DEĊIŻJONI DELEGATA TAL-KUMMISSJONI (UE) 2019/1764

tal-14 ta’ Marzu 2019

li tissupplimenta r-Regolament (UE) Nru 305/2011 tal-Parlament Ewropew u tal-Kunsill fir-rigward tas-sistemi applikabbli għall-valutazzjoni u għall-verifika tal-kostanza tal-prestazzjoni tal-kittijiet ta’ balavostri u tal-kittijiet ta’ ringieli balavostri maħsuba biex jintużaw f’xogħlijiet tal-bini unikament biex jipprevjenu l-waqgħat u mhux sottomessi għal tagħbijiet vertikali mill-istruttura

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 305/2011 tal-Parlament Ewropew u tal-Kunsill tad-9 ta’ Marzu 2011 li jistabbilixxi kondizzjonijiet armonizzati għall-kummerċjalizzazzjoni tal-prodotti għall-bini u li jħassar id-Direttiva tal-Kunsill 89/106/KEE (1), u b’mod partikolari l-Artikolu 28(2) tiegħu,

Billi:

(1)

Ma teżistix deċiżjoni xierqa għall-valutazzjoni u għall-verifika tal-kostanza tal-prestazzjoni għall-kittijiet ta’ balavostri u għall-kittijiet ta’ ringieli balavostri maħsuba biex jintużaw f’xogħlijiet tal-bini unikament biex jipprevjenu l-waqgħat u mhux sottomessi għal tagħbijiet vertikali mill-istruttura. Għalhekk hemm bżonn li jiġi stabbilit liema sistemi ta’ valutazzjoni u ta’ verifika tal-kostanza tal-prestazzjoni huma applikabbli fil-każ ta’ dawk il-kittijiet ta’ balavostri u l-kittijiet ta’ ringieli balavostri.

(2)

Meta titqies l-esperjenza fir-rigward tal-imġiba tal-prodotti inkwistjoni matul il-ħajja tax-xogħol tagħhom, kif muri fl-istħarriġ imwettaq fir-rigward tar-raġunijiet għalfejn dawn il-prodotti naqsu milli jiksbu l-prestazzjoni ddikjarata, il-valutazzjoni tal-prestazzjoni tagħhom fir-rigward tal-karatteristiċi essenzjali kollha, għajr ir-reazzjoni għan-nar, jenħtieġ li titwettaq mill-manifattur qabel ma l-prodott jitqiegħed fis-suq. Sistemi iktar onerużi mhumiex meħtieġa. Għall-prestazzjoni tar-reazzjoni għan-nar, jenħtieġ li l-għażla tas-sistemi 1, 3 jew 4 titqies bħala xierqa billi ssir referenza għal sottofamilji differenti ta’ prodotti,

ADOTTAT DIN ID-DEĊIŻJONI:

Artikolu 1

Id-Deċiżjoni tapplika għall-kittijiet ta’ balavostri u għall-kittijiet ta’ ringieli balavostri maħsuba biex jintużaw f’xogħlijiet tal-bini unikament biex jipprevjenu l-waqgħat u mhux sottomessi għal tagħbijiet vertikali mill-istruttura.

Artikolu 2

Il-kittijiet ta’ balavostri u l-kittijiet ta’ ringieli balavostri msemmija fl-Artikolu 1 għandhom jiġu vvalutati u vverifikati għall-kostanza tal-prestazzjoni fir-rigward tal-karatteristiċi essenzjali tagħhom f’konformità mas-sistemi speċifikati fl-Anness.

Artikolu 3

Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell, l-14 ta’ Marzu 2019.

Għall-Kummissjoni

Il-President

Jean-Claude JUNCKER

(1) ĠU L 88, 4.4.2011, p. 5.

ANNESS

SISTEMI TA’ VALUTAZZJONI U TA’ VERIFIKA TAL-KOSTANZA TAL-PRESTAZZJONI

Tabella 1

Għall-karatteristiċi essenzjali kollha għajr ir-reazzjoni għan-nar

Prodotti u użu maħsub	Sistema applikabbli
Kittijiet ta’ balavostri u kittijiet ta’ ringieli balavostri maħsuba biex jintużaw f’xogħlijiet tal-bini unikament biex jipprevjenu l-waqgħat u mhux sottomessi għal tagħbijiet vertikali mill-istruttura.	4

Tabella 2

Għar-reazzjoni għan-nar biss

Prodotti u użu maħsub	Sottofamilji tal-prodott	Sistema applikabbli
Kittijiet ta’ balavostri u kittijiet ta’ ringieli balavostri maħsuba biex jintużaw f’xogħlijiet tal-bini unikament biex jipprevjenu l-waqgħat u mhux sottomessi għal tagħbijiet vertikali mill-istruttura.	Prodotti li għalihom stadju li huwa identifikabbli biċ-ċar fil-proċess tal-produzzjoni jirriżulta f’titjib tal-prestazzjoni tagħhom tar-reazzjoni għan-nar (eż. żieda ta’ prodotti li jittardjaw in-nar jew limitazzjoni tal-materjal organiku)	1
	Prodotti li għalihom teżisti bażi ġuridika Ewropea applikabbli biex tiġi kklassifikata l-prestazzjoni tar-reazzjoni għan-nar tagħhom mingħajr ittestjar.	4
	Prodotti li ma jappartjenux għas-sottofamilji l-oħra.	3