IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (UE) 2015/1588 tat-13 ta' Lulju 2015 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għal ċerti kategoriji ta' għajnuna mill-Istat orizzontali (1), u b'mod partikolari l-Artikolu 2(1) tiegħu,

Wara li kkonsultat lill-Kumitat Konsultattiv dwar l-Għajnuna mill-Istat,

Billi:

(1)

Skont ir-Regolament tal-Kummissjoni (UE) Nru 360/2012 (2), l-għajnuna taħt ċertu limitu mogħtija lill-impriżi għall-forniment ta' servizz ta' interess ekonomiku ġenerali titqies li ma tissodisfax il-kriterji kollha tal-Artikolu 107(1) tat-Trattat u hija, għalhekk, eżentata mill-ħtieġa ta' notifika tal-Artikolu 108(3) tat-Trattat, soġġett għal ċerti kundizzjonijiet.

(2)	Ir-Regolament (UE) Nru 360/2012 se jiskadi fil-31 ta' Diċembru 2018.

(3)

Fuq il-bażi tal-esperjenza tal-Kummissjoni fl-applikazzjoni tar-Regolament (UE) Nru 360/2012, jidher li l-ġustifikazzjonijiet għall-eżenzjoni ta' tali miżuri ta' kumpens mill-ħtieġa ta' notifika għadhom validi u li l-kundizzjonijiet li abbażi tagħhom ġew determinati l-ambitu u l-kontenut tar-Regolament (UE) Nru 360/2012 ma nbidlux b'mod sostanzjali. Ir-Regolament jipprovdi ċertezza legali u jnaqqas il-piż amministrattiv fir-rigward tal-miżuri de minimis mogħtija lill-impriżi li jipprovdu servizzi ta' interess ekonomiku ġenerali. Sabiex tiġi pprovduta l-kontinwità u tiġi evitata ż-żieda fl-ispejjeż ta' konformità fir-rigward tas-servizzi kkonċernati, ikun tajjeb li f'din il-fażi jiġi evitat li jiġi introdott tibdil.

(4)	Għalhekk, jenħtieġ li l-perjodu tal-applikazzjoni tar-Regolament (UE) Nru 360/2012 jiġi estiż b'sentejn.

(5)	Jenħtieġ, għalhekk, li r-Regolament (UE) Nru 360/2012 jiġi emendat b'dan il-mod,

ADOTTAT DAN IR-REGOLAMENT:

(2) Ir-Regolament tal-Kummissjoni (UE) Nru 360/2012 tal-25 ta' April 2012 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għall-għajnuna de minimis mogħtija lil impriżi li jipprovdu servizzi ta' interess ekonomiku ġenerali (ĠU L 114, 26.4.2012, p. 8).