(1)

Bir-Regolament tal-Kummissjoni (KE) Nru 690/2008 (2) ċerti Stati Membri u ċerti żoni fi Stati Membri ġew rikonoxxuti bħala żoni protetti fir-rigward ta' ċerti organiżmi ta' ħsara. F'ċerti każijiet ingħata rikonoxximent għal perjodu ta' żmien limitat biex l-Istat Membru kkonċernat ikun jista' jipprovdi l-informazzjoni sħiħa meħtieġa biex juri li l-organiżmi ta' ħsara inkwistjoni ma jeżistux fl-Istat Membru jew fiż-żona kkonċernata, jew biex itemm bl-isforzi sabiex l-organiżmu inkwistjoni jinqered. Minn dak iż-żmien, kien hemm żviluppi sinifikanti fl-istatus tas-saħħa tal-pjanti ta' ċerti żoni protetti f'xi Stati Membri.

(2)

It-territorju tal-Finlandja ġie rikonoxxut bħala żona protetta permanenti fir-rigward tal-Bemisia tabaci Genn. (Popolazzjonijiet Ewropej). Il-Finlandja talbet ir-revoka tal-istatus ta' żona protetta tagħha minħabba livell insuffiċjenti ta' benefiċċju ekonomiku kontinwu u għas-saħħa tal-pjanti. Għalhekk, jenħtieġ li l-Finlandja ma tibqax tiġi rikonoxxuta bħala żona protetta fir-rigward tal-Bemisia tabaci Genn (popolazzjonijiet Ewropej).

(3)

Sat-30 ta' April 2018 it-territorju tal-Azores fil-Portugall ġie rikonoxxut bħala żona protetta fir-rigward tal-Globodera pallida (Stone) Behrens, tal-Globodera rostochiensis (Wollenweber) Behrens u tar-Rhynchophorus ferrugineus (Olivier). Minn aktar informazzjoni pprovduta mill-Portugall, jidher li t-territorju tal-Azores għadu ħieles minn dawk l-organiżmi. Għalhekk, jenħtieġ li l-Azores jiġi rikonoxxut bħala żona protetta fir-rigward ta' dawk l-organiżmi ta' ħsara mingħajr ebda limitu ta' żmien.

(4)

L-Irlanda u r-Renju Unit talbu li t-territorji tal-Irlanda u tal-Irlanda ta' Fuq, rispettivament, jiġu rikonoxxuti bħala żoni protetta fir-rigward tal-Liriomyza huidobrensis (Blanchard) u tal-Liriomyza trifolii (Burgess). Fuq il-bażi tal-istħarriġ li sar mill-2011 'il quddiem, l-Irlanda u mill-2012 fl-Irlanda ta' Fuq fir-Renju Unit, l-Irlanda u r-Renju Unit ippreżentaw evidenza li l-organiżmi ta' ħsara kkonċernati ma jokkorrux fit-territorji rispettivi, minkejja l-kundizzjonijiet favorevoli biex dawk l-organiżmi jistabbilixxu ruħhom hemmhekk. Madankollu, jeħtieġ li jsir aktar stħarriġ. Dak l-istħarriġ għandu jiġi mmonitorjat ulterjorment minn esperti taħt l-awtorità tal-Kummissjoni. Għalhekk, jenħtieġ li l-Irlanda u l-Irlanda ta' Fuq fir-Renju Unit jiġu rikonoxxuti bħala żona protetta fir-rigward tal-Liriomyza huidobrensis u tal-Liriomyza trifolii sat-30 ta' April 2020.

(5)

It-territorji tal-Irlanda, ta' Malta u tar-Renju Unit ġew rikonoxxuti sat-30 ta' April 2018 bħala żona protetta fir-rigward tal-Paysandisia archon (Burmeister). Minn aktar informazzjoni pprovduta mill-Irlanda, minn Malta u mir-Renju Unit, jidher li t-territorji tagħhom għadhom ħielsa minn dak l-organiżmu. Għalhekk, jenħtieġ li l-Irlanda, Malta u r-Renju Unit jiġu rikonoxxuti bħala żona protetta fir-rigward tal-Paysandisia archon mingħajr ebda limitu ta' żmien.

(6)

It-territorji tal-Irlanda u tar-Renju Unit ġew rikonoxxuti sat-30 ta' April 2018 bħala żona protetta fir-rigward tar-Rhynchophorus ferrugineus (Olivier). Minn aktar informazzjoni pprovduta mill-Irlanda u r-Renju Unit, jidher li t-territorji tagħhom għadhom ħielsa minn dak l-organiżmu. Għalhekk, jenħtieġ li l-Irlanda u r-Renju Unit jiġu rikonoxxuti bħala żona protetta fir-rigward tar-Rhynchophorus ferrugineus mingħajr ebda limitu ta' żmien.

(7)

It-territorji tar-Renju Unit ġie rikonoxxut sat-30 ta' April 2018 bħala żona protetta fir-rigward tat-Thaumetopoea pityocampa Denis & Schiffermüller u tal-“Candidatus Phytoplasma ulmi”. Minn aktar informazzjoni pprovduta mir-Renju Unit, jidher li t-territorji tiegħu għadu ħieles minn dawk l-organiżmi ta' ħsara. Għalhekk, jenħtieġ li r-Renju Unit jiġi rikonoxxut bħala żona protetta fir-rigward tat-Thaumetopoea pityocampa Denis & Schiffermüller u tal-“Candidatus Phytoplasma ulmi” mingħajr ebda limitu ta' żmien.

(8)

It-territorju tar-Renju Unit, bl-eċċezzjoni ta' ċerti żoni tal-awtoritajiet lokali, ġie rikonoxxut bħala żona protetta fir-rigward tat-Thaumetopoea processionea L. sat-30 ta' April 2018. Ir-Renju Unit ippreżenta informazzjoni li turi li t-Thaumetopoea processionea L. issa hija stabbilita fiż-żoni tal-awtorità lokali ta' Barking u Dagenham; Basildon; Basingstoke u Dene; Bexley; Bracknell Forest; Brentwood; Broxbourne; Castle Point; Chelmsford; Chiltem; Crawley; Dacorum; Dartford; East Hertfordshire; Enfield; Epping tal-Foresti; Gravesham; Greenwich; Harlow; Hart; Havering; Hertsmere; Horsham; Littlesford; Medway; Mid Sussex; Mole Valley; Newham; North Hertfordshire; Redbridge; Reigate u Banstead; Rushmoor; Sevenoaks; South Bedfordshire; South Bucks; St Albans; Surrey Heath; Tandridge; Three Rivers; Thurrock; Tonbridge u Malling; Waltham Forest; Watford; Waverley; Welwyn Hatfield; Windsor u Maidenhead, Wokingham u Wycombe. Għalhekk, jenħtieġ li dawk iż-żoni ma jibqgħux jiġu rikonoxxuti bħala parti miż-żona protetta tar-Renju Unit u jiżdiedu mal-lista ta l-awtorità lokali fiż-żoni esklużi miż-żona protetta. Dik l-informazzjoni turi wkoll li l-kumplament tat-territorju tar-Renju Unit, li ġie rikonoxxut bħala żona protetta fir-rigward tat-Thaumetopoea processionea L. jidher li għadu ħieles minn dak l-organiżmu ta' ħsara. Madankollu, jeħtieġ li jsir aktar stħarriġ. Dak l-istħarriġ għandu jiġi mmonitorjat ulterjorment minn esperti taħt l-awtorità tal-Kummissjoni. Għalhekk, jenħtieġ li r-Renju Unit, bl-eċċezzjoni ta' ċerti żoni tal-awtoritajiet lokali, ikompli jiġi rikonoxxut bħala żona protetta fir-rigward tat-Thaumetopoea processionea L. sat-30 ta' April 2020 biss.

(9)

Ċerti partijiet tat-territorju ta' Sqallija fl-Italja ġew rikonoxxuti bħala żona protetta permanenti fir-rigward tal-Erwinia amylovora (Burr.) Winsl. et al. L-Italja ppreżentat informazzjoni li turi li l-Erwinia amylovora (Burr.) Winsl. et al. issa hija stabbilita fil-muniċipalitajiet ta' Cesarò (Provinċja ta' Messina), Maniace, Bronte, Adrano (Provinċja ta' Catania) u Centuripe, Regalbuto u Troina (Provinċja ta' Enna) fi Sqalllija. Għalhekk jenħtieġ li l-muniċipalitajiet ta' Cesarò (Provinċja ta' Messina), Maniace, Bronte, (Provinċja ta' Catania) u Centuripe u Regalbuto u Troina (Provinċja ta' Enna) ma jibqgħux jiġu rikonoxxuti bħala parti miż-żona protetta tal-Italja fi Sqallija fir-rigward tal-Erwinia amylovora (Burr.) Winsl. et al.

(10)

Barra minn hekk, ċerti partijiet tat-territorju tal-Italja ġew rikonoxxuti bħala żona protetti fir-rigward tal-Erwinia amylovora (Burr.) Winsl. et al. sat-30 ta' April 2018. L-Italja ippreżentat informazzjoni li turi li l-Erwinia amylovora (Burr.) Winsl. et al. issa hija stabbilita fil-provinċji ta' Parma u Piacenza, li huma l-uniċi partijiet li fadal tal-Emilia-Romagna li huma rikonoxxuti bħal żona protetta fir-rigward tal-Erwinia amylovora (Burr.) Winsl. et al. Għalhekk, jenħtieġ li l-Emilia Romagna ma tibqax tiġi rikonoxxuta bħala parti miż-żona protetta tal-Italja. Dik l-informazzjoni turi wkoll li l-kumplament tat-territorju tal-Italja li ġie rikonoxxut bħala żona protetta fir-rigward tal-Erwinia amylovora (Burr.) Winsl. et al. sat-30 ta' April 2018 jidher li għadu ħieles minn dak l-organiżmu ta' ħsara. Madankollu, jeħtieġ li jsir aktar stħarriġ. Dak l-istħarriġ jenħtieġ li jiġi mmonitorjat ulterjorment minn esperti taħt l-awtorità tal-Kummissjoni. Għalhekk, jenħtieġ li t-territorju tal-Italja li ġie rikonoxxut bħala żona protetta fir-rigward tal-Erwinia amylovora (Burr.) Winsl. et al. sat-30 ta' April 2018, bl-eċċezzjoni ta' ċerti provinċji, inklużi dawk ta' Parma u Piacenza f'Emilia-Romagna, jiġi rikonoxxut bħala żona protetta fir-rigward tal-Erwinia amylovora (Burr.) Winsl. et al. sat-30 ta' April 2020.

(11)

It-territorju tal-Irlanda ta' Fuq, bl-eċċezzjoni ta' ċerti artijiet muniċipali, ġie rikonoxxut bħala parti miż-żona protetta tar-Renju Unit fir-rigward tal-Erwinia amylovora (Burr.) Winsl. et al. Ir-Renju Unit ippreżenta informazzjoni li turi li l-Erwinia amylovora (Burr.) Winsl. et al. issa hija stabbilita wkoll f'partijiet tal-Irlanda ta' Fuq u talab għar-revoka tal-istatus ta' żona protetta għat-territorju kollu tal-Irlanda ta' Fuq. Għalhekk, jenħtieġ li l-Irlanda ta' Fuq ma tibqax tiġi rikonoxxuta bħala parti miż-żona protetta tar-Renju Unit fir-rigward ta' Erwinia amylovora (Burr.) Winsl. et al.

(12)

It-territorji tal-Irlanda, tal-Litwanja, tas-Slovenja u tas-Slovakkja, bl-eċċezzjoni ta' ċerti żoni, ġew rikonoxxuti bħala żoni protetti fir-rigward tal-Erwinia amylovora (Burr.) Winsl. et al. sat-30 ta' April 2018. Minn aktar informazzjoni pprovduta mill-Irlanda, mil-Litwanja, mis-Slovenja u mis-Slovakkja jidher li t-tifqigħat sporadiċi u iżolati ta' dak l-organiżmu ta' ħsara f'xi partijiet taż-żona protetta nqerdu jew qed jinqerdu u li l-kumplament tat-territorji tagħhom, bl-eċċezzjoni ta' ċerti żoni, għadu ħieles minn dak l-organiżmu ta' ħsara. Dik l-informazzjoni turi wkoll li s'issa l-ebda qerda tat-tifqigħa ma damet aktar minn sentejn. Madankollu, jeħtieġ li jsir aktar stħarriġ. Dak l-istħarriġ jenħtieġ li jiġi mmonitorjat ulterjorment minn esperti taħt l-awtorità tal-Kummissjoni. Għalhekk, jenħtieġ li t-territorji tal-Irlanda, tal-Litwanja, tas-Slovenja u tas-Slovakkja, bl-eċċezzjoni ta' ċerti żoni, jiġu rikonoxxuti bħala żoni protetti fir-rigward tal-Erwinia amylovora (Burr.) Winsl. et al. sat-30 ta' April 2020.

(13)

It-territorju tar-Renju Unit ġie rikonoxxut sat-30 ta' April 2018 bħala żona protetta fir-rigward tal-Xanthomonas arboricola pv. pruni (Smith) Vauterin et al. Minn aktar informazzjoni pprovduta mir-Renju Unit, jidher li t-tifqigħat sporadiċi u iżolati ta' dak l-organiżmu ta' ħsara f'xi partijiet taż-żona protetta nqerdu jew qed jinqerdu u li l-kumplament tat-territorji tagħhom, bl-eċċezzjoni ta' ċerti żoni, għadu ħieles minn dak l-organiżmu ta' ħsara. Dik l-informazzjoni turi wkoll li s'issa l-ebda qerda tat-tifqigħa ma damet aktar minn sentejn. Madankollu, jeħtieġ li l-isforzi għall-qerda jisskotaw u li jsir aktar stħarriġ. Dak l-istħarriġ jenħtieġ li jiġi mmonitorjat ulterjorment minn esperti taħt l-awtorità tal-Kummissjoni. Għalhekk, jenħtieġ li r-rikonoxximent tar-Renju Unit bħala żona protetta fir-rigward tal-Xanthomonas arboricola pv. pruni (Smith) Vauterin et al. jiġi estiż sal-30 ta' April 2020.

(14)

L-Irlanda ġiet rikonoxxuta sat-30 ta' April 2018 bħala żona protetta fir-rigward taċ-Ceratocystis platani (J.M. Walter) Engelbr. & T.C. Harr. Minn aktar informazzjoni pprovduta mill-Irlanda, jidher li t-territorju tagħha għadu ħieles minn dak l-organiżmu ta' ħsara. Għalhekk, jenħtieġ li l-Irlanda tiġi rikonoxxuta bħala żona protetta fir-rigward ta' dawk l-organiżmi ta' ħsara mingħajr ebda limitu ta' żmien.

(15)

It-territorju tal-Irlanda ta' Fuq fir-Renju Unit ġie rikonoxxut bħala żona protetta fir-rigward tal-Gremmeniella abietina (Lag.) Morelet. Ir-Renju Unit ippreżenta informazzjoni li turi li l-Gremmeniella abietina (Lag.) Morelet issa hija stabbilita fl-Irlanda ta' Fuq. Għalhekk, jenħtieġ li l-Irlanda ta' Fuq ma tibqax tiġi rikonoxxuta bħala żona protetta fir-rigward tal-Gremmeniella abietina (Lag.) Morelet.

(16)

It-territorju tal-Greċja, bl-eċċezzjoni ta' ċerti Unitajiet Reġjonali, ġie rikonoxxut bħala żona protetta fir-rigward tal-vajrus tristeza taċ-ċitru (varjanti Ewropej). Il-Greċja ppreżentat informazzjoni li turi li l-vajrus tristeza taċ-ċitru (varjanti Ewropej) issa huwa stabbilit ukoll fl-Unitajiet Reġjonali ta' Arta u Lakonia. Għalhekk, jenħtieġ li l-Unitajiet Reġjonali ta' Arta u Lakonia ma jibqgħux jiġu rikonoxxuti bħala parti miż-żona protetta tal-Greċja fir-rigward tal-vajrus tristeza taċ-ċitru (varjanti Ewropej).

(17)

L-Iżvezja ġiet rikonoxxuta bħala żona protetta fir-rigward tal-vajrus li jdebbel u jtebba' t-tadam (Tomato spotted wilt virus). L-Iżvezja talbet ir-revoka tal-istatus tagħha ta' żona protetta minħabba livell insuffiċjenti ta' benefiċċju ekonomiku kontinwu. Għalhekk, jenħtieġ li l-Iżvezja ma tibqax tiġi rikonoxxuta bħala żona protetta fir-rigward tal-vajrus li jdebbel u jtebba' t-tadam (Tomato spotted wilt virus).

(18)

Għal raġunijeit ta' ċarezza, jenħtieġ li l-Anness tar-Regolament (KE) Nru 690/2008 jiġi sostitwit kollu kemm hu.

(19)

Għalhekk, jenħtieġ li r-Regolament (KE) Nru 690/2008 jiġi emendat skont dan.

(20)

Billi ċerti żoni ġew rikonoxxuti bħala żoni protetti skont ir-Regolament (KE) Nru 690/2008 sat-30 ta' April 2018, jenħtieġ li dan ir-Regolament japplika mill-1 ta' Mejju 2018 sabiex tkun żgurata l-kontinwità legali u sabiex jiġi evitat ix-xkiel fil-kummerċ.

(21)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf.