17.5.2018   

MT

Il-Ġurnal Uffiċjali tal-Unjoni Ewropea

L 122/14

(1)

Fit-8 ta' Marzu 2018, l-Istati Uniti tal-Amerka (“l-Istati Uniti”) adottaw miżuri ta' salvagwardja fl-għamla ta' żieda fit-tariffa fuq l-importazzjonijiet ta' ċerti prodotti tal-azzar u tal-aluminju, effettiva mit-23 ta' Marzu 2018 u b'durata illimitata. Fit-22 ta' Marzu, id-data effettiva taż-żieda fit-tariffa fir-rigward tal-Unjoni Ewropea ġiet differita għall-1 ta' Mejju 2018.

(2)

Minkejja li l-Istati Uniti kkaratterizzaw dawn il-miżuri bħala miżuri ta' sigurtà, essenzjalment dawn huma miżuri ta' salvagwardja. Jikkonsistu f'azzjoni korrettiva li tfixkel il-bilanċ tal-konċessjonijiet u l-obbligi li jirriżultaw mill-Ftehim tal-Organizzazzjoni Dinjija tal-Kummerċ (WTO) u jirrestrinġu l-importazzjonijiet għall-fini tal-protezzjoni tal-industrija domestika kontra l-kompetizzjoni barranija, f'ġieħ il-prosperità kummerċjali ta' dik l-industrija. L-eċċezzjonijiet tas-sigurtà tal-Ftehim Ġenerali dwar it-Tariffi u l-Kummerċ tal-1994 (“il-GATT tal-1994”) la japplikaw u lanqas jiġġustifikaw tali miżuri ta' salvagwardja, u ma għandhom l-ebda rilevanza fuq id-dritt tal-ibbilanċjar mill-ġdid skont id-dispożizzjonijiet rilevanti tal-Ftehim tad-WTO.

(3)

Il-Ftehim tad-WTO dwar is-Salvagwardji jipprevedi d-dritt ta' kull Membru esportatur milqut minn miżura ta' salvagwardja li jissospendi l-applikazzjoni ta' konċessjonijiet sostanzjalment ekwivalenti jew ta' obbligi oħra għall-kummerċ tal-Membru tad-WTO li japplika l-miżura ta' salvagwardja, dment li ma tintlaħaq ebda soluzzjoni sodisfaċenti matul il-konsultazzjonijiet u li l-Kunsill tad-WTO għall-Kummerċ fil-Merkanzija ma jkunx kontra dan.

(4)

Il-konsultazzjonijiet bejn l-Istati Uniti u l-Unjoni kif previsti fl-Artikoli 8 u 12.3 tal-Ftehim tad-WTO dwar is-Salvagwardji ma laħqu ebda soluzzjoni sodisfaċenti (2).

(5)

Is-sospensjoni mill-Unjoni ta' konċessjonijiet sostanzjalment ekwivalenti jew ta' obbligi oħra għandha ssir wara li jaslu fi tmiemhom it-30 jum wara n-notifika tagħha lill-Kunsill għall-Kummerċ fil-Merkanzija, dment li l-Kunsill għall-Kummerċ fil-Merkanzija ma jkunx kontra dan. Il-Ftehim tad-WTO jippermetti l-eżerċitar tad-dritt tas-sospensjoni (a) immedjatament, dment li l-miżura ta' salvagwardja ma tkunx ittieħdet b'riżultat ta' żieda assoluta fl-importazzjonijiet, jew ma tkunx tikkonforma mad-dispożizzjonijiet rilevanti tal-Ftehim tad-WTO, jew (b) wara li jiskadi perjodu ta' tliet snin mill-applikazzjoni tal-miżura ta' salvagwardja.

(6)

Il-Kummissjoni teżerċita d-dritt li tissospendi l-applikazzjoni ta' konċessjonijiet sostanzjalment ekwivalenti jew ta' obbligi oħra bl-intenzjoni ta' bbilanċjar mill-ġdid tal-konċessjonijiet jew ta' obbligi oħra fir-relazzjonijiet kummerċjali ma' pajjiżi terzi, abbażi tal-Artikolu 4(1) tar-Regolament (UE) Nru 654/2014. L-azzjoni adattata hija f'għamla ta' miżuri tal-politika kummerċjali li jistgħu jkunu jikkonsistu minn, fost l-oħrajn, is-sospensjoni tal-konċessjonijiet għat-tariffi u l-impożizzjoni ta' dazji doganali ġodda jew miżjuda.

(7)

Hija u tfassal u tagħżel il-miżuri adattati ta' politika kummerċjali, il-Kummissjoni tapplika l-kriterji oġġettivi f'konformità mal-Artikolu 4(2)(c) u l-Artikolu 4(3) tar-Regolament (UE) Nru 654/2014, li jinkludu skont ir-rilevanza, il-proporzjonalità ta' kull miżura, il-potenzjal tagħhom li joffru solliev għall-industriji tal-Unjoni milquta mill-miżuri ta' salvagwardja, u l-għan li l-impatt ekonomiku negattiv fuq l-Unjoni jkun imminimizzat, inkluż fir-rigward tal-materja prima essenzjali.

(8)

F'konformità mal-Artikolu 9 tar-Regolament (UE) Nru 654/2014, il-Kummissjoni tat opportunità lill-partijiet ikkonċernati li jesprimu l-fehmiet tagħhom u jippreżentaw informazzjoni li tirrigwarda l-interessi ekonomiċi tal-Unjoni f'dan ir-rigward (3).

(9)

Il-miżuri ta' salvagwardja tal-Istati Uniti għandhom il-kapaċità li jkollhom impatt ekonomiku negattiv konsiderevoli fuq l-industriji tal-Unjoni kkonċernati. Dawn jillimitaw b'mod sinifikanti l-esportazzjonijiet tal-Unjoni tal-prodotti kkonċernati tal-azzar u tal-aluminju lejn l-Istati Uniti. L-importazzjonijiet milquta tal-Unjoni tal-prodotti rilevanti tal-azzar u tal-aluminju kienu jammontaw għall-valur ta' minn tal-anqas EUR 6,41 biljun fl-2017 (li minnhom EUR 5,30 biljun kienu f'importazzjonijiet totali ta' azzar u EUR 1,11 biljun f'importazzjonijiet totali tal-aluminju).

(10)

Għaldaqstant, sospensjoni tal-konċessjonijiet tal-kummerċ fuq ċerti prodotti sa livell li jirrifletti u ma jaqbiżx l-ammont li jkun jirriżulta mill-applikazzjoni tad-dazji tal-Istati Uniti fuq l-importazzjonijiet tal-prodotti tal-azzar u tal-aluminju mill-Unjoni fl-Istati Uniti tirrappreżenta sospensjoni adattata tal-applikazzjoni tal-konċessjonijiet tal-kummerċ sostanzjalment ekwivalenti f'konformità mal-Ftehim tad-WTO dwar is-Salvagwardji.

(11)

Sussegwentement, permezz ta' att ta' implimentazzjoni separat, il-Kummissjoni tista' tiddeċiedi li timplimenta s-sospensjoni tal-applikazzjoni tal-konċessjonijiet tal-kummerċ, jekk ikun hemm bżonn jew sa fejn ikun hemm bżonn, permezz tal-applikazzjoni ta' dazji doganali addizzjonali fuq ċerti prodotti li joriġinaw fl-Istati Uniti importati fl-Unjoni. Jenħtieġ li l-Kummissjoni tiddeċiedi fuq il-kamp ta' applikazzjoni, u b'riflessjoni tar-rekwiżiti taż-żmien deskritti fil-premessa (5), skont jekk l-Istati Uniti jeskludux ċerti prodotti jew kumpaniji mill-miżuri ta' salvagwardja.

(12)

Filwaqt li jkunu riflessi r-rekwiżiti taż-żmien deskritti fil-premessa (5), jenħtieġ li japplikaw id-dazji doganali addizzjonali, jekk ikun hemm bżonn jew sa fejn ikun hemm bżonn, f'żewġ stadji. Fl-ewwel stadju, id-dazji ad valorem ta' rata massima ta' 25 % fuq importazzjonijiet tal-prodotti elenkati fl-Anness I, jistgħu jiġu applikati immedjatament u sakemm l-Istati Uniti jieqfu japplikaw il-miżuri ta' salvagwardji tagħhom għall-prodotti mill-Unjoni.

(13)

L-ammont totali ta' dazji ad valorem fl-ewwel stadju jirrifletti ż-żieda fit-tariffa tal-Istati Uniti ta' 25 % fuq l-importazzjonijiet ta' “prodotti ċatti tal-karbonju u tal-azzar illigat” u “prodotti twal tal-karbonju u tal-azzar illigat” (4) mill-Unjoni fl-Istati Uniti (valur totali ta' EUR 2,83 biljun f'importazzjonijiet tal-Unjoni fl-Istati Uniti fl-2017). Dawn huma l-prodotti tal-azzar li dwarhom il-miżuri ta' salvagwardja tal-Istati Uniti ma ttieħdux minħabba żieda assoluta fl-importazzjonijiet.

(14)

Fit-tieni stadju, dazji ad valorem addizzjonali ulterjuri ta' rata massima ta' 10 %, 25 %, 35 % u 50 % fuq l-importazzjonijiet tal-prodotti elenkati fl-Anness II, jistgħu jiġu applikati mit-23 ta' Marzu 2021 jew malli sseħħ l-adozzjoni ta' deċiżjoni mill-Korp għas-Soluzzjoni tat-Tilwim tad-WTO li l-miżuri ta' salvagwardja tal-Istati Uniti huma inkonsistenti mad-dispożizzjonijiet rilevanti tal-Ftehim tad-WTO, jew malli jkun innotifikat biha, jekk dan iseħħ qabel, sakemm il-miżuri ta' salvagwardja tal-Istati Uniti jieqfu japplikaw.

(15)

L-ammont totali ta' dazji ad valorem fit-tieni stadju jirrifletti ż-żieda fit-tariffa tal-Istati Uniti ta' 10 % fuq l-importazzjonijiet tal-prodotti tal-aluminju (5) u ta' 25 % fuq l-importazzjonijiet ta' “prodotti ta' pajpijiet u tubi tal-karbonju u tal-azzar illigat”, “prodotti nofshom maħduma tal-karbonju u l-azzar illigat” u “prodotti tal-azzar inossidabbli” (6) mill-Unjoni fl-Istati Uniti (valur totali ta' EUR 3,58 biljun f'importazzjonijiet tal-Unjoni fl-Istati Uniti fl-2017 li minnu EUR 2,47 biljun huma importazzjonijiet tal-azzar u EUR 1,11 biljun huma importazzjonijiet tal-aluminju). Dawn huma l-prodotti li jidher li kien hemm żieda assoluta fl-importazzjonijiet tagħhom.

(16)

Il-miżuri ta' politika kummerċjali u l-prodotti kkonċernati ntgħażlu f'konformità mal-kriterji tal-Artikolu 4(2)(c) u (3) tar-Regolament (UE) Nru 654/2014.

(17)

Billi ma jaqbżux il-valur tal-importazzjonijiet tal-Unjoni milquta mill-miżuri ta' salvagwardja kif deskritt fil-premessi (9) u (10), il-miżuri ta' politika kummerċjali huma proporzjonati mal-effett tal-miżuri ta' salvagwardja tal-Istati Uniti u mhumiex eċċessivi. Apparti hekk, wieħed josserva li hija biss frazzjoni tal-valur totali disponibbli li inizjalment se tkun eżerċitata, kif deskritt fil-premessi (12) u (13).

(18)

Il-miżuri ta' politika kummerċjali għandhom ikunu ta' ftit solliev għall-industriji tal-azzar u tal-aluminju tal-Unjoni milquta mill-miżuri ta' salvagwardja tal-Istati Uniti.

(19)

Jenħtieġ li l-miżuri ta' politika kummerċjali japplikaw għall-importazzjonijiet ta' prodotti li joriġinaw fl-Istati Uniti li l-Unjoni mhijiex sostanzjalment dipendenti fuqhom għall-provvista tagħha. Il-miżuri ta' politika kummerċjali jistgħu japplikaw ukoll fir-rigward tas-setturi tal-azzar u tal-azzar u l-aluminju. Dan l-approċċ jevita kemm jista' jkun impatt negattiv fuq l-atturi diversi fis-suq tal-Unjoni, inklużi l-konsumaturi.

(20)

Prodotti li qabel id-data li fiha daħal fis-seħħ dan ir-Regolament kienet inħarġitilhom liċenzja ta' importazzjoni b'eżenzjoni mid-dazju jew bi tnaqqis minnu, jenħtieġ li ma jkunux soġġetti għal dawn id-dazji doganali addizzjonali.

(21)

Prodotti li dwarhom l-importaturi jistgħu jippruvaw li ġew esportati mill-Istati Uniti lejn il-Unjoni qabel id-data ta' applikazzjoni tad-dazji doganali addizzjonali jenħtieġ li ma jkunux soġġetti għad-dazji doganali addizzjonali.

(22)

Dan ir-Regolament huwa bla preġudizzju għall-kwistjoni tal-konsistenza tal-miżuri ta' salvagwardja tal-Istati Uniti mad-dispożizzjonijiet tal-Ftehim tad-WTO.

(23)

Fid-dawl tal-limiti ta' żmien applikabbli tad-WTO u tan-natura preliminari ta' dan l-att, ikun jixraq li dan ikun jenħtieġ li jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(24)

Il-miżuri previsti f'dan ir-Regolament huma skont l-opinjoni tal-Kumitat dwar l-Ostakoli għall-Kummerċ, imwaqqaf permezz tar-Regolament (UE) 2015/1843 tal-Parlament Ewropew u tal-Kunsill (7),

(a)

Fl-ewwel stadju, dazju ad valorem addizzjonali ta' rata massima ta' 25 % jista' jiġi applikat fuq l-importazzjonijiet tal-prodotti elenkati fl-Anness I mill-20 ta' Ġunju 2018.

(b)

Fit-tieni stadju, dazju ad valorem addizzjonali ulterjuri ta' rata massima ta' 10 %, 25 %, 35 % jew 50 % jista' jiġi applikat fuq l-importazzjonijiet tal-prodotti elenkati fl-Anness II: