|
18.2.2019 |
MT |
Il-Ġurnal Uffiċjali tal-Unjoni Ewropea |
C 63/4 |
DEĊIŻJONI TAL-KUMMISSJONI
tal-14 ta’ Frar 2019
li taħtar tmien membri tal-Kumitat Konsultattiv Ewropew tal-Istatistika
(2019/C 63/05)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni Nru 234/2008/KE tal-Parlament Ewropew u tal-Kunsill tal-11 ta’ Marzu 2008 li tistabbilixxi l-Kumitat Ewropew ta’ Konsultazzjoni dwar il-Politika Komunitarja ta’ Tagħrif Statistiku u li tħassar id-Deċizjoni tal-Kunsill 91/116/KEE (1), u b’mod partikolari l-Artikolu 4(1)(a) tagħha,
Billi:
|
(1) |
Il-Kumitat Konsultattiv Ewropew tal-Istatistika huwa magħmul minn 24 membru. |
|
(2) |
Skont l-Artikolu 4(1) tad-Deċiżjoni Nru 234/2008/KE, tnax-il membru għandhom ikunu maħtura mill-Kummissjoni, wara li din tkun ikkonsultat mal-Parlament Ewropew u mal-Kunsill. Erbgħa mit-tnax-il membru msemmija hawn fuq inħatru għal termini ta’ ħames (5) snin bid-Deċiżjoni tal-Kummissjoni 2016/C12/02, u l-mandati rispettivi tagħhom jintemmu fl-2020. |
|
(3) |
L-Istati Membri pprovdew lill-Kummissjoni b’lista ta’ kandidati li għandhom kwalifiki stabbiliti sew fil-qasam tal-istatistika. |
|
(4) |
Meta taħtar lil dawn it-tmien membri, il-Kummissjoni pprovat tiżgura li huma jirrappreżentaw b’mod ugwali lill-utenti, lil min iwieġeb u lill-partijiet l-oħra ikkonċernati fl-istatistika tal-Unjoni (fosthom il-komunità xjentifika, il-partijiet soċjali u s-soċjetà ċivili). |
|
(5) |
Tiġi stabbilita lista ta’ riżerva biex tintuża kemm-il darba xi membru maħtur jirriżenja jew ikun indispost mingħajr preavviż. Fl-għażla tal-membri mil-lista ta’ riżerva l-Kummissjoni għandha tagħmel ħilitha biex iżżomm il-bilanċ bejn il-gruppi ta’ utenti. |
ADOTTAT DIN ID-DEĊIŻJONI:
Artikolu 1
Il-persuni msemmija fl-Anness huma b’dan maħtura bħala membri tal-Kumitat Konsultattiv Ewropew tal-Istatistika għal terminu ta’ ħames (5) snin li jibda mid-9 ta’ Mejju 2019.
Artikolu 2
Din id-Deċiżjoni għandha tidħol fis-seħħ l-għada tal-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, l-14 ta’ Frar 2019.
Għall-Kummissjoni
Il-President
Jean-Claude JUNCKER
ANNESS
|
|
Axel BÖRSCH-SUPAN, |
|
|
Maria João CASANOVA DE ARAÚJO E SÁ VALENTE ROSA, |
|
|
Audronė JAKAITIENĖ, |
|
|
Sune KARLSSON, |
|
|
András MÁTH, |
|
|
Marie BOHATÁ, |
|
|
Peter VAN DER HEIJDEN, |
|
|
Tõnu KOLLO. |
Lista ta’ riżerva:
|
|
Marcel DAS, |
|
|
Domantas JASILIONIS. |