DEĊIŻJONI TA' IMPLIMENTAZZJONI TAL-KUMMISSJONI (UE) 2019/313

tal-21 ta' Frar 2019

dwar l-approvazzjoni tat-teknoloġija użata fil-ġeneratur b'mutur 48 V ta' effiċjenza għolja (BRM) b'konvertitur 48 V/12 V DC/DC tal-SEG Automotive Germany GmbH biex tintuża f'magni ta' kombustjoni konvenzjonali u f'ċerti vetturi kummerċjali ħfief b'sistemi ibridi bħala teknoloġija innovattiva għat-tnaqqis tal-emissjonijiet ta' CO2 minn vetturi kummerċjali ħfief skont ir-Regolament (UE) Nru 510/2011 tal-Parlament Ewropew u tal-Kunsill

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 510/2011 tal-Parlament Ewropew u tal-Kunsill tal-11 ta' Mejju 2011 li jistabbilixxi standards ta' rendiment fir-rigward tal-emissjonijiet tal-vetturi kummerċjali ħfief ġodda bħala parti mill-approċċ integrat tal-Unjoni biex jitnaqqsu l-emissjonijiet ta' CO2 minn vetturi ħfief (1), u b'mod partikolari l-Artikolu 12(4) tiegħu,

Billi:

(1)

Fl-14 ta' Mejju 2018, il-fornitur SEG Automotive Germany GmbH ressaq applikazzjoni għall-approvazzjoni ta' ġeneratur b'mutur 48 V ta' effiċjenza għolja (BRM) b'konvertitur 48 V/12 V DC/DC għall-vetturi N1 bħala ekoinnovazzjoni. L-applikazzjoni ġiet ivvalutata skont l-Artikolu 12 tar-Regolament (UE) Nru 510/2011 u skont ir-Regolament ta' Implimentazzjoni tal-Kummissjoni (UE) Nru 427/2014 (2).

(2)

Il-ġeneratur b'mutur 48 V huwa magna riversibbli li tista' taħdem jew bħala mutur tal-elettriku li jikkonverti l-enerġija elettrika f'enerġija mekkanika, jew bħala ġeneratur li jikkonverti l-enerġija mekkanika f'enerġija elettrika bħala alternatur standard. L-applikazzjoni li tressqet kienet iffukata fuq il-funzjoni ta' ġenerazzjoni tal-komponent.

(3)

L-applikant ippropona żewġ metodoloġiji differenti biex tiġi ddeterminata l-effiċjenza totali tas-sistema, li jikkombinaw l-effiċjenza tal-ġeneratur b'mutur 48 V u l-effiċjenza tal-konvertitur 48 V/12 V DC/DC. L-ewwel metodu għandu l-għan li jikkalkula l-effiċjenza tal-ġeneratur b'mutur 48 V u l-konvertitur 48 V/12 V DC/DC tiegħu separatament, filwaqt li t-tieni metodu għandu l-għan li jikkalkula l-effiċjenza tal-ġeneratur b'mutur 48 V bil-konvertitur 48 V/12 V DC/DC tiegħu (il-metodu kkombinat). Iż-żewġ proċeduri tal-ittestjar huma konformi mal-Linji Gwida Tekniċi għat-tħejjija tal-applikazzjonijiet għall-approvazzjoni ta' teknoloġiji innovattivi skont ir-Regolament (UE) Nru 510/2011.

(4)

L-informazzjoni li ntbagħtet fl-applikazzjoni turi li ntlaħqu l-kundizzjonijiet u l-kriterji msemmijin fl-Artikolu 12 tar-Regolament (UE) Nru 510/2011 u fl-Artikoli 2 u 4 tar-Regolament ta' Implimentazzjoni tal-Kummissjoni (UE) Nru 427/2014 għaż-żewġ studji tal-każ proposti. B'konsegwenza ta' dan, jenħtieġ li l-ġeneratur b'mutur 48 V ta' effiċjenza għolja (BRM) b'konvertitur 48 V/12 V DC/DC tal-SEG Automotive Germany GmbH applikat għall-vetturi N1 jiġi approvat bħala ekoinnovazzjoni.

(5)

Huwa xieraq li jiġu approvati l-metodoloġiji tal-ittestjar li jiddeterminaw l-iffrankar ta' CO2 mill-ġeneratur b'mutur 48 V ta' effiċjenza għolja (BRM) b'konvertitur 48 V/12 V DC/DC tal-SEG Automotive Germany GmbH. Huwa biss l-iffrankar tal-emissjonijiet iċċertifikat fuq il-bażi ta' waħda miż-żewġ metodoloġiji tal-ittestjar deskritti f'din id-Deċiżjoni li jista' jittieħed inkunsiderazzjoni għad-determinazzjoni tar-rendiment għall-emissjonijiet speċifiċi ta' manifattur skont ir-Regolament (UE) Nru 510/2011.

(6)

Sabiex jiġi ddeterminat l-iffrankar ta' CO2 mill-ġeneratur b'mutur 48 V ta' effiċjenza għolja (BRM) b'konvertitur 48 V/12 V DC/DC tal-SEG Automotive Germany GmbH, jeħtieġ li tiġi stabbilita t-teknoloġija ta' referenza li bi tqabbil magħha trid tiġi vvalutata l-effiċjenza tal-funzjoni ta' ġeneratur. Meta wieħed iqis il-ġudizzju espert, huwa xieraq li jitqies alternatur b'effiċjenza ta' 67 % bħala t-teknoloġija ta' referenza li trid tintuża biex jiġi ddeterminat l-iffrankar ta' CO2 skont din id-Deċiżjoni.

(7)

Fil-każ ta' vetturi ibridi N1, il-metodoloġiji tal-ittestjar huma bbażati fuq ċerti kundizzjonijiet li huma validi biss għall-vetturi li għalihom huwa awtorizzat li jintuża kejl mhux ikkoreġut bħall-konsum tal-fjuwil jew l-emissjonijiet ta' CO2 imkejla matul it-test tat-tip 1 kif speċifikat fl-Anness 8 tar-Regolament tal-UNECE Nru 101. Din hija r-raġuni għaliex il-kamp ta' applikazzjoni ta' din id-deċiżjoni japplika għal kwalunkwe vettura N1 li taħdem b'magna ta' kombustjoni interna, iżda huwa limitat għal uħud biss mill-vetturi ibridi N1.

(8)

L-iffrankar mill-ġeneratur b'mutur 48 V ta' effiċjenza għolja (BRM) b'konvertitur 48 V/12 V DC/DC tal-SEG Automotive Germany GmbH jista' jintwera parzjalment permezz tat-test imsemmi fl-Anness XII tar-Regolament tal-Kummissjoni (KE) Nru 692/2008 (3). Għalhekk jeħtieġ li jiġi żgurat li din il-kopertura parzjali titqies fil-metodoloġija tal-ittestjar għall-iffrankar ta' CO2 mill-ġeneratur b'mutur.

(9)

Jekk l-awtorità tal-approvazzjoni tat-tip issib li l-ġeneratur b'mutur 48 V ta' effiċjenza għolja (BRM) b'konvertitur 48 V/12 V DC/DC tal-SEG Automotive Germany GmbH ma jissodisfax il-kundizzjonijiet għaċ-ċertifikazzjoni, jenħtieġ li l-applikazzjoni għaċ-ċertifikazzjoni tal-iffrankar tiġi rrifjutata.

(10)

Jenħtieġ li din id-Deċiżjoni tapplika sal-aħħar tal-2020 b'rabta mal-proċedura tal-ittestjar imsemmija fl-Anness XII tar-Regolament (KE) Nru 692/2008. B'effett mill-1 ta' Jannar 2021, it-teknoloġiji innovattivi jridu jiġu vvalutati skont il-proċedura tal-ittestjar stabbilita fir-Regolament ta' Implimentazzjoni tal-Kummissjoni (UE) 2017/1151 (4).

(11)

Bil-għan li jiġi ddeterminat il-kodiċi ġenerali tal-ekoinnovazzjoni li jrid jintuża fid-dokumenti rilevanti tal-approvazzjoni tat-tip skont l-Annessi I, VIII u IX tad-Direttiva 2007/46/KE tal-Parlament Ewropew u tal-Kunsill (5), jenħtieġ li jiġi speċifikat il-kodiċi individwali li għandu jintuża għall-ġeneratur b'mutur 48 V ta' effiċjenza għolja (BRM) b'konvertitur 48 V/12 V DC/DC tal-SEG Automotive Germany GmbH,

ADOTTAT DIN ID-DEĊIŻJONI:

Artikolu 1

Approvazzjoni

It-teknoloġija użata fil-ġeneratur b'mutur 48 V ta' effiċjenza għolja (BRM) b'konvertitur 48 V/12 V DC/DC tal-SEG Automotive Germany GmbH hija approvata bħala teknoloġija innovattiva skont it-tifsira tal-Artikolu 12 tar-Regolament (UE) Nru 510/2011, diment li t-teknoloġija innovattiva tiġi installata f'vetturi N1 li jaħdmu b'magni ta' kombustjoni interna, jew f'vetturi ibridi N1 li għalihom huma ssodisfati l-kundizzjonijiet speċifikati fil-punt 6.3.2(2) jew (3) tal-Anness 8 tar-Regolament UNECE 101.

Artikolu 2

Definizzjonijiet

Għall-fini ta' din id-Deċiżjoni, ġeneratur b'mutur 48 V ifisser magna riversibbli li tista' topera bħala mutur tal-elettriku li jikkonverti l-enerġija elettrika f'enerġija mekkanika, jew bħala ġeneratur li jikkonverti l-enerġija mekkanika f'enerġija elettrika bħala alternatur standard. Din id-Deċiżjoni tiffoka fuq il-funzjoni ta' ġenerazzjoni tal-komponent.

Artikolu 3

Applikazzjoni għaċ-ċertifikazzjoni tal-iffrankar ta' CO2

1. Manifattur jista' japplika għaċ-ċertifikazzjoni tal-iffrankar ta' CO2 minn wieħed jew bosta mill-ġeneraturi b'mutur 48 V ta' effiċjenza għolja (BRM) b'konvertituri 48 V/12 V DC/DC tal-SEG Automotive Germany GmbH maħsuba għall-użu f'vetturi N1 li jikkonformaw mal-kundizzjonijiet stipulati fl-Artikolu 1.

2. Applikazzjoni għaċ-ċertifikazzjoni tal-iffrankar minn wieħed jew bosta ġeneraturi b'mutur 48 V ta' effiċjenza għolja (BRM) b'konvertituri 48 V/12 V DC/DC tal-SEG Automotive Germany GmbH għandha tkun akkumpanjata minn rapport ta' verifika indipendenti li tikkonferma li ntlaħaq il-limitu tal-iffrankar ta' CO2 ta' 1g CO2/km speċifikat fl-Artikolu 9 tar-Regolament ta' Implimentazzjoni (UE) Nru 427/2014.

3. L-awtorità tal-approvazzjoni tat-tip għandha tiċħad l-applikazzjoni għaċ-ċertifikazzjoni f'każ li jidhrilha li l-ġeneratur b'mutur b'konvertitur jew il-ġeneraturi b'mutur b'konvertituri huma installati f'vetturi li ma jikkonformawx mal-kundizzjonijiet stabbiliti fl-Artikolu 1, jew meta l-iffrankar tal-emissjonijiet ta' CO2 jkun taħt il-livell limitu speċifikat fl-Artikolu 9(1) tar-Regolament ta' Implimentazzjoni (UE) Nru 427/2014.

Artikolu 4

Ċertifikazzjoni tal-iffrankar ta' CO2

1. It-tnaqqis tal-emissjonijiet ta' CO2 mill-użu ta' ġeneratur b'mutur 48 V ta' effiċjenza għolja (BRM) b'konvertitur 48 V/12 V DC/DC tal-SEG Automotive Germany GmbH għandu jiġi ddeterminat bl-użu ta' wieħed miż-żewġ metodoloġiji stabbiliti fl-Anness.

2. Meta manifattur japplika għaċ-ċertifikazzjoni tal-iffrankar ta' CO2 minn aktar minn ġeneratur b'mutur 48 V ta' effiċjenza għolja (BRM) b'konvertitur 48 V/12 V DC/DC wieħed tal-SEG Automotive Germany GmbH fir-rigward ta' verżjoni waħda ta' vettura, l-awtorità tal-approvazzjoni tat-tip għandha tiddetermina liema wieħed mill-ġeneraturi b'mutur b'konvertituri li jkunu ġew ittestjati jrendi l-inqas iffrankar ta' CO2, u għandha tirreġistra dak l-iffrankar fid-dokumentazzjoni rilevanti tal-approvazzjoni tat-tip. Dak il-valur għandu jiġi indikat fiċ-ċertifikat ta' konformità skont l-Artikolu 11(2) tar-Regolament ta' Implimentazzjoni tal-Kummissjoni (UE) Nru 427/2014.

3. L-awtorità tal-approvazzjoni tat-tip għandha tirreġistra r-rapport ta' verifika u r-riżultati tal-ittestjar li fuq il-bażi tagħhom l-iffrankar kien ġie ddeterminat u wara talba għandha tagħmel dik l-informazzjoni disponibbli lill-Kummissjoni.

Artikolu 5

Kodiċi tal-ekoinnovazzjoni

Il-kodiċi tal-ekoinnovazzjoni Nru 26 għandu jiddaħħal fid-dokumentazzjoni tal-approvazzjoni tat-tip meta ssir referenza għal din id-Deċiżjoni skont l-Artikolu 11(1) tar-Regolament ta' Implimentazzjoni (UE) Nru 427/2014.

Artikolu 6

Applikabbiltà

Din id-Deċiżjoni għandha tapplika sal-31 ta' Diċembru 2020.

Artikolu 7

Dħul fis-seħħ

Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.

Magħmul fi Brussell, il-21 ta' Frar 2019.

Għall-Kummissjoni

Il-President

Jean-Claude JUNCKER

(1) ĠU L 145, 31.5.2011, p. 1.

(2) Ir-Regolament ta' Implimentazzjoni tal-Kummissjoni (UE) Nru 427/2014 tal-25 ta' April 2014 li jistabbilixxi proċedura għall-approvazzjoni u ċ-ċertifikazzjoni ta' teknoloġiji innovattivi għat-tnaqqis tal-emissjonijiet ta' CO2 minn vetturi kummerċjali ħfief skont ir-Regolament (UE) Nru 510/2011 tal-Parlament Ewropew u tal-Kunsill (ĠU L 125, 26.4.2014, p. 57).

(3) Ir-Regolament tal-Kummissjoni (KE) Nru 692/2008 tat-18 ta' Lulju 2008 li jimplimenta u jemenda r-Regolament (KE) Nru 715/2007 tal-Parlament Ewropew u tal-Kunsill dwar l-approvazzjoni tat-tip ta' vetturi b'mutur fir-rigward tal-emissjonijiet ta' vetturi ħfief għall-passiġġieri u ta' vetturi kummerċjali (Euro 5 u Euro 6) u dwar l-aċċess għall-informazzjoni dwar it-tiswija u l-manutenzjoni tal-vettura (ĠU L 199, 28.7.2008, p. 1)

(4) Ir-Regolament tal-Kummissjoni (UE) 2017/1151 tal-1 ta' Ġunju 2017 li jissupplimenta r-Regolament (KE) Nru 715/2007 tal-Parlament Ewropew u tal-Kunsill dwar l-approvazzjoni tat-tip ta' vetturi b'mutur fir-rigward tal-emissjonijiet ta' vetturi ħfief għall-passiġġieri u ta' vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi, li jemenda d-Direttiva 2007/46/KE tal-Parlament Ewropew u tal-Kunsill, ir-Regolament tal-Kummissjoni (KE) Nru 692/2008 u r-Regolament tal-Kummissjoni (UE) Nru 1230/2012 u li jħassar ir-Regolament tal-Kummissjoni (KE) Nru 692/2008 (ĠU L 175, 7.7.2017, p. 1).

(5) Id-Direttiva 2007/46/KE tal-Parlament Ewropew u tal-Kunsill tal-5 ta' Settembru 2007 li tistabbilixxi kwadru għall-approvazzjoni ta' vetturi bil-mutur u l-karrijiet tagħhom, u ta' sistemi, komponenti u unitajiet tekniċi separati maħsuba għal tali vetturi (Direttiva Kwadru) (ĠU L 263, 9.10.2007, p. 1).

ANNESS

Metodoloġija biex jiġi ddeterminat l-iffrankar ta' CO2 tal-ġeneratur b'mutur 48 V ta' Effiċjenza għolja (BRM) bil-konvertitur 48 V/12 V DC/DC tal-SEG Automotive Germany GmbH installati f'vetturi li jikkonformaw mal-kundizzjonijiet stipulati fl-Artikolu 1

1. INTRODUZZJONI

Sabiex jiġi ddeterminat it-tnaqqis tal-emissjonijiet ta' CO2 li jista' jiġi attribwit għall-użu tal-funzjoni ta' ġenerazzjoni tal-ġeneratur b'mutur 48 V ta' Effiċjenza għolja (BRM), minn hawn 'il quddiem imsejjaħ ġeneratur b'mutur 48 V jew ġeneratur b'mutur, bil-konvertitur 48 V/12 V DC/DC tal-SEG Automotive Germany GmbH, għall-użu f'vetturi b'konformità mal-kundizzjonijiet stipulati fl-Artikolu 1, jeħtieġ li jiġu speċifikati dawn li ġejjin:

(1)	Il-kundizzjonijiet tal-ittestjar;

(2)	It-tagħmir tal-ittestjar;

(3)	Il-proċedura biex tiġi ddeterminata l-effiċjenza totali;

(4)	Il-proċedura biex jiġi ddeterminat l-iffrankar ta' CO2;

(5)	Il-proċedura biex tiġi ddeterminata l-inċertezza tal-iffrankar ta' CO2.

Jistgħu jintużaw żewġ metodi alternattivi biex jiġi ddeterminat l-iffrankar ta' CO2. Il-metodi huma deskritti kif ġej.

2. SIMBOLI, PARAMETRI U UNITAJIET

Simboli bil-Latin

	—	L-iffrankar ta' CO2 [g CO2/km]
CO2	—	Id-diossidu tal-karbonju
CF	—	Il-fattur ta' konverżjoni (l/100 km) — (g CO2/km) [gCO2/l] kif iddefinit fit-Tabella 3
h	—	Il-frekwenza kif iddefinita fit-Tabella 1
i	—	L-għadd tal-punti ta' tħaddim
I	—	L-intensità tal-kurrent li bih għandu jitwettaq il-kejl [A]
l	—	In-numru tal-kejl tal-kampjun għall-konvertitur 48 V/12 V DC/DC
m	—	In-numru tal-kejl tal-kampjun għall-ġeneratur b'mutur 48 V
M	—	It-torque [Nm]
n	—	Il-frekwenza rotazzjonali [min-1] kif iddefinita fit-Tabella 1
P	—	Il-potenza [W]
	—	Id-devjazzjoni standard tal-effiċjenza medja tal-konvertitur 48 V/12 V DC/DC [%]
	—	Id-devjazzjoni standard tal-effiċjenza tal-ġeneratur b'mutur 48 V [%]
	—	Id-devjazzjoni standard tal-effiċjenza medja tal-ġeneratur b'mutur 48 V [%]
	—	Id-devjazzjoni standard tal-effiċjenza totali [%]
	—	Id-devjazzjoni standard tal-iffrankar totali ta' CO2 [g CO2/km]
U	—	Il-vultaġġ tat-test li fih għandu jitwettaq il-kejl [V]
v	—	Il-veloċità medja tas-sewqan taċ-Ċiklu Ġdid tas-Sewqan Ewropew (NEDC) [km/h]
VPe	—	Il-konsum tal-potenza effettiva [l/kWh] kif iddefinit fit-Tabella 2

Simboli Griegi

Δ	—	Id-differenza
ηB	—	L-effiċjenza tal-alternatur ta' referenza [%]
ηDCDC	—	L-effiċjenza tal-konvertitur 48 V/12 V DC/DC [%]
	—	L-effiċjenza medja tal-konvertitur 48 V/12 V DC/DC [%]
ηMG	—	L-effiċjenza tal-ġeneratur b'mutur 48 V [%]
	—	L-effiċjenza medja tal-ġeneratur b'mutur 48 V fil-punt ta' tħaddim i [%]
ηTOT	—	L-effiċjenza totali [%]

Simboli miktubin taħt il-vers

L-indiċi (i) jirreferi għall-punt ta' tħaddim

L-indiċi (j) jirreferi għall-kejl tal-kampjun

MG	—	Il-ġeneratur b'mutur
m	—	Il-mekkanika
RW	—	Il-kundizzjonijiet tal-ħajja reali
TA	—	Il-kundizzjonijiet tal-approvazzjoni tat-tip (NEDC)
B	—	Il-linja ta' referenza

3. METODU 1 (“METODU SEPARAT”)

3.1. Effiċjenza tal-ġeneratur b'mutur 48 V

L-effiċjenza tal-ġeneratur b'mutur 48 V għandha tiġi ddeterminata skont l-istandard tal-ISO 8854:2012, ħlief għall-elementi speċifikati f'din it-taqsima.

L-awtorità tal-approvazzjoni tat-tip għandha tingħata evidenza li l-firxiet tal-frekwenza rotazzjonali tal-ġeneratur b'mutur 48 V effiċjenti huma konsistenti ma' dawk stabbiliti fit-Tabella 1. Il-kejl għandu jsir f'punti ta' tħaddim differenti, kif iddefinit fit-Tabella 1. L-intensità tal-kurrent tal-ġeneratur b'mutur 48 V effiċjenti għandha tiġi ddefinita bħala nofs il-kurrent nominali għall-punti ta' tħaddim kollha. Għal kull frekwenza rotazzjonali, il-vultaġġ u l-kurrent tal-output tal-ġeneratur b'mutur għandhom jinżammu kostanti, u l-vultaġġ għandu jkun ta' 52 V.

Tabella 1

Punti ta' tħaddim

Il-punt ta' tħaddim i	Il-ħin ta' żamma [s]	Il-frekwenza rotazzjonali ni [min– 1]	Il-frekwenza hi
1	1 200	1 800	0,25
2	1 200	3 000	0,40
3	600	6 000	0,25
4	300	10 000	0,10

L-effiċjenza f'kull punt ta' tħaddim għandha tiġi kkalkulata skont il-Formula 1:

Formula 1

Formula

Il-kejl kollu tal-effiċjenza għandu jsir b'mod konsekuttiv għal mill-inqas ħames (5) darbiet. Għandha tiġi kkalkulata l-medja tal-kejl f'kull punt ta' tħaddim ( Formula ).

L-effiċjenza tal-funzjoni ta' ġenerazzjoni (ηMG) għandha tiġi kkalkulata skont il-Formula 2 li ġejja:

Formula 2

Formula

3.2. Effiċjenza tal-konvertitur 48 V/12 V DC/DC

L-effiċjenza tal-konvertitur 48 V/12 V DC/DC għandha tiġi ddeterminata skont dawn il-kundizzjonijiet:

—	Vultaġġ tal-output ta' 14,3 V

—	Kurrent tal-output tal-potenza nominali tal-konvertitur 48 V/12 V DC/DC diviż b'14,3 V

Il-potenza nominali tal-konvertitur 48 V/12 V DC/DC għandha tkun il-potenza tal-output kontinwu fuq in-naħa tat-12 V iggarantita mill-manifattur tal-konvertitur DC/DC fil-kundizzjonijiet speċifikati fl-ISO 8854:2012.

L-effiċjenza tal-konvertitur 48 V/12 V DC/DC għandha titkejjel b'mod konsekuttiv għal mill-inqas ħames (5) darbiet. Il-medja tal-kejl kollu għandha tiġi kkalkulata ( Formula ) u użata għall-kalkoli stabbiliti fil-paragrafu 3.3.

3.3. Effiċjenza totali u potenza mekkanika ffrankata

L-effiċjenza totali tal-ġeneratur b'mutur 48 V bil-konvertitur 48 V/12 V DC/DC għandha tiġi kkalkulata permezz tal-Formula 3:

Formula 3

Formula

Il-funzjoni ta' ġenerazzjoni tal-ġeneratur b'mutur 48 V bil-konvertitur 48 V/12 V DC/DC twassal għall-iffrankar tal-potenza mekkanika fil-kundizzjonijiet tal-ħajja reali (ΔPmRW) u fil-kundizzjonijiet tal-approvazzjoni tat-tip tal-NEDC (ΔPmTA) kif iddefinit fil-Formula 4.

Formula 4

ΔPm = ΔPmRW – ΔPmTA

Meta l-potenza mekkanika ffrankata fil-kundizzjonijiet tal-ħajja reali (ΔPmRW) tiġi kkalkulata skont il-Formula 5 u l-potenza mekkanika ffrankata fil-kundizzjonijiet tal-approvazzjoni tat-tip tal-NEDC (ΔPmTA) tiġi kkalkulata skont il-Formula 6:

Formula 5

Formula

Formula 6

Formula

meta

PRW	:	Ir-rekwiżit tal-potenza fil-kundizzjonijiet “tal-ħajja reali” [W], li huwa stmat f'livell ta' 750 W
PTA	:	Ir-rekwiżit tal-potenza fil-kundizzjonijiet tal-approvazzjoni tat-tip [W], li huwa stmat f'livell ta' 350 W
ηB	:	L-effiċjenza tal-alternatur ta' referenza [%], jiġifieri 67 %

3.4. Kalkolu tal-iffrankar ta' CO2

L-iffrankar ta' CO2 tal-ġeneratur b'mutur 48 V bil-konvertitur 48 V/12 V DC/DC għandu jiġi kkalkulat skont il-Formula 7:

Formula 7

Formula

meta

Il-veloċità medja tas-sewqan tal-NEDC [km/h], jiġifieri 33,58 km/h

VPe

Il-konsum tal-potenza effettiva speċifikata fit-Tabella 2:

Tabella 2

Konsum tal-potenza effettiva

It-tip ta' magna	Il-konsum tal-potenza effettiva (VPe) [l/kWh]
Petrol	0,264
Petrol Turbo	0,280
Diżil	0,220

Il-fattur ta' konverżjoni (l/100 km) - (g Co2/km) [gCO2/l] kif iddefinit fit-Tabella 3

Tabella 3

Fattur ta' konverżjoni tal-fjuwil

It-tip ta' fjuwil

Il-fattur ta' konverżjoni (l/100 km) - (g CO2/km) (CF)

[gCO2/l]

Petrol

2 330

Diżil

2 640

3.5. Kalkolu tal-marġni tal-istatistika

Il-marġni tal-istatistika fir-riżultati tal-metodoloġija tal-ittestjar li jirriżulta mill-kejl għandu jiġi kkwantifikat. Id-devjazzjoni standard għandha tiġi kkalkulata għal kull punt ta' tħaddim skont il-Formula 8:

Formula 8

Formula

Id-devjazzjoni standard tal-valur tal-effiċjenza tal-ġeneratur b'mutur 48 V effiċjenti ( Formula ) għandha tiġi kkalkulata skont il-Formula 9:

Formula 9

Formula

Id-devjazzjoni standard tal-valur tal-effiċjenza tal-konvertitur 48 V/12 V DC/DC ( Formula ) għandha tiġi kkalkulata skont il-Formula 10:

Formula 10

Formula

Id-devjazzjoni standard tal-effiċjenza tal-ġeneratur b'mutur ( Formula ) u tal-konvertitur 48 V/12 V DC/DC ( Formula ) twassal għal inċertezza fl-iffrankar ta' CO2 ( Formula ). Dik l-inċertezza għandha tiġi kkalkulata skont il-Formula 11:

Formula 11

Formula

4. METODU 2 (“METODU KKOMBINAT”)

4.1. Effiċjenza tal-ġeneratur b'mutur 48 V bil-konvertitur 48 V/12 V DC/DC

L-effiċjenza tal-ġeneratur b'mutur 48 V bil-konvertitur 48 V/12 V DC/DC għandha tiġi ddeterminata skont l-istandard tal-ISO 8854:2012, ħlief għall-elementi speċifikati f'din it-taqsima.

L-awtorità tal-approvazzjoni tat-tip għandha tingħata evidenza li l-firxiet tal-veloċità tal-ġeneratur b'mutur 48 V effiċjenti huma konsistenti ma' dawk deskritti fit-Tabella 1.

Il-kejl għandu jsir f'punti ta' tħaddim differenti, kif iddefinit fit-Tabella 1. L-intensità tal-kurrent tal-ġeneratur b'mutur 48 V effiċjenti bil-konvertitur 48 V/12 V DC/DC għandha tiġi ddefinita bħala nofs il-kurrent nominali tal-konvertitur 48 V/12 V DC/DC għall-punti ta' tħaddim kollha.

Il-kurrent nominali tal-konvertitur 48 V/12 V DC/DC huwa ddefinit bħala l-potenza nominali tal-output tal-konvertitur 48 V/12 V DC/DC diviża b'14,3 V. Il-potenza nominali tal-konvertitur 48 V/12 V DC/DC għandha tkun il-potenza tal-output kontinwu fuq in-naħa tat-12 V iggarantita mill-manifattur tal-konvertitur DC/DC fil-kundizzjonijiet speċifikati fl-ISO 8854:2012.

Għal kull veloċità, il-vultaġġ u l-kurrent tal-output tal-ġeneratur b'mutur għandhom jinżammu kostanti, u l-vultaġġ għandu jkun ta' 52 V.

L-effiċjenza f'kull punt ta' tħaddim għandha tiġi kkalkulata skont il-Formula 12:

Formula 12

Formula

Il-kejl kollu tal-effiċjenza għandu jsir b'mod konsekuttiv għal mill-inqas ħames (5) darbiet. Għandha tiġi kkalkulata l-medja tal-kejl f'kull punt ta' tħaddim ( Formula ).

L-effiċjenza tal-funzjoni ta' ġenerazzjoni (ηTOT) għandha tiġi kkalkulata skont il-Formula 13:

Formula 13

Formula

Il-modalità tal-kejl għandha tippermetti l-kejl tal-effiċjenza tal-ġeneratur b'mutur 48 V mill-funzjoni ta' ġenerazzjoni biss.

4.2. Prova tan-natura konservattiva għad-determinazzjoni tal-effiċjenza tal-ġeneratur b'mutur 48 V b'konvertitur 48 V/12 V DC/DC

Sabiex tintuża l-proċedura speċifikata fil-punt 4.1 għad-determinazzjoni ta'ηTOT, irid jiġi ppruvat li l-effiċjenza tal-ġeneratur b'mutur 48 V waħdu miksuba skont il-kundizzjonijiet speċifikati fil-punt 4.1 hija inqas mill-effiċjenza miksuba skont il-kundizzjonijiet speċifikati fil-punt 3.1.

4.3. Potenza mekkanika ffrankata

Il-funzjoni ta' ġenerazzjoni tal-ġeneratur b'mutur 48 V bil-konvertitur 48 V/12 V DC/DC twassal għall-iffrankar tal-potenza mekkanika fil-kundizzjonijiet tal-ħajja reali u (ΔPmRW) fil-kundizzjonijiet tal-approvazzjoni tat-tip kif stabbilit (ΔPmTA) fil-Formula 14.

Formula 14

ΔPm = ΔPmRW – ΔPmTA

Meta l-potenza mekkanika ffrankata fil-kundizzjonijiet tal-ħajja reali (ΔPmRW) tiġi kkalkulata skont il-Formula 15 u l-potenza mekkanika ffrankata fil-kundizzjonijiet tal-approvazzjoni tat-tip (ΔPmTA) tiġi kkalkulata skont il-Formula 16:

Formula 15

Formula

Formula 16

Formula

meta

PRW	:	Ir-rekwiżit tal-potenza fil-kundizzjonijiet “tal-ħajja reali” [W], li huwa stmat f'livell ta' 750 W
PTA	:	Ir-rekwiżit tal-potenza fil-kundizzjonijiet tal-approvazzjoni tat-tip tal-NEDC [W], li huwa stmat f'livell ta' 350 W
ηB	:	L-effiċjenza tal-alternatur ta' referenza [%], jiġifieri 67 %

4.4. Kalkolu tal-iffrankar ta' CO2

L-iffrankar ta' CO2 tal-ġeneratur b'mutur 48 V bil-konvertitur 48 V/12 V DC/DC għandu jiġi kkalkulat skont il-Formula 17:

Formula 17

Formula

meta

v	:	Il-veloċità medja tas-sewqan tal-NEDC [km/h], jiġifieri 33,58 km/h
VPe	:	Il-konsum tal-potenza effettiva speċifikata fit-Tabella 2
CF	:	Il-fattur ta' konverżjoni (l/100 km) - (g CO2/km) [gCO2/l] kif iddefinit fit-Tabella 3

4.5. Kalkolu tal-marġni tal-istatistika

Formula 18

Formula

Id-devjazzjoni standard tal-valur tal-effiċjenza tal-ġeneratur b'mutur 48 V effiċjenti bil-konvertitur 48 V/12 V DC/DC ( Formula ) għandha tiġi kkalkulata skont il-Formula 19:

Formula 19

Formula

Id-devjazzjoni standard tal-effiċjenza tal-ġeneratur b'mutur u tal-konvertitur 48 V/12 V DC/DC twassal għal inċertezza tal-iffrankar ta' CO2 ( Formula ). Dik l-inċertezza għandha tiġi kkalkulata skont il-Formula 20:

Formula 20

Formula

5. AĠĠUSTAMENT

Il-valur ikkalkulat tal-iffrankar ta' CO2 ( Formula ) u l-marġni tal-istatistika tal-iffrankar ta' CO2 ( Formula ) iridu jiġu aġġustati sa massimu ta' żewġ punti deċimali.

Kull valur użat fil-kalkolu tal-iffrankar ta' CO2 jista' jiġi applikat mingħajr aġġustament jew irid jiġi aġġustat sal-għadd minimu ta' punti deċimali li jippermetti li l-impatt totali massimu (jiġifieri l-impatt ikkombinat tal-valuri aġġustati kollha) fuq l-iffrankar ikun inqas minn 0,25 gCO2/km.

6. SINIFIKANZA STATISTIKA (għaż-żewġ metodi)

Għal kull tip, varjant u verżjoni ta' vettura installata bil-ġeneratur b'mutur 48 V effiċjenti jrid jiġi ppruvat li l-inċertezza tal-iffrankar ta' CO2 ikkalkulata skont il-Formula 7 jew il-Formula 17 ma tkunx ikbar mid-differenza bejn l-iffrankar totali ta' CO2 u l-limitu minimu tal-iffrankar speċifikat fl-Artikolu 9(1) tar-Regolament ta' Implimentazzjoni (UE) Nru 725/2011 (1) u r-Regolament ta' Implimentazzjoni tal-Kummissjoni (UE) Nru 427/2014 (ara l-Formula 21).

Formula 21

Formula

Meta:

Il-limitu minimu [g CO2/km]

Formula

L-iffrankar totali ta' CO2 [g CO2/km]

Formula

Id-devjazzjoni standard tal-iffrankar totali ta' CO2 [gCO2/km]

Formula

Il-koeffiċjent tal-korrezzjoni tas-CO2 minħabba d-differenza tal-massa pożittiva bejn il-ġeneratur b'mutur 48 V effiċjenti b'konvertitur 48 V/12 V DC-DC u l-alternatur ta' referenza. Għal Formula għandha tintuża d-data mogħtija fit-Tabella 4.

Tabella 4

Koeffiċjent tal-korrezzjoni tas-CO2 minħabba l-massa żejda

It-tip ta' fjuwil

Il-koeffiċjent tal-korrezzjoni tas-CO2 minħabba d-differenza pożittiva tal-massa ( Formula )

[g CO2/km]

Petrol

0.0277 · Δm

Diżil

0.0383 · Δm

Δm (fit-Tabella 4) hija l-massa żejda minħabba l-installazzjoni tal-ġeneratur b'mutur 48 V u l-konvertitur 48 V/12 V DC-DC. Din hija d-differenza pożittiva bejn il-massa tal-ġeneratur b'mutur 48 V bil-konvertitur 48 V/12 V DC-DC u l-massa tal-alternatur ta' referenza. Il-massa tal-alternatur ta' referenza hija ta' 7 kg. Il-massa żejda trid tiġi vverifikata u kkonfermata fir-rapport ta' verifika li jrid jintbagħat lill-awtorità tal-approvazzjoni tat-tip flimkien mal-applikazzjoni għaċ-ċertifikazzjonijiet.

(1) Ir-Regolament ta' Implimentazzjoni tal-Kummissjoni (UE) Nru 725/2011 tal-25 ta' Lulju 2011 li jistabbilixxi proċedura għall-approvazzjoni u ċ-ċertifikazzjoni ta' teknoloġiji innovattivi għat-tnaqqis tal-emissjonijiet ta' CO2 minn karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 194, 26.7.2011, p. 19).