|
21.10.2019 |
MT |
Il-Ġurnal Uffiċjali tal-Unjoni Ewropea |
L 267/1 |
DEĊIŻJONI TAL-KUNSILL EWROPEW (UE) 2019/1740
tas-18 ta’ Ottubru 2019
li taħtar il-President tal-Bank Ċentrali Ewropew
IL-KUNSILL EWROPEW,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 283(2) tiegħu,
Wara li kkunsidra r-rakkomandazzjoni tal-Kunsill tal-Unjoni Ewropea (1),
Wara li kkunsidra l-opinjoni tal-Parlament Ewropew (2),
Wara li kkunsidra l-opinjoni tal-Kunsill Governattiv tal-Bank Ċentrali Ewropew (3),
Billi:
|
(1) |
Il-mandat tal-President tal-Bank Ċentrali Ewropew, is-Sur Mario DRAGHI, maħtur bid-Deċiżjoni tal-Kunsill Ewropew 2011/386/UE (4), jiskadi fil-31 ta’ Ottubru 2019 u huwa għalhekk meħtieġ li jinħatar President ġdid tal-Bank Ċentrali Ewropew. |
|
(2) |
Il-Kunsill Ewropew jixtieq jaħtar lis-Sinjura Christine LAGARDE li, fil-fehma tiegħu, tissodisfa r-rekwiżiti kollha stabbiliti fl-Artikolu 283(2) tat-Trattat, |
ADOTTA DIN ID-DEĊIŻJONI:
Artikolu 1
Is-Sinjura Christine LAGARDE hija b’dan maħtura President tal-Bank Ċentrali Ewropew għal mandat ta’ tmien snin mill-1 ta’ Novembru 2019.
Artikolu 2
Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, is-18 ta’ Ottubru 2019.
Għall-Kunsill Ewropew
Il-President
D. TUSK
(1) ĠU C 235, 12.7.2019, p. 1.
(2) Opinjoni mogħtija fis-17 ta’ Settembru 2019 (għadha ma ġietx ippubblikata fil-Ġurnal Uffiċjali).
(4) Id-Deċiżjoni tal-Kunsill Ewropew 2011/386/UE tal-24 ta’ Ġunju 2011 li taħtar il-President tal-Bank Ċentrali Ewropew (ĠU L 173, 1.7.2011, p. 8).