(1)

L-Artikolu 27(1) tar-Regolament (UE) 2016/1011 jirrikjedi li l-amministraturi jippubblikaw dikjarazzjoni ta' referenza għall-parametru referenzjarju jew, fejn applikabbli, għal familja ta' parametri referenzjarji jekk tista' tintuża fl-Unjoni.

(2)

Jenħtieġ li d-dikjarazzjonijiet tal-parametru referenzjarju jinkludu informazzjoni komprensiva dwar is-suq jew ir-realtà ekonomika li l-parametru referenzjarju jew il-familja ta' parametri referenzjarji huma maħsuba li jkejlu, flimkien ma' spjegazzjoni ta' meta l-kejl ta' dak is-suq jew ir-realtà ekonomika jista' jsir mhux kredibbli. Dan huwa minħabba li utenti u utenti potenzjali joqogħdu fuq din l-informazzjoni sabiex jifhmu b'mod sħiħ il-parametru referenzjarju jew il-familja ta' parametri referenzjarji.

(3)

Jenħtieġ li d-dikjarazzjonijiet tal-parametru referenzjarju jindikaw l-elementi diskrezzjonali fil-metodoloġija tal-parametru referenzjarju, kif ukoll il-proċess għal kull valutazzjoni ex post tal-użu ta' tali diskrezzjoni. Din l-informazzjoni hija importanti biex tiżgura li l-utenti u l-utenti potenzjali jifhmu is-suxxettibbiltà tal-parametru referenzjarju jew il-familja ta' parametri referenzjarji għall-manipulazzjoni.

(4)

Tipi differenti ta' parametri referenzjarji (jiġifieri, parametri referenzjarji ta' data regolata, parametri referenzjarji tar-rati tal-imgħax, parametri referenzjarji tal-komoditajiet, parametri referenzjarji ta' importanza kritika, parametri referenzjarji sinifikanti u parametri referenzjarji mhux sinifikanti) huma soġġetti għal rekwiżiti differenti skont ir-Regolament (UE) 2016/1011. Jenħtieġ li d-dikjarazzjoni ta' parametru referenzjarju għalhekk tidentifika b'mod ċar u mhux ambigwu t-tip jew it-tipi ta' parametri referenzjarji li għalihom il-parametru referenzjarju jew il-familja ta' parametri referenzjarji jappartjenu.

(5)

Fir-rigward ta' parametri referenzjarji ta' importanza kritika, jenħtieġ li d-dikjarazzjoni tal-parametru referenzjarju tinkludi informazzjoni addizzjonali li tispjega għaliex il-parametru referenzjarju huwa rikonoxxut skont ir-Regolament (UE) 2016/1011 bħala ta' importanza kritika, sabiex l-utenti u l-utenti potenzjali jkollhom għad-dispożizzjoni tagħhom it-tagħrif meħtieġ biex jifhmu l-bażi li fuqha ġie rikonoxxut bħala parametru referenzjarju ta' importanza kritika.

(6)

L-użu tad-data regolata jeħles lill-amministraturi u l-kontributuri tagħhom minn ċerti obbligi skont ir-Regolament (UE) 2016/1011. Għall-parametri referenzjarji ta' data rregolata, jenħtieġ li l-amministraturi għalhekk ikunu meħtieġa li jindikaw is-sorsi tad-data tagħhom u dak li jikkwalifika l-parametru referenzjarju bħala parametru referenzjarju ta' data regolata.

(7)

Minħabba n-natura partikolari tagħhom, il-parametri referenzjarji tar-rati tal-imgħax u l-parametri referenzjarji tal-komoditajiet għandhom jikkonformaw mad-dispożizzjonijiet tal-annessi speċifiċi tar-Regolament (UE) 2016/1011 minflok jew flimkien mal-konformità mat-Titolu II ta' dak ir-Regolament. Jenħtieġ li l-amministraturi ta' tali parametri referenzjarji jindikaw dan fid-dikjarazzjoni tal-parametru referenzjarju sabiex l-utenti u l-utenti potenzjali jkunu konxji ta' dan.

(8)

L-amministraturi tal-parametri referenzjarji ta' importanza kritika għandhom jikkonformaw ma' reġim regolatorju msaħħaħ skont ir-Regolament (UE) 2016/1011. Għalhekk huwa importanti li l-utenti u l-utenti potenzjali jkunu informati b'mod xieraq dwar dan.

(9)

Jekk parametru referenzjarju jippreżenta l-karatteristiċi ta' tipi differenti ta' parametri referenzjarji, jenħtieġ li d-dispożizzjonijiet speċifiċi f'dan ir-Regolament b'rabta ma' dawn it-tipi differenti ta' parametri referenzjarji japplikaw b'mod parallel u b'żieda mar-rekwiżiti ta' żvelar ġenerali, sabiex jipprovdu lill-utenti u lill-utenti potenzjali b'informazzjoni komprensiva dwar il-karatteristiċi kollha tal-parametru referenzjarju.

(10)

F'konformità mal-prinċipju tal-proporzjonalità, dan ir-Regolament jevita li jpoġġi piż amministrattiv eċċessiv fuq l-amministraturi ta' parametri referenzjarji sinifikanti u mhux sinifikanti billi jirrikjedi ġabra aktar limitata tal-informazzjoni li għandha tiġi inkluża fid-dikjarazzjoni ta' parametru referenzjarju sinifikanti u għall-parametri referenzjarji mhux sinifikanti.

(11)

Dan ir-Regolament huwa bbażat fuq l-istandards tekniċi regolatorji abbozzati ppreżentati mill-Awtorità Ewropea tat-Titoli u s-Swieq lill-Kummissjoni.

(12)

L-Awtorità Ewropea tat-Titoli u s-Swieq wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li fuqhom huwa bbażat dan ir-Regolament, analizzat l-ispejjeż u l-benefiċċji potenzjali relatati u talbet l-opinjoni tal-Grupp tal-Partijiet Konċernati tat-Titoli u s-Swieq stabbilit mill-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (2).

(13)

Sabiex ikun hemm konsistenza mar-Regolament Delegat li jispeċifika aktar l-elementi tal-kodiċi ta' kondotta li għandhom jiġu żviluppati mill-amministraturi ta' parametri referenzjarji li huma bbażati fuq data tal-input mill-kontributuri, huwa xieraq li l-applikazzjoni ta' dan ir-Regolament Delegat tiġi posposta b'xahrejn,

(a)

is-sorsi tad-data tal-input użati;

(b)

għal kull sors, it-tip rilevanti, kif elenkat fl-Artikolu 3(1)(24) tar-Regolament (UE) 2016/1011.

(a)

referenza li twissi lill-utenti dwar ir-reġim regolatorju addizzjonali applikabbli għall-parametri referenzjarji tar-rati tal-imgħax skont l-Anness I tar-Regolament (UE) 2016/1011;

(b)

deskrizzjoni tal-arranġamenti li ddaħħlu fis-seħħ biex jikkonformaw ma' dan l-Anness.

(a)

tindika jekk ir-rekwiżiti tat-Titolu II, jew l-Anness II, tar-Regolament (UE) 2016/1011 japplikawx għall-parametru referenzjarju jew għall-familja ta' parametri referenzjarji kif deskritt fl-Artikolu 19 ta' dak ir-Regolament;

(b)

tinkludi spjegazzjoni dwar ir-raġuni għaliex japplika t-Titolu II jew, kif jista' jkun il-każ, l-Anness II ta' dak ir-Regolament;

(c)

tinkludi fid-definizzjonijiet tat-termini ewlenin deskrizzjoni qasira tal-kriterji li jiddefinixxu l-komodità fiżika sottostanti rilevanti;

(d)

fejn applikabbli, tindika fejn huma ppubblikati l-ispjegazzjonijiet li l-amministratur huwa obbligat jippubblika skont il-paragrafu 7 tal-Anness II ta' dak ir-Regolament.

(a)

referenza li twissi lill-utenti bir-reġim regolatorju msaħħaħ applikabbli għal parametri referenzjarji ta' importanza kritika skont ir-Regolament (UE) 2016/1011;

(b)

dikjarazzjoni li tindika kif l-utenti se jiġu informati b'kull dewmien fil-pubblikazzjoni ta' parametru referenzjarju jew ta' kwalunkwe determinazzjoni mill-ġdid tal-parametru referenzjarju, u jindikaw it-tul ta' żmien (mistenni) tal-miżuri.

(a)

kull meta jkun hemm bidla fit-tip ta' parametru referenzjarju;

(b)

kull meta jkun hemm bidla materjali fil-metodoloġija użata biex jiġi ddeterminat il-parametru referenzjarju jew, jekk id-dikjarazzjoni tal-parametru referenzjarju hija għal familja ta' parametri referenzjarji, il-metodoloġija użata għad-determinazzjoni ta' kull parametru referenzjarju fil-familja ta' parametri referenzjarji.