24.1.2019 |
MT |
Il-Ġurnal Uffiċjali tal-Unjoni Ewropea |
L 22/52 |
REGOLAMENT TAL-KUMMISSJONI (UE) 2019/90
tat-18 ta' Jannar 2019
li jemenda l-Annessi II, III u V tar-Regolament (KE) Nru 396/2005 tal-Parlament Ewropew u tal-Kunsill f'dak li għandu x'jaqsam mal-livelli massimi ta' residwi għall-bromukonażol, għall-karbossinu, għall-ossidu tal-fenbutatin, għall-fenpirażammina u għall-piridaben f'ċerti prodotti jew fuqhom
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u b'mod partikolari l-Artikolu 14(1)(a), l-Artikolu 18(1)(b) u l-Artikolu 49(2) tiegħu,
Billi:
(1) |
Il-livelli massimi ta' residwi (l-MRLs) għall-bromukonażol, għall-karbossinu, għall-fenpirażammina u għall-piridaben ġew stabbiliti fil-Parti A tal-Anness III tar-Regolament (KE) Nru 396/2005. L-MRLs għall-ossidu tal-fenbutatin ġew stabbiliti fl-Anness II u fil-Parti B tal-Anness III ta' dak ir-Regolament. |
(2) |
Għall-bromukonażol, l-Awtorità Ewropea dwar is-Sigurtà fl-Ikel (“l-Awtorità”) ressqet opinjoni raġunata dwar ir-rieżami tal-MRLs eżistenti, f'konformità mal-Artikolu 12(1) tar-Regolament (KE) Nru 396/2005 (2). L-Awtorità kkonkludiet li dwar l-MRLs għas-segala, il-qamħ, il-bovini (muskoli, xaħam, fwied u kliewi), in-nagħaġ (muskoli, xaħam, fwied u kliewi), il-mogħoż (muskoli, xaħam, fwied u kliewi), l-ekwini (muskoli, xaħam, fwied u kliewi), it-tjur (muskoli, xaħam u fwied), il-ħalib (bhejjem tal-ifrat, nagħaġ u mogħoż) u l-bajd tat-tjur, xi informazzjoni ma kinitx disponibbli u li kienet meħtieġa aktar kunsiderazzjoni mill-maniġers tar-riskju. Billi ma hemm l-ebda riskju għall-konsumaturi, l-MRLs għal dawk il-prodotti jenħtieġ li jiġu stabbiliti fl-Anness II tar-Regolament (KE) Nru 396/2005 fil-livell eżistenti jew fil-livell identifikat mill-Awtorità. Se jsir rieżami ta' dawn l-MRLs; ir-rieżami se jqis l-informazzjoni disponibbli fi żmien sentejn mill-pubblikazzjoni ta' dan ir-Regolament. |
(3) |
Għall-karbossinu, l-Awtorità ressqet opinjoni raġunata dwar ir-rieżami tal-MRLs eżistenti skont l-Artikolu 12(1) tar-Regolament (KE) Nru 396/2005 (3). L-Awtorità ipproponiet bidla fid-definizzjoni tar-residwu u kkonkludiet li xi informazzjoni ma kinitx disponibbli dwar l-MRLs għall-prodotti kollha u li kien hemm bżonn ta' aktar konsiderazzjoni mill-maniġers tar-riskju. Peress li ma jistax jiġi eskluż ir-riskju għall-konsumaturi, l-Awtorità rrakkomandat li jitnaqqsu l-MRLs għall-prodotti tal-pjanti u tal-annimali għal-limitu rilevanti ta' determinazzjoni (LOD). Se jsir rieżami ta' dawn l-MRLs; ir-rieżami se jqis l-informazzjoni disponibbli fi żmien sentejn mill-pubblikazzjoni ta' dan ir-Regolament. |
(4) |
Għall-ossidu tal-fenbutatin, l-Awtorità bagħtet opinjoni motivata dwar ir-rieżami tal-MRLs eżistenti skont l-Artikolu 12(1) tar-Regolament (KE) Nru 396/2005 (4). Ir-Regolament ta' Implimentazzjoni tal-Kummissjoni (UE) Nru 486/2014 (5) jipprevedi li jirtira l-approvazzjoni tal-ossidu tal-fenbutatin, hekk kif aktar informazzjoni ta' konferma dwar din is-sustanza attiva meħtieġa skont id-Direttiva tal-Kummissjoni2011/30/UE (6) ma ġietx sottomessa. L-awtorizzazzjonijiet kollha li diġà jeżistu għall-prodotti għall-protezzjoni tal-pjanti li fihom l-ossidu tal-fenbutatin ġew irrevokati. Għaldaqstant, skont l-Artikolu 17 tar-Regolament (KE) Nru 396/2005, flimkien mal-Artikolu 14(1)(a) tiegħu, l-MRLs stabbiliti għall-ossidu tal-fenbutatin fl-Anness II u fil-Parti B tal-Anness III ta' dak ir-Regolament jenħtieġ li jitħassru. L-awtorità ma jirrakkomandaw jinżammu limiti massimi tar-residwi Codex (CXLs) peress li data tossikoloġika għas-sustanza attiva u l-metabolit tiegħu, il-ossidu tal-fenbutatin tad-di-idrossi, ma ġewx ipprovduti u r-riskju li l-konsumaturi ma setgħux jiġu vvalutati. L-awtorità rrakkomandat li jitnaqqsu l-MRLs għall-prodotti tal-pjanti u tal-annimali għal-LODs rilevanti. Dawn il-valuri awtomatiċi jenħtieġ li jiġu stabbiliti fl-Anness V tar-Regolament (KE) Nru 396/2005 skont l-Artikolu 18(1)(b) ta' dak ir-Regolament. |
(5) |
Għall-fenpirażammina, l-Awtorità bagħtet opinjoni motivata dwar l-MRLs eżistenti skont l-Artikolu 12(1) tar-Regolament (KE) Nru 396/2005 (7). Għall-berquq, iċ-ċiras, l-għanbaqar, l-għeneb tal-mejda, l-għeneb tal-inbid, il-frawli, it-tut, iċ-ċawsli iswed, il-lampun (aħmar u isfar), il-mirtill, it-tadam, il-bżar ħelu, il-brunġiel, il-ħjar, il-ħjar żgħir u z-zukkini, l-Awtorità rrakkomandat li jinżammu l-MRLs eżistenti u rrakkomandat li jiżdiedu l-MRLs għall-ħawħ. L-Awtorità kkonkludiet li fir-rigward tal-MRLs għal-lewż, xi informazzjoni ma kinitx disponibbli u li kienet meħtieġa aktar konsiderazzjoni mill-maniġers tar-riskju. Se ssir reviżjoni ta' dan l-MRL; ir-rieżami se jqis l-informazzjoni disponibbli fi żmien sentejn mill-pubblikazzjoni ta' dan ir-Regolament. |
(6) |
Għall-piridaben, l-Awtorità ressqet opinjoni raġunata dwar l-MRLs eżistenti skont l-Artikolu 12(1) tar-Regolament (KE) Nru 396/2005 (8). Hija rrakkomandat li jitbaxxew l-MRLs għall-grejpfrut, il-larinġ, il-lumi, ix-xkomp u l-mandolin u frawli u li jinżammu l-MRLs eżistenti għal il-ħjar, il-ħjar żgħir immarinat u z-zukkini. L-Awtorità kkonkludiet li dwar l-MRLs għall-brunġiel, il-ħnieżer (muskoli, xaħam, fwied u kliewi), il-bovini (muskoli, xaħam, fwied u kliewi), in-nagħaġ (muskoli, xaħam, fwied u kliewi), il-mogħoż (muskoli, xaħam, fwied u kliewi), it-tjur (muskoli, xaħam u fwied), il-ħalib (bhejjem tal-ifrat, nagħaġ u mogħoż) u l-bajd tat-tjur, xi informazzjoni ma kinitx disponibbli u li kienet meħtieġa aktar kunsiderazzjoni mill-maniġers tar-riskju. Billi ma hemmx riskju għall-konsumaturi, l-MRLs għal dawk il-prodotti jenħtieġ li jiġu stabbiliti fl-Anness II tar-Regolament (KE) Nru 396/2005 fil-livell identifikat mill-Awtorità. Se jsir rieżami ta' dawn l-MRLs; ir-rieżami se jqis l-informazzjoni disponibbli fi żmien sentejn mill-pubblikazzjoni ta' dan ir-Regolament. L-awtorità kkonkludiet li dwar l-MRLs għall-għanbaqar, għall-għeneb tal-mejda, għall-għeneb tal-inbid, passolina (ħamra, sewda u bajda), ir-ribes (aħdar, aħmar u isfar) u bżar ħelu/kapsikum, l-ebda informazzjoni ma kienet disponibbli u li kienet meħtieġa aktar konsiderazzjoni mill-maniġers tar-riskju. Jenħtieġ li l-MRLs għal dawn il-prodotti jiġu stabbiliti fil-LOD speċifiku. |
(7) |
Fir-rigward ta' prodotti li fuqhom mhux awtorizzat l-użu tal-prodott għall-protezzjoni tal-pjanti kkonċernat, u li għalihom ma jeżistu l-ebda tolleranzi tal-importazzjoni jew CXLs, l-MRLs għandhom jiġu stabbiliti fil-limitu speċifiku ta' kwantifikazzjoni jew għandu japplika l-MRL prestabbilit, kif stipulat fl-Artikolu 18(1)(b) tar-Regolament (KE) Nru 396/2005. |
(8) |
Il-Kummissjoni kkonsultat lil-laboratorji ta' referenza tal-Unjoni Ewropea għar-residwi tal-pestiċidi dwar il-bżonn li ċertu limiti ta' determinazzjoni jiġu adattati. Għal diversi sustanzi, dawk il-laboratorji kkonkludew li għal ċertu prodotti bażiċi l-iżvilupp tekniku jeżiġi li jiġu stabbiliti limiti speċifiċi ta' determinazzjoni. |
(9) |
Abbażi tal-opinjonijiet motivati tal-Awtorità u filwaqt li jitqiesu l-fatturi rilevanti tas-suġġett ikkunsidrat, l-emendi xierqa tal-MRLs jissodisfaw ir-rekwiżiti tal-Artikolu 14(2) tar-Regolament (KE) Nru 396/2005. |
(10) |
Is-sħab kummerċjali tal-Unjoni ġew ikkonsultati dwar l-MRLs il-ġodda permezz tal-Organizzazzjoni Dinjija tal-Kummerċ u tqiesu l-kummenti tagħhom. |
(11) |
Għalhekk, jenħtieġ li r-Regolament (KE) Nru 396/2005 jiġi emendat skont dan. |
(12) |
Sabiex il-prodotti jkunu jistgħu jiġu kkummerċjalizzati, ipproċessati u kkunsmati b'mod normali, jenħtieġ li dan ir-Regolament jipprevedi arranġament tranżizzjonali għall-prodotti li jkunu ġew prodotti qabel il-modifika tal-MRLs u li għalihom jintwera li nżamm livell għoli ta' protezzjoni tal-konsumaturi. |
(13) |
Jenħtieġ li jitħalla jgħaddi perjodu raġonevoli taż-żmien qabel ma jibdew japplikaw l-MRLs immodifikati, sabiex l-Istati Membri, il-pajjiżi terzi u l-operaturi tan-negozji tal-ikel jingħataw biżżejjed żmien biex iħejju ruħhom ħalli jkunu konformi mar-rekwiżiti l-ġodda li jirriżultaw mill-modifika tal-MRLs. |
(14) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf. |
ADOTTAT DAN IR-REGOLAMENT:
Artikolu 1
L-Annessi II, III u V tar-Regolament (KE) Nru 396/2005 jiġu emendati skont l-Anness ta' dan ir-Regolament.
Artikolu 2
Ir-Regolament (KE) Nru 396/2005 kif kien qabel ma ġie emendat permezz ta' dan ir-Regolament għandu jibqa' japplika għal prodotti li ġew prodotti fl-Unjoni jew li ġew importati lejha qabel it-13 ta' Awwissu 2019.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mit-13 ta' Awwissu 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta' Jannar 2019.
Għall-Kummissjoni
Il-President
Jean-Claude JUNCKER
(2) L-Awtorità Ewropea dwar is-Sigurtà fl-Ikel; Reasoned opinion on the review of the existing maximum residue levels for bromuconazole according to Article 12 of Regulation (EC) No 396/2005 (Opinjoni motivata dwar ir-rieżami tal-limiti massimi ta' residwi eżistenti għall-bromukonażol skont l-Artikolu 12 tar-Regolament (KE) Nru 396/2005). EFSA Journal 2017;15(9):4986.
(3) L-Awtorità Ewropea dwar is-Sigurtà fl-Ikel; Reasoned opinion on the review of the existing maximum residue levels for carboxin according to Article 12 of Regulation (EC) No 396/2005 (Opinjoni motivata dwar ir-rieżami tal-limiti massimi ta' residwi eżistenti għall-karbossinu skont l-Artikolu 12 tar-Regolament (KE) Nru 396/2005). EFSA Journal 2017;15(10):5019.
(4) L-Awtorità Ewropea dwar is-Sigurtà fl-Ikel; Reasoned opinion on the review of the existing maximum residue levels for fenbutatin oxide according to Article 12 of Regulation (EC) No 396/2005 (Opinjoni motivata dwar ir-rieżami tal-limiti massimi ta' residwi eżistenti għall-ossidu tal-fenbutatin skont l-Artikolu 12 tar-Regolament (KE) Nru 396/2005). EFSA Journal 2017;15(12):5091.
(5) Ir-Regolament ta' Implimentazzjoni tal-Kummissjoni (UE) Nru 486/2014 tat-12 ta' Mejju 2014 li jirtira l-approvazzjoni tas-sustanza attiva ossidu tal-fenbutatin, skont ir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta' prodotti għall-protezzjoni tal-pjanti, u li jemenda r-Regolament ta' Implimentazzjoni tal-Kummissjoni (UE) Nru 540/2011 (ĠU L 138, 13.5.2014, p. 70).
(6) Id-Direttiva tal-Kummissjoni 2011/30/UE tas-7 ta' Marzu 2011 li temenda d-Direttiva tal-Kunsill 91/414/KEE biex tinkludi l-ossidu tal-fenbutatin bħala sustanza attiva u li temenda d-Deċiżjoni tal-Kummissjoni 2008/934/KE (ĠU L 61, 8.3.2011, p. 14).
(7) L-Awtorità Ewropea dwar is-Sigurtà fl-Ikel; Reasoned opinion on the review of the existing maximum residue levels for fenpyrazamine according to Article 12 of Regulation (EC) No 396/2005 (Opinjoni motivata dwar ir-rieżami tal-limiti massimi ta' residwi eżistenti għall-fenpirażammina skont l-Artikolu 12 tar-Regolament (KE) Nru 396/2005). EFSA Journal 2017;15(12):5072, Modification of the existing maximum residue levels for fenpyrazamine in lettuces, salad plants, spinaches and similar leaves (Modifika tal-livelli massimi ta' residwi eżistenti għall-fenpirażammina fil-ħass u fil-ħxejjex tal-insalata, fl-ispinaċi u f'weraq simili). EFSA Journal 2018;16(4):5231.
(8) L-Awtorità Ewropea dwar is-Sigurtà fl-Ikel; Reasoned opinion on the review of the existing maximum residue levels for pyridaben according to Article 12 of Regulation (EC) No 396/2005 (Opinjoni motivata dwar ir-rieżami tal-limiti massimi ta' residwi eżistenti għall-piridaben skont l-Artikolu 12 tar-Regolament (KE) Nru 396/2005). EFSA Journal 2017;15(11):5054.
ANNESS
L-Annessi II, III u V tar-Regolament (KE) Nru 396/2005 huma emendati kif ġej:
(1) |
L-Anness II huwa emendat kif ġej:
|
(2) |
L-Anness III huwa emendat kif ġej:
|
(3) |
Fl-Anness V, tiżdied il-kolonna li ġejja għall-ossidu tal-fenbutatin: “Ir-residwi tal-pestiċidi u l-livelli massimi ta' residwu (mg/kg)
|
(*1) limitu ta' kwantifikazzjoni analitika
(1) Għal-lista sħiħa tal-prodotti ta' oriġini mill-pjanti u l-annimali li għalihom japplikaw l-MRLs, għandha ssir referenza għall-Anness I.
(*2) Limitu ta' kwantifikazzjoni analitika
(2) Għal-lista sħiħa tal-prodotti li joriġinaw mill-pjanti u mill-annimali li għalihom japplikaw l-MRLs, għandha ssir referenza għall-Anness I.