REGOLAMENT TA' IMPLIMENTAZZJONI TAL-KUMMISSJONI (UE) 2018/1263

tal-20 ta' Settembru 2018

li jistabbilixxi l-formoli għat-tressiq ta' informazzjoni minn fornituri tas-servizzi tal-konsenja tal-pakketti skont ir-Regolament (UE) 2018/644 tal-Parlament Ewropew u tal-Kunsill

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2018/644 tal-Parlament Ewropew u tal-Kunsill tat-18 ta' April 2018 dwar servizzi tal-konsenja tal-pakketti transkonfini (1), u b'mod partikulari l-Artikolu 4(4) tiegħu,

Billi:

(1)

Ir-Regolament (UE) 2018/644 jistabbilixxi dispożizzjonijiet speċifiċi biex jitrawmu servizzi aħjar tal-konsenja tal-pakketti transkonfini, minbarra dawk stabbiliti fid-Direttiva 97/67/KE tal-Parlament Ewropew u tal-Kunsill (2). Dawk id-dispożizzjonijiet jikkonċernaw, b'mod partikulari, is-sorveljanza regolatorja marbuta mas-servizzi tal-konsenja tal-pakketti, kif ukoll it-trasparenza tat-tariffi għal ċerti servizzi tal-konsenja tal-pakketti transkonfini.

(2)	Ir-Regolament (UE) 2018/644 jirrikjedi li l-fornituri tas-servizzi tal-konsenja tal-pakketti jressqu informazzjoni dwarhom infushom lill-awtorità regolatorja nazzjonali tal-Istat Membru li fih huma stabbiliti, permezz ta' formola stabbilita mill-Kummissjoni.

(3)

L-Artikolu 4(1) tar-Regolament (UE) 2018/644 jirrikedji li l-fornituri tas-servizzi tal-konsenja tal-pakketti jressqu informazzjoni darba biss, u li jinfurmaw lill-awtorità regolatorja nazzjonali b'kull bidla f'dik l-informazzjoni fi żmien 30 jum. L-Artikolu 4(3) tar-Regolament (UE) 2018/644 jirrikjedi li l-fornituri tas-servizzi tal-konsenja tal-pakketti jressqu informazzjoni dwar l-attivitajiet tagħhom kull sena. Jixraq għalhekk li jiġu stabbiliti żewġ formoli għat-tressiq ta' dik l-informazzjoni.

(4)

Sabiex jiġi evitat l-għadd doppju tal-pakketti, jenħtieġ li l-fornituri tas-servizzi tal-konsenja tal-pakketti, meta jipprovdu informazzjoni dwar in-numru u l-fatturat tal-pakketti ttrattati tul l-aħħar sena kalendarja, jindikaw jekk is-servizzi tal-konsenja tal-pakketti humiex ikkuntrattati mal-mittent jew inkella ikunux qegħdin jitwettqu f'isem fornitur oħra tas-servizzi tal-konsenja tal-pakketti. L-informazzjoni mressqa għandha tinkludi wkoll informazzjoni dwar jekk il-pakketti humiex qegħdin jintbagħtu lejn jew jaslu minn destinazzjonijiet ġewwa l-Unjoni jew barra minnha, billi dan ikollu impatt fuq il-passi fil-katina tal-konsenja postali li jieħu l-istess fornitur.

(5)	Ġaladarba l-informazzjoni rikjesta għandha tiġi pproċessata mill-awtoritajiet regolatorji nazzjonali tal-Istati Membri, u fid-dawl tal-għarfien espert ta' dawk l-awtoritajiet, il-formoli tfasslu f'kooperazzjoni mill-qrib mal-Grupp Ewropew tar-Regolaturi tas-Servizzi Postali.

(6)	Il-miżuri previsti f'dan ir-Regolament huma skont l-opinjoni tal-Kumitat stabbilit bl-Artikolu 21 tad-Direttiva 97/67/KE,

ADOTTAT DAN IR-REGOLAMENT:

Artikolu 1

Il-formoli għat-tressiq tal-informazzjoni msemmija fil-paragrafi 1 u 3 tal-Artikolu 4 tar-Regolament (UE) 2018/644 huma stabbiliti fl-Annessi I u II ta' dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-20 ta' Settembru 2018.

Għall-Kummissjoni

Il-President

Jean-Claude JUNCKER

(1) ĠU L 112, 2.5.2018, p. 19.

(2) Id-Direttiva 97/67/KE tal-Parlament Ewropew u tal-Kunsill tal-15 ta' Diċembru 1997 dwar regoli komuni għall-iżvilupp tas-suq intern tas-servizzi postali tal-Komunità u t-titjib fil-kwalità tas-servizz (ĠU L 15, 21.1.1998, p. 14).

ANNESS I

Test ta 'immaġni

Formola għat-tressiq tal-informazzjoni msemmija fl-Artikolu 4(1) tar-Regolament (UE) 2018/644 (1)

Tabella 1. Informazzjoni dwar il-fornitur tas-servizzi tal-konsenja tal-pakketti.

Isem

Status u forma legali

Numru ta’ reġistrazzjoni f’reġistru kummerċjali jew simili

Numru ta’ identifikazzjoni tal-VAT

Indirizz tal-istabbiliment

Jekk applikabbli, isem il-grupp jew in-netwerk ta’ konċessjonijiet ta’ fornituri tas-servizzi tal-konsenja tal-pakketti li għandu s-sjieda tal-fornitur tas-servizzi tal-konsenja tal-pakketti.

Data tat-tressiq

Tabella 2. Dettalji ta’ kuntatt ta’ persuna ta’ kuntatt.

Isem u kunjom

Kariga

Indirizz elettroniku

Numru tat-telefon

Tabella 3. Karatteristiċi tas-servizzi offruti tal-konsenja tal-pakketti (2).

Passi fil-katina tal-konsenja postali

Ġbir

Issortjar

Trasport

Tqassim

Fl-ambitutal-OSU (3)

Barra l-ambitu tal-OSU

Noti/kummenti

Tabella 4. Deskrizzjoni ddettaljata tas-servizzi offruti tal-konsenja tal-pakketti (4).

Tabella 5. Termini u kundizzjonijiet ġenerali għas-servizzi tal-konsenja tal-pakketti (5).

Link(s):

(1) Skont l-Artikolu 4(5) tar-Regolament (UE) 2018/644, l-awtoritajiet regolatorji nazzjonali jistgħu jimponu rekwiżiti tal-informazzjoni addizzjonali flimkien ma’ dawk imsemmija fl-Artikolu 4(1) tal-istess Regolament. Ir-rekwiżit li titressaq l-informazzjoni msemmija fl-Artikolu 4(1) tar-Regolament (UE) 2018/644 huwa soġġett għall-paragrafi 6 u 7 tal-Artikolu 4 ta’ dak ir-Regolament.

(2) Ittikkja l-kaxex li jikkorrispondu għas-servizzi offruti. Tittikkjax il-kaxxa jekk is-servizz huwa offrut minn sottokuntrattur.

(3) Obbligu tas-servizz universali.

(4) Agħti din l-informazzjoni fejn possibbli, u indika jekk huwiex offrut valur miżjud.

(5) Ehmeż kopja tad-dokumenti rilevanti f’Anness ma’ din il-formola. Agħti wkoll dettalji ta’ proċeduri ta’ lmenti għall-utenti, kif ukoll kwalunkwe limitazzjoni potenzjali tar-responsabbiltà. Jekk id-dokumenti rilevanti huma disponibbli fuq l-Internet, agħti l-link(s).

ANNESS II

Test ta 'immaġni

Tabella 4. Isem is-sottokuntratturi tal-fornituri tas-servizzi tal-konsenja tal-pakketti (11)

Numerazzjoni tas-sottokuntratturi

Isem is-sottokuntrattur

Kummenti

(…) (12)

(…)

Tabella 5. Kwalunkwe lista ta’ prezzijiet aċċessibbli għall-pubbliku applikabbli fl-1 ta’ Jannar ta’ kull sena kalendarja għal servizzi tal-konsenja tal-pakketti (13).

Lista mehmuża bħala Anness .... ….

Link(s):

(1) Skont l-Artikolu 4(5) tar-Regolament (UE) 2018/644, l-awtoritajiet regolatorji nazzjonali jistgħu jimponu rekwiżiti tal-informazzjoni addizzjonali flimkien ma’ dawk imsemmija fl-Artikolu 4(3) ta’ dak ir-Regolament. Ir-rekwiżit li titressaq l-informazzjoni msemmija fl-Artikolu 4(3) tar-Regolament (UE) 2018/644 huwa soġġett għall-paragrafi 6 u 7 tal-Artikolu 4 ta’ dak ir-Regolament.

(2) Skont l-Artikolu 4(3), il-formola għandha titressaq sat-30 ta’ Ġunju ta’ kull sena kalendarja.

(3) Inkludi l-elementi ġġenerati minn attivitajiet marbutin kemm mal-pakketti standard u kemm mat-trasport tal-merkanzija ttrattati fil-fluss tal-posta tal-ittri.

(4) Fejn l-informazzjoni mogħtija tkun ibbażata fuq stima, iddeskrivi l-bażi ta’ dik l-istima.

(5) Agħti informazzjoni dwar is-servizzi effettivi tal-konsenja tal-pakketti pprovduti minn stabbiliment fi Stat Membru mis-sena kalendarja preċedenti (imsemmija iktar ’il fuq bħala s-“sena li għaliha qed titressaq l-informazzjoni”).

(6) Indika f’eluf (‘000).

(7) Indika f’eluf tal-munita nazzjonali, għajr il-VAT.

(8) Agħti stima tan-numru ta’ sottokuntratturi li jipprovdu kwalunkwe mis-servizzi fil-katina tal-konsenja postali.

(9) Agħti n-numru ta’ sottokuntratturi involuti f’kull pass rilevanti (l-ammont jista’ jaqbeż in-numru totali ta’ sottokuntratturi, billi wħud mis-sottokuntratturi jistgħu jipprovdu servizzi f’diversi stadji).

(10) Agħti l-ismijiet tal-ikbar ħames sottokuntratturi, u indika liema passi tal-katina tal-konsenja jipprovdu.

(11) Agħti informazzjoni dwar is-sottokuntratturi tul is-sena kalendarja preċendenti.

(12) Agħti informazzjoni direttament fit-tabella, jew inkella ehmeż dokument ma’ din il-formola li jelenka s-sottokuntratturi.

(13) Ehmeż il-lista ma’ din il-formola, u jekk il-lista hija disponibbli fuq l-Internet, agħti l-link(s).