(1)

Sabiex ikunu żgurati kontroll u ġestjoni effettivi tal-kunflitti ta' interess fil-qasam tal-fondi Ewropej ta' kapital ta' riskju, importanti li jiġu speċifikati s-sitwazzjonijiet li fihom huma probabbli interessi kunfliġġenti.

(2)

Fil-kuntest ta' fondi ta' kapital ta' riskju kwalifikanti, it-tipi ta' kunflitti ta' interess ivarjaw skont ir-rwol, l-interessi u l-inċentivi tal-persuni involuti. Sabiex tiġi ffaċilitata l-identifikazzjoni ta' kunflitti ta' interess f'dan il-kuntest, huwa neċessarju li tiġi stabbilita lista ta' sitwazzjonijiet meqjusa li jagħtu lok għal kunflitti ta' interess. Din il-lista jenħtieġ tkun wiesgħa biżżejjed biex tkopri kull tip ta' kunflitt ta' interess li jista' jinħoloq fil-qasam tal-fondi Ewropej ta' kapital ta' riskju. Għaldaqstant, jenħtieġ li t-tipi ta' kunflitti ta' interess ikunu jinkludu sitwazzjonijiet fejn ikun hemm prospett ta' qligħ finanzjarju jew evitar ta' telf finanzjarju, jew fejn l-inċentivi jiġu pprovduti b'mod li jiffavorixxi interessi partikolari għad-detriment tal-interessi tal-fond ta' kapital ta' riskju kwalifikanti jew tal-investituri tiegħu.

(3)

Il-maniġers tal-fondi ta' kapital ta' riskju kwalifikanti jenħtieġ li jadottaw proċeduri u miżuri biex jiżguraw li l-persuni involuti f'dawn l-attivitajiet kummerċjali jwettqu dawn l-attivitajiet fl-aħjar interess tal-fondi ta' kapital ta' riskju kwalifikanti u tal-investituri tagħhom. Sabiex jinkiseb livell armonizzat ta' protezzjoni tal-investituri fl-Unjoni, u biex dawn il-maniġers ikunu jistgħu jadottaw u jsegwu prassi konsistenti u effettiva għall-prevenzjoni, għall-monitoraġġ u għall-ġestjoni ta' kunflitti ta' interess, jenħtieġ li fil-politika tagħhom tal-kunflitti ta' interess ikun elenkat sett minimu ta' passi. Sabiex jiġu evitati piżijiet amministrattivi mhux neċessarji filwaqt li jiġi garantit livell xieraq ta' protezzjoni tal-investituri, jenħtieġ li l-politiki tal-kunflitti ta' interess jiġu adattati għan-natura, għall-iskala u għall-kumplessità tan-negozji tal-maniġers.

(4)

Il-proċeduri u l-miżuri stabbiliti fil-politiki tal-kunflitti ta' interess jaf ikunu insuffiċjenti biex jipproteġu l-interessi tal-fond ta' kapital ta' riskju kwalifikanti jew tal-investituri tiegħu. F'dak il-każ jenħtieġ li l-maniġers tal-fondi ta' kapital ta' riskju kwalifikanti jieħdu l-passi addizzjonali neċessarji biex jipproteġu dawn l-interessi. Jenħtieġ li dawn il-passi jkunu jinkludu l-informar tal-maniġment superjuri jew ta' korp intern kompetenti ieħor tal-fond ta' kapital ta' riskju kwalifikanti, kif ukoll it-teħid tad-deċiżjonijiet jew tal-azzjonijiet neċessarji biex jaġixxu fl-aħjar interess tal-fond ta' kapital ta' riskju kwalifikanti jew tal-investituri tiegħu.

(5)

Il-maniġers tal-fondi ta' kapital ta' riskju kwalifikanti jistgħu jkunu attivi fil-maniġment ta' kumpaniji li fihom jinvestu l-fondi ta' kapital ta' riskju kwalifikanti. Sabiex jiġu prevenuti kunflitti ta' interess u biex jiġi garantit li d-drittijiet tal-vot ta' dawn il-maniġers jiġu eżerċitati għall-benefiċċju tal-fond ta' kapital ta' riskju kwalifikanti kkonċernat kif ukoll tal-investituri tiegħu, huwa neċessarju li jiġu speċifikati r-rekwiżiti dettaljati b'rabta mal-eżerċitar ta' dawn id-drittijiet tal-vot. Sabiex jiġi żgurat standard suffiċjenti ta' protezzjoni tal-investituri, jenħtieġ li l-maniġers tal-fondi ta' kapital ta' riskju kwalifikanti jiżviluppaw strateġiji adegwati u effettivi f'dak ir-rigward, u fuq talba jipprovdu sommarju ta' dawn l-istrateġiji u tal-azzjonijiet li ħadu.

(6)

Sabiex tiġi żgurata l-effettività tal-iżvelar ta' kunflitti ta' interess, jenħtieġ li l-informazzjoni pprovduta tiġi aġġornata regolarment. Minħabba r-riskju inerenti tal-użu ta' sit web bħala għodda għall-iżvelar tal-kunflitti ta' interess, huwa neċessarju li jiġu stipulati l-kriterji għall-pubblikazzjoni ta' dik l-informazzjoni fuq sit web.

(7)

Sabiex il-maniġers tal-fondi ta' kapital ta' riskju kwalifikanti jkunu jistgħu jadattaw għar-rekwiżiti l-ġodda, jenħtieġ li d-data tal-applikazzjoni ta' dan ir-Regolament tiġi differita b'sitt xhur,

(a)

x'aktarx li jagħmel qligħ finanzjarju, jew jevita telf finanzjarju, għad-detriment tal-fond ta' kapital ta' riskju kwalifikanti jew tal-investituri tiegħu;

(b)

għandu interess fl-eżitu ta' servizz jew ta' attività pprovduta lill-fond ta' kapital ta' riskju kwalifikanti jew lill-investituri tiegħu li huwa distint mill-interess tal-fond ta' kapital ta' riskju kwalifikanti jew tal-investituri tiegħu;

(c)

għandu interess fl-eżitu ta' tranżazzjoni mwettqa f'isem il-fond ta' kapital ta' riskju kwalifikanti jew l-investituri tiegħu li huwa distint mill-interess tal-fond ta' kapital ta' riskju kwalifikanti jew tal-investituri tiegħu;

(d)

għandu inċentiv finanzjarju jew inċentiv ieħor biex jiffavorixxi:

(e)

iwettaq l-istess attivitajiet għall-fond ta' kapital ta' riskju kwalifikanti, impriża ta' investiment kollettiv oħra, inkluż UCITS, jew investitur;

(f)

iħallas jew jitħallas xi tariffa jew kummissjoni, jew jagħti jew jingħata xi benefiċċji mhux monetarji, għajr dawk stipulati fl-Artikolu 24(1) tar-Regolament ta' Delega tal-Kummissjoni (UE) Nru 231/2013 (2);

(g)

jinfluwenza u għandu interess personali li jinfluwenza l-iżvilupp ta' impriża tal-portafoll kwalifikanti għad-detriment tal-fond ta' kapital ta' riskju kwalifikanti jew tal-investituri tiegħu jew għad-detriment tal-ksib tal-objettivi tal-fond ta' kapital ta' riskju kwalifikanti.

(a)

il-projbizzjoni tal-iskambju ta' informazzjoni bejn il-persuni jew l-entitajiet imsemmija fl-Artikolu 1, jekk tali skambju ta' informazzjoni jista' jwassal għal jew jiffaċilita kunflitt ta' interess;

(b)

is-separazzjoni tas-superviżjoni tal-persuni jew tal-entitajiet imsemmija fl-Artikolu 1 li l-interessi tagħhom jistgħu jkunu f'kunflitt;

(c)

it-tneħħija tar-rabta bejn jew id-dipendenza fuq ir-remunerazzjoni tal-persuni jew tal-entitajiet imsemmija fl-Artikolu 1 li huma prinċipalment involuti f'attività waħda, u r-remunerazzjoni ta', jew id-dħul iġġenerat minn, persuni jew entitajiet prinċipalment involuti f'attività oħra, fejn jista' jinħoloq kunflitt ta' interess marbut ma' dawk l-attivitajiet;

(d)

il-prevenzjoni ta' persuni jew entitajiet imsemmija fl-Artikolu 1 milli jeżerċitaw influwenza mhux xierqa fuq il-maniġment tal-fond ta' kapital ta' riskju kwalifikanti;

(e)

il-prevenzjoni jew il-kontroll tal-involviment ta' persuni jew entitajiet imsemmija fl-Artikolu 1 fi kwalunkwe attività li tista' twassal għal kunflitt ta' interess.

(a)

jinformaw malajr lill-maniġment superjuri tagħhom jew lil korp intern kompetenti ieħor tagħhom, jew lill-maniġment superjuri jew lil korp intern kompetenti ieħor tal-fond ta' kapital ta' riskju kwalifikanti, bir-riskju ta' dannu għall-interessi ta' dak il-fond jew tal-investituri tiegħu;

(b)

jieħdu kwalunkwe deċiżjoni jew azzjoni biex jiżguraw li jaġixxu fl-aħjar interess tal-fond ta' kapital ta' riskju kwalifikanti jew tal-investituri tiegħu.