10.4.2019 |
MT |
Il-Ġurnal Uffiċjali tal-Unjoni Ewropea |
L 99/1 |
DEĊIŻJONI TAL-KUNSILL (UE) 2019/563
tat-8 ta' April 2019
dwar il-konklużjoni, f'isem l-Unjoni, tal-Emenda 1 għall-Memorandum ta' Kooperazzjoni NAT-I-9406 bejn l-Istati Uniti tal-Amerka u l-Unjoni Ewropea
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 100(2), flimkien mal-punt (a) tat-tieni subparagrafu tal-Artikolu 218(6) u l-Artikolu 218(7) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-approvazzjoni tal-Parlament Ewropew (1),
Billi:
(1) |
Skont id-Deċiżjoni tal-Kunsill 2018/538 (2), l-Emenda 1 għall-Memorandum ta' Kooperazzjoni NAT-I-9406 bejn l-Istati Uniti tal-Amerka u l-Unjoni Ewropea (“Memorandum ta' Kooperazzjoni NAT-I-9406”) ġiet iffirmata fit-13 ta' Diċembru 2017, soġġetta għall-konklużjonijiet tagħha f'data aktar tard. |
(2) |
L-Emenda 1 għall-Memorandum ta' Kooperazzjoni NAT-I-9406 testendi l-kamp ta' applikazzjoni tal-kooperazzjoni bejn il-Partijiet għall-fażijiet kollha tal-modernizzazzjoni tal-ġestjoni tat-traffiku tal-ajru, inklużi l-attivitajiet ta' mobilizzazzjoni, bl-għan li tiġi żgurata l-interoperabbiltà globali. Hija timmodifika wkoll l-istruttura u l-governanza tal-Memorandum ta' Kooperazzjoni NAT-I-9406 sabiex tottimizza l-implimentazzjoni u l-ġestjoni tal-attivitajiet ta' kooperazzjoni mwettqa permezz tiegħu. |
(3) |
Jeħtieġ li jiġu stipulati l-arranġamenti proċedurali għall-parteċipazzjoni tal-Unjoni fil-ġestjoni eżekuttiva tal-Memorandum ta' Kooperazzjoni NAT-I-9406 A bejn l-Istati Uniti tal-Amerka u l-Unjoni Ewropea dwar il-modernizzazzjoni tal-ġestjoni tat-traffiku tal-ajru, ir-riċerka u l-iżvilupp fl-avjazzjoni ċivili u l-interoperabbiltà globali (“Memorandum ta' Kooperazzjoni NAT-I-9406 A”), li huwa stipulat fl-addendum għall-Emenda 1 u jissostitwixxi l-Memorandum ta' Kooperazzjoni NAT-I-9406. |
(4) |
Għalhekk, jenħtieġ li l-Emenda 1 għall-Memorandum ta' Kooperazzjoni NAT-I-9406 tiġi approvata f'isem l-Unjoni, |
ADOTTA DIN ID-DEĊIŻJONI:
Artikolu 1
L-Emenda 1 għall-Memorandum ta' Kooperazzjoni NAT-I-9406 bejn l-Istati Uniti tal-Amerka u l-Unjoni Ewropea hija b'dan approvata f'isem l-Unjoni (3).
Artikolu 2
Il-President tal-Kunsill għandu, f'isem l-Unjoni, jagħti n-notifika prevista fl-Artikolu II.B tal-Emenda 1 għall-Memorandum ta' Kooperazzjoni NAT-I-9406, sabiex jesprimi l-kunsens tal-Unjoni li tintrabat bl-Emenda 1 għall-Memorandum ta' Kooperazzjoni NAT-I-9406 (4).
Artikolu 3
Il-Kummissjoni, wara konsultazzjoni mal-kumitat speċjali maħtur mill-Kunsill, għandha tiddetermina l-pożizzjoni li għandha tittieħed mill-Unjoni fil-ġestjoni eżekuttiva tal-Memorandum ta' Kooperazzjoni NAT-I-9406 A u l-Annessi tiegħu, kif imsemmi fl-Artikolu III tal-Memorandum ta' Kooperazzjoni NAT-I-9406 A, rigward:
(a) |
l-adozzjoni ta' annessi addizzjonali għall-Memorandum ta' Kooperazzjoni NAT-I-9406 A u ta' appendiċijiet għall-Annessi għall-Memorandum ta' Kooperazzjoni NAT-I-9406 A; u |
(b) |
l-adozzjoni ta' emendi għall-Annessi għall-Memorandum ta' Kooperazzjoni NAT-I-9406 A u għall-Appendiċijiet ta' dawk l-Annessi. |
Artikolu 4
Mingħajr preġudizzju għall-Artikolu 3 ta' din id-Deċiżjoni, il-Kummissjoni tista' tieħu kwalunkwe azzjoni xierqa skont l-Artikoli III, IV, V, VII u VIII tal-Memorandum ta' Kooperazzjoni NAT-I-9406 A.
Artikolu 5
Il-Kummissjoni għandha tirrappreżenta lill-Unjoni f'konsultazzjonijiet skont l-Artikolu XI tal-Memorandum ta' Kooperazzjoni NAT-I-9406 A.
Artikolu 6
Il-Kummissjoni għandha tinforma lill-Kunsill dwar l-implimentazzjoni tal-Memorandum ta' Kooperazzjoni NAT-I-9406 A kull meta jkun neċessarju u ta' mill-inqas darba fis-sena.
Artikolu 7
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fil-Lussemburgu, it-8 ta' April 2019.
Għall-Kunsill
Il-President
F. MOGHERINI
(1) Approvazzjoni tat-12 ta' Settembru 2018 (għadha ma ġietx ippubblikata fil-Ġurnal Uffiċjali).
(2) Deċiżjoni tal-Kunsill (UE) 2018/538 tas-7 ta' Diċembru 2017 dwar l-iffirmar, f'isem l-Unjoni, u l-applikazzjoni provviżorja tal-Emenda 1 għall-Memorandum ta' Kooperazzjoni NAT-I-9406 bejn l-Istati Uniti tal-Amerka u l-Unjoni Ewropea (ĠU L 90, 6.4.2018, p. 1).
(3) It-test tal-Emenda 1 għall-Memorandum ta' Kooperazzjoni NAT-I-9406 bejn l-Istati Uniti tal-Amerka u l-Unjoni Ewropea ġie ippubblikat fil-ĠU L 90, 6.4.2018, p. 3 flimkien mad-deċiżjoni dwar l-iffirmar.
(4) Id-data tad-dħul fis-seħħ tal-Emenda 1 għall-Memorandum ta' Kooperazzjoni NAT-I-9406 ser tiġi ppubblikata f'Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.