(1)

Ir-Regolament (UE) 2017/625 jistabbilixxi regoli għat-twettiq ta' kontrolli uffiċjali u attivitajiet uffiċjali oħra mill-awtoritajiet kompetenti tal-Istati Membri, inkluż għall-istabbiliment ta' rekwiżiti li jridu jiġu ssodisfati għad-dħul fl-Unjoni ta' kunsinni ta' annimali u oġġetti minn pajjiżi terzi jew reġjuni tagħhom u kontrolli uffiċjali li jitwettqu fuq tali kunsinni li huma maħsuba għall-konsum mill-bniedem sabiex jiġi żgurat li jikkonformaw mal-leġiżlazzjoni tal-Unjoni fil-qasam tal-ikel u s-sikurezza tal-ikel.

(2)

Ir-Regolament (UE) 2017/625 jipprovdi bażi ġuridika biex jiġu adottati atti delegati sabiex jissupplimentaw il-kundizzjonijiet stabbiliti f'dak ir-Regolament għad-dħul fl-Unjoni ta' ċerti annimali u oġġetti. Dawn ir-rekwiżiti addizzjonali jinkludu garanziji li jikkonċernaw il-verifika ta' konformità ma' dawn li ġejjin:

(3)

Ir-Regolament (KE) Nru 854/2004 tal-Parlament Ewropew u tal-Kunsill (9) stabbilixxa kundizzjonijiet speċifiċi għad-dħul fl-Unjoni ta' prodotti li joriġinaw mill-annimali maħsuba għall-konsum uman, filwaqt li r-Regolament (KE) Nru 882/2004 tal-Parlament Ewropew u tal-Kunsill (10) stabbilixxa l-kundizzjonijiet ġenerali għad-dħul tal-ikel fl-Unjoni. Ir-Regolament (UE) 2017/625 stabbilixxa regoli f'oqsma attwalment koperti minn dawk iż-żewġ Regolamenti u jħassarhom u jissostitwihom b'effett mill-14 ta' Diċembru 2019.

(4)

Ir-rekwiżiti stabbiliti f'dan ir-Regolament jenħtieġ li jiżguraw kontinwazzjoni tar-rekwiżiti stabbiliti fir-Regolamenti (KE) Nru 854/2004 u (KE) Nru 882/2004 sabiex jiġi żgurat livell għoli ta' protezzjoni tas-saħħa u sabiex jiġi evitat tfixkil fid-dħul fl-Unjoni ta' kunsinni ta' ċerti annimali u oġġetti maħsuba għall-konsum mill-bniedem. Fl-istess ħin l-esperjenza miksuba fl-applikazzjoni tar-regoli stabbiliti f'dawk iż-żewġ Regolamenti jenħtieġ li titqies bl-użu ta' approċċ ibbażat fuq ir-riskju.

(5)

Ir-Regolament (KE) Nru 853/2004 jistabbilixxi rekwiżiti għal operaturi tan-negozju tal-ikel li jimportaw fl-Unjoni prodotti li joriġinaw mill-annimali. Kif xieraq, ir-rekwiżiti addizzjonali stabbiliti f'dan ir-Regolament għall-kontrolli uffiċjali jenħtieġ li jkunu konsistenti ma' dawk diġà stabbiliti fir-Regolament (KE) Nru 853/2004.

(6)

Ir-Regolament tal-Kummissjoni (UE) 2017/185 (11) jipprevedi derogi mir-Regolament (KE) Nru 854/2004 rigward rekwiżiti tas-saħħa pubblika għal importazzjonijiet ta' ċerti prodotti li joriġinaw mill-annimali (bħal insetti u laħam tar-rettili) u ikel li fih kemm il-prodotti li joriġinaw mill-pjanti kif ukoll il-prodotti pproċessati li joriġinaw mill-annimali (il-prodotti komposti) sal-31 ta' Diċembru 2020. Sabiex jiġi żgurat livell għoli ta' protezzjoni tas-saħħa, ir-rekwiżiti għad-dħul fl-Unjoni ta' tali prodotti jenħtieġ li jiġu stabbiliti wkoll qabel l-iskadenza tal-miżuri tranżizzjonali sabiex tiġi vverifikata l-konformità mar-regoli tal-Unjoni li jkopru dawn il-prodotti.

(7)

L-insetti qed jiġu dejjem aktar prodotti għall-konsum mill-bniedem. Jenħtieġ li jiġi żgurat li l-insetti importati jikkonformaw mar-rekwiżiti tal-Unjoni għall-ikel u s-sikurezza tal-ikel. Għaldaqstant, ir-rekwiżiti addizzjonali stabbiliti f'dan ir-Regolament għad-dħul fl-Unjoni ta' kunsinni ta' prodotti ta' oriġini mill-annimali jenħtieġ li japplikaw ukoll għall-insetti. L-insetti jistgħu jkunu soġġetti wkoll għal awtorizzazzjoni bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill (12).

(8)

Fit-18 ta' Ottubru 2007, l-Awtorità Ewropea dwar is-Sigurtà fl-Ikel adottat Opinjoni dwar ir-riskji għas-saħħa pubblika involuti fil-konsum mill-bniedem ta' laħam tar-rettili (13). Ġew identifikati għadd ta' perikli, bħal Salmonella u Trichinella. Ir-rekwiżiti għad-dħul fl-Unjoni jenħtieġ li jinkludu verifika tal-konformità mar-rekwiżiti tal-Unjoni biex jitnaqqas ir-riskju minn dawn il-perikli f'kunsinni ta' laħam tar-rettili.

(9)

Il-kompożizzjoni ta' prodotti komposti taffettwa l-karatteristiċi fiżikokimiċi ta' tali ikel, li jwasslu għal riskji differenti. Għal din ir-raġuni, kunsinni ta' prodotti komposti li jikkonformaw mar-rekwiżiti applikabbli biss, prinċipalment dwar l-oriġini tal-prodotti pproċessati ta' oriġini mill-annimali li fihom jikkonsisti tali ikel, l-oriġini tal-ikel innifsu, jew il-garanziji li jakkumpanjaw il-kunsinni ta' prodotti komposti, jenħtieġ li jiġu awtorizzati għad-dħul fl-Unjoni. Għal prodotti komposti li jippreżentaw riskju baxx għas-saħħa tal-bniedem, dan ir-Regolament jenħtieġ li jipprevedi derogi minn verifiki f'postijiet ta' kontroll fuq il-fruntiera.

(10)

Meta jkunu qed jiġu stabbiliti r-rekwiżiti għad-dħul fl-Unjoni ta' kunsinni ta' ċerti annimali u oġġetti maħsuba għall-konsum mill-bniedem, jenħtieġ li ssir referenza għall-kodiċi tan-Nomenklatura Magħquda skont ir-Regolament tal-Kunsill (KEE) Nru 2658/87 (14) sabiex dawn l-oġġetti u l-annimali jiġu identifikati b'mod ċar.

(11)

Il-kunsinni ta' ċerti annimali u oġġetti maħsuba għall-konsum mill-bniedem jenħtieġ li jitħallew jidħlu fl-Unjoni biss, abbażi ta' analiżi tar-riskju, meta l-pajjiżi terzi jew ir-reġjuni tagħhom li minnhom joriġinaw dawn l-annimali u l-oġġetti, ikunu jistgħu jiżguraw il-konformità mar-rekwiżiti dwar is-sikurezza ta' dawn l-annimali u l-oġġetti maħsuba għall-konsum mill-bniedem u jkunu elenkati kif xieraq fir-Regolament ta' Implimentazzjoni tal-Kummissjoni (UE) 2019/626 (15).

(12)

Minbarra r-rekwiżiti fl-Artikolu 127(3) tar-Regolament (UE) 2017/625, jenħtieġ li jiġu stabbiliti rekwiżiti speċifiċi għal ċerti annimali u oġġetti maħsuba għall-konsum mill-bniedem sabiex ikun hemm garanziji fir-rigward tal-effiċjenzi tal-kontrolli uffiċjali dwar is-sikurezza tal-ikel f'pajjiżi terzi jew reġjuni tagħhom. Jenħtieġ li pajjiżi terzi jew reġjuni tagħhom jidhru biss f'listi wara li jiġu pprovduti evidenza u garanziji li l-annimali u l-oġġetti kkonċernati mill-pajjiżi terzi jew mir-reġjuni tagħhom jikkonformaw mar-rekwiżiti tal-Unjoni għas-sikurezza tal-ikel, jew ma' rekwiżiti rikonoxxuti bħala ekwivalenti għalihom, stabbiliti fid-Direttiva 96/23/KE, ir-Regolamenti (KE) Nru 999/2001, (KE) Nru 178/2002, (KE) Nru 852/2004, (KE) Nru 853/2004, (UE) 2017/625, u r-Regolament Delegat (UE) 2019/624 u r-Regolament ta' Implimentazzjoni (UE) 2019/627.

(13)

Il-kunsinni ta' ċerti oġġetti maħsuba għall-konsum mill-bniedem jenħtieġ li jitħallew jidħlu fl-Unjoni biss meta dawk l-oġġetti jintbagħtu minn stabbilimenti li jidhru fuq listi mfassla u miżmuma aġġornati skont l-Artikolu 127(3)(e) tar-Regolament (UE) 2017/625, u jinkisbu jew jiġu ppreparati fihom. Barra minn hekk, sabiex tiġi żgurata l-konformità mar-regoli tal-Unjoni dwar l-iġjene tal-ikel, jew ma' regoli rikonoxxuti bħala tal-inqas ekwivalenti għalihom, huwa xieraq li jkun previst li waqt it-tfassil u l-aġġornament tal-listi ta' tali stabbilimenti msemmija fl-Artikolu 127(3)(e) tar-Regolament (UE) 2017/625, il-pajjiż terz jenħtieġ li jipprovdi garanziji minbarra dawk imsemmija fl-Artikolu 127(3)(e) (i) u (iv) tar-Regolament (UE) 2017/625.

(14)

Jenħtieġ li l-Kummissjoni tqiegħed għad-dispożizzjoni tal-pubbliku l-listi ta' stabbilimenti previsti fl-Artikolu 127 tar-Regolament (UE) 2017/625 sabiex tiġi żgurata t-trasparenza għall-operaturi tan-negozju tal-ikel u għall-konsumaturi, rigward l-istabbilimenti li minnhom tali oġġetti jistgħu jidħlu fl-Unjoni biex jitqiegħdu fis-suq. Bl-għan li tiġi żgurata l-effettività ta' dawn ir-rekwiżiti, l-Istati Membri jenħtieġ li jippermettu d-dħul ta' kunsinni ta' tali oġġetti sakemm iċ-ċertifikati uffiċjali li huma meħtieġa li jakkumpanjaw tali kunsinni skont ir-regoli applikabbli tal-Unjoni jinħarġu mill-awtoritajiet kompetenti tal-pajjiż terz mid-data tal-pubblikazzjoni tal-listi mill-Kummissjoni.

(15)

Jenħtieġ li tali rekwiżiti li jikkonċernaw l-istabbilimenti ma jiġux stabbiliti b'rabta mal-oġġetti maħsuba għal tranżitu, għaliex jirrappreżentaw riskju baxx mill-perspettiva ta' sikurezza tal-ikel u ma hemm l-ebda tqegħid fis-suq ta' annimali u oġġetti fl-Unjoni. Barra minn hekk, jenħtieġ li tali rekwiżiti ma jiġux stabbiliti għal stabbilimenti li jwettqu biss attivitajiet ta' produzzjoni primarja, operazzjonijiet ta' transport, ħażna ta' prodotti ta' oriġini mill-annimali li ma jeħtiġux kundizzjonijiet tal-ħażna b'temperatura kkontrollata jew produzzjoni ta' sulfat tal-kondrojtina, aċidu jaluroniku, prodotti oħra tal-qarquċa idrolizzata, kitosan, glukosammina, kimożina, isinglass u amminoaċidi raffinati ħafna msemmija fit-Taqsima XVI tal-Anness III tar-Regolament (KE) Nru 853/2004.

(16)

Ir-Regolament tal-Kummissjoni (UE) Nru 210/2013 (16) jirrikjedi li stabbilimenti li jipproduċu n-nebbieta jkunu approvati mill-awtoritajiet kompetenti skont l-Artikolu 6 tar-Regolament (KE) Nru 852/2004. Sabiex tiġi żgurata l-konformità mar-regoli tal-Unjoni dwar l-iġjene tal-ikel, jew ma' regoli rikonoxxuti bħala tal-inqas ekwivalenti għalihom, in-nebbieta jenħtieġ li jitħallew jidħlu fl-Unjoni biss jekk jiġu prodotti fi stabbilimenti, li jidhru f'listi mfassla u aġġornati skont dan ir-Regolament.

(17)

Sabiex tiġi żgurata l-konformità mar-regoli tal-Unjoni dwar l-iġjene tal-ikel, jew ma' regoli rikonoxxuti bħala tal-inqas ekwivalenti għalihom, prodotti minn stabbilimenti li jimmanifatturaw laħam frisk, laħam ikkapuljat, preparati tal-laħam, prodotti tal-laħam, laħam separat mekkanikament u materja prima maħsuba għall-produzzjoni tal-ġelatina u l-kollaġen, jenħtieġ li jitħallew jidħlu fl-Unjoni biss jekk dawn l-istabbilimenti jidhru f'listi mfassla u aġġornati skont l-Artikolu 127(3)(e) tar-Regolament (UE) 2017/625 u li huma ppubblikati mill-Kummissjoni. Barra minn hekk, il-materja prima li minnha jiġu mmanifatturati dawn il-prodotti, jenħtieġ li tiġi minn stabbilimenti (biċċeriji, stabbilimenti li jżommu t-tjur, impjanti tat-tqattigħ u stabbilimenti li jipproċessaw prodotti tas-sajd) li jidhru f'listi mfassla u aġġornati skont l-Artikolu 127(3)(e) tar-Regolament (UE) 2017/625 u li huma ppubblikati mill-Kummissjoni.

(18)

Il-kunsinni ta' molluski bivalvi, ekinodermi, tunikati u gasteropodi tal-baħar ħajjin jenħtieġ li jitħallew jidħlu fl-Unjoni biss minn żoni tal-produzzjoni f'pajjiżi terzi jew reġjuni tagħhom li jidhru f'listi mfassla u aġġornati skont l-Artikolu 127(3)(e) tar-Regolament (UE) 2017/625 u li huma ppubblikati mill-Kummissjoni, sabiex tiġi żgurata l-konformità mar-rekwiżiti speċifiċi applikabbli għal dawn il-prodotti stabbiliti fir-Regolament (KE) Nru 853/2004 u r-Regolament ta' Implimentazzjoni (UE) 2019/627, jew ma' regoli rikonoxxuti bħala tal-inqas ekwivalenti għalihom. Il-pubblikazzjoni ta' dawk il-listi jenħtieġ li tiżgura t-trasparenza għall-operaturi tan-negozju tal-ikel u għall-konsumaturi rigward iż-żoni tal-produzzjoni li minnhom jistgħu jidħlu fl-Unjoni l-molluski bivalvi, l-ekinodermi, it-tunikati u l-gasteropodi tal-baħar ħajjin.

(19)

Il-kunsinni ta' prodotti tas-sajd jenħtieġ li jitħallew jidħlu fl-Unjoni biss meta l-kunsinni jintbagħtu minn stabbiliment fuq l-art, jew minn bastimenti reefer, fabbrika jew friża li jtajru l-bandiera ta' pajjiż terz li jidher f'listi mfassla u aġġornati skont l-Artikolu 127(3)(e) tar-Regolament (UE) 2017/625 u li huma ppubblikati mill-Kummissjoni, jew li jinkisbu jew jiġu ppreparati fih, sabiex tiġi żgurata l-konformità mar-rekwiżiti tal-Unjoni, b'mod partikolari mar-rekwiżiti speċifiċi għall-prodotti tas-sajd stabbiliti fir-Regolament (KE) Nru 853/2004 u fir-Regolament ta' Implimentazzjoni (UE) 2019/627, jew ma' regoli rikonoxxuti bħala tal-inqas ekwivalenti għalihom. Il-pubblikazzjoni ta' tali listi jenħtieġ li tiżgura t-trasparenza għall-operaturi tan-negozju tal-ikel u għall-konsumaturi rigward il-bastimenti li minnhom jistgħu jidħlu fl-Unjoni l-prodotti tas-sajd.

(20)

Il-kundizzjonijiet għad-dħul fl-Unjoni ta' prodotti ta' oriġini mill-annimali stabbiliti fir-Regolament (KE) Nru 853/2004 ma japplikawx għall-prodotti komposti. Madankollu, dak ir-Regolament jirrikjedi li l-operaturi tan-negozju tal-ikel li jimportaw prodotti komposti biex jiżguraw li l-prodotti pproċessati ta' oriġini mill-annimali li jinsabu f'tali ikel jissodisfaw ir-rekwiżiti stabbiliti f'dak ir-Regolament.

(21)

Ir-riskju relatat mal-prodotti komposti jiddependi fuq it-tip ta' ingredjenti u fuq il-kundizzjonijiet tal-ħażna tagħhom. Ir-rekwiżiti rigward il-kunsinni ta' prodotti komposti għalhekk jenħtieġ li jiġu stabbiliti biex jiġi żgurat li dawk il-prodotti komposti li jippreżentaw riskju jiġu esportati minn pajjiżi li huma awtorizzati li jesportaw lejn l-Unjoni skont id-Deċiżjoni tal-Kummissjoni 2007/777/KE (17), id-Deċiżjoni tal-Kummissjoni 2006/766/KE (18), ir-Regolament tal-Kummissjoni (KE) Nru 798/2008 (19), ir-Regolament tal-Kummissjoni (UE) Nru 605/2010 (20) u d-Deċiżjoni tal-Kummissjoni 2011/163/UE (21).

(22)

Abbażi tan-numru ta' notifiki li waslu fis-Sistema ta' Allarm Malajr għall-Ikel u l-Għalf stabbilita mir-Regolament (KE) Nru 178/2002, kunsinni ta' ċerti annimali u oġġetti mqiegħda fis-suq għall-konsum mill-bniedem jippreżentaw riskju miżjud għal nuqqas ta' konformità mar-rekwiżiti tal-Unjoni dwar is-sigurtà tal-ikel. Għaldaqstant, il-kunsinni ta' tali annimali u oġġetti mqiegħda fis-suq għall-konsum mill-bniedem jenħtieġ li jkunu soġġetti għaċ-ċertifikazzjoni individwali ta' kull kunsinna għad-dħul fl-Unjoni biex jitqiegħdu fis-suq. Iċ-ċertifikazzjoni ta' konformità mar-rekwiżiti tal-Unjoni tista' tikkontribwixxi wkoll biex tfakkar lill-operaturi tan-negozju tal-ikel u lill-awtoritajiet kompetenti ta' pajjiżi terzi jew reġjuni tagħhom bir-rekwiżiti tal-Unjoni applikabbli. Fil-każ ta' tranżitu, jenħtieġ li jibqa' l-użu taċ-ċertifikati ta' tranżitu dedikati attwali b'attestazzjoni tas-saħħa tal-annimali.

(23)

Billi r-Regolament (UE) 2017/625 japplika b'effett mill-14 ta' Diċembru 2019, jenħtieġ li dan ir-Regolament japplika wkoll minn dik id-data. Il-miżuri tranżizzjonali li jipprovdu derogi mir-Regolamenti (KE) Nru 853/2004 u (KE) Nru 854/2004, rigward ir-rekwiżiti tas-saħħa pubblika għall-importazzjonijiet ta' prodotti komposti ġew stabbiliti fir-Regolament (UE) 2017/185 u se jiġu estiżi sal-20 ta' April 2021 skont ir-Regolament tal-Kummissjoni (UE) 2019/759 (22). Għaldaqstant, jenħtieġ li r-rekwiżiti tal-importazzjoni stabbiliti f'dan ir-Regolament japplikaw mill-20 ta' April 2021 għal prodotti komposti sabiex tiġi żgurata tranżizzjoni bla xkiel,

(1)

“ekwivalenti” tfisser ekwivalenti kif definita fl-Artikolu 2(1)(e) tar-Regolament (KE) Nru 852/2004;

(2)

“tqegħid fis-suq” tfisser tqegħid fis-suq kif definit fil-punt (8) tal-Artikolu 3 tar-Regolament (KE) Nru 178/2002;

(3)

“stabbiliment” tfisser stabbiliment kif definit fl-Artikolu 2(1)(c) tar-Regolament (KE) Nru 852/2004;

(4)

“attestazzjoni privata” tfisser attestazzjoni ffirmata mill-operatur ta' negozju tal-ikel li qed jimporta;

(5)

“laħam frisk” tfisser laħam frisk kif definit fil-punt 1.10 tal-Anness I tar-Regolament (KE) Nru 853/2004;

(6)

“laħam ikkapuljat” tfisser ikkapuljat kif definit fil-punt 1.13 tal-Anness I tar-Regolament (KE) Nru 853/2004;

(7)

“preparati tal-laħam” tfisser preparati tal-laħam kif definiti fil-punt 1.15 tal-Anness I mar-Regolament (KE) Nru 853/2004;

(8)

“prodotti tal-laħam” tfisser prodotti tal-laħam kif definiti fil-punt 7.1 tal-Anness I tar-Regolament (KE) Nru 853/2004;

(9)

“laħam separat mekkanikament” tfisser laħam separat mekkanikament kif definit fil-punt 1.14 tal-Anness I tar-Regolament (KE) Nru 853/2004;

(10)

“ġelatina” tfisser ġelatina kif definita fil-punt 7.7 tal-Anness I tar-Regolament (KE) Nru 853/2004;

(11)

“kollaġen” tfisser kollaġni kif definita fil-punt 7.8 tal-Anness I tar-Regolament (KE) Nru 853/2004;

(12)

“molluski bivalvi” tfisser molluski bivalvi kif definiti fil-punt 2.1 tal-Anness I tar-Regolament (KE) Nru 853/2004;

(13)

“prodotti tas-sajd” tfisser prodotti tas-sajd kif definiti fil-punt 3.1 tal-Anness I tar-Regolament (KE) Nru 853/2004;

(14)

“prodott kompost” tfisser ikel li fih kemm prodotti ta' oriġini mill-pjanti kif ukoll prodotti pproċessati ta' oriġini mill-annimali;

(15)

“rettili” tfisser annimali li jappartjenu għall-ispeċijiet Alligator mississippiensis, Crocodylus johnstoni, Crocodylus niloticus, Crocodylus porosus, Timon Lepidus, Python reticulatus, Python molurus bivittatus jew Pelodiscus sinensis;

(16)

“laħam tar-rettili” tfisser il-partijiet li jittieklu, mhux ipproċessati jew ipproċessati, derivati minn rettili mrobbija fl-irziezet, li huma, meta applikabbli, awtorizzati skont ir-Regolament (UE) 2015/2283 u elenkati fir-Regolament ta' Implimentazzjoni tal-Kummissjoni (UE) 2017/2470 (23);

(17)

“insetti” tfisser ikel li jikkonsisti minn, huwa iżolat minn jew prodott mill-insetti jew il-partijiet tagħhom inkluż kwalunkwe stadju ħaj ta' insetti maħsuba għall-konsum mill-bniedem li huma, meta applikabbli, awtorizzati skont ir-Regolament (UE) 2015/2283 u elenkati fir-Regolament ta' Implimentazzjoni (UE) 2017/2470;

(18)

“ġelbin” tfisser nebbieta kif definiti fil-punt (a) tal-Artikolu 2 tar-Regolament ta' Implimentazzjoni tal-Kummissjoni (UE) Nru 208/2013 (24);

(19)

“produzzjoni primarja” tfisser produzzjoni primarja kif definita fil-punt (17) tal-Artikolu 3 tar-Regolament (KE) Nru 178/2002;

(20)

“biċċerija” tfisser biċċerija kif definita fil-punt 1.16 tal-Anness I tar-Regolament (KE) Nru 853/2004;

(21)

“stabbiliment li jipproċessa l-kaċċa” tfisser stabbiliment li jipproċessa l-kaċċa kif definit fil-punt 1.18 tal-Anness I tar-Regolament (KE) Nru 853/2004;

(22)

“impjant tat-tqattigħ” tfisser impjant tat-tqattigħ kif definit fil-punt 1.17 tal-Anness I tar-Regolament (KE) Nru 853/2004;

(23)

“żona ta' produzzjoni” tfisser arja ta' produzzjoni kif definita fil-punt 2.5 tal-Anness I tar-Regolament (KE) Nru 853/2004;

(24)

“bastiment fabbrika” tfisser bastiment fabbrika kif definit fil-punt 3.2 tal-Anness I tar-Regolament (KE) Nru 853/2004;

(25)

“bastiment friża” tfisser bastiment friża kif definit fil-punt 3.3 tal-Anness I tar-Regolament (KE) Nru 853/2004;

(26)

“bastiment reefer” tfisser bastiment mgħammar biex jaħżen u jittrasporta oġġetti permezz ta' pellets jew merkanzija mhux marbuta (bl-ingrossa) fi stivi jew kmamar b'temperatura kkontrollata;

(27)

“operatur ta' negozju tal-ikel” tfisser operatur ta' negozju tal-ikel kif definit fil-punt (3) tal-Artikolu 3 tar-Regolament (KE) Nru 178/2002.

(a)

prodotti li joriġinaw mill-annimali, inkluż laħam tar-rettili u insetti sħaħ mejtin, partijiet ta' insetti jew insetti pproċessati, li għalihom ġew stabbiliti l-kodiċijiet tan-Nomenklatura Magħquda (“il-kodiċijiet NM”) fil-Kapitoli 2 sa 5, 15 u 16, u l-kodiċijiet tas-Sistema Armonizzata (“il-kodiċijiet SA”) taħt l-intestaturi 1702, 1806, 2102, 2103, 2105, 2106, 2202, 2301, 2822, 2932, 3001, 3002, 3501, 3502, 3503, 3504, 3507, 3913, 4101, 4102, 4103, 4110 u 9602 tat-Tieni Parti tal-Anness I tar-Regolament (KEE) Nru 2658/87, meta dawn il-prodotti jkunu maħsuba għall-konsum mill-bniedem;

(b)

insetti ħajjin kif imsemmija bil-kodiċi NM 0106 49 00 tat-Tieni Parti tal-Anness I tar-Regolament (KEE) Nru 2658/87.

(a)

il-leġiżlazzjoni tal-pajjiż terz dwar:

(b)

il-kundizzjonijiet tal-iġjene tal-produzzjoni, il-manifattura, l-immaniġġar, il-ħażna u l-ispedizzjoni attwalment applikati għall-prodotti ta' oriġini mill-annimali maħsuba għall-Unjoni;

(c)

kwalunkwe esperjenza ta' kummerċjalizzazzjoni tal-prodotti ta' oriġini mill-annimali mill-pajjiż terz u r-riżultati ta' kwalunkwe kontroll uffiċjali mad-dħul fl-Unjoni;

(d)

meta disponibbli, ir-riżultati ta' kontrolli mwettqa mill-Kummissjoni fil-pajjiż terz relatati ma' annimali u oġġetti oħra li għalihom il-pajjiż terz diġà huwa elenkat skont l-Artikolu 127(2) tar-Regolament (UE) 2017/625, b'mod partikolari r-riżultati tal-valutazzjoni tal-awtoritajiet kompetenti fil-pajjiż terz awditjat, u l-azzjoni li ħadu l-awtoritajiet kompetenti fid-dawl ta' kwalunkwe rakkomandazzjoni indirizzata lilhom wara tali awditi mill-Kummissjoni;

(e)

l-eżistenza, l-implimentazzjoni u l-komunikazzjoni ta' programm ta' kontroll ta' żoonożi approvat mill-Kummissjoni meta applikabbli;

(f)

l-eżistenza, l-implimentazzjoni u l-komunikazzjoni ta' programm ta' kontroll ta' residwi approvat mill-Kummissjoni meta applikabbli, skont id-Direttiva 96/23/KE.

(a)

produzzjoni primarja;

(b)

operazzjonijiet ta' transport;

(c)

ħażna ta' prodotti ta' oriġini mill-annimali li ma għandhomx bżonn kundizzjonijiet ta' ħażna b'temperatura kkontrollata;

(d)

produzzjoni ta' sulfat tal-kondrojtina, aċidu jaluroniku, prodotti oħra tal-qarquċa idrolizzata, kitosan, glukosammina, kimożina, isinglass u amminoaċidi raffinati ħafna msemmija fit-Taqsima XVI tal-Anness III tar-Regolament (KE) Nru 853/2004 u msemmija mill-kodiċijiet NM taħt l-intestatura ta' 2833, ex 3913, 2930, ex 2932, 3507 jew 3503 tat-Tieni Parti tal-Anness I tar-Regolament (KEE) Nru 2658/87.

(a)

laħam frisk;

(b)

laħam ikkapuljat;

(c)

preparati tal-laħam;

(d)

prodotti tal-laħam u laħam separat mekkanikament;

(e)

materja prima maħsuba għall-produzzjoni tal-ġelatina u l-kollaġen imsemmija rispettivament fil-punt 4(a) tal-Kapitolu I tas-Sezzjoni XIV u fil-punt 4(a) tal-Kapitolu I tas-Sezzjoni XV tal-Anness III tar-Regolament (KE) Nru 853/2004.