-KUNSILL

tal-20 ta’ Ġunju 2019

li jistabbilixxi standards tal-prestazzjoni tal-emissjonijiet tas-CO2 għall-vetturi tqal ġodda u li jemenda r-Regolamenti (KE) Nru 595/2009 u (UE) 2018/956 tal-Parlament Ewropew u tal-Kunsill u d-Direttiva tal-Kunsill 96/53/KE

(Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 192(1) tiegħu,

Wara li kkunsidraw il-proposta mill-Kummissjoni Ewropea,

Wara li l-abbozz tal-att leġislattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew (1),

Wara li kkonsultaw lill-Kumitat tar-Reġjuni,

Filwaqt li jaġixxu skont il-proċedura leġislattiva ordinarja (2),

Billi:

(1)

Il-Ftehim ta’ Pariġi, jistabbilixxi, fost l-oħrajn, mira fit-tul li tikkonforma mal-għan li ż-żieda fit-temperatura medja globali tinżamm ħafna aktar baxxa minn 2 °C ’il fuq mil-livelli preindustrijali u li jitkomplew l-isforzi biex tinżamm sa 1,5 °C ’il fuq mil-livelli preindustrijali. L-aħħar konstatazzjonijiet xjentifiċi rrappurtati mill-Grupp Intergovernattiv ta’ Esperti dwar it-Tibdil fil-Klima (IPCC) fir-rapport speċjali tiegħu dwar l-impatti tat-tisħin globali ta’ 1,5 °C ’il fuq mil-livelli preindustrijali u l-perkorsi tal-emissjoni ta’ gassijiet serra globali relatati jikkonfermaw bla ebda dubju l-impatti negattivi tat-tibdil fil-klima. Dak ir-rapport speċjali jikkonkludi li t-tnaqqis tal-emissjonijiet fis-setturi kollha huwa kruċjali biex jiġi limitat it-tisħin globali.

(2)

Sabiex jingħata kontribut għall-għanijiet tal-Ftehim ta’ Pariġi, jeħtieġ li titħaffef it-trasformazzjoni tas-settur kollu tat-trasport biex l-emissjonijiet jinżlu għal żero, fid-dawl tal-komunikazzjoni tal-Kummissjoni tat-28 ta’ Novembru 2018 intitolat “Pjaneta nadif għal kulħadd – Viżjoni strateġika Ewropea fit-tul għal ekonomija għanja, moderna, kompetittiva u newtrali għall-klima”, li tiddeskrivi viżjoni tat-trasformazzjonijiet ekonomiċi u soċjetali meħtieġa, bl-involviment tas-setturi kollha tal-ekonomija u tas-soċjetà, biex titwettaq it-tranżizzjoni għal emissjonijiet ta’ gassijiet serra żero netti sal-2050. L-emissjonijiet ta’ sustanzi li jniġġsu l-arja prodotti mit-trasport li huma ta’ dannu sinifikanti għas-saħħa tagħna, u għall-ambjent, jeħtieġ ukoll li jitnaqqsu b’mod drastiku bla dewmien.

(3)

Il-Kummissjoni adottat pakketti tal-mobilità fil-31 ta’ Mejju 2017 (“L-Ewropa Attiva: Aġenda għal tranżizzjoni soċjalment ġusta lejn mobilità kompetittiva, konnessa u mingħajr ħsara għall-ambjent għal kulħadd”) u fit-8 ta’ Novembru 2017 (“It-twettiq ta’ mobilità b’emissjonijiet baxxi – Unjoni Ewropea li tipproteġi l-pjaneta, tagħti s-setgħa lill-konsumaturi tagħha u tiddefendi l-industrija u l-ħaddiema tagħha”). Dawk il-pakketti jistabbilixxu aġenda pożittiva li għandha wkoll l-għan li tiżgura tranżizzjoni bla xkiel lejn mobilità nadifa, kompetittiva u konnessa għal kulħadd.

(4)

Dan ir-Regolament huwa parti mit-tielet pakkett tal-mobilità tal-Kummissjoni tas-17 ta’ Mejju 2018 intitolat ‘L-Ewropa Attiva - Mobilità Sostenibbli għall-Ewropa: sigura, konnessa u nadifa’, li jagħti segwitu għall-komunikazzjoni tal-Kummissjoni tat-13 ta’ Settembru 2017 intitolat ‘Ninvestu f’ industrija intelliġenti, innovattiva u sostenibbli: Strateġija mġedda għall-politika industrijali tal-UE’. Dan ir-Regolament huwa mfassal ukoll biex ilesti l-proċess ħalli l-Unjoni tkun tista’ taħsad il-benefiċċji kollha tal-modernizzazzjoni u d-dekarbonizzazzjoni tal-mobilità. Dak it-tielet pakkett tal-mobilità għandu l-għan li jagħmel il-mobilità Ewropea aktar sikura u aktar aċċessibbli, l-industrija Ewropea aktar kompetittiva, l-impjiegi Ewropej aktar siguri, u s-sistema tal-mobilità aktar nadifa u adattata aħjar għan-neċessità tal-indirizzar tat-tibdil fil-klima. Dak se jirrikjedi l-impenn sħiħ tal-Unjoni, tal-Istati Membri u tal-partijiet ikkonċernati, l-aktar biex jissaħħu l-isforzi li jnaqqsu l-emissjonijiet tad-diossidu tal-karbonju (CO2) u t-tniġġis tal-arja.

(5)

Dan ir-Regolament, flimkien mar-Regolament (UE) 2019/631 tal-Parlament Ewropew u tal-Kunsill (3), jipprovdi perkors ċar għal tnaqqis fl-emissjonijiet tas-CO2 mis-settur tat-trasport bit-triq u jikkontribwixxi għall-mira vinkolanti ta’ tnaqqis domestiku ta’ mill-inqas 40 % fl-emissjonijiet tal-gassijiet serra mal-ekonomija kollha sal-2030 meta mqabbel mal-1990, kif kien approvat fil-konklużjonijiet tal-Kunsill Ewropew tat-23 u l-24 ta’ Ottubru 2014, u kif kien approvat mill-Kunsill fis-6 ta’ Marzu 2015 bħala l-“Kontribut Maħsub tal-Unjoni Determinat fil-Livell Nazzjonali skont il-Ftehim ta’ Pariġi”.

(6)

Il-konklużjonijiet tal-Kunsill Ewropew tat-23 sal-24 ta’ Ottubru 2014 approvaw tnaqqis fl-emissjonijiet tal-gassijiet serra ta’ 30 % sal-2030 meta mqabbel mal-2005 għas-setturi li mhumiex parti mill-Iskema tal-Unjoni għall-Iskambju tal-Kwoti tal-Emissjonijiet. Emissjonijiet tal-gassijiet serra mis-settur tat-trasport bit-triq jikkostitwixxu kontribut ewlieni għall-emissjonijiet ta’ dawk is-setturi. Is-settur tat-trasport bit-triq kien responsabbli għal madwar kwart mill-emissjonijiet totali tal-Unjoni fl-2016. Jidher li l-emissjonijiet tiegħu qed jiżdiedu, u għadhom ferm ogħla mil-livelli tal-1990. Jekk l-emissjonijiet tat-trasport bit-triq jibqgħu jiżdiedu, dawn se jisbqu t-tnaqqis ta’ emissjonijiet li jagħmlu setturi oħra biex jiġġieldu kontra t-tibdil fil-klima.

(7)

Il-konklużjonijiet tal-Kunsill Ewropew tat-23 u l-24 ta’ Ottubru 2014 enfasizzaw l-importanza li jitnaqqsu l-emissjonijiet tal-gassijiet serra u r-riskji marbuta mad-dipendenza fuq il-fjuwils fossili fis-settur tat-trasport permezz ta’ approċċ komprensiv u teknoloġikament newtrali għall-promozzjoni tat-tnaqqis tal-emissjonijiet u l-effiċjenza enerġetika fit-trasport, għat-trasport elettriku u għas-sorsi ta’ enerġija rinnovabbli fis-settur tat-trasport anke wara l-2020.

(8)

Sabiex l-konsumaturi fl-Unjoni jingħataw enerġija sigura, sostenibbli, kompetittiva u għall-but ta’ kulħadd, il-kontribut tal-effiċjenza fl-użu tal-enerġija għall-moderazzjoni tad-domanda huwa waħda mill-ħames dimensjonijiet relatati mill-qrib u li jsaħħu lil xulxin stabbiliti fil-komunikazzjoni tal-Kummissjoni tal-25 ta’ Frar 2015 intitolat “Qafas Strateġiku għal Unjoni tal-Enerġija Reżiljenti b’Politika dwar il-Bidla fil-Klima li tħares ’il quddiem”’. Skont dik il-komunikazzjoni, filwaqt li s-setturi ekonomiċi kollha jridu jagħtu sehemhom biex tiżdied l-effiċjenza fil-konsum tal-enerġija tagħhom, is-settur tat-trasport għandu potenzjal enormi ta’ effiċjenza fl-enerġija.

(9)

L-emissjonijiet tas-CO2 mill-vetturi tqal, inklużi t-trakkijiet, ix-xarabanks u l-kowċis, jirrappreżentaw madwar 6 % tal-emissjonijiet tas-CO2 totali fl-Unjoni u madwar 25 % tal-emissjonijiet tas-CO2 totali tat-trasport bit-triq. Mingħajr azzjoni ulterjuri, is-sehem tal-emissjonijiet tas-CO2 mill-vetturi tqal hu mistenni li jiżdied b’madwar 9 % bejn l-2010 u l-2030. Bħalissa, id-dritt tal-Unjoni ma jistabbilixxi l-ebda rekwiżit ta’ tnaqqis tal-emissjonijiet tas-CO2 għall-vetturi tqal, u għalhekk huma meħtieġa mingħajr dewmien miżuri speċifiċi għal tali vetturi.

(10)

Il-miri ta’ tnaqqis tal-emissjonijiet tas-CO2 għall-flotot ta’ vetturi tqal ġodda fl-Unjoni kollha għalhekk jenħtieġ li jiġu stabbiliti għall-2025 u l-2030, filwaqt li jitqies il-perijodu ta’ żmien biex tiġġedded il-flotta tal-vetturi u l-ħtieġa li s-settur tat-trasport bit-triq jikkontribwixxi għall-miri tal-klima u tal-enerġija tal-Unjoni għall-2030 u lil hinn. Dan l-approċċ gradwali jipprovdi wkoll sinjal ċar u bikri għall-industrija biex taċċellera l-introduzzjoni fis-suq ta’ teknoloġiji għall-enerġija effiċjenti u vetturi tqal mingħajr emissjonijiet u b’emissjonijiet baxxi. L-introduzzjoni ta’ vetturi tqal mingħajr emissjonijiet jenħtieġ li tikkontribwixxi wkoll għall-indirizzar tal-problemi tal-mobilità urbana. Filwaqt li huwa essenzjali li jitnaqqsu l-emissjonijiet tas-CO2 mit-trasport bit-triq, il-promozzjoni ta’ tali vetturi tqal mill-manifatturi hija importanti wkoll biex jitnaqqsu b’mod effettiv is-sustanzi li jniġġsu l-arja u l-livelli tal-ħoss eċċessivi fil-bliet u fiż-żoni urbani.

(11)

Sabiex jiġi sfruttat bis-sħiħ il-potenzjal tal-effiċjenza enerġetika u jkun żgurat li s-settur tat-trasport bit-triq kollu kemm hu jikkontribwixxi għat-tnaqqis miftiehem fl-emissjonijiet tal-gassijiet serra, huwa xieraq li l-istandards tal-prestazzjoni tal-emissjonijiet tas-CO2 diġà eżistenti għall-karozzi tal-passiġġieri ġodda u għall-vetturi kummerċjali ħfief ġodda jiġu kkomplementati billi jiġu stabbiliti standards tal-prestazzjoni tal-emissjonijiet tas-CO2 għall-vetturi tqal ġodda. Dawk l-istandards tal-prestazzjoni se jkunu forza li tagħti spinta lill-innovazzjoni f’teknoloġiji effiċjenti fl-użu tal-fjuwil, u jikkontribwixxu biex tissaħħaħ il-pożizzjoni fuq quddiem fit-teknoloġija tal-manifatturi u tal-fornituri tal-Unjoni, u jiżguraw impjiegi ta’ livell għoli ta’ ħiliet fuq terminu ta’ żmien twil.

(12)

Filwaqt li jitqiesu li t-tibdil fil-klima hu problema transfruntiera u l-ħtieġa li jitħares suq uniku li jiffunzjona sew għas-servizzi tat-trasport bit-triq u anki għall-vetturi tqal filwaqt li tiġi evitata l-frammentazzjoni tas-suq, huwa xieraq li jiġu stabbiliti standards tal-prestazzjoni tal-emissjonijiet tas-CO2 għall-vetturi tqal fil-livell tal-Unjoni. Jenħtieġ li dawk l-istandards tal-prestazzjoni jkunu mingħajr preġudizzju għal-liġi tal-Unjoni dwar il-kompetizzjoni.

(13)

Meta jkunu qed jiġu ddefiniti l-livelli tat-tnaqqis tal-emissjonijiet tas-CO2 li jenħtieġ li tilħaq il-flotta tal-vetturi tqal tal-Unjoni, jenħtieġ li jitqiesu l-effikaċja ta’ dawk il-livelli tat-tnaqqis fejn jidħol il-kontribut kosteffettiv li jagħtu biex jitnaqqsu l-emissjonijiet tas-CO2 mis-setturi koperti bir-Regolament (UE) 2018/842 tal-Parlament Ewropew u tal-Kunsill (4) sal-2030, l-ispejjeż u l-iffrankar li jkollhom is-soċjetà, il-manifatturi, l-operaturi tat-trasport, u l-konsumaturi, kif ukoll l-implikazzjonijiet diretti u indiretti tagħhom fuq l-impjiegi, l-innovazzjoni u l-kobenefiċċji ġġenerati mil-lat ta’ tnaqqis fit-tniġġis tal-arja u sigurtà aħjar tal-enerġija.

(14)

Jenħtieġ li tiġi żgurata tranżizzjoni soċjalment aċċettabbli u ġusta lejn mobilità mingħajr emissjonijiet. Għalhekk huwa importanti li jitqiesu l-effetti soċjali tat-tranżizzjoni tul il-katina kollha tal-valur tas-settur awtomobilistiku u jiġu indirizzati b’mod proattiv l-implikazzjonijiet fuq l-impjiegi. Għaldaqstant, iridu jiġu kkunsidrati programmi mmirati fil-livell tal-Unjoni, nazzjonali u reġjonali għat-taħriġ mill-ġdid, it-titjib tal-ħiliet u r-riallokazzjoni tal-ħaddiema, kif ukoll inizjattivi dwar l-edukazzjoni u t-tiftix ta’ impjieg f’komunitajiet u reġjuni milquta ħażin, fi djalogu mill-qrib mas-sħab soċjali u l-awtoritajiet kompetenti. Bħala parti minn dik it-tranżizzjoni, jenħtieġ li jissaħħu l-opportunitajiet ta’ xogħol għan-nisa kif ukoll l-opportunitajiet indaqs f’dak is-settur.

(15)

Biex t-tranżizzjoni għal mobilità mingħajr emissjonijiet tirnexxi, hemm bżonn ta’ approċċ integrat u tal-ambjent it-tajjeb li jippermetti li tiġi stimulata l-innovazzjoni u tinżamm is-supremazija teknoloġika tal-Unjoni fis-settur tat-trasport bit-triq. Dan jinkludi investimenti pubbliċi u privati fir-riċerka u l-innovazzjoni, żieda fil-provvista ta’ vetturi tqal mingħajr emissjonijiet u b’emissjonijiet baxxi, l-introduzzjoni tal-infrastruttura tal-iċċarġjar u tal-forniment tal-fjuwil, integrazzjoni fis-sistemi tal-enerġija, kif ukoll il-provvista sostenibbli tal-materjali għall-batteriji, u l-produzzjoni sostenibbli, ir-riutilizzazzjoni u r-riċiklaġġ tal-batteriji fl-Ewropa. Dan jirrikjedi azzjoni koerenti fil-livell tal-Unjoni kif ukoll f’dak nazzjonali, reġjonali u lokali, anke permezz ta’ inċentivi li jappoġġjaw l-użu ta’ vetturi tqal mingħajr emissjonijiet jew b’emissjonijiet baxxi.

(16)

Iddaħħlet proċedura ġdida għad-determinazzjoni tal-emissjonijiet tas-CO2 u tal-konsum tal-fjuwil ta’ vetturi tqal individwali, bħala parti mill-implimentazzjoni tar-Regolament (KE) Nru 595/2009 tal-Parlament Ewropew u tal-Kunsill (5). Ir-Regolament tal-Kummissjoni (UE) 2017/2400 (6) jipprovdi metodoloġija, abbażi tal-għodda VECTO, li permezz tagħha jistgħu jiġu simulati l-emissjonijiet tas-CO2 u l-konsum tal-fjuwil ta’ vetturi tqal sħaħ. Dik il-metodoloġija tippermetti li jitqiesu d-diversità tas-settur tal-vetturi tqal u l-grad għoli ta’ personalizzazzjoni tal-vetturi tqal individwali. Bħala l-ewwel pass, mill-1 ta’ Lulju 2019, l-emissjonijiet tas-CO2 jiġu ddeterminati għal erba’ gruppi ta’ vetturi tqal li jammontaw għal madwar 65 % sa 70 % tal-emissjonijiet kollha tas-CO2 għall-flotta tal-vetturi tqal tal-Unjoni.

(17)

Fid-dawl tal-innovazzjoni u biex titqies l-implimentazzjoni ta’ teknoloġiji ġodda li jtejbu l-effiċjenza tal-fjuwil tal-vetturi tqal, l-għodda tas-simulazzjoni VECTO kif ukoll ir-Regolament (UE) 2017/2400 se jiġu aġġornati kontinwament u fil-ħin.

(18)

Id-data dwar l-emissjonijiet tas-CO2 iddeterminata skont ir-Regolament (UE) 2017/2400 trid tiġi mmonitorjata skont ir-Regolament (UE) 2018/956 tal-Parlament Ewropew u tal-Kunsill (7). Jenħtieġ li dik id-data tifforma l-bażi biex jiġu ddeterminati l-miri tat-tnaqqis tal-emissjonijiet tas-CO2 li jridu jilħqu l-erba’ gruppi ta’ vetturi tqal li jiġġeneraw l-iżjed emissjonijiet fl-Unjoni, u biex jiġu ddeterminati wkoll l-emissjonijiet speċifiċi medji ta’ tas-CO2 ta’ manifattur f’perijodu ta’ rapportar partikolari.

(19)

Jenħtieġ li tiġi stabbilita mira tat-tnaqqis tal-emissjonijiet tas-CO2 għall-2025 bħala tnaqqis relattiv ibbażat fuq l-emissjonijiet tas-CO2 medji ta’ dawk il-vetturi tqal li ġew irreġistrati għall-ewwel darba fil-perijodu mill-1 ta’ Lulju 2019 sat-30 ta’ Ġunju 2020, li tkun tirrifletti l-użu ta’ teknoloġiji kosteffettivi disponibbli faċilment għall-vetturi konvenzjonali. Mill-2030 ’il quddiem, jenħtieġ li tiġi stabbilita wkoll mira ta’ tnaqqis tal-emissjonijiet tas-CO2. Dik il-mira jenħtieġ li tapplika sakemm ma jiġix deċiż mod ieħor skont ir-rieżami li għandu jsir fl-2022. Il-mira tal-2030 jenħtieġ li tiġi vvalutata b’konformità mal-impenji tal-Unjoni Ewropea skont il-Ftehim ta’ Pariġi.

(20)

Sabiex tiġi żgurata r-robustezza tal-emissjonijiet tas-CO2 ta’ referenza fir-rigward tal-emissjonijiet tas-CO2 tal-vetturi tqal li jkunu qed jiżdiedu minħabba mezzi proċedurali indebiti, li ma jirrappreżentax sitwazzjoni fejn l-emissjonijiet tas-CO2 diġà huma regolati, ikun adatt li tiġi pprovduta metodoloġija għall-korrezzjoni tal-emissjonijiet tas-CO2 ta’ referenza fejn ikun meħtieġ.

(21)

Il-gass naturali likwifikat (LNG) hu fjuwil alternattiv disponibbli għad-diżil għall-vetturi tqal. L-użu ta’ teknoloġiji attwali u futuri aktar innovattivi u bbażati fuq l-LNG se jgħin biex jintlaħqu l-miri tat-tnaqqis tal-emissjonijiet tas-CO2 fit-terminu qasir u medju għax l-użu tat-teknoloġiji tal-gass naturali likwifikat (LNG) iwassal għal inqas emissjonijiet tas-CO2 meta mqabbel mal-vetturi li jaħdmu bid-diżil. Il-potenzjal ta’ tnaqqis tal-emissjonijiet tas-CO2 tal-vetturi bl-LNG diġà hu rifless għalkollox fil-VECTO. Minbarra dan, it-teknoloġiji attwali tal-LNG jiżguraw livell baxx ta’ emissjonijiet ta’ sustanzi niġġiesa tal-arja, bħall-NOx u l-materja partikulata. Infrastruttura minima biżżejjed għar-riforniment hija wkoll fis-seħħ u qed tintuża iżjed bħala parti minn oqfsa ta’ politika nazzjonali għal infrastruttura tal-fjuwils alternattivi.

(22)

Fil-kalkolu tal-emissjonijiet tas-CO2 ta’ referenza li jservi bħala l-bażi biex jiġu determinati l-miri speċifiċi tal-emissjonijiet tas-CO2 għall-2025 u għall-2030, jenħtieġ li jitqies il-potenzjal tat-tnaqqis tal-emissjonijiet tas-CO2 mistenni fil-flotta tal-vetturi tqal. Għaldaqstant jixraq li l-vetturi vokazzjonali jiġu esklużi, fosthom il-vetturi użati għall-ġbir tal-iskart jew għall-kostruzzjoni, minn dak il-kalkolu. Dawk il-vetturi għandhom kilometraġġ relattivament baxx u, minħabba x-xejriet tas-sewqan speċifiċi tagħhom, ma jidhirx li miżuri tekniċi għat-tnaqqis tal-emissjonijiet tas-CO2 tal-konsum tal-fjuwil huma kosteffettivi bħalma huma għall-vetturi tqal użati għall-ġarr tal-merkanzija.

(23)

Jenħtieġ li r-rekwiżiti tat-tnaqqis tal-emissjonijiet tas-CO2 jiġu espressi fi grammi ta’ CO2 għal kull tunnellata/kilometru biex jirriflettu l-utilità tal-vetturi tqal.

(24)

Jeħtieġ li tiġi żgurata distribuzzjoni ġusta tar-rekwiżiti tat-tnaqqis tal-emissjonijiet tas-CO2 ġenerali fost il-manifatturi, filwaqt li titqies id-diversità tal-vetturi tqal fejn jidħlu d-disinn tagħhom u x-xejriet tas-sewqan, il-kilometraġġ annwali, it-tagħbija u l-konfigurazzjoni tat-trejler. Għalhekk jixraq li ssir distinzjoni bejn il-vetturi tqal skont subgruppi tal-vetturi differenti u separati li jirriflettu x-xejra tipika tal-użu tal-vetturi u karatteristiċi tekniċi speċifiċi. Bl-istabbiliment ta’ miri speċifiċi annwali tal-emissjonijiet tas-CO2 għall-manifatturi bħala medja ponderata tal-miri ddefiniti għal kull tali subgrupp tal-vetturi, il-manifatturi jkunu qed jingħataw il-mezzi biex jibbilanċjaw b’mod effettiv xi sottoprestazzjoni possibbli ta’ vetturi f’ċerti subgruppi tal-vetturi bi prestazzjoni superjuri għall-miri f’subgruppi oħra tal-vetturi, filwaqt li jkunu qed jitqiesu l-emissjonijiet tas-CO2 medji tul il-ħajja tal-vetturi f’subgruppi tal-vetturi differenti.

(25)

Il-konformità tal-manifattur mal-miri speċifiċi annwali tiegħu tal-emissjonijiet tas-CO2 jenħtieġ li tiġi vvalutata abbażi tal-emissjonijiet tas-CO2 medji tiegħu. Għad-determinazzjoni tal-emissjonijiet tas-CO2 speċifiċi medji, jenħtieġ li jitqiesu wkoll l-ispeċifiċitajiet li huma riflessi fil-miri tas-subgruppi differenti tal-vetturi. Minħabba f’hekk, jenħtieġ li l-emissjonijiet tas-CO2 speċifiċi medji ta’ manifattur jiġu bbażati fuq l-emissjonijiet medji tas-CO2 ddeterminati għal kull subgrupp tal-vetturi, inklużi ponderazzjoni bbażata fuq il-kilometraġġ annwali medja preżunta u t-tagħbija medja tiegħu, li tirrifletti l-emissjonijiet tas-CO2 totali tul il-ħajja. Minħabba l-potenzjal tat-tnaqqis limitat tal-emissjonijiet tas-CO2 tal-vetturi professjonali, jenħtieġ li dawn il-vetturi ma jitqisux għall-kalkolu tal-emissjonijiet speċifiċi medji tas-CO2.

(26)

Sabiex tiġi żgurata t-tranżizzjoni bla xkiel lejn mobilità mingħajr emissjonijiet, u biex jingħataw inċentivi għall-iżvilupp u l-użu ta’ vetturi tqal mingħajr emissjonijiet u b’emissjonijiet baxxi fis-suq tal-Unjoni li jikkomplementaw l-istrumenti tan-naħa tad-domanda, bħad-Direttiva 2009/33/KE tal-Parlament Ewropew u tal-Kunsill (8), jenħtieġ li jiġi introdott mekkaniżmu ddedikat fil-forma ta’ krediti speċjali għall-perijodi ta’ rapportar qabel l-2025 u jenħtieġ li jiġi stabbilit punt ta’ riferiment għas-sehem ta’ vetturi tqal mingħajr emissjonijiet u b’emissjonijiet baxxi fil-flotta tal-manifattur għall-perijodi ta’ rapportar mill-2025 ’il quddiem.

(27)

Is-sistema ta’ inċentivi jenħtieġ li tiġi ddisinjata b’mod li jiżgura ċ-ċertezza tal-investiment għall-fornituri u l-manifatturi tal-infrastruttura tal-iċċarġjar bil-għan li tiġi promossa l-introduzzjoni rapida fis-suq tal-Unjoni ta’ vetturi tqal mingħajr emissjonijiet u b’emissjonijiet baxxi, filwaqt li titħalla ċerta flessibbiltà għall-manifatturi biex jiddeċiedu dwar il-kalendarju għall-investiment tagħhom.

(28)

Għall-finijiet tal-kalkolu tal-emissjonijiet speċifiċi medji tas-CO2 ta’ manifattur, fil-perijodi ta’ rapportar qabel l-2025, kull vettura tqila mingħajr emissjonijiet u b’emissjonijiet baxxi jenħtieġ li tingħadd għal ħafna drabi. Għall-perijodi ta’ rapportar mill-2025 ’il quddiem, jenħtieġ li l-emissjonijiet speċifiċi medji tas-CO2 ta’ manifattur jiġu kkalkulati billi titqies il-prestazzjoni tiegħu fil-konfront tal-punt ta’ riferiment ta’ vetturi tqal mingħajr emissjonijiet u b’emissjonijiet baxxi. Jenħtieġ li l-livell tal-inċentivi jvarja skont l-emissjonijiet tas-CO2 attwali tal-vettura. Biex jiġi evitat li jiddgħajfu l-għanijiet ambjentali, it-tnaqqis tal-emissjonijiet tas-CO2 li jirriżulta jenħtieġ li jkun soġġett għal limitu massimu.

(29)

Jenħtieġ li l-vetturi tqal b’emissjonijiet baxxi jiġu inċentivati biss jekk l-emissjonijiet tas-CO2 tagħhom ikunu inqas min-nofs tal-emissjonijiet tas-CO2 ta’ referenza tal-vetturi kollha fis-subgrupp tal-vetturi li għalih tappartjeni l-vettura tqila. Dak jinċentiva l-innovazzjoni f’dan il-qasam.

(30)

Meta jkun qed jitfassal il-mekkaniżmu tal-inċentivi għall-użu tal-vetturi tqal mingħajr emissjonijiet, dan jenħtieġ li jinkludi wkoll it-trakkijiet iżgħar li mhumiex soġġetti għall-miri tat-tnaqqis tal-emissjonijiet tas-CO2 skont dan ir-Regolament. Dawk il-vetturi għandhom benefiċċji sinifikanti wkoll meta jgħinu biex jingħelbu l-problemi tat-tniġġis tal-arja fil-bliet. Biex ikun żgurat li l-inċentivi huma bbilanċjati sew bejn it-tipi t-tnaqqis fil-medja tal-emissjonijiet tas-CO2 speċifiċi ta’ manifattur li jirriżulta minn trakkijiet iżgħar mingħajr emissjonijiet ikun soġġett ukoll għal limitu massimu.

(31)

Biex tiġi promossa implimentazzjoni kosteffettiva tar-rekwiżiti tat-tnaqqis tal-emissjonijiet tas-CO2, filwaqt li jitqiesu l-varjazzjonijiet fil-kompożizzjoni tal-flotta ta’ vetturi tqal u l-emissjonijiet tas-CO2 tul is-snin, il-manifatturi jenħtieġ li jkunu jistgħu jibbilanċjaw il-prestazzjoni superjuri għall-miri tagħhom fil-konformità mal-mira tal-emissjonijiet tas-CO2 speċifiċi tagħhom f’sena ma’ sottoprestazzjoni f’sena oħra.

(32)

Biex jiġi inċentivat it-tnaqqis bikri tal-emissjonijijet tas-CO2, jenħtieġ li l-manifatturi b’emissjonijiet speċifiċi tas-CO2 medji inqas mit-trajettorja tat-tnaqqis tal-emissjonijiet tas-CO2 definiti mill-emissjonijiet tas-CO2 ta’ referenza u l-mira tal-emissjoni tas-CO2 tal-2025, ikunu jistgħu jakkumulaw dawk il-krediti tal-emissjonijiet għall-finijiet tal-konformità mal-mira tal-2025. Bl-istess mod, jenħtieġ li manifattur b’emissjonijiet speċifiċi tas-CO2 medji inqas mit-trajettorja tat-tnaqqis tal-emissjonijiet tas-CO2 bejn il-mira għall-2025 u l-mira applikabbli mill-2030 ’il quddiem, ikun jista’ jakkumula dawk il-krediti tal-emissjonijiet għall-finijiet tal-konformità mal-miri tal-emissjonijiet tas-CO2 mill-1 ta’ Lulju 2025 sat-30 ta’ Ġunju 2030.

(33)

F’każ ta’ nuqqas ta’ konformità mal-mira tal-emissjonijiet tas-CO2 speċifika tiegħu f’xi wieħed mill-perijodi ta’ rapportar ta’ 12-il xahar li jibda mill-1 ta’ Lulju 2025 sat-30 ta’ Ġunju 2030, jenħtieġ li manifattur ikun jista’ jikseb ukoll dejn limitat tal-emissjonijiet. Madankollu, il-manifatturi jenħtieġ li jxejnu kull dejn tal-emissjonijiet li jkun fadal fil-perijodu ta’ rapportar tas-sena 2029 li jintemm fit-30 ta’ Ġunju 2030.

(34)

Il-krediti tal-emissjonijiet u d-djun tal-emissjonijiet jenħtieġ li jitqiesu biss għall-finijiet tad-determinazzjoni tal-konformità ta’ manifattur mal-mira tal-emissjonijiet tas-CO2 speċifiċi tiegħu u mhux bħala assi li huma trasferibbli jew soġġetti għal miżuri fiskali.

(35)

Il-Kummissjoni jenħtieġ li timponi penali finanzjarja, fil-forma ta’ primjum għall-emissjonijiet tas-CO2 żejda, meta manifattur jinstab li għandu emissjonijiet tas-CO2 żejda, filwaqt li jitqiesu l-krediti tal-emissjonijiet u d-djun tal-emissjonijiet. L-informazzjoni dwar l-emissjonijiet tas-CO2 żejda tal-manifatturi jenħtieġ li tkun disponibbli għall-pubbliku. Biex il-manifatturi jingħataw inċentiv biżżejjed ħalli jieħdu miżuri biex jonqsu l-emissjonijiet tas-CO2 speċifiċi mill-vetturi tqal, huwa importanti li l-primjum ikun ogħla mill-ispejjeż marġinali medja tat-teknoloġiji meħtieġa biex jintlaħqu l-miri tal-emissjonijiet tas-CO2. Il-metodoloġija għall-ġbir tal-primjums jenħtieġ li tiġi ddeterminata permezz ta’ att ta’ implimentazzjoni, filwaqt li titqies il-metodoloġija adottata skont ir-Regolament (KE) Nru 443/2009 tal-Parlament Ewropew u tal-Kunsill (9). Jenħtieġ li l-primjum jitqies bħala dħul għall-baġit ġenerali tal-Unjoni Ewropea. Bħala parti mill-evalwazzjoni li għandha titwettaq skont ir-Regolament (UE) 2019/631, jenħtieġ li l-Kummissjoni tevalwa l-possibbiltà li dawn l-ammonti jiġu allokati għal fond speċifiku jew programm rilevanti li jkollu l-għan li jiżgura tranżizzjoni ġusta lejn mobilità mingħajr emissjonijiet u li jappoġġja t-taħriġ mill-ġdid, it-titjib tal-ħiliet u t-taħriġ tal-ħiliet l-oħra tal-ħaddiema fis-settur awtomobilistiku.

(36)

Hemm bżonn mekkaniżmu robust tal-konformità ħalli jkun żgurat li jintlaħqu l-miri tal-emissjonijiet tas-CO2 skont dan ir-Regolament. L-obbligi fuq il-manifatturi biex jipprovdu data preċiża skont ir-Regolament (UE) 2018/956 u l-multi amministrattivi li jistgħu jiġu imposti fil-każ ta’ nuqqas ta’ konformità ma’ dak l-obbligu jikkontribwixxu biex jiżguraw ir-robustezza tad-data użata għall-finijiet tal-konformità mal-miri skont dan ir-Regolament.

(37)

Biex jinkiseb it-tnaqqis tal-emissjonijiet tas-CO2 skont dan ir-Regolament, hu essenzjali li l-emissjonijiet tas-CO2 mill-vetturi tqal użati jkunu konformi maċ-ċifri ddeterminati skont ir-Regolament (KE) Nru 595/2009 u l-miżuri ta’ implimentazzjoni tiegħu. Għaldaqstant, jenħtieġ li jkun possibbli li fil-kalkolu tal-emissjonijiet tas-CO2 speċifiċi medji ta’ manifattur, il-Kummissjoni tqis kwalunkwe nuqqas ta’ konformità sistematika misjub mill-awtoritajiet tal-approvazzjoni tat-tip fir-rigward tal-emissjonijiet tas-CO2 tal-vetturi tqal użati.

(38)

Biex tkun f’pożizzjoni li tieħu miżuri bħal dawn, il-Kummissjoni jenħtieġ li jkollha s-setgħat li tistabbilixxi u timplimenta proċedura biex tiġi vverifikata l-korrispondenza bejn l-emissjonijiet ta’ CO2 tal-vetturi tqal waqt is-servizz, kif stabbilit skont ir-Regolament (KE) Nru 595/2009 u l-miżuri ta’ implimentazzjoni tiegħu u ċ-ċifri tal-emissjonijiet ta’ CO2 rreġistrati fiċ-ċertifikati ta’ konformità, iċ-ċertifikat ta’ approvazzjoni individwali jew il-fajls ta’ informazzjoni tal-konsumatur. Meta tiġi żviluppata dik il-proċedura, jenħtieġ li titqies b’mod partikolari l-identifikazzjoni ta’ metodi, inkluż l-użu ta’ data mill-apparat abbord tal-monitoraġġ tal-konsum tal-fjuwil u/jew tal-enerġija, biex tinkixef kwalunkwe strateġija li permezz tagħha tittejjeb artifiċjalment il-prestazzjoni ta’ vettura f’termini ta’ CO2 fil-proċedura ta’ ttestjar tal-approvazzjoni tat-tip. Jekk waqt dawn il-verifiki jinstabu devjazzjonijiet jew strateġiji li jtejbu artifiċjalment il-prestazzjoni ta’ vettura f’termini ta’ CO2, dawk is-sejbiet għandhom jitqiesu bħala raġuni biżżejjed biex jiġi suspettat riskju serju ta’ nonkonformità mar-rekwiżiti stabbiliti fir-Regolament (KE) Nru 595/2009 u fir-Regolament (UE) 2018/858 tal-Parlament Ewropew u tal-Kunsill (10), u jenħtieġ li l-Istati Membri jieħdu, fuq dik il-bażi, il-miżuri meħtieġa skont il-Kapitolu XI tar-Regolament (UE) 2018/858.

(39)

L-effikaċja tal-miri tal-emissjonijiet tas-CO2 stipulati f’dan ir-Regolament hi ferm dipendenti fuq ir-rappreżentanza f’kundizzjonijiet reali tal-metodoloġija użata biex jiġu ddeterminati l-emissjonijiet tas-CO2. Konformi mal-Opinjoni tal-2016 tal-Mekkaniżmu għall-Parir Xjentifiku (SAM) b’rabta mal-vetturi ħfief, u r-rakkomandazzjoni tal-Parlament Ewropew wara l-inkjesta tiegħu dwar il-kejl tal-emissjonijiet fis-settur awtomobilistiku, jixraq ukoll fil-każ tal-vetturi tqal li jiddaħħal fis-seħħ mekkaniżmu li jivvaluta r-rappreżentanza f’kundizzjonijiet reali taċ-ċifri tal-emissjonijiet tas-CO2 u tal-konsum tal-enerġija ddeterminati skont ir-Regolament (UE) 2017/2400. L-aktar mod affidabbli biex tiġi żgurata r-rappreżentanza f’kundizzjonijiet reali ta’ dawk iċ-ċifri huwa billi tintuża data mil-apparat abbord tal-monitoraġġ tal-konsum tal-fjuwil u/jew tal-konsum tal-enerġija. Għalhekk, jenħtieġ li l-Kummissjoni jkollha s-setgħat biex tiżviluppa l-proċeduri meħtieġa għall-ġbir u l-ipproċessar tad-data dwar il-konsum tal-fjuwil u l-enerġija meħtieġa għat-twettiq ta’ valutazzjonijiet bħal dawn u biex tiżgura t-tqegħid ta’ din id-data għad-dispożizzjoni tal-pubbliku filwaqt li tagħmel dispożizzjonijiet għall-protezzjoni ta’ kwalunkwe data personali.

(40)

Il-Kummissjoni jenħtieġ li tivvaluta kif id-data dwar il-konsum tal-fjuwil u l-enerġija tista’ tgħin biex jiġi żgurat li l-emissjonijiet ta’ CO2 mill-vetturi stabbiliti permezz tal-għodda VECTO skont ir-Regolament (KE) Nru 595/2009 u l-miżuri ta’ implimentazzjoni tiegħu jibqgħu rappreżentattivi tal-emissjonijiet tas-CO2 f’kundizzjonijiet reali fuq tul ta’ żmien għall-manifatturi kollha u, b’mod aktar preċiż, kif din id-data tista’ tintuża biex tiġi sorveljata d-diskrepanza bejn iċ-ċifri tal-emissjonijiet tas-CO2 stabbiliti mill-għodda VECTO u l-emissjonijiet tas-CO2 f’kundizzjonijiet reali u, jekk ikun hemm bżonn, jiġi evitat milli tiżdied din id-diskrepanza.

(41)

Fl-2022, il-Kummissjoni jenħtieġ li tivvaluta l-effikaċja tal-istandards tar-rendiment tal-emissjonijiet tas-CO2 stabbiliti f’dan ir-Regolament u b’mod partikolari l-livell tal-mira ta’ tnaqqis tal-emissjonijiet tas-CO2 li jrid jintlaħaq sal-2030, il-modalitajiet li jenħtieġ li jkunu disponibbli biex tintlaħaq dik il-mira u lil hinn, kif ukoll l-iffissar ta’ miri tat-tnaqqis tal-emissjonijiet tas-CO2 għal tipi oħra ta’ vetturi tqal, bħat-trakkijiet iżgħar, il-vetturi vokazzjonali, ix-xarabanks, il-kowċis u t-trejlers. Dik il-valutazzjoni jenħtieġ li tinkludi wkoll, strettament għall-fini ta’ dan ir-Regolament, konsiderazzjonijiet ta’ vetturi tqal u ta’ kombinazzjonijiet ta’ vetturi, b’kont meħud tal-piżijiet u d-dimensjonijiet applikabbli għat-trasport nazzjonali, pereżempju kunċetti modulari u intermodali, waqt li jiġu vvalutati wkoll aspetti tas-sikurezza u l-effiċjenza tat-trasport possibbli, effetti intermodali, ambjentali, infrastrutturali u ta’ rikorrenza kif ukoll il-pożizzjoni ġeografika tal-Istati Membri.

(42)

Huwa importanti li jiġu vvalutati l-emissjonijiet tas-CO2 kollha taċ-ċiklu tal-ħajja minn vetturi tqal fil-livell tal-Unjoni. Għal dak il-għan, jenħtieġ li l-Kummissjoni tevalwa, mhux iktar tard mill-2023, il-possibbiltà li tiżviluppa metodoloġija komuni tal-Unjoni għall-valutazzjoni u r-rapportar konsistenti tad-data dwar l-emissjonijiet ta’ CO2 ta’ vetturi tqal introdotti fis-suq tal-Unjoni tul iċ-ċiklu tal-ħajja kollu tagħhom. Jenħtieġ li l-Kummissjoni tadotta miżuri ta’ segwitu, inklużi, fejn xieraq, proposti leġislattivi.

(43)

Biex ikun żgurat li l-emissjonijiet tas-CO2 speċifiċi tal-vetturi tqal jibqgħu rappreżentattivi u aġġornati għalkollox, l-emendi tar-Regolament (KE) Nru 595/2009, u l-miżuri ta’ implimentazzjoni tiegħu li jaffettwaw dawk l-emissjonijiet speċifiċi tas-CO2, jeħtieġ li jiġu riflessi f’dan ir-Regolament. Għal dak il-għan, il-Kummissjoni jenħtieġ li jkollha s-setgħat biex tiddetermina metodoloġija għad-definizzjoni ta’ vettura tqila rappreżentattiva għal kull subgrupp tal-vetturi, li skontha jenħtieġ li jiġu vvalutati l-bidliet fl-emissjonijiet tas-CO2 speċifiċi.

(44)

Sabiex ikunu żgurati kundizzjonijiet uniformi għall-implimentazzjoni ta’ dan ir-Regolament, is-setgħat ta’ implimentazzjoni fir-rigward tal-pubblikazzjoni ta’ lista ta’ ċerta data u r-rendiment tal-manifattur jenħtieġ li jingħataw lill-Kummissjoni.

(45)

Sabiex ikunu żgurati kundizzjonijiet uniformi għall-implimentazzjoni ta’ dan ir-Regolament, is-setgħat ta’ implimentazzjoni fir-rigward tal-identifikazzjoni ta’ vetturi li huma ċċertifikati bħala vetturi vokazzjonali u tal-applikazzjoni ta’ korrezzjonijiet għall-emissjonijiet tas-CO2 medji annwali ta’ manifattur, tal-ġbir ta’ primjums tal-emissjonijiet tas-CO2 eċċessivi, tar-rapportar ta’ devjazzjonijiet taċ-ċifri ta’ emissjonijiet tas-CO2 u t-teħid inkunsiderazzjoni tagħhom fil-kalkolu tal-emissjonijiet tas-CO2 speċifiċi medji, tal-valutazzjoni tal-applikazzjoni tal-kundizzjonijiet li taħthom l-emissjonijiet tas-CO2 ta’ referenza ġew stabbiliti u l-kriterji sabiex jiġi stabbilit jekk dawk l-emissjonijiet żdidux indebitament u, jekk iva, kif għandhom jiġu kkoreġuti, tal-iżgurar li ċerti parametri li jirrigwardaw emissjonijiet tas-CO2 fir-realta’ u konsum tal-enerġija ta’ vetturi tqal ikunu disponibbli għall-Kummissjoni, tat-twettiq ta’ verifiki li ċ-ċifri tal-emissjonijiet tas-CO2 u tal-konsum tal-fjuwil fil-fajls ta’ informazzjoni tal-klijent jikkorrispondu għall-emissjoni tas-CO2 minn vetturi tqal waqt is-servizz u għall-konsum tal-fjwuil tal-vetturi tqal waqt is-servizz u dwar il-preżenza ta’ strateġiji sabiex jitjieb b’mod artifiċjali r-rendiment tal-vettura fit-testijiet imwettqa jew fil-kalkoli li jsiru, u tad-definizzjoni ta’ vettura rappreżentattiva waħda jew aktar ta’ subgrupp tal-vetturi abbażi ta’ liema aġġustament tat-tagħbija għandu jiġi stabbilit, jenħtieġ li jiġu kkonferiti lill-Kummissjoni. Sabiex jiġu żgurati kundizzjonijiet uniformi għall-implimentazzjoni tar-Regolament (KE) Nru 595/2009, is-setgħat ta’ implimentazzjoni fir-rigward tal-istabbiliment ta’ ċerti aspetti tar-rendiment ambjentali ta’ vetturi fil-kategoriji M2, M3, N2, N3, O3 u O4 jenħtieġ li jingħataw lill-Kummissjoni. Is-setgħat ta’ implimentazzjoni msemmija f’din il-premessa jenħtieġ li jkunu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill (11).

(46)

Biex jiġu emendati jew issupplementati l-elementi mhux essenzjali tad-dispożizzjonijiet ta’ dan ir-Regolament, il-Kummissjoni jenħtieġ li tingħata s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tal-aġġustament tal-emissjonijiet tas-CO2 ta’ referenza, dwar l-istabbiliment tal-prinċipji gwida u l-kriterji għad-definizzjoni tal-proċeduri sabiex jivverifikaw l-emissjonijiet tas-CO2 ta’ vetturi tqal waqt is-servizz u fir-rigward tal-emenda tal-Annessi għal dan ir-Regolament fir-rigward ta’ ċerti parametri tekniċi, inklużi l-ponderazzjonijiet tal-profili tal-missjoni, iċ-ċifri tat-tagħbijiet, ċ-ċifri tal-kilometraġġi annwali u l-fatturi tal-aġġustament tat-tagħbija. Hu importanti b’mod partikolari li l-Kummissjoni twettaq konsultazzjonijiet xierqa tul il-ħidma ta’ tħejjija tagħha, anke fil-livell ta’ esperti, u li dawk il-konsultazzjonijiet isiru b’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (12). B’mod partikolari, biex jiżguraw parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jenħtieġ li jirċievu d-dokumenti kollha fl-istess ħin li jirċevuhom l-esperti tal-Istati Membri, u jenħtieġ li, sistematikament, l-esperti tagħhom ikollhom aċċess għal-laqgħat tal-gruppi ta’ esperti tal-Kummissjoni li jieħdu ħsieb it-tħejjija tal-atti delegati.

(47)

Minħabba li l-għan ta’ dan ir-Regolament, notevolment l-istabbiliment ta’ standards tal-prestazzjoni tal-emissjonijiet tas-CO2 mill-vetturi tqal ġodda, ma jistax jinkiseb b’mod suffiċjenti mill-Istati Membri, iżda jista’, minħabba l-iskala u l-effetti tiegħu, jinkiseb aħjar fil-livell tal-Unjoni, l-Unjoni tista’ tadotta miżuri, b’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. B’konformità mal-prinċipju ta’ proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak meħtieġ sabiex jinkiseb dak l-għan.

(48)

Għalhekk jenħtieġ li r-Regolamenti (KE) Nru 595/2009 u (UE) 2018/956 u d-Direttiva tal-Kunsill 96/53/KE (13) jiġu emendati wkoll skont dan,

ADOTTAW DAN IR-REGOLAMENT:

Artikolu 1

Suġġett u għanijiet

Sabiex jikkontribwixxu għat-twettiq tal-mira tal-Unjoni li tnaqqas l-emissjonijiet tal-gassijiet serra tagħha bi 30 % inqas mil-livelli tal-2005 sal-2030 fis-setturi koperti bl-Artikolu 2 tar-Regolament (UE) 2018/842, u biex jintlaħqu l-għanijiet tal-Ftehim ta’ Pariġi, u biex ikun żgurat il-funzjonament tajjeb tas-suq intern, dan ir-Regolament jistabbilixxi rekwiżiti tal-prestazzjoni tal-emissjonijiet tas-CO2 għall-vetturi tqal ġodda, fejn l-emissjonijiet tas-CO2 speċifiċi tal-flotta tal-Unjoni ta’ vetturi tqal ġodda għandhom jitnaqqsu, meta mqabbel mal-emissjonijiet tas-CO2 ta’ referenza, kif ġej:

(a)

għall-perijodi ta’ rapportar tas-sena 2025 ’il quddiem bi 15 %;

(b)

għall-perijodi ta’ rapportar tas-sena 2030 ’il quddiem bi 30 %, sakemm ma jiġix deċiż mod ieħor skont ir-rieżami msemmi fl-Artikolu 15.

L-emissjonijiet tas-CO2 ta’ referenza għandhom ikunu bbażati fuq id-data tal-monitoraġġ irrapportata skont ir-Regolament (UE) 2018/956 għall-perijodu mill-1 ta’ Lulju 2019 sat-30 ta’ Ġunju 2020, minn issa ’l quddiem (“il-perijodu ta’ referenza”), għajr il-vetturi vokazzjonali, u għandhom jiġu kkalkulati skont il-punt 3 tal-Anness I ta’ dan ir-Regolament.

Artikolu 2

Kamp ta’ applikazzjoni

1.   Dan ir-Regolament għandu japplika għall-vetturi tqal ġodda tal-kategoriji N2 u N3 li jissodisfaw il-karatteristiċi li ġejjin:

(a)

trakkijiet riġidi b’konfigurazzjoni tal-fus 4×2 u massa tat-tagħbija massima teknikament possibbli iżjed minn 16-il tunnellata;

(b)

trakkijiet riġidi b’konfigurazzjoni tal-fus 6×2;

(c)

tratturi b’konfigurazzjoni tal-fus 4×2 u massa tat-tagħbija massima teknikament possibbli iżjed minn 16-il tunnellata; u

(d)

tratturi b’konfigurazzjoni tal-fus 6×2.

Dan għandu japplika wkoll, għall-finijiet tal-Artikolu 5 ta’, u tal-punt 2.3 tal-Anness I ta’, dan ir-Regolament, għall-vetturi tqal ġodda tal-kategorija N li ma jaqgħux fil-kamp ta’ applikazzjoni tar-Regolament (UE) Nru 510/2011 tal-Parlament Ewropew u tal-Kunsill (14) u li ma jissodisfawx il-karatteristiċi stabbiliti fil-punti (a) sa (d) tal-ewwel subparagrafu.

Il-kategoriji ta’ vetturi msemmija fl-ewwel u fit-tieni subparagrafi ta’ dan il-paragrafu jirreferu għall-kategoriji ta’ vetturi kif definiti fl-Anness II tad-Direttiva 2007/46/KE tal-Parlament Ewropew u tal-Kunsill (15).

2.   Għall-finijiet ta’ dan ir-Regolament, il-vetturi msemmija fil-paragrafu 1 għandhom jitqiesu bħala vetturi tqal ġodda f’perijodu ta’ 12-il xahar partikolari li jibda mill-1 ta’ Lulju, jekk dawn ikunu rreġistrati fl-Unjoni għall-ewwel darba f’dak il-perijodu u ma kienu ġew qatt irreġistrati qabel barra mill-Unjoni.

Reġistrazzjoni preċedenti barra mill-Unjoni li tkun saret f’inqas minn tliet xhur qabel ir-reġistrazzjoni fl-Unjoni ma għandhiex tiġi kkunsidrata.

3.   Permezz ta’ atti ta’ implimentazzjoni, il-Kummissjoni għandha tadotta proċedura speċifika għall-identifikazzjoni ta’ vetturi tqal li huma ċċertifikati bħala vetturi vokazzjonali skont ir-Regolament (KE) Nru 595/2009 u l-miżuri ta’ implimentazzjoni tiegħu iżda mhumiex irreġistrati bħala tali, u għandha tapplika korrezzjonijiet għall-emissjonijiet tas-CO2 speċifiċi medji annwali ta’ manifattur biex jitqiesu dawk il-vetturi, mill-perijodu ta’ rapportar tas-sena 2021 u għal kull perijodu ta’ rapportar sussegwenti. Dawk l-atti ta’ implimentazzjoni għandhom jiġu adottati b’konformità mal-proċedura ta’ eżami msemmija fl-Artikolu 16(2) ta’ dan ir-Regolament.

Artikolu 3

Definizzjonijiet

Għall-finijiet ta’ dan ir-Regolament, japplikaw id-definizzjonijiet li ġejjin:

(1)

“emissjonijiet tas-CO2 ta’ referenza” tfisser il-medja tal-emissjonijiet tas-CO2 speċifiċi fil-perijodu ta’ referenza msemmi fit-tieni paragrafu tal-Artikolu 1 tal-vetturi tqal ġodda kollha f’kull wieħed mis-subgruppi tal-vetturi, għajr il-vetturi vokazzjonali, iddeterminata skont il-punt 3 tal-Anness I;

(2)

“emissjonijiet tas-CO2 speċifiċi” tfisser l-emissjonijiet tas-CO2 ta’ vettura tqila individwali ddeterminati skont il-punt 2.1 tal-Anness I;

(3)

“perijodu ta’ rapportar tas-sena Y” tfisser il-perijodu mill-1 ta’ Lulju tas-sena Y sat-30 ta’ Ġunju tas-sena Y+1;

(4)

“emissjonijiet tas-CO2 speċifiċi medji” tfisser il-medja tal-emissjonijiet tas-CO2 speċifiċi tal-vetturi tqal ġodda ta’ manifattur f’perijodu ta’ rapportar partikolari ddeterminat skont il-punt 2.7 tal-Anness I;

(5)

“mira ta’ emissjonijiet tas-CO2 speċifiċi” tfisser il-mira tal-emissjonijiet tas-CO2 ta’ manifattur individwali, espressa fi g/tkm u ddeterminata kull sena għall-perijodu ta’ rapportar preċedenti skont il-punt 4 tal-Anness I;

(6)

“trakk riġidu” tfisser trakk li mhux imfassal jew mibni biex jirmonka semi-trailer;

(7)

“trattur” tfisser unità ta’ trattur mfassla u mibnija esklussivament jew primarjament biex tirmonka semi-trailer;

(8)

“subgrupp tal-vetturi” tfisser grupp ta’ vetturi kif iddefinit fil-punt 1 tal-Anness I, li huma kkaratterizzati minn sett komuni u distint ta’ kriterji tekniċi rilevanti għad-determinazzjoni tal-emissjonijiet tas-CO2 u l-konsum tal-fjuwil ta’ dawn il-vetturi;

(9)

“vettura vokazzjonali” tfisser vettura tqila li għaliha ġew iddeterminati l-emissjonijiet tas-CO2 u l-konsum tal-fjuwil, skont ir-Regolament (KE) Nru 595/2009 u l-miżuri ta’ implimentazzjoni tiegħu, biss għal profili tal-missjoni għajr dawk definiti fil-punt 2.1 tal-Anness I għal dan ir-Regolament;

(10)

“manifattur” tfisser il-persuna jew il-korp responsabbli għas-sottomissjoni tad-data relatata mal-vetturi tqal ġodda skont l-Artikolu 5 tar-Regolament (UE) 2018/956 jew, fil-każ ta’ vetturi tqal mingħajr emissjonijiet, il-persuna jew il-korp responsabbli lejn l-awtorità tal-approvazzjoni għall-aspetti kollha tal-proċedura tal-approvazzjoni tat-tip tal-KE għall-vetturi sħaħ jew tal-proċedura tal-approvazzjoni individwali skont id-Direttiva 2007/46/KE u biex tiġi żgurata l-konformità tal-produzzjoni;

(11)

“vettura tqila mingħajr emissjonijiet” tfisser vettura tqila mingħajr magna tal-kombustjoni interna, jew b’magna tal-kombustjoni interna li tirrilaxxa anqas minn 1 g CO2/kWh kif iddeterminat skont ir-Regolament (KE) Nru 595/2009 u l-miżuri ta’ implimentazzjoni tiegħu, jew li tirrilaxxa anqas minn 1 g CO2/km kif iddeterminat skont ir-Regolament (KE) Nru 715/2007 tal-Parlament Ewropew u tal-Kunsill (16) u l-miżuri ta’ implimentazzjoni tiegħu;

(12)

“vettura tqila b’emissjonijiet baxxi” tfisser vettura tqila, li mhix vettura tqila mingħajr emissjonijiet, li għandha emissjonijiet tas-CO2 speċifiċi ta’ inqas min-nofs tal-emissjonijiet tas-CO2 ta’ referenza tal-vetturi kollha fis-subgrupp tal-vetturi li għalih tappartjeni l-vettura tqila, kif iddeterminat skont il-punt 2.3.3 tal-Anness I;

(13)

“profil tal-missjoni” tfisser kombinazzjoni ta’ ċiklu tal-veloċità mmirata, ċifra tat-tagħbija utli, konfigurazzjoni tal-karozzerija jew tat-trejler, u parametri oħra, jekk applikabbli, li jirrifletti l-użu speċifiku ta’ vettura, li abbażi tagħhom ġew iddeterminati l-emissjonijiet tas-CO2 u l-konsum tal-fjuwil uffiċjali ta’ vettura tqila;

(14)

“ċiklu tal-veloċità mmirata” tfisser id-deskrizzjoni tal-veloċità tal-vettura li s-sewwieq irid jilħaq jew li hu limitat biha minħabba l-kundizzjonijiet tat-traffiku, bħala funzjoni tad-distanza koperta bi vjaġġ;

(15)

“tagħbija” tfisser il-piż tal-merkanzija li vettura qed iġorr skont kundizzjonijiet differenti.

Artikolu 4

Medja tal-emissjonijiet tas-CO2 speċifiċi ta’ manifattur

Mill-1 ta’ Lulju 2020, u f’kull perijodu ta’ rapportar sussegwenti, il-Kummissjoni għandha tiddetermina għal kull manifattur, l-emissjonijiet tas-CO2 speċifiċi medji fi g/tkm għall-perijodu ta’ rapportar preċedenti, billi jitqies dan li ġej:

(a)

id-data rrapportata skont ir-Regolament (UE) 2018/956 għall-vetturi tqal ġodda tal-manifattur irreġistrati fil-perijodu ta’ rapportar preċedenti, għajr il-vetturi vokazzjonali; u

(b)

il-fattur ta’ mingħajr emissjonijiet u ta’ emissjonijiet baxxi ddeterminat skont l-Artikolu 5.

L-emissjonijiet speċifiċi medji tas-CO2 għandhom jiġu ddeterminati b’konformità mal-punt 2.7 tal-Anness I.

Artikolu 5

Vetturi tqal mingħajr emissjonijiet u b’emissjonijiet baxxi

1.   Mill-1 ta’ Lulju 2020 u għal kull perijodu ta’ rapportar sussegwenti, il-Kummissjoni għandha tiddetermina għal kull manifattur, il-fattur tal-vetturi mingħajr emissjonijiet u b’emissjonijiet baxxi għall-perijodu ta’ rapportar preċedenti.

Il-fattur tal-vetturi mingħajr emissjonijiet u b’emissjonijiet baxxi għandu jqis l-għadd u l-emissjonijiet tas-CO2 tal-vetturi tqal mingħajr emissjonijiet u b’emissjonijiet baxxi fil-flotta tal-manifattur f’perijodu ta’ rapportar, inklużi l-vetturi tqal mingħajr emissjonijiet imsemmija fit-tieni subparagrafu tal-Artikolu 2(1), kif ukoll il-vetturi vokazzjonali mingħajr emissjonijiet u b’emissjonijiet baxxi u għandu jiġi ddeterminat skont il-punt 2.3 tal-Anness I.

2.   Għall-perijodi ta’ rapportar mill-2019 sal-2024, il-vetturi tqal mingħajr emissjonijiet u b’emissjonijiet baxxi għandhom jitqiesu kif ġej għall-finijiet tal-paragrafu 1:

(a)

vettura tqila mingħajr emissjonijiet għandha tingħadd bħala żewġ vetturi; u

(b)

l-vetturi tqal b’emissjonijiet baxxi għandhom jingħaddu sa massimu ta’ żewġ vetturi skont funzjoni tal-emissjonijiet tas-CO2 speċifiċi tagħhom u l-livell limitu tal-emissjonijiet baxxi tas-subgrupp tal-vettura li fih tappartjeni l-vettura kif definit fil-punt 2.3.3 tal-Anness I.

Il-fattur ta’ mingħajr emissjonijiet u ta’ emissjonijiet baxxi għandu jiġi ddeterminat skont il-punt 2.3.1 tal-Anness I.

3.   Għall-perijodi ta’ rapportar mill-2025, ’il quddiem, il-fattur ta’ mingħajr emissjonijiet u ta’ emissjonijiet baxxi għandu jiġi ddeterminat fuq il-bażi ta’ punt ta’ riferiment ta’ 2 % skont il-punt 2.3.2 tal-Anness I.

4.   Il-fattur tal-vetturi mingħajr emissjonijiet u b’emissjonijiet baxxi għandu jnaqqas l-emissjonijiet tas-CO2 speċifiċi medji ta’ manifattur b’massimu ta’ 3 %. Il-kontribut tal-vetturi tqal mingħajr emissjonijiet imsemmija fit-tieni subparagrafu tal-Artikolu 2(1) għal dak il-fattur għandu jnaqqas l-emissjonijiet tas-CO2 speċifiċi medji ta’ manifattur b’massimu ta’ 1,5 %.

Artikolu 6

Il-miri tal-emissjonijiet tas-CO2 speċifiċi ta’ manifattur

Mill-1 ta’ Lulju 2026 u f’kull perijodu ta’ rapportar sussegwenti, il-Kummissjoni għandha tiddetermina għal kull manifattur, mira tal-emissjonijiet tas-CO2 speċifiċi fil-perijodu ta’ rapportar preċedenti. Dik il-mira tal-emissjonijiet tas-CO2 speċifiċi għandha tkun is-somma, tas-subgruppi tal-vetturi kollha, tal-prodotti ta’ dawn il-valur li ġejjin:

(a)

il-mira tat-tnaqqis tal-emissjonijiet tas-CO2 imsemmija fil-punt (a) jew (b) tal-ewwel paragrafu tal-Artikolu 1, kif applikabbli;

(b)

l-emissjonijiet tas-CO2 ta’ referenza;

(c)

is-sehem tal-vetturi li għandu l-manifattur f’kull subgrupp;

(d)

il-fatturi tal-kilometraġġ annwali u tal-ponderazzjoni tat-tagħbija applikati għal kull subgrupp tal-vetturi.

Il-mira tal-emissjonijiet tas-CO2 speċifiċi għandha tiġi ddeterminata skont il-punt 4 tal-Anness I.

Artikolu 7

Il-krediti tal-emissjonijiet u d-djun tal-emissjonijiet

1.   Għall-finijiet tad-determinazzjoni tal-konformità ta’ manifattur mal-miri tal-emissjonijiet tas-CO2 speċifiċi tiegħu fil-perijodi ta’ rapportar tas-snin 2025 sa 2029, għandhom jitqiesu l-krediti tal-emissjonijiet jew id-djun tal-emissjonijiet tiegħu ddeterminati skont il-punt 5 tal-Anness I, li jikkorrispondu għall-għadd ta’ vetturi tqal ġodda, għajr il-vetturi vokazzjonali, tal-manifattur f’perijodu ta’ rapportar, immultiplikati:

(a)

bid-differenzi bejn it-trajettorja tat-tnaqqis tal-emissjonijiet tas-CO2 kif imsemmija fil-paragrafu 2 u l-emissjonijiet tas-CO2 speċifiċi medji ta’ dak il-manifattur, jekk dik id-differenza tkun pożittiva (“il-krediti tal-emissjonijiet”); jew

(b)

bid-differenza bejn l-emissjonijiet tas-CO2 speċifiċi medji u l-mira tal-emissjonijiet tas-CO2 speċifiċi ta’ dak il-manifattur, jekk dik id-differenza tkun pożittiva (“id-djun tal-emissjonijiet”).

Il-krediti tal-emissjonijiet għandhom jinkisbu fil-perijodi ta’ rapportar tas-snin 2019 sa 2029. Madankollu, il-krediti tal-emissjonijiet miksuba fil-perijodi ta’ rapportar tas-snin 2019 sa 2024 għandhom jitqiesu għall-finijiet tad-determinazzjoni tal-konformità tal-manifattur mal-mira tal-emissjonijiet tas-CO2 speċifiċi tal-perijodu ta’ rapportar tas-sena 2025 biss.

Id-djun tal-emissjonijiet għandhom jinkisbu fil-perijodi ta’ rapportar tas-snin 2025 sa 2029. Madanakollu, id-dejn tal-emissjoni totali tal-manifattur ma għandhomx jaqbeż il-5 % tal-mira tal-emissjonijiet tas-CO2 speċifiċi tal-manifattur fil-perijodu ta’ rapportar tas-sena 2025, immultiplikat bl-għadd ta’ vetturi tqal tal-manifattur f’dak il-perijodu (“il-limitu tad-djun tal-emissjonijiet”).

Il-krediti u d-djun tal-emissjonijiet miksuba fil-perijodi ta’ rapportar mill-2025 sal-2028, meta applikabbli, għandhom jiġu riportati minn perijodu ta’ rapportar għal perijodu ta’ rapportar li jmiss. Kwalunkwe djun tal-emissjonijiet li jkun fadal għandhom jixxejnu fil-perijodu ta’ rapportar tas-sena 2029.

2.   It-trajettorja tat-tnaqqis tal-emissjonijiet tas-CO2 għandha tiġi stabbilita għal kull manifattur skont il-punt 5.1 tal-Anness I, abbażi ta’ trajettorja lineari bejn l-emissjonijiet tas-CO2 ta’ referenza msemmija fit-tieni paragrafu tal-Artikolu 1 u l-mira tal-emissjonijiet tas-CO2 għall-perijodu ta’ rapportar tas-sena 2025 kif speċifikat fil-punt (a) tal-ewwel paragrafu ta’ dak l-Artikolu, u bejn il-mira tal-emissjonijiet tas-CO2 għall-perijodu ta’ rapportar tas-sena 2025 u l-mira tal-emissjonijiet tas-CO2 għall-perijodi ta’ rapportar tas-sena 2030 ’il quddiem kif speċifikat fil-punt (b) tal-ewwel paragrafu ta’ dak l-Artikolu.

Artikolu 8

Konformità mal-miri tal-emissjonijiet tas-CO2 speċifiċi

1.   Meta manifattur jinstab, skont il-paragrafu 2, li għandu emissjonijiet tas-CO2 żejda f’perijodu ta’ rapportar partikolari mill-2025 ’il quddiem, il-Kummissjoni għandha timponi primjum għall-emissjonijiet tas-CO2 żejda kkalkulat skont il-formula li ġejja:

(a)

mill-2025 sal-2029,

(il-primjum għall-emissjonijiet tas-CO2 żejda) = (l-emissjonijiet tas-CO2 żejda × 4 250 €/gCO2/tkm)

(b)

mill-2030 ’il quddiem,

(il-primjum għall-emissjonijiet tas-CO2 żejda) = (l-emissjonijiet tas-CO2 żejda × 6 800 €/gCO2/tkm).

2.   Manifattur għandu jitqies li għandu emissjonijiet tas-CO2 żejda f’xi wieħed mill-każijiet li ġejjin:

(a)

jekk, fi kwalunkwe perijodu ta’ rapportar tas-snin bejn l-2025 u l-2028, is-somma tad-djun tal-emissjonijiet mingħajr is-somma tal-krediti tal-emissjonijiet tkun taqbeż il-limitu tad-dejn tal-emissjonijiet imsemmi fit-tielet subparagrafu fl-Artikolu 7(1);

(b)

jekk, fil-perijodu ta’ rapportar tas-sena 2029, is-somma tad-djun tal-emissjonijiet mingħajr is-somma tal-krediti tal-emissjonijiet tkun pożittiva;

(c)

jekk, mill-perijodu ta’ rapportar tas-sena 2030 ’il quddiem, l-emissjonijiet tas-CO2 speċifiċi medji tal-manifattur ikunu jaqbżu l-mira tal-emissjonijiet tas-CO2 speċifiċi tiegħu.

L-emissjonijiet tas-CO2 żejda f’perijodu ta’ rapportar partikolari għandhom jiġu kkalkulati skont il-punt 6 tal-Anness I.

3.   Il-Kummissjoni għandha, permezz ta’ atti ta’ implimentazzjoni, tiddetermina l-modi għall-ġbir ta’ primjums għall-emissjonijiet tas-CO2 eċċessivi taħt il-paragrafu 1 ta’ dan l-Artikolu. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 16(2).

4.   Il-primjums għall-emissjonijiet tas-CO2 żejda għandhom jitqiesu bħala dħul għall-baġit ġenerali tal-Unjoni Ewropea.

Artikolu 9

Verifika tad-data tal-monitoraġġ

1.   L-awtoritajiet tal-approvazzjoni tat-tip għandhom jgħarrfu lill-Kummissjoni, mingħajr dewmien, bi kwalunkwe devjazzjoni misjuba fiċ-ċifri tal-emissjonijiet tas-CO2 tal-vetturi tqal waqt is-servizz meta mqabbla maċ-ċifri indikati fiċ-ċertifikati tal-konformità jew fil-fajl tal-informazzjoni tal-klijenti msemmija fl-Artikolu 9(4) tar-Regolament (UE) 2017/2400 b’riżultat tal-verifiki mwettqa skont il-proċedura msemmija fl-Artikolu 13 ta’ dan ir-Regolament.

2.   Il-Kummissjoni għandha tqis id-devjazzjonijiet imsemmija fil-paragrafu 1 biex tikkalkula l-emissjonijiet tas-CO2 speċifiċi medji ta’ manifattur.

3.   Il-Kummissjoni għandha, permezz ta’ atti ta’ implimentazzjoni, tadotta regoli dettaljati dwar il-proċeduri għar-rapportar ta’ dawn id-devjazzjonijiet u biex jitqiesu fil-kalkolu tal-emissjonijiet tas-CO2 speċifiċi medji. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 16(2).

Artikolu 10

Valutazzjoni tal-emissjonijiet tas-CO2 ta’ referenza

Sabiex tiżgura r-robustezza u r-rappreżentanza tal-emissjonijiet tas-CO2 ta’ referenza bħala bażi għad-determinazzjoni tal-miri tal-emissjonijiet tas-CO2 għall-flotta kollha tal-UE, il-Kummissjoni għandha, permezz ta’ atti ta’ implimentazzjoni, tistabbilixxi metodoloġija għall-valutazzjoni tal-applikazzjoni tal-kundizzjonijiet li skonthom ġew iddeterminati u tistabbilixxi l-emissjonijiet tas-CO2 ta’ referenza u l-kriterji biex jiġu ddeterminati jekk dawk l-emissjonijiet ġewx miżjuda b’mod mhux xieraq u jekk iva, kif se jiġu korretti.

Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 16(2).

Artikolu 11

Pubblikazzjoni tad-data u tal-prestazzjoni ta’ manifattur

1.   Sat-30 ta’ April ta’ kull sena, il-Kummissjoni għandha tippubblika lista, permezz ta’ atti ta’ implimentazzjoni, biex tindika:

(a)

mill-1 ta’ Lulju 2020, għal kull manifattur, l-emissjonijiet tas-CO2 speċifiċi medji tiegħu fil-perijodu ta’ rapportar preċedenti, kif imsemmi fl-Artikolu 4;

(b)

mill-1 ta’ Lulju 2020, għal kull manifattur, il-fattur ta’ mingħajr emissjonijiet u ta’ emissjonijiet baxxi fil-perijodu ta’ rapportar preċedenti, kif imsemmi fl-Artikolu 5(1);

(c)

mill-1 ta’ Lulju 2026, għal kull manifattur, l-emissjonijiet tas-CO2 speċifiċi tiegħu fil-perijodu ta’ rapportar preċedenti, kif imsemmi fl-Artikolu 6;

(d)

mill-1 ta’ Lulju 2020 sat-30 ta’ Ġunju 2031, għal kull manifattur, it-trajettorja tat-tnaqqis tal-emissjoniji tas-CO2 tiegħu, il-krediti tal-emissjonijiet tiegħu u, mill-1 ta’ Lulju 2026 sat-30 ta’ Ġunju 2031, id-djun tal-emissjonijiet tiegħu fil-perijodu ta’ rapportar preċedenti, kif imsemmi fl-Artikolu 7;

(e)

mill-1 ta’ Lulju 2026, għal kull manifattur, l-emissjonijiet tas-CO2 żejda tiegħu fil-perijodu ta’ rapportar preċedenti, kif imsemmi fl-Artikolu 8(1);

(f)

mill-1 ta’ Lulju 2020, il-medja tal-emissjonijiet tas-CO2 speċifiċi għall-vetturi tqal ġodda kollha rreġistrati fl-Unjoni fil-perijodu ta’ rapportar preċedenti.

Il-lista li għandha tiġi ppubblikata sat-30 ta’ April 2021 għandha tinkludi l-emissjonijiet tas-CO2 ta’ referenza msemmija fit-tieni paragrafu tal-Artikolu 1.

2.   Il-Kummissjoni għandha tadotta atti delegati skont l-Artikolu 17 li jaġġustaw l-emissjonijiet tas-CO2 ta’ referenza b’konformità ma’ dan li ġej:

(a)

meta l-ponderazzjonijiet tal-profil tal-missjoni jew iċ-ċifri tat-tagħbija jkunu ġew aġġustati skont il-punt (b) jew (c) tal-Artikolu 14(1), billi tapplika l-proċedura stabbilita fil-punt 1 tal-Anness II;

(b)

meta fatturi tal-aġġustament ikunu ġew iddeterminati skont l-Artikolu 14(2), billi jiġu applikati dawk il-fatturi tal-emissjonijiet tas-CO2 ta’ referenza;

(c)

meta tkun ġiet iddeterminata żieda indebita fl-emissjonijiet tas-CO2 ta’ referenza skont il-metodoloġija msemmija fl-Artikolu 10, billi tikkoreġi l-emissjonijiet tas-CO2 ta’ referenza sat-30 ta’ April 2022.

Il-Kummissjoni għandha tippubblika ċ-ċifri aġġustati tal-emissjonijiet tas-CO2 ta’ referenza u għandha tapplikahom għall-kalkolu tal-miri tal-emissjonijiet tas-CO2 speċifiċi tal-manifattur applikabbli fil-perijodi ta’ rapportar li jibdew mid-data ta’ applikazzjoni tal-atti delegati li jaġġustaw iċ-ċifri.

Artikolu 12

L-emissjonijiet tas-CO2 u l-konsum tal-enerġija f’kundizzjonijiet reali

1.   Il-Kummissjoni għandha timmonitorja u tivvaluta r-rappreżentanza f’kundizzjonijiet reali taċ-ċifri tal-emissjonijiet tas-CO2 u tal-konsum tal-enerġija ddeterminati fil-qafas tar-Regolament (KE) Nru 595/2009.

Barra minn hekk, il-Kummissjoni għandha tiġbor regolarment data dwar l-emissjonijiet tas-CO2 u l-konsum tal-enerġija f’kundizzjonijiet reali ta’ vetturi tqal bl-użu ta’ apparat abbord ta’ monitoraġġ tal-konsum tal-fjuwil u/jew tal-enerġija u għandha tibda tagħmel dan bil-vetturi tqal ġodda rreġistrati mid-data ta’ applikazzjoni tal-miżuri msemmija fil-punt (b) tal-Artikolu 5c tar-Regolament (KE) Nru 595/2009.

Il-Kummissjoni għandha tiżgura li l-pubbliku jkun infurmat kif dik ir-rappreżentanza qed tevolvi maż-żmien.

2.   Għall-fini tal-paragrafu 1 ta’ dan l-Artikolu, il-Kummissjoni għandha tiżgura li l-parametri li ġejjin relatati mal-emissjonijiet tas-CO2 u l-konsum tal-enerġija f’kundizzjonijiet reali ta’ vetturi tqal ikunu disponibbli għaliha f’perijodi ta’ żmien regolari, mid-data ta’ applikazzjoni tal-miżuri msemmija fil-punt (b) tal-Artikolu 5c tar-Regolament (KE) Nru 595/2009, mill-manifatturi, l-awtoritajiet nazzjonali jew permezz tat-trasferiment dirett ta’ data mill-vetturi, skont il-każ:

(a)

in-numru ta’ identifikazzjoni tal-vettura;

(b)

il-fjuwil u l-enerġija elettrika kkunsmati;

(c)

id-distanza totali koperta;

(d)

it-tagħbija;

(e)

għal vetturi elettriċi tqal ibridi li jiġu ċċarġjati esternament, il-fjuwil u l-enerġija elettrika kkunsmati, u d-distanza koperta, distribwiti fuq modalitajiet ta’ sewqan differenti;

(f)

parametri oħra meħtieġa biex jiġi żgurat li l-obbligi stabbiliti fil-paragrafu 1 ta’ dan l-Artikolu jistgħu jiġu ssodisfatti.

Il-Kummissjoni għandha tipproċessa d-data li tirċievi taħt l-ewwel subparagrafu ta’ dan il-paragrafu biex toħloq sett ta’ data anonimizzata u aggregata, inkluż skont il-manifattur, għall-finijiet tal-paragrafu 1. In-numri ta’ identifikazzjoni tal-vetturi għandhom jintużaw biss għall-fini tal-ipproċessar ta’ dik id-data u ma għandhomx jinżammu aktar milli jkun hemm bżonn għal dak il-fini.

3.   Sabiex jiġi evitat li d-diskrepanza fl-emissjonijiet f’kundizzjonijiet reali tkompli tiżdied, mhux aktar tard minn sentejn u ħames xhur wara d-data ta’ applikazzjoni tal-miżuri msemmija fil-punt (b) tal-Artikolu 5c tar-Regolament (KE) Nru 595/2009, il-Kummissjoni għandha tivvaluta kif id-data dwar il-konsum tal-fjuwil u l-enerġija tista’ tintuża biex jiġi żgurat li ċ-ċifri tal-emissjonijiet tas-CO2 u tal-konsum tal-enerġija tal-vetturi stabbiliti skont dak ir-Regolament jibqgħu rappreżentattivi tal-emissjonijiet f’kundizzjonijiet reali fuq tul ta’ żmien għal kull manifattur.

Kull sena, il-Kummissjoni għandha timmonitorja u tirrapporta fuq kif id-diskrepanza msemmija fl-ewwel subparagrafu tevolvi, u, bil-għan li tiġi evitata żieda f’dik id-diskrepanza, fl-2027 għandha tivvaluta l-fattibbiltà ta’ mekkaniżmu li jaġġusta l-emissjonijiet ta’ CO2 speċifiċi medji tal-manifattur mill-2030 ’il quddiem u, jekk ikun il-każ, tressaq proposta leġislattiva biex timplimenta tali mekkaniżmu.

4.   Il-Kummissjoni għandha tadotta, permezz ta’ atti ta’ implimentazzjoni, il-proċedura dettaljata għall-ġbir u l-ipproċessar tad-data msemmija fil-paragrafu 2 ta’ dan l-Artikolu. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 16(2).

Artikolu 13

Verifika tal-emissjonijiet tas-CO2 ta’ vetturi tqal waqt is-servizz

1.   Il-manifatturi għandhom jiżguraw li ċ-ċifri tal-emissjonijiet tas-CO2 u tal-konsum tal-fjuwil irreġistrati fil-fajl ta’ informazzjoni għall-klijent imsemmi fl-Artikolu 9(4) tar-Regolament (UE) 2017/2400 li jikkorrispondu għall-emissjonijiet tas-CO2 u l-konsum tal-fjuwil tal-vetturi tqal waqt is-servizz kif stabbiliti skont dak ir-Regolament.

2.   Wara d-dħul fis-seħħ tal-proċeduri msemmija fil-paragrafu 4, l-awtoritajiet tal-approvazzjoni tat-tip għandhom jivverifikaw, għal dawk il-manifatturi li ngħataw liċenzja biex joperaw l-għodda ta’ simulazzjoni skont ir-Regolament (KE) Nru 595/2009 u l-miżuri ta’ implimentazzjoni tiegħu, abbażi ta’ kampjuni ta’ vetturi xierqa u rappreżentattivi, li ċ-ċifri tal-emissjonijiet tas-CO2 u tal-konsum tal-fjuwil irreġistrati fil-fajls ta’ informazzjoni għall-klijent jikkorrispondu għall-emissjonijiet tas-CO2 u l-konsum tal-fjuwil tal-vetturi tqal waqt is-servizz kif stabbiliti skont dak ir-Regolament u l-miżuri ta’ implimentazzjoni tiegħu, billi jikkunsidraw, fost l-oħrajn, l-użu ta’ data disponibbli minn tagħmir ta’ monitoraġġ abbord tal-konsum tal-fjuwil u/jew l-enerġija.

L-awtoritajiet tal-approvazzjoni tat-tip għandhom jivverifikaw ukoll il-preżenza ta’ kwalunkwe strateġija abbord jew b’rabta mal-vetturi fil-kampjun li ttejjeb artifiċjalment il-prestazzjoni tal-vettura fit-testijiet imwettqa jew fil-kalkoli magħmula għall-fini ta’ ċertifikazzjoni tal-emissjonijiet tas-CO2 u tal-konsum tal-fjuwil billi, fost l-oħrajn, jużaw data mill-apparat ta’ monitoraġġ abbord tal-konsum tal-fjuwil u/jew tal-enerġija.

3.   Meta nuqqas ta’ korrispondenza taċ-ċifri tal-emissjoni tas-CO2 u tal-konsum tal-fjuwil li ma tistax tiġi attribwita għal funzjonament ħażin tal-għodda ta’ simulazzjoni, jew il-preżenza ta’ kwalunkwe strateġija li ttejjeb artifiċjalment il-prestazzjonit ta’ vettura, tinstab b’riżultat tal-verifiki mwettqa skont il-paragrafu 2, l-awtorità tal-approvazzjoni tat-tip responsabbli għandha, minbarra li tieħu l-miżuri meħtieġa stabbiliti fil-Kapitolu XI tar-Regolament (UE) 2018/858, tiżgura li l-fajls ta’ informazzjoni għall-klijent, iċ-ċertifikati ta’ konformità u ċ-ċertifikati ta’ approvazzjoni individwali huma kkoreġuti, skont il-każ.

4.   Il-Kummissjoni għandha tiddetermina l-proċeduri għat-twettiq tal-verifiki msemmija fil-paragrafu 2 ta’ dan l-Artikolu, permezz ta’ atti ta’ implimentazzjoni. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 16(2).

Il-Kummissjoni għandha s-setgħa, qabel ma tadotta l-atti ta’ implimentazzjoni msemmija fl-ewwel subparagrafu, tadotta att delegat skont l-Artikolu 17, sabiex tissupplimenta dan ir-Regolament billi jistabbilixxi l-prinċipji gwida u l-kriterji għad-definizzjoni tal-proċeduri msemmija fl-ewwel subparagrafu.

Artikolu 14

Emendi fl-Annessi I u II

1.   Biex ikun żgurat li l-parametri tekniċi użati għall-kalkolu tal-emissjonijiet speċifiċi medji tas-CO2 ta’ manifattur skont l-Artikolu 4 u l-kalkolu tal-miri tal-emissjonijiet speċifiċi tas-CO2 skont l-Artikolu 6 jqisu l-progress tekniku u l-iżvilupp tal-loġistika tat-trasport tal-merkanzija, il-Kummissjoni tingħata s-setgħa li tadotta atti delegati b’konformità mal-Artikolu 17 biex temenda d-dispożizzjonijiet li ġejjin stabbiliti fl-Annessi I u II:

(a)

l-entrati għat-tip ta’ kabina u għall-potenza tal-magna stabbiliti fit-Tabella 1 tal-Anness I u d-definizzjonijiet ta’ “kabina tal-irqad” u “kabina tal-jum” imsemmija f’dik it-Tabella;

(b)

il-ponderazzjonijiet tal-profil tal-missjoni stabbiliti fit-Tabella 2 tal-Anness I;

(c)

iċ-ċifri tat-tagħbija stabbiliti fit-Tabella 3 tal-Anness I, u l-fatturi tal-aġġustament tat-tagħbija stabbiliti fit-Tabella 1 tal-Anness II;

(d)

iċ-ċifri tal-kilometraġġ annwali stabbiliti fit-Tabella 4 tal-Anness I.

2.   Meta l-proċeduri tal-approvazzjoni tat-tip stabbiliti fir-Regolament (KE) Nru 595/2009 u l-miżuri ta’ implimentazzjoni tiegħu jiġu modifikati b’emendi għajr dawk imsemmija fil-punti (b) u (c) tal-paragrafu 1 ta’ dan l-Artikolu b’tali mod biex il-livell tal-emissjonijiet tas-CO2 tal-vetturi rappreżentattivi definiti skont dan il-paragrafu jiżdied jew jonqos b’aktar minn 5 g CO2/km, il-Kummissjoni, b’konformità mal-punt (b) tal-ewwel subparagrafu tal-Artikolu 11(2), għandha tapplika fattur ta’ aġġustament għall-emissjonijiet tas-CO2 ta’ referenza li għandu jiġi kkalkulat b’konformità mal-formula stabbilita fil-punt 2 tal-Anness II.

3.   Il-Kummissjoni, permezz ta’ atti ta’ implimentazzjoni, għandha tistabbilixxi metodoloġija għad-definizzjoni ta’ vettura rappreżentattiva waħda jew aktar ta’ subgrupp tal-vetturi, inklużi l-ponderazzjonijiet statistiċi tagħhom, li abbażi tagħha għandu jiġi ddeterminat l-aġġustament imsemmi fil-paragrafu 2 ta’ dan l-Artikolu, filwaqt li titqies id-data tal-monitoraġġ irrappurtata skont ir-Regolament (UE) 2018/956 u l-karatteristiċi tekniċi tal-vetturi elenkati fl-Artikolu 12(1) tar-Regolament (UE) 2017/2400. Dawk l-atti ta’ implimentazzjoni għandhom jiġu adottati b’konformità mal-proċedura ta’ eżami stabbilita fl-Artikolu 16(2) ta’ dan ir-Regolament.

Artikolu 15

Rieżami u rapport

1.   Sal-31 ta’ Diċembru 2022, il-Kummissjoni għandha tippreżenta rapport lill-Parlament Ewropew u lill-Kunsill dwar l-effikaċja ta’ dan ir-Regolament, dwar il-mira tat-tnaqqis tal-emissjonijiet tas-CO2 u l-livell tal-mekkaniżmu ta’ inċentivi għall-vetturi tqal mingħajr emissjonijiet u b’emissjonijiet baxxi applikabbli mill-2030, dwar l-iffissar ta’ miri tat-tnaqqis tal-emissjonijiet tas-CO2 għal tipi oħra ta’ vetturi tqal, inkluż it-trejlers, ix-xarabanks u kowċis, u l-vetturi vokazzjonali, u dwar l-introduzzjoni ta’ miri vinkolanti ta’ tnaqqis tal-emissjonijiet tas-CO2 għall-vetturi tqal għall-2035 u mill-2040 ’il quddiem. Il-mira tal-2030 għandha tiġi vvalutata b’konformità mal-impenji tal-Unjoni Ewropea skont il-Ftehim ta’ Pariġi.

2.   Ir-rapport imsemmi fil-paragrafu 1 ta’ dan l-Artikolu għandu jinkludi wkoll, b’mod partikolari, dan li ġej:

(a)

valutazzjoni tal-effikaċja tas-sistema tal-krediti tal-emissjonijiet u tad-djun tal-emissjonijiet imsemmija fl-Artikolu 7 u l-adegwatezza tal-estensjoni tal-applikazzjoni tagħha fl-2030 u lil hinn;

(b)

valutazzjoni tal-użu ta’ vetturi tqal mingħajr emissjonijiet u b’emissjonijiet baxxi, filwaqt li jitqiesu l-miri stabbiliti fid-Direttiva 2009/33/KE kif ukoll il-parametri u l-kundizzjonijiet rilevanti li jaffettwaw it-tqegħid fis-suq ta’ tali vetturi tqal;

(c)

valutazzjoni tal-effikaċja tal-mekkaniżmu ta’ inċentivi għal vetturi tqal mingħajr emissjonijiet u b’emissjonijiet baxxi stabbilit fl-Artikolu 5 u l-adegwatezza tal-elementi differenti tiegħu, bil-għan li jiġi aġġustat għall-perijodu wara l-2025 lejn divrenzjar possibbli skont il-medda tas-sewqan mingħajr emissjonijiet u s-subgrupp tal-vettura, flimkien mal-fatturi ta’ ponderazzjoni tat-tagħbija u tal-kilometraġġ, b’data ta’ applikazzjoni li tagħti mill-inqas tliet snin ta’ tħejjija;

(d)

valutazzjoni tal-introduzzjoni tal-infrastruttura meħtieġa ta’ ċċarġjar u ta’ riforniment ta’ fjuwil, tal-possibbiltà li jkunu introdotti standards tar-rendiment tal-emissjoni tas-CO2 għall-magni, b’mod partikolari għal vetturi vokazzjonali, u tar-rappreżentanza f’kundizzjonijiet reali taċ-ċifri tal-emissjonijiet tas-CO2 u tal-konsum tal-fjuwil determinati f’konformità mar-Regolament (UE) 2017/2400;

(e)

strettament għall-fini ta’ dan ir-Regolament, kunsiderazzjonijiet ta’ vetturi tqal u ta’ kombinazzjonijiet ta’ vetturi b’kont meħud tal-piżijiet u d-dimensjonijiet applikabbli għat-trasport nazzjonali, pereżempju kunċetti modulari u intermodali, filwaqt li jiġu vvalutati wkoll l-aspetti possibbli tas-sikurezza u l-effiċjenza tat-trasport, l-effetti intermodali, ambjentali, infrastrutturali u ta’ rikorrenza kif ukoll il-pożizzjoni ġeografika tal-Istati Membri;

(f)

valutazzjoni tal-għodda ta’ simulazzjoni VECTO biex ikun żgurat li din l-għodda tiġi aġġornata kontinwament u fi żmien xieraq;

(g)

valutazzjoni tal-possibbiltà li tiġi żviluppata metodoloġija biex jiġi inkluż il-kontribut potenzjali għat-tnaqqis tal-emissjonijiet tas-CO2 fl-użu ta’ fjuwils rinnovabbli alternattivi sintetiċi u avvanzati, likwidi u gassużi, inklużi l-e-fuels, prodotti b’enerġija rinnovabbli u li jissodisfaw il-kriterji ta’ sostenibbiltà u tal-iffrankar tal-emissjonijiet tal-gassijiet serra msemmija fid-Direttiva (UE) 2018/2001 tal-Parlament Ewropew u tal-Kunsill (17);

(h)

valutazzjoni tal-fattibbiltà tal-introduzzjoni ta’ mekkaniżmu ta’ akkomunament miftuħ, trasparenti u mhux diskriminatorju bejn il-manifatturi;

(i)

valutazzjoni tal-livell tal-primjum għall-emissjonijiet tas-CO2 żejda biex ikun żgurat li huwa jeċċedi l-ispejjeż marġinali medji tat-teknoloġiji meħtieġa biex il-miri tal-emissjonijiet tas-CO2 jintlaħqu.

3.   Ir-rapport imsemmi fil-paragrafu 1, meta jkun xieraq, għandu jkun akkumpanjat minn proposta leġislattiva biex dan ir-Regolament jiġi emendat.

4.   Bħala parti mill-evalwazzjoni skont l-Artikolu 15(5) tar-Regolament (UE) 2019/631, il-Kummissjoni għandha tevalwa l-possibbiltà li tassenja d-dħul mill-primjums għall-emissjonijiet tas-CO2 żejda għal fond speċifiku jew programm rilevanti, bil-għan li tiġi żgurata tranżizzjoni ġusta lejn ekonomija newtrali fir-rigward tal-klima kif imsemmi fl-Artikolu 4.1 tal-Ftehim ta’ Pariġi, b’mod partikolari biex jiġu appoġġati t-taħriġ mill-ġdid, it-titjib tal-ħiliet u t-taħriġ tal-ħiliet oħrajn u r-riallokazzjoni tal-ħaddiema fis-settur awtomobilistiku fl-Istati Membri kollha affettwati, b’mod partikolari fl-aktar reġjuni u komunitajiet affettwati mit-tranżizzjoni. Il-Kummissjoni, jekk ikun xieraq, għandha tressaq proposta leġislattiva f’dak is-sens sa mhux aktar tard mill-2027.

5.   Sa mhux aktar tard mill-2023, il-Kummissjoni għandha, tevalwa l-possibbiltà li tiżviluppa metodoloġija komuni tal-Unjoni għall-valutazzjoni, u r-rapportar konsistenti ta’ data, dwar l-emissjonijiet tas-CO2 ta’ vetturi tqal ġodda li jitqiegħdu fis-suq tal-Unjoni. Il-Kummissjoni għandha tibgħat dik l-evalwazzjoni, inklużi, meta jkun xieraq, proposti adatti għal miżuri ta’ segwitu, bħal proposti leġislattivi, lill-Parlament Ewropew u lill-Kunsill.

Artikolu 16

Proċedura ta’ kumitat

1.   Il-Kummissjoni għandha tkun assistita mill-Kumitat dwar it-Tibdil fil-Klima msemmi fil-punt (a) tal-Artikolu 44(1) tar-Regolament (UE) 2018/1999 tal-Parlament Ewropew u tal-Kunsill (18). Dak il-kumitat għandu jkun kumitat fis-sens tar-Regolament (UE) Nru 182/2011.

2.   Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

3.   Meta l-kumitat ma jagħti ebda opinjoni, il-Kummissjoni ma għandhiex tadotta l-abbozz tal-att ta’ implimentazzjoni u għandu japplika t-tielet subparagrafu tal-Artikolu 5(4) tar-Regolament (UE) Nru 182/2011.

Artikolu 17

Eżerċizzju tad-delega

1.   Is-setgħa ta’ adozzjoni ta’ atti delegati hija mogħtija lill-Kummissjoni suġġett għall-kondizzjonijiet stabbiliti f’dan l-Artikolu.

2.   Is-setgħa ta’ adozzjoni ta’ atti delegati msemmija fl-Artikolu 11(2), it-tieni subparagrafu tal-Artikolu 13(4) u l-Artikolu 14(1) hija mogħtija lill-Kummissjoni għal perijodu ta’ ħames snin mill-14 ta’ Awwissu 2019. Il-Kummissjoni għandha tfassal rapport fir-rigward tad-delega ta’ setgħa mhux iktar tard minn disa’ xhur qabel it-tmiem tal-perijodu ta’ ħames snin. Id-delega ta’ setgħa għandha tiġi estiża awtomatikament għal perijodi ta’ żmien identiċi, ħlief jekk il-Parlament Ewropew jew il-Kunsill joġġezzjona għal tali estensjoni mhux iktar tard minn tliet xhur qabel it-tmiem ta’ kull perijodu.

3.   Id-delega ta’ setgħa msemmija fl-Artikolu 11(2), it-tieni subparagrafu tal-Artikolu 13(4) u l-Artikolu 14(1) tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega ta’ setgħa speċifikata f’dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. M’għandhiex taffettwa l-validità ta’ kwalunkwe att delegat li jkun diġà fis-seħħ.

4.   Qabel ma tadotta att delegat, il-Kummissjoni għandha tikkonsulta esperti nnominati minn kull Stat Membru skont il-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet.

5.   Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.   Att delegat adottat skont l-Artikolu 11(2), it-tieni subparagrafu tal-Artikolu 13(4) u l-Artikolu 14(1) għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perijodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perijodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

Artikolu 18

Emendi għar-Regolament (KE) Nru 595/2009

Ir-Regolament (KE) Nru 595/2009 huwa emendat kif ġej:

(1)

fl-ewwel paragrafu tal-Artikolu 2, tiżdied is-sentenza li ġejja:

“Għandu japplika wkoll, għall-fini tal-Artikoli 5a, 5b u 5c, għal vetturi tal-kategoriji O3 u O4.”;

(2)

jiddaħħlu l-Artikoli li ġejjin:

“Artikolu 5a

Rekwiżiti speċifiċi għall-manifatturi fir-rigward tal-prestazzjoni ambjentali ta’ vetturi tal-kategoriji M2, M3, N2, N3, O3 u O4

1.   Il-manifatturi għandhom jiżguraw li vetturi ġodda tal-kategoriji O3 u O4 li jinbiegħu, jiġu rreġistrati jew jiddaħħlu fis-servizz jissodisfaw ir-rekwiżiti li ġejjin:

(a)

l-influwenza ta’ dawk il-vetturi fuq l-emissjonijiet tas-CO2, il-konsum tal-fjuwil, il-konsum tal-elettriku u l-medda ta’ sewqan mingħajr emissjonijiet tal-vetturi bil-mutur tkun iddeterminata b’konformità mal-metodoloġija msemmija fil-punt (a) tal-Artikolu 5c;

(b)

jiġu attrezzati b’apparat abbord għall-monitoraġġ u r-reġistrazzjoni tat-tagħbija b’konformità mar-rekwiżiti msemmija fil-punt (b) tal-Artikolu 5c.

2.   Il-manifatturi għandhom jiżguraw li vetturi ġodda tal-kategoriji M2, M3, N2 u N3 li jinbiegħu, jiġu rreġistrati jew jiddaħħlu fis-servizz jiġu attrezzati b’apparat abbord għall-monitoraġġ u r-reġistrazzjoni tal-konsum tal-fjuwil u/jew tal-enerġija, tat-tagħbija u tal-kilometraġġ b’konformità mar-rekwiżiti msemmija fil-punt (b) tal-Artikolu 5c.

Għandhom jiżguraw ukoll li l-medda ta’ sewqan mingħajr emissjonijiet u l-konsum tal-elettriku ta’ dawk il-vetturi jiġu determinati b’konformità mal-metodoloġija msemmija fil-punt (c) tal-Artikolu 5c.

Artikolu 5b

Rekwiżiti speċifiċi għall-Istati Membri fir-rigward tal-prestazzjoni ambjentali ta’ vetturi tal-kategoriji M2, M3, N2, N3, O3 u O4

1.   L-awtoritajiet nazzjonali, b’konformità mal-miżuri ta’ implimentazzjoni msemmija fl-Artikolu 5c, għandhom jirrifjutaw li jagħtu approvazzjoni tat-tip tal-UE jew approvazzjoni tat-tip nazzjonali fir-rigward ta’ tipi ta’ vetturi ġodda tal-kategoriji M2, M3, N2, N3, O3 u O4 li ma jikkonformawx mar-rekwiżiti stabbiliti f’dawk il-miżuri ta’ implimentazzjoni.

2.   L-awtoritajiet nazzjonali, b’konformità mal-miżuri ta’ implimentazzjoni msemmija fl-Artikolu 5c, għandhom jipprojbixxu l-bejgħ, ir-reġistrazzjoni jew id-dħul fis-servizz ta’ vetturi ġodda tal-kategoriji M2, M3, N2, N3, O3 u O4 li ma jikkonformawx mar-rekwiżiti stabbiliti f’dawk il-miżuri ta’ implimentazzjoni.

Artikolu 5c

Miżuri għad-determinazzjoni ta’ ċerti aspetti tal-prestazzjoni ambjentali ta’ vetturi tal-kategoriji M2, M3, N2, N3, O3 u O4

Sal-31 ta’ Diċembru 2021, il-Kummissjoni, permezz ta’ atti ta’ implimentazzjoni, għandha tadotta l-miżuri li ġejjin:

(a)

metodoloġija għall-valutazzjoni tal-prestazzjoni ta’ vetturi tal-kategoriji O3 u O4 fir-rigward tal-influwenza tagħhom fuq l-emissjonijiet tas-CO2, il-konsum tal-fjuwil, il-konsum tal-elettriku u l-medda ta’ sewqan mingħajr emissjonijiet ta’ vetturi bil-mutur;

(b)

rekwiżiti tekniċi għat-tqegħid ta’ apparat abbord għall-monitoraġġ u r-reġistrazzjoni tal-konsum tal-fjuwil u/jew tal-enerġija u tal-kilometraġġ ta’ vetturi bil-mutur tal-kategoriji M2, M3, N2 u N3, u għad-determinazzjoni u r-reġistrazzjoni tat-tagħbijiet jew il-piż totali ta’ vetturi li jissodisfaw il-karatteristiċi stabbiliti fil-punt (a), (b), (c) jew (d) tal-ewwel subparagrafu tal-Artikolu 2(1) tar-Regolament (UE) 2019/1242 tal-Parlament Ewropew u tal-Kunsill (*1) u tal-kombinazzjonijiet tagħhom ma’ vetturi tal-kategoriji O3 u O4, inkluża t-trażmissjoni ta’ data bejn il-vetturi fi ħdan kombinazzjoni, kif ikun meħtieġ;

(c)

metodoloġija għad-determinazzjoni tal-medda ta’ sewqan mingħajr emissjonijiet u tal-konsum tal-elettriku ta’ vetturi ġodda tal-kategoriji M2, M3, N2 u N3.

Dawk l-atti ta’ implimentazzjoni għandhom jiġu adottati b’konformità mal-proċedura ta’ eżami msemmija fl-Artikolu 13a.

(*1)  Ir-Regolament (UE) 2019/1242 tal-Parlament Ewropew u tal-Kunsill tal-20 ta’ Ġunju 2019 li jistabbilixxi standards tal-prestazzjoni tal-emissjonijiet tas-CO2 għall-vetturi tqal ġodda u li jemenda r-Regolamenti (KE) Nru 595/2009 u (UE) 2018/956 tal-Parlament Ewropew u tal-Kunsill u d-Direttiva tal-Kunsill 96/53/KE (ĠU L 198, 25.7.2019, p. 202).”;"

(3)

jiżdied l-Artikolu li ġej:

“Artikolu 13a

Proċedura ta’ kumitat

1.   Il-Kummissjoni għandha tkun assistita mill-Kumitat Tekniku – Vetturi bil-Mutur stabbilit bir-Regolament (UE) 2018/858 tal-Parlament Ewropew u tal-Kunsill (*2). Dak il-kumitat għandu jkun kumitat fis-sens tar-Regolament (UE) Nru 182/2011.

2.   Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

3.   Meta l-Kumitat ma jagħti ebda opinjoni, il-Kummissjoni ma għandhiex tadotta l-abbozz tal-att ta’ implimentazzjoni u għandu japplika t-tielet subparagrafu tal-Artikolu 5(4) tar-Regolament (UE) Nru 182/2011.

(*2)  Ir-Regolament (UE) 2018/858 tal-Parlament Ewropew u tal-Kunsill tat-30 ta’ Mejju 2018 dwar l-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsuba għal tali vetturi, li jemenda r-Regolamenti (KE) Nru 715/2007 u (KE) Nru 595/2009 u li jħassar id-Direttiva 2007/46/KE (ĠU L 151, 14.6.2018, p. 1).”."

Artikolu 19

Emendi għar-Regolament (UE) 2018/956

Ir-Regolament (UE) 2018/956 huwa emendat kif ġej:

(1)

L-Artikolu 3 huwa sostitwit b’dan li ġej:

“Artikolu 3

Definizzjonijiet

Għall-finijiet ta’ dan ir-Regolament, japplikaw id-definizzjonijiet stabbiliti fid-Direttiva 2007/46/KE tal-Parlament Ewropew u tal-Kunsill (*3), fir-Regolament (KE) Nru 595/2009 u fir-Regolament (UE) 2019/1242 tal-Parlament Ewropew u tal-Kunsill (*4).

(*3)  Id-Direttiva 2007/46/KE tal-Parlament Ewropew u tal-Kunsill tal-5 ta’ Settembru 2007 li tistabbilixxi kwadru għall-approvazzjoni ta’ vetturi bil-mutur u l-karrijiet tagħhom, u ta’ sistemi, komponenti u unitajiet tekniċi separati maħsuba għal tali vetturi (Direttiva Kwadru) (ĠU L 263, 9.10.2007, p. 1)."

(*4)  Ir-Regolament (UE) 2019/1242 tal-Parlament Ewropew u tal-Kunsill tal-20 ta’ Ġunju 2019 li jistabbilixxi standards tal-prestazzjoni tal-emissjonijiet tas-CO2 għall-vetturi tqal ġodda u li jemenda r-Regolamenti (KE) Nru 595/2009 u (UE) 2018/956 tal-Parlament Ewropew u tal-Kunsill u d-Direttiva tal-Kunsill 96/53/KE (ĠU L 198, 25.7.2019, p. 202).”;"

(2)

fl-Artikolu 4, il-paragrafu 1 huwa sostitwit b’dan li ġej:

“1.   Mill-1 ta’ Jannar 2019, l-Istati Membri għandhom jimmonitorjaw id-data speċifikata fil-Parti A tal-Anness I relatata ma’ vetturi tqal ġodda rreġistrati għall-ewwel darba fl-Unjoni.

Sat-30 ta’ Settembru ta’ kull sena, mill-2020 ’il quddiem, l-awtoritajiet kompetenti tal-Istati Membri għandhom jirrappurtaw din id-data tal-perijodu ta’ rapportar preċedenti mill-1 ta’ Lulju sat-30 ta’ Ġunju lill-Kummissjoni b’konformità mal-proċedura ta’ rapportar stabbilita fl-Anness II.

Fir-rigward tal-2019, id-data rrappurtata sat-30 ta’ Settembru 2020 għandha tinkludi d-data mmonitorjata mill-1 ta’ Jannar 2019 sat-30 ta’ Ġunju 2020.

Id-data relatata ma’ vetturi tqal ġodda li ġew irreġistrati preċedentement barra l-Unjoni ma għandhiex tiġi mmonitorjata u rrappurtata, sakemm dik ir-reġistrazzjoni ma tkunx saret inqas minn tliet xhur qabel ir-reġistrazzjoni fl-Unjoni.”;

(3)

fl-Artikolu 5, il-paragrafu 1 huwa sostitwit b’dan li ġej:

“1.   Mis-snin tal-bidu stabbiliti fil-punt 1 tal-Parti B tal-Anness I, il-manifatturi tal-vetturi tqal għandhom jimmonitorjaw id-data speċifikata fil-punt 2 tal-Parti B tal-Anness I, għal kull vettura tqila ġdida.

Sat-30 ta’ Settembru ta’ kull sena, mis-snin tal-bidu stabbiliti fil-punt 1 tal-Parti B tal-Anness I, il-manifatturi ta’ vetturi tqal għandhom jirrappurtaw lill-Kummissjoni dik id-data għal kull vettura tqila ġdida b’data ta’ simulazzjoni li taqa’ fil-perijodu ta’ rapportar preċedenti mill-1 ta’ Lulju sat-30 ta’ Ġunju, b’konformità mal-proċedura ta’ rapportar stabbilita fl-Anness II.

Fir-rigward tal-2019, il-manifatturi għandhom jirrappurtaw id-data għal kull vettura tqila ġdida b’data ta’ simulazzjoni li taqa’ fil-perijodu mill-1 ta’ Jannar 2019 sat-30 ta’ Ġunju 2020.

Id-data ta’ simulazzjoni għandha tkun id-data rrappurtata b’konformità mal-entrata tad-data 71 fil-punt 2 tal-Parti B tal-Anness I.”;

(4)

fl-Artikolu 10, il-paragrafu 1 huwa sostitwit b’dan li ġej:

“1.   Sat-30 ta’ April ta’ kull sena, il-Kummissjoni għandha tippubblika rapport annwali bl-analiżi tagħha tad-data trażmessa mill-Istati Membri u l-manifatturi għall-perijodu ta’ rapportar preċedenti.”;

(5)

fl-Anness II, il-punt 3.2 huwa sostitwit b’dan li ġej:

“3.2.

Id-data relatata ma’ vetturi tqal irreġistrati fil-perijodu ta’ rapportar preċedenti u rreġistrata fir-Reġistru għandha ssir pubblika sat-30 ta’ April ta’ kull sena, mill-2021, bl-eċċezzjoni tal-entrati tad-data speċifikati fl-Artikolu 6(1).”.

Artikolu 20

Emendi tad-Direttiva 96/53/KE

Id-Direttiva 96/53/KE hija emendata kif ġej:

(1)

fl-Artikolu 2, id-definizzjoni li ġejja tiddaħħal wara d-definizzjoni ta’ “vettura li taħdem bi fjuwil alternattiv”:

“—

‘vettura mingħajr emissjonijiet’ tfisser vettura tqila mingħajr emissjonijiet kif definita fil-punt (11) tal-Artikolu 3 tar-Regolament (UE) 2019/1242 tal-Parlament Ewropew u tal-Kunsill (*5),

(*5)  Ir-Regolament (UE) 2019/1242 tal-Parlament Ewropew u tal-Kunsill tal-20 ta’ Ġunju 2019 li jistabbilixxi standards tal-prestazzjoni tal-emissjonijiet tas-CO2 għall-vetturi tqal ġodda u li jemenda r-Regolamenti (KE) Nru 595/2009 u (UE) 2018/956 tal-Parlament Ewropew u tal-Kunsill u d-Direttiva tal-Kunsill 96/53/KE (ĠU L 198, 25.7.2019, p. 202).”;"

(2)

l-Artikolu 10b huwa sostitwit b’dan li ġej:

“Artikolu 10b

Il-piżijiet massimi awtorizzati ta’ vetturi li jaħdmu bi fjuwil alternattiv jew mingħajr emissjonijiet għandhom ikunu dawk stabbiliti fil-punti 2.2.1, 2.2.2, 2.2.3, 2.2.4, 2.3.1, 2.3.2 u 2.4 tal-Anness I.

Il-vetturi li jaħdmu bi fjuwil alternattivi jew mingħajr emissjonijiet għandhom jikkonformaw ukoll mal-limiti massimi awtorizzati tal-piż tal-fusijiet stabbiliti fil-punt 3 tal-Anness I.

Il-piż addizzjonali meħtieġ mill-vetturi li jaħdmu bi fjuwil alternattiv jew mingħajr emissjonijiet għandu jiġi definit abbażi tad-dokumentazzjoni pprovduta mill-produttur meta l-vettura inkwistjoni tiġi approvata. Dak il-piż addizzjonali għandu jiġi indikat fil-prova uffiċjali meħtieġa b’konformità mal-Artikolu 6.

Il-Kummissjoni għandha tingħata s-setgħa li tadotta atti delegati b’konformità mal-Artikolu 10h biex taġġorna, għall-finijiet ta’ din id-Direttiva, il-lista ta’ fjuwils alternattivi msemmija fl-Artikolu 2 li jeħtieġu piż addizzjonali. Huwa ta’ importanza partikolari li l-Kummissjoni ssegwi l-prassi abitwali tagħha u twettaq konsultazzjonijiet ma’ esperti, inklużi esperti tal-Istati Membri, qabel ma tadotta dawk l-atti delegati.”;

(3)

L-Anness I huwa emendat kif ġej:

(a)

is-subparagrafu li ġej jiżdied mat-tieni kolonna tal-punti 2.2.1, 2.2.2, 2.2.3 u 2.2.4:

“Fil-każ ta’ kombinazzjonijiet ta’ vetturi, inklużi l-vetturi li jaħdmu bi fjuwil alternattiv jew mingħajr emissjonijiet, il-piżijiet massimi awtorizzati previsti f’din it-taqsima għandhom jiżdiedu bil-piż addizzjonali tat-teknoloġija tal-fjuwils alternattivi jew ta’ mingħajr emissjonijiet b’massimu ta’ 1 tunnellata u 2 tunnellati rispettivament.”;

(b)

is-subparagrafu li ġej jiżdied fit-tieni kolonna tal-punt 2.3.1:

“Vetturi mingħajr emissjonijiet: il-piż massimu awtorizzat ta’ 18-il tunnellata jiżdied bil-piż addizzjonali meħtieġ għat-teknoloġija ta’ mingħajr emissjonijiet b’massimu ta’ 2 tunnellati.”;

(c)

is-subparagrafu li ġej jiżdied fit-tielet kolonna tal-punt 2.3.2:

“Vetturi mingħajr emissjonijiet bi tliet fusijiet: il-piż massimu awtorizzat ta’ 25 tunnellata, jew 26 tunnellata meta l-fus tas-sewqan ikun attrezzat b’tajers doppji u sospensjoni tal-arja jew sospensjoni rikonoxxuta bħala ekwivalenti fl-Unjoni kif definit fl-Anness II jew meta kull fus tas-sewqan ikun attrezzat b’tajers doppji u l-piż massimu ta’ kull fus ma jaqbiżx 9,5 tunnellati, jiżdied bil-piż addizzjonali meħtieġ għat-teknoloġija ta’ mingħajr emissjonijiet b’massimu ta’ 2 tunnellati.”;

(d)

is-subparagrafu li ġej jiżdied fit-tielet kolonna tal-punt 2.4:

“Xarabanks artikolati bi tliet fusijiet li jkunu vetturi mingħajr emissjonijiet: il-piż massimu awtorizzat ta’ 28 tunnellata jiżdied bil-piż addizzjonali tat-teknoloġija mingħajr emissjonijietv b’massimu ta’ 2 tunnellati.”.

Artikolu 21

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 20 ta’ Ġunju 2019.

Għall-Parlament Ewropew

Il-President

A. TAJANI

Għall-Kunsill

Il-President

G. CIAMBA

(1)   ĠU C 62, 15.2.2019, p. 286.

(2)  Pożizzjoni tal-Parlament Ewropew tat-18 ta’ April 2019 (għadha mhijiex ippubblikata fil-Ġurnal Uffiċjali) u d-deċiżjoni tal-Kunsill tat-13 ta’ Ġunju 2019.

(3)  Regolament (UE) 2019/631 tal-Parlament Ewropew u tal-Kunsill tas-17 ta’ April 2019 li jistabbilixxi standards ta’ rendiment fir-rigward tal-emissjonijiet ta’ CO2 tal-karozzi ġodda tal-passiġġieri u tal-vetturi kummerċjali ħfief ġodda, u li jħassar ir-Regolamenti (KE) Nru 443/2009 u (UE) Nru 510/2011 (ĠU L 111, 25.4.2019, p. 13).

(4)  Ir-Regolament (UE) 2018/842 tal-Parlament Ewropew u tal-Kunsill tat-30 ta’ Mejju 2018 dwar it-tnaqqis annwali vinkolanti tal-emissjonijiet ta’ gassijiet serra mill-Istati Membri mill-2021 sal-2030 li jikkontribwixxi għall-azzjoni klimatika biex jiġu onorati l-impenji li saru fil-Ftehim ta’ Pariġi, u li jemenda r-Regolament (UE) Nru 525/2013 (ĠU L 156, 19.6.2018, p. 26).

(5)  Ir-Regolament (KE) Nru 595/2009 tal-Parlament Ewropew u tal-Kunsill tat-18 ta’ Ġunju 2009 dwar l-approvazzjoni tat-tip ta’ vetturi bil-mutur u magni rigward l-emissjonijiet minn vetturi heavy-duty (Euro VI) u dwar l-aċċess għal informazzjoni dwar it-tiswija u l-manutenzjoni tal-vetturi u li jemenda r-Regolament (KE) Nru 715/2007 u d-Direttiva 2007/46/KE u li jħassar id-Direttivi 80/1269/KEE, 2005/55/KE u 2005/78/KE (ĠU L 188, 18.7.2009, p. 1).

(6)  Ir-Regolament tal-Kummissjoni (UE) 2017/2400 tat-12 ta’ Diċembru 2017 li jimplimenta r-Regolament (KE) Nru 595/2009 tal-Parlament Ewropew u tal-Kunsill fir-rigward tad-determinazzjoni tal-emissjonijiet tas-CO2 u tal-konsum tal-fjuwil tal-vetturi tqal u li jemenda d-Direttiva 2007/46/KE tal-Parlament Ewropew u tal-Kunsill u r-Regolament tal-Kummissjoni (UE) Nru 582/2011 (ĠU L 349, 29.12.2017, p. 1).

(7)  Ir-Regolament (UE) 2018/956 tal-Parlament Ewropew u tal-Kunsill tat-28 ta’ Ġunju 2018 dwar il-monitoraġġ u r-rappurtar tal-emissjonijiet tas-CO2 u tal-konsum ta’ fjuwil minn vetturi heavy-duty ġodda (ĠU L 173, 9.7.2018, p. 1).

(8)  Id-Direttiva 2009/33/KE tal-Parlament Ewropew u tal-Kunsill tat-23 ta’ April 2009 dwar il-promozzjoni ta’ vetturi ta’ trasport fuq it-triq nodfa u effiċjenti fl-użu tal-enerġija (ĠU L 120, 15.5.2009, p. 5).

(9)  Ir-Regolament (KE) Nru 443/2009 tal-Parlament Ewropew u tal-Kunsill tat-23 ta’ April 2009 li jistabbilixxi standards ta’ rendiment għall-emissjonijiet minn karozzi ġodda tal-passiġġieri bħala parti mill-approċċ integrat tal-Komunità biex jitnaqqsu l-emissjonijiet ta’ CO2 minn vetturi ħfief (ĠU L 140, 5.6.2009, p. 1).

(10)  Ir-Regolament (UE) 2018/858 tal-Parlament Ewropew u tal-Kunsill tat-30 ta’ Mejju 2018 dwar l-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsuba għal tali vetturi, li jemenda r-Regolamenti (KE) Nru 715/2007 u (KE) Nru 595/2009 u li jħassar id-Direttiva 2007/46/KE (ĠU L 151, 14.6.2018, p. 1).

(11)  Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13).

(12)   ĠU L 123, 12.5.2016, p. 1.

(13)  Id-Direttiva tal-Kunsill 96/53/KE tal-25 ta’ Lulju 1996 li tistabbilixxi għal ċerti vetturi tat-triq li jiċċirkolaw fi ħdan il-Komunità id-dimensjonijiet massimi awtorizzati fit-traffiku nazzjonali u internazzjonali u l-piżijiet massimi awtorizzati fit-traffiku internazzjonali (ĠU L 235, 17.9.1996, p. 59).

(14)  Ir-Regolament (UE) Nru 510/2011 tal-Parlament Ewropew u tal-Kunsill tal-11 ta’ Mejju 2011 li jistabbilixxi standards ta’ rendiment fir-rigward tal-emissjonijiet tal-vetturi kummerċjali ħfief ġodda bħala parti mill-approċċ integrat tal-Unjoni biex jitnaqqsu l-emissjonijiet tas-CO2 minn vetturi ħfief (ĠU L 145, 31.5.2011, p. 1).

(15)  Id-Direttiva 2007/46/KE tal-Parlament Ewropew u tal-Kunsill tal-5 ta’ Settembru 2007 li tistabbilixxi kwadru għall-approvazzjoni ta’ vetturi bil-mutur u l-karrijiet tagħhom, u ta’ sistemi, komponenti u unitajiet tekniċi separati maħsuba għal tali vetturi (Direttiva Kwadru) (ĠU L 263, 9.10.2007, p. 1).

(16)  Ir-Regolament (KE) Nru 715/2007 tal-Parlament Ewropew u tal-Kunsill tal-20 ta’ Ġunju 2007 dwar l-approvazzjoni tat-tip ta’ vetturi bil-mutur fir-rigward tal-emissjonijiet ta’ vetturi ħfief għall-passiġġieri u ta’ vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi (ĠU L 171, 29.6.2007, p. 1).

(17)  Id-Direttiva (UE) 2018/2001 tal-Parlament Ewropew u tal-Kunsill tal-11 ta’ Diċembru 2018 dwar il-promozzjoni tal-użu tal-enerġija minn sorsi rinnovabbli (ĠU L 328, 21.12.2018, p. 82).

(18)  Ir-Regolament (UE) 2018/1999 tal-Parlament Ewropew u tal-Kunsill tal-11 ta’ Diċembru 2018 dwar il-Governanza tal-Unjoni tal-Enerġija u tal-Azzjoni Klimatika, li jemenda r-Regolamenti (KE) Nru 663/2009 u (KE) Nru 715/2009 tal-Parlament Ewropew u tal-Kunsill, id-Direttivi 94/22/KE, 98/70/KE, 2009/31/KE, 2009/73/KE, 2010/31/UE, 2012/27/UE u 2013/30/UE tal-Parlament Ewropew u tal-Kunsill, id-Direttivi tal-Kunsill 2009/119/KE u (UE) 2015/652 u li jħassar ir-Regolament (UE) Nru 525/2013 tal-Parlament Ewropew u tal-Kunsill (ĠU L 328, 21.12.2018, p. 1).

ANNESS I

L-emissjonijiet tas-CO2 speċifiċimedji, il-miri tal-emissjonijiet tas-CO2 speċifiċi,u l-emissjonijiet tas-CO2 żejda

1.   SUBGRUPPI TAL-VETTURA

Kull vettura tqila ġdida għandha tiġi attribwita lil xi wieħedmis-subgruppi tal-vettura definiti fit-Tabella 1 skont il-kundizzjonijietstabbiliti fiha.

Tabella 1

Subgruppi tal-vettura (sg)

Vetturi tqal

Tip ta’ kabina

Potenza tal-magna

Subgrupp tal-vettura (sg)

Trakkijiet riġidi b’konfigurazzjoni tal-fus4×2 u massa tat-tagħbija massima teknikament possibbli > 16-il tunnellata

Kollha

< 170 kW

4-UD

B’kabina tal-jum

≥ 170 kW

4-RD

B’kabina tal-irqad

≥ 170 kW u < 265 kW

B’kabina tal-irqad

≥ 265 kW

4-LH

Trakkijiet riġidi b’konfigurazzjoni tal-fus6×2

B’kabina tal-jum

Kollha

9-RD

B’kabina tal-irqad

9-LH

Tratturi b’konfigurazzjoni tal-fus 4×2 umassa tat-tagħbija massima teknikament possibbli > 16-il tunnellata

B’kabina tal-jum

Kollha

5-RD

B’kabina tal-irqad

< 265 kW

B’kabina tal-irqad

≥ 265 kW

5-LH

Tratturi b’konfigurazzjoni tal-fus 6×2

B’kabina tal-jum

Kollha

10-RD

B’kabina tal-irqad

10-LH

“Kabina tal-irqad” tfisser tip ta’ kabinali għandha kompartiment wara s-sit tas-sewwieq maħsub għall-irqadkif irrapportat skont ir-Regolament (UE) 2018/956.

“Kabina tal-jum” tfisser tip ta’ kabinali mhix kabina tal-irqad.

Jekk vettura tqila ġdida ma tkunx tista’ tiġi attribwita għal subgrupptal-vettura għax l-informazzjoni dwar it-tip ta’ kabina jew il-potenzatal-magna ma tkunx disponibbli, din għandha tiġi attribwita għas-subgrupptal-vetturi għal distanzi twal (long-haul, LH) li jkun jikkorrispondigħat-tip ta’ xażi tagħha (trakk riġidu jew trattur) u l-konfigurazzjonital-fus (4×2 jew 6×2).

Meta xi vettura tqila ġdida tiġi attribwita għas-subgrupp tal-vettura4-UD, iżda d-data dwar l-emissjonijiet tas-CO2 fi g/km ma tkunx disponibbli għall-profili tal-missjoni UDL jewUDR kif definit fit-Tabella 2 tal-punt 2.1, il-vettura tqila ġdidagħandha tiġi attribwita għas-subgrupp tal-vettura 4-RD.

2.   L-EMISSJONIJIET TAS-CO2 SPEĊIFIĊI MEDJI TA’MANIFATTUR

2.1.   L-emissjonijiet tas-CO2 speċifiċi ta’ vetturatqila ġdida

L-emissjonijiet tas-CO2 speċifiċi fi g/km ta’vettura tqila ġdida v (CO2v ), attribwita għal subgrupp tal-vettura sg għandhom jiġu kkalkulati kif ġej:

Formula

fejn,

Formula

mp

hi s-somma tal-profili tal-missjoni kollha mp elenkati fit-Tabella 2;

sg

hu s-subgrupp tal-vettura li għalih tkun ġiet attribwital-vettura tqila ġdida v skont il-punt 1 ta’dan l-Anness;

W sg,mp

hu l-piż tal-profil tal-missjoni speċifikat fit-Tabella2;

CO2 v,mp

huma l-emissjonijiet tas-CO2 fi g/kmta’ vettura tqila ġdida v iddeterminati għalprofil tal-missjoni mp u rrappurtati skontir-Regolament (UE) 2018/956.

L-emissjonijiet tas-CO2 speċifiċi ta’ vetturatqila mingħajr emissjonijiet għandhom jiġu stabbiliti bħala 0 g CO2/km.

L-emissjonijiet tas-CO2 speċifiċi ta’ vetturavokazzjonali għandhom ikunu l-medja tal-emissjonijiet tas-CO2 fi g/km irrappurtati skont ir-Regolament (UE) 2018/956.

Tabella 2

Piżijiet tal-profil tal-missjoni(Wsg,mp)

Subgrupp tal-vettura (sg)

Profil tal-missjoni (1) (mp)

RDL

RDR

LHL

LHR

UDL

UDR

REL, RER, LEL, LER

4-UD

0

0

0

0

0,5

0,5

0

4-RD

0,45

0,45

0,05

0,05

0

0

0

4-LH

0,05

0,05

0,45

0,45

0

0

0

9-RD

0,27

0,63

0,03

0,07

0

0

0

9-LH

0,03

0,07

0,27

0,63

0

0

0

5-RD

0,27

0,63

0,03

0,07

0

0

0

5-LH

0,03

0,07

0,27

0,63

0

0

0

10-RD

0,27

0,63

0,03

0,07

0

0

0

10-LH

0,03

0,07

0,27

0,63

0

0

0


Definizzjonijiet tal-profiltal-missjoni

RDL

It-tagħbija tal-ġarr reġjonali hi baxxa

RDR

It-tagħbija tal-ġarr reġjonali hi rappreżentattiva

LHL

It-tagħbija tal-ġarr fit-tul hi baxxa

LHR

It-tagħbija tal-ġarr fit-tul hi rappreżentattiva

UDL

It-tagħbija tal-ġarr urban hi baxxa

UDR

It-tagħbija tal-ġarr urban hi rappreżentattiva

REL

It-tagħbija (EMS) tal-ġarr reġjonali hi baxxa

RER

It-tagħbija (EMS) tal-ġarr reġjonali hi rappreżentattiva

LEL

It-tagħbija (EMS) tal-ġarr fit-tul hi baxxa

LER

It-tagħbija (EMS) tal-ġarr fit-tul hi rappreżentattiva

2.2.   L-emissjonijiet tas-CO2 speċifiċi medji tal-vetturitqal ġodda f’subgrupp tal-vettura għal manifattur

Għal kull manifattur u għal kull perijodu ta’ rapportar, l-emissjonijiettas-CO2 speċifiċi medji fi g/tkm tal-vetturi tqalġodda kollha f’subgrupp tal-vettura sg (avgCO2sg )għandhom jiġu kkalkulatikif ġej:

Formula

fejn,

Formula

v

hi s-somma tal-vetturi tqal ġodda tal-manifattur fis-subgrupptal-vettura sg, għajr il-vetturi vokazzjonali,skont il-punt (a) tal-ewwel paragrafu tal-Artikolu 4;

CO2 v

huma l-emissjonijiet tas-CO2 speċifiċita’ vettura tqila ġdida v iddeterminati skontil-punt 2.1;

Vsg

hi l-għadd ta’ vetturi tqal ġodda tal-manifattur fis-subgrupptal-vettura sg, għajr il-vetturi vokazzjonali,skont il-punt (a) tal-ewwel paragrafu tal-Artikolu 4;

PL sg

hi t-tagħbija medja tal-vetturi fis-subgrupp tal-vettura sg kif iddeterminat fil-punt 2.5.

2.3.   Il-fattur ta’ mingħajr emissjonijiet u tal-emissjonijiet baxximsemmi fl-Artikolu 5

2.3.1.   Perijodi ta’ rapportar 2019 sa 2024

Għal kull manifattur u għal kull perijodu ta’ rapportar mill-2019sal-2024, il-fattur ta’ mingħajr emissjonijiet u tal-emissjonijietbaxxi (ZLEV) imsemmi fl-Artikolu 5 għandu jiġi kkalkulat kif ġej:

Formula
b’minimu ta’ 0,97

fejn,

V

hu l-għadd ta’ vetturi tqal ġodda tal-manifattur li jissodisfawil-karatteristiċi stabbiliti fl-ewwel subparagrafu tal-Artikolu 2(1),għajr il-vetturi vokazzjonali, skont il-punt (a) tal-ewwel paragrafutal-Artikolu 4;

Vconv

hu l-għadd ta’ vetturi tqal ġodda tal-manifattur li jissodisfawil-karatteristiċi stabbiliti fl-ewwel subparagrafu tal-Artikolu 2(1),għajr il-vetturi vokazzjonali, skont il-punt (a) tal-ewwel paragrafutal-Artikolu 4 u għajr il-vetturi tqal mingħajr emissjonijiet u b’emissjonijietbaxxi;

Vzlev

hi s-somma ta’ Vin u Vout,

fejn,

Vin

Formula

hi

Formula
hi s-somma tal-vetturi tqal kollha mingħajr emissjonijietu b’emissjonijiet baxxi li jissodisfaw il-karatteristiċi stabbilitifl-ewwel subparagrafu tal-Artikolu 2(1);

CO2v

huma l-emissjonijiet tas-CO2 speċifiċifi g/km ta’ vettura tqila mingħajr emissjonijiet jew b’emissjonijietbaxxi v iddeterminati skont il-punt 2.1;

LETsg

hu l-livell limitu ta’ emissjonijiet baxxi tas-subgrupptal-vettura sg li għalih tappartjeni l-vettura v kif definit fil-punt 2.3.3;

Vout

hu l-għadd totali ta’ vetturi tqal mingħajr emissjonijietli għadhom kif ġew irreġistrati msemmija fit-tieni subparagrafu tal-Artikolu2(1), immultiplikat bi 2, u b’massimu ta’ 1,5 % ta’ Vconv.

2.3.2.   Perijodi ta’ rapportar mill-2025 ’il quddiem

Għal kull manifattur u għal kull perijodu ta’ rapportar, il-fatturta’ mingħajr emissjonijiet u tal-emissjonijiet baxxi (ZLEV) imsemmifl-Artikolu 5 għandu jiġi kkalkulat kif ġej:

Formula
sakemm din is-somma ma tkunx akbar minn 1 jew iżgħar minn0,97, f’liema każ il-fattur ZLEV għandu jkun stabbilit għal 1 jew0,97, skont il-każ

fejn,

x

hu 0,02

y

hi s-somma ta’ Vin u Vout, diviża b’Vtotal, fejn:

Vin

hu l-għadd totali ta’ vetturi tqal mingħajr emissjonijietu b’emissjonijiet baxxi li għadhom kif ġew irreġistrati li jissodisfawil-karatteristiċi stabbiliti fl-ewwel subparagrafu tal-Artikolu 2(1),fejn kull waħda minnhom tingħadd bħala ZLEVspecific skont il-formulata’ hawn taħt:

Formula

fejn:

CO2v

huma l-emissjonijiet tas-CO2 speċifiċifi g/km ta’ vettura tqila mingħajr emissjonijiet jew b’emissjonijietbaxxi v iddeterminati skont il-punt 2.1;

LETsg

hu l-livell limitu ta’ emissjonijiet baxxi tas-subgrupptal-vettura sg li għalih tappartjeni l-vettura v kif definit fil-punt 2.3.3;

Vout

hu l-għadd totali ta’ vetturi tqal mingħajr emissjonijietli għadhom kif ġew irreġistrati msemmija fit-tieni subparagrafu tal-Artikolu2(1), u b’massimu ta’ 0,035 % ta’ Vtotal;

Vtotal

hu l-għadd totali ta’ vetturi tqal ġodda li għadhom kifġew irreġistrati tal-manifattur f’dak il-perijodu ta’ rapportar.

Meta s-somma Vin/Vtotal tkun aktar baxxa minn 0,0075, il-fattur ZLEVgħandu jkun stabbilit għal 1.

2.3.3.   Livell limitu ta’ emissjonijiet baxxi

Il-livell limitu ta’ emissjonijiet baxxi LETsg tas-subgrupp tal-vettura sg huwa definitkif ġej:

Formula

fejn,

rCO2 sg

huma l-emissjonijiet tas-CO2 ta’ referenzatas-subgrupp tal-vettura sg, kif iddeterminati fil-punt 3;

PLsg

hi t-tagħbija medja tal-vetturi fis-subgrupp tal-vettura sg kif iddeterminat fil-punt 2.5.

2.4.   Is-sehem tal-manifattur ta’ vetturi tqal ġodda f’subgrupp tal-vettura

Għal kull manifattur u għal kull perijodu ta’ rapportar, is-sehemta’ vetturi tqal ġodda f’subgrupp tal-vettura sg (sharesg ) għandu jiġikkalkulat kif ġej:

Formula

fejn,

Vsg

hu l-għadd ta’ vetturi tqal ġodda tal-manifattur f’subgrupptal-vettura sg, għajr il-vetturi vokazzjonali,skont il-punt (a) tal-ewwel paragrafu tal-Artikolu 4;

V

hu l-għadd ta’ vetturi tqal ġodda tal-manifattur, għajril-vetturi vokazzjonali, skont il-punt (a) tal-ewwel paragrafu tal-Artikolu4.

2.5.   Iċ-ċifri tat-tagħbija medja tal-vetturi kollha f’subgrupp tal-vettura

Iċ-ċifra tat-tagħbija medja ta’ vettura f’subgrupp tal-vettura sg (PLsg ) għandha tiġi kkalkulatakif ġej:

Formula

fejn,

Formula

mp

hi s-somma tal-profili tal-missjoni kollha mp;

W,sg,mp

hu l-piż tal-profil tal-missjoni speċifikat fit-Tabella2 taħt il-punt 2.1;

PL sg,mp

hi ċ-ċifra tat-tagħbija attribwita lill-vetturi fis-subgrupptal-vettura sg għall-profil tal-missjoni mp, kif speċifikata fit-Tabella 3.

Tabella 3

Ċifri tat-tagħbija PLsg, mp (f’tunnellati)

Subgrupp tal-vettura sg

Profil tal-missjoni (2) mp

RDL

RDR

LHL

LHR

UDL

UDR

REL

RER

LEL

LER

4-UD

0,9

4,4

1,9

14

0,9

4,4

3,5

17,5

3,5

26,5

4-RD

4-LH

5-RD

2,6

12,9

2,6

19,3

2,6

12,9

3,5

17,5

3,5

26,5

5-LH

9-RD

1,4

7,1

2,6

19,3

1,4

7,1

3,5

17,5

3,5

26,5

9-LH

10-RD

2,6

12,9

2,6

19,3

2,6

12,9

3,5

17,5

3,5

26,5

10-LH

2.6.   Il-kilometraġġ u l-ponderazzjoni tat-tagħbija

Il-fattur tal-kilometraġġ u tal-ponderazzjoni tat-tagħbija (MPWsg) ta’ subgrupp tal-vettura sg hu ddefinit bħala l-multiplikazzjoni tal-kilometraġġannwali speċifikat fit-Tabella 4 u ċ-ċifra tat-tagħbija għal kullsubgrupp speċifikata fit-Tabella 3 tal-punt 2.5, normalizzat għaċ-ċifrarispettiva għas-subgrupp tal-vettura 5-LH, u għandu jiġi kkalkulatkif ġej:

Formula

fejn,

AMsg

hu l-kilometraġġ annwali speċifikat fit-Tabella 4 għall-vetturifis-subgrupp tal-vettura rispettiv;

AM 5-LH

hu l-kilometraġġ annwali speċifikat għas-subgrupp tal-vettura5-LH fit-Tabella 4;

PLsg

hi ċ-ċifra tat-tagħbija medja kif iddeterminat fil-punt2.5;

PL 5-LH

hi ċ-ċifra tat-tagħbija medja għas-subgrupp tal-vettura5-LH kif iddeterminat fil-punt 2.5.

Tabella 4

Kilometraġġi annwali

Subgrupp tal-vettura sg

Kilometraġġ annwali AMsg (f’km)

4-UD

60 000

4-RD

78 000

4-LH

98 000

5-RD

78 000

5-LH

116 000

9-RD

73 000

9-LH

108 000

10-RD

68 000

10-LH

107 000

2.7.   L-emissjonijiet tas-CO2 speċifiċi medji fig/tkm ta’ manifattur imsemmi fl-Artikolu 4

Għal kull manifattur u għal kull perijodu ta’rapportar, l-emissjonijiet medji tas-CO2 fig/tkm (CO2) għandhom jiġu kkalkulati kif ġej:

Formula

fejn,

Formula

hi s-somma tas-subgruppi tal-vettura kollha;

ZLEV

hu l-fattur mingħajr emissjonijiet u b’emissjonijiet baxxikif iddeterminat fil-punt 2.3;

share,sg

hu s-sehem tal-vetturi tqal ġodda fis-subgrupp tal-vetturi sg kif iddeterminat fil-punt 2.4;

MPWsg

hu l-fattur tal-kilometraġġ u tal-ponderazzjoni tat-tagħbijakif iddeterminat fil-punt 2.6;

avgCO2sg

hu l-emissjonijiet tas-CO2 speċifiċimedji f’g/tkm kif iddeterminat fil-punt 2.2.

3.   L-EMISSJONIJIET TAS-CO2 TA’ REFERENZAMSEMMIJA FIT-TIENI PARAGRAFU TAL-ARTIKOLU 1

L-emissjonijiet tas-CO2 ta’ referenza (rCO2sg) għandhom jiġu kkalkulatigħal kull subgrupp tal-vettura sg abbażi tal-vetturitqal ġodda kollha tal-manifatturi kollha tal-perijodu ta’ referenzakif ġej:

Formula

fejn,

Formula

hi s-somma tal-vetturi tqal ġodda kollha rreġistrati fil-perijoduta’ referenza fis-subgrupp tal-vettura sg, għajr il-vetturi vokazzjonali,skont it-tieni paragrafu tal-Artikolu 1;

CO2v

huma l-emissjonijiet tas-CO2 speċifiċital-vettura tqila ġdida v iddeterminati skontil-punt 2.1 u, jekk applikabbli, aġġustati skont l-Anness II;

rVsg

hu l-għadd ta’ vetturi tqal ġodda kollha rreġistrati fil-perijoduta’ referenza fis-subgrupp tal-vettura sg,għajr il-vetturi vokazzjonali, skont it-tieni paragrafu tal-Artikolu1;

PLsg

hi t-tagħbija medja tal-vetturi fis-subgrupp tal-vettura sg kif iddeterminat fil-punt 2.5.

4.   L-EMISSJONIJIET TAS-CO2 SPEĊIFIĊITA’ MANIFATTUR IMSEMMI FL-ARTIKOLU 6

Għal kull manifattur u għal kull perijodu ta’ rapportar, mill-1 ta’ Lulju 2025 ’il quddiem, il-mira tal-emissjonijiettas-CO2 speċifiċi T għandha tiġi kkalkulata kifġej:

Formula

fejn,

Formula

hi s-somma tas-subgruppi tal-vettura kollha;

sharesg

hu s-sehem ta’ vetturi tqal ġodda fis-subgrupp tal-vettura sg kif iddeterminat fil-punt 2.4;

MPWsg

hu l-fattur tal-kilometraġġ u tal-ponderazzjoni tat-tagħbijakif iddeterminat fil-punt 2.6;

rf

hi l-mira tat-tnaqqis tal-emissjonijiet tas-CO2 (bħala %) applikabbli f’dak il-perijodu ta’ rapportar speċifiku;

rCO2sg

hi r-referenza tal-emissjonijiet tas-CO2 kif iddeterminata fil-punt 3;

5.   IL-KREDITI TAL-EMISSJONIJIET U D-DJUN TAL-EMISSJONIJIETIMSEMMIJA FL-ARTIKOLU 7

5.1.   It-trajettorja ta’ tnaqqis tal-emissjonijiet tas-CO2 għall-krediti tal-emissjonijiet

Għal kull manifattur u għal kull perijodu ta’ rapportar tas-sninY mill-2019 sal-2030, trajettorja ta’ tnaqqis tal-emissjonijiet tas-CO2 (ETY) hi ddefinita kif ġej:

Formula

fejn,

Formula

hi s-somma tas-subgruppi tal-vettura kollha;

share,sg

hu s-sehem ta’ vetturi tqal ġodda fis-subgrupp tal-vettura sg kif iddeterminat fil-punt 2.4;

MPWsg

hu l-fattur tal-kilometraġġ u tal-ponderazzjoni tat-tagħbijakif iddeterminat fil-punt 2.6;

rCO2sg

hi l-emissjonijiet tas-CO2 ta’ referenzakif iddeterminat fil-punt 3;

R-ETY

hija definita kif ġej:

għall-perijodi ta’ rapportartas-snin Y mill-2019 sal-2025:

Formula

u, għall-perijodi ta’ rapportar tas-snin Y mill-2026sal-2030:

Formula

rf2025 u rf2030

huma l-miri ta’ tnaqqis tal-emissjonijiet tas-CO2 (bħala %) applikabbli għall-perijodi ta’ rapportartas-snin 2025 u 2030, rispettivament.

5.2.   Il-krediti tal-emissjonijiet u d-djun tal-emissjonijiet f’kullperijodu ta’ rapportar

Għal kull manifattur u għal kull perijodu ta’ rapportar tas-sninY mill-2019 sal-2029, il-krediti tal-emissjonijiet (cCO2Y ) u d-djun tal-emissjonijiet (dCO2Y ) għandhom jiġu kkalkulatikif ġej:

Jekk CO2Y < ETY:

Formula

dCO2Y = 0

Jekk CO2Y > TY għas-snin 2025 sa 2029:

Formula

dCO2Y = 0

Fil-bqija tal-każijiet kollha, dCO2Y u cCO2Y huma stabbiliti bħala 0.

fejn,

ETY

hi t-trajettorja tnaqqis tal-emissjonijiet tas-CO2 tal-manifattur fil-perijodu ta’ rapportar tas-senaY iddeterminata skont il-punt 5.1;

CO2Y

huma l-emissjonijiet tas-CO2 speċifiċimedji tal-manifattur fil-perijodu ta’ rapportar tas-sena Y iddeterminatiskont il-punt 2.7;

TY

hi l-mira tal-emissjonijiet tas-CO2 speċifiċi tal-manifattur fil-perijodu ta’ rapportar tas-sena Y iddeterminataskont il-punt 4;

VY

hu l-għadd ta’ vetturi tqal ġodda tal-manifattur fil-perijoduta’ rapportar tas-sena Y, għajr il-vetturi vokazzjonali, skont il-punt(a) tal-ewwel paragrafu tal-Artikolu 4.

5.3.   Limitu tad-djun tal-emissjonijiet

Għal kull manifattur, il-limitu tad-djun tal-emissjonijiet (limCO2) hu ddefinit kif ġej:

Formula

fejn,

T2025

hi l-mira ta’ emissjonijiet tas-CO2 speċifiċi tal-manifattur fil-perijodu ta’ rapportar tas-sena 2025iddeterminata skont il-punt 4;

V2025

hu l-għadd ta’ vetturi tqal ġodda tal-manifattur fil-perijoduta’ rapportar tas-sena 2025, għajr il-vetturi vokazzjonali, skontil-punt (a) tal-ewwel paragrafu tal-Artikolu 4.

5.4.   Il-krediti tal-emissjonijiet miksuba qabel is-sena 2025

Id-djun tal-emissjonijiet miksuba għall-perijodu ta’ rapportartas-sena 2025 għandhom jitnaqqsu b’ammont (redCO2) li jikkorrispondi għall-krediti tal-emissjonijiet miksuba qabeldak il-perijodu ta’ rapportar, li huma ddeterminati għal kull manifatturkif ġej:

Formula

fejn,

min

hu l-minimu taż-żewġ ċifri msemmija bejn il-parenteżi;

Formula

hi s-somma tul il-perijodi ta’ rapportar tas-snin Y mill-2019sal-2024;

dCO22025

huma d-djun tal-emissjonijiet għall-perijodu ta’ rapportartas-sena 2025 kif iddeterminati skont il-punt 5.2;

cCO2Y

huma l-krediti tal-emissjonijiet għall-perijodu ta’ rapportartas-sena Y kif iddeterminati skont il-punt 5.2.

6.   L-EMISSJONIJIET TAS-CO2 ŻEJDA TAL-MANIFATTURIMSEMMIJA FL-ARTIKOLU 8(2)

Għal kull manifattur u għal kull perijodu ta’ rapportar mis-sena2025 ’il quddiem, iċ-ċifra tal-emissjonijiet tas-CO2 żejda (exeCO2Y ) għandha tiġi kkalkulata kif ġej, jekk iċ-ċifra hi pożittiva:

 

Għall-perijodu ta’ rapportar tas-sena 2025

Formula

 

Għall-perijodi ta’ rapportar tas-snin Y mill-2026 sal-2028

Formula

 

Għall-perijodu ta’ rapportar tas-sena 2029

Formula

 

Għall-perijodi ta’ rapportar tas-snin Y mill-2030 ’il quddiem

Formula

fejn,

Formula

hi s-somma tul il-perijodi ta’ rapportar tas-snin Y mill-2019sal-2025;

Formula

hi s-somma tul il-perijodi ta’ rapportar tas-snin I mill-2025sas-sena Y;

Formula

hi s-somma tul il-perijodi ta’ rapportar tas-snin J mill-2025sas-sena (Y-1);

Formula

hi s-somma tul il-perijodi ta’ rapportar tas-snin J mill-2025sal-2028;

Formula

hi s-somma tul il-perijodi ta’ rapportar tas-snin I mill-2025sal-2029;

dCO2Y

huma d-djun tal-emissjonijiet għall-perijodu ta’ rapportartas-sena Y kif iddeterminati skont il-punt 5.2;

cCO2Y

huma l-krediti tal-emissjonijiet għall-perijodu ta’ rapportartas-sena Y kif iddeterminati skont il-punt 5.2;

limCO2

hu l-limitu tad-djun tal-emissjonijiet kif iddeterminatskont il-punt 5.3;

redCO2

hu t-tnaqqis fid-djun tal-emissjonijiet tal-perijodu ta’rapportar tas-sena 2025 kif iddeterminat skont il-punt 5.4.

Fil-bqija tal-każijiet kollha, iċ-ċifra tal-emissjonijiet tas-CO2 żejda exeCO2Y għandha tiġi stabbilita bħala 0.

(1)  Ara d-definizzjonijiet tal-profil tal-missjoni taħt din it-Tabella

(2)  Ara d-definizzjonijiet tal-profil tal-missjoni taħt it-Tabella2 tal-punt 2.1

ANNESS II

Proċeduri ta’ aġġustament

1.   IL-FATTURI TAL-AĠĠUSTAMENT TAT-TAGĦBIJA MSEMMIJA FIL-PUNT C TAL-ARTIKOLU 14(1)

Soġġett għall-punt (a) tal-Artikolu 11(2), għall-finijiet tal-kalkolu tal-emissjonijiet tas-CO2 ta’ referenza msemmi fit-tieni paragrafu tal-Artikolu 1, il-ponderazzjonijiet tal-profil tal-missjoni u ċ-ċifri tat-tagħbija applikabbli fil-perijodu ta’ rapportar meta l-bidliet imsemmija fil-punt (c) tal-Artikolu 14(1) jibdew japplikaw għall-vetturi tqal ġodda kollha għandhom jintużaw u l-emissjonijiet tas-CO2 fi g/km ta’ vettura tqila v iddeterminati għal profil ta’ missjoni mp imsemmi fit-Tabella 2 fil-punt 2.1 tal-Anness I għandhom jiġu aġġustati kif ġej:

Formula

fejn,

sg

hu s-subgrupp tal-vettura li għalih tappartjeni l-vettura v;

CO2(RP)v,mp

huma l-emissjonijiet tas-CO2 speċifiċi ta’ vettura v fi g/km, kif iddeterminati fuq il-profil tal-missjoni mp u abbażi tad-data tal-monitoraġġ għall-perijodu ta’ referenza kif irrappurtat skont ir-Regolament (UE) 2018/956;

PL(RP)sg, mp

hi ċ-ċifra tat-tagħbija, li kienet attribwita għall-vettura v fis-subgrupp tal-vettura sg fuq il-missjoni tal-profil mp fil-perijodu ta’ referenza, skont it-Tabella 3 tal-punt 2.5 tal-Anness I, għall-finijiet tal-istabbiliment tad-data tal-monitoraġġ għall-perijodu ta’ referenza kif irrappurtat skont ir-Regolament (UE) 2018/956;

PLsg, mp

hi ċ-ċifra tat-tagħbija attribwita għall-vetturi fis-subgrupp tal-vettura sg fuq il-profil tal-missjoni mp fil-perijodu ta’ rapportar meta l-bidliet imsemmija fil-punt (c) tal-Artikolu 14(1) jibdew japplikaw għall-vetturi tqal ġodda kollha, skont it-Tabella 3 tal-punt 2.5 tal-Anness I;

PLasg, mp

hu l-fattur tal-aġġustament tat-tagħbija ddefinit fit-Tabella 5.

Tabella 5

Fatturi tal-aġġustament tat-tagħbija PLasg, mp

PLasg,mp

(f’1/tunnellati)

Profili tal-missjoni mp (1)

RDL, RDR

REL, RER

LHL, LHR

LEL, LER

UDL, UDR

Subgruppi tal- vettura sg

4-UD

0,026

N.A.

0,015

N.A.

0,026

4-RD

4-LH

5-RD

0,022

0,022

0,017

0,017

0,022

5-LH

9-RD

0,026

0,025

0,015

0,015

0,026

9-LH

10-RD

0,022

0,021

0,016

0,016

0,022

10-LH

2.   IL-FATTURI TAL-AĠĠUSTAMENT IMSEMMIJA FIL-PUNT (B) TAL-ARTIKOLU 11(2)

Soġġett għal-punt (b) tal-Artikolu 11(2), għall-finijiet tal-kalkolu tal-emissjonijiet tas-CO2 ta’ referenza msemmi fit-tieni subparagrafu tal-Artikolu 1, il-ponderazzjonijiet tal-profil tal-missjoni u ċ-ċifri tat-tagħbija applikabbli fil-perijodu ta’ rapportar meta l-bidliet imsemmija fil-punt (c) tal-Artikolu 14(1) jibdew japplikaw għall-vetturi tqal ġodda kollha għandhom jintużaw u l-emissjonijiet tas-CO2 fi g/km ta’ vettura tqila v iddeterminati għal profil ta’ missjoni mp imsemmi fil-punt 2.1 tal-Anness I għandhom jiġu aġġustati kif ġej:

Formula

fejn,

Formula

hi s-somma tal-vetturi rappreżentattivi kollha r għas-subgrupp tal-vettura sg;

sg

hu s-subgrupp tal-vettura li għalih tappartjeni l-vettura v;

s r,sg

hu l-piż statistiku tal-vettura rappreżentattiva r fis-subgrupp tal-vettura sg;

CO2(RP)v,mp

huma l-emissjonijiet tas-CO2 speċifiċi ta’ vettura v fi g/km, kif iddeterminati fuq il-profil tal-missjoni mp u abbażi tad-data tal-monitoraġġ tal-perijodu ta’ referenza kif irrappurtat skont ir-Regolament (UE) 2018/956;

CO2(RP)r,mp

huma l-emissjonijiet tas-CO2 speċifiċi tal-vettura rappreżentattiva r fi g/km, kif iddeterminati fuq il-profil tal-missjoni mp skont ir-Regolament (KE) Nru 595/2009 u l-miżuri ta’ implimentazzjoni tiegħu fil-perijodu ta’ referenza meta CO2(RP)v,mp ġie ddeterminat;

CO2r,mp

huma l-emissjonijiet tas-CO2 speċifiċi tal-vettura rappreżentattiva r, kif iddeterminati fuq il-profil tal-missjoni mp skont ir-Regolament (KE) Nru 595/2009 u l-miżuri ta’ implimentazzjoni tiegħu fil-perijodu ta’ rapportar meta l-bidliet imsemmija fl-Artikolu 14(2) ta’ dan ir-Regolament jibdew japplikaw għall-vetturi tqal ġodda kollha.

Il-vettura rappreżentattiva r għandha tiġi ddefinita skont il-metodoloġija msemmija fl-Artikolu 14(3) ta’ dan ir-Regolament.

(1)  ara d-definizzjonijiet tal-profil tal-missjoni fil-punt 2.1 tal-Anness I.